VOAL

VOAL

Please Wait ...
0%

Gjenerali kroat, Ante Gotovina bën shqiponjën pas fitores të Zvicrës me Serbinë

By | June 25, 2018

Komentet

Ekskluzive për VOAL- Dr. ELTON MARA: Fryma e bashkëpunimit do të vazhdojë në VATER edhe mbas Kuvendit të 31 Tetorit, për ta kthyer VATREN aty ku duhet të jetë

Intervistoi: Skënder Buçpapaj
Në këtë intervistë ekskluzive për VOAL, anëtari i Komisionit VATRA të 5 Tetorit Dr. ELTON MARA e njeh lexuesin tonë me përmbajtjen e punimeve të Kuvendit të VATRES që do të zhvillohen nesër, më 31 Tetor 20202, dhe përgatitjet që Komisioni VATRA i 5 Tetorit ka bërë për zhvillimin me sukses të Kuvendit dhe për vënien në jetë të vizioneve që do të shpalosen në këtë Kuvend, i cili synon ta rikthejë VATREN në binarët ku ishte para se ajo të binte në duart e ish Kryetarit Driton Mishta e më vonë në duart e kryetarit aktual Elmi Berisha. Nga ky Kuvend i VATRES do të shpaloset fryma e bashkëpunimit e të gjithë vatranëve mbi bazën e Kanunores së VATRES dhe Amendamentave të saj, të cilat janë shkelur në mënyrë flagrante katër vitet e fundit. Nga Kuvendi do të dalë kryetari i ri i VATRES, i cili do të zgjidhet në mënyrë krejtësisht transparente:
VOAL – Nesër, më 31 Tetor 2020, në Bronx New York, ashtu siç pritej prej një viti, Komisioni Vatra i 5 Tetorit zhvillon punimet e Kuvendit të Federatës Panshqiptare VATRA. Në njoftimin tuaj ju bëni të ditur se ky Komision “ka punuar në platformën që do të udheheqë VATREN ne dekadën e dytë të shekullit 21 si dhe do të krijojë hapsira për të gjithë ata që duan t’i shërbejnë çështjes për të mirën e kombit shqiptar”. Në vigjilje të Kuvendit, a mund të dinë diçka më shumë lexuesit rreth rendit të ditës, rreth pjesëmarrjes dhe pritshmërive të tjera të këtij Kuvendi?
ELTON MARA- Ne radhe te pare ju falenderoj per ftesen. Ne emer te Komisionit 5 Tetorit 2019 ju pershendes per realizimin e kesaj interviste.
Ky Kuvend do jete i mbeshtetur ne strukturen tradicionale te Vatres bazuar ne Kanunoren e saj. Rendi i dites do filloje me hapjen e Kuvendit nga anetari me i vjeter i saj prezent, do vazhdoje me pershendtjen e te ftuareve, te cilet jane klerike, historiane, akademike, perfaqesues te organizateve me veprimtari brenda Amerikes dhe jashte saj. Me pas do vazhdoje me raportin e Komisionit se 5 Tetorit ,degeve dhe fondacioneve pjese e struktures se Vatres. Ne fund do filloje procedura per zgjedhjen e Kryetarit te ri qe do jete shume transparente. Duke pasur parasysh se ky Kuvend mbahet ne kohe pandemie, ne perputhje me rregullat qe jane ne shtetin e NY, pranija fizike e pjesmarrjes do jete e kufizuar. Por per ata qe nuk kane mundesi te jene prezent, Video-konference eshte ne disponim per te gjithe qe kane konfirmuar pjesmarrjen. Mendoj se pritshmeria do jete e pranueshme pasi shume nga Vatranet e vertete tane kane konfirmuar pjesmarrjen.
VOAL – A mund të njihen lexuesit me punën që ka bërë Komisioni VATRA që nga 5 Tetori 2019 për përgatitjen e këtij Kuvendi dhe për mbarëvjajtjen në VATRA pas 31 Tetorit 2020?
ELTON MARA- Puna e Komisionit ka qene e pandalshme qe nga krijimi i saj. Kemi krijuar nje platforme te re komunikmi midis te gjithe antareve dhe mbeshtetesve. Mbledhjet kane qene te perjavshme ku dhe shkembimi dhe diskutimi i ideve, poropozime ka qene me transperent. Komisioni, tashme ka krijuar nje Newsletter, qe publikohet çdo 2 jave, dhe esht nje platforme digitale ne forme buletini informativ qe i sherben me se mire komunitetit shqiptar ne Amerike. Per here te pare Vatra ka nje website te saj qe eshte ne sherbim te komunitetit duke i vene ne dispozicion lexuesit historine dhe informacione me interes per publikun. Edhe pse ne kohe pandemie, Komisioni nuk e ka ndaluar punen e saj, duke u mbledhur mbi 50 here gjate 12 muajve te fundit per te kryer me sukses misionin e tij. Kjo fryme bashkepunimi do vazhdoje edhe mbas Kuvendit te 31 Tetorit per ta kthyer kete organizate aty ku i takon te jete.
 VOAL -Rreth një vit më parë ju, Komisioni VATRA i 5 Tetorit, konstatuat paligjshmërinë e Kryesisë së Vatrës, shtruat 5 kërkesa ndaj saj dhe paralajmëruat se nuk do të npojihni asnjë rezultat që do të dalë nga Kuvendi Zgjedhor i organizuar nga kjo Kryesi nën drejtimin e Dritan Mishtës, pasi nuk pajtohet me Kanunoren e Vatrës dhe Amendamantet. Megjithatë Kuvendi Zgjedhor u zhvillua dhe Kryesia e re me kryetarin e ri morën drejtimin e Vatrës. Si e vlerësoni ju situatën aktuale në VATER?
ELTON MARA – Ne rradhe te pare qe te Kuvendi i Turpit i Janarit jo vetem qe nuk u zhvillua ne baze te kanunores por u organizua thjesht si kunder peshe nga ish-kryetari  Mishto kunder dates se Kuvendit qe ishte caktuar nga Komisioni VATRA 5 Tetor 2019 . Komisioni ne Nentor te vitit 2019 caktoi date te kuvendit diten 25 Prill 2020 ne New York nderkohe ata qe per 2 vjet me rradhe nuk kishin zhvilluar asnje Kuvend dhe vetem 2 mbledhje te keshillit drejtues ne 2 vjet e gjysem kur Kanunorja thote 4 mbledhje ne vit vrapuan ta mbenin kuvendin me vrap duke e shpallur diten e Kuvendit nje muaj me vone se Komisioni VATRA 5 Tetor me 11 dhjetor dhe Kuvendi te behej me 19 Janar 2020 ne Michigan nen kujdesin e atyre qe sollen me manipulie Mishton ne krye te VATRES
Ashtu siç jeni ne dijeni, Komisioni VATRA 5 Tetor 2019 u krijua per shkeljet masive te Kanunores te kryer nga Dritan Mishto dhe Kryesia e caktuar prej tij qe nga Qershori i 2017. As nje Kuvend i zhvilluar nga Mishto dhe Kryesia e tij per 2 vjet, 2 mbledhje Keshillit drejtues kur minimumi duhet te ishin 8 nga Qershori 2017 deri ne Dhjetor 2019, Shkeljet masive te tij dhe kryesise se tij jane detajuar me nene nga Komisioni ne Deklaraten tone per shtyp qe jane botuar dhe nga Voice of Albanians.  Mishtos dhe Kryesise se tij i mbaroi mandati 2 vjecar me 11 Qershor 2019.
A e dini sa here Mishto dhe kryesia e tij folen per organizimin e Kuvendit nga Qershori i 2019 deri kur Komisioni VATRA u krijua dhe paraqiti publikisht shkeljet e Kanunores dhe diten e Kuvendit – ZERO- asnjehere. A mendohet qe ky grup qe drejtoi VATREN per 2 vjet qe pranoi dhe heshti per gjithe keto shkeje te Kanunores qe u ishin vene ne dukje 2 vjet me rradhe nga Dega Washington DC dhe Dega Worcester  mund te organizonte nje Kuvend te ndershem dhe ne baze te Kanunores? A mund te organizohej nje Kuvend i ndershem kur anetareve te Komsionit qe te gjithe bashke bejne me shume se 150 vjet pune ne VATER u mbyllej dera e Selise se VATRES megjithese kerkoi disa here takimin me kryesine pa mandat te Mishtos per kete çeshtje.
 A mund te organizonte ky grup nje Kuvend te ndershem dhe ne baze te Kanunores  kur gazeta Dielli ishte totalisht e mbyllur per anetaret e komisionit te VATRES, Degen Washington DC, Degen Newburgh madje dhe Degen e Worcesterit MA. A mund te organizonin kuvend kur ky grup i udhehequr nga ish kryetari Mishto  shpifinin  me nje mllef te papare ne media dhe ne gazeten Dielli ndaj anetareve te Komisionit VATRA dhe ish kryetarit te VATRES Dr.Gjon Bucaj? Pse kishin kaq frike qe Kuvendi te organizohej ne varesi te Komisionit VATRA 5 Tetor 2019? Sipas tyre ne jemi pakica? Atehere nqs ata ishin shumica nga kush kishin  frike?  Z. Elmi Berisha ka qene dy here i ftuar ne mbledhjet e Komisionit te VATRES perpara se te dilte kryetar nga Kuvendi i Turpit i Michiganit Janar 2020. Ne keto takimi ai i  konsideroi anetaret e Komisionit VATRA 5 Tetor njerezit me te ndershem dhe me vlere ne VATER.  Atehere pse kryesia pa mandat e Mishtos nuk pranonte as te lejonte ne seline e VATRES anetaret e Komisionit VATRA 5 Tetor.  A mund te organizohet nje Kuvend i ndershem ne keto lloj situate?
Megjithate ata e bene Kuvendin ku numrat e anetareve te degeve uleshin dhe ngriheshin brenda diteve.Dega e Hudson Valley ne fillim kur u kerkuan numri i anetareve te deges deklaroi 16 pastaj kur u afrua Kuvendi numri vajti 40 . Dega e Queens Kryetari deklaroi 200 anetare te paguar, me pas nje nga anetaret deklaroi se dega kishin vetem 40 por u llogarit qe kish 100 anetare
Shikoni organizmat e VATRES pas ketij Kuvendi te Turpit. Sot sipas vendimeve te Kuvendit te Turpit  jane 5 nenkryetare. Dritan Mishto kishte shefa kabinetesh per dy vjet dhe shef personal kabineti. Ne cilin nen te Kanunores ti ke 5 nenkryetare apo shefa kabinetesh?  Njeri nga nenkryetaret e sotem te VATRES eshte drejtori i zyres politike?  VATRA me nen te percaktuar qarte te Kanunores e ka qe nuk merret me politike por sot VATRA ne dekaden e 2 te te shekullit 21 ne mes te New Yorkut ka drejtor te zyres poltike?
Sot keshilli drejtues i VATRES ka 75 anetare, njerez qe nuk kane sherbyer asnjehere ne VATER dhe kjo praktike filloi nga Mishto . VATRA ne 1912-1918 kur kishte gati mbi 5 mije anetare drejtohej nga kryetari, financieri, sekretar, dhe 2 komisionere dhe kuvendet beheshin viti per vit. Sa anetare ka VATRA e dale nga kuvendi i Turpit qe paska 75 anetare ne keshillin drejtues? Elmi Berisha ne cilesine e kryetarit te VATRES vajti ne Kosove dhe Tirane dhe u takua me zyrtare politike. Nga 5 nenkryetaret dhe 75 anetaret e Keshillit Drejtues dhe Kryetarin e Nderit , sa ishin pjese e delegacionit te tij?
Asnje. Elmi Berisha ka deklaruar publikisht qe ai do te mbeshtesi politikat e qeverive ne Kosove dhe Shqiperi pasi ato jane te zgjedhur nga populli.  VATRA nuk ka nevoje te mbeshtese asnje qeveri ne Shqiperi apo Kosove duke ditur cfare eshte klasa politike ne te dyja vendet dhe duke ditur se cfare kane bere ato per Shqiperine e Kosoven ku kurropsioni dhe frika sundojne dhe shtetit i ligjit nuk ekziston. VATRA sot ne duart e ketyre njerzve qe nga Mishto i 2017 deri tek Elmi Berisha i 2020 po kthehet ne nje mantel zbukurues i poltikes se korruptuar ne Shqiperi dhe Kosove. 
VATRA perfaqeson mergaten shqiptare ne SHBA dhe interesat e kombit shqiptar keto jane 2 themelet baze te saj pa asnje kompromis politik.  Kjo sot nuk ekziston ne VATER. 
 
 
VOAL – Komisioni VATRA i 5 Tetorit në reagimin e Kryesisë së vjetër të VATRES u konsiderua antikushtetues, përçarës dhe si përpjekje të ish kryetarit Gjon Buçaj për ta rimarrë VATREN. Si iu përgjigjeni ju këtyre akuzave në dritën e zhvillimit të vetë ngjarjeve në VATER gjatë kësaj kohe?
ELTON MARA – A nuk duket paradoksale ata qe e shkaterruan Kanunoren e VATRES per 2 vjet me rradhe dhe vazhdojne ta shkelin siç permenden faktet me siper na konsiderojne ne antikushtetues? Ne u krijuam se Kanunorja e VATRES ishte shkelur me te dyja kembet dhe nuk ekzistonte me.  Sipas tyre ata mund ta shkelim Kanunoren si ta duam dhe kur ta duam  dhe madje dhe ta nderrojme pa bere asnje ndryshim ne te dhe keto quhen “gabime” por ama po tentoi dikush ti  zbuloi publikisht keto “gabime” eshte antikushtetues?  Ju si  gazetare mund ti pyesni sot VATREN me cilen Kanunore punon VATRA sot?
Me Kanunoren origjinale apo me Kanunoren me amandamente? Apo eshte ndonje Kanunore e re qe eshte fshehur diku?
Kjo pyetje eshte bere qe nga 3 Marsi i 2018 dhe akoma nuk ka pergjigje. Perpara se te diskutohet antikushtetua e Komisionit VATRA a ka mundesi ne baze te kujt Kanunore punojne zoterinjte qe ne konsiderohemi antikushtetues?
Persa i perket ish – kryetarit te VATRES Dr. Gjon Bucaj ai i paraqiti faktet publikisht ne media pasi Gazeta Dielli nuk pranoi ti botonte. Ai paraqiti faktet nje nga nje dhe arsyet  pse e mbeshtet Komisionin VATRA 5 Tetor 2019. Ato jane fakte jo opinione. Duket pak jo normale qe njeriu qe ka sherbyer VATRES per me shume se 50 vjet te konsiderohet perçares nga ata qe erdhen dje ne VATER .
Nqs paraqitja e fakteve konsiderohet perçarje atehere ne pretendojme per nje unitet hipokrit qe i sherben klikave te caktuara. Shqetesimet per shkeljet e Kanunores ne VATER jane ngritur . Qe nga raporti i Kuvendit te Qershorit te 2017 i kryetarit te Kuvendit Z. Armin Zotaj  qe nuk u botua kurre, nga deklaratat e deges Washington DC e cila u bllokua per 2 vjet dhe ne Kuvendin e Turpit kjo dege u perjashtua (megjithese Elmi Berisha tek intervista ne Zerin e Amerikes pas Kuvendit te Turpit deklaroi publikisht se nuk eshte perjashtuar asnje nga VATRA ka vetem mendime te ndryshme), tek krijimi i Komisionit VATRA 5 Tetor 2019 jane paraqitur fakte te verteta e te pakundershtueshme dhe per kete qe nga Dr. Bucaj tek te gjithe ne jemi konsideruar percares.
A jemi pjesetare te nje organizate amerikane apo jemi ne sistemin komunist.  Po guxuat te flisni kunder shkeljeve tona ju jeni perçares.  Jo zoterinj qe keni marre peng VATREN jeni percares. Ne nuk kemi frike nga mendimi ndryshe ju keni. Ne nuk i mbyllim deren njeriu ju e beni ate, ne nuk kercenojme njeri per thyerje kembesh apo shpifim ndaj njeriut qe i ka sherbyer VATRES per 5 dekada ju e beni ate. Ne nuk e kthejme VATREN ne show fotosh dhe takimesh per interesa te ngushta ju e beni ate , ne nuk shkelim kanunoren ju e beni ate, ne nuk censurojme gazeten Dielli ju e beni ate, ne nuk i lepihemi politkes se korruptuar shqiptare ju e beni ate. Unitet do te thote te ndjekesh rregullat e institucionit dhe jo te heshtesh kur shikon shkeljet flagrante dhe frymen e autoriteti dhe agrisiviteit te percjelle ne kete organizate historike te kombit shqiptar.
Vatra u godit rende ne Qershor 2017 dhe u perça ne 11 Dhjetor 2019, kur kryesia e paligjshme mori vendimin per mbajtjen e Kuvendit ne 19 Janar 2020.
 Ne si Komision gjithmone kemi qene te hapur dhe transparent per bashkëpunim, por kur nuk ka vullnet per bisedime dhe ulje ne tavoline per te gjetur nje gjuhe te perbashket, atehere fatet e kesaj organizate qe po lengon nuk mund te lehen ne duart e atyre qe kerkojne perfitime personale apo kredo politike.
Komisioni i ben thirje te gjithe Vatraneve te vertete te mos bien pré te dizinformimeve, shantazheve, manipulimeve por te denojne dhe denancojne kete paturpsi qe po i ndodh Vatres se themeluar nga Konica, Noli dhe Kirka.

Lamtumirë Avni Mula! Përcillet për në banesën e fundit ikona e muzikës shqiptare (VIDEO)

Fatmira Nikolli

Me një marsh lamtumire dhe duartrokitje u përcoll për në banesën e fundit, Avni Mula, kompozitor, këngëtar dhe një nga themeluesit e traditës skenike të Operas.

Ai u shua të enjten pasdite në shtëpinë e tij, pranë dy vajzave, Adelina dhe Inva. Homazhet u mbajtën në hollin e Universitetit të Arteve, që pat shërbyer në fillesa si opera dhe skena e tij.

Miq fëmijërie, kolegë të 60 viteve karrierë dhe drejtues të institucionit, shpalosen gjithë kontributet e tij të pashlyeshme në artin me kompleks duke shënjuar majat e suksesit të tij. Mula do të prehet në Sharrë, duke lënë pas në përjetësi ‘Valsin e lumturisë’ dhe trashëgiminë e çmuar muzikore.

Intervistë e Këshilltarit Federal tek NZZ – Alain Berset: Ne nuk jemi në prag të katastrofës. Paniku nuk funksionon.

Në një intervistë për gazetën NZZ, Këshilltari Federal në lidhje me alarmin që kanë dhënë epidemiologët thotë se : “Shkencëtarët nuk e sundojnë Zvicrën”. “Nëse Këshilli Federal do të ishte i bindur se spitalet do të mbingarkohen brenda dhjetë ditësh, ai do të kishte vendosur të merrte masa më të rrepta këtë javë, thotë Ministri i Shëndetësisë Alain Berset.Ky do të ishte shansi i fundit për të parandaluar një bllokim të ri. Zvicra dhe ekonomia nuk mund t’i dorëzoheshin virusit.

“Ne e mundim Corona”, ju thatë në maj. A ishit shumë optimist atëherë?

Alain Berset: Shpresoj qe jo. Do ta shohim këtë gjatë javëve dhe muajve të ardhshëm. Me këtë fjali unë shpreha se ne tani dimë si të merremi me koronavirusin dhe si të mbrohemi. Kjo nuk ishte kështu në shkurt. Sigurisht, ne tani duhet ta implementojmë në mënyrë koherente.

“Dukej shumë mirë për një kohë të gjatë. Pastaj papritmas ndodhi shpejt, dhe tani situata në Zvicër është më e keqe se në çdo vend tjetër në Evropë. Çfarë shkoi keq?

Alain Berset: Situata ndryshoi në fillim të tetorit. Është ende një mister se çfarë ka ndodhur. Epidemiologët kanë shpjegime të caktuara, por pa përgjigje përfundimtare. Pati një ndryshim në mot në javën e fundit të shtatorit, njerëzit qëndruan më shumë brenda, ku rreziku i infektimit është më i madh. Ne mund të kemi kaluar një prag në atë kohë: Nëse shkalla e infeksionit është shumë e lartë pas një përhapje të caktuar të virusit, ajo përshpejtohet. Ajo që ka rëndësi nuk është motivi  se pse kemi hyrë në këtë situatë, por si reagojmë ndaj saj.

“A ka humbur Zvicra kontrollin e pandemisë?

Alain Berset: Unë nuk do ta thosha atë. Situata sigurisht që është shumë më e keqe sesa ishte një muaj më parë. Në të njëjtën kohë, kantonet kanë rritur shumë kapacitetet e tyre të gjurmimit të kontaktit; Vaud, për shembull, mund të gjurmojë 1000 raste në ditë me një qasje të re. Të mërkurën, Këshilli Federal mori gjithashtu masa të gjera që tejkalojnë gjithçka që do të kishim menduar të jetë e mundur vetëm disa muaj më parë.

“Sot Këshilli Federal kritikohet se ka bërë shumë pak.

Alain Berset: Jo nga të gjithë. Meqenëse ne dimë shumë më tepër për virusin sot, tani mund ta ndërmarrim këtë hap të ndërmjetëm dhe të shpresojmë se do të jetë e mjaftueshme. Përndryshe do të duhet të marrim përsëri masa që janë vërtet të dhimbshme. Ne duam ta parandalojmë atë.

Shkencëtarët paralajmëruan herët. Pse nuk reaguat më herët dhe më vendosmërisht ju dhe Këshilli Federal?

Alain Berset: Ne reaguam dhe ndoqëm planin që përgatitëm me kantone në verë. Kur kurba filloi të ngjitej, ne menjëherë filluam masa shtesë. Unë kam kontaktuar kantone në raste të ndryshme dhe i kam kërkuar që të veprojnë. Më 18 tetor, Këshilli Federal vendosi të shtrëngojë rregullat për herë të parë. Në javën në vijim, kantonet forcuan regjimet e tyre. Ne nuk jemi në prag të katastrofës. Paniku nuk funksionon.

“Epidemiologët thonë se ata duhet të ishte reaguar në gusht ose shtator kur numri i rasteve ishte edhe më i ulët. A i keni kapërcyer këto zhvillime me një farë gjumi ju dhe kantonet ?”

Alain Berset: Jo, pati një dyfishim të rasteve, por kjo ndodhi shumë ngadalë gjatë një muaji. Kjo kohë u zvogëlua shumë shpejt brënda një jave në tetor, duke habitur që të gjithë. Task forca shkencore më raportoi për herë të parë këtë rritje të shpejtë me 16 tetor. Vetëm dy ditë më vonë, Këshilli Federal vendosi ta shtrëngojë masat.

“Këshilli Federal ka urdhëruar shumë masa që vështirë se mund të zbatohen në jetën e përditshme, për shembull rregulloret për familjet. A ka kuptim nxjerrja e udhëzimeve të tilla?

Alain Berset: Po. Ne po japim sinjale të qarta. Njerëzit duan të dinë si të sillen në mënyrë që ta kalojmë mirë këtë pandemi. Kjo tregon në reagimet që marr. Është e qartë se jo të gjithë do të jenë dakord në përputhje me rregulloret. Por ne nuk do të kontrollojmë çdo familje. Ka edhe njerëz që shpejtojnë në autostradë me 180 kilometra në orë. Gjithmonë ka disa që nuk i ndjekin rregullat. Në valën e parë, shumica e tyre zbatuan rekomandimet shumë mirë.”

“Duket sikur Këshilli Federal do të vendosë rendin e arsyes të shëndoshë.

Alain Berset: Të gjithë në fakt dinë si të mbrohemi. Por tani çështja është që ne në fakt u përmbahemi këtyre sjelljeve. Ne nuk mund ta përshkruajmë thjesht këtë, duhet të bindim dhe të apelojmë. Funksionon vetëm nëse marrin pjesë të gjithë.

 

“A do të thotë kjo se koncepti i përgjegjësisë personale ka dështuar?”

Alain Berset: Jo Udhëzimet mund të zbatohen vetëm me përgjegjësi personale dhe me mendje të shëndoshë. Nuk është gjithmonë e lehtë, veçanërisht në zonën e familjes. Unë gjithashtu kam fëmijë në shtëpi dhe e shoh atë vetë.

“Këshilli Federal dhe qeveritë kantonale kanë marrë masa të shumta shtrënguese. Çfarë do të ndodhë në javët e ardhshme?

Alain Berset: Ne presim që kantonet të forcojnë më tej masat në zonën e tyre, varësisht nga situata. Një shembull: Qeveria federale vendos një kufi të sipërm prej 50 personash për ngjarjet. Disa kantone tashmë e kanë vendosur kufirin në 15 persona. Gjithashtu mund të ndalohen të gjitha eventet publike. Është e rëndësishme që ne të veprojmë në një mënyrë më të diferencuar rajonalisht sesa në Mars.

“Por sot virusi është përhapur në të gjitha kantonet.

Alain Berset: Ka akoma dallime të jashtëzakonshme. Për shembull, Valais ka një incidencë pesë herë më të madhe gjatë këtyre 14-ditëve në krahasim me kantonin Solothurn. Kjo mund të shihet në situatën në spitale, e cila është shumë më e tensionuar në Valais sesa në Solothurn.

“Shumë njerëz pyesin se edhe sa kohë duhet të përshtatemi me kufizimet e reja.”

Alain Berset: Vështirë të thuash. Për shkak se masat janë më pak drastike sesa në pranverë, mund të duhet më shumë kohë për të zvogëluar numrin e infeksioneve të reja. Është gjithashtu e rëndësishme për ne që të mund të parandalojmë një efekt yo-yo. Sidoqoftë, kjo do të thotë që masat do të qëndrojnë në fuqi për më gjatë. E kuptoj që jeta pa maskë është më komode. Por ndërhyrja në liri është shumë më e vogël se sa me ndalimin e tubimeve apo edhe një shtetrrethim, të cilin fatmirësisht nuk e kemi pasur kurrë. Në pranverë fola për një maratonë. Imazhi ishte më i saktë se sa prisja në atë kohë.

“Sipas Task Forcës shkencore, kufizimet duhet të qëndrojnë deri në pranverë. A është kjo realiste?”

Alain Berset: Kush e di . . . E kam zakon të mos bëj asnjë parashikim për këtë krizë. Pothuajse të gjithë ata që u përpoqën kishin gabim. Ne mbështetemi në fleksibilitetin dhe reagimin. Vazhdimisht të mësuarit, përshtatja dhe korrigjimi nëse është e nevojshme. Unë pres që situata të mbetet shumë e brishtë gjatë muajve të ardhshëm.

“A nuk duhet  të mendohen organizimet e mëdha familjare për  festimet për Krishtlindje?”

Alain Berset: Unë mund të them të njëjtën gjë përsëri e përsëri: Unë nuk e di, nuk e di. . . Unë vetë nuk kam plane të mëdha për Krishtlindje.

“Dhe pushime me skijim? Keni thënë së fundmi që keni bërë rezervimin.

Alain Berset: E vërtetë dhe shpresoj se mund të bëjmë ski. Për turizmin, është me rëndësi të madhe që ta marrim situatën më mirë nën kontroll.

“Task Forca ka llogaritur se do të duhen vetëm dy deri në tre javë derisa të gjitha vendet në njësitë e kujdesit intensiv të jenë zënë. A janë të mjaftueshme masat e marra nga qeveria federale dhe kantonet për të parandaluar mbingarkimin e spitaleve?”

Alain Berset: Unë mendoj kështu. Nëse kjo nuk është e mjaftueshme, ne kemi ende kohë për të vendosur për shtrëngim të mëtejshëm. Nëse ne në Këshillin Federal do të ishim të bindur që spitalet në të gjithë Zvicrën do të mbingarkoheshin për dhjetë ditë, ne do të kishim vendosur për masa edhe më të rrepta këtë javë.

“Nga kjo që thoni mund të lexohet se nuk u besoni plotësisht parashikimeve të shkencëtarëve.”

Alain Berset:Jo, shkencëtarët janë shumë të rëndësishëm për ne, ne jemi në kontakt të vazhdueshëm me ta, por ata nuk qeverisin Zvicrën. Vendimet politike merren nga të tjerët, nga Këshilli Federal dhe qeveritë kantonale. Në Këshillin Federal, ne gjithashtu marrim parasysh informacionin nga kantonet dhe spitalet dhe kështu marrim një situatë të përgjithshme. Spitalet tashmë kanë filluar zvogëlimin e ndërhyrjeve me zgjedhje. Kjo do të na kursejë kohë.”

“Këshilli Federal tani ka një afat prej rreth dhjetë ditësh. Nëse situata nuk stabilizohet, a do të vendosni përsëri mbyllje – lockdown të detyruar në shkallë të gjerë?

Alain Berset: Në një krizë nuk mund të përjashtojmë asnjë mundësi. Ne duhet të shohim nga java tjetër nëse masat aktuale janë efektive. Ne kemi një trend të mirë në zyrat prej shtëpisë, më pak njerëz janë duke lëvizur.

“A do të thotë kjo se po përballemi me shansin e fundit për të parandaluar një bllokim tjetër?

Alain Berset: Po. Nëse rritja e numrit të rasteve nuk ngadalësohet, duhet t’i përgjigjemi pyetjeve të pakëndshme. Ne jemi duke monitoruar nga afër situatën dhe kemi kohë të mjaftueshme për hapat e ardhshëm.

“Edhe nëse nuk ju pëlqen të bëni parashikime: Nëse Këshilli Federal e konsideron shtrëngimin e mëtejshëm të domosdoshëm, a do të jenë këto mbyllje të detyrueshme të dyqaneve dhe restoranteve përsëri?

Alain Berset: Ky është një skenar real nëse nuk mund ta marrim situatën nën kontroll me masat aktuale. Thjesht duhet të shihni se cilat ndërhyrje drastike janë duke u vendosur aktualisht në Gjermani, Belgjikë ose Francë. Dhe në të gjitha këto vende, përveç Belgjikës, numri i rasteve është më i ulët se në Zvicër.

“A mendoni se një hap kaq masiv do të fitonte shumicën? A mund ta përballojë Zvicra?

Alain Berset: Ajo që Zvicra dhe ekonomia e saj mund të përballonin edhe më pak do të ishte dorëzimi ndaj virusit. Ne duhet të mbrojmë popullatën.

“A nuk shqetësoheni nëse vendet e tjera me incidenca më të ulëta marrin një qasje shumë më të mprehtë?”

Alain Berset: Jo, çdo vend ka kulturën e vet politike. Sistemi ynë shëndetësor është i një standardi shumë të mirë. Në mars kishte një presion të madh mbi Këshillin Federal për të vendosur një shtetrrethim. Asokohe, gjithashtu, kemi vepruar më pak rigorozisht. Unë nuk jam duke e përjashtuar, jo madje është e qartë se ne gjithashtu bëjmë gabime. Ne nuk do të dimë nëse kemi vepruar si duhet deri në fund të pandemisë. Atëherë ne mund të bëjmë një vlerësim. Por atëherë ju lutem gjithashtu duhet të kemi kujdes të tashmen se është gjithmonë është më e lehtë në retrospektivë.

“Është përshtypja se Këshilli Federal dhe qeveritë kantonale po llogarisin konsiderata më ekonomike në valën e dytë dhe po peshojnë nëse masat janë më të dobishme apo sesa kushtojnë?

Alain Berset: Në mars pati një konflikt nëse shëndetit apo ekonomisë duhet t’i jepet një peshë më e madhe. Në ndërkohë është vërejtur se kjo nuk është një kontradiktë në terma. Ekziston një optimum ku bëni më të mirën për shëndetin dhe ekonominë tuaj. Ne i bazojmë masat tona në këtë.

 

“Masat e reja po shkaktojnë dëme ekonomike. Restoratorët thonë se ata preferojnë të kenë mbyllje të detyruar sesa detyrime e kërkesa të reja. A dëshiron shteti të shmangë pagesat e kompensimit?”

Alain Berset: Jo. Në Prill, industria e hotelierisë mbrojti me forcë hapjen e menjëhershme të restoranteve dhe bareve. Mbyllja e gjithçkaje tani nuk do të ishte gjë e mirë. Do të kishte megjithatë kosto fikse. Por një gjë është e qartë: rekomandimi për të punuar nga shtëpia, për shembull, dëmton më shumë disa restorante të caktuara. Ne kemi instrumente për të ndihmuar kompanitë e prekura. Këshilli Federal gjithashtu dëshiron të shkurtojë periudhën dhjetë-ditore të pritjes për tërheqjen e shtesave për kohë të shkurtër.”

“Si e perceptoni gjendjen shpirtërore të vendit sot krahasuar me valën e parë në pranverë?

Alain Berset: Ajo është ndryshe. Njerëzit janë të lodhur nga Corona, përfshirë edhe mua. Do të doja të lëvizja pa maskë ose të shkoja në një koncert. Por ne nuk kemi zgjidhje dhe duhet të mobilizohemi së bashku përmes kësaj krize dhe arsyes tonë të shëndoshë. Në mars, të gjitha forcat kryesore u bashkuan së bashku. Opinionet janë shumë më të ndryshme tani. Por unë nuk jam aq pesimist për situatën sa të tjerët. Ekziston ende një konsensus mjaft i gjerë se duhet të parandalojmë që spitalet të mbingarkohen – dhe atë pa përhapjen dhe mbylljen me forcë të bizneseve.”/Përktheu Elida Buçpapaj

U nda nga jeta Avni Mula, Artisti i Popullit dhe Nderi i Kombit

voal.ch – U nda nga jeta Artisti i shquar, kompozitori, këngëtari dhe Nderi i Kombit Avni Mula, autori i Valsit të Lumturisë.

Lajmin sapo e ka dhënë e bija, Inva Mula, sopranoja me famë botërore, e cila në rrjetin social shkruan:

“Gjigandi jonë fluturoi në Valsin e Perjetësisë!

Për një përshendetje me dorë në zemër, homazhet kryen nesër, 30 tetor, ora 11:00-13:00 në hollin e Universitetit të Arteve, Tiranë.

Avni Mula 04.01.1928 – 29.10.2020″

 

Avni Mula ka lindur  në Gjakovë në 4 janar të 1928, në një familje ku ishte i shtati fëmijë, më i vogli mes tre djemve dhe vajzave në atë familje.

Studimet e larta muzikore i kreu në Konservatorin “Çajkovski” të Moskës (1952-1957), ku u diplomua si këngëtar lirik, bariton.

Gjatë studimeve ai u njoh dhe u martua me sopranon ruse Nina Mula me të cilën kaloi një jetë të mrekullueshme.

Familja Mula është një nga Familjet e Mëdha të Artistëve shqiptarë, ku të gjithë anëtarët e familjes janë artistë: Avni Mula, Nina Mula dhe dy vajzat, Adelina Mula, pianiste dhe Inva Mula, me famë botërore.

Karrierën artistike Avni Mula e nisi menjëherë pas kthimit nga Moska si solist në Teatrin e Operës dhe Baletit, duke realizuar role kryesore të repertorit operistik të kohës, përmes së cilave u dallua për nivelin e lartë të zgjidhjeve muzikore-skenike. Veçohen realizimet e figurës së Figaros te “Berberi i Seviljes” të Rosinit, Gjetës tek “Mrika” e Prenk Jakovës, etj.

Avni Mula zhvilloi një aktivitet të pasur koncertal brenda dhe jashtë Shqipërisë. Veprimtarinë krijuese e nisi në gjysmën e dytë të viteve ’60, fillimisht në fushën e këngës e të romancës dhe më pas si autor i veprave të mëdha vokale-koncertale, kantata, poema vokale dhe skenike, ku veçohen opereta “Karnavalet e Korçës” dhe opera “Borana”.

Prej sot shpirti i Artistit të shquar i bashkohet gruas së tij të dashur sopranos Nina Mula dhe gjithë gjeneratës brilante të kolegëve të tij.

voal.ch i shpreh ngushëllimet të dy vajzave Adelinës dhe Invës si dhe gjithë shqiptarëve.

Për ta kujtuar po sjellim këtu Valsin e Lumturisë kënduar nga e madhja Vaçe Zela.

 

 

 

 

Shtretërit intensivë në Europë po mbushen

Në shumë vende europiane, spitalet i janë afruar kufirit të kapaciteteve. Sidomos në Belgjikë dhe Çeki gjendja është më e vështirë, aty duhet të punojnë edhe mjekë e infermierë të infektuar.

Në Europë po rriten me shpejtësi shifrat e infektimeve, edhe repartet e trajtimit intensiv po mbushen gjithnjë e më shumë me pacientë COVID-19. Organizata Botërore e Shëndetësisë, OBSH ka paralajmëruar nga mbingarkesa e sistemeve shëndetësore sidomos në Europë dhe SHBA. “Shumë vende në hemisferën veriore po përballen aktualisht me një rritje shqetësuese të rasteve dhe shtrimit në spitale”, tha kreu i OBSH, Tedros Adhanom Ghebreyesus në Gjenevë.

Klinika të mbingarkuara

Në disa vende madje është arritur që tani kufiri i kapaciteteve të shtretërve intensivë. Këtë e bëri të ditur agjencia gjermane e lajmeve, dpa, pas një sondazhi të zhvilluar. Kështu në provincën belge, Liezh një duzinë mjekësh dhe infermierësh duhet të punojnë në klinika tejet të mbingarkuara megjithëse mund të jenë të infektuar. “Ne duhet të zgjedhim mes një zgjidhjeje të keqe dhe njërës shumë të keqe”, tha Philippe Devos nga Shoqata e Sindikatave të Mjekëve. Zgjidhja më e keqe do ishte të mos i trajtoje pacientët.

Belgjika është vendi në BE me numrin më të lartë të infektimeve COVID-19. Sipas të dhënave të Qendrës Europiane për Parandalimin dhe Kontrollin e Sëmundjeve, ky vend ka 1390 të infekuar në 100.000 banorë.

Belgien Lüttich | Coronavirus: Universitätskrankenhaus (Kenzo Tribouillard/AFP)

Një infermier vishet para trajtimit të pacientit në stacionin intensiv

Mungesë personeli në Çeki

Në vend të dytë renditet Çekia me 1379 të infektuar për 100.000 bnorë. Qeveria ka marrë masa shumë të ashpra për zbutjen e pandemisë dhe ka shpallur ndalimin e qarkullimit në orët e natës për të penguar kolapsin e spitaleve. Ministria e Shëndetësisë ka vendosur shtyrjen e operacioneve të planifikuara. Më shumë se 13.000 punonjës të sistemit shëndetësor janë infektuar me Corona. Shumë nga ata që nuk tregojnë simptoma vazhdojnë të punojnë.

Franca – spitalet plot deri në mes të nëntorit

Në Francë që nga 17 tetori është në fuqi ndalimi i qarkullimit nga ora 21:00 deri në 06:00, i cili prek më shumë se dy të tretat e popullsisë- Megjithatë infektimet vazhdojnë të shënojnë rritje. Më shumë se gjysma e shtretërve të trajtimit intensiv në Francë janë të zënë ndërkohë me pacientë me Corona, në Paris kjo shifër është më e lartë, 70%. Deputetët francezë i tremben kolapsit të spitaleve pa masa të tjera të rrepta. Deputeti Andre Chassaigne pas një takimi me dyer të mbyllura të kryeministrit Jean Castex me deputetët raporton se “situata është veçanërisht serioze.” Nëse nuk arrijmë të ulim infektimet, spitalet tona brenda 15 ditësh nuk mund të trajtojnë më pacientë.”

Coronavirus - Spanien (Paul White/dpa/picture alliance)

Infermierja spanjolle përqafon kolegen në orën e pushimit

Situatë kritike në Britaninë e Madhe dhe Zvicrën

E vështirë paraqitet situata edhe në Zvicër. Taskforca e qeverisë parashikon që deri në mes të nëntorit do të jenë arritur kapacitetet e shtrerërve intensivë, nëse infektimet rriten. Në Britaninë e Madhe gjendja është po ashtu mjaft e tensionuar. Në zonën e Mançesterit kufiri i kapacitetit të klinikave është arritur ndërkohë. Sistemi shëndetësor britanik, NHS vuan nga mosfinancimi, e shpesh me valën e parë të gripit shumë klinika nuk e përballojnë dot numrin e pacientëve. Mijëra operacione ndërkohë në këtë vend janë shtyrë për më vonë.

Mungesë personeli në Gjermani

Edhe në Gjermani, ku nuk mungojnë shtrerërit intensivë, ka mungesa të personelit mjekësor. Këtë e bëri të ditur, presidenti i Shoqatës Gjermane Ndërmjekësore, Uwe Janssens për grupin mediatik, “Funke Mediengruppe”. Ndërkohë kemi “kapacitete të mjaftueshme në shtretër intensivë dhe aparate intubimi” por kjo vetëm nuk ndihmon, “nëse nuk kemi personel që kujdeset për pacientët”. Këtu qëndron “problemi më i madh”, thotë Janssen./Deutsche Welle (www.dw.com)

la/mir/rb (dpa, afp, rtr)

Dibër: Humbin jetën një inxhinier dhe dy minatorë

Dy minatorë dhe një inxhinier i minierave u gjetën pa jetë mëngjesin e të enjtes në një prej galerive të minierës “Balgjaj” të Selishtës, në bashkinë e Dibrës.

Trupat e tyre u gjetën në thellësinë 100 metër të galerisë së minierës pas rreth 48 orësh kërkimi nga forcat e policisë vendore dhe një ekip i specializuar i avari -shpëtimit të minierave.

Policia bëri të ditur se, nga hetimet e paraprake, dyshohet se minatorët kanë humbur jetën si pasojë e asfiksisë nga gazrat në brendësi të galerisë. Burimet vendore bënë të ditur emrat e viktimave.

Ato janë inxhinier Ismail Hoxha, 62 vjeç dhe minatorët Fatos Cesku, 55 vjeç dhe Rruzhdi Rushiti 29 vjeç.

Në zonën veriore të Shqipërisë gjenden një numër i madh minierash të periudhës së komunizmit, shumica jashtë funksionit.

Disa prej tyre vazhdojnë të shfrytëzohen në mënyrë të paligjshme nga biznese dhe banorë vendas.

Edhe minierat që janë në funksion, në më të shumtën e rasteve, kanë mangësi në kushtet e sigurisë teknike, gjë që ka sjellë ndër vite humbjen e jetëve të shumë minatorëve.

zëri i amerikës

Presidenti francez Emmanuel Macron njofton kombin për Lockdown kombëtar në Francë

voal.ch – Presidenti francez Emmanuel Macron në një fjalim para kombit lajmëroi në mbrëmje se lockdown-i kombëtar hyn në fuqi të premten.

Presidenti francez Emmanuel Macron njoftoi në një fjalim para kombit futjen e një bllokimi mbarëkombëtar duke filluar nga e Premtja për të luftuar koronavirusin.

Shkollat ​​do të qëndrojnë të hapura. Masa do të mbetet në fuqi të paktën deri në 1 Dhjetor.

“Shtrëngimi i miratuar deri më tani kundër valës së dytë të koronavirusit, siç është shtetrethimi në zonat e alarmit maksimal, ka qenë” i dobishëm, por jo i mjaftueshëm, tani nuk është i mjaftueshëm, nuk mjafton më. Virusi po qarkullon në Francë me një shpejtësi që as parashikimet më pesimiste nuk e kishin parashikuar, “tha Macron, në fjalimin e tij para kombit.

“Ne jemi të përmbytur nga përshpejtimi i papritur i epidemisë, si kudo në Evropë”, shtoi ai, duke thënë se vala e dytë do të jetë “më e vështirë dhe më vdekjeprurëse se e para”. Në këtë kontekst, shtoi ai, është më e nevojshme se kurrë të japësh “një frenim”.

Në pranverë, kujtojmë, popullsia ishte e mbyllur për 55 ditë, nga 17 Mars deri më 11 maj, me kufizime të ashpra të udhëtimit dhe mbylljen e shkollave, dyqaneve jo-thelbësore dhe kufijve./RSI.CH/EB

Habit djali me sindromen Down Gersi Troka që i bën apel shtetit t’i mbështesin – Gresi dëshiron të vazhdojë universitetin !

Gersi Troka në programin Vizioni i pasdites ne Vizion+ TV, i ben apel shtetit e institucioneve perkatese por dhe shoqerise mbare qe të mbeshtesin e perkrahin ate vete,

por dhe komunitetin e tij, duke ju krijuar hapesira per te vazhduar shkollen e larte dhe per punesim. –

Djaloshi shqiptar me sindromën Down jep një leksion të madh, fjalët e tij po i përlotin të gjithë

 

Gersi Troka është një fëmijë me Sindromën Down, por kjo nuk e ka penguar pasionin e tij për notin.

Ai është një nxënës shumë i mirë dhe kalon pothuajse të gjithë paraditen në mësimin e programeve më të reja kompjuterike.

Trofetë e tij janë të shumta dhe konkurset ndërkombëtare në të cilat Gersi ka marrë pjesë i kanë dhënë atij mundësinë që të kërkojë më shumë nga vetja, por dhe nga shoqëria.

I ftuar në rubrikën ‘Protagonist Ndryshe’ në ‘E Diell’ përballë Emiliano Lules, Gersi ndër të tjera dha një mesazh të thjeshtë, por shumë të fuqishëm:

‘Të ndihmohen fëmijët me aftësi ndryshe, të mbështeten të afërmit e tyre, të na japin kurajo për aktivitete të tjera të mëdha’, u shprehu ai.

Dhe mbështetjen e parë ia dha ‘E Diell’ në Top Channel përmes dhurimit të një laptopi që Gersi të kishte mundësi të ushtrohej më shumë në kompjuter.

Gersi na kujtoi diçka, ai është si të gjithë ne, me të njëjtat pasione e dëshira, e kur bazohet gjithçka tek vullneti, puna dhe sakrifica, gjithmonë do t`ia dalësh.

—–

Tani Gersi Troka ka mbaruar gjimnazin dhe dëshiron që vazhdojë Universitetin, Gersi Troka ka ëndërra që synon t’i realizojë duke kërkuar mbështetjen e shtetit dhe institucioneve.

Gersi Troka edhe në programin Vizioni i pasdites ne Vizion+ TV, ai i ben apel shtetit e institucioneve perkatese por dhe shoqerise mbare qe ta mbeshtesin e perkrahin ate vete,

por dhe komunitetin e tij, duke ju krijuar hapesira per te vazhduar shkollen e larte dhe per punesim. –

 

“Merrni shembull nga Shqipëria”, ministrja izraelite thirrje botës (video)

Ministrja e Diasporës e Izraelit, Omer Yankelevich, i bëri thirrje të gjithë komunitetit global që të ndjekë shembullin e Shqipërisë në mbrojtje të hebrenjve.

Duke folur në Forumin e Antisemitizimit, ministrja Yankelevich tha se vitet e fundit ka pasur rritje të sulmeve ndaj të drejtave të njeriut dhe për ta luftuar këtë duhet të bashkohen të gjitha shtetet.

“Lufta kundër antisemitizmit është shumë e rëndësishme për të gjithë ne. Ministria e Diasporës për Izraelin ka luajtur një rol mjaft të rëndësishëm për këtë. Më 2019 kemi parë rritje të antisemitizmit. Britania e Madhe ka raportuar incidente, por edhe vendet e tjera. Kam folur me komunitetet, ka pasur sulm ndaj të drejtave të njeriut. Antisemitizmi po vjen nga të gjitha drejtimet. Nga ata që mohojnë ekzistencën e hebrenjve, të drejtat e tyre, duke krijuar këto ideologji. Kjo urrejtje nuk ka vend në shoqërinë e sotme. Si hap i parë, komuniteti global duhet të ketë prioritetet dhe të vendosë standardet për ta luftuar antisemitizmin. Dua të përgëzoj qeverinë dhe parlamentin shqiptar për këtë hap të rëndësishëm.

Iu bëj thirrje të gjithë krerëve të parlamenteve që të jenë të gatshëm ta luftojnë këtë urrejtje dhe të luftojmë të gjithë së bashku për këtë. Zgjidhja duhet të jetë për të gjithë ne. Ministria jonë është këtu si partnere dhe kemi qëllim të punojmë me të gjithë ju që ta mundim këtë kërcënim botëror. Ky nuk është vetëm një problem për hebrenjtë, por është një problem global. Duhet ta adresojmë këtë çështje në mënyrë alarmante, të ngrihemi të gjithë kundër antisemitizmit dhe kundër çdo forme tjetër urrejtjeje. Shqipëria ka treguar se është vërtet mike e hebrenjve për mënyrën si i ka trajtuar dhe sigurinë që iu ka dhënë. Të gjitha vendet duhet të ndjekin shembullin e Shqipërisë në kuadër të hebrenjve. Për këtë iu bëj thirrje të gjithë autoriteteve në vende të ndryshme. Shqipëria i ka mbrojtur shumë vite më parë hebrenjtë dhe janë vërtet për t’u admiruar dhe është një vend nga ku duhet të marrin inspirim edhe vendet e tjera”, deklaroi ministrja izraelite.

Presidenti i PE, Davide Sasoli: Të reagojmë sa herë antisemitizmi e racizmi ngrenë kokë! (video)

Presidenti i Parlamentit Europian, Davide Sasoli gjatë fjalës së tij në Forumin e Antisemitizmit, vlerësoi lart rolin e Shqipërisë në histori, si një prej vendeve që i strehoi e ruajti hebrenjtë, ndërsa shtoi se pikërisht shembulli që dha Shqipëria gjatë Luftës së Dytë Botërore duhet ndjekur edhe nga vende të tjera të Botës.

Ai tha se ka ardhur koha që Europa të ngrejë një front të përbashkët kundër këtyre fenomeneve që të mos ndodhin më.

“Ky është një aktivitet për të cilin kemi nevojë në këto kohë të vështirsa, lufta kundër antisemitizmit është më e rëndësishme se kurrë. Uroj të mos kemi kurrë më persekutime të minorancave, të mos ketë më nazizëm, urrejtje dhe luftëra. Në Europë duhet të ketë një jetë pa shqetësime, t’i jepen fund incidenteve diskriminuese ndaj hebrenjve, të lëmë pas krahëve historinë e 75 viteve më parë. Të reagojmë sa herë antisemitizmi dhe racizmi ngrenë kokën duhet ti shohim siç janë: sulm ndaj të drejtave të njeriut”,- tha ai.

“Shqipëria ka bërë hapa para me definimin e antisemitizmit, kjo është pjesa e historisë tuaj krenare që i mbrojtët hebrenjtë dhe duke i fshehur ata. I gjithë ky është shembull i qartë i humanitetit tuaj. Shembulli i Shqipërisë duhet ndjekur nga kombe të tjera. Antisemitizimit duhet t’i krijojnë një front të bashkuar. Të bashkojmë forcat tona, kjo është prova e disatë që kemi një fat të përbashkët dhe një të ardhme për të jetuar sëbashku”.

“Zoti e bekoftë Shqipërinë”, Pompeo flet në Forumin e Antisemitizmit (video)

TIRANË

Sekretari i Shtetit Amerikan, Mike Pompeo, dha mesazhin e tij në Forumin e Antisemitizmit, që po zhvillohet këtë pasdite në Tiranë.

Teksa falënderoi Shqipërinë dhe popullin shqiptar, Pompeo tha se pas luftës dhe holokaustit ata ofruan një ndihmë të rrallë për hebrenjtë, duke i shpëtuar nga nazizmi.

“Kam kënaqësinë të bashkohem me ju në këtë forum. Shqipëria është një mik i madh i SHBA. Pas luftës dhe holokaustit ishte vendi që ofroi një ndihmë të rrallë për hebrenjtë. Shqiptarët ishin streha për hebrenjtë, për t’i shpëtuar nazizmit. Ju shpëtuat jetë dhe iu dhatë edhe dokumente false për t’i shpëtuar. Nder për Shqipërinë dhe trashëgimin e saj e tolerancën e saj. Ashtu siç reflektohet nga ky Kuvend që bashkon përpjekjet për të luftuar antisemitizmit.

Ne jemi këtu për të ngritur zërin kundër antisemitizmit. Së pari duhet ta identifikojmë këtë kërcënim dhe të gjejmë mënyrat për ta luftuar. Duhet të ketë një fushë të barabartë për të gjitha shtetet. Kemi parë një përhapje të antisemitizmit dhe kjo është shqetësuese. Le të garantojmë sigurinë e çdo personi, që ne të jetojmë krah për krah. Ju falënderoj shumë për këtë punë të shkëlqyer. Zoti e bekoftë Shqipërinë”, tha Pompeo në mesazhin e tij.

“Zëri i shpirtit tim”, libër për Zhuliana Jorganxhi: Krijimtaria e saj vjen si art e si kujtesë

“Zëri i shpirtit tim” titullohet libri më i ri i UET Press për Zhuliana Jorganxhiun. Autorja ikonë e teksteve të këngëve ishte pjesë e një promovimi të veçantë të botimit kushtuar artit të saj.

Është një libër për autoren e qindra teksteve të këngëve. “Zëri i shpirtit tim” kushtuar Zhuliana Jorganxhiut u promovua në Uet, duke mbledhur miqte dhe ata qe u rriten me kenget e saj.

Prej vitesh e zhvendsour në Itali dhe larg skenës e muzikës së cilës i dhuroi dekada të tërë jete e krijimtarie, Jorgaxhiu, mbetet megjithatë e pashlyeshme.

E emocionuar dhe e prekur nga pritja një javore, Jorganxhi falenderoi ata që i janë gjendur pranë.

Zhuliana Jorgaxhi është brezi i artë i këngës. Tekstet e saj, qenë kthyer në Himarë ndërsa ajo arrti të jepte mesazhet e dashurisë e lirisë edhe në kohë censure.


Send this to a friend