VOAL

VOAL

Please Wait ...
0%

ExLibris: Skënder Buçpapaj: Në tranzicion e panë të gjithë, gardianë dhe të ngujuar, se cili kishte qenë në të vërtetë Atdheu!

By | August 3, 2019
5 Comments
  • author avatar
    Zeqiri 4 months ago Reply

    Shumë shumë bukur Neri.
    Urimet më të mira e lart e më lart.

    • author avatar
      voal.ch 4 months ago Reply

      Faleminderit shumë, i dashur Zeqir për urimet dhe vlerësimet!
      Të përshëndes pafundësisht!
      Të fala
      Skënder Buçpapaj

  • author avatar
    Atdhe Geci 4 months ago Reply

    Skënder i dashur, ti dhe Elida jeni poetë e shkrimtarë të shkëlqyer! Ju krijoni me dritën tuaj! Suksese!

  • author avatar
    Skënder Buçpapaj 4 months ago Reply

    Atdhe Geci, falënderimet tona për urimet dhe vlerësimet, mik dhe koleg i dashur!
    Të përshëndesim shumë!
    Skënder Buçpapaj

  • author avatar
    Mimoza Erebara 4 months ago Reply

    Interviste qe “vjen era E VERTETE”…Faleminderit Skender per kete ndjesi te mrekullueshme. Ju pershendes, Mimoza.

Komentet

Editorët e voal.ch kanë lidhje luajale dhe bashkëpunimi me Vatrën dhe Diellin

Editorët e Voal.ch janë njohur me ekzistencën dhe veprimtarinë e Vatrës dhe Diellit që në bangat e shkollës, kur Shqipëria vuante nën diktaturën mizore staliniste, ndërsa SHBA anatemoheshin nga shteti totalitar si armik i Shqipërisë dhe i shqiptarëve.

Megjithë propagandën që ushqente urrejten e regjimit ndaj Amerikës, prania e Vatrës dhe Diellit kishte efekt të kundërt në psikën e shqiptarëve.

Dhe vargu i Nolit përdorej si refren “Mbaju Nëno mos ki frikë se ke djemtë në Amerikë!”

Në raport me hapësirat e pafundme të Amerikës, hiperbolizohej edhe Vatra, merrte përmasa gjigande, sikur të ishte Vatra e të gjithë komunitetit nëpër 51 shtetet e SHBA.

Largimi nga jeta shpejt e Faik Konicës, pastaj e Fan Nolit dhe me rradhë etërve themeltarë të Vatrës, u reflektua edhe tek Vatra.

Vatra u krijua nga koka të kombit dhe nga zemrat patriote të kombit!

Një tipar i Vatrës i trashëguar brez pas brezi, me devijime të vogla, ishte qendrimi opozitar ndaj diktaturës komuniste në Shqipëri.

Prandaj regjimi komunist e kishte halë në sy duke u përpjekur që ta zhdukë nga faqja e dheut, siç pushkatoi plot e plot Vatranë që lanë Amerikën dhe u kthyen në Shqipëri

Por megjithatë Vatra mbijetoi dhe sot e kësaj dite vijon aktivitetin e saj.

Në thelb Vatra është një monument me sytë nga Perëndimi i trashëgimisë kulturore-politike.

Pra kur Shqipëria komuniste kishte si model stalinizmin, Shqipëria e Vatrës ishte me SHBA dhe Perëndimin.

Me hapjen e Shqipërisë, Vatra nuk ishte më një vizion abstrakt, por menjëherë i doli në krah SHBA në mbështetjen për të përmbysur regjimin diktatorial.

Bashkë me Amerikën në Tiranë dhe Shqipëri erdhën edhe Vatranë të shquar, si Agim Karagjozi, Anthony Athanas, At Arthur Liolin e plot e plot, ndërkohë Vatra u bë qendra për të pritur liderët që prisnin të sillnin lirinë, demokracinë, e çlirimin e të drejtat njerëzore në Shqipëri, Kosovë, Maqedoninë e Veriut etj.

Vatra ka patur zigzage, por ka patur edhe plot suksese dhe jeta e saj është varur nga atdhedashuria për ta parë Shqipërinë dhe trojet shqiptare të integruara në Perëndim.

Njohja jonë konkrete me Vatrën filloi pikërisht në prag të rrëzimit të diktaturës, në fillim në Shqipëri e pastaj në SHBA dhe nuk është ndalur kurrë.

Lidhja jonë me Vatrën është shpirtërore, institucionale, bashkëpunuese dhe luajale, që në themel ka idealet e përbashkëta për një Shqipëri demokratike dhe të integruar në Perëndim

Kemi mbështetur gjithmonë Vatrën pa ndërhyrë kurrë në politikat e saj, sepse aty gjallon një komunitet i madh me burime të pashterëshme njerëzore dhe intelektuale.

Por gjithmonë jemi të mendimit se pavarësia e diasporës nga politika në shtetin amë apo Kosovë është domosdoshmëri.

Kopracia e biznesit me prejardhje shqiptare në SHBA dhe jo vetëm për gjallërimin e Komunitetit dhe diasporës në përgjithësi është thikë pas shpine!

E njëjta gjë, kur biznesi në diasporë, SHBA, Europë etj përdor paranë për të përfituar nga politika!

Profiterët e të gjitha ngjyrave brënda diasporës janë faqja e shëmtuar e saj.

Patriotët japin pa marrë! Patriotët nuk janë personazhe Galash!

Me kryetarët e Vatrës, z.Karagjozi, Dr.Gjon Buçaj kemi patur një komunikim të respektit të ndërsjelltë që është forcuar me kohë.

Të njëjtin respekt kemi treguar edhe ndaj kryetarit të ri të Vatrës Dritan Mishtos, megjithëse nuk jemi njohur më parë.

Po ashtu kemi një komunikim shumë miqësor me plot e plot Vatranë të tjerë të cilët i vlerësojmë dhe çmojmë.

Nuk jemi marrë kurrë me thashetheme dhe nuk u kemi bërë jehonë fjalëve të kuluareve, megjithëse edhe në SHBA midis komunitetit shqiptar lulëzon me bollëk edhe kjo kategori fjalënajash.

Nuk jemi gjthashtu as njerëz me dy fytyra, apo të passhpinës, që në sy të themi mik dhe të shajmë pas shpine.

Në integritetin tonë njëfytyrësia dallon. Ne mbajmë qendrimet tona, të cilat i shprehim qartë, pa ekuivoke dhe shqip.

Nuk kemi interesa personale, nuk kemi interes pasurinë, interesi ynë është që shqiptarët të bëhen!

Sa për Vatrën dhe Vatranët urojmë që ata të jetojnë në shekuj.

Ndërkohë si editorë të një medium të mendimit të lirë, voal.ch e respekton pluralizmin e mendimit dhe ndërkohë vlerëson personin që e shpreh mendimin e tij.

Le të kujtojmë “ndeshjet” dhe paqtimin e Luanëve të Vatrës!

Ne si editorë të Voice of Albanans – voal.ch – do t’i mbetemi besnikë Vatrës dhe vatranëve duke uruar dhe shpresuar që të fuqizohet dhe të faktorizohet në të mirë edhe të komunitetit Shqiptaro-Amerikan por edhe për të rritur ndikimin në Shqipëri, Kosovë, Maqedoninë e Veriut etj

Violinisti i shquar Florian Vlashi organizon në Spanjë koncert në ndihmë të familjeve në Durrës të prekura nga tërmeti

Violinisti i shquar Florian Vlashi organizon në Spanjë koncert në ndihmë të familjeve në Durrës të prekura nga tërmet.

Koncerti titulluar “Tingulli dhe Fjala”, ku marrin pjesë tre poetë, tre kompozitorë dhe tre interpretë  do të zhvillohet ditën e shtunë me 7 dhjetor ne Fundación Luis Seoane, La Coruña Spanjë.

Floriani thotë se “Koncerti do t´i dedikohet viktimave të tërmetit të Durrësit dhe të ardhurat nga ai do të shkojnë në ndihmë të familjeve të prekura.”

“Tërmeti i 26 nëntorit që shkaktoi 51 viktima në Shqipëri dhe shumë familje të shkatërruara kanë nevojë për ndihmë.”

Florian Vlashi me familjen e tij, një kuartet artistësh, me artin e tyre kanë ndërtuar prej vitesh me radhë një urë kulturore, artistike dhe muzikore Galicia-Shqipëri, siç është rasti i Grupit Instrumental të Shekullit XX që drejtohet pikërisht nga violinisti i shquar.  Florian Vlashi, në rastin e koncertit thotë se “Do të dëshironte që kjo urë të merrte tani harmoninë e solidaritetit për familjet në nevojë urgjente dhe prandaj do t´ja kushtojmë, këtë koncert dhe eventin NEXOS viktimave të tërmetit të Durrësit. Kujtimi ynë për ta, emocioni ynë, muzikë dhe fjalë.”

Me këtë rast Florian Vlashi falenderon poeteshën Yolanda Castaño.

Vepra në program “Tiendo, Lamento y Tocata” e kompozitorit Federico Mosquera i është dedikuar dy muzikantëve shqiptarë,  Florian Vlashi dhe Rediana Lukaçi.

 

Programi:

TINGULLI DHE FJALA

Florian Vlashi, violín
Ruslana Prokopenko
, violonçel
Clara Jelihovschi Panas,
soprano

Prezantuese Yolanda Castaño

 

Federico Mosquera:
Tiento, Lamento y Tocata (Premierë botërore)
Violín e violonçel

Alba Cid
“Atlas”

Xesús Xosé Iglesias Gonzalez :
“Antitesis” (Premierë botërore)
Violín  e violonçel

Carlos Catena Cózar
“Los dias hábiles”

Claudia González Caparrós
Te miro como quien asiste en un desielo”

Hugo Gómez-Chao Porta
Chanson de la plus haut tour” (Premierë botërore)
Soprano, violín , violonçel

 

Gazetarja tregon përjetimet në vatrat e tragjedisë: Ekipet shqiptare kanë vetëm uniformën, nuk kanë pajisje

Gazetarja e “News24”, Klodiana Lala ka rrëfyer përjetimet e saj teksa ka ndjekur nga afër operacionet e kërkim-shpëtimit në zonat e prekura, në Thumanë dhe në Durrës. E ftuar në  emisionin “Kjo Javë”,  Lala tha se  ajo që është trishtuese  lidhet me faktin se forcat tona operacionale, por edhe Policia kanë mungesë të theksuar në pajisje dhe në logjistikë.

“Ne gazetarët kemi qenë të kujdesshëm për të mos dhënë identitetet pasi mund të shkaktonim një traumë të jashtëzakonshme. Fokusi i parë ishte se sa viktima do të ishin. Kishte shumë tension, policia filloi të largonte njerëzit. Kam ndaluar në një tjetër banesë pesë katëshe, e vila ishte zhytur e gjitha në tokë, por nuk kishte pasur fatmirësisht persona. Pastaj shkova tek Ish-Këneta tek familja Lala. Forcat shqiptare  kanë vetëm uniformën pasi kanë mungesë mjetesh.  Ne nuk kemi asnjë kamera. Erdhën ekipet e huaja, të cilat dedektonin trupa nën rrënoja. Duhet të rikthehet këtu vëmendja.  Nëse nuk do kishin ardhur ekipet e huaja, do të kishte zgjatur shumë më shumë ankthi  i familjeve të prekura”-tha gazetarja Lala.

Gazeta Zvicerane Blick: Shpërthen zvicerani: Ndertime kriminale !S’keni guxim ta thoni, fajin për viktimat e kanë ndërtimet !

VOAL – Gazeta më e madhe zvicerane, Blick, shkruan se fajin për kaq shumë viktima në tërmetin që ndodhi në Shqipëri e kanë ndërtimet.

Blick ka intervistuar një zviceran që jeton në Durrës me të shoqen, i cili shpërthen me zemërim. Rolf Alther, 77 vjeç, jeton me gruan kosovare në Durrës prej pesë vitesh.

“Kjo nuk duhej të ndodhte, shan ai.

“Ky tërmet nuk është kaq i madh sa të shkaktonte dëme kaq të mëdha”.

Problemi është se askush nuk guxon këtu të thotë se pse ka dëme të tilla. “Shkaku i shembjeve janë ndërtimet e këqija shkel e shko”.

I zemëruar, ai i ka dërguar foto gazetës se si është dëmtuar banesa e tij dhe godina të tjera. Zvicerani, që dikur ka qenë përfaqësues politik në një parlament kantonal, thotë se këto janë ndërtime kriminale.

“Në Zvicër, fitimi i një ndërmarrje ndërtimi për një projekt është gjashtë deri në shtatë përqind, këtu është 70 përqind! Sipërmarrësit këtu fitojnë një qerre me para në kurriz të sigurisë”.

Alther nuk e ndal shpërthimin kur thotë se druhet se kriminelët do të përfitojnë edhe nga tërmeti.

“Shumë shtete dhe individë po dërgojnë donacione për rindërtim, që do të përfundojnë në xhepat e këtyre mashtruesve”, thotë ai.

Teorinë e tij për ndërtimet e dobëta e mbështet edhe profesori i ETH Zyrih, Bozidar Stojadinovic. Ai thotë se pasi sheh me kujdes fotot, e kupton se bëhet fjalë për ndërtime të dobëta. Sipas tij, ato duhen shembur.

“Ata fokusohen tek fitimi afatshkurtër, në vend që të mendojnë për të nesërmen dhe të investojnë në siguri. Ndërtesat moderne duhet të jenë në gjendje t’i rezistojnë një tërmeti si ai i të martës në Shqipëri,” thotë profesori.

Njoftim për Shtyp nga Aleanca për Mbrojtjen e Teatrit ka mbledhur 40 tonë ushqime, veshmbathje, batanije etj.

– NJOFTIM PËR SHTYP –

Aleanca për Mbrojtjen e Teatrit, me vullnet të plotë për t’u ardhur në ndihmë të prekurve nga tragjedia e tërmetit të datës 26 nëntor, prej katër ditësh po punon intensivisht në mënyrë vullnetare, mbështetur nga një ekip prej rreth 200 qytetarësh, për mbledhjen e dorëzimin e ndihmave humanitare.

Me kontributin e mbi 9000 personave, janë mbledhur e dorëzuar mbi 40 ton ushqime, veshmbathje, batanije e dyshekë, me mbi 20 kamionë e dhjetëra furgonë, fuoristrada, vetura.

Me mirënjohje i falenderojmë të gjithë qytetarët bujarë dhe vullnetarët që kanë punuar pa ndalim për sistemimin, përgatitjen e ndihmave për dorëzim.

Sot, Aleanca për Mbrojtjen e Teatrit vendosi me unanimitet që, ato pak para që janë siguruar nga donacionet monetare të qytetarëve, regjistruar me transparencë, të shfrytëzohen për ngritjen e kontenierëve – SHTËPIVE PAS-TËRMET TË PËRKOHSHME deri në rindërtimin e shtëpive, si model që ne e sugjerojmë të ndiqet nga qeveria dhe gjithë donatorët.

Këto shtëpi mundësojnë që të prekurit nga tragjedia e tërmetit të mbeten në shtëpinë e truallin e tyre, në kontakt me pronën e tyre, në gjendje pune, gati për të filluar jetën pas-tërmet.

Ne bëjmë të ditur me këtë rast që ne kemi bërë porosinë për disa kontenierë-shtëpi të tilla dhe porosia do të kryhet e dorëzohet pas disa ditësh.

Në ditët në vijim do të japim detaje mbi procesin e realizimit, vendosjes dhe vendndodhjes së këtyre njësive banimi. Bashkëlidhur modeli i njësisë si edhe fotoja e grupit të Aleancës pas marrjes së vendimit.

Bashkë në dhimbje, bashkë në manaxhimin e krizës.

Aleanca për Mbrojtjen e Teatrit
29 Nëntor 2019

Tragjedia e tragjedisë: 6 familjet që u shuan në Durrës dhe Thumanë

Gjashtë familje janë shuar në Thumanë dhe në Durrës nga goditjet e tërmetit 6,4 ballësh që goditi vendin mëngjesin e 26 nëntorit.

Një familje u shua tërësisht në Thumanë, një tjetër në Durrës ka pjesën më të madhe të anëtarëve ende nën rrënoja, ndërsa një familje nga Kosova humbi dy djemtë e saj.

Familja Lala, Durrës, 2 të vdekur, 1 i shpëtuar dhe 6 ende nën rrënoja

  • Sadete Lala (nëna) u nxorr e pajetë nga rrënojat
  • Ilir Lala (djali i Sadetes) nën rrënoja
  • Marjeta Lala (nusja e Sadetes) ende nën rrënoja
  • Emilio Lala (djali i Marjetës) ende nën rrënoja
  • Amelia Lala (vajza e Marjetës) u nxorr e pajetë
  • Dionis e Dionisa Lala (fëmijët binjakë të Marjetës) ende nën rrënoja
  • Griselda Lala (vajza e Marjetës) mbetet nën rrënoja
  • Ramë Lala (djali i Marjetës) u nxorr i gjallë pasditen e 26 nëntorit

Familja Karanxhaj, Durrës, 2 të vdekur, 1 nën rrënoja

  • Diena Karanxhaj-Meçaj, humbi jetën në spital pasi qe nxjerrë nga rrënojat e një pallati më 26 nëntor
  • Esiela Meçaj (vazja e Dienës) u nxorr pajetë nga rrënojat
  • Roza Karanxhaj (e ëma e Dienës) mbetet nën rrënoja
  • Ajet Karanxhaj (babai i Dienës) u nxorr i gjallë

Familja Reçi, Durrës, 2 të vdekur dhe 2 nën rrënoja

Eduard dhe Kristi Reçi (vajza) humbën jetën

Dolora (bashkeshortja) dhe Klaus Reçi (djali) janë nën rrënoja

Familja Abazi, Durrës, 2 të vdekur

  • Vëllezërit Shemsedin e Isa Abazi nga Kosova, u nxorrën të pajetë nga rrënojat e një hoteli

Familja Cara, Thumanë, 8 të vdekur

  • Albert Cara i shpëtoi tërmetit
  • Lindita Cara (vajza e xhaxhait të Albertit) u nxorr e gjallë pas 15 orësh nën rrënoja por vdiq në spital.
  • Fatmira Cara (bashkëshortja e Albertit) u nxorr e pajetë.
  • Hasan Cara (djali) u nxorr i pajetë.
  • Erisa Cara (vajza) u nxorr e pajetë.
  • Almir dhe Stela Cara (djali dhe nusja e Albertit) u nxorr e pajetë
  • Anthi dhe Sadajana Cara (xhaxhai dhe gruaja e xhaxhait të Albertit) u nxorrën të pajetë.

Familja Gregu, Thumanë, 3 të vdekur

  • Bashkëshortët Pëllumb dhe Çelike Gregu u nxorrën të pajetë nga rrënojat mëngjesin e 27 nëntorit
  • Saimir Gregu (djali) vdiq në spital pasi qe nxjerrë nga rrënojat pasditen e 26 nëntorit

Familja Çupi, Thumanë, 2 të vdekur, 1 nën rrënoja

  • Hajredin Çupi mbetet nën rrënoja në kërkim
  • Lute Çupi (bashkëshortja e Hajredinit) u nxorr e pajetë pasditen e 26 nëntorit
  • Keli Çupi (djali i Lutes dhe Hajredinit) vdiq pak pasi u nxorr nga rrënojat
  • Coli Cupi (djali i dytë) i shpëtoi tërmetit
  • Nikolin Çupi (djali i xhaxhait) i shpëtoi tërmetit

Çun Lajçi Se veç Ty t’kemi Shqipni!

Kur dridhesh ti
Ne s’bajmë gjumë Shqipni
Se tutemi po vdes
E rrajë jetimash mbesim
Të duem edhe kur vërshehesh
Ujnash
Edhe kur digjesh
Zjarresh
Edhe kur mallkohesh nesh
Kur luhatesh
Dridhësh e përkundesh
Termetësh
Si zogj t’futemi n’gji
E lutemi
Vetëm ti t’mos vdes
Ne
S’bajmë gjumë kur ti dridhesh
Se veç Ty t’kemi Shqipni!

Çun LAJÇI Kur dridhësh ti, ne s’bajmë gjumë Shqipni

Kur dridhësh ti
Ne s’bajmë gjumë Shqipni
Se tutemi po vdes
E rrajë jetimash mbesim
Të duem edhe kur vërshehesh
Ujnash
Edhe kur digjesh
Zjarresh
Edhe kur mallkohesh nesh
Kur luhatesh
Dridhësh e përkundesh
Termetësh
Si zogj t’futemi n’gji
E lutemi
Vetëm ti t’mos vdes
Ne
S’bajmë gjumë kur ti dridhesh
Se veç Ty t’kemi Shqipni😢

Albin Kurti e Vjosa Osmani të ftuarit specialë të Ambasadorit Amerikan Philip Kosnettit për të shënuar përvjetorin e marinsave

Politikanët Albin Kurti e Vjosa Osmani kanë qenë mysafirët e ambasadorit amerikan në Kosovë, Philip Kosnett, mbrëmjen e së shtunës kur është shënuar 244 vjetori i krijimit të marinsave amerikane.

Për ta Kosnett ka shtruar darkë, e kjo u ka pëlqyer edhe Osmanit edhe Kurtit, që me gjasë kanë qenë të vetmit politikanë të ftuar në këtë festë.

“Ishte kënaqësi sonte të jemi të ftuara të Ambasadorit Amerikan, Philip Kosnett, në pritjen vjetore të Marines Amerikane”, ka shkruar në profilin e saj në Facebook, Vjosa Osmani, e cila në këtë takim ka qenë e shoqëruar edhe nga motra e saj, Blinera Osmani.

Ndërsa Kurti ka zgjedhur profilin e tij në Instagram që të njoftojë për këtë takim.

“Një mbrëmje e këndshme për mua e Ritën, të mirëpritur nga Ambasada e ShBA-së me rastin e përvjetorit të 244-të të krijimit të trupës ushtarake të marinsave”, ka thënë Kurti. “Me ShBA-të do të bashkëpunojmë që të kemi edhe ne trupat tona ushtarake të specializuara, që do të nderojnë kombin dhe aleatët tanë, sa herë ta kërkojë nevoja”, ka shtuar më pas.

Kryetari i Bashkisë Bronx Ruben Diaz Jr kremton me Komunitetin shqiptar 107 vjetorin e Pavarësisë të Shqipërisë

Kryetari i Bashkisë Bronks
Z.Ruben Diaz Jr

Së bashku me
Fondacionin e Shoqërisë Shqiptaro-Amerikane
Qendrën e Komunitetit Shqiptar
&
Bijtë dhe Bijat e Shqipërisë në SHBA
Ju fton të merrni pjesë
në Festimet e 107 vjetorit të
Pavarësiesë të Shqipërisë
Të Ejten, 21 Nëntor, 2019 në orën 1:00 pm
në Veterans Memorial Hall, Rotunda
851 Grand Concourse
Bronx New York
Seating is Complementary and Limited
RSVP is Required
Esad A. Rizai
347-573-3972

 

Më poshtë po sjellim programin:

 

Kongresmeni JoeDioGuardi & Keshilltarja per Çeshtje te Ballkanit Shirley Cloyes DioGuardi takim me diasporën në Zvicër

Me kenaqesi ju njoftojme se Presidenti i LQSHA-se, ish-Kongresisti i SHBA-ve Joe DioGuardi dhe Keshilltarja per Ceshtje te Ballkanit znj. Shirley Cloyes DioGuardi do te marrin pjese, si mysafire te vecante, ne nje manifestim madhor ne Zvicer me 24 Nentor 2019 prej ores 15:00 deri ne 19:00 ne:

Pentorama Amriswil
Arbonerstrasse 4,
8580 Amriswil

I ftojme te gjithe shqiptaret qe jetojne ne Zvicer qe te marrin pjese ne kete manifestim bashke me Kongresistin DioGuardi dhe znj DioGuardi, qe shenon edhe 30 vjetorin e punes se palodheshme te Liges Qytetare Shqiptaro-Amerikane, organizates se vetme lobuese per shqiptaret te regjistruar ne Washington, DC.

Eshte pikerisht kjo pune e Liges se bashku me kontributin e madhe te Anetareve te Bordit, miqeve e perkraheseve, qe ka qene esenciale dhe instrumentale ne drejtimin e politikes se jashtme amerikane ne interes te kauzes kombetare shqiptare, e cila perfshine lirine dhe pavaresine e Kosoves, demokratizimin e Shqiperise, dhe sigurimin e te drejtave te plota per shqiptaret ne Mal te Zi, Maqedoni, dhe Lugine te Presheves!

Ju lutemi, shperndajeni kete lajmerim (share) tek te gjithe miqte dhe familjaret tuaj ne Zvicer.

Ju falemnderit!

It gives us great pleasure to announce that AACL President and former US Congressman Joe DioGuardi and Balkan Affairs Adviser Shirley Cloyes DioGuardi will be attending a major event in Switzerland, as special guests, on Sunday, November 24, 2019, from 15:00 to 19:00 at:

Pentorama Amriswil
Arbonerstrasse 4,
8580 Amriswil

We invite all Albanians in Switzerland to join Congressman DioGuardi and Ms. DioGuardi at this event, marking the 30th anniversary of the tireless work of the Albanian American Civic League, the only registered lobby for the Albanian people in Washington, DC.

It is the work of the Civic League and the support of its Board Members, friends and other supporters, that has been essential and instrumental in shaping America’s foreign policy in favor of the legitimate and righteous plight of the Albanian national cause, including a free and independent Kosova, a democratic Albania, and equal rights for Albanians in Montenegro, Macedonia and the Presheva Valley!

Please share this announcement with all your friends and family who live in Switzerland.

Thank you!

# # #

Simon Mirakaj pyet se ku e vendosni Preng Calin, Musine Kokalarin e qindra te tjere që luftuan për Liri dhe Demokraci!

Simon Mirakaj mendon se ka ardhur koha që të krijohet nje komision per te rishqyrtuar tituj Hero i Popullit të dhënë nga Partia Komuniste sipas dokumenteve arkivore.

Simon Mirakaj anëtar i Autoritetit për Hapjen e Dosjeve të ish-Sigurimit të Shtetit në një status të tij sot në rrjetin social shkruan:

“Te renet kundra pushtuesit nderohen ne te gjithe boten.

Ata qe rane ne lufte u quajten deshmore.

Titulli Hero i Popullit eshte nje titull i dhene nga Partia Komuniste.

Mendoj se duhet krijuar nje komision per te rishqyrtuar keto tituj sipas dokumenteve arkivore.

Historikisht luftohet per te fituar, ndersa ne Shqiperi u fitua per te humbur.

Fitorja solli diktaturen me te eger ne Europë,burgosi dhe internoi qindra mijra familje per te vetmin faj se ishin kundra instalimit te diktatures komuniste.

Lind pyetja po ata qe rane, zotërinj të nderuar, duke luftuar kundra kesaj diktature, qe rane per Liri e Demokraci,

qe jane dhe pa varre, çfarë jane sipas jush?

Ku e vendosni Preng Calin, Musine Kokalarin e qindra te tjere?

Eshte kauza e tyre ajo qe fitoi e ju dha mundesinë te jeni deputet,t e beheni Ministra, Kryeministra e Presidentë.

Dje kishit nje rroge modeste e nje apartament me 60 apo 70 meter katrore e sot jeni me vila apo apartamente me nga 100-150 meter katrore.

Ju sigurisht qe demokracinë e doni por jo ata qe dhane jeten per Liri e Demokraci.

Me vjen keq qe mbase 30 vite ne demokraci duke qene dhe perfiteusit me te medhenj te saje keni mbete nostalgjikë te komunizmit(jo te gjithe sigurisht).

Ne edhe pse vuajtem shume, shume nga diktatura komuniste,arsyen nuk e humbem kurre.” Këtu e përfundon statusin e tij në rrjetin social Simon Mirakaj.

 

Simon Mirakaj, i lindur në 1 qershor 1944 është një ish i internuar që foshnje nga regjimit komunist në Shqipëri. Simoni jetoi në internim për 44 vite të jetës. Ai i ka mbijetuar fëmijë edhe Kampit famëkeq të Tepelenës. I ati i tij u arratis nga regjimi ndërsa familjarë të tjerë u pushkatuan për shkak të rezistencës ndaj komunizmit.Shuma e përgjithshme e dënimeve për gjithë familjen MIrakaj dhe të afërmit e tjerë të këtij fisi arrin mbi 900 vjet.