VOAL

VOAL

Please Wait ...
0%

Helmimi nga ushqimi – Tri rregullat kryesore të shërimit

By | June 11, 2018

Komentet

Vezë të pjekura me lulelakër – Receta e lehtë që ju jep energji

Por të skuqurat sigurisht që nuk janë të shëndetshme, ndaj dhe AgroWeb.org merr shkas për t’ju treguar një metodë ndryshe.

Zakonisht omëletën e përgatisim të skuqur, pasi kërkon më pak kohë por edhe është shumë e thjeshtë.

Por të skuqurat sigurisht që nuk janë të shëndetshme, ndaj dhe AgroWeb.org merr shkas për t’ju treguar një metodë ndryshe.

Po aq e lehtë dhe pa mundim sa dhe omëleta klasike, por do t’ju duhet ta piqni.

Lexoni shkurt hapat e përgatitjes dhe shijojeni që sot pasi do t’ju japi energji gjatë gjithë ditës.

Përbërësit

6 vezë

600 g lulelakër

100g djathë kaçkavall

1 lugë gjelle vaj ulliri

Pak kripë

Përgatitja

AgroWeb.org ju sugjeron që fillimisht të ndizni furrën në 180 gradë kështu do të shkurtoni kohë.

Tani filloni të pastroni lulelakrën duke e qëruar dhe ndarë në tufëza të vogla.

Shpëlajeni mirë dhe futeni në një tenxhere të mbushur me ujë.

Lëreni tenxheren të ziejë në zjarr mesatar për 3-4 minuta.

Pasi uji të ziejë largojeni menjëherë lulelakrën dhe futeni në një tas me ujë të ftohtë.

Një proces i tillë nuk lejon që lulelakra të zbutet më shumë seç duhet.

Tani ju ka mbetur vetëm të rrihni vezët dhe t’i përzieni me tufëzat e lulelakrës dhe djathin.

AgroWeb.org ju sugjeron që me një letër kuzhine të thani mirë ujin e tepërt që mund të kenë mbledhur copat e lulelakrës.

Tregoni kujdes kur t’i përzieni me vezët pasi nuk dihet që t’i thërrmoni.

Shtoni vajin e ullirit dhe kripën sipas dëshirës dhe kalojeni në tavën që keni përzgjedhur.

Mos e drejtoni me lugë apo pirun, por tundeni lehtë tavën derisa tufëzat e lulelakrës të jenë drejtuar.

Futeni për ta pjekur në furrën e ngrohur më parë për 15-20 minuta.

Vezët do të mpiksen e të piqen shumë shpejt, ndërkohë që lulelakra do të marrë shijen perfekte.

Nëse e dëshironi pak më krokante këtë recetë mund ta përgatisni dhe me lulelakër të freskët.

Vetëm AgroWeb.org ju sugjeron që të shtoni një gotë qumësht për të ndihmuar në pjekjen e lulelakrës.

Pasi të jetë pjekur lëreni të ftohet pak dhe shërbeheni të ngrohtë duke e shoqëruar me sallatë të freskët.

Omëletë me majdanoz dhe djathë – E lehtë plot shije

Gjithashtu kjo omëletë përgatitet duke i ndarë të bardhat e vezëve nga të kuqet.

Omëleta sigurisht është një zgjidhje e duhur kur kërkon diçka të shpejtë për të përgatitur.

Ajo mund të përgatitet me perime, gjizë, apo edhe suxhuk, dhe kthehet në një drekë të plotë.

Receta e sotme nga AgroWeb.org është një version më i lehtë i omëletës klasike.

Gjithashtu kjo omëletë përgatitet duke i ndarë të bardhat e vezëve nga të kuqet.

Një gjë e tillë bën që vezët të piqen duke u fryrë.

Majdanozi nga ana tjetër krijon një ndjesi dhe shije freskie, perfekte për ata që kërkojnë të ruajnë peshën e tyre.

Përbërësit

6 vezë

1 lugë e gjysmë çaji me miell

120g djathë i bardhë i thërrmuar

60ml qumësht

3 lugë gjelle vaj ulliri

40g majdanoz i grirë

Kripë dhe piper i zi

Përgatitja

AgroWeb.org si fillim ju këshillon që të ngani të bardhat nga të verdhat e vezëve në dy tasa të ndryshëm.

Të verdhat rrihini me një pirun dhe aty shtoni pak nga pak djathin e bardhë të thërrmuar dhe miellin.

Sigurohuni që mielli të jetë lidhur mirë me vezët e të mos ketë krijuar kokrriza.

Më pas shtoni qumështin, kripën dhe piperin sipas dëshirës.

Rrihini vezët përsëri me pirun derisa të gjithë përbërësit të jenë lidhur mirë me njëri – tjetrin.

Shpëlani me ujë të bollshëm majdanozin dhe këpusni vetëm gjethet e tij.

Filloni t’i grini jo shumë imët, në mënyrë që të shija e tij të ndihet mjaftueshëm kur ta konsumoni.

Tani AgroWeb.org ju këshillon që të rrihni të bardhat e vezëve derisa të keni formuar merengen.

Mos harroni t’i hidhni pak kripë të bardhave, kështu nuk do të lëshohen e të bëhen të ujshme.

Nisni t’i bashkoni me të verdhat duke i shtuar lugë-lugë.

Përziejini me kujdes në mënyrë që të mos humbasin volumin e tyre.

Me pas vendosni në zjarr një tigan me vajin e ullirit që të ngrohet.

NJë nga gabimet më të shpeshta që bëhet me vezët është që ato hidhen kur vaji nuk është ngrohur ende.

Ndaj AgroWeb.org ju këshillon që të prisni sa vaji të jetë në temperaturën e duhur.

Kalojeni masën në tigan dhe mbulojeni me një kapak që të skuqet në zjarr të ngadaltë.

Kthejeni nga ana tjetër me ndihmën e një pjatë e më pas skuqeni përsëri.

Pasi të jetë gati, mund ta shoqëroni me tarator, kos apo sallata të freskëta.

Kritharaqe me brokoli – Si t’i përgatisni për një drekë të shijshme

Një pjatë shumë e thjeshtë e cila kombinon kritharaqet me brokolin e freskët, hudhrën dhe vaj ulliri.

Zakonisht kritharaqet i përgatisim me pulë ose me mish viçi, duke i pjekur edhe në furrë.

Këtë herë AgroWeb.org ju sugjeron që të përgatisni një recetë krejtësisht ndryshe nga ajo tradicionalja.

E shijshme dhe plot shëndet, kjo recetë është perfekte për  një vakt të lehtë.

Për më tepër, mund ta përgatisni kaq shpejt sa nuk do t’ju mundojë aspak.

Gjithashtu kjo recetë mund të jetë një mënyrë e mirë për t’i bërë fëmijët që të konsumojnë brokolin.

Përbërësit

500g kritharaqe

400g brokoli

4 thelpinj hudhër

3 lugë gjelle me vaj ulliri

Kripë

Piper i zi

Përgatitja

Nisni me përgatitjen e brokolit duke e shpëlarë me ujë të bollshëm dhe duke e ndarë në copa të vogla.

Ndërkohë vendosni një tenxhere me ujë në zjarr dhe lëreni të vlojë.

Sapo të shihni bulëzat të formohen shtoni kripën dhe hidhni aty tufëzat e vogla të brokolit.

AgroWeb.org ju këshillon që brokolin ta linin ë ujë për vetëm 1-2 minuta.

Pasi për këtë recetë ai nuk duhet të jetë i gatuar plotësisht.

Kur të ketë kaluar koha e nevojitur largoni me kujdes brokolin nga tenxherja dhe futini në një tas me ujë të ftohtë.

Diçka e tillë do të ndalojë zbutjen e mëtejshme të perimes, duke i ruajtur formën dhe shijen.

Gjithashtu keni vendosur një tenxhere me ujë, ku do të zieni makaronat kritharaqe.

Lërini të ziejnë kritharaqet derisa të jenë gati për hapin tjetër të recetës.

Merrni një tigan dhe aty hidhni vajin dhe hudhrën e shtypur ose të grirë hollë.

Shtoni gjithashtu edhe brokolin dhe skuqeni lehtë, më pas hidhni dhe makaronat e kulluara dhe përziejini ngadalë.

Nëse ju duhet mund të shtoni edhe pak nga uji ku ziet makaronat, diçka e tillë gjithmonë nëse makaronat janë të forta.

Në fund mund t’i shtoni pak djathë kaçkavall, kështu i jepni një shije më të plotë pjatës.

Tani mjafton që ta shërbeni të ngrohtë për familjaret tuaj, dhe ju premtojmë që do të mrekulloheni me shijen e tyre./AgroWeb.org

Mënyra më e saktë – Si të zieni mishin e pulës duke ruajtur vlerat ushqimore

Amvisat për vite të tëra thjesht kanë improvizuar në teknikat e zierjes së mishit të gjelit të detit.

Nuk ka dyshim se recetat e gatimit me mish pule janë fantastike në shije, veçanërisht në përgatitjen e supave, përgatitja e të cilave me lëng pule dihet që është arma më e fortë kundër gripit dhe ftohjeve.

Mishi dhe lëngu i pulës i ofrojnë organizmit shumë përfitime, falë vitaminave dhe mineraleve që përmbajnë si vitamina A, selenium, fosfor, kolinë, vitaminë B etj.

Megjithëse ka shumë mënyra në gatimin e mishit të pulës, një nga ato më bazike dhe më të shëndetshme është zierja.

Kjo është dhe mënyra më e mirë për të ruajtur lëngun e saj dhe për ta përdorur në gatimin e supave dhe gjellëve të ndryshme.

Por dilema më e madhe e zierjes ideale të mishit të pulës është koha e zierjes për pjesët e ndryshme të saj më vete, kofshët, gjoksin dhe krahët.

Koha e zierjes së mishit të pulës varet nga pjesa e pulës që ju do të përdorni për të gatuar.

AgroWeb.org ju sjell më poshtë udhëzimet perfekte të kohës që duhet të gatuhet mishi i pulës për secilën pjesë të saj.

Gjoksi i Pulës

Nëse përzgjidhni pjesën e gjoksit të pulës për të gatuar përfshirë këtu edhe pjesën e kockës që ka në mes koha perfekte e zierjes është 30 në 45 minuta në varësi të madhësisë në pjesës së gjoksit.

Nëse preferoni që këtë pjesë ta zieni pa pjesën e kockës atëherë koha e zierjes është nga 25 në 30 minuta.

Pjesa e Kofshës së Pulës

 Kofshët janë fantastike në përgatitjen e shumë gatimeve. Koha perfekte e zierjes së tyre është rreth 40 minuta. Në këtë mënyrë mishi do të zbutet plotësisht dhe do të marrë shijen e duhur.

Pjesa e Krahëve të Pulës

Ndonëse është pjesa që ka më pak mish, ajo vlerësohet për shijen e mirë që u jep sidomos supave dhe lëngun e plotë që krijon gjithashtu.

Për zierjen e krahëve të pulës rekomandohen 35-45 minuta.

Zierja e Pulës së Plotë

Nëse preferoni ta zieni pulën të plotë dhe të pa ndarë në pjesë koha e duhur e zierjes është rreth 1 orë.

Kur Mishi i Pulës është i Ngrirë

Në rastet kur mishin e pulës e keni të ruajtur në ngrirje në frigorifer, AgroWeb.org ju këshillon se është e rëndësishme që më parë të siguroheni që mishi të shkrijë plotësisht e më pas të vijoni me zierjen dhe gatimin.

Megjithatë, kur bëhet fjalë për zierjen e mishit në përgjithësi disa amvisa preferojnë ta shtojnë kripën në fillim dhe disa të tjera në fund.

Në të gjitha rastet e zierjes, rekomandohet që kripa të shtohet në momentin kur mishi sapo nis të ziejë.

AgroWeb.org ju këshillon të konsumoni pula të freskëta të vendit.

Byrek shtëpie me lakër të bardhë – Shije e përkryer

Raseniku është një traditë e vjetër e Kosovës dhe Shqipërisë së Veriut kryesisht.

Kombinimi me lakër të bardhë e ajkë qumështi – një shije jashtëzakonisht fantastike që të zgjon menjëherë nepsin për ta patur mejëherë në tryezë.

Kjo është një ndër recetat më unike të kuzhinës shqiptare, e përgatitur veçanërisht gjatë periudhës së vjeshtës dhe dimrit, i servirur i ngrohtë teksa.

Raseniku është një traditë e vjetër e Kosovës dhe Shqipërisë së Veriut kryesisht, por është një gatim që sot është pjesë e kuzhinës së të gjitha amvisave shqiptare.

I njohur ndryshe si pite apo edhe byrek me lakër të bardhë e ajkë qumështi, ky është një gatim special, shumë i shijshëm me një kombinim fantastik të lakrës, qumështit dhe ajkës së tij.

Me përbërës shumë të thjeshtë dhe ekonomik, kjo recetë e përcjellë nga AgroWeb.org është një mënyrë ideale për ta përgatitur në një vakt të mirë darke apo edhe darke.

Byreku me lakër dhe qumësht shoqërohet në mënyrë fantastike me më të mirat e zahireve shqiptare, turshitë me domate, por gjithashtu edhe me supa e gjellë të ndryshme tradicionale ose jo.

Përgatitja e Byrekut me Lakër dhe Qumësht në Shtëpi

Për përgatitjen e brumit

1 kg miell gruri

½ litra ujë i vakët

Kripë

200 gr vaj ulliri

Për përgatitjen e mbushjes

1 kg lakër të bardhë

200 gr ajkë qumështi (mund ta gjeni në dyqane dhe markete)

1 gotë qumësht

Kripë

Piper

Përgatitja

Në një tepsi hedhim miellin, kripën dhe nisim të hedhim nga pak ujin e vakët ndërsa nisim të punojmë brumin.

E punojmë me duar fortë derisa brumi të krijojet në një masë të njëjtrajtshme. Masa e tij duhet të jetë e fortë. Pasi e kemi gati brumin e ndajmë në 22 kuleçë të vegjël.

Kuleçët e vegjël i ngjeshim të gjithë me pëllëmbët e duarve. I mbulojmë me një pecetë të pastër kuzhine dhe i lëmë të pushojnë për 15 minuta.

Nga ana tjetër, grijmë lakrën e bardhë. E hedhim në një tenxhere dhe e zjejmë për 15 minuta. Më pas, sigurohemi që t’i kullojmë të gjithë ujin.

Lakrën e zjerë e hedhim në një tas, shtojmë kripën, piperin, qumështin dhe ajkën e qumështit.

I përzjejmë të gjitha bashkë. Për të bërë një masë sa më kremoze, gotën e qumështit para se t’ia shtojmë lakrës, i hedhim një lugë gjelle miell dhe e përzjejmë e më pas i’a hedhim lakrës.

Në vijim, marrim kuleçët një e nga një dhe i hapim në formën e petëve.

Lyejmë përmes një furçe kuzhine me vaj ulliri tepsinë dhe shtrojmë një nga një 11 petët e para. Më pas shtojmë të gjithë mbushjen e lakrës së bardhë e më pas nisim të shtrojmë një nga një 11 petët e tjera.

Bashkojmë të dyja anët e petëve të poshtme dhe sipërme duke i përdredhur me njëra tjetrën.

Lyejmë më furçën e kuzhinës dhe pak vaj ulliri petën e sipërme dhe e fusim në furrë të piqet përreth 40 minuta në temperaturë 200 gradë./AgroWeb.org

Kaçamaku i shtëpisë, receta e trevave shqiptare

Në ka një gatim që të ndjell oreksin ai është kaçamaku.

Ky ushqim është përgatitur në trevat shqiptare prej qindra shekujsh.

Në fillimet e kësaj recete të përhapur gjërësisht në të gjitha vendet e Ballkanit, kaçamaku servirej në kushtet e varfërisë.

Ai ishte një gatim i thjeshtë, i shpejtë, i shijshëm dhe ndjellës pa shumë kokëçarje në kuzhinë.

Por e mira e kaçamakut është që gjithnjë serviret kur familja është e mbledhur bashkë, ndaj konsiderohet si një ushqim i dashur i shtëpisë.

Me kalimin e viteve, recetat e kaçamakut janë përditësuar dhe përmirësuar me shumë përbërës shtesë, por receta fillestare, pra ajo e 100 viteve më parë është mjaft e thjeshtë.

Megjithatë, kjo recetë për të qenë më e shëndetshme mund të gatuhet shumë mirë edhe me vaj ulliri ekstra të virgjër në vend të gjalpit.

Përbërësi kryesor i kaçamakut është mielli, i misrit ose i grurit.

Recetat që ju rekomandon AgroWeb.org janë shumë të thjeshta dhe përgatiten mjaft lehtë dhe të pandryshueshme nga ato që kanë ngrënë të parët tanë.

Kaçamaku i Misrit

Përbërësit 

Gjysëm kilogram miell misri

Gjysëm lugë gjelle me kripë

1 litër ujë

Gjysëm kilogram gjalpë

Ndiqni me Kujdes Udhëzimet

Marrim një tenxhere të pastër dhe e vendosim në zjarr.

Hedhim ujin dhe kripën dhe e lëmë të marrë një valë. Vendosim një lugë druri në mes të tenxheres dhe përreth saj hedhim miellin e misrit.

E lëmë të ziejë për gjysmë ore, pa hequr lugën dhe pa e përzier.

Pas gjysmë ore, e përziejmë qullin për 10 minuta deri sa të ngjeshet dhe të marrë formën e topit.

Më pas hedhim kaçamakun me lugë në tepsi.

Marrim një tigan të pastër dhe e vendosim në zjarr. Hedhim gjalpin dhe e lëmë të shkrihet.

Pasi të jetë nxehur ia hedhim sipër kaçamakut.

Kaçamaku i Grurit

Përbërësit

Gjysëm kilogramë miell gruri

1 litër ujë

Gjysëm lugë gjelle me kripë

200 gramë gjalpë

Përgatitja 

Marrim një tenxhere të pastër dhe e vendosim në zjarr.

Hedhim ujin dhe kripën dhe e lëmë të marrë një valë. Më pas hedhim miellin dhe e përziejmë menjëherë me lugë druri.

Përzierja duhet të jetë e fortë, e njëtrajtshme dhe e shpejtë.

Masa duhet përzier deri sa mielli me ujin të jenë tretur dhe të kenë formuar një top të shkrifët dhe pa kokrra.

Marrim një tepsi ose pjatë të gjërë dhe e hedhim kaçamakun duke përdorur një lugë druri.

Më pas shkrijmë gjalpin në tigan dhe pasi të jetë ngrohur e hedhim mbi kaçamak.

Në të dyja rastet, kaçamaku serviret i ngrohtë. Ai shoqërohet me kos dhe me djathtë dhie ose lope sipas preferencës.

Gliko me mandarina – Magjepsje nga delikatesat shqiptare

Tradita shqiptare e përgatitjes së reçelit e glikove është unike në botë.

Reçel me fruta nga më të ndryshmet e deri tek perimet, me një shije magjepsëse, të ëmbël që të përfshin tërësisht.

E nëse të gjithë reçelrat e glikotë shqiptare janë të veçantë në llojin e tyre, mahnitës në shije e ëmbëlsi është reçeli me mandarina.

Mandarinat janë frutat dhuratë të dimrit dhe aktualisht veshin gjithë tregjet me ngjyrën e tyre fantastike portokalli. Është pikërisht koha ideale për përgatitjen e reçelit me këtë frut të preferuar nga të gjithë.

Krejt lehtë për t’u përgatitur  në shtëpi dhe një ëmbëlsirë krejt unike për t’iu ofruar miqve si gosti por edhe si dhuratë.

Ky reçel fantastik është ideal sidomos për vaktet e mëngjesit, i kombinuar me bukë të thekur e një gotë qumësht.

AgroWeb.org u përcjell më poshtë recetën e përgatitjes së reçelit me mandarina në shtëpi.

Përgatitja e Reçelit me Mandarina

Përbërësit

1 kg mandarina

400 – 450 gr sheqer

Përgatitja

Si fillim pastrojmë mirë mandarinat.

U heqim me kujdes lëkurën në mënyrë të plotë dhe e ndajmë në thelat.

Me kujdes largojmë sa mundemi fijet e bardha të frutit si dhe bërthamat.

Lëkurat i vendosim të zjejnë në një enë me ujë të bollshëm përreth 10 minuta.

Më pas, i heqim nga zjarri dhe i lëmë të ftohen për t’i prerë në fije të holla.

Nga ana tjetër, përgatisim shurupin duke hedhur në tenxhere, sheqerin dhe një gotë me ujë.

Sapo shurupi të nisë të vlojë, shtojmë lëkurat e mandarinës të prera në fije si dhe thelat e saj.

I lëmë të zjejnë në zjarr të ngadaltë përreth 35-40 minuta derisa thelat e mandarinës të jenë bërë transparente dhe shurupi të jetë trashur.

E largojmë nga zjarri, i hedhim disa pika limoni dhe e përzjejmë.

Më pas, reçelin e hedhim në kavanoza të sterilizuar, i mbyllim kapakët fortë dhe i lëmë kokëposhtë derisa të ftohen plotësisht. Ruhen në frigorifer.

Glikoja e lehtë e portokallit – Perfekte pas festave

Vasilopita ka qenë receta me të cilën kam hapur blogun në 8 Janar 2019 dhe Gliko Portokalli një nga gatimet më tradicionale dhe të dashura të stinës mbyll këtë vit.

*Nga Valbona Furrari Lasku

Kjo recetë të cilën ma keni kërkuar shumë prej jush, besoj do jetë dhe e fundit për 2019, një vit i cili në aspektin profesional, familjar, të miqësive dhe te ndjekësve ka qenë i mbarë.

Vasilopita ka qenë receta me të cilën kam hapur blogun në 8 Janar 2019 dhe Gliko Portokalli një nga gatimet më tradicionale dhe të dashura të stinës mbyll këtë vit.

Mbyllje me ëmbëlsi dhe me produktet e bahçes, glikoja e portokallit është një “must“ në shtëpi.

Ndonëse sot nuk qerasim më si dikur, kjo gliko është ëmbëlsirë më vete në çdo kohë.

Kur të përgatisni dhe glikonë, lëkurën që do gërryeni mos e çoni dëm, por kthejeni në një super esencë, të cilën mund ta përdorni gjatë gjithë vitit në përgatitje keku dhe biskota me shije portokalle.

Po vijoj me recetën se në këtë sezon të ngarkuar nuk kemi shumë kohë për lexime.

Përbërësit:

2 kg portokalle

Për sherbetin

1 kg portokall i pastruar nga lëngu dhe farat, i shkuar në varg i kulluar

1 kg sheqer

700 ml ujë

Përgatitja

Portokallet i lajmë dhe me një rende të imët i heqim cipën sipër. Lëkurën e përfituar e bëjmë esencë sipas shpjegimit këtu.

Më pas portokallet i ndajmë në 4 copa dhe me një gërshërë gatimi presim fijet e bardha dhe shtrydhim lëngun dhe farat nëse ka.

Siç e kërkon dhe tradicionalja me një gjilpërë ku kemi shkruar pe, fillojmë i mbërthejmë portokallet si varg, duke i lidhur fundet e tyre.

Kjo mënyrë ndihmon që glikoja portokallit të ruajë formën e bukur të palosjes në servirje.

Vargjet i vendosim në një tas me ujë dhe e lëmë të paktën 1 ditë të plotë duke e ndërruar ujin disa herë gjatë ditës. Kjo do ndihmojë në nxjerrjen e hidhësisë që ka lëkura.

Pas 24 orësh vargjet i ziejmë 2 apo 3 herë në varësi të hidhërimit që ka lëkura vetëm me ujë, 5 minuta nga pika e vlimit duke e derdhur ujin dhe rimbushur përsëri për zierjen e dytë.

Më pasi vendosim vargjet në një kullesë dhe i lëmë të kullojnë për të paktën 1 orë.

Pasi portokallet kanë kulluar i peshojmë ato. Unë do ju jap masat për 1 kg portokalle të kulluara. Ju më pas rrisni ose zvogëloni sasinë e sheqerit sipas peshës së portokalleve tuaja.

Për 1 kg portokalle të kulluar shtojmë 1 kg sheqer dhe 700 ml ujë.

I trazojmë dhe i vendosim për të zierë pa kapak, në zjarr të mesëm të avashtë, derisa lëngu i glikosë të lidhet duke e provuar në një pjatë.

Hedh pak lëng nga glikoja dhe e ndan me lugë mes për mes.

Nëse të dy anët afrohen me ngadalë pranë njëra-tjetrës glikoja është bërë gati.

Vendoseni glikonë të nxehtë nëpër vazo dhe i ktheni ato me kokë poshtë./AgroWeb.org

Thjerrëza plot shije me llukanik – Merrni recetën që sjell ngrohtësi në çdo shtëpi

 

Janë të shumta recetat në përgatitjen e thjerrëzave, një nga ushqimet më të gatuara të stinës.

Një nga të cilat, më shije plota e pasur me vlera ushqyese është padyshim supa me thjerrëza dhe llukanik, një lloj salçiçeje e përgatitur me mish dhe erëza të ndryshme.

Sigurisht, kombinimi i të gjithë përbërësve ofron një shije speciale që kënaq gjithë organizmin por nga ana tjetër i dhuron atij edhe shumë vlera shëndetësore gjithashtu.

Krahas shijes së përsosur, kjo pjatë është fantastike edhe në efektet mbrojtëse që ka kundër virozave dhe gjendjes gripale.

Për të përfituar maksimalisht nga vlerat mbrojtëse të kësaj supe, AgroWeb.org sugjeron një recetë të lehtë për përgatitjen e saj në kushtet e shtëpisë.

Në përgatitjen e kësaj recete, AgroWeb.org ju këshillon të përzgjidhni llukanikë të freskët fshati, të cilët i gjeni në dyqane e pikat e shitjes së mishit të freskët.

Përgatitja e Thjerrëzave dhe Llukanik

Përbërësit

(Përbërësit më poshtë janë për 4 persona)

4 llukanikë të freskët

3-4 lugë gjelle me vaj ulliri ekstra të virgjër

2 karrota

1 patate

2 thelpinj hudhër

1 kokërr qepë e vogël

Gjysëm luge me spec djegës pluhur

1 filxhan çaji me thjerrëza

Dy lugë gjelle salcë domate

6-7 gota me ujë

Kripë

Gjysëm luge çaji me piper të zi të bluar

Majdanoz i freskët

Udhëzimet

Si fillim, AgroWeb.org ju këshillon të përzgjidhni llukanik fshati.

Prijini në feta jo shumë holla dhe më pas, në një tenxhere shtoni vajin e ullirit, pasi të jetë ngrohur shtoni copat e llukanikut dhe kaurdiseni për pak.

Më pas shtoni, qepën e grirë dhe karrotat e grira, kaurdisni derisa volumi i qepës të bjerë.

Shtoni thjerrëzat, patatet, specin djegës, kripën dhe piperin dhe hidhni 6-7 gota me ujë.

Lërini të ziejnë për 35-40 minuta me kapak të mbyllur.

Qëroni dhe shtypni thelpinjtë e hudhrës. Lërini mënjanë për 5-10 minuta që të çlirojnë të gjithë substancat mirëbërëse.

Hudhrën e shtypur shtojeni tek supa kur të jetë gati dhe lëreni të ziejë edhe për 5 minuta të tjera. Shërbehet e ngrohtë dhe spërkatet me majdanoz të grirë hollë dhe me disa pika vaj ulliri sipër.

Vlerat shëndetësore

Supa me thjerrëza është një burim i mirë proteinash dhe fibre. Çdo racion i kësaj supe përmban 11.1 gramë fibër që plotëson një pjesë të rëndësishme të dozës prej 25-38 gramë të fibrës që duhet të konsumoni çdo ditë.

Fibra i bën mirë sistemit tretës dhe zorrëve, duke parandaluar diarenë, konstipacionin dhe sëmundje të tjera të aparatit tretës.

Një racion me thjerrëza plotëson pothuaj të gjithë nevojën tuaj ditore për hekur.

Kompekaj – Ëmbëlsira e shpejtë e fundvitit

Fundi i vitit është koha më e ngarkuar për pastiçierët, pasi ëmbëlsirat janë të parat që përgatiten.

Shijet e mira në kuzhinë nuk kanë të mbaruar, por ëmbëlsirat duket se zënë një vend fare të veçantë.

Edhe nëse nuk jeni fans i tyre, me siguri që keni ndonjë të preferuar të cilën nuk nguroni ta provoni herë pas here.

Fundi i vitit është koha më e ngarkuar për pastiçierët, pasi ëmbëlsirat janë të parat që përgatiten.

Për të gjithë ju që dëshironi të provoni një shije të ndryshe dhe një ëmbëlsirë që përgatitet shumë shpejt, AgroWeb.org ka një sugjerim.

Kompekaj quhet keku i veçantë të cilin mund ta përgatisni posaçerisht për festat e fundvitit, për të kënaqur të dashur tuaj me shije shtëpie.

Ndiqeni më poshtë mënyrën e saktë të përgatitjes së kësaj ëmbëlsire.

Përbërësit

2-3 petë sfoliat

8 vezë

100 gr miell

25 gr kakao

100 gr sheqer

2 lugë gjelle gjalpë

150 gr arra

Për shërbetin

500 ml ujë

650 gr sheqer

Përgatitja

Për të nisur me përgatitjen e kompekasë, AgroWeb.org ju këshillon që të zgjidhni një enë të thellë.

Në të rrihni vezët bashkë me sheqerin, derisa vezët të fryhen dhe të krijojnë një masë kompakte, shtoni në fund gjalpin e shkrirë dhe vazhdoni me përzierjen.

Në një enë tjetër përzieni miellin me kakaon bashkë me arrat e coptuara ose të grira hollë.

Shtojeni miellin pak nga pak tek ena ku rrahët vezët, duke përzier me kujdes nga poshtë lart derisa të formohet brumi i kekut.

Ndërkohë zgjidhni një tavë pjekje, lyejeni me pak gjalpë ose vaj dhe shtroni në të petën sfoliat duke ngritur me kujdes anët e petës.

Hidhni në të brumin që përgatitët, duke e tundur herë pas here tavën në mënyrë që të dalë ajri jashtë ëmbëlsirës.

Sipër shtroni me kujdes petën e dytë sfoliat, duke bërë kujdes që ajo të mos zhytet në brumë.

Më pas futeni në furrë në temperaturën 180 – 200 gradë C për 30 – 35 minuta, derisa keku të piqet dhe peta të marrë ngjyrë të artë.

Ndërkohë që keku piqet përgatisni shërbetin, njësoj siç bëni me sherbetin e bakllavasë dhe kur të jetë trashur lëreni të ftohet.

Kur keku të jetë pjekur, nxirreni nga furra, lëreni të ftohet paska dhe priteni në copa të vogla.

Në fund shtoni shërbetin në të gjithë sipërfaqen e kekut dhe shijojeni menjëherë.

Ëmbëlsira e Krishtlindjes me fruta të thata – Duhet ta përgatisni patjetër

Me rastin e festave, AgroWeb.org ju këshillon një ëmbëlsirë me fruta të thata, konjak dhe erëza.

Ëmbëlsirat janë kryefjala e festave dhe gostitë për këto raste janë ideale për të shpalosur talentin në kuzhinë.

Me rastin e festave, AgroWeb.org ju këshillon një ëmbëlsirë me fruta të thata, konjak dhe erëza.

Ëmbëlsira e Krishtlindjes Me Fruta Të Thata Dhe Konjak

Përbërësit:

350 gramë rrush të thatë,

100 gramë kumbulla të thata pa bërthamë,

100 gramë sheqer kaf,

4 lugë gjelle rum ose konjak

100 gramë arra të copëtuara

100 gramë bajame

100 gramë bajame të bluara

100 gramë thërrime buke,

50 gramë miell shumë-përdorimësh,

100 gramë gjalpë

Gjysëm luge çaji arrëmyshk,

1 lugë çaji kanellë pluhur,

100 gramë qershi për kokteile

Përgatitja:

Në një enë qelqi përzieni rrushin e thatë, kumbullat e thata, sheqerin kaf dhe rumin ose konjakun.

Lërini për 24 orë.

Më pas, përzieni arrat, bajamet, pluhurin e tyre, thërrimet e bukës, miellin, gjalpin, erëzat dhe vezët dhe shtoni frutat e thata të njomura në rum.

Teksa përzieni, mos harroni të shprehni një dëshirë për festa.

Mbulojeni enën me letër kuzhine dhe lëreni mënjanë në një vend të freskët për 24 orë.

Me të mbaruar 24 orët, lyeni pak tavën e ëmbëlsirës me gjalpë.

Për këtë ëmbëlsirë, nevojitet një tavë në formën e tasit të thellë.

Sipër vendosni letër pjekjeje të cilën gjithashtu duhet ta lyeni me pak gjalpë.

Derdheni brumin në tavë, duke e shtypur herë pas here që të zëjë vend.

Pasi t’i keni dhënë formën, mbulojeni tavën me një letër të madhe pjekjeje dhe më pas me letër alumin të cilën duhet ta siguroni mirë me një filospangë.

Më pas, merrni një tenxhere të madhe të cilën duhet ta mbushni me ujë deri sa të mbulojë një të tretën e tenxheres.

Fusni aty tavën e ëmbëlsirës por sigurohuni që uji nuk e mbulon atë dhe as nuk i afrohet sipërfaqes.

Lëreni ujin të marrë valë, dhe kur të ndodhë kjo uleni temperaturën dhe lëreni të ziejë ngadalë për 5-6 orë.

Gjatë kësaj kohe, sigurohuni që kur uji të avullojë, të shtoni më shumë, pra tenxherja nuk duhet lënë pa ujë.

Kur keku të jetë gatuar, hiqeni tavën e thellë dhe lëreni të ftohet.

Për ta servirur, nëse ju pëlqen i ngrohtë, ndiqni të njëjtën metodë si më lart, ose nëse jeni të paduruar për shijen, ngroheni në mikrovalë./AgroWeb.org

Tavë Korani me Arra – Fama e traditës pogradecare

Korani është një nga peshqit më të shëndetshëm që mund të përfshini në regjimin tuaj ushqimor.

Një recetë e vjetër tradicionale e Pogradecit, qytetit të famshëm të këtij peshku fantastik në shije dhe vlera.

Korani është një nga peshqit më të shëndetshëm që mund të përfshini në regjimin tuaj ushqimor.

Shkencëtarët rekomandojnë konsumin e të paktën 100 gramë me peshk siç është korani, dy herë në javë.

Për të maksimizuar vlerat e marra nga korani, rekomandohen metodat e gatimit si skara, gatimi me avull ose pjekja.

Më poshtë do të gjeni një recetë interesante tradicionale të zonës së Pogradecit të gatimit të koranit me arra në furrë, një traditë e hershme .

Për 4-5 persona nevojiten

1 racion peshk 200-250 g

2 lugë gjelle me miell

2-3  lugë gjelle vaj ulliri

2-3 lugë gjelle arra të shtypura dhe kripe

Përgatitja e Koranit me Arra në Shtëpi 

Pastrojeni koranin dhe priteni në racione.

Lyejeni me miell dhe vendoseni në tavë.

Spërkateni me vaj ulliri dhe vendoseni të piqet në furrë

Hidhni pak ujë të nxehtë në tavë dhe lëreni të marrë valë për 5 minuta.

Më pas shtoni arrat e shtypura dhe hudhrat dhe hiqeni tavën pas 10 minutash.

Vlerat e koranit

Acidet yndyrore Omega-3

Një racion i gatuar i koranit ofron 981 miligramë të acideve yndyrore omega-3 e cila e tejkalon sasinë e rekomanduar ditore prej 250 miligramë në ditë.

Një regjim i pasur me acide yndyrore pakëson rrezikun e sëmundjeve kardiovaskulare, hipertensionit, kolesterolit dhe disa llojeve të kancerit.

Acidet yndyrore parandalojnë çrregullime nervore siç janë skleroza, depresioni, çrregullimet bipolare dhe Alzheimeri.

Proteina

Një racion prej 100 gramësh ofron 21 gramë proteinë ose 37 përqind të dozës së rekomanduar për meshkujt dhe 46 përqind të nevojës ditore për femrat.

Studimet thonë se nëse e merrni proteinën nga peshku, keni më suhmë gjasa të humbisni në peshë, të ruani masën muskulare dhe të jeni më të ngopur.

Yndyra

Një racion prej 100 gramësh përmban 6 gramë yndyrë, 1.4 gramë yndyrë të ngopur dhe 60 miligramë kolesterol.

Përmbajtja e kufizuar e yndyrës e bëjnë koranin një variant të mirë proteinash dhe yndyrnash në krahasim me ushqimet e tjera.

Ndotësit e rrezikshëm

Korani është një ndër peshqit më pak të ndotur me merkur apo lëndë të tjera të rrezikshme.

Ka peshq të prekur nga nivele të larta të mërkurit që shkaktojnë lodhje, dëmtime të veshkave, çrregullime nervore dhe dëmtime në tru në veçanti tek fëmijët apo fetusi.