VOAL

VOAL

Please Wait ...
0%

Hekurudhat Federale Zvicerane mund ta bëjnë përdorimin e maskave të detyrueshëm

By | May 21, 2020

Komentet

Mediat: Pse Këshilli Federal i Zvicrës nuk i shpall menjëherë masat e reja kundër pandemisë?

VOAL – Një nga çështjet e adresuara këtë të dielë nga disa gazeta të shkruara dhe në internet është arsyeja pse Këshilli Federal dëshiron të presë të mërkurën për të njoftuar masat e reja për të përmbajtur koronavirusin.

Blick online thotë se arsyeja është për shkak të një ndryshimi pikëpamjesh midis këshilltarëve federalë: për shembull, Ueli Maurer do të donte të shmangte rrëshqitjen në “histerinë e koronavirusit”. SonntagsBlick shton se ka shumë të ngjarë, pas kritikave të marra në pranverë, qeveria nuk dëshiron të akuzohet për imponimin e “një diktature koronavirus”.

Ndërkohë, imazhet e festimeve të qendrës tregtare Tivoli në Spreitenbach (AG), ku një turmë njerëzish u dyndën për të përfituar nga ofertat e ndryshme, po diskutohen në rrjetet sociale. rsi-eb

Presidentja e Zvicrës Simonetta Sommaruga: Shpejt masa të reja!

voal.ch – “Këshilli Federal do të duhet të vendosë për masa të reja”, tha Simonetta Sommaruga Presidentja e Konfederatës me rastin e një vizite në Inselspital në Bern.

Prej Inselspital Simonetta Sommaruga tha, “ne shohim shumë të rëndësishme që të bashkëpunojmë së bashku për të ulur infeksionet”.

“Nëse nuk do të kishte mjaft shtretër në spitale dhe njësi të kujdesit intensiv, virusi do të bëhej i rrezikshëm. “I rrezikshme për të gjithë ne,” theksoi zonja Sommaruga.

6 634 infeksione të reja 24 orët e fundit në të gjithë Zvicrën, 10 viktima

VOAL – Janë 6 634 infeksione të reja të koronavirusit të numëruara në 24 orët e fundit në të gjithë Zvicrën. Një shifër që duhet të krahasohet me 25,061 teste të reja të kryera. Gjithashtu midis dje dhe sot ka 10 vdekje të mëtejshme të shkaktuara nga sëmundja dhe 117 shtrime të tjera në spital në të gjithë vendin. Më në fund, 17,888 njerëz janë aktualisht në izolim.

Në muajin e fundit në Zvicër, ku infeksionet totale që nga fillimi i pandemisë kanë tejkaluar 100,000, mbi 50,000 infeksione janë konfirmuar në laborator, aq sa ato të regjistruara në 6 muajt e mëparshëm. rsi-eb

Këshilltari Federal Alain Berset: Nëse nuk do të shihen rezultate, masat do të jenë më të ashpra

voal.ch – Nëse situata nuk përmirësohet në ditët në vijim, do të futen masa të mëtejshme për të përmbajtur përhapjen e koronavirusit. Kështu tha sot në Bernë Këshilltari Federal Alain Berset  në një konferencë shtypi në Bern.

Qëllimi është të shmangim një lockdown – bllokim të ri, tha Berset në konferencën për shtyp. Sipas Këshilltarit Federal, është e nevojshme të presim rreth dhjetë ditë për të parë efektin e dispozitave të reja. Sidoqoftë, nëse masat e prezantuara të djelën e kaluar nga qeveria nuk japin rezultatet e dëshiruara, masat e reja mund të futen të mërkurën e ardhshme.

“Vetëm tre javë më parë ne ishim një nga vendet më të mira në Evropë dhe tani jemi një nga vendet më të trazuara. Është e vështirë të shpjegosh se çfarë çoi në këtë situatë, por nëse vazhdon me këtë ritëm pa asnjë reagim pozitiv, situata rrezikon të përkeqësohet më tej”, theksoi Berset.

Sipas Zyrës Federale të Shëndetit Publik sot në Zvicër janë regjistruar 5256 infeksione të reja, nga ku 106 raste janë shtruar në spital, numuri i viktimave ka qenë 11 dhe test kanë bërë rreth 27 mijë vetë./EB

 

Gjermania fut Zvicrën në listën e zonave me rrezik të koronavirusit

VOAL – Zvicra dhe Lihtenshtajni përfunduan në listën gjermane të zonave me rrezik të koronavirusit. Autoritetet e Berlinit e treguan këtë sot, duke specifikuar se lista e re do të hyjë në fuqi të shtunën.

“Unë jam kundër zbatimit të masave drastike përsëri”. Kjo është thënë nga ish Mister Covid Daniel Koch në portalin Watson. “Ju nuk mund të merrni masa që trembin njerëzit, ju duhet të zgjidhni masa me të cilat mund të jetoni për një kohë të gjatë,” shtoi ai. Në praktikë, për Koch, “ne duhet të përqendrohemi në gjurmimin e shpejtë të kontakteve dhe testeve të shpejta”. rsi-eb

Dyfishimi i shifrave të COVID-19, Zvicra shqyrton bllokimin ose shtetrrethimin për dy javë

Qeveria zvicerane po vlerëson të gjitha variantet, përfshirë një minibllokim ose një shtetrrethim, për vënien nën kontroll të COVID-19, tha sot ministri i Shëndetësisë Alain Berset, ndërkohë që numri i rasteve ditore është gati dyfishuar, me një rekord prej 5 583 infektimesh nga një ditë më parë.

“Një mundësi do të ishte mbyllja e dyqaneve për dy javë”, tha Berset, në një konferencë shtypi, ndërsa theksoi se nuk ishte ende koha për të marrë një vendim të tillë.

“Dy javët e ardhshme do të jenë vendimtare”, shtoi ministri, duke nxitur popullsinë të përdorë maska, të lajë duart dhe të ruajë distancën e sigurisë.

Berset përmendi mundësinë e masave më të rrepta vetëm tri ditë pasi qeveria e tij njoftoi uljen e numrit në tubimeve private, vuri masën e mbajtjes me detyrim të maskës në hapësirat e brendshme publike dhe u kërkoi kompanive të kalonin në punën në distancë.

Sot në Zvicër 5596 raste të reja me Covid 19 dhe 11 viktima

voal.ch Sipas buletinit të botuar nga Zyra Federale e Shëndetit Publik në Zvicër sot situata epidemiologjike në Konfederatën Helvetike dhe Principata e Lihtenshtajnit paraqitet si më poshtë:

Raste të reja me Covid 19 sot janë regjistruar 5596, prej këtyre 115 janë shtruar në spital dhe 11 janë regjistruar vdekje.

Testin e kanë bërë sot 28 328.

Sikur shihet nga buletini i bërë publik, situata në Zvicër është shumë alarmante.

Nga 17 shtatori 2020, raportet ditore të situatës publikohen nga e hëna në të premte. Një përmbledhje domethënëse e situatës dhe trendit epidemiologjik ofron raporti analitik i situatës javore, i botuar çdo të enjte në mëngjes.

Në Zvicër edhe 3 008 raste dhe 8 viktima

 

VOAL – Janë 3 008 infeksione të regjistruara në Konfederatë ditën e fundit, krahasuar me 14 224 tanpone. 8 vdekje të tjera dhe 53 shtrime të reja në spital u raportuan gjithashtu, sipas të dhënave të siguruara nga FOPH. Buletini i fundit i lëshuar dje, i cili grumbulloi të dhënat e fundjavës, tregoi 8 737 raste të reja (54 185 teste), 14 vdekje dhe 171 shtrime të tjera në spital.

Numri i të vdekurve që nga fillimi i pandemisë është rritur në 1 845.

Incidenca e infeksioneve vazhdon të rritet në të gjithë Zvicrën, e matur në bazë të pozitiveve për 100 000 banorë në 14 ditët e fundit. Kantoni i vetëm ku numrat e azhurnuar janë më të ulët se dje është Obwalden, ndërsa Fribourg dhe Valais regjistruan rritje veçanërisht të forta, me këtë të fundit që ka vlerën më të lartë, 755, 6 raste për 100,000 banorë në dy javët e fundit . Në Ticino kishte 252.4 dhe në Grisons 196.6. Kantoni më pak i prekur është Schaffhausen me 130.5, ndërsa mesatarja e vendit qëndron në 337.3.

Nga fillimi i pandemisë, megjithatë, Zvicra dhe Lihtenshtajni kanë arritur mbi 1.000 (1,003.9 për të qenë të saktë), që do të thotë se 1% e popullsisë është testuar pozitive midis shkurtit dhe sot. Sidoqoftë, ata që janë infektuar në të vërtetë janë më shumë, duke qenë se në pranverë nuk janë testuar raste jo serioze dhe jo të rrezikshme. Testi serologjik i kryer në Tiçino tregoi për shembull se rreth 10% e popullsisë kishin ardhur në kontakt me koronavirusin e ri.

“Zvicra është prapa Francës në numrin e rasteve, por është përpara Britanisë dhe Spanjës. Ne jemi qartë përpara Austrisë dhe numri i rasteve është dyfishi i Italisë dhe katër herë më i lartë se Gjermania ”. Kjo u deklarua nga Stefan Kuster, shefi i sektorit të sëmundjeve ngjitëse të FOPH, gjatë një konference shtypi në Bernë për të bërë një vlerësim të pandemisë. Duke ilustruar të dhënat, Kuster specifikoi se nuk është e mundur të bëhen krahasime me situatën që ishte krijuar në pranverë, por theksoi se tendenca është drejt “dyfishimit” të numrave nga një javë në tjetrën, si për infeksionet ashtu edhe për shtrime në spital. Shkalla e pozitivitetit në tamponet e kryera është rreth 14% në dy javët e fundit, ndërsa shkalla e riprodhimit qëndron në 1.6. rsi-eb

Thomas Steffen: Në Zvicër një valë e dytë, e fortë e pandemisë ka ardhur

 

VOAL – Vala e dytë ka mbërritur. Është më e shpejtë dhe më e fortë se sa pritej dhe mund të zgjasë shumë, tha Thomas Steffen, përfaqësues i Shoqatës së Mjekëve Kantonalë të Zvicrës, tha sot në Bernë në konferencën e zakonshme për shtyp për të bërë një vlerësim të situatës, pa shumë fjalë. “Ne aktualisht jemi shumë të zënë me pyetje në lidhje me shpërthime të mundshme në shtëpi pleqsh, shkolla dhe klube sportive amatore,” shpjegoi ai.

Humori në mesin e njerëzve ka ndryshuar ditët e fundit, thotë eksperti. “Deri dy javë më parë, ne po merrnim pyetje mjaft kritike në lidhje me masat e marra, ndërsa tani gjithnjë e më shumë njerëz të shqetësuar për situatën po na kontaktojnë,” vuri në dukje ai. Shumë veta ndihen të frustruar dhe refuzojnë idenë e një lockdowni të dytë.

Sipas Steffen, njerëzit kanë mësuar nga vala e parë dhe nuk duan të provojnë të njëjtat gjëra. Pikërisht për këtë arsye është më e rëndësishme se zakonisht të informohet popullata mirë dhe në mënyrë aktive, me qëllim që të gjithë të jenë të gatshëm të përballen me sfidën e re. “Ne do t’ia dalim,” siguroi ai. rsi-eb

Gjatë fundjavës në Zvicër 8737 infeksione të reja dhe 14 viktima – Prej sot në gjithë Zvicrën maskat e detyrueshme !

Foto: Sheshi i Stacionit të Trenit, Bernë

 

voal.ch – Në Zvicër gjatë fundjavës, të premte, shtunë e të djelë ka 8,737 infeksione të reja.

Këtë raportim e ka bërë Zyra Federale e Shëndetit Publik që ka lajmëruar po ashtu edhe 14 raste vdekjesh.

Ndërkohë nga sot, maskat janë të detyrueshme në të gjithë Zvicrën në hapësirat e hapura për publikun.

Kjo masë që ka hyrë në fuqi sonte në mes të natës, ka marrë urgjentisht nga Këshilli Federal si masë për të shmangur një valë të dytë nga Covid 19.

Maskat do të mbahen në hapësirat e brendshme publike në të gjithë vendin.

Pra maskat do të jenë të detyrueshme në mjedise të mbyllura po ashtu në mjedose të hapura në publik ku ka grumbullime të njerëzve.

Ndalohet grumbullimi i më shumë se 15 persona. Konsumi në bare dhe restorante vetëm kur klientët do të ulen./EB

 

Fasada e Pallatit Federal në Bernë një shfaqje me temë “Shpresë për Planetin”

voal.ch – Planeti, ambienti, shkatërrimi, shpëtimi dhe shpresa.

Këto janë temat e shfaqjes “Planet Hope”.

Fasada e Pallatit Federal në Bernë bëhet kështu një lloj Arke e Noes dhe e çon shikuesin në pyllin e Amazonës, në mes të akullit të Arktikut, mes mbetjeve plastike të Oqeaneve, në vendet në zhvillim …

Ky udhëtim aventuresk nga një kontinent në tjetrin zhvillohet midis së tashmes dhe një të ardhme hipotetike.

Shfaqja zgjat deri më 21 nëntor.

Masat e koronavirusit do të përshtaten vazhdimisht me situatën.

Për më shumë informacion: www.rendezvousbundesplatz.ch./swissinfo.ch/eb

 

https://www.facebook.com/watch/?v=679574316020447

Maskat të detyrueshme në të gjithë Zvicrën në mjediset e brendshme publike

VOAL – Maskat të detyrueshme në të gjithë vendin në mjediset e brendshme publike. Ndalim për tubime me më shumë se 15 persona. Konsumi në bare dhe restorante vetëm kur ulen. Rekomandohet puna nga shtëpia.

Këto janë, në mënyrë të përmbledhur, vendimet që Këshilli Federal mori në mbledhjen e tij të urgjencës të mbajtur sot, të Dielën, dhe u përqëndrua në rifillimin serioz të pandemisë së koronavirusit në Zvicër. rsi-eb


Send this to a friend