VOAL

VOAL

Please Wait ...
0%

E frikshme: 10 foshnja vdesin në 10 ditë, reagon materniteti

By | January 12, 2018

Komentet

Qemali e ‘hëngri’ nga Enveri – Tahiri: Ai nuk e dinte nga i erdhi, unë të paktën e di

I  ftuar mbrëmjen e sotme në “Zonë e Llirë”, Arjan Çani i ka treguar ish-ministrit i brëndshëm një video të vitit 2012 kur kishte “parashikuar” se Saimir Tahiri do ta “hante” nga Edi Rama, njëjti si Enver Hoxha “hëngri” Qemal Stafën.

“16 nëntor 2012: E ha Saimiri, historia me Enver Hoxhën dhe Qemal Stafën përsëritet”, ishte parashikimi i thënë prej Çanit.

“ Ti thua se e hëngri nga Enveri, por unë i qëndroj rastit zyrtar. Qemali nuk e paska ditur, unë të paktën e di”, u shpreh Tahiri duke hedhur poshtë që kryeministri, me të cilin “janë rritur në një diell”, mund t’i bëjë diçka të tillë.

EDVIN BIMBASHI MBAN PENG 4 TË BURGOSUR POLITIKË TË RRUGËS SË KOMBIT – Nga Azgan HAKLAJ

Mbetën në burg, peng politik të Edvin Bimbashit 4 protestues të Rrugës së Kombit. Në fakt në ato pranga është një Komb i tërë që kalon në arterien që lidh gjymtyrët e tij. Shteti maskë me ferexhe i dyshes Rama Xhafaj, fotokopje e keqe e Kalifatit të sivllaut të Ramës Erdoganit, rrëmbeu në mesnatë kuksianët duke shkelur të gjitha të drejtat universale të njeriut. Pasi i solli në Tiranë në mënyrë të dhunshme si Gestapoja e Hitlerit urdhëroj prokurorinë politikë dhe gjykatën servile të mbante në burg disa ditë 11 protestuesë, ndërsa sot liroj 7 prej tyre.

Kjo hakmarrje e Edvin Ramës është vazhdim i krimit të babait të tij Kristaq Rama që firmosi dënimin me varje të poetit Havzi Nela. U deshën disa ditë protesta për të detyruar Shtetin e kmerëve të kuq që të çliroi të paktën 7 prej protestuesve.

Ky çlirim nga pengu i një pjese tregon se Rama është Maliqi dhe me shkopin e tij përcakton fatet tona, por uragani popullor ia then shkopin siç e shembi traun e Rrugës së Kombit. Trau pa alternativë, arrestimi fashist i protestuesve, protestat e vazhdueshme për çlirimin e tyre nga pengu politik dëshmuan instalimin të shtetit totalitarë të Edvin Ramës, dhe asgjësimin e shtetit të së drejtës.

Edi Rama sot në Shkodër kërkonte përplasje mes protestuesve dhe shtetit të tij policesk për të përgjakur Shkodrën si më 2 prill të vitit 1991 nga ortaku i oktapodit kriminal Gramoz Ruçi. Skenari i binomit Rama Xhafa dështoi. Gjykata servile u tremb përballë tajfunit qëndrestar në oborrin e saj dhe fuqisë historike të Shkodrës ndaj u detyrua të lirojë nga skuadra kuksiane 7 prej tyre.

Kjo tregon se shpirti qëndrestar nuk përkulet dhe se opozitarizmi popullor po kthehet në referendum që do të shembë Rajshtagun totalitar, të shtetit të kapur nga pushteti i instaluar me paratë e drogës, me bandat kriminele, me mandatet e blera, me kapjen e prokurorisë dhe pushtetit të drejtësisë dhe mbajtjen me dhunën e policisë. Me shitjen e pasurive kombëtare, sovranitetit kombëtar, Kauzës Çame, marrëveshjen e fshehtë me grekët për shitjen e detit, marrëveshjen e fshehtë me Vuçiçin për ndarjen e Kosovës. Ai është gati të vrapojë si marathonomak e të ja kalojë dhe Esat Pashës në tradhtitë e tij për ta mbajtur pushtetin.

Edi Rama po përpiqet të adaptojë filozofinë qeverisëse të Luigjit 14-të, apo të “mbretit diell ” ” Ligji jam unë”.

 Ai me propotencën e tij pa u konsultuar me askënd vendosi në gijotinë Rrugën e Kombit.

Tani po përpiqet me akrobacirat e tij politike për të zbutur qëndrimin që të blei kohë por harron se tani do të flasë Sovrani për zullumet e tij.

Largohet nga detyra me vetting Besa Nikëhasani, prokurorja e Apelit të Shkodrës

Prokurorja e gjykatës së Apelit të Shkodrës, Besa Nikëhasani, u shkarkua nga detyra sot për shkak të mosjustifikimit të pasurive të saj.

Komisioni përzgjedhës e mori këtë vendim sepse, “pas verifikimit rezultoi se Besa Nikëhasani nuk justifikon dy apartamente, dy garazhe dhe një makinë fuoristradë me vlerë rreth 20 mijë euro”.

Një nga apartamentet e prokurores që nuk justifikohet ndodhet në Tiranë, tjetri në Lezhë.

Ajo tha se apartamenti ishte blerë me paratë e shitjes së 10 dynymëve tokë nga ana e bashkëshortit, ndërsa makinën e ka blerë për shkak se i vendosën tritol, dhe se disa herë kanë tentuar t’i shkaktojnë aksident me automjetin e vogël.

“Unë e kam deklaruar banesën në Lezhë qysh më 2004 në ILDKPI. Ky vendim është i padrejtë dhe nuk e kam shkelur ligjin kurrë. Prej 14 vitesh shkoj nga Tirana në Shkodër dhe kam përfaqësuar shtetin për 43 vrasje në një vit, i jam përkushtuar më shumë punës dhe ma pak familjes” – tha ajo.

Nikëhasani është prokurorja e parë që i bashkohet listës së dy gjyqtarëve, që u përjashtuan nga detyra gjatë proceseve të para të vettingut. Deri tani vetëm një gjyqtare e ka kaluar pozitivisht këtë proces.

Haradinaj ia jep “bekimin” Thaçit për dialog me Serbinë, pranon platformën e re

PRISHTINE– Kryeministri i Kosovës, Ramush Haradinaj, ia ka çuar në zyrë presidentit Thaçi, platformën që e mandaton këtë të fundit për ta udhëhequr dialogun me Serbinë. Thaçi thotë se kjo fazë e dialogut duhet të përmbyllet me një marrëveshje ligjore ndërkombëtarisht të obligueshme.

“Sot e pranova nga kryeministri Haradinaj platformën shtetërore të Republikës së Kosovës për finalizimin e dialogut ndërmjet Kosovës dhe Serbisë. Finalizimi i dialogut është një mundësi e mirë për Kosovën që të afrohet me Bashkimin Evropian dhe të forcojë edhe më shumë subjektivitetin ndërkombëtar”, shkruan Thaçi.

Sipas tij, kjo fazë e dialogut duhet të përmbyllet me një marrëveshje ligjore ndërkombëtarisht të obligueshme, e cila i mundëson Kosovës anëtarësimin në OKB, por edhe normalizimin e plotë të marrëdhënieve me Serbinë, duke respektuar sovranitetin dhe integritetin territorial, si dhe duke ecur përpara pa u penguar si shtete fqinje drejt integrimeve euroatlantike.

“Ekipi ynë në këtë fazë përfundimtare të dialogut do të jetë gjithëpërfshirës dhe do të ketë bashkëpunim e koordinim të plotë të të gjitha institucioneve të vendit. Ne jemi të përkushtuar që të kontribuojmë në stabilitetin rajonal dhe në krijimin e marrëdhënieve të fqinjësisë së mirë me të gjitha vendet fqinje”, ka thënë ai.

“Komisarët e tu ngarkonin drogë”, Mark Marku përplaset me Tahirin. Ish-ministri: Ti i dridhesh të vërtetës

Ish-ministri i Brendshëm, Sajmir Tahiri, në lidhjen direkte telefonike për emisionin “Opinion”, i është përgjigjur ndër të tjera disa pyetjeve të drejtuara nga gazetari Blendi Fevziu, por edhe nga disa të ftuar që ishin në studio.

Ai është përplasur me analistin Mark Marku, ndërsa pyetja e këtij të fundit drejtuar Tahirit ka sjellë tension mes tyre. I pyetur nëse e ka pasur të qartë detyrën e tij kur ishte në krye të Ministrisë së Brendshme, Tahiri iu përgjigj: Mark, a e kam pas të qartë detyrën mund të ta shpjegojë Grida këtë gjë.

 

Marku: Grida mund të ta shpjegojë ty, se e ke këtu mund të flasësh direkt. Unë po të pyes a është detyra e një Ministri Rendi që vendi të mbillet me kanabis? Dhe a është detyra e një ministri Rendi qe komisaret e policisë që i caktoje ti, të ishin punëtor ngarkim shkarkimi për punonjësit e kanabisit?

Tahiri: Ku e ke parë ti që komisaret ishin punëtorë ngarkim shkarkimi?

Marku: Po pra po, kanë dalë në televizion.

Tahiri: O Zoti Marku, të garantoj që unë e kam ditur shume mirë detyrën time. Nuk jam si ty që i dridhem të vërtetës. Unë i bie drejtpërdrejt.

Marku: Unë nuk i jam dredhur, ti po i dridhesh.

Tahiri: I dridhesh dhe jo pak, unë i bie drejtëpërdrejtë

Marku: Shpresoj ta thuash të vërtetën tani

Shkodër: “Këta janë bij nënash të pafajshëm”, “Bijtë e kurvave, Rama e Tahiri janë në parlament” (Video)

TIRANË- I gjithë grupi parlamentar i Partisë Demokratike është shpërngulur në Shkodër për të mbështetur 11 kuksianët e arrestuar për protestën në “Rrugën e Kombit”, të cilët sot kanë dalë para apelit për të kërkuar lirinë. Kreu i grupit parlamentar të PD-së, Edmond Spaho i kërkoi kryeministrit të pranojë që këta qytetarë janë të pafajshëm dhe të tërheqë akuzën nëpërmjet policisë.

Por më i ashpër ka qenë deputeti tjetër i PD-së Ervin Salianji i cili foli me gjuhën e ish-ministrit të Brendshëm duke thënë se këta protestues janë bij nënash të pafajshëm, ndërsa disa bij k*** janë në parlament.

Edmond Spaho: Nuk i drejtohemi drejtësisë. I jemi drejtuar kryeministrit sepse ai pranoi që ka vepruar gabim me taksën e rrugës së Kukësit. Ndërkohë është vërtetuar me prova, me fakte, me filmime, me të gjitha që arrestimi i tyre ka qenë i jashtëligjshëm, në shkelje të kodit të procedurës penale, pa fakte, me një gjyq që tashmë është vërtetuar që ishte farsë. E për rrjedhojë i takonte kryeministrit qëe pranoi se ishte gabim të tërheqë akuzën ndaj tyre nëpërmjet organeve të policisë të cilët kanë kërkuar tek prokuroria arrestimin e tyre. Prandaj i jemi drejtuar kryeministrit, ta tërheqë, të pranojë edhe në këtë rast që këta janë të pafajshëm dhe i ka mbajtur për motive politike brenda. Do të hyjmë në seancë sepse seanca është publike, sa kohë që nuk ka një vendim të gjykatës për ta zhvillaur me dyer të mbyllura. Kemi ardhur të shprehim mbështetjen në përputhje me ligjin ndaj tyre.

Ervin Salianji: Këtu janë 11 bij nënash të cilët janë në burg padrejtësisht. Ndërkohë ca bij të tjerë pavarësisht parave që kanë bërë bëjnë si të ndershëm në mes të parlamentit. Ata që flasin si bij k***, Saimir Tahiri, Edi Rama. Punë k*** është bërë kjo punë. Ndërsa këta janë në hall të vet, për 13 mijë lekë për të hyrë në shtëpi. Ne do jemi përherë në ndihmë të qytetarëve.

 

“Është rritur nën hijen time” – Tahiri i kthen përgjigje komentit të Ramës për batutën “e koduar”

Ne nje lidhje telefonike me emisionin “Studio e Hapur”, ish ministri i Brendshem Saimir Tahiri, i ka kthyer nje pergjigje kryeministrit Edi Rama, per deklaraten qe ai dha nga emisioni “Real Story” i Sokol Balles, kur u pyet se si e kishte pare batuten jashte Parlamentit te Tahirit, “nuk ka bir nene dhe bir kurve qe te me ndale”.

“Kur kam për të cuar mesazhe i coj drejtpërdrejt, nuk i coj të koduara. Unë s’besoj se autorësine e fjalorit të gjuhës shqipe mund ta mbajë njëri nga ne. Ajo është një shprehje dhe kaq, kjo përpjekja për ti veshur nuanca të mesazheve të koduara është e tepruar.
Kur ta kem di si ta bëj, s’kam nevojë për mesazhe të koduara”

 

Pra edhe mund ta keni?

(qesh), e di shumë mirë si ta bëj kur ta kem, ky ishte mesazhi.

Më vjen të qesh tha Rama sot ne nje studio televizive kur u pyet per batuten tuaj.

Jo skam asnjë koment

E pranoni që jeni rritur nën hijen e Ramës?

Ka mënyrën e tij si ta shpjegoje unë kam punuar me të e s’kam aryse ta mohoj, po nëse kjo quhet nën hijen time apo në rrezet e diellit, është puna e tij, unë s’kam frikë ta mohoj që kam punuar me të.

Mendoni që do jeni ju kurbanet e negociatave?

Nuk më shqetëson fare kjo dhe se besoj se është edhe e mundur të ndodhë.

Do rikthehesh në politikë?

Nuk kam ikur nga politika

Si u ndjete sot ne Parlament? 

kam qendruar me shume se kaq vetem dhe se kam poroblem, jam mesuar te perballem me gjithcka, u pershendeta me shume nga koleget e mi dhe me vjen mire qe i takova.

Do shkoni serish?

Sa here te kem dicka per te folur patjeter.

DEKLARATA E RAMES NE REAL STORY:

A e ka pare sic po komentohet gjeresisht neper portale si presion direkt nga zoti Tahiri?

Ja pergjigja e Rames ne Real Story:

“Për batutën s’kam koment që unë të kopjohem nga ata që janë rritur nën hijen time, ndodh shpesh, s’është problem. Ai nuk eshte pjese e grupit parlamentar te PS, është i lirë të bëjë të gjitha batutat që dëshiron, ajo që mund të them unë është që një pjesë e atyre që komentojnë jetën tonë politike duan të bindin të tjerët atë që besojnë vetë lidhur me mua, si funksionoj unë, është një gjë që mua më bën për të qedshur që Saimir Tahiri më ben mua presion, është thjesht dhe vetëm për të qeshur.

S’besoj se ka në këtë histori lidhje fjala presion me mua personalisht, me ne, dhe me vetë atë. Unë e di mirë se si funksionon, s’është absolutisht njeriu që përdor metoda të cilat ata që i përdorin i komentojnë, Saliu e bën, e mendon, ka pasur në jetën e vet mesazhe të koduara. Për mua jo se unë e kam idene se kush janë burrat dhe birat në këtë rast.

Po flasim për gjithë atë propagandë dhe shtrembërim që i bëhet gjithë këtij rasti, unë s’jam avokati i Tahirit, s’është puna ime ta bëj, sa i takon mua më vjen për të qeshur”.

Ftesë: Promovim i librit “Demokratura shqiptare në vështrimin e një të mërguari” të autorit Eugjen Merlika

VOAL – Universiteti Europian i Tiranës dhe UET Press organizojnë promovimin e librit “DEMOKRATURA SHQIPTARE Në vështrimin e një të mërguari” të autorit të mirënjohur Eugjen Merlika. Libri përmban shkrime te viteve 2004-2017.

Promovimi bëhet ditën e premte, datë 27 prill 2018, ora 13.00, në Hollin e UET.

Jeni të ftuar të merrni pjesë.

 

 

 

Pas ‘nuk keni parë gjë akoma’, Tahiri kërcënon sërish me shprehjen e Ramës ‘Nuk ka bir kurve që…’

Ish ministri i Brendshem, Saimir Tahiri ka shperthyer sot ne nje prononcim per gazetaret, ku teksa ka garantuar se i intereson vetem drejtesia, ka perdorur shprehjen e famshme te Rames, (ne kohen e hetimit nga opozita, kur ishte kryebashkiak i Tiranes) duke thene se “nuk e besoj që do ketë bir nëne dhe bir kurve që do të më pengojë”.

 

Pyetje pergjigje

Ju filmoi Berisha dhe kerkoi largimin tuaj….

Kam motiv ta mirëkuptojëj njeriun që fshiu filmimet e kryeministrisë në 21 janar dhe sot më filmoi mua.

Pse nuk folët sot në seancë?

Nuk ishte opozita, nuk ka sens…

Ju mbron Rama?

As më mbron njeri dhe as dua të më mbrojë…

Keni komunikim me Ramën?

Për mua ka vlerë e vërteta dhe nuk ka vlerë askush që nuk mund, ose mund të më pengojë në rrugën time për të bërë drejtësi, nuk e besoj që do ketë bir nëne dhe bir kurve që do të më pengojë.

Doshi i pret fjalën Ramës, e ironizon keq: Ç’ndodh me Kuvendin nëse bëhet vettingu

Kryeministri  Edi Rama në fjalën e tij në Kuvend ditën e sotme ka folur për reformën në drejtësi që sipas  tij, ishte kjo reformë që ndikoi në rekomandimin e KE.

Kur Rama tha se nuk do të shpëtojnë as politikanët nga drejtësia e çliruar, ka ndërhyrë duke folur nga vendi deputeti Tom Doshi.

 

“Edhe ti do ta bash vettingun!”, mësohet të ketë thënë Doshi, ndërsa Rama vijoi me tej me fjalën e tij.

Por Doshipasi mbaroi seanca në një deklaratë për mediat, foli edhe njëherë për Vettingun dhe tha se  duhet bërë për politikanët

“Nëse vijon kështu i bie me kaluar të gjithë ‘non grata’, të prononcohet edhe DASH për akuzën që më ka bërë. Nëse bëhet Vettingu dhe politikë nuk mbetet asgjë gjysma në parlament. Të fillojnë të hetohen nga shkollimi i fëmijëve jashtë ku janë të ardhurate këtyre politikanëve, vilat, makinat, jeta e luksit dhe ta shohim si del”, tha Doshi jashtë ambienteve të Kuvendit.

Intervista – Xhaçka: Shqipëria ka propozuar opsione për baza tokësore

Ministrja e Mbrojtjes e Shqipërisë Olta Xhaçka ndodhet në Washington, ku dje u takua në Pentagon me Sekretarin amerikantë Mbrojtjes James Mattis. Sekretari Mattis e falenderoi Shqipërinë për angazhimin e saj në NATO si një vend aleat, kontributi i së cilës, siç u shpreh ai, shkon përtej madhësisë së sajshtet”. Ai vlerësoi kontributin e Shqipërisë me trupa në misione të ndryshme të NATO-s, si dhe rolin e Shqipërisë për të mos lejuar, siç u shpreh “ndikimin e dëmshëm rus në rajon”. Në takim Ministrja Xhaçka bëri thirrje për një prani ushtarake të Shteteve të Bashkuara në Shqipëri. Ajo tha se Shqipëria po paraqet disa ide për të vënë në dispozicion baza tokësore, ajrore dhe detare por edhe aftësi të tjera, qoftë në mënyrë dypalëshe me SHBA ose në suazën e NATO-s. Zonja Xhaçka u sugjeroi zyrtarëve amerikanë të mbrojtjes të shikojnë mundësinë që Shqipëria të shërbejë si vend kontakti në rajonin e Ballkanit Perëndimor. Sipas saj, një prani e SHBA ose e NATO-s mund të ishte një demonstrim i qartë se ky rajon nuk është harruar nga aleatët.

Zëri i Amerikës: Zonja ministre! Cilat janë pritshmëritë tuaja nga kërkesa drejtuar sekretarit Mattis, e cila nuk bëhet për herë të parë?

Olta Xhaçka: Në radhë të parë unë dua të theksoj angazhimin operacional të forcave të armatosura gjatë këtyre viteve si vend aleat i NATO-s. falë këtij angazhimi, falë seriozitetit dhe përparimit që forcat e armatosura kanë realizuar gjatë këtyre viteve, ne jemi për NATO-n dhe për SHBA-të një aleat i denjë, një faktor stabiliteti në rajon dhe një garant i sigurisë së përbashkët e kolektive.

Në këtë kuadër, diksutuam me sekretarin Mattis mbi sfidat e shumëfishta që paraqet sot e gjithë situata e sigurisë, jo vetëm në rajon, por edhe në botë, por diskutuam edhe për Ballkanin perëndimor dhe për specifikat e rajonit tonë.

Kërkesa jonë, kërkesa e ministrisë së mbrojtjes në takimin me sekretarin Mattis vjen edhe si rezultat i faktit që NATO sot nuk ka kapacitete të saj në Ballkanin perëndimor. Duke pasur këtë parasysh, duke patur parasysh edhe rolin stabilizues të Shqipërisë në Ballkan, bëmë një kërkesë për të vënë në dispozicion të gjitha kapacitetet tona, qofshin këto baza ushtarake, apo kapacitete ajrore, detare e tokësore si mundësi për të ofruar një garanci për NATO-n dhe për SHBA-të për të përballur sfida që vijnë nga Lindja dhe nga jugu

Zëri i Amerikës: A keni ju ndonjë sinjal se NATO ka interes që të ketë një bazë të tillë kaq të zgjerura në rajon?

Olta Xhaçka: Me sekretarin Mattis këto ishin disa mundësi për të eksploruar zhvillimin e mëtejshëm të këtyre marrëdhënieve me NATO-n dhe me SHBA-të. Sekretari Mattis u shpreh shumë i predispozuar për t’i konsideruar këto kërkesa. Çështëjet e sigurisë dhe të mbrojtjes janë shqetësime të përbashkëta të aleatëve të NATO-s dhe Ballkani perëndimor është një rajon shumë i rëndëishëm për NATO-n dhe për SHBA-të dhe të gjithë bashkë do të gjejmë zgjidhjet më të mira. Unë mendoj që një prani e NATO-s apo e SHBA-ve në një vend, i cili ka treguar gjatë gjithë këtyre viteve me angazhimin dhe kontributin e tij se mund të jetë një aleat shumë i denjë dhe mund të jetë një pikë kontakti apo një gjurmë shumë e mirë për rajoni, do të ishte edhe një mundësi e mirë për të sjellë një standard të ri për forcat e armatosura.

Zëri i Amerikës: Kjo duhet për t’u bërë ballë rreziqeve që vijnë nga Rusia, si thoni ju?

Olta Xhaçka: Pa diskutim, nga Rusia edhe nga jugu, që kanë të bëjnë me influencën ruse, apo që kanë të bëjnë me ekstremizmin fetar, që ne i kemi parë përmes influencës së vet në Ballkanin perëndimor. Nga ana tjetër, një mundësi, një kapacitet i shtuar i NATO-s apo i SHBA-ve në rajon do të sillte një standard tjetër për ata sektorë të ekonomisë, infrastrukturës

Zëri i Amerikës: Kjo është bërë edhe më herët, zonja ministre, dhe duket se nuk ka ndonjë sinjal, por edhe nga sekretari Mattis nuk është se ka një aprovim të kërkesës që ju bëtë.

Olta Xhaçka: Ne nuk po diskutojmë për aprovim, ne po diskutojmë për të eksploruar mundësi të reja, për të thelluar bashkëpunimin me SHBA-të dhe me NATO-n ne funksion të sigurisë dhe të sfidave të përbashkëta. Sfidat që kemi sot janë multidimensionale, janë ndryshe nga ato që kemi patur dje, dhe sot jemi në rrethana të tjera që diktojnë vendime të tjera. Bashkë me aleatët do të gjykojmë se kush është më e mira.

Zëri i Amerikës: Ju folët dje për një rritje të ndikimit rus në Shqipëri. Në bisedën me zotin Mattis përmendët se janë vënë re qëllime dhe interesa edhe nga vende të tjera në rritje, duke përmendur Kinën, Iranin dhe Turqinë. A mund të shpjegoni se çfarë nënkuptoni me këtë?

Olta Xhaçka: Ndoshta këto nuk janë çështje për t’u biseduar dhe eksploruar në një studio televizive, por është e vërtetë ajo që ju thashë pak më parë: influenca ruse në rritje, pra, rreziqet që vijnë nga lindja, por edhe rreziqet që vijnë nga jugu përmes ekstremizmit fetar, apo ërmes aktorëve të tjerë joqeveritarë, të cilët përpiqen të destabilizojnë rajonin në funksion të interesave të tyre. Këto janë çështje të sigurisë, që bashkë me aleatët ne i konsiderojmë; ka për t’u marrë seriozisht, ka për të mos u marrë seriozisht.

Por kërkesa ime ka të bëjë me faktin që një prani e NATO-s ose e SHBA-ve për Ballkanin perëndimor unë besoj që në këtë moment do të ishte shumë e domosdoshme. Janë rrethant që diktojnë vendime dhe nëse rrethanat janë të tilla, që kërcënimet dhe sfidat që vijnë nga lindja dhe nga jugu janë të tilla për të na diktuar këtë vendim unë shpresoj që ata do ta konsideronin me seriozitet.

Zëri i Amerikës: Zonja ministre! Ju patët një takim edhe me përfaqësues të kompanisë Lockhed Martin, e cila është një kompani e njohur sa i takon industrisë ushtarake. Gjatë takimit me zotin Mattis ju u shprehët, po ju citoj, që i keni kërkuar kësaj kompanie që të përfshihet më shumë në sistemin e survejimit dtar. Çfarë nënkuptoni?

Olta Xhaçka: I kam kërkuar kësaj kompanie që të konsiderojë rritjen e kapaciteteve tona dhe ndoshta një investim më të madh në vendin tonë. Bëhet fjalë për gjigandin Lockhed Martin, që është ndoshta kompania më e fuqishme dhe më serioze në gjithë industrinë ushtarake botërore. Lockhed Martin sot është i përfshirë në sitemin e vëzhgimit detar, është ai disajnuesi i këtij sistemi, si dhe kemi nënshkruar një kontratë për sistemin e integruar ajror, për të cilin Lockhed Martin ka disa muaj që punon.

Zëri i Amerikës: Po menaxhimin e sistemit kush e kryen?

Olta Xhaçka: Menaxhimin e kryen Lockhed Martin dhe partneri i saj italian Gem Electronica, i cili mirëmban sistemin e radarëve detarë, ndërsa Lockhed Martin është disajnuesi dhe zhvilluesi i gjithë projektit për sistemin e integruar të vëzhgimit ajror. I kam kërkuar që të bëjmë një vlerësim shumë më të mirë të kapaciteteve të sistemit të vëzhgimit ajër-tokë-det, dhe për t’i integruar ato nënsuazën e gjigandit Lockhed Martin. Gjithashtu kam kërkuar sekretarit Mattis dhe kompanisë Lockhed Martin për të patur një prani të shtuar të investimeve amerikane ushtarake në vendin tonë, e cila është e mirëpritur.

Zëri i Amerikës: Si u përgjigjeni zërave kritikë, që kanë folur për fikjen e qëllimshme të radarëve?

Olta Xhaçka: Tërësisht të pavërteta. Radarët nuk fiken. Kjo është e pamundur. Nuk ekziston.

Zëri i Amerikës: Zonja ministre! A ka një mungesë transparence të qeverisjes së Partisë Socialiste, duke përmendur rastin më të fundit, atë të vendosjes së tarifës në rrugën e Kombit, e cila u nxiti dhe atë që opozita e ka quajtur si mosbindje civile. Qeveria e vendosi tarifën, më pas u tërhoq dhe pranoi që nuk ëhstë konsultuar për këtë temë. Si e konsideroni ju këtë?

Olta Xhaçka: Nuk është mungesë transparence. Në fakt ky ka qenë një vendim i dhjetorit 2016. Shpallja e ofertës, gara, konkurrimi, pastaj negociimi i kontratës ka ndodhur në dhjetor 2016. Vlen të thuhet që në 2011 qeveria Berisha pati parashikuar një tarifë edhe më të shtrenjtë mbi 8 euro për përdoruesit e rrugës. Mund të ketë patur probleme të transparencës, ose më mirë të them, të një diskutimi më të mirë me banorët e zonës. Për këtë kryeministri Rama, ministri i transporteve dhe ai i ekonomisë kanë thënë se mund të kishin bërë një punë më të mirë me komunikimin e gjithë detajeve të kontratës. Por ajo është një rrugë shumë e shtrenjtë, për të cilën ende nuk ka përfunduar investimi. Duhet të ishte rruga Durrës – Kukës, por nuk është e tillë. Ajo është një rrugë që kërkon shumë investim jo vetëm për ta mirëmbajtur, por edhe për të përfunduar. Tarifa jonë është më e lirë se e fqinjëve tanë në rajon: Greqia e ka tarifën 0.07 euro për kilometër, Maqedonia e ka 0.06 euro për kilometër, ndërsa Shqipëria është 0.04 euro për kilometër, bashkë me të gjitha masat që kontrata parashikon për banorët që do të jenë përdorues të shpeshtë dhe pa mundësi financiare.

Zëri i Amerikës: Por qeveria u tërhoq dhe tha se do të bëjë një studim për qytetarë e asaj zone…

Olta Xhaçka: Kjo qeveri e ka përparësi interesin e qytetarëve. Për ne është e rëndësishme që të ketë një diskutim publik dhe një konsultim publik për ato që po bëjmë, që gjithë banorët dhe taksapaguesit të kuptojnë rëndësinë e mirëmbajtjes dhe investimit për këto vepra madhore. Këtë qeveria e ka bërë edhe në këtë situatë, e cila ka qenë thellësisht e motivuar nga politika.

Zëri i Amerikës: Por nga ana tjetër, konsultimi mund të ishte bërë përpara, apo jo?

Olta Xhaçka: Kjo është një kontratë e mbyllur qysh në dhjetor 2016, dhe mund të shihet lehtë me një kërkim në internet. Nëse gjatë kësaj kohe nuk është bërë mjaftueshëm për të patur një konsultim publik dhe një informim publik, për këtë kërkojmë ndjesë. Por për çdo gjë tjetër kemi interesin e banorëve, e taksapaguesve parësor dhe të rëndësishëm për mënyrën se si qeverisim.

Zëri i Amerikës: Falemnderit, zonja ministre!

Sot në 19 vjetorin e rënies së Komandant Veteranit Sali Çekajt në Betejën e Koshares – Nga Azgan HAKLAJ

Prillet e dhimbshëm por të lavdishëm në Enciklopedinë Shqiptare – Tropoja Oaz lirie

E titullova keshtu këtë opinion timin sepse në historinë e Kombit Shqiptar, gjatë sagës së gjatë përmes kasandrash me sakrificë kristiane per mbijetesë, ka shumë prille të përgjakshme.
Nuk e kam fjalën për romanin e gjeniut të letrave Shqipe Ismail Kadare “Prilli i thyer” por për prille luftrash e sakrificash në shekuj të shqiptarëve për liri, pavarsi e demokraci.
Kam shkruar për shkrirjen e akujve të janarit nga gjaku i derdhur dhe lotët e dhimbjes, për janarin tragjik të Gjergj Kastriotit ( Skenderbeut), Ismail Qemalit, Isa Boletinit, Ibrahim Rugovës, të renies heroike të trinomit të lirisë Zahir Pajaziti, Edmond Hoxha, Hakif Zenullahu.
Kam shkruar për janarin e Kongresit të lushnjes që çertifikoi e konsolidoi Shtetin Shqiptar.
Kam folur për Shkurtin e Kryengritjes së parë antikomuniste të udhëhequr nga vigani i bjeshkëve Prek Cali 73 vite më parë.
Për shkurtin e pavarsisë Kosovës që këtë vit shënoi 10 vjetorin.
Kam shkruar për marset e lavdishëm të Gjergj Kastriotit, të Prek Calit, të Jasharajve e Haradinajve, për marset si projektues të nëntorëve të pavarsisë.
Për nëntorët e pavarsisë të Gjergj Kastriotit dhe Ismail Qemalit.
Për nëntorin e UÇK-së.
Sot do të flas për prillin e Shtimes dhe Slivovës, të betejave legjendare të Ushtrisë së Lidhjes Shqiptare të Prizrenit kunder ushtrive turke.
Për prillin e Kryengritjes së Malsisë Madhe të udhëhequr nga Ded Gjon Luli, që kulmoi me ngritjen e Flamurit Kombëtar të Gjergj Kastriotit pas 500 vjetësh robëri në bjeshkët e Deçiçit në Bratilë me dt 6 prill 1911.
Për mars- prillin e masakrës së Tivarit.
Per 2 prillin, masakrën e diktaturës komuniste që vrau martirët e demokracisë në Shkodër.
Do të risjell në kujtesë prillet e përgjakshme të Koshares dhe Maznikut, ku ranë qindra deshmorë për të mbetur në memorien historike
flakadan lirie.
Në kalendarin historik të Kombit Shqiptar nuk ka ditë, javë, muaj, vit që të mos jenë të shquar data të rendesishme të sakrificës sublime për liri e pavarësi, çlirim kombëtar e demokraci.
Me dt 18 prill të vitit 1881 Ushtria e Lidhjes Shqiptare e Prizrenit që këtë vit shenon 140 vjetorin e saj, u ndesh me ushtritë turke në Shtime dhe Slivovë.
Rreth 4000 luftëtarë, vullnetarë shqiptarë patën përballë 20 batalione të Armatës së Dervish Pashës me rreth 15000 ushtarë, officer të paisur me armatimin më të mirë të kohës,
Betejat ishin të përgjakshme me heroizem të madh të shqiptarëve ndonse në kushte të pabarabarta, por qendrestar, të paepur e të pathyeshem deri në flijim për Atdheun.
Me dt 21 prillin Mic Sokoli i vuni gjoksin topit të sulltanit.
Luftimet ishin të tmerrshme e pati shumë të vrarë.
Me dt 21 prill për shkak të epërsisë së armikut ushtria e lidhjes terhiqet.
Me dt 22 dhe 23 prill zhvilluan ndeshje në Dukel dhe Suharekë për të penguar ushtritë osmane të hynin në Prizren.
Në maj u bënë përleshjet e fundit në thellësi të Rrafshit të Dukagjinit.
Shqiptarët vazhduan rezistencën me kuvende e kryengritje, për liri e pavarsi, e do të veçoj Lidhjen e Pejës me besa besë të Haxhi Zekës, kryengritjet e viteve 1908-1909-1910-1911.
Në Kuvendin e Junikut të vitit të 21-25 Maj të vitit 1912 u hartua platforma e Kryengritjes së Pergjithshme që u finalizua me shpalljen e pavarsisë së Shqipërisë në Vlorën e Ismail Qemalit me 28 nëntor 1912.
Këshilli Kombëtar që doli nga zgjedhjet e dt 5 mars filloi punimet me dt 21 prill 1921.
Ai përbëhej nga 78 deputet.
Statuti i Lushnjes që njihet në histori si statuti I Shtetit Shqiptar e shnderroi këtë akt në kushtetutë të mirëfilltë.
Ky keshill kombëtar mori emrin parlament.
7 prilli është dita e pushtimit fashist.
Shqiptarët u perpoqën në menyrë sporadike por nuk i rezistuan Romës së Musolinit.
U deshën vite lufte për të çliruar Shqipërinë.
Pas përfundimit të luftës Dytë Botërore shqiptarët edhe pse u çliruan mbetën të ndarë përsëri, e ranë në kthetrat e komunizmit gjakatarë.
Ne mars- prillin 1945 ndodhi masakra mizore e Tivarit.
Platforma e këtij veprimi çnjerzorë e lëvizjes nacionalçlirimtare të jugosllavisë u ba projekti famëkeq i Çubriolloviçit 7 mars 1937 dhe 3 Nëntorit 1944.
Ky projekt i spastrimit etnik gjeti zbatim me zhdukje e shperngulje të shqiptarëve dhe zëvendësimi i tyre me kolonë serbë.
Masakra e Drenicës ishte prologu i masakres së Tivarit.
Në muajt mars- prill u ba mobilizimi i dhunshëm i rekrutëve në të gjitha qytetet e Kosovës për ti nisur në frontin e Sremit e të Adriatikut.
Shumicën i përqendruan në qytetin e Prizrenit dhe i çarmatosën se ju thanë do ju armatosim në Kroaci e Slloveni.
Kolonat e para u nisën me 24-27 mars dhe të dytat me 19- 24 prill 1945.
Enver Hoxha, babai shpirtëror i Edi Ramës lejoi shqiptarët të mobilizuar me dhunë, pa armë në dorë të kalojnë në rrugën e vdekjes apo Golgota Shqiptare siç e ka quajtur Zekiria Cana rrugëtimin e tmerrshëm Prizren-Kukës-Pukë-Shkodër -Tivar- Dubrovnik -Rjekë.
Xhelatët e Aleksandër Rankoviçit janë shquar për krimet e tyre kundër mijra shqiptarëve të rekrutuar dhunshëm, nga Kukesi në Ulqin.
Me dt 31 mars dhe 1 prill filloi kasaphana e përgjakshme.
Ata janë rrethuar nga të gjitha anët në Tivar nga ushtarët malazezë dhe janë qelluar në menyrë të pamëshirshme me breshëritë vdekjeprurëse të armëve ku mbetën të vrarë mijra vetë.
Asnjë penë nuk mund ta përshkruaj saktë këtë masakër barbare dhe numrin e të vrarëve.
Enver Hoxha në vend që të denonconte këtë masakër dekoroi skenaristët dhe regjizorët e saj, binomin Tito- Rankoviç.
Me dt 24 prill me dekretin 48 nga Presidiumi I Kuvendit Popullor caktohet dt 25 prill dita e forcave kufitare dhe shqiptarët mbetën të ndarë me mur berlinez.
Pikërisht me 31 mars 2018 Edi Rama vendosi traun Rrugës së Kombit mbi themelet e Golgotës Shqiptare.
Rrembimet e protestuesve në mesnatë nga shteti maskë dhe burgosjet e tyre politike të dyshes Rama Xhafa të kujtojnë Gestapon e Hitlerit.
2 prilli i vitit 1991 është prilli i përgjakshëm i demokracisë.
Falangat e Kuçdrës komuniste që po jepte shpirt realizuan masakrën e Shkodrës.
U përgjak Shkodra, djepi kulturës, dijes dhe demokracisë.
Mbetën në fushën e nderit, pishtarët e demokracisë Arben Broci, Nazmi Kryeziu, Besnik Ceka, Bujar Bishanaku.
Urdhëruesi i masakrës së 2 prillit Gramoz Ruçi sot është Kryetar i Parlamentit të Shqipërisë.
Sa herë të flas për prillin e Betejës së Koshares kam prapë për të thanë.
Me dt 9 prill filloi kjo betejë homerike që shembi kufirin mes shqiptarëve.
Me dt 11 ra njeri prej hartuesve të platformës së operacionit shigjeta, poeti dramaturgu, i pari që shembi piramidën, Komandant Katana Agim Ramadani.
Me 16 prill në malet e Maznikut ranë në një betejë tjeter të UÇK-së me ushtrinë gjakatare serbe herojtë e Kombit tonë Shkelzen Haradinaj, Fatmir Nimanaj, Luan Nimanaj, Hasim Halilaj.
Po keto ditë të prillit 13 vite me parë u vra mizorisht deshmori i Atdheut Enver Haradinaj.
Kjo vrasje barbare siç e ka cilësuar Presidenti Rugova kishte si qellim destabilizimin e Kosovës.
Dita e varrimit u shpall ditë zie nga Presidenti Rugova dhe u denua nga kryeministri Kosumi, kryeministri Nano, partitë politike në Kosovë dhe mbarë opinioni publik në hapsirën shqiptare.
19 vite më parë si sot në Betejën e Koshares ra njeri prej hartuesve të operacionit shigjeta figura poliedrike shumë dimensionale, juristi, politikani, intelektuali, oficeri gueril Komandant Veterani, Sali Çekaj që bëri gjithça mundi për çlirimin e Kosovës.
Vepra e tij u derdh në bronx dhe në këngë.
“Më ka rritë nëna n’zhguna veku
Ma thonë emrin Sali Çeku
I thonë Sali Çeku trimit veteran
I kendon dyfeku një kendim dardan
Jo nuk e ndal hapin ky kollos i Kombit
Jo nuk e ndal vrapin ka bekim prej Zotit.”
Atë ditë u plagos djaloshi nga Shkupi Nuhi Tahiri i cili mori plagë të rënda dhe iu nenshtrue 9 operacioneve por fatmirësisht mbijetoi.
Në inagurimin e shtatores së Sali Çekajt në Deçanin legjendarë Presidenti Rugova në pershëndetjen e tij vlersoi lart rolin dhe kontributin e Sali Çekajt.
Rugova çmoi shumë mbështetjen e Tropojës për çlirimin e Kosovës.
Ai tha se Tropoja në shekuj ka qenë djep i patriotizmi dhe nacionalizmit.
Në shekuj mbeti kështjellë e pamposhtur, barrikadë e invadorëve të ndryshëm.
Tropoja është Oaz lirie.
Ai vleresoi Betejën e Koshares dhe thyrjen e kufirit.
” Kosova ka liri se pati Koshare,
Ka Koshare se pati Tropojë” tha Presidenti
Beteja e Koshares është unike, simotër e Betejës Spartane të Termopileve përballë ushtrive perse të Kserksit.
Nderim per herojtë e gjallë dhe të vdekur të kësaj beteje,
114 deshmorët e saj prehen në lendinat e Koshares.
Lavdi deshmorëve të Atdheut.