VOAL

VOAL

Please Wait ...
0%

Frashër Krasniqi e Milaim Zeka përleshen live në emision (video)

By | September 29, 2017

Komentet

Detaji që nuk i shpëtoi askujt, shikoni gjestin e Trumpit përballë Putinit. Ja reagimi i presidentit rus (video)

Presidenti i SHBA Donald Trump dhe Presidenti rus Vladimir Putin në Helsinki u takuan për rreth dy orë me praninë vetëm të përkthyesve në pallatin presidencial të Finlandës.

Ne konferencen e tyre per shtyp eshte fiksuar nje gjest i Presidentit amerikan, qe eshte komentuar gjeresisht ne rrjetet sociale dhe media. Ka qene koha kur pasi zune vendet ne karriget perkatese, Trump i shkel syrin Putinit.

Por pasi ai ia ka bërë me “sy” homologut rus, ky i fundit nuk reagoi fare. Shikoni videon:

Video e plotë – Debati më i famshëm politik i Fatos Nanos dhe Sali Berishës

ARKIV/ Përballja mes Sali Berishës dhe Fatos Nanos në vitin 2002 në “Opinion” në Tv Klan është debati më i famshëm dhe më i ndjekur në vend, emision që u transmetua në atë kohë edhe në Kosovë, Maqedoni e Mal të Zi. Dy liderët politikë të asaj kohe “rrahën” mendimet ballë për ballë, nën moderimin e gazetarit dhe drejtuesit të emisionit Blendi Fevziu. Ishte hera e parë që liderët politikë të dy partive kryesore të vendit ballafaqoheshin në një përballje televizive, në një kohë kur nuk kishte kaluar shumë nga viti i mbrapsht 1997. Filozofitë dhe mendimet e ndryshme politike që i ndanin ishin të mëdha, por në fund të emisionit që zgjati 2 orë, debati u mbyll me një shtrëngim duarsh Nano-Berisha.

INTERVISTA E PLOTË

Blendi Fevziu: Të nderuar teleshikues mirëmbrëma. Ju flas nga studio numër 2 e televizionit Klan në këtë debat të drejtpërdrejt në emisionin “Opinion”. Ashtu sikurse është njoftuar gjatë gjithë kësaj jave, ashtu sikurse u njoftua edhe dje në edicionin special në një intervistë me Kryeministrin e dorëhequr Ilir Meta, debati i sotëm do të vërë përballë dy nga figurat më të rëndësishme të politikës shqiptare të 10 viteve të fundit. Dy personazhe që kanë dominuar jetën publike dhe dy partitë më të mëdha në vend, z.Fatos Nano kryetar i PS, ish-Kryeministër dhe z.Sali Berisha kryetar i PD dhe ish-President i Republikës. Ju falenderoj të dyve që ishit të ftuar në studion tonë.

Ky është një nga transmetimet më të jashtëzakonshme që është bërë deri më sot në Shqipëri. Jemi në valët e televizionit Klan, jemi në valët e një serie televizionesh lokale në gjithë Shqipërinë, jemi në valët e transmetimit satelitor të Televizionit Shqiptar, jemi në valët e transmetimit satelitor të Televizionit të Kosovës, jemi gjithashtu në të gjitha valët e transmetimit të Radio Tiranës, si dhe mund të na ndjekin përmes internetit në të gjithë globin në adresën www.shqipëria.com.

Z.Berisha, përpara se të filloj, ju uroj për hyrjen e Partisë Demokratike në Parlament sot.

Sali Berisha: Unë ju falenderoj, por nuk mund të rri pa bërë një koment, sepse ti na ktheve pak mbrapa. Koha së cilës i referohesha, unë po të kthehem prapë ndoshta do të mbaja të njëjtin qëndrim. Zoti Nano ishte Kryeministër, nuk është më. Kërkova ekip, e prita, nuk e krijoi. Tani takohemi kështu siç jemi.

Ç’ka dua të them me këtë? Dua të them se gjendja në të cilën e zhvillojmë këtë debat është një situatë e veçantë për vendin, një situatë ka një krizë të thellë të gjithanshme, kur dihet se ekziston një paralezi në vendimmarrje, një paralezi në qeveri, në parlament sot u zhbllokua me 84 vota, një votë për president mori nënkryetarja, zonja Topalli. Është e vështirë që këtu, se ka shumë spektatorë që unë dua t’i përshëndes. Unë kam ardhur këtu me një vullnet dhe një shpirt të pastër për të bërë një debat për problemet e mëdha, nuk është një platformë vendimesh, por është një platformë shkëmbim mendimesh dhe besoj se është e dobishme të shqyrtojmë opsionet tona, të secilës palë, të Partisë Socialiste dhe Partisë Demokratike, për zgjidhjen e problemeve madhore të vendit.

Blendi Fevziu: Natyrisht ju me tematikën e debatit jeni ambientuar, është ajo dhe nuk ka pasur ndryshime, shpresoj zoti Nano edhe ju e ndoqët atë, dua t’ju uroj dhe ju se sot keni pasur një ditë të vazhdueshme debatesh, ju ndoqa edhe në transmetimin e … një debat lidhur me kryeministrin Meta.

Fatos Nano: Faleminderit Blendi. Në respekt të kryetarit të opozitës, do të thosha vetëm këtë, që nuk jemi për batuta sot këtu, sepse ka kohë që opinioni pret të na shohë në ekran, sëbashku në një situatë normale demokratike ku mund të prodhohet një produkt nga alternativa të ndryshme. Unë kam 5 + 4 vjet që e pres këtë ditë dhe mua s’më mungon sot asnjë ish-kryeministër, më mungon ndonjë pallat ndoshta, po jam këtu për të prodhuar fryte të ndryshme nga ato të 10-vjeçarit dhe besoj se me kthimin në Kuvend të opozitës kryesore, sot. Ju bëtë mirë që e shënuat këtë datë dhe këtë moment, është krijuar jo vetëm formalisht, por në tërësi, jo vetëm për shkak të krizës, edhe kriza duhet të interpretohet, duke u identifikuar një situatë më e favorshme, më e ndryshme. Shqipëria është më afër parametrave të një demokracie normale dhe më afër mundësive që shumë aktorë, jo vetëm unë dhe zoti Berisha, të kontribuojnë në progres dhe integrim me botën moderne. Le të jemi dy prej tyre.

Blendi Fevziu: Zoti Nano ju thatë që nuk ju mungon asnjë kryeministër, në fakt aktualisht, jeni pak kryeministër…

Fatos Nano: Nuk më mungon asnjë ish-kryeministër zoti Fevziu.

Blendi Fevziu: Meqë jemi brenda kësaj pjese, a mund ta nisja debatin duke kërkuar opinionin tuaj për dorëheqjen e kryeministrit Meta dhe tentativat që po bën Partia Socialiste për të ngritur një qeveri? Për të ndërtuar një qeveri të sajën?

Fatos Nano: Unë besoj se po mësojmë në mënyrë të qëndrueshme, normale pas 10 vjet përvoje në demokraci, edhe ushtrimin demokratik të kapërcimit të krizave, të negociimit për zgjidhjen e tyre dhe natyrisht këtë radhë ushtrimesh për të krijuar një kabinet të ri të mazhorancës. Nuk është fare i ri, ka nuancat e veta si ushtrim demokratik, dhe nuk mund të mos i referohem në këtë moment, përvojës sonë edhe precedentëve, kur kjo maxhorancë është më cilësore, sesa legjislaturën e kaluar, ka ditur të aktivizojë përgjegjësinë, skemën dhe potencialin që ekzistojnë brenda saj për të kaluar në kabinete të vazhdimësisë, stabilitetit dhe të rritjes. Ne jemi të angazhuar për ta zgjidhur në mënyrën më të mirë të mundshme, edhe këtë herë çështjen dhe nuk besoj se do të çudisim njeri duke arritur konsensuset e duhura.

Blendi Fevziu: Zoti Berisha nuk e di nëse komenti juaj do të ishte i njëjtë me atë të kryeministrit Meta, megjithëse është një zhvillim i Partisë Demokratike, është një zhvillim që lidhet me gjithë politikën shqiptare.

Sali Berisha: Si rregull, një qeveri bie kur nuk qeveris, në këtë kontekst, sot pata kënaqësinë të dëgjoj ish-kryeministrin të pohojë se 3 muajt e fundit që nga Qershori, ai nuk ka qeverisur. Ç’ka do të thotë që kjo është një rënie shumë e vonuar, shkaqet e mosqeverisjes, janë aboslutisht në dhunimin e zgjedhjeve, dhunim i cili tashmë është bërë universalisht i pranueshëm, dhunim i cili vazhdoi në një mënyrë dhe i besueshëm edhe në PD. Deri në momentin që gjykatësi Mark Adia u mposht para dy ditësh. Pra, kryeministri Meta nuk mund të qeveriste, humbi votëbesimin në parlament, nuk fitoi votëbesimin, humbi dy ditë më parë edhe unë e kam përshëndetur pavarësisht se me shumë vonesë. Realisht duhet të jem i sinqertë, jo për të krijuar një aleancë me zotin Nano dhe grupin që mbështet, por për dinjitetin e qeverisjes së një vendi, do të bashkonim votat me një mocion për ta larguar. Me grupin tuaj, me ata deputetë të grupit tuaj, të cilët besojnë se vendi duhet të ketë një qeverisje me votëbesim.

Fatos Nano: Është 50 % e vërtetë. Jeni dhe ju dakord për këtë gjë.

Sali Berisha: Tani aq sa është unë them se e zgjidhi vetë, ai dha dorëheqjen, nuk lejoi të krijohej ky moment, i cili nuk është se nuk do të kishte ca rumore, në publicistikët dhe analistët shqiptarë, por do vinte në emër të interesit të një qeverisje. Tani, hymë sot në parlament, parlamenti ishte pa qeveri, s’kishte asnjë ministër, përveç Majkos që mund të ketë ca aspirata, të gjithë mungonin.

Blendi Fevziu-Nanos: S’besoj se kishe mbledhje me ministrat…

Fatos Nano: Kishte një kuorum të mjaftueshëm për të zgjedhur edhe zonjën Topalli, ministrat ishin në respekt të barazisë së palëve dhe kjo është elektronikisht e kontrollueshme. Po zoti Berisha më vjen mirë që s’do të shikojë mbrapa.

Blendi Fevziu: Zoti Berisha po jua drejtoj edhe njëherë pyetjen, sepse pastaj do t’i jap zotit Nano të drejtën e kundra analizës. Ju keni hedhur idenë menjëherë pas dorëheqjes së kryeministrit Meta, në një konferencë shtypi, keni hedhur idenë e një qeverie me bazë të gjerë. Ndërkohë që zoti Nano ka thirrur strukturat e Partisë Socialiste, për t’u konsultuar dhe ka filluar konsultimet, për emrin e kryeministrit të ri. A mund të ma argumentoni se pse kërkoni një qeveri me bazë të gjerë dhe çdo të thotë kjo për momentin?

Sali Berisha: Në katër muaj pas zgjedhjeve, vendi nuk ka patur një qeveri, siç e pohoi edhe kryeministri që u largua. Zgjedhjet kanë ngjallur dyshime dhe diskutime të shumta, në të gjitha institucionet ndërkombëtare. Shqipëria sot kategorizohet në vendin e demokracive pa zgjedhje të lira, përkthyer ndryshe demokraturave. Mirëpo Shqipëria është njëkohësisht në prag të zhvillimeve të rëndësishme historike, janë proceset integruese të cilat janë jetike për shqiptarët. Integrimi euro-atlantik është objektiv madhor kombëtar në programin tonë, është në programin e të gjitha partive shqiptare. Sot është më afër se asnjëherë, për shkak të ecurisë, duke qenë se është një evolucion, një proces. Në kushtet kur vendit i mungon një qeveri dhe i mungon një mazhorancë solide, njëpartiake, në kushte kur skena politike është bipolare dhe në fakt të jem i sinqertë, krahas nesh mund të ishte dhe zoti Meta diku aty, ose aty.

Blendi Fevziu: Zoti Meta ma ka kërkuar të drejtën e debatit personalisht me ju ose me zotin Nano, po nuk e di nëse mund të ishte vendi. Megjithatë, teoria ose teza juaj e tri-polarizmit, mund të ma shtjelloni pak më gjatë?

Sali Berisha: Pra tripolare është situata politike, sepse sot është shumë e qartë se zoti Nano ka një grup të konsiderueshëm mbështetësish, është padiskutim kryetari i Partisë Socialiste dhe i kam dëshmuar mirëkuptim të plotë për përpjekjet për të zgjidhur paralelizmin në vendimarrjen e Partisë Socialiste. Ka një grup deputetësh të cilët e kanë mbështetur, por të cilët nuk janë paraqitur në parlament për të votëbesuar ministrat e kabinetit Meta dhe me një vendim të kthjellët politik dhe me një qëllim të caktuar. Zoti Meta dha dorëheqjen dhe ai shpalli 40 mbështetësit e tij dhe dje u mblodh me ta. Grupi ynë ka 46 deputetë, që sot zunë karriget e tyre, pra në mënyrë të pamohueshme është një skenë politike tri-polare.

Tani në qoftë se gjykojmë nga e shkuara, unë kam mirëkuptim për rezervat që mund të ketë zoti Nano, për rezervat që mund të ketë zoti Meta. Por nëse vendosim të ndryshojmë dhe të shohim drejt së ardhmes, unë shpreh keqardhje për moskuptimin ose mosmbështetjen nga ana e tyre të kësaj teze, të kësaj pikëpamje e cila është eksperimentuar me sukses në vende të tjera që kanë patur kriza të tilla. T’ju jap një shembull. Pse në Itali u emërua Carlo Azeglio Ciampi kryeministër? U emërua sepse Berlusconi humbi mazhorancën. Pra ai krijoi një grup të veçantë dhe u krijua një qeveri të cilën e mbështetën që të gjithë. Pra qeveria me bazë të gjerë, është një qeveri e cila i duhet shumë vendit sot dhe kjo nuk nënkupton që këtu duhet të jetë dhe Partia Demokratike dhe Partia Socialiste dhe kjo dhe ajo. Kjo nënkupton një qeveri që të paktën të mbështetet nga të gjitha partitë. Me një program të qartë dhe të caktuar, me detyra dhe objektiva të caktuara, në radhë të parë reformat dhe proceset integruese, reformën elektorale, reformën kushtetuese. Mirëpo kur dëgjoj unë se jo po ministri i PD-së do të shkojë të bëjë hafije te PD-ja, këto pastaj janë mendësi të vjetra.

Në qoftë se ecim dhe gjykojmë me standardet e vjetra dhe unë jam dakord që ajo nuk ecën, se në ’97 kur u krijua qeveria e pajtimit kombëtar, sepse absolutisht përfaqësuesit e Partisë Socialiste, kërkuan në mënyrë ultimative dhe kategorike që të kishte dublantë. Dhe unë iu thashë që bëni një gabim shumë të madh, shteti është për t’u ndarë dhe ushtruar dhe jo për t’u ndarë dhe bllokuar siç po kërkoni ju të bëni. Ishte një marrëveshje dhe unë e pranova plotësisht marrëveshjen, por koncepti im është për një qeveri që ta mbështesin partitë politike, një qeveri që të ketë objektiva të caktuar, një qeveri që jep një mesazh, krijimi i saj jep një mesazh shumë të rëndësishëm pozitiv për insititucionet euro-atlantike, të cilat vetëm dy ditë më parë deklaruan se jeni spostuar nga reformat. Një qeveri që përgatit ndryshime të domosdoshme kushtetuese, për t’u dalë përpara krizave të tjera dhe unë e quaj këtë pa asnjë mëdyshje zgjidhjen më të mirë për vendin, në kushtet e krijuara.

Blendi Fevziu: Megjithatë vetëm një ndërhyrje të shpejtë kam para se t’ia jap fjalën zotit Nano. Më duket se tri qeveritë paraardhëse me bazë të gjerë dhe me mbështetje të të gjitha partive, si qeveria e stabilitetit dhe qeveria e pajtimit kombëtar dhe qeveria teknike e zotit Ahmeti, në një mënyrë ose në një tjetër kanë qenë një disaster për qeverisjen në Shqipëri.

Sali Berisha: Jo unë them se qeveria Ahmeti nuk ka qenë disaster, edhe unë kam qenë dëshmitar, kam pas bashkëpunim me këtë qeveri dhe me shumë anëtarë të kabinetit të kësaj qeverie. Unë besoj dhe mund të dëshmoj se ka pasur prej tyre që kanë zbatuar me rigorozitet ligjin dhe kanë qeverisur të bazuar në ligjin. Dhe nuk e kam quajtur një qeveri disaster, por unë nuk dua të marr këtu as qeverinë Ahmeti, as qeverinë Bufi, as qeverinë Fino. Urdhëroni të krijojmë një model, një qeveri siç kanë krijuar të tjerët, ta mbështesim dhe ndërkohë, edhe polet kthjellohen. Ndërkohë Partia Socialiste ka të gjithë kohën në dispozicion për të zgjidhur problemet e saj të vendimmarrjes, të cilat janë të qarta sot, të tjerat janë normale. Në historinë e tyre, qeveri të tilla nuk janë jetëgjata, mund të jenë afat-mesme, mund të jenë afat-shkurtra, por jetëgjata nuk mund të jenë sepse edhe nëse t’i përcakton garancira jetëgjatë, jetëgjatësi i japin zgjedhjet e lira dhe të ndershme. Pastaj lind problemi se a duhet të bëhen zgjedhje të lira dhe të ndershme pastaj.

Fatos Nano: Unë natyrisht do të bëj një analizë ndryshe, në disa komponentë, për faktin se gjërat e ndryshme janë komplomentare, jo gjërat e njëjta. Problemi është kompleks, jo për shkak të precedentëve se sot s’kemi një precedent si zoti Berisha, nuk kemi një situatë si ajo kur u krijua qeveria e fundit e dublantëve, markusve, në kohën e Presidentit Berisha në krizën e fundit të ’97 tës. Madje dhe precedentët e tjera janë precedentë zgjedhorë kryesisht. Dhe këtë moment unë nuk e flak pa e analizuar propozimin që vjen nga opozita, nga zoti Berisha këtu në studio për një qeveri me bazë të gjerë apriori, sepse ka nevojë për kontribute konverguese, të mazhorancës dhe të opozitës në qeverisje, për të njëjtat objektiva që foli dhe zoti Berisha, janë objektiva kombëtarë të integrimit të Shqipërisë në botën euro-atlantike, por ky nuk është një precedent elektoral, nuk ka zgjedhje së afërmi, jo sepse s’duam ne, jo sepse duhet t’i kundërvihem dëshirës së opozitës për zgjedhje, por sepse ka një normalitet të zhvillimit demokratik të vendit, ka natyrisht zgjedhje të kontestuara në mënyrë të përsëritur. Por zgjedhjet e fundit nuk ishin një dështim dhe nuk besoj se ka një opinion universal të tillë. Zgjedhjet e fundit kishin parregullsitë e tyre, tashmë ato janë certifikuar në misione dhe organizata të caktuara ndërkombëtare për të vëzhguar dhe për të certifikuar zgjedhjet raporti i OSBE-ODIHR është përfundimtar, madje tashmë jemi në një proces kur pasi kemi njohur bashkërisht vërtetësinë e konstatimeve, parregullsive zgjedhore nga këto organizata ndërkombëtare jemi angazhuar, po krijojmë institucione demokratike dhe parlamentare, për t’i korrektuar ato në funksion të çdo zgjedhjeje në të ardhmen.

Ky është një komponent që më bën mua ta shikoj analizën e situatës në mënyrë komplomentare me zotin Berisha. Elementi i dytë është situata e Partisë Socialiste. Partia Socialiste është një parti e hapur, është një parti vërtetë demokratike, saqë u lejon të gjithëve përfshirë edhe kryetarit të opozitës, të analizojë problemet brenda saj, jo për shkak të hapjes të të gjitha vrimave dhe të korentit brenda nesh, por për shkak të transparencës dhe të organizimit të një skeme vërtet institucionale të demokracisë tonë të brendshme. Dhe ky nuk është debati i parë që ndodh, nuk është konflikti i parë që shfaqet, nuk është kriza e parë që ne detyrohemi të kapërcejmë, nuk është krizë e Shqipërisë, nuk është një krizë që vjen ngaqë s’ka qeveri, është një krizë e qeverisjes, është një krizë e mazhorancës dhe për herë të parë po shfaqet bindshëm në realitetin shqiptar, një realitet analog me atë italian, të cilit iu referua zoti Berisha. Nuk e kam fjalën te Ciampi, se po t’i hynim diskutimit cili është Ciampi shqiptar, por e kam fjalën të stabiliteti i shoqërisë, i jetës ekonomike, të qetësimit të njerëzve të vazhdimit të segmentit të jetës të punës të investimit, të qejfit, të politikës, pavarësisht nga kriza energjitike (fiken dritat në studio).

Pavarësisht nga blackout-et dhe nga kriza e qeverisë…

Nga kjo pikëpamje, jo për shkak të detyrës por për shkak të bindjeve me të cilat unë e realizoj këtë analizë, unë nuk mund të them se zoti Berisha mund të gjejë ndonjë pol të papajtueshëm me maxhorancën dhe partinë që drejton zyrtarisht maxhorancën, në gjirin tonë. Zoti Meta është një personalitet që ekziston, i afirmuar në qeveri dhe në politikë, por jam i detyruar të afirmoj qetësisht, se kjo krizë për shkak të përvojës të skemës të funksionimit të demokracisë tonë të brendshme, të gjitha elementëve që na gjenerojnë mundësinë për ta kapërcyer do zgjidhet brenda nesh, brenda maxhorancës. Unë nuk po i tregoj gardhin zotit Berisha, por nuk zgjidhet me tjetër rracë nga ajo që është brenda gardhit, në sensin e konfondimit të mazhorancës me opozitën, ky është elementi i dytë që desha të theksoja.

E treta, mua do të më pëlqente të arrinim sa më parë të ishte e mundur një situatë shoqërore, ekonomike dhe të institucioneve në Shqipëri madje të kulturës politike dhe të mentalitetit qytetar si ajo e Zvicrës, apo e Austrisë ku qeveri të tilla që gëzojnë mbështetje të gjërë, të formuara nga e djathta dhe nga e majta e re, moderne, janë edhe të qëndrueshme në kohë, dekada bile. Kemi thënë gjatë debateve tonë 10-vjeçare, ta bëjmë Shqipërinë edhe si Zvicra madje, edhe sot na duhet të konstatojmë se shqiptarët kanë filluar të sillen si zviceranë se edhe armët i mbajnë në shtëpi. Dhe na duhet të hedhim hapa të tjerë që të sillemi dhe në politikë si zvicerianët, të cilët gjithashtu kanë hequr dorë nga neutraliteti dhe po integrohen.

Pra një qeveri me bazë të gjerë e mbështetur nga i gjithë spektri, është ende një gjë e paarritur dhe rrezikon të jetë e paarrirë e papjekur, sepse do të konfondonte mazhorancat me opozitat. Zoti Berisha ka 24 orë që shprehet për aleanca fluide, që do të ngatërronin gjithë dynjanë dhe shpresoj që zoti Berisha të ketë piketa konkrete në këtë skenar dhe megjithatë unë vazhdoj të jem i bindur për qëtësinë e kësaj analize, se ekzistojnë mazhorancat e duhura brenda nesh, për të krijuar dhe për të vënë në punë një qeveri më të mirë, më të mirë gjithmonë një koncept relativ jo sepse ishte e keqe e mëparshmja. Ne nuk kemi 5 muaj pa qeveri, ne kemi një situatë ku për shkak të një debati lidhur me qeverisjen kemi identifikuar stimuj për të qeverisur akoma më mirë, dhe për të përshpejtuar më tej reformat e asociim-pranimit në BE. Kështu që opozita është e mirëpritur, jo vetëm të na vëzhgojë jo vetëm të na konkurojë, por edhe të integrohet në një skemë bashkëqeverisjeje që është më e gjerë sesa përfshirja në një qeveri. Ne jemi gati të ndryshojmë së bashku, skemën e ndarjes dhe bashkimit të përgjegjësive institucionale në qeverisje që nga parlamenti te  institucionet e pavarura të monitorimit, të kontrollit, si edhe për të krijuar një situatë që klimën e shëndoshë që mund të krijojë politika, të kemi një gjyqësor të pavarur që punon në funksion të ligjit dhe jo të politikës.

Blendi Fevziu: Zoti Berisha nuk e di nëse keni ndonjë replikë?

Sali Berisha: Do të ndalem sërish te zgjedhjet. Zgjedhjet në Shqipëri, në të vërtetë u provuan një kafshatë e pakapërdishme. 24 Janari ishte dëshmia më e madhe e kësaj, 28 Janari ishte pasojë e kësaj, prapë vendimë të tjera do të ketë të lidhura më zgjedhjet dhe unë mendoj se duhet të ngrihen mbi situatën e krijuar, duhet të njohin sepse unë mund të them këtë, zoti Nano dhe gjithë teleshikuesve që na dëgjojnë sot, komuniteti ndërkombëtar kërkon në mënyrë kategorike dhe me insistim shqyrtimin e të gjitha zgjedhjeve të shkuara dhe gjetjen e zgjidhjeve reciprokisht të pranueshme për to, sikundër kërkon, hartimin e një kuadri ligjor që të mundësojë shmangien e atyre që ndodhën, ndonëse ndodhën thuhet në raporte për vullnet politik.

Në rast se Partia Socialiste mendon se do mund të kapërcejë, problemet e zgjedhjeve të shkuara duke i vënë një kapak, unë them se kjo është një tenxhere presioni pa kapak që shkon duke u rritur dhe pasojat janë shumë të dëmshme për Shqipërinë, në planin ndërkombëtar dhe në planin e brendshëm. Zgjedhjet nuk janë të arkivuara, zgjedhjet në Shqipëri ishin temë kryesore e debatit në parlamentin evropian do të ishin temë e rëndësishme në Këshillin e Europës dhe vazhdojnë të jenë temë e rëndësishme në institucionet ndërkombëtare.

Është shumë e rëndësishme që ne të ulemi bashkërisht të përcaktojmë zgjidhjet, për problemet e kontestueshme dhe problemet madhore, të njohura tashmë edhe nga zoti Meta por në një masë edhe nga zoti Nano. E vërteta është se kanë shprehur disa njohje të këtij problemi. Ndaj dhe unë e gjykoj shumë të rëndësishme këtë, çështja e zgjedhjeve është një mekanizëm kryesor i stabilizimit të shoqërisë, absolutisht nëse një analist merr Shqipërinë në raport me zgjedhjet, ato konkludojnë se zgjedhjet nuk prodhuan stabilitet. Së dyti, lidhur me zhvillimet në Partinë Socialiste unë kam qëndruar dhe qëndroj anash. Zoti Nano doli me teorinë e Katharses, mendova ishte i frymëzuar nga Aristoteli, me Katharsin por në Katart nuk janë lotorë nuk kanë lot. Mendova se ishte i frymëzuar nga Mandela, në komisionet e të vërtetës, nuk ka gjykatës.

Iu referova Frojdit si mjek, është ky një konflikt midis unit dhe egos? Nuk kishte psiko-analist, ndaj dhe ajo ç’ka mund të them megjithëse kam dashur në një farë mënyrë Katharsisi i cilitdo variant, i Aristotelit, i Mandelës, i Frojdit, të kishte një efekt pozitiv, sepse padyshim zhvillimet pozitive në një forcë politike të madhe kanë pasqyrim pozitiv në shoqëri dhe askush s’mund ta mohojë këtë, unë mund të them që gjer tani unë mund të shoh vetëm paralezi. Më ftoi të komentoja, përndryshe e siguroj se nuk kam asnjë lloj tendence të krijoj pol apo të shpall pol në partinë e tij, jo por unë i them zotit Nano se realitetet janë për t’u pranuar dhe jo për t’u mohuar.

Fatos Nano: Unë besoj se edhe juve ju ka rënë në sy, meqë e hapët fushën, pra kishim pamje më të drejpërdrejtë këtë herë, që ka një klimë më miqësore midis simpatizantëve dhe votuesve të të dy blloqeve në shoqëri. Papritmas shikoni një konvergjencë që ne e shikojmë me më vështirësi se ata, të paktën tradicionalisht në politikat dhe investimet e të dy partive politike kryesore për qeverisje të mirë për të luftuar korrupsionin, abuzivizmin, për të përcaktuar kritere që respektojnë më mirë krijimin e administratës civile mbi  bazën e ligjit modern që kemi, si edhe për të ndaluar nëpërmjet një transparence dhe ndëshkimi ligjor shpërdorimin e financës publike. Dhe nga kjo pikëpamje, kemi qenë alternativ ndoshta në kohë dhe identifikim realitetesh, dhe tani për njërzit që janë bërë më miqësore midis tyre pavarësisht preferencave votuese na bën ne më të qartë për të bashkuar kontributet politike në bllokimin e fenomeneve që nuk janë të kësaj qeverie, nuk janë thjesht të qeverisjes të 5 vjetëve të fundit, janë një fenomen që metion katarsis, i tranzicionit shqiptar ju i keni përjetuar vetë. Unë nuk kam dyshim se ju nuk jeni angazhuar gjatë kohës së qeverisjes, ju keni pasur atë rekord atë rezultat që njihet nga publiku, publiku mban qëndrime kur voton, ne jemi votuar në mandatin e dytë dhe ne besoj se jemi në momentin e duhur për të bërë katarsis, sepse jemi në kohën e duhur për të krijuar një situatë tjetër në plotësimin e vakumeve ligjore në bazë të të cilave funksionon qeveria, janë një varg ligjesh për të cilat na detyron Kushtetuta dhe ne ju ftojmë të bashkojmë kontributet dhe votat për kuorumet e duhura që i shërbejnë një qeverisjeje të mirë pavarësisht se kujt i kalon stafeta në kohën e zgjedhjeve si edhe të vëzhgojmë të identifikojmë dhe të krijojmë nxitjen e duhur politike për ndëshkimin pas identifikimit të bartësve dhe të përgjegjësve të abuzivizmit dhe korrupsionit. Për të mos e ndërprerë bisedën këtu, fusha është më e hapur për bashkëpunimin institucional mes maxhorancës dhe opozitës, për fat të mirë ata përbehen nga një larmi partish që kanë këtë herë shumë më tepër personalitete profesionistë dhe ekspertë sesa në legjislaturat e mëparshme, unë iu referohem dhe republikanëve ashtu si social-demokratëve, i referohem dhe liberalëve ashtu si aliancësistëve, për të punuar maxhorancë-opozitë në një kuadër institucional  për këto prioritete të pastrimit të qeverisjes së vendit, si edhe të krijimit të stabilitetit të qeverisje së mirë. Do ta gëzoni ju nëse e bëjmë së bashku pas zgjedhjeve të tjera nëse i fitoni ato.

Sali Berisha: Unë kam një shpjegim pak më ndryshe, e pranoj idenë e zotit Nano se lëvizja solli një afrim. Ç’më thotë një nga këta analistët që janë këtu, më vjen e më thotë zoti Nano e mori hua tezën tënde, lëvizjen tënde. Jo i them unë, e ka me qira nuk paguan qira se është vetëm. Ky koncept ose kjo gjë bëri vërtet që lëvizja të mbështetet, nuk e mohoj këtë që pati një rezonancë pozitive por kur erdhi problemi që unë ftova tani të ulemi dhe t’i përvishemi luftës kundër korrupsionit bashkërisht. Pastaj dolën kalendat. Nga ana tjetër tri-polariteti është padyshim një faktor që ka zbutur situatën dhe një faktor që edhe mua më ka imponuar. Është edhe ky një faktor që në një mënyrë ose në një tjetër të imponon të shohësh çfarë zgjidhjesh duhen.

Fatos Nano: Zoti Berisha po vij më afër, unë ju falenderoj për kontributin dhe për gatishmërinë për të kontribuar. Çështja është se jemi në të njëjtën fushë loje të demokracisë shqiptare por kemi pjesë të ndryshme të saj dhe nuk mund të bëjmë faulle. Që do të thotë unë nuk mund të them pas gjithë kësaj gatishmërie ejani mereni teserën tonë që të keni të drejtën të votoni, e përjashtoj këtë gjë. Ashtu siç nuk do ta bënit ju me mua. Por ne jemi një parti kaq e hapur dhe kaq transparente sa ju krijojmë edhe juve përveç publikut të gjerë mundësinë për të arsyetuar dhe gjykuar por nuk mund ta çojmë deri në harrimin e rregullave të një demokracie standarde të lojës, çështjen. Se përndryshe unë do i kërkoja juve që të lejonit qindra dhe mijëra simpatizantë dhe votuesve të Partisë Demokratike të merrnin pjesë në referendumin tonë se ka shumë presion duhet të nënshkruajmë. Nuk ka ndodhur ende sepse duhet të kalonin ylberin të merrnin teserat tona, referendumi është me numër anëtarësie.

Dëgjova dje që më ftuat të heq dorë nga ai referendumi, bën mirë zoti Berisha bën shumë mirë kur shprehet anëtarësia. Do ju ftoja dhe nuk e kam për sfidë këtë gjë të provonit këtë ushtrim dhe eksperiment demokratik brenda jush. Ne jemi një parti ku konkurenca prodhon debat, prodhon rritje, prodhon vlera, prodhon ekipe, ne konkurojmë për çdo gjë, tek ne askush nuk është i pakonkurueshëm dhe prandaj ju jap mundësinë të kontribuoni për zgjidhje krizash, por ne jemi të angazhuar që krizat tona t’i kapërcejmë vetë, kemi një mekanizëm demokratik shumë funksionues, ndërsa krizat e institucioneve përfaqësuese të vendit dhe shoqërisë shqiptare duhet të zgjidhen së bashku.

Sali Berisha: Nuk doja të komentoja për referendumin se është një çështje strikte e juaja por dy gjëra dua të theksoj meqënëse janë bërë publike. Unë mendoj se është në të drejtën e çdo forumi të vendosë për procedurat e parashikuara në statut, që të jem i sinqertë e kam deklaruar dhe e deklaroj prapë, edhe jashtë statutit referendumi është legjitim.

Fatos Nano: Statutit të Partisë Socialiste?

Sali Berisha: Të çdo partie, forma direkte e demokracisë është e njohur. Edhe në rast se është në statut edhe në rast se nuk është në statut, referendumi është formë legjitime kur përdoret. Tani duhet të dalë një gjë tjetër, referendumi pse unë ju ftova të hiqni dorë prej tij. Jo në pjesën e problemeve të brendshme partiake. Por, tre nene janë aty të cilat janë për mua tingëllojnë jo si duhet. Dhe janë pothuasje të papranueshme.

Së pari, referendumin për bashkëpunimin me opozitën. Unë mendoj se që në momentin që një shoqëri vihet në shinat e pluralizmit politik dhe jo burokratik, që spostohet se edhe shoqëritë diktatoriale kanë pluralizëm, por burokratik. Domethënë levat e krijuara nga partia-shtet. Kurse shoqëria pluraliste është shoqëri pluraliste dhe demokratike nenkupton bashkëpunim pozitë-opozitë dhe nuk besoj se pas 10 vitesh kjo është oportune, t’u drejtohesh anëtarëve të partisë për këtë çështje.

Së dyti, presidenti është në pikën e referendumit. Tani në një kohë kur kërkohet një president konsensual dhe kërkohet absolutisht jo se ndokush ka një vërejtje për persona të caktuar, por kërkohet si tagër për zgjedhjet e vonuara. Nëse kushtet dhe klima nuk janë për zgjedhjet atëherë të bihet dakord nga palët për një president konsensual. Do të ishte një arritje madhore politike një President i tillë. Do të ishte një arritje shumë madhore. Ka qenë arritje madhore për Greqinë, ka qenë arritje madhore për Italinë.

Fatos Nano: Zoti Berisha jemi te kandidati për President brenda Partisë Socialiste.

Sali Berisha: Jo e di si tingëllon ajo, ajo tingëllon….

Sali Berisha: ….dhe ishin të vendosur të votonin për Shqipërinë. Kërkuan nga ne që të hynin në Parlament sepse me një Parlament pa opozitë, ne nuk mund të votojmë për vendin tuaj. Kërkuan Presidentin konsensual. Unë mund të them se ishte një rast i jashtëzakonshëm, që unë dhe z.Nano firmosnim me koncesionet tona, me plotësimet e kërkesave të tyre, firmosnim marrëveshjen e Asociimit. Është e vërtetë, nuk e mohoj fare se e konsideroj një gjë jetike sovranitetin, por dua të them se në mënyrë të padiskutueshme, integrimi nënkupton dorëzime të copëzave të sovranitetit. Dhe ky është një sublimim i sovranitetit në një të mirë tjetër shumë më të madhe se sa çfarë ishte pa këtë sublimim. Nuk mund të konceptoj që cënohet në shkallën më minimale sovraniteti, ose dëmtohemi nga ky dhënie sovraniteti në këtë proces. Edhe ne do dorëzojmë Lekun. Pra, në këtë drejtim ishte shumë logjike që të mos merreshim me sovranizmat, por me integrimin. Mos harrojmë një gjë, asnjë komb nuk e ka më jetik se sa kombi shqiptar këtë proces. Brukseli dështoi sepse PS nuk e dha konsensusin për Presidentin konsensual, nuk dha miratim.

Fatos Nano: Duhet të dimensionoj vlerësimet për opinionin publik në përputhje me edukatën dhe rolin që kanë parlamentarët europianë në këtë çështje.

Blendi Fevziu: Ju e quajtët dështim menjëherë pas kthimit nga Brukseli takimin e atjeshëm!

Fatos Nano: Unë quajta dështim atentatin, pavarësisht nga dhuna barbare, ndaj ministrit Milo. Ishte atentat i kurdisur ndaj z.Nano. Nuk besoj se mund të kualifikohet me termat bardh e zi sukses apo dështim. Ky takim i rëndësishëm konsultativ i përfaqësisë më të kualifikuar të Kuvendit të Shqipërisë me një përfaqësi shumë të kualifikuar të Parlamentit Europian, por nuk është hera e parë që ne bisedojmë me parlamentarët europianë. Ky nuk ishte një takim plenar. Ishte një takim i krijuar enkas për të njohur më mirë problemet që duhet të kapërcejmë ne shqiptarët për t’iu përafruar institucioneve të BE dhe për të hyrë në portën e asociimit. Nuk ishte hera e parë sepse unë kam drejtuar për një vit delegacionin e Kuvendit të Shqipërisë për marrëdhënie me Parlamentin Europian, tashmë do të kemi kolegë të opozitës në këtë delegacion, dhe kemi diskutuar për orë të tëra për të njëjtat detyra shtëpie. Kemi njohur akoma më mirë njëri-tjetrin, kishte shumë personalitete të sesioneve të mëparshme në takimin e tanishëm. Dhe për të dimensionuar vlerësimet, Parlamenti Europian ka një rol të rëndësishëm në vendimmarrjen e institucioneve të BE-së për zgjerimin dhe përfshirjen që nga hapat e asociimit në këtë komunitet të veneve të tjera. Por PE është gjithashtu në kërkim të një identiteti më të qartë në piramidën vendimmarrëse të BE-së, sepse deri më sot ka në kompetencë të japi një opinion, opinioni është një instrument i vendimmarrjes, edhe për Shqipërinë si kandidate për asociim. Kjo do të bëhet në seancën e Prillit, plenare të PE. Takimi i 24 Janarit i Brukselit ishte njohës dhe konsultativ në këtë funksion. Znj.Pack është reportere e ngarkuar nga Parlamenti Europian për të formuluar këtë opinion që do t’i paraqitet PE në muajin Prill, dhe në fund fare, PE kur të arrihet pasi të jetë negociuar, të nënshkruhet marrëveshja BE-Shqipëri për asociim, do të ftohet ta votojë atë.

Natyrisht ata kanë të njëjtat parametra, vijë sjellje dhe rregulla komportimi, pavarësisht se janë në ekzekutiv apo në Parlamentin e BE. Dhe duhet të kenë vlerësime të njëjta, të jenë komplementarë dhe jo të krijojnë konflikte. Por, dimensionimi i vlerësimeve na çon tek një proces përafrimi, tek një proces njohjeje dhe jo një proces detyrues. Ne nuk humbëm asnjë takim në Bruksel, ne nuk humbëm asnjë shans në Bruksel, ne nuk humbëm asnjë betejë, asnjë ndeshje as me Brukselin as midis nesh në Bruksel, dhe të faturosh një dështim apo një sukses që nuk është i formuluar si i tillë nga askush në PE apo në procedurat e kontakteve të PE me parlamente të vendeve aspirante, do të thotë të mos e kuptosh problemin. Pra, madje në drekën që ne shtrënguam duart z.Berisha, znj.Pack duke qenë fare konvergjente me këtë vlerësim, tha ju jeni të mirëpritur dhe ta zgjidhni vet problemin e Presidentit dhe unë do të vij të pi shampanjën në Qershor nëse e zgjidhni vet. Apo jo z.Berisha?

Sali Berisha: Kam një interpretim pak më të ndryshëm. Së pari, Komisioni i Jashtëm i Parlamentit Europian vihet në lëvizje për motive të caktuara dhe me një procedurë të caktuar dhe është krejtësisht tjetër komisioni i jashtëm dhe delegacioni që mbulon Europën Juglindore. Thirrja e forcave përfaqësuese të Shqipërisë në Komisionin e Jashtëm të PE kishte si qëllim pa diskutim pozitiv, që të ndihmohej Shqipëria, të kontribuohej në zgjidhjen e këtyre dy problemeve madhore në mënyrë që në datën 28 të jepej drita jeshile. Të jem i sinqertë, propaganda zyrtare shqiptare dhe jo vetëm propaganda zyrtare shqiptare….vendimet për integrimet i marrin Këshilli i Ministrave, Komisioni, Parlamenti. Janë të treja të pavarura, por të treja të ndërvarura. I gjithë opinioni zyrtar por dhe jo zyrtar ishte përgatitur se në datë 28 do të votohej pro në Këshillin e Ministrave. Në Këshillin e Ministrave konstatohej se jeni spostuar nga reformat, bëni reformat. Jo vetëm që është shtyrë, është vendosur që të paraqiten vendet anëtare dhe secili vend t’i paraqesë kushte Shqipërisë. Duket se znj. Dade nuk ta jep informacionin saktë. Unë mendoj se ky është një problem jetik, themelor për vendin. Mendoj se të gjitha forcat politike duhet të jenë në funksion të këtij…Nuk është problemi se ka ndonjë tendencë detyruese, problemi është se po nuk plotësove ato kushte dera shkon duke u mbyllur. Mesazhi i Brukselit ishte ky: Partia Demokratike dhe opozita duhet të hynte në Parlament. Partia Socialiste duhet të pranonte Presidentin konsensual sepse jemi para një mazhorance false. Dhe këtë nuk e shprehu vetëm Doris Pack në emër të gjithë atyre që fliste, por e vërteta është se direkt Svoboda dhe parlamentarë të tjerë të majtë e shprehën shumë qartë.

Fatos Nano: Mesazhi ndërparlamentar i 24 Janarit, Shqipëri – Parlamenti Europian në Bruksel, ishte stimulimi i mëtejshëm i investimeve politike, parlamentare, ekzekutive, i reformave strukturore dhe institucionale nga institucionet përfaqësuese të sovranitetit të këtij vendi demokratik aspirant për t’u integruar në BE për të arritur sa më shpejt që të jetë e mundur kushtet dhe parametrat për hapjen e negociatave për marrëveshjen e asociimit. Ky është një proces, vazhdon, nuk ka ndodhur asnjë dështim në 24 Janar në konsultim, do të ketë konsultime të tjera, me pjesëmarrjen akoma më të rregullt të opozitës, dhe unë po ritheksoj, në nivelet e tjera të vlerësimit të progresit dhe të problemeve që ka Shqipëria për të hapur negociatat dhe për t’u asociuar ekziston ky koncept që detyrat e shtëpisë mbeten pjesërisht për t’u realizuar, ka shumë progres në shumë aspekte dhe tani nxitja për ta mbikëqyrur dhe për ta çuar përpara këtë proces do të jetë më e madhe sepse edhe opozita është kthyer në Parlament.

Sali Berisha: Unë i bëra të miat, uroj që të mos mbetesh në klasë, ti bësh si duhet se ato janë vënë qartas për mua, për ju. Në rast se ke qenë në burg, dosjen ta kanë përgatitur të gjithë njerëzit e tu. Po i deshe emrat, t’i them këtu. Dosjen e kanë përgatitur që të gjithë bashkëpunëtorët e tu dhe jam i bindur që e ke lexuar. Së dyti, dosjen e kanë rivizionuar ekspertë të mëdhenj gjyqësor të Europës. Së treti, 104 deputetë, përfshi ata që i ke sot në qeveri, kanë votuar për heqjen e imunitetit tënd. Së katërti, më 7 Mars të 1997 kërkuan lirimin e Zani Çaushit, por jo tëndin.

Blendi Fevziu: Fakti që PD ka hyrë në Parlament, a e legjitimon këtë Parlament?

Sali Berisha: Absolutisht jo! Vjen nga zgjedhje jo të lira dhe të ndershme.

Fatos Nano: Nëse ne vazhdojmë kontestin se Parlamenti është legjitim vetëm pas zgjedhjeve që fitoni ju apo manipuloni ju, unë ju them që zgjedhjet në Shqipëri po bëhen më në sytë e të gjithë organizatave dhe ekspertëve ndërkombëtarë se çdo herë tjetër, dhe ne jemi të angazhuar për të korrektuar të gjitha parregullsitë dhe anormalitetet e identifikuara për të ardhmen dhe ne jemi shumë të përgatitur për sfidat e ardhshme elektorale.

Blendi Fevziu: Fakti që pothuajse pjesa më e madhe e organizmave ndërkombëtare kanë pranuar që në zgjedhjet e 24 Qershorit ka pasur parregullsi dhe probleme, këto probleme në çfarë mase sa ka ndikuar në rezultatin e përgjithshëm të Parlamentit aktualisht?

Fatos Nano: Është gjë që nuk është në detyrën time institucionale. Unë jam këtu për të shprehur qëndrimin zyrtar politik të PS dhe angazhimin zyrtar politik të saj që në institucionet legjitime të këtij vendi, të punojmë për të përmirësuar kuadrin zgjedhor, si dhe të ftojmë subjektet politike që të kontribuojnë në mënyrë që institucionet të mos jenë partizanet, të mos përbëhen nga përfaqësues partizanë të subjekteve që konkurrojnë, dhe të krijojnë një normalitet edhe në periudhën post zgjedhore për t’i kontestuar rezultatet në Gjykata dhe jo në sheshe betejash. Nuk besoj se më takon mua të vlerësoj se cili është rezultati i zgjedhjeve, sepse keni 140 në Parlamenti aktual nga të cilët 46 ka z.Berisha dhe 88 ka mazhoranca që ka qeverinë, si dhe partia e z.Pollo ka 6 deputetë të tjerë. Ky është rezultati i zgjedhjeve dhe unë nuk e kuptoj se kë ndihmojmë, veten apo dreqin nëse themi që një pjesë e këtij Parlamenti duhet t’i kthejë ca gjëra të vjedhura pjesës tjetër të këtij Parlamenti apo të shkatërrojmë këtë parlament dhe të hyjmë në një palë zgjedhje të tjera.

Sali Berisha: Zgjedhjet janë të dënuara përfundimisht. Presidenti konsensual është zgjidhje. Në rrethana të caktuara kur procesi i integrimit është një proces kardinal që del mbi interesa të tjera, ne mund të presim zgjedhjet në një kohë sa më të shpejtë dhe të përshtatshme, por të mos pengojë integrimin.

Blendi Fevziu: Z.Nano ju jeni do të jeni i gatshëm të bëni një lëshim të tillë në Parlament, të rishikoni një pjesë të këtyre mandateve?

Fatos Nano: Matematikisht dhe ligjërisht, pyetja juaj nuk merr dot përgjigje. Për arsye se as Klani dhe as biseda mes dy liderëve të dy forcave kryesore, nuk mund të zgjidhet nga një vullnet politik vetëm. Sepse zgjedhjet janë kryer dhe trajtohet nga Gjykatat. Dhe Gjykatat janë shprehur deri në verdikte të formës së prerë për rezultatin e zgjedhjeve, pra dhe për shpërndarjen përfundimtare të mandateve, një pjesë e të cilave falë qetësimit të opozitës, filluan të aktiviziohen tani, sot. Dhe pyetja që ju kërkoni, që të kalojnë një palë mandate në një dorë tjetër, nuk bëhet dot nga shoku Dokle. Bëhet në rrugë gjyqësore, juridike dhe çështjet që marrin një vendim të formës së prerë nuk gjykohen dot më, por vetëm në të ardhmen evitohen gabime gjykimesh nëse janë bërë, ndërrohen gjykatësit, biles edhe gjykatësit e korruptuar dënohen prapë nga Gjykata jo nga politika.

Sali Berisha: Në mënyrë kategorike mandatet nuk falen. Atij që ka vjedhur, nuk i legjitimojmë kurrë gjënë që ka vjedhur. Vendi është në halle të mëdha dhe ne jemi të vetëdijshëm. Përpiqemi të gjejmë zgjidhje, por unë duhet të siguroj zgjedhësit që u është dhunuar vullneti se sot kemi hyrë në Parlament me një nga qëllimet kryesore për të mbrojtur vullnetin e tyre dhe se ato mandate, pa një marrëveshje, nuk do mund të falen. Gabojnë rëndë shumë ata që mendojnë se mund të marrin mandatet e përvetësuara. Gabojnë rëndë shumë ata që mendojnë se mund të marrin deputetë me dokumente të falsifikuara. Mund të bësh një gabim, por të përpiqesh të ndërtosh mbi të të ardhmen apo të ndërtosh pushtetin, e quaj gabim me pasoja shumë të rënda.

Fatos Nano: Nëse unë për një çast do t’i merrja të mirëqëna pretendimet tuaj që janë vjedhur mandate, janë dhunuar vullnete zgjedhësish, të cilat nuk më rezultojnë të tilla, më thoni në cilën rrugë ligjore kërkoni t’i merrni ato që pretendoni se ju janë vjedhur?

Sali Berisha: Për të gjithë ata që kanë lexuar raportin e ODIHR, është e shkruar e bardhë mbi të zezë se KQZ-ja ia ka dhënë mandatin në mënyrë të papërshtatshme. Se këta kanë ardhur për mungesë të vullnetit politik dhe jo për teknikalitete, është e shkruar se zona 60 është në dhunim me parimin e Kushtetutës, në dhunim të hapur me kodin elektoral, është e shkruar se mungonin 27 procesverbale dhe u përdorën procesverbalet e PS nga KQZ-ja. Unë mendoj se është e domosdoshme që PS të vendosë për një procedurë të caktuar, për opsione të caktuara për zgjidhje të problemeve të shkuara. Në rast se ecim me pikëpamjen e z.Nano, i cili një javë para se të niseshim në Bruksel, deklaroi se zgjedhjet janë të arkivuara, apti rastin ta provojë më mirë se kushdo tjetër në Bruksel, se ato vetëm të arkivuara nuk ishin. Mënyrat e zgjidhjes absolutisht do të jenë legjitime, demokratike dhe gradualisht një pjesë të mirë e keni mësuar e një pjesë do t’i mësoni. Do të njiheni me të gjitha. Asgjë në botë nuk do të mund të na ndalojë ne pa bërë që vullneti i shqiptarëve të respektohet. Ju besoni në një demokraci pa zgjedhje dhe demokracia pa zgjedhje është demokraturë. Është PD që ka sjellë konkurrimin në Shqipëri.

Fatos Nano: Sa fute konkurrimin humbe zgjedhjet dhe tani ke frikë të konkurrosh z.Berisha.

Sali Berisha: Hajde të bëjmë zgjedhje! Mendoj se skema që unë kam, është në interes të vendit, në interes të konsolidimit të parlamentarizmit në Shqipëri, në interes të integrimit.

Blendi Fevziu: Z.Berisha jeni shprehur se jeni gati të pranoni kushtin për zgjedhjen e një Presidenti me konsensus. Çfarë nënkuptoni me konsensus?

Sali Berisha: Nuk kam konceptuar një President as nga PD as nga PS. Ekzistojnë me qindra personalitete që kanë kredenciale të plota për t’i dhënë besimin.

Blendi Fevziu: Z.Nano jeni dakord të zgjidhni një President me konsensus?

Fatos Nano: Me konsensusin më të madh të mundshëm. Që do të thotë referendum popullor, të fitojë më i miri. E ndryshojmë Kushtetutën.

Sali Berisha: Z.Nano Shqipërinë e boshtëzon me veten e tij. Por nëse boshtëzohet Shqipëria me mua ose me Nanon, natyrisht Shqipëria do ketë derivat i tij. Në rast se vendosim të sjellim një frymë detante, një frymë e vërtetë bashkëpunimi….

Blendi Fevziu: A mund t’ju kërkoj t’i jepni dorën njëri-tjetrit?

Fatos Nano: Patjetër!

*Ky material është pjesë përbërëse e arkivës së televizionit Klan në periudhën 2002-2012 që do të publikohet në kanalin e ri në Youtube RTV Klan arkiva/tvklan.al

VIDEO-LIVE/ Nis marshimi drejt Presidencës e Kryeministrisë: Jo shkatërrimit të Teatrit!

Ka nisur protesta kundër shembjes së Teatrit Kombëtar.

Artisë e qytetarë u bashkuan këtë pasdite në sheshin para Teatrit Kombëtar dhe kanë nisur marshimin drejt godinës së Presidencës. Më pas është planifikuar një marshimin drejt godinës së Kryeministrisë.

“Jo shembjes, jo shkatërrimit. Teatri i Qytetarëve. Eja mblidhuni këtu këtu bashkë me ne. Rroftë Shqipëria, poshtë diktatura. Teatri është i joni…“, ishin disa nga thirrjet në kor të protestuesve.

Ka nisur pasditen e sotme protesta kundër shembjes së Teatrit Kombëtar. Artistë e qytetarë u bashkuan këtë pasdite në sheshin para Teatrit Kombëtar, nga ku nisën marshimin drejt godinës së Presidencës. Më pas marshuan drejt godinës së Kryeministrisë.

“Jo shembjes, jo shkatërrimit. Teatri i Qytetarëve. Eja mblidhuni këtu këtu bashkë me ne. Rroftë Shqipëria, poshtë diktatura. Teatri është i joni…“, ishin disa nga thirrjet në kor të protestuesve.

Me nisjen e protestës ka reaguar edhe kreu i PD-së Lulzim Basha i cili në një shënim në rrjetet sociale shkruan: “Opozita bashkë me qytetarët prej muajsh protestojnë kundër aferës korruptive te Edi Ramës me pastrimin e parave të pista të drogës dhe korrupsionit nepërmjet shembjes së Teatrit e ngritjes se kullave”.

Te enjten e kaluar, mazhoranca votoi në parlament projektligjin që parashikon shembjen e godinës së Teatrit Kombëtar dhe ndërtimit të një të reje nga një kompani private. Një grup artistësh i dërguar një letër Presidentit Ilir Meta duke i kërkuar mosderektimin e ligjit. Edhe opozita (PD e LSI) ka mbajtur të njëjtën qëndrim.

(Video) QENDRA E PROJEKTEVE PËR SHQIPËRINË NJË LIDHJE QË ÇDO VIT FORCOHET – Fotoreportazh nga ARDIAN MURRAJ, SHBA

Në vitet e ardhshme Instituti Politeknik Uster (WPI), synon të arrijë atë që çdo student të marrë pjesë në projektin e përfitimit të përvojës ndërkombëtare, tashmë e shtrirë në 40 shtete. Ajo që të bie në sy është se vetë kjo shkollë e njohur në SHBA-në pret studentë nga të gjithë kontinentet (81 shtete), të cilët mësojnë dhe formohen në këtë institucion 153 vjeçar.
Mbrëmja Ndërkombëtare është një nga veprimtaritë studentore që e nxjerr në pah këtë larmi pjesmarrje ku të rinjtë e çdo kombësie shprehin qartë gjallërinë.

Mes tyre jemi të interesuar të gjejmë vendin që zë Shqipëria… dhe ajo tashmë njihet nga studentët me origjinë shqiptare, nga punonjës dhe trupë akdemike që punon këtu, por më së shumti edhe nga grupe studentësh që zbatojnë praktikat e tyre mësimore në Shqipëri. Disa prej tyre janë aq të lidhur sa që njohin dhe pëlqejnë muzikën popullore dhe i sheh ata të përkushtuar të vishen dhe të luajnë edhe vallet nga krahinat e vendit që kanë njohur dhe kanë punuar gjatë programit mësimor.

Do t’i kthehemi përsëri pas pak kësaj atmosfere, por më së pari desha të shpërnguleshim në auditorët ku paraqiten projektet. Serioziteti i punës dhe fushat ku grupet që do të punojnë në Shqipëri sjellin njohjen me vendin dhe partnerët shqiptarë, qytete, fshatra dhe banorët e thjeshtë të tyre që edhe pse me mijëra km larg tashmë nuk janë më të panjohur, por janë pjesë e problemeve që presin zgjidhje. Ja dhe njëri prej tyre i vitit 2017.

Nga Usteri në Kamenicë, pra dy pamje të jetës dhe punës së studentëve. Shoqëruar nga prof. Peter Christopher dhe UKKO, çështja ujit na zbulon disa nga përshtypje në mjedisin konkret dhe hapat e para mbi projektin.

Fang Han: Unë jam student i degës mekanike-WPI në Uster Masaçusets. Jam këtu me disa bashkëstudentë për të zbuluar më shumë mbi impjantin e përpunimit të ujrave të zeza në fshatin e Kamenicës, në Shqipëri. Ne duam të zbulojmë tre çështje; atë teknike, financiare dhe shoqërore.

Morgen Deangelis: Jam në vitin e parë të ing. mjedisit WPI dhe jemi partnerë me UKKO (Shërbimi Ujësjellës Korçë) që furnizojn me ujë të pijshëm qytetin e Korçës, si dhe merret me shërbimet për përpunimin e ujrave të zeza dhe që ka ndërrmarrë zgjerimin e shërbimeve për 62 fshatra të tjerë të rrrethit të Korçës si dhe furnizimin me ujë për këto fshatra. Në këtë proces do të ishte me shumë interes që të vinim në shërbim përpunimin e ujrave të zeza në këto fshatra. Projekti ynë lidhet me zhvillimin e punës kërkimore. (i cili do të mundësojë mënyrat e përpunimit të ujrave të zeza/ kanalizimet në këto fshatra.) Jam mjaft e gëzuar që po punoj me këtë njësi shqiptare shërbimi që ka dhe një paraqitje të mirë në rajon.

Rayan Herrmann:Jam në degën e ing. mekanike dhe menaxhim në WPI. Aresyeja që ne po punojmë me UKKO është se ata kanë mjaft burime dhe të dhëna në fushën e kërkimit dhe ne duam që të punojmë me ta dhe t’i kuptojmë këto kërkesa të drejtpërdrejta në kushtet ekonomike në të cilat ndodhet trajtimi i ujrave të zeza dhe çështjet teknike që lidhen me të. Ne do të punojmë me fshatarët e Kamenicës, banorët e rajonit për të kuptuar anët sociale të ndërthurura në këtë çështje dhe se si vetë banorët i kuptojnë çështjet e menaxhimit te ujrave ne përgjithësi dhe si duhen trajtuar.

Dejale Rondo:studente e inxhinjerisë kimike në WPI, ne po kënaqemi me kohën që po kalojmë këtu në Korçë, na pëlqen të shohim bukuritë e rajonit dhe përjetojmë traditat kulturore të krahinës dhe sigurisht ushqimin apo edhe të shikojmë muzeumet që janë për rreth.

Ediola Osmani( UKKO marrëdheniet me publikun): Mirësevini në Korçë dhe në një nga fshatrat më të bukur Kamenica. Ne jemi të gëzuar që kemi mes nesh në kompaninë tonë katër nga studentë më të mirë. Kur dëgjuam rreth programit të WPI menduam që do të ishte me interes për ne të kishim disa studentë nga SHBA dhe si të thuash të na ndihmonin ne për të nxjerrë në pah gjendjen rreth ujrave të zeza/kanalizimeve në fshatin e Kamenicës. Ne jemi të gëzuar pasi ky është një objekt studimi për ta dhe ne do të mundohemi për më të mirën për t’i ndihmuar në anët teknike dhe shoqëre. Ne jemi të gatshëm t’i ndihmojmë dhe me një frymë entuziaste duam që ky program të vazhdojë.

Peter Christopher: Përshëndetje unë jam Peter Christopher, profesor i matematikës në WPI, ( Masaçusets SHBA). Unë jam shqiptaro-amerikan dhe i përfshirë në një program që sjell studentët në Shqipëri. Institucioni ku unë punoj, Universiteti ka shpërndarë programe të ngjashme në gjithë botën. Studentët përfitojnë një përvojë ndërkombëtare që të zbatojnë teknologjinë dhe përmes trajnimeve të zgjidhin problemet shoqërore që ndeshen. Ne jemi këtu në Shqipëri që prej 2013 dhe filluam me atë që quhet QPSH ( Qendra e Projekteve për Shqipërinë). Çdo vit sjellim 24 studentë në Shqipëri për 8 javë dhe ata punojnë në problemet e 6 fushave dhe mbështeten nga 6 sponsorë vendas dhe çdo skuadër ka 4 studentë. Këtë vit (2017), jemi në Korçë dhe kemi projekte në Shkodër, Berat dhe Tiranë. Jemi pra për 8 javë dhe unë jam si këshillues për studentët. Ky projekt i Korçës që po merret me ujesjellsin mbështet nga UKO, dhe studentët po përpiqen të përcaktojnë rrugën dhe mënyrat më të mira të menaxhimit të ujrave në fshatra dhe veças në Kamenicë, pra këtu ku ndodhemi.

Pra në 5-6 vite, grupet e studentëve kanë lënë gjurmët e tyre. Në faqen e internetit gjen të dhëna dhe histori që nga 2013, të parët studentë që u vendosën në Shqipëri, puna përgatitore dhe përshtypjet më të para të tyre.

Jessica Williams: Përshëndetje, unë jam studente e vitit të tretë në WPI, studjoj për inxhinjeri mekanike dhe jam këtu në Shqipëri me grupin tim dhe po bëjmë panairin shkencor në lidhje me çështjet e ujit. Deri tani gjërat kanë shkuar mbarë në punën e përbashkët me nxënësit e shkollës së mesme të Harry Fultz dhe ata janë të gëzuar sa po punojnë me ne dhe gjithashtu duke punuar me ta dhe ne shpresojmë që ky konkurs shkencor të nisë dhe të vazhdojë besimin se një ditë do të vlejë dhe do të zgjerohet në gjithë vendin. Deri tani di të them se kam një përvojë të mirë këtu në Shqipëri dhe të gjithë njerzit që kam takuar kanë qënë jashtëzakonisht miqësor, të gëzuar që janë takuar me ne dhe kemi kaluar mirë, zbavitur duke vizituar shumë vende dhe male të bukur, kështjella etj. duke u kënaqur deri tani. Kanë kaluar vetëm dy javë e gjysëm dhe aresyeja që zgjodha Shqipërinë ishte se ishte një vend që nuk kisha qënë më parë dhe një vend që kurrë se kisha dëgjuar. Pra të shkosh në një vend të panjohur gjen një kulturë krejt tjetër dhe kjo përvojë ia vlen plotësisht për çfarë unë kam ardhur këtu. Para se të vinim ne bëmë mjaft përzgjedhje kerkimore me grupin tim dhe ne pamë se si zhvilloheshin panairet shkencore në SHBA, si kuptohen këtu dhe pamë çështjet që lidhen me ujin e anë të tjera që kanë të bejnë me Shqipërinë të përditshmen me të cilat ndeshen njerzit dhe them se që sa mbrritëm ne patëm mundësi që kërimin tonë të mëparshëm ta shihnim me syrin e projektit dhe tani ne po e zhvillojmë atë dhe po kënaqemi.

Tyler Hickey:Unë e jam Tayler, une jam junior ne wpi ne biologjine ing dhe jam ketu ne shqiperi mbi projektin qe merret me Shpellën e Pullumbasit një objekt që është rreth 20 km larg kryeqytetit të Shqipëerisë e,Tirana. Ajo që ne duam të bëejmë me projektin tonë është se duam të rrisim veprimtarinë turistike në vende të vogla ne mënyrë që te sjellin më shumë përfitime ekonomike tek fshatrat e vegjël dhe të promovojmë traditat kulturore te vendit. Të studiosh në WPI shkolla na kërkon që të jemi të pranishëm në vend dhe ku ndërthuren disiplina të ndryshme. Njëri prej tyre kërkon udhëtimet jashtë ndaj dhe grupi ynë i parë me 12 studentë ndodhet në Shqipëri. Atë që ne dhe WPI duam të arrijmë është që të plotësojmë këtë ndërthurje disiplinash në projekt (shumëanshmërinë). Ideja për këtë është se në botën inxhinjerike ashtu sikurse idetë tona janë në projekt është se ne do të ndeshemi me mjaft personalitete dhe ku njerzit përfaqesojnë nivele të ndryshme mendimi dhe kërkesash. Kjo të bën që të gjesh atë se deri sa larg shkon mendimi i njerzve të tjerë. P.sh në projektin tim unë punoj me inxhinjerë të biolgjisë, kimisë, fushës civile. Unë vetë jam inxhinjer në fushën e biologjisë dhe jo të gjithë ne mendojmë njësoj, por ne kur bëhemi bashkë ne arrijmë që në një qëllim të shohim anë të ndryshme dhe të arrijmë zgjidhjen më të mirë.


Pershendetje unë jam Gent Muçolli, vij nga Prishtina e Kosovës dhe studioj në Universitetin Politeknik të Usterit (WPI) përqendruar në menaxhim dhe inxhinjeri gjeoteknike. Kemi ardhur në Shqipëri prej dy javësh dhe do të qendrojmë nja dy muaj. Grupi im punon me shkollën “Harry Fultz” dhe Shoqërine e Ujrave dhe Kanalizimeve dhe po punojmë në Shqipëri për realizimin e një udhëzuesi në lidhje me ujin. Shkolla jonë i dërgon zakonisht studentët e vet në shtete të ndryshme me projekte, kryesisht studentë të vitit të tretë dhe të katërt. Ky është viti i parë i nisjes së projekteve në Shqipëri dhe kur degjova një gjë të tillë, u gëzova shumë dhe mendova menjëherë te aplikoj dhe pastaj u pranova në këtë projekt. Kështu që jam shumë i lumtur që po punoj me shqiptarë dhe po punoj në vendin tim, kështu që jam shumë krenar që po punoj këtu.

Jean Pierre Miralda:Unë jam student i vitit të tretë WPI për menaxhim në inxhinjeri dhe jam në Shqipëri për një projekt që lidhet me ujin në hartimin e një libri-dore mbi panairin shkencor dhe me shpresë se do të mund ta zbatojmë në gjithë vendin. Unë jam nga Hondurasi një vend i vogël në Amerikën Qendrore dhe vendosa që të ndjek WPI për të arritur gradën e studimit dhe WPI është një shkollë shumë e mirë që realisht ka përqafuar shumë kultura nga vende të ndryshme. Janë rreth 70 shtete që e përfaqësojnë WPI dhe këtë e sheh për rreth qytetit studentor. Ti sheh mjaft studentë që vijnë nga vende të ndryshme dhe që përfaqësojnë kultura të ndryshme. Hondurasi mund të ngjasojë me Shqipërinë në shumë drejtime dhe për së pari me ushqimin shumë-shumë të mirë, sikurse ju keni këtu -byrekët-, e gjithashtu unë mund të shtoj mikpritjen e madhe ku njerzit si këtu dhe në Honduras janë mjaft miqësor. Një gjë tjetër që vura re është se Shqipëria ka një natyrë të bukur me male e pejzashe, por si shumë vende të vegjël ka mbetur i panjohur, por kur vjen ketu dhe njihesh me të dhe me njerzit zbulon se është një vend shumë i pasur nga të gjitha drejtimet.

E ndërsa hidhemi sërish në Uster pranë Institutit Politeknik, gjejmë mundësinë për t’u takuar me dy prej profesorëve që mbulojnë Shqipërinë.

AM : Jemi me dy profesorët Peter Christopher dhe Leslie Dodson ku së pari do deshëm të dinim diçka më shumë në lidhje me projektet në Shqipëri që zhvillojnë studentët tuaj të WPI (Institutit Politeknik të Usterit), pjesë e projekteve ndërkombetare që ata kanë ndërmarrë dhe po zhvillojnë prej 5-6 vitesh?

Leslie Dodson :- Ashtu siç e dini sejcili nga studentët e WPI i kërkohet të ketë një përvojë ndërkombëtare dhe njëra prej tyre është vendosur në Shqipëri (Qendra e Projekteve për Shqipërinë), prej disa vitesh dhe unë kisha fatin e mirë që të punoja me ta dhe vitin e kaluar, nga fundi i vjeshtës (Tetor-Nëntor-Dhjetor 2017), dhe ishin 16 studentë me projektet e tyre të shpërndarë nëpër Shqipëri dhe kjo më dha mua shansin që të njihesha me vendin që me herën e parë që unë isha e pranishme. Të njihesha me pejzazhe të ndryshme prej disa qyteteve ashtu sikurse ne ishim duke i ndihmuar studentët në 6 skuadrat e tyre.
AM: dhe për ju prof. Peter?

Peter Christopher:-Ashtu siç përmendi dhe Leslie, janë disa vite që kur nisëm projektet dhe qendra u ngrit ose filloi veprimin në vitin 2013. Këtë vjeshtë do të dërgojmë përsëri dhe ky do të jetë viti i gjashtë. Ne dërguam 24 studentë, 6 skuadra me nga 4 studentë dhe këto projekte janë në bashkëpunim me agjenci apo organizata vendase që merren me ato probleme të cilat ata duan t’i shohin të zgjidhura. Janë probleme reale dhe ne japim ndihmesën tonë.
AM: Shoh sot se njëri prej anëtarëve të tjerë të qendrës, prof. Robert Hersh nuk ndodhet pasi është me shërbim në Greqi dhe do deshëm më shumë nga ju si mësues të dinim se çfarë nevojash mbuloni për studentët gjatë punës atje?
Leslie Dodson: – Fokusi i projekteve në Shqipëri ose tema e përgjithshme është që t’i ndihmojë studentët dhe që ata të kuptojnë dhe të thellohen në çështjet shoqërore e teknike dhe në kombinimin e tyre. Pra jo të njëanëshme vetëm si teknike, ose si vetëm inxhinjerike por në një mënyrë të ndërthurur ku ata arrijnë të kuptojnë rëndësinë e shkencave shoqërore, pra gjëra si politika, financat, zhvillimin e bashkësisë. Pra projektet që ne punuam vitin e kaluar thuaj se sejcili prej tyre lidhej me mjedisin. Ishte p.sh (1), projekti në Korçë për menaxhimin e ndotjeve në ujin e pijshëm në Kamenicë, (2), rreziku i përmbytjeve dhe komunikacioni, (3) rikrijimi i hapësirave të gjelbërta në Shkodër; ndërsa në Berat (4), kemi një skuadër që po punon me Trashigiminë Kulturore Pakufij ku po bëhet një kërkim inventarizues dhe harta e monumenteve historike, (5) në Tiranë një tjetër ekip që po bën konkursin në fushën e robotëve pranë shkollës teknike Harry Fultz dhe (6), skuadra tjetër për riqarkullimin e mbeturinave qytetase po në Tiranë.
Peter Christopher: -Në shtesë të projekteve për mjedisin, të robotëve në fushën e të mësuarit ne kemi gjithashtu edhe projektet mbi turizmin dhe jemi shtrirë gjerësisht në këto fusha.

AM: Cila është përshtypja e studentëve dhe çfarë kanë marrë me vehte ata kur kthehen sërish këtu në shkollë?
Peter Christopher: -Do të shprehesha se studentët kthehen me një dashuri të madhe për Shqipërinë, ka qënë një zbulim i madh për ta dhe të themi se vërtetë ekziston një vend i vogël, por me gjëra të këndëshme si moti i mirë, male të bukur, bregdeti dhe njerëz të mirë. Studentët tanë kanë edhe diçka tjetër që më bën mua të krenohem me Qendrën e Projekteve pasi unë jam me rrënjë shqiptare, i lindur në SHBA, prindrit e mi janë shqiptarë.Amerikanët në përgjithësi dinë shumë pak për Shqipërinë dhe kur studentët kthehen, ata kanë marrë shumë nga vendi, u tregojnë shokëve të tyre dhe lajmi shpërndahet njëmijëherë më shumë se sa i shkëlqyer ëshë ai vend. Ndoshta unë po bëj atë që po e theksoj ca më shumë imazhin e Shqipërisë.


AM: Nqs do të më lejonit të shtoja si krahasim , kam parë një grup studentësh të WPI në Festivalin e 2015-ës dhe studentët që kishin qënë në Shqipëri mundoheshin të prezantonin tek shokët e tyre muzikën dhe ushqimin e traditës që ata kishin dëgjuar dhe shijuar atje. Mbase kjo lidhje vazhon më tej, gjatë verës kur zhvillohet edhe festivali. Kisha dhe WPI janë fare pranë?
Leslie Dodson : Do të shtoja rreth asaj që po fliste më parë Peter. Unë kam vënë re se studentët janë të thelluar në projektet, në klasat që marrin, në lidhjet që krijojnë me ato organizata jofitimprurëse atje, por më e rëndësishmja është se ata i kushtojnë kujdes gjërave që ndeshin njerzit me të cilët punojnë. Dhe kur kthehen ata ndjehen dhe janë ambasadorë për Shqipërinë, për shqiptarët që jetojnë këtu në Uster, dhe ata janë një lidhje që forcohet. Po flisja me njërin nga studentet e projektit mbi rrezikun e përmbytjeve dhe komunikacionin në Shkodër dhe ajo më tha – a e dëgjuat se Dajçi është përmbytur?… Në këtë mënyrë kuptojmë se ata i mbajnë lidhjet, qoftë me përkthyesit apo me drejtuesit e projektit atje dhe ajo bashkë me shokët e saj të ekipit e ndajnë këtë informacion dhe shqetësim mes tyre për zonën e Shkodrës dhe arrijnë të lidhen me FB dhe shkëmbejnë më të fundit me njëri-tjetrin. Prai tregojnë edhe njerzve atje se studentët prapë vazhdojnë të kujdesen dhe të mendojnë për ta.
Peter Christopher: dhe gjithashtu ata kanë miq në Shqipëri, flasin dhe i mbajnë lidhjet me ta. Kjo është dicka shumë e këndëshme lidhja e studentëve me njerzit në Shqipëri përgjithësisht.
AM : në mbyllje cila është përshtypja e juaj për Shqipërinë dhe shqiptarët pas kësaj mundësie që ju jep puna juaj me studentët në ndjekje të projekteve atje?
Leslie Dodson : Për mua Shqipëria është një gur i çmuar dhe nuk dija shumë rreth saj. Unë ju bashkova projektit nga muaji Tetor (2017), por isha me mendje të kthjellët për të rejat që do të ndeshja. U mrekullova pas bukurive të pejzazhit, thyerjeve nga Thethi në veri tek Berati, Korça, pra mjedise të mrekullueshme të natyrës, por më e shënuara për mua mbetet puna me organizatat njerzit e përkushtuar në to. Ata janë njerzit që janë dhënë tërësisht dhe duan atë që Shqipëria të bëhet një vend më i mirë. Devotshmëria dhe besimi i tyre për vendin është për t’u shënuar. Kjo na bën që kur të shkojmë sërish këtë vit ne do t’i ringjallim këto lidhje dhe shkojmë më tej me ato që kanë vendosur dhe ndërtuar studentët vit pas viti. Këto janë sigurisht arritje të vogla, por ne tregojmë se mundemi. Ne ndihmojmë studentët të jenë aty të pranishëm të ndihmojnë njerzit që të sjellin ndryshimin. Unë e gjeta shumë të goditur për vehte si vend, lehtësisht për të udhëtuar, plot bukuri, njerëz të dashur, të përkushtuar dhe veçanërisht ushqimi i mrekullueshëm. Pra jam ushqyer nga shumë anë.
AM: Po për Ju prof. Peter, përshtypja për Shqipërinë, nqs do të mundeshit në gjuhën shqipe?
Peter Christopher: Do të them që Shqipëria është një pjesë e rëndësishme për mua, për jetën time. Kur isha i vogël kisha dëshirë që të shkoja në Shqipëri, por nuk kisha mundësi. Tani jam bërë me të vërtetë shqiptar se besoj se e kam zotëruar gjuhën (jo fare), kam njohur shumë njerëz të mirë më parë dhe tani dhe kam dëshirë të shkoj gjithmonë dhe të kemi këtë lidhje mes WPI dhe Shqipërisë për një kohë të gjatë.

Pasi i përshëndes dhe i falenderoj profesorët ma kthejnë në shqip :Faleminderit!
…bile dhe në dialektin verior shkodran Falemners!.

Dhe siç përmendëm më parë janë përsëri studentët me origjinë shqiptare apo që kanë njohur Shqipërinë që të shprehin lidhjen me njeri tjetrin apo vendin e ri të zbuluar edhe prej vlerave të kulturës. Ndryshe për ta rifreskuar në mbyllje mund të themi dhe dy vlerësimet e marra nga profesorët Christopher dhe Dodson; “se studentët kthehen me një dashuri të madhe për Shqipërinë, ka qënë një zbulim i madh për ta dhe të themi se vërtetë ekziston një vend i vogël, por me gjëra të këndëshme si moti i mirë, male të bukur, bregdeti dhe njerëz të mirë dhe se…kur kthehen ata ndjehen dhe janë ambasadorë për Shqipërinë, për shqiptarët që jetojnë këtu në Uster, dhe ata janë një lidhje që forcohet”

(Video dhe foto) Presidentja e Kroacisë, Kolinda Grabar-Kitarović festoi fitoren e Kroacisë me Rusinë në ndeshjen për çerekfinalen e Botërorit2018

Presidentja e Kroacisë, Kolinda Grabar-Kitarović festoi në Soçi fitoren e Kroacisë me Rusinë në ndeshjen për çerekfinalen e Botërorit2018.

Ajo e ndoqi ndeshjen së bashku me kryeministrin e Rusisë Dmitri Anatoljewitsch Medwedew.

Ishte një ndeshje që kërkonte përgatitje shumë të fortë fizike dhe mendore, sepse i gjithë stadjumi me rusë ishte në favor të skuadrës të Rusisë që duhet me thënë se ishin edhe ata shumë të përgatitur për fitore.

Pas barazimit 2 me 2 fatin e vendosën penalltitë me rezultat 4 me 3 që e çuan Kroacisë drejt çerekfinales dhe Zonja Kolinda Grabar-Kitarović e feston fitoren e skuadrës të zemrës!

 

Nuk ishte në Kuvend, por deputeti i LSI del që ka votuar pro shembjes së Teatrit (dokument + video)

Me çdo mënyrë qeveria e drejtuar nga Edi Rama i donte votat për shembjen e Teatrit Kombëtar. E siç duket llogaritjen e votave “pro” në atë rrëmujë nuk e kanë bërë si duhet.

Lëvizja Socialiste për Integrim akuzoi këtë të premten se Kuvendi manipuloi votimin për projektligjin e Teatrit të Ri. Kreu i grupit parlamentar të LSI, Petrit Vasili ka publikuar në Facebook procesverbalin e seancës plenare të një ditë më parë.

Vasili thotë se deputeti i LSI, Vangjel Tavo nuk ka qenë i pranishëm në Kuvend, por në procesverbal ai rezulton që ka votuar pro projektligjit. Vasili i bën thirrje Ruçit të anulojë votimin e mbrëmshëm të ligjit për Teatrin Kombëtar.

VIDEO – Mima “shpërthen” në Kuvend: Rama i thotë qytetarëve ‘t.q.r.’, po nëse populli të kthehet e të thotë ‘r.k.t.k’?

Deputeti i PD, Florian Mima, ka bere nje fjalim te forte ne Kuvend, i cili eshte pasuar me duartrokitje nga koleget e tij opozitare, por edhe me te qeshura kur ai permendi se si i thote Rama qytetareve.

“Dikur rrinte me njerëz me mendje të hapur, të zgjuar e merrte edhe ndonjë ide te mirë. Sot ai merr në telefon qytetarët e këtij vendi dhe i thotë gjithësecilit pa iu dridhur qepalla, t.q.r. Po nëse populli të kthehet dhe të thotë r.k.t.k?

Sot ai përfaqësdon guston më vulgare, shijen më gërvishtëse me maja me cepa e kulla me uleritje cjerrese perkundruall nje kompleksi harmonik te qete, si simfoni e kompozuar nga te keqijte, pushtuesit italiane. Kjo harmoni eshte plagosur nga komunizmi por nuk eshte vrare. Kthimi në identitet duhet të niste me ringritjen e pazarit të vjetër, bashkisë së Tiranës e më tej me nënkalimin e dy akseve nën gungën e pllakave majolike”

Deputeti Gurakuqi: Dikur djali plangprishës i Tiranës sot kryeministër do të shkatërrojë kompleksin e dy teatrove më të rëndësishme të ketij vendi

Voal.ch fton lexuesin të ndjekë fjalën e deputetit Romeo Gurakuqi i cili denoncon aktin barbar të rrënimit të Teatrit Kombëtar, dikur ndërtesa e Fondacionit Skanderbeg themeluar prej njerëzve  më të rëndësishme të këtij vendi si  Prof.Ernest Koliqi e figura të tjera të ndritura. Ju lutemi që ta ndiqni videon.

(Video) Donald Lu: Kokat e krimit duhet të kenë frikë ! Drejtësia për ta po vjen ! Dështuan Prokuroria, Policia dhe Qeveria, s’kanë vullnet për ta arrestuar

Duke mos e gjetur të zbardhur fjalën e Ambasadorit Lu, sepse shtypi i Tiranës përzgjedh sipas interesit, ne po sjellim të plotë fjalën e tij.

Falenderojmë respektin e Ambasadorit Lu për shqiptarët. Ai flet dhe komunikon në gjuhën shqip:

Ish-ambasadori i Shteteve të Donald Lu, në prag të largimit nga Shqipëria ka përcjellë sërish mesazhe të forta sa i përket luftës kundër krimit, “peshqve të mëdhenj” dhe sfidat që janë përpara.

Në aktivitetin e organizuar sot nga Ministria e Brendshme, Lu tha se është bërë shumë në këto 8 muaj kundër krimit por nevojitet ende shumë punë.

“Shumë ka ndodhur në 8 muaj, e shumë ka mbetur për tu’ bërë.

Shqipëria mbështeti arrestimin e trafikantit të madh Met Kanani në Turqi, më pas banda e tij u arrestua në Shqipëri.

Policia mbështeti sekuestrimin e 613 kg kokainë dhe arrestimin e Arbër Çekaj në Gjermani.

Disa anëtarë të bandës së tij janë arrestuar dhe do arrestohen të tjerë. Hetimi penal kundër ish-ministrit të brendshëm Saimir Tahiri dhe ish-kryeprokurorit Adriatik Llalla vazhdon.

Shumë aktivitet për një periudhë të shkurtër kohe por duam rezultate konkrete.

Duam që peshqit e mëdhenj të ndiqen penalisht, të dënohen dhe futen në burg.

Ky do ishte sukses. Dua të theksoj një dështim të qeverisë dhe policisë, arrestimin e Klement Balilit.

I bëjmë thirrje që të vazhdojnë luftën kundër krimit të organizuar pa mëshirë.

Kjo do të sjellë krijimin e shpejt të KLP, SPK-ut dhe BKH.

Ne kemi konfirmuar burimet. Kokat e krimit duhet të kenë frikë dhe drejtësia për ta po vjen”, u shpreh Donald Lu.

“Qeveria ka pranuar sfidën serioze që ka Shqipëria për luftimin e krimit të organizuar. Duam rezultate konkrete, duhet të ndiqen penalisht dhe të dënohen kriminelët.

Dua të theksoj një dështim të policisë dhe prokurorisë: dy vite më parë u punua për arrestimin e disa anëtarëve të bandës së Balilit. Ai është bos i fuqishëm i krimit të organizuar me lidhje politike. Por nuk ka pasur aftësi apo vullnet për ta arrestuar vetë Balilin”, deklaroi Lu gjatë aktivitetit “Forca e ligjit në veprim: arritje dhe sfida”.

“Askush nuk është mbi ligjin. I bëj thirrje Edi Ramës, Fatmir Xhafës dhe policisë për të vazhduar luftën kundër krimit të organizuar pa mëshirë”, shtoi Lu.

LIVE – Deputetët e PD i bashkohen protestës para Kuvendit: Ne do luftojmë brenda, ju rezistoni këtu (video)

Ashtu siç ishte parashikuar ka nisur pak më parë protesta e organizuar nga artistët, që janë kundër shembjes së Teatrit Kombëtar.

Artistët në këtë protestë janë mbështetur nga aktivistë të shumtë dhe janë grumbulluar para Kuvendit, për të kundërshtuar projekt-ligjin që do të votohet sot.

 

Siç shihet dhe nga video, në rrugën para Kuvendit ka një masë të madhe njerëzish që mbajnë në duan pankarta “mbroteatrin”.

Kur kishte disa minuta që kishte nisur protesta në oborrin e Kuvendit u hodh një tymuese.

tymuese1

Pjesë nga deklaratat e artistëve në protestë

Bujar Asqeriu: Jemi këtu për të mbrojtur historinë tonë, një popull pas histori nuk ka mbrojtje nga arti. Jemi këtu që të ngrihemi mbi mashtrimet e qeveritarëve tanë. Jemi këtu për t’i dhënë në kuptim jetës së çdo shqiptari.

Parlamenti ynë të mendohet mirë para se të votojë këtë ligj, për të kafshuar Teatrin Kombëtar. Kini Kujdes mos luani me artistët, artistë janë njerëzit më të nderuar të kombit. Prandaj kujdes me artistët. Të nderuar deputetë kalojeni këtë nen me shpirt dhe do të kuptoni thellë se nëse votoni këtë ligj do të bëni nja hap të gabuar. Nëse dhëmbët tuaja do të ngulen në atë Teatër nuk do të harrohen kurrë.

Alert Çeloaliaj: Nuk është beteja e fundit, ne do të vazhdojmë qëndresën tonë, deri në fund me çdo mjet ligjor.  Nëse ky ligj kalon, do të protestojmë më shumë para teatrit, asgjë nuk është e mbyllur asgjë nuk është e prerë. Unë them se  do të mbizotërojë qytetaria në atë sallë sot mbi politikën dhe paratë. U bëj thirrje që të mos votojnë këtë ligj.

Neritan Liçaj: Në respekt të qytetarëve që kanë dal sot këtu me në, në respekt të gjithë qytetarë shqiptarë, po lexoj edhe njëherë peticionin tonë drejtuar krerëve të shtetit dhe trupave diplomatikë në Shqipëri. Ne jemi kundër këtij ligji, jemi kundër shembjes së Teatrit.  Ky projekt ligj vjen në kundërshtim me disa ligje të tjera në Republikën e Shqipërisë. Është rasti i parë që paraqitet një ligj personal. Ky ligj nuk ka referim dhe bazë ligjore, është në kundërshtim me proceduarat e hartimi të ligjit. Kërkojmë kthimin mbrapsht të këtij ligji.

Robert Budina: I bëjmë thirrje Ministres së Kulturës që të tërhiqet se nuk është vonë. U bëj thirrje dhe ju që keni ardhur sot që të ruajmë qytetarinë deri në fund.

Vasjan Lami: Apeli im është shumë i thjeshtë, ti japim fund kësaj loje të shëmtuar. Teatri mund të bëhet shumë mirë aty ku është. Ligji duhet të tërhiqet dhe të hapet një konkurs siç duhet.

Deputetët e PD në protestë

Më pas në shesh kanë zbritur dhe  dy deputet e PD, Dashamir Shehi dhe Jorida Tabaku, të cilët thanë se  ata janë në mbështetje të tyre dhe do të luftojnë për ta në Kuvend.

Dashamir Shehi: Dua tu falënderoj në emër të Grupit Parlamentar. Debati nuk ka filluar ende se kjo është një   strategji e atyre që ne të lodhemi. Kjo është protesta më e madhe e  shoqërisë, dhe më e bukura. Kanë dal për partinë apo për rrogën ,por sot kjo që keni bërë ju është shumë e rëndësishëm, pasi keni emancipuar  shoqërinë. Kujt i pëlqen liria të qëndrojë këtu, kush është për paratë të shkojë atje  të rreshtohet me ata. Ne tani do të shkojmë aty do të vazhdojmë betejën tonë, po ju them që dhe ju të qëndroni të rezistoni këtu, Ju falnderojë për këtë qëndresë.

Jorida Tabaku: Unë sot këto kartolina” Unë jam Teatri”, do ti vendos në Kuvend. Sot nëse ky ligj do të miratohet shuhet  trashëgimia e qytetit. Ju falënderoj se ju keni qëndruar në shi dhe në diell, keni kenë pak dhe sot jeni shumë. Ne dhe ju nuk do ta lejojmë që  kjo makabritet që i bëhet Edi Ramës.

Opozita ësthë gati të ndjek çdo rrugë ligjore brenda dhe jashtë Kuvendit, do ta çojmë këtë çështje deri në Strasburg.

Tërmet i pazakontë në Shqipëri, panik në të gjithë vendin, qytetarët dalin në rrugë (VIDEO)

Lëkundjet e tërmetit të pazakonta që kanë shkundur sot Shqipërinë kanë shkaktuar panik të madh tek qytetarët.

Gazetarët raportojnë për “BalkanWeb” se të gjithë qytetarët kanë dalë nga shtëpitë dhe lokalet në rrugë të frikësuar.

termet njerezit (7)

Gazetari Elidon Ndreka tha se në qytetin e Rrëshenit kanë mbushur sheshet të frikësuar.
Edhe në Durrës, sapo janë ndjerë lëkundjet qytetarët kanë lënë lokalet dhe kanë dalë në rrugë.
E njëjta situatë raportohet edhe në Fier.

Epiqendra e tërmetit ka qenë 31 km në Veriperëndim të kryeqytetit. Mësohet se në Tiranë tërmeti ka qenë me magnitudë 5.2 të shkallës Rihter, ndërsa në Durrës tërmeti me magnitudë 5 të shkallës Rihter.

VIDEO – Aktorja Rajmonda Bulku pro shembjes së Teatrit: Kushtet janë mizerabël, dua një godinë me parametra normale

Aktorja e njohur e skenës dhe e filmit, si dhe ish deputete e Partisë Demokratike, Rajmonda Bulku, në një deklaratë të saj është shprehur se është pro shembjes së godinës ekzistuese të Teatrit Kombëtar.

Deklaratën e saj, aktorja e ka dhënë në emisionin Arkapia nga Elsa Demo, transmetuar në Ora News.

“(Godina e teatrit) duhet shembur, pa dyshim. Ne po përjetojmë kushte mizerabël. Unë nuk e di se si punojmë aty, është turp të punosh aty. Tani që u gjet Turbina, shumë mirë, ajo sallë është për atë zonë, atë lagje dhe si ajo duhet të ndërtohet edhe një në Kombinat, edhe një në Laprakë, që padyshim është një lagje afër Tiranës.

Unë do të dëshiroja që të ngrihet një Teatër i ri Kombëtar, me parametra të tjerë.

Unë them që të ndërtohet një teatër me parametra që të jetë një teatër shumë i mirë. I takon, derisa është një Teatër Kombëtar. Aty duhet të ketë një teatër shumë të mirë, ç’më duhet mua se çfarë ndërtohet anës teatrit, apo mbi teatër. Në qiell le të ndërtohet, s’kam ndonjë gjë; unë dua të ndërtohet një teatër, moj shpirt. Nuk ka rëndësi fare se çfarë. Mirë është në atë vend, sepse akoma është infrastruktura, se aty, sido që të jetë, është një unazë e vogël, që njerëzit vijnë edhe në këmbë”.