VOAL

VOAL

Please Wait ...
0%

Hyn në fuqi marrëveshja e tregtisë së lirë midis Kosovës e Turqisë

By | June 14, 2019

Komentet

“Lidhja” që po e rrënon në themel LDK-në e Rugovës! – Nga Florim Zeqa

 

Transformimi paradoksal i LDK-së në “Lidhja”, paraqet shkëputjen nga vizioni politik i Ibrahim Rugovës, paraqet shkëputjen nga historia dhe tradita demokratike e tri shkronjave të arta LDK, ku vlerat u zavëndësuan më antivlera, morali më imoralitet, drejtësia më padrejtësi, besa më tradhëti.

“Lidhja” e Isa Mustafës është lidhje e djajve, është lidhje e grupeve të interesit, e matrapazëve dhe interesgjinjëve, është lidhje e urithëve të nëntokës politike që u pasuruan duke u thirrur në vizionin Ibrahim Rugovës, duke u thirrur në gjakun e aktivistëve dhe veprimtarëve të vrarë të LDK-së në periudha të ndryshme, duke i larguar njëkohësisht nga LDK-ja themeluesit e saj, si dhe duke nxjerrur nga konkurenca zgjedhore veprimtarët më të devotshëm, analistët dhe gazetarët që mbrojten më dinjitet linjën politike të Ibrahim Rugovës.

Shëmbullin më të keq të rrënimit të frymës rugoviane në LDK është duke e shpërfaqë procesi i brendshëm zgjedhor, i shoqëruar më pakënaqësi të shumta brenda elektoratit, shkaku i shkeljeve të njëpasnjëshme statutore.
Kthimi i karrigëve në kuvendet zgjedhore të degëve dhe nëndegëve të LDK-së, e shpërfaqi situatën e mjerë në të cilën e kanë sjellë LDK-në e Rugovës grupet e interesit.
Këto grupe të interesit, janë karrieristë e frikacak që nuk janë të zotët ta largojnë “miun nga mustaqet” siq e thotë populli.
Nga paslufta e deri në fund të vitit 2017 (me një pauzë të shkurtër), edhe pse (bashk)qeverisën me vendin, nuk e patën guximin të inicojnë zbardhjen e as të një rasti të vetëm nga vargu i gjatë i vrasjeve politike të veprimtarëve të LDK-së, premtim ky i dhënë gjatë fushatave zgjedhore nga lideri aktual i LDK-së.

Shtyerja e kuvendit zgjedhor, produkt i mosmarrëveshjeve në LDK

Procesi i brendshëm zgjedhor në LDK, i filluar në fillim të marsit, i paraparë të përfundojë në fund të muajit maj, për shkaqe “shëndetësore” të kryetarit Mustafa shtyhet për një afat të papërcaktuar, derisa të riaftësohet lideri diktatorial për vazhdimin e mandatit, sipas praktikave të Plenumeve të PKJ-së, për të ruajtur vazhdimësinë e pionerit të Titos në krye të LDK-së.
Po ashtu, mbështetësit më besnik të liderit diktatorial janë ish strukturat e sistemit komunist; ish sekretarë partie, ish policë, ish gjykatës e prokuror e deri tek filiala e neokomunuistëve të RIINVEST-it, organizatë kjo e themeluar nga vetë Isa Mustafa për të mbuluar vjedhjet e “Fondit të 3 përqindëshit”.
Lansimi i propagandës së klanit të RIINVEST-it, se kinse “rizgjedhja e Isa Mustafës e shpëton LDK-në nga ndarja”, është pikërisht e tendencë për të arritur kundërtën e saj.
Klani RIINVEST janë grup i interesit që nuk kanë asgjë të përbashkët me LDK-në rugoviane.
Klani uzurpues i RIINVEST-it, përveq kapjes së partisë, e ka zhvesh komplet LDK-në nga e kaluara e saj, jo vetëm në emër (“Lidhja”) por edhe në përmbajtje (antidemokratike) me privatizimin e partisë.
Klani i RIINVEST-it, i njohur si klani i Isa Mustafës, është klani më i rrëzikshëm që po pengon ndryshimet dhe reformat demokratike në këtë parti.
Këtë po e dëshmon procesi zgjedhor në LDK, i cili po shoqërohet me përleshje fizike dhe fluturim të karrigëve në kuvendet zgjedhore të degëve dhe nëndegëve në kryeqytet dhe qendra tjera të Kosovës.
Akoma më e rënduar është situata në nëndegët dhe degët ku nuk ka pasur përleshje fizike, por ka pasur tërheqje nga aktiviteti i veprimtarëve më të devotshëm të filozofisë politike rugoviane në shenjë pakënaqësie ndaj zgjedhjeve nepotike dhe klanore nëpër degë,…të cilët për të mos e dëmtuar imazhin e partisë po largohen në heshtje, me shpirtë të thyer dhe zemër të plagosur.
Veprimtarët e orëve të para të LDK-së, që kanë sakrifikuar shumë për Kosovën, që kanë humbur edhe anëtarë të familjes nga vrasjet kriminale, janë duke i përjetuar tepër rëndë përleshjet fizike në kuvendet zgjedhore.

Rrugëtimi politik i Isa Mustafës, më shumë komunist e më pak kombëtar

Për rifreskim të memories së elektoratit të LDK-së, kryetari aktual i LDK-së ka mbajtur pozita pasluftës si anëtar i Bordit të UP’së, kryetar i Prishtinës, këshilltar i Presidentit, kryeministër. Paradoksalisht, lideri i “Lidhjes” Isa Mustafa është emëruar edhe “Akademik” pa asnjë vepër shkencore!
Përderisa para luftës kishte mbajtur pozitën e Ministrit të Financave në Qeverinë e Bujar Bukoshit. Edhe para kësaj kohe, në kohën e sistemit komunist jugosllav, përveqse pioner i Titos, Isa Mustafa kishte mbajtur pozitën Kryetarit të Këshillit Ekzekutiv të Prishtinës prej vitit 1984-88. Më pas, ishte pjesë e Qeverisë së drejtuar nga Jusuf Zejnullahu, 1989-1990.
Isa Mustafa, në krye të LDK-së erdhi përmes puçit politik duke rrëzuar Fatmir Sejdiun dhe duke sharë SHIK-un dhe PDK-në, me të cilët më vonë kishte lidhur marrëveshje të “natës” për t’u bërë vetë Kryeministër dhe për ta bërë Thaçin president si dhe shefin e SHIK-ut, Kadri Veselin kryeparlamentar.
Siq dihet, më vonë Kryetari i PDK-së, Kadri Veseli përmes mocionit në Kuvend e rrëzon nga pozita e kryeministrit liderin e vogël të LDK-së.
Megjithatë, ambiciet e Isa Mustafës nuk përfundojnë këtu. Për arritjen e postit të presidentit të vendit, Isa Mustafa është i gatshëm t’i futet përseri nën sqetull klanit “Pronto” dhe listës “Srpska”.

Me lider invalid, LDK-ja do të mbetët patericë politike

Mbajtja në krye të partisë e një lideri invalid, përkatësisht e një njeriu me aftësi të kufizuara, përveqse shprehje e mentalitetit të kaluar komunist, është mendësi e primitive e dhunimit të demokracisë së brendshme partiake.
Për më tepër se kaq, mbajtja e mëtutjeshme në krye të partisë, e njeriut që e dëmtoi më shumë se askush tjetër LDK-në, është veprim sa i dëmshëm, po aq shkatërrimëtarë për subjektin më të vjetër të skenës politike kosovare.
Përderisa partitë më të vogla, me liderë analfabet dhe handicap politik po qeverisin me vendin, subjekti më i vjetër politik-LDK-ja, me liderë invalidë është bërë edhe patericë e opozitarizmit kosovarë.
Eshtë pak më tepër se irrituese për qytetarët e Kosovës, të shohin partinë shtetndërtuese (LDK-në) si patericë të partive të vogla dhe liderëve uzurpator të shtetit të Kosovës.
Në rrethana normale, një humbës (serik) i zgjedhjeve siq është Isa Mustafa do duhej të ndiqte shëmbullin e liderit të PD-së në Shqipëri, z. Sali Berisha, i cili lëshoj timonin e partisë si akt moral të humbjes së zgjedhjeve.
Ndërsa Isa Mustafa, si në rrethana normale, ashtu edhe në ato abnormale (shkaku i shëndetit të kufizuar) nuk e ka ndërmend të largohet i gjallë nga kreu i LDK-së!
Pas shkuarjes në amshim të liderit shpirtëror të LDK-së, presidentit historik Ibrahim Rugova, rrahagjoksët e frymës rugoviane, pushtetin e shfrytëzuan vetëm për interesat e tyre personale, asnjëherë nuk u moren me problemet e qytetarëve, e më së paku me zbardhjen e vrasjes së bashkëpartiakëve të tyre.
Ndryshimin pozitiv për vendin nuk do të sjellin ata që ishin dhe janë akoma suporti më i madh i Hashim Thaçit, përkatësisht ata që ngritën duart lartë për votimin e Thaçit president dhe marrëveshjeve fatkeqe për vendin të nënshkruara nga ai.
Pa reformim e thellë dhe përnbajtësorë të LDK-së, jo vetëm që nuk do të ndodhë asnjëherë ndryshimi në këtë parti, do të kemi vetëm vazhdimësi, rikonfigurim dhe riciklim të figurave politike të klanit të Isa Mustafës.

Shpëtimi i LDK-së, largimi i Mustafës dhe sejmenëve të tij

Shpëtimi i LDK-së qëndron tek largimi i kryetarit Mustafa me klanin e tij nga strukturat udhëheqëse, gjegjësisht largimin e udhëheqjes klanore e nepotike të partisë.
Prej 31 majit të këtij viti, Isa Mustafa është duke mbajtur pozitën e shefit të Partisë jo vetëm në kundërshtim më vullnetin e elektoratit, por edhe në kundërshtim me aktin më të lartë juridik të LDK-së, që është Statuti, i cili saktëson se mandati i organeve udhëheqëse është katërvjeçar.
Për të qenë ironia më e madhe dhe dëshmia më bindëse se LDK-ja është e kontrolluar nga strukturat e SHIK-ut, është fakti i aprovimit të kërkesës së klanit të Isa Mustafëas nga KQZ-ja e kontrolluar nga pushteti për shtyerjen e Kuvendit të Përgjithshëm Zgjedhor të LDK-së derisa Isa Mustafa të riaftësohet për të qëndruar ulur në karrigën e tij gjatë kuvendit deri në përfundim të procesit zgjedhor.
“Nuk digjet jorgani për një plesht”, e thotë një falë e urtë popullore, andaj logjika e thjeshtë e kësaj thënje popullore, duhet t’i thërrasë ndërgjejgjës së pastër të elektoratit rugovian për largimin sa më parë të “pleshtit”, për të shpëtuar shtëpinë (LDK) nga rrënimi total i RIINVEST-it!
Kthimi i karrigëve në kuvendet zgjedhore lokale, është paralajmërim i keq për Kuvendin e Përgjithshëm Zgjedhor të LDK-së!

Ai është i pari në mesin e maratonistëve të LDK-së – Nga VAID ALIU

Lutfi Haziri, njëri nga mbështetësit dhe përkrahësit më të mëdhenj të Presidentit historik Dr. Ibrahim Rugova, është ndër figurat më të ndritshme dhe më të spikatura politike nga fund vitet e `80-ta e deri sot.

Që nga atëherë, Lutfi Haziri u shfaq i gatshëm t`i mbështeste projektet e mëdha për lirinë e vendit, madje me ndihmesa konkrete. Kishte marrë mbi vete detyrë t’i ndihmonte proceset e LDK-së. Gjithnjë gjente motiv dhe kohë për të marrë pjesë aktive në punët e partisë së shumëpritur dhe të posa formuar.

Në ato vite ndodhën zhvillime me rëndësi të veçantë për të ardhmen e shqiptarëve në Kosovë e më gjerë. Mbretëronte kauza për Republikën e Kosovës. Shkaku i kësaj kauze, që po përkrahej masivisht nga populli, shqiptarët, sistematikisht po largoheshin me dhunë nga puna.

Ndjehej një nevojë e madhe për bashkimin e shqiptarëve në Kosovë rreth një projekti të formësuar dhe të qartë politik, që identifikohej me LDK-në dhe presidentin Ibrahim Rugova.

Përkrah tij ishte rreshtuar edhe Lutfi Haziri, përkundër asaj që familja e tij ishte e vendosur në Zvicër, me kryefamiljarin, axhën Emrush, i cili u shqua për disa dekada me kontribute të shumta. Ai vendosi që stoikisht t’iu qëndrojë parimeve dhe bindjeve të veta patriotike për atdhe, duke marrë mbi vete detyra të tjera në lëvizjen e prirë nga LDK.

Të rrallë ishin ata aktivistë që hynin në rezidencën e kryetarit Rugova pa paralajmërim e pa përdor zilen, për dallim prej Lutfi Hazirit, të cilit, kjo e drejtë iu kishte dhënë nga kryetari Ibrahim Rugova. Arsyeja ishte se kishin horizontin e përbashkët politik.

Në të gjitha zgjedhjet doli fitues absolut, kundrejt kandidatëve të tjerë. Përderisa drejtoi pushtetin, sukseset e tij ishin dhe janë evidente. Infrastruktura e fshatit, gjithandej, është përmirësuar dukshëm, kurse qyteti po merr një pamje krejtësisht tjetër. Janë rregulluar rrugët, trotuaret, ujërat e zeza po sistemohen, ndriçimi publik, hyrje-daljet e qytetit me katër krosi, po ndërtohet autoudha Gjilan-Prishtinë, siç e kishte premtuar si dhe shumë të mira të tjera po ndodhin në Gjilan.

Rregullimi i shtratit të lumit Mirusha është mrekullia më e madhe që bëri Lutfi Haziri në Gjilan, duke e kthyer në një shesh modern një përroskë që kundërmonte me vite.

Kurdoherë u tregua i afërt me qytetarë dhe i gatshëm për t’i ndihmuar në të gjitha rrethanat. Ai i bashkon njerëzit nëpërmes punës dhe dijes. Haziri, mbi të gjitha është një personalitet me integritet të lartë moral, intelektual e qytetar, i ndjeshëm ndaj padrejtësive.

Haziri është i angazhuar edhe në zgjidhjen e çështjes së Luginës së Preshevës përmes përfilljes së vullnetit politik dhe të së drejtës themelore të popullatës shqiptare që jeton në trojet e veta. Asnjëherë nuk ka hequr dorë prej Luginës dhe asnjëherë nuk është ndalur së punuari e vepruari për të.

Haziri, kryetar aktual i Gjilanit, ka bërë atë që ka ditur më së miri, në mënyrën më të mirë të mundshme.

Lutfi Haziri është dhe do të mbetet i tillë, si njëri nga njerëzit përfundimisht të rrallë që ka dhënë dhe po jep kontribut të madh për Gjilanin dhe Kosovën.

(Autori është jurist i diplomuar)

TIKA dhuron 1050 koshere bletësh në Podujevë

Agjencia Turke për Zhvillim dhe Koordinim (TIKA), ka dhuruar sot 1050 koshere bletësh dhe pajisje ndihmuese për blegtori në Dumnicë të Ulët të Podujevës në Kosovë, raporton Anadolu Agency (AA).

Dhurimi i materialeve u bë në kuadër të Projektit për Zhvillimin e Bletarisë së Qëndrueshme dhe Produkteve të Bletës të implementuar nga TIKA si pjesë e Programit për Siguri të Ushqimit dhe Jetesës.

Ambasadori i Turqisë në Kosovë, Çağrı Sakar, tha se Turqia e ka një politikë të jashtme sipërmarrëse dhe humanitare, ndërsa këto projekte të TIKA-s, po e shtrojnë dorën vëllazërore të Turqisë.

Sakar tha se kjo mbështetje do të ndikojë në rritje ekonomike në Komunën e Podujevës me rreth gjysmë milioni euro në afat kohor prej tre vjetësh.

 

“Në këtë mbështetje të ofruar nga TIKA, në një afat tre vjeçar ekonomia e Komunës së Podujevës llogaritet që do të përkrahet me më shumë se gjysmë milioni euro. Me këtë përkrahje synohet që të mbështeten ekonomitë familjare të Podujevës, rritja e mundësive të punësimit, zbutja e papunësisë si dhe rritja e prodhimtarisë në zonat rurale”, tha Sakar.

Kryetari i Shoqatës së Bletarëve “E Bukura Mbretëreshë” në Podujevë, Hilmi Syla, duke e falënderuar TIKA-n për ndihmën tha se shoqata që udhëheq ai ka pasur një bashkëpunim të ngushtë me TIKA-n, ndërsa është privilegjuar edhe nga drejtoria e Bujqësisë së Podujevës.

“Kjo ndihmë, nga shoqata turke dhe nga populli turk nuk është vetëm në fushën e bletarisë, por në çdo pore të jetës”, tha Syla.

Drejtori i Bujqësisë në Komunën e Podujevës, Vezir Januzi, tha se ndihma e TIKA-s është mjaft me rëndësi për Komunën e Podujevës si dhe fermerët e kësaj ane.

Gjithashtu i pranishëm gjatë dhurimit të këtyre materialeve ishte i pranishëm edhe koordinatori i TIKA-s në Prishtinë, Hasan Burak Ceran.

“Të dashur fermerë, vërtetë meritoni një përkrahje edhe nga ne si institucione, por edhe nga donatorët tjerë, sepse përkushtimi juaj në vendin tonë, edhe në Podujevë, edhe në Kosovë është çdo ditë duke gjeneruar vende të reja të punës”, tha Januzi.

TIKA nga viti 2015 ka filluar të implementojë Programin për Siguri të Ushqimit dhe Jetesës, duke ndihmuar në fushën e bujqësisë dhe blegtorisë. Në këtë program i cili synon përfshirjen e 5.000 familjeve në gjithë rajonin e Ballkanit Kosova është përfshirë nga viti 2017.

Kiçmari – Thaçit: Nuk mjafton shkarkimi i këshilltarit të BIA-s, jep dorëheqje edhe vetë

Ish-Ambasadori i Kosovës në Austri, Sabri Kiçmari, i jep leksione presdientit Hashim Thaçi se çka duhet bërë kur kabineti i tij përfshihet në skandale. Ai përmend ish -kancelarin gjerman Willy Brandt, se si kishte dhënë kur në kabinetin e tij ka depërtuar një spiun. Shembull ky, i etikës politike.

Pas raportimit të televizionit T7, presidenti i Kosovës, Hashim Thaçi, ka vendosur që të shkarkojë nga posti i këshilltarit, Branislav Nikolicin, shkruan Gazeta Express.Televizioni T7 kishte raportuar se Nikolic kishte qenë pjesë e shërbimit të Inteligjencës së Serbisë (BIA).

Mirëpo, Kiçmari, thotë se nuk mjafton vetëm shkarkimi i këshilltarit. Ai ka dhënë një shembull se çka ndodhi me kancelarin gjerman Willy Brandt kur në kabinetin e tij kishte depërtuar një spiun.

“Më 6. Maj të vitit 1974 dha dorëheqje një nga kancelarët më të suksesshëm të Republikës Federale të Gjermanisë z. WiIly Brandt. Dorëheqja e tij ishte një akt i marrjes së përgjegjësisë, si shef i Qeverisë Federale, pasi që u vërtetua se në Kabinetin e tij kishte depërtuar spiuni i STAS-it Günter Guillaume. Ja edhe një shembull tjetër i etikës politike, nga i cili do të duhej të mësoj presidenti”, shkruan Kiçmari, transmeton Gazeta Express.

Nikolic ka punuar si këshilltar i presidentit Hashim Thaçi që nga viti 2016.

Në njoftimin për shkarkimin e tij, zyra e Thaçit thonë se nuk kanë pasur informacione paraprake lidhur me zyrtarin që ka këshilluar presidentin për tre vite rresht.

“Zyra e Presidentit të Republikës së Kosovës konfirmon se nuk ka pasur asnjë informacion paraprak dhe zyrtar nga institucionet e sigurisë në Kosovë për përfshirjen e mundshme të z. Branislav Nikolic në aktivitete të dyshimta, për të cilat është raportuar në media”.

Megjithatë nga zyra e Thaçit thonë se bazuar në raportimet e mediave, e kanë liruar nga detyra, Branislav Nikolicin.

“Përkundër kësaj, Zyra e Presidentit i merr seriozisht raportimet e mediave për përfshirjen e mundshme z. Nikolic në aktivitete të dyshimta, qofshin ato të natyrës kriminale ose që cenojnë sigurinë kombëtare.Nisur nga parimi i respektimit të ligjit dhe për t’i dhënë hapësirë autoriteteve të sigurisë që të kryejnë hetime të pavarura për këtë rast, Presidenti i Republikës së Kosovës, Hashim Thaçi, bazuar në kompetencat e tij kushtetuese dhe ligjore, ka liruar sot nga detyra e Këshilltarit Politik, z. Branislav Nikolic​”, thuhet tutje në njoftim.

“Presidenti Thaçi mbetet i përkushtuar në avancimin e të drejtave të komuniteteve joshqiptare dhe përfaqësimit të tyre në të gjitha nivelet e qeverisë qendrore dhe lokale, bazuar në Kushtetutën e Republikës së Kosovës. Rasti konkret është thjesht çështje e sundimit të rendit dhe ligjit”, thuhet në fund të njoftimit./Express/

Jep dorëheqje ministri i PDK-së në qeverinë e Kosovës, Besim Beqaj

Ministri i Inovacionit dhe Ndërmarrësisë në qeverinë e Kosovës, Besim Beqaj, dha sot dorëheqje nga posti i tij.

Dorëheqja e tij, pasoi vendimin e kryetarit të Partisë Demokratike të Kosovës, Kadri Veseli, pjesë e së cilës është edhe ministri Beqaj, për të liruar postet në institucionet e vendit nga të gjithë zyrtarët me aktakuza të ngritura për korrupsion.

Besim Beqaj, që është zyrtar i lartë në Partinë Demokratike, së bashku me zëvendësministrin e Mbrojtjes, Agim Çeku dhe këshilltarin e Kadri Veselit, Njazi Kryeziu, janë pjesë e një procesi gjyqësor në një rast përgjimesh, që u bë i njohur si rasti “Pronto” për shkak të përdorimit të kësaj fjale gjatë bisedave të përgjuara.

Në një konferencë për gazetarë, tashmë ish ministri Besim Beqaj tha se ka vendosur të respektojë vendimin e partisë por hodhi poshtë akuzat ndaj tij.

“Jam i bindur që këto aktakuza janë të pabazuara në fakte dhe argumente ligjore dhe se drejtësia do të vërtetojë këtë. Unë besoj që drejtësia do ta vërtetojë pafajësinë time. Aktakuza që unë përballem ka një mal të metash që në fillim është aplikuar si një drejtësi selektive. Gjatë angazhimit tim politik jam udhëhequr nga dy ndarje themelore zbatimi i ligjit dhe profesionalizimi”, tha zoti Beqaj.

Vendimi i Partisë Demokratik për të larguar zyrtarët e saj me aktakuza është mirëpritur nga shefja e zyrës së Bashkimit Evropian në Kosovë, Natalya Apostolova, e cila shkroi në rrjetet sociale se pret që “ky standard të zbatohet në të gjithë spektrin politik dhe nga të gjitha partitë në Kosovë”.

Kosova vazhdon të kritikohet për mungesë të vullnetit për të luftuar korrupsionin, ndërsa ambasadorët perëndimorë në Kosovë kanë shtuar kritikat kohëve të fundit ndaj institucioneve të vendit për emërimet e zyrtarëve të dënuar për krime lufte dhe me aktakuza të ngritura nëpër gjykata. za

Mjaftë me duartrokitje?! – Nga Skënder MULLIQI

Në pa lumturinë njerëzore ndikojnë shumë faktorë objektiv dhe subjektiv. Asgjë në këtë botë nuk mund ti bëjë të vuajtur fëmijët sa prindërit e pa lumtur. Kjo ndikon në gjendjën emocionale të tyre, në disponimin e tyre. Fëmijët shohin gjithçka, dinë dhe përjetojnë. Dhe, asgjë nuk i bën më shumë që ata të mos kan disponim të mirë, sa gjendja ekonomike në familje. Sado që prindërit mundohen të gjejnë fjalë ngushëlluese të fëmijët kjo nuk kalon, nuk ka mundësi të mashtrohen .Fëmijët janë të lumtur kur prindërit janë të lumtur. Lumturinë e tyre nuk e zëvëndësojnë as dhuratat e mira, as dalja në sheti dhe as koncertet …
Në Kosovë shumë prindër më fëmjët e tyre janë duke përjetuar gjendje të rënd shpirtërore, psikologjike, morale , materjale… Nuk po kan përjetime të mira së shumica nuk po i kanë gjerat elementare për jetë. Ku ta marrin disponimin e mirë prindërit e fëmijëve të cilët po jetojnë në gjendje të veshtirë materjale ? Ku të gjejnë ngushëllim dhe si kan të bëhën të lumtur fëmijët kur i shohin prindërit duke u rropatur që t’i sugurojnë ushqimin edhe për një ditë të vetme? Shumë kush këtë gjendje depresionuese është duke e paguar edhe më vdekje të para kohshme …
Profiterët e caktuar të grupeve të partive politike të cilët ishin ne pushtet për 20 vite, janë mësuar me iu bë duartrokitje e paten mirë ose jo. Të gjithë ata që po marrin guximin qytetarë t’i kundershtojnë po i paraqesin si kusling e çka mos tjetër. Këta po mendojnë së janë njerëz gjenial, e që tash e një kohë të gjatë Kosovën e kan futur në rrugë të rrezikshme , duke u pru në pyetje edhe kapitulimin e shtetit te ri të Kosovës.
Kapitulimi është nocion politik e ushtarakë, kur shteti apo formacionet ushtarake në kohë të luftës ose në rast të konfliktit apo edhe pas luftës, pranojnë kapitulimin para palës kundërshtare, duke u dorëzuar më njerëz dhe të gjithë pregaditjën ushtarake armikut në rrethana të caktuara. E vura këtë paralele edhe pse Kosova nuk është në luftë më Serbinë fizikisht, por së luftën e fituar kunder Serbisë më miqët tanë në botë, jemi duke e vu seriozisht në pëshore . Po na ndodhin ndryshime negative të karakterit tektonik, ti quaj ashtu.
Thënë shkurt po jetojmë në një shoqëri e cila pakica autoritare po e drejton shumicën. Ky rreshtim totalitarë, ka mbrapa edhe rreshtimin ideologjik. Kjo doktrinë na ka futur në telashe të mëdha. Vetëm ata që janë në shërbim të qytetarëve janë patriotët e mirëfilltë. Shërbimi karshi popullit bëhët kur gjerat vihen në rrugën e mbarë, e jo më fiksione te ndryshme negative …Koha nuk na pret…

Kosova në betejë me Serbinë për INTERPOL

Bekim Bislimi

Arritja e qëllimit të Kosovës për t’u anëtarësuar në Organizatën Ndërkombëtare Policore INTERPOL, do të jetë një sfidë mjaft e vështirë për vendin dhe institucionet e tij, vlerësojnë zyrtarë të Qeverisë së Kosovës dhe njohës të fushës së marrëdhënieve ndërkombëtare.

Kosova ka parashtruar sërish kërkesën për anëtarësim në INTERPOL, më 31 janar të këtij viti dhe siç patën konfirmuar zyrtarët e Qeverisë së Kosovës, kjo kërkesë është pranuar nga INTERPOL-i.

Zëvendësministri i Punëve të Jashtme i Kosovës, Anton Berisha, thotë se çështja e anëtarësimit të Kosovës në INTERPOL nuk është vetëm çështje politike, por më shumë teknike, e cila ndërlidhet me standardet që i kërkon Bashkimi Evropian, në raport me luftimin e korrupsionit, krimit të organizuar dhe terrorizmit.

“Po sigurisht që do të jetë sfiduese në qoftë se Serbia vazhdon me të njëjtin ritëm sikur herën e kaluar. Bashkimi Evropian dhe strukturat përkatëse do të duhej të bënin presionin e nevojshëm ndaj Serbisë që të mos krijojë pengesa sikurse herën e kaluar. Në anën tjetër, ne jemi duke i vazhduar me procedurat standarde teknike, sepse në thelb kjo është çështje teknike, është çështje e një institucioni që ka të bëjë me sigurinë dhe sot, në rrethanat që jetojmë, siguria e një shteti nuk është vetëm e atij shteti, por është edhe siguri për rajonin dhe më gjerë”, tha Berisha.

Njohësit e zhvillimeve në vend, vlerësojnë se i gjithë procesi për anëtarësim të Kosovës në INTERPOL, do të jetë sfidë e madhe.

Afrim Hoti, profesor i të Drejtës Ndërkombëtare në Universitetin e Prishtinës, duke folur për Radion Evropa e Lirë, shpreh mendimin që në procesin e anëtarësimit në INTERPOL, Kosova do ta ketë një situatë edhe më të komplikuar sesa që e kishte në tentimin e kaluar, kur pati një rezultat të pafavorshëm.

“Është vërtetë për të ardhur keq, një lloj ngecjeje, një lloj tërheqjeje e institucioneve të Kosovës, për të mos ndërmarrë veprime për ta përmirësuar situatën, hiq këtu çështjen e taksës. Mendoj që kemi bërë gabim të jashtëzakonshëm pse nuk e kemi ngritur çështjen e Marrëveshjes së prillit të vitit 2013, që parasheh, në mes tjerash, heqjen e çdo obstruksioni që palët mund t’ia bëjnë njëra-tjetrës për anëtarësim në organizatat ndërkombëtare. Nga hera e parë e derë më tash nuk është ndërmarrë asnjë veprim konkret dhe unë e shoh si shumë të komplikuar situatën”, theksoi Hoti.

Ai ka shtuar se në rastin më të keq, nëse Kosova nuk do të arrinte të anëtarësohet edhe kësaj radhe në INTERPOL, kjo do të ishte një ‘bumerang’ për të dhe për një gjë të tillë duhet të kërkohet përgjegjësi institucionale.

Në anën tjetër, autoritetet e Serbisë që herët kanë paralajmëruar se do të ndërmarrin të gjitha veprimet diplomatike për të penguar anëtarësimin e Kosovës në INTERPOL.

Së fundmi, ministri i Brendshëm i Serbisë, Nebojsha Stefanoviq, gjatë një vizite në Rusi, të mërkurën ka thënë se anëtarësim në INTERPOL, është në kundërshtim me rregullat themelore të Organizatës Ndërkombëtare të Policisë.

Sekretari i Këshillit të Sigurisë së Rusisë, Nikollai Patrushev, me të cilin u takua Stefanoviq, konfirmoi se vendi i tij do t’i ofrojë mbështetje Serbisë në takimin e ardhshëm të Asamblesë së Përgjithshme të INTEPOL-it, për të parandaluar pranimin e Kosovës.

Zëvendësministri Berisha, thotë se në fazën e lobimit për anëtarësim në INTERPOL, Kosova duhet të përmbahet nga ekspozimet politike, që sipas tij, kanë ndodhur në tentimin e kaluar për anëtarësim. Sipas tij, Kosova, gjithashtu, do të kërkojë nga partnerët perëndimorë, sidomos te vendet e Bashkimit Evropian, që të bëjnë presion mbi Serbinë që çështjen pranimit të Kosovës në INTERPOL të mos e trajtojnë si çështje politike, por teknike.

“Fundja, Marrëveshja e Brukselit ndërmjet Kosovës dhe Serbisë, e cila ka të bëjë me mospengimin e anëtarësimit të Kosovës në organizata ndërkombëtare, është ende në fuqi dhe kjo është një mundësi që Bashkimi Evropian të bëjë presionin e duhur për zbatimin e marrëveshjeve. Bashkimi Evropian, si ndërmjetësues i dialogut, nuk është pa detyrime ndaj marrëveshjes dhe nuk është se nuk janë të njoftuara lidhur me marrëveshjen”, vlerësoi Berisha.

Edhe profesor Hoti vlerëson që çështja e pranimit të Kosovës në INTERPOL do të duhej të zhvishej nga elementet politike. Prandaj, sipas tij, lobimi i Kosovës për këtë çështje duhet të jetë detyrë parësore e Ministrisë së Punëve të Jashtme të vendit, e cila është dashur dhe duhet t’i bindë vendet e ndryshme që anëtarësimi i Kosovës në INTERPOL nënkupton sundim të ligjit dhe rendit dhe luftimin e çfarëdo fenomeni negativ ndërkombëtar.

“Mendoj që kemi pasur kohën e mjaftueshme për ta përmirësuar situatën dhe eventualisht për të korrur sukses. Por, nëse kësaj i shtojmë praktikën krejtësisht të kundërt, që nga dështimi në përpjekjen e parë, ne nuk kemi ndërmarrë as hapin më të vogël të vetëm në këtë drejtim. Atëherë që koha ecën, koha kalon dhe sigurisht që mund të jemi para situatave jo shumë të këndshme. Unë, nga ajo që shoh, të paktën në publik – nëse këtu nuk luajmë me teori të konspiracionit – mendoj se jemi në situatë shumë të pafavorshme dhe unë vërtetë jam shumë pesimist”, u shpreh Hoti.

Më 20 nëntor të vitit 2018, Kosova nuk kishte arritur të anëtarësohet në INTERPOL-it, pasi që nuk mori shumicën e nevojshme, prej dy të tretave të votave të vendeve pjesëmarrëse në Asamblenë e Përgjithshme të kësaj organizate, që u mbajt në Dubai.

Një ditë më pas, Qeveria e Kosovës pati vendosur taksën prej 100 për qind për prodhimet nga Serbia, duke thënë se kjo masë është vënë për shkak të presionit të madh dhe lobimit të Serbisë për të mos e lejuar anëtarësimin e Kosovës në mekanizmat ndërkombëtarë.

Tentativat e Kosovës për anëtarësim në INTERPOL kanë nisur që nga viti 2010. Atë kohë, Komiteti Ekzekutiv i kësaj organizate, nuk e kishte marrë fare parasysh kërkesën e parashtruar nga Prishtina zyrtare. Më 2015 dhe 2016, Kosova kishte aplikuar, por nuk ishte futur në agjendën e Asamblesë së Përgjithshme. Më 2017, Kosova pati tërhequr vullnetarisht kërkesën, për shkak të mbështetjes së pamjaftueshme.

Trump nënshkruan Marrëveshjen e Ekstradimit me Kosovën

Presidenti i Shteteve të Bashkuara, Donald Trump dhe sekretari i shtetit, Mike Pompeo e nënshkruan Marrëveshjen e Ekstradimit midis Kosovës dhe SHBA-së.

Lajmin e bëri të ditur, ministri i Drejtësisë së Kosovës, Abelard Tahiri i cili ka konfirmuar se institucionet e vendit e kanë pranuar dokumentin nga SHBA-ja.

“Kjo marrëveshje shënon një akt historik në marrëdhëniet dypalëshe mes Kosovës dhe SHBA-së dhe është garanci e mëtejme se sundimi i ligjit është i pa alternativë dhe lufta kundër krimit do shkojë deri në fund”, ka thënë Tahiri përmes një postimi në Facebook.

Në mars të vitit 2016 Kosova dhe SHBA-ja kishin nënshkruar marrëveshjen e ekstradimit. Me rastin e nënshkrimit ishte thënë se marrëveshja, përpos që shënon një hap të rëndësishëm në thellimin e marrëdhënieve bilaterale me SHBA-të, nënvizon përcaktimin e Kosovës për sundim të rendit dhe ligjit.

Marrëveshja, para nënshkrimit nga ana e presidentit Trump, kishte marrë pëlqimin edhe të Senatit amerikan.

Ekstradimi është një akt kur një vend dorëzon një person të akuzuar ose të dënuar për kryerjen e një krimi në juridiksionin e një vendi tjetër.

Bieber: Korrigjimi i kufijve nuk është ide e dëshirueshme, ngre tensionet në gjithë rajonin

Njohësi i zhvillimeve politike në Ballkan, profesori i Universitetit të Grazit, Florian Bieber, thotë se ideja e korrigjimit të kufijve për zgjidhjen e problemit ndërmjet Prishtinës dhe Beogradit nuk është zgjidhje reale dhe as e dëshirueshme.

“Ndryshimi i kufijve nuk është një ide reale dhe as e dëshirueshme si zgjidhje, jo vetëm për Kosovën, por as për konfliktin e ngrirë. Ajo do të rrisë tensionet, gjë për të cilën po lexojmë çdo ditë”, ka thënë ai, shkruan EWB, transmeton Gazeta Express.

Këto deklarata Bieber i ka bërë në një konferencë së bashku me profesorin tjetër, Nikolas Cifakis, ku kanë folur për zhvillimet në Ballkanin Perëndimor.

Njësoj sikurse Bieber, Cifakis thotë se ideja për ndryshim të kufijve do të shkaktonte probleme të reja, përveç Kosovës, edhe në Bosnje e Hercegovinë.

“Ndryshimi i kufijve apo demarkacioni do të krijonte probleme të reja jo vetëm në Kosovë, por mbi të gjitha edhe në Bosnje dhe Hercegovinë”, ka thënë ai.

Ndërkohë sa i përket zhbllokimit të dialogut dhe situatës së deritanishme, Bieber thotë se përpjekjet deri tani kanë rezultuar të pasuksesshme, duke bërë thirrje që të mbahet një konferencë serioze dhe përfshirje të forcave të reja në proces.

“Është e vështirë të arrihet një rezultat vetëm me ndihmën e BE-së. Procesi duhet të përfshijë shtetet anëtare të BE-së dhe SHBA-së në mënyrë joformale, pasi që formalisht dhe vendet e tjera do të kërkonin një vend në tryezë, si Rusia”, ka deklaruar ai.

Bieber thotë se deri sot është treguar se negociatat në rajon janë të suksesshme vetëm nëse ka bashkëpunim ndërmjet BE-së dhe SHBA-së. /GazetaExpress/

Karriget qe e shkaterruan LDK-ne e Rugoves!!! – Nga Skënder MULLIQI

E filluan me karrige dhe po e perfundojne me karrige shperberjen e LDK-se se konceptit politik rugovian.Kjo eshte ‘Lidhja e Re” e faqes se zeze e te marres se tepër, te Isa Mustafes e te disa bajlozave te shitur te partite tjera.Nuk ka qene veshtire e as nuk eshte dashte te kete njeriu shumë dije se Rugova nuk ka lene kend mbrapa.Ne fakt ka lene do matrapaze, do interesgjinjë qe jane pasuruar shume e haram ju kofte vota te cilen po e marrin ende ne kurriz te presidentit te ndjere, Ibrahim Rugova…Hajtni faqezi hajtni se me karrika e shkaterruat LDK-ne, he turpi ju mbuloft si ju ka mbulu…I larguat te gjithe gazetaret dhe publicistet ne ze, i hoqet nga konkurrenca njerëzit qe ishin ne linjen politike te Rugoves dhe të cilët kishin capital kombëtar.Perfituat ne kurriz te gazetarëve te vrare e te gjalle te Bota Sot.Nga frika e futeshit koken mbrapa ne prapanice, se jeni mesuar te luftoni me pushke të Baliages, si thote nje fjale e popullit.Disa nga koleget u vrane, disa mbetem gjalle.Po, ne fakt jeni interesuar shume qe ti mbani postet e larta partiake e pushtetare e hiq me shume.I ligu thote nje fjale e popullit nuk e ka as kete Dynja e as Ahiretin, ju jeni ata qe nuk I keni.

Jeni frikacak te llojit te vet.Jeni do hiqa, qe per anetarësine e gjere as dert nuk e keni per dallim nga partite tjera te cilat shume me shume interesohen per ta dhe fatin e Kosoves. Kjo bote eshte e trimave , e jo e sehirgjinjeve politike, e me se paku te atyre njerëzve te cilet rregullisht perfitojne ne emer te te vrareve në radhët e veta !!!Ne fakt mire I shfrytezuat vrasjet per interesa tuaja.Dhe, mire ju bejne partite tjera qe nuk ua varin bash hiq.Vajin nuk e hoqet kurre nga goja per 20 vite , se nuk patet koqe per ti zbardhur vrasjet politike edhe pse e kishi pushtetin me bashkëqeverisje.Nuk po e zgjati me shume se me fole per ju ne krye te LDK-se, jo per anetaresine e saj, eshte si me hy ne bas te qeneve endacak, e njeriuit i hup dita dhe nata …

Sigurisht lexues te nderuar se keta rreshta nuk i shkrova nga qefi. Veshtire te paramendohet qe te rrenohet mundi shume vjeqar i presidentit, Rugova I cili beri shume per LDK-ne , Kosoven dhe shqiptaret pergjithesisht ne Ballkan …

Kadri Veseli rizgjidhet kryetar i PDK-së

Kryetari i Kuvendit të Kosovës, Kadri Veseli, njëherit lider i Partisë Demokratike të Kosovës që nga viti 2016, të dielën është rizgjedhur të udhëheq edhe një mandat, gjatë konventës së kësaj partie.

Përmes një postimi në Facebook, Veseli ka falënderuar anëtarët e partisë për përkrahjen dhe ka theksuar përkushtimin për të sjellë reforma.

“Shpreh mirënjohjen për mijëra qytetarë që morën pjesë anekënd Kosovës në një proces zgjedhor tejet shembullor dhe demokratik. Do të punoj bashkë me secilin që Kosova, në Dekaden e Re të mos ketë dilema për drejtimin ku shkon por përgjegjësi dhe vizion të qartë”.

“Do të punoj për të çuar në vend amanetin e atyre që dhanë gjithçka për lirinë dhe shtetin si dhe për të bërë realitet ëndrrat e gjeneratave të reja”, tha Veseli.

Veseli ishte i vetmi kandidat në garën për kryetar të PDK-së.

Haradinaj: Nuk na duhet liria e izoluar

Kryeministri i Kosovës, Ramush Haradinaj, të dielën porositi bashkësinë ndërkombëtare se Kosovës nuk i duhet liria e izoluar, duke iu referuar procesit të integrimit në Bashkimin Evropian si dhe integrimit në Aleancën Veri-Atlantike.

“Ne kemi luftuar për lirinë që ta gëzojmë të gjithë. Ne jemi të lirë, por të izoluar. Ne duhet t’ju bashkohemi popujve të lirë. Eshtë Evropa që duam të anëtarësohemi, NATO, ku prin Amerika, pra ne dëshirojmë të bëhemi bashkë me popujt e lirë. Neve nuk na duhet liria e izoluar”, tha Haradinaj në fjalimin e tij gjatë zbulimit të shtatores së Heroit të Kombit Gjeneral Major Shkëlzen Haradinaj dhe Obeliskut të 183 dëshmorëve nga Komuna e Pejës.

​Haradinaj shtoi se kur bëhet fjalë për raportet me Serbinë, Kosova synon njohje reciproke, por asesi nuk e vë në dyshim statusin, që sipas tij, u përcaktua që nga viti 1999.

“Jemi të interesuar të jetojmë në fqinjësi të mirë edhe me Serbinë, por jo duke biseduar për status, sepse është mbyllur në vitin 1999. Ne duhet ta zgjidhim me ta vetë çështjen e njohjes. Mos të pret më askush që kërkon paqe dhe stabilitet në Ballkan në kurriz të lirisë së Kosovës”, tha ai.

Ndryshe, Kosova dhe Serbia po përgatiten për takimin e radhës më 1 korrik, në Paris, i cili pritet të mbahet me ndërmjetësimin e presidentit francez Emmanuel Macron dhe kancelares gjermane, Anglela Merkel.

Takimi i 1 korrikut në Paris, është vazhdimësi e procesit të Berlinit të iniciuar nga kancelarja Merkel dhe është cilësuar si shans për të shpëtuar dialogun për normalizimin e marrëdhënieve midis Kosovës dhe Serbisë.