VOAL

VOAL

Please Wait ...
0%

E duam Evropën deklarativisht por s’e duam praktikisht – Nga Nue Oroshi

By | November 4, 2018

Komentet

KЁNGЁN E VALЁVE DUA! Nga Aida Meti

Shiu bie në këto momente
deti i egërsuar, trazon shpirtin e brishtë,
Poseidoni më fton në duel, Circet kanë dalur e tundojnë
me këngët e fërshëllimat e tyre në bordin e anijes,
diku larg melodia ndihet si një harpë e vjetër,
si në sallonet që di kenget dhe melodit hyjnore

ka vazhdimisht nga ajo që duket e bukur e nga harmonia.
Do t’i kërkoj detarit të më ledhatoj zërin dhe mua,
këngën e që kanë kapur valët, brigjet dhe anijet
do të bëhen kalendar një ditë në jetë, pa vonuar,
sepse arti do loz rolin e tij, si pjalmi i luleve
në gojën e bletëve dhe në shpirtin e të dashuruarve.
Kori i sirenave të detit të trazuar kishte përherë roli të zi
të robërimit të udhëtarëve në det, por qiellit do t’i lutem
që të më vejë zërin tek perënditë e Olimpit,
Zeusit t’i përgjërohem e të më nis zogjtë e tij shtegëtar,
Afërditës do t’i dhuroj buzëqeshje, se fort dua
ngjyrat e ëmbla të petaleve të luleve ndër njerëz
si më pushton era, sikur gjoksin do te ma ndeze vullkan …
dëgjoj
këngët e shpirtrave pas dallgësh të egra të fateve…
E dua prandaj dhe i kam frikë egërsive të detit e bregut,
ku dua dhe ne të ngremë dolli me verë të të pagjumëve.
Detar, kije mendjen për rrugët e të të gjithëve, kështu si mua
po më pervelon shpirti për trëndafilin që dua të më pres
në breg dhe nuk dua t’i vonohem as unë asnjë çast.
Kam nisur këtë këngë dhe bekimi i perëndive s’më vonon,
deti lojën vazhdon dhe pulëbardhat ngrihen e bien pranë,
zilia, ndjenja e verbër… o jo jo këto lule që nuk njeh,
nuk nxjerrin gjethe rrotull valëve të udhëtimit.

 

Kërcënimet për borxhin 40 mijë euro, vëllezërit Sallaku shpallen të pafajshëm

Gëzim Sallaku

Gjykata e Bergamos ka liruar nga akuza për tentativë zhvatje presidentin e Darfo Boario, skuadër e Serisë D në Itali, Gëzim Sallakun dhe vëllanë e tij Saimir, sipas mediave italiane.

Sipas të njëjtave burime: Të dy u akuzuan se në vitin 2010, kishin ndaluar një sipërmarrës dhe e kishin kërcënonte të shlyente borxhin 40 mijë euro plus interesin tek fajdexhiu nga Bergamo Mario Gaspani. Gjithashtu, akuzat ishin se presioni ishte kryer edhe përmes celularit.

Gaspani u ekzekutua disa muaj më vonë, krim për të cilin është pas hekurave e shoqja si urdhëruese.

Saimir Sallaku është aktualisht në burg për trafik droge, ndërsa Gëzimi, i cili u arrestua një javë më parë për armëmbajtje pa leje të tre pistoletave të gjetura në shtëpinë e tij, u lirua pas dy ditësh në qeli.

/Panorama/

Në Kosovë duhet të ndërtohet një koncept kombëtar kundër planeve të Serbisë – Nga Nue Oroshi

Deklaratat e Listës Serbe për rrezimin e Qeverisë Haradinaj që kjo listë është përçuese e politikës së Beogradit në Kosovë dhe jo përfaqësuese e pakicës serbe në Kosovë ,duhet të mirret shumë seriozisht nga spektri politik shqiptarë në Kosovë.Në këtë aspekt pa anuar nga asnjëra parti politike se unë primare e konsideroj interesin shtetëror para atij partiak,krahinorë apo fetarë, duhet t’i qesë në veprim forcat atdhetare nëse ka mbetur ndonjë dikund, qoftë mbrenda partive politike eksistuese në Kosovë, qoftë intelektualë me reputacion që janë jashtë skenës politike.Në këtë rast nuk ka fare rëndesi se kush është në krye të Qeverisë Ramushi,Isa,Albini,Kadriu,Fatmiri apo Shpendi.Me rëndësi është ndërtimi i një koncepti të përbashkët politikë i partive politike shqiptare kundër Serbisë. Duke u nisur nga fakti se Presidenti i Kosovës Hashim Thaqi për arsye të veta personale, në këtë rast politika e tij është duke shkuar njëtrajtmërisht me politikën e Beogradit dhe Listës Serbe në Kosovë.Tash shtrohet pyetja se çka duhet të bën elita politike shqiptare në Kosovë.Kështu siç është situata nuk shkon më tutje.Parlamenti i bllokuar dhe Qeveria e paralizuar për të kryer procese të mëdha që po kalon Kosova, kurse Institucioni i Presidentit vepron kundër interesave shtetërore të Kosovës.Në traditën popullore shqiptare kësaj situate i thonë :”Në hall me rrnu e në gjygj me vdekë.” Por çdo veprim politikë ka zgjidhje. Këtë situatë politike në Kosovë e kanë sjellë të gjitha partitë politike bashkarisht dikush më shumë dhe dikush më pak.Ato duhet t’i bartin në të ardhmën edhe pasojat për këtë situatë që e kanë sjellur Kosovën në këtë gjendje.Por si duhet dalë nga kjo krizë politike?

1.Të aprovohet plani i Listës Serbe dhe i Hashim Thaqit për rrëzimin e Qeverisë Haradinaj dhe shkuarje në zgjedhje.

Aprovimi i planit të Listës Serbe që në fakt është plan i Serbisë për rrëzimin e Qeverisë Haradinaj dhe mbajtja e zgjedhjeve të jashtzakonshme në Kosovë do të sjellë një kaos të vërtetë politik.Pse e them këtë?E them për faktin se me rënjen e Qeverisë deri në themelimin e një Qeverie të re kjo Qeveri në mënyrë absolutë nuk mundë të merr asnjë vendim politikë dhe shtetërorë.Ndërsa në anën tjetër edhe Parlamenti i rënë që duhet ta rrëzoj vetveten mbetet një institucion plotësishtë i paralizuar në marrjen e vendimeve shtetërore. Kjo situatë e cila mundet të zgjasë nga gjashtë deri në dhjetë muaj apo një vit të tërë do t’iu jepte mundësi ideale Serbisë që përmes njeriut të tyre në Presidencën e Kosovës Hashim Thaqi ti realizon planet e saj.Dhe këto nënshkrime të Hashim Thaqit për ndarjen e Kosovës ligjerisht bëhen të pranushme sepse një Qeveri e dorëhequr dhe një Parlament i shpërndar nuk do të këtë të drejtën e plotëfuqishme ligjore për shqyrtimin e marrëveshjeve të tilla me Serbinë.Kjo mund të sjellë një situatë kaotike në Kosovë dhe protesta të shumta pa pasur mundësi veprimi institucionalë në këtë periudhë kohore të hapësirës pa institucione, sepse në këtë periudhë kohore me se paku gjashtë muaj dhe më së shumti një vit kemi mungesë të institucioneve të Kosovës.

2.Të bëhet një marrëveshje në mes të partive politike shqiptare për krijimin e një Qeverie me bazë të gjanë gjithëpërfshirëse me një afat kohor njëvjeçarë deri sa të përmbyllën çështjet me Serbinë.

Unë mendoj se më e udhës do të ishte që gjashtë partitë politike shqiptare LDK,PDK,VV,PSDK,AAK dhe Nisma të ulën bashkarishtë dhe të bëjnë një strategji se si duhet të mbrohen dhe të dalin nga qorrsokaku politikë dhe rreziku i ndarjes së Kosovës që automatikisht do ta sillte në rrezik hapjen e Kutisë së Pandorës për humbjen e Shtetësisë së Kosovës.Si duhet të veprojnë në këtë rast partitë politike shqiptare.Këto parti që në maksimum kanë 100 deputet duke llogaritur edhe deputetet shqiptarë pa grupe Parlamentare dhe që në minimum kanë dikund 80 deputet apo dy të tretat duke llogaritur deputët besnikë të Hashim Thaqit duhet ta bëjnë një projekt të përbashkët politikë.Fillimisht duhet aprovuar rezoluta për mosndryshimin e kufijve të Kosovës.Pas aprovimit të Rezolutës duhet të formohet Qeveria gjithëpërfshirëse me një afat njëvjeçar ku duhet marrë pjesë të gjitha partitë politike shqiptareThemelimi i kësaj Qeverie gjithëpërfshirëse me një mandat,me një marrëveshje politike njëvjeçare do t’i jep mundësinë Parlamentit të Kosovës që të bëj apromvimin e shumë ligjeve që janë në favor të ecjës përpara të Republikës së Kosovës, do të bëjë bllokimin e ndarjës së Kosovës. Njëkohësisht duhet formuar një gup i përbashkët shtetëror nga të gjitha partitë politike që duhet të kryej bisedimet me Serbinë por fillimisht duke i vëndosur disa kushte elementare se nuk mund të shkohet në bisedime deri sa Serbia ende nuk ka kerkuar falje për krimet që ka bërë gjatë luftës në Kosovë dhe deri sa nuk i ka kthyer të masakruarit gjatë periudhës se luftës në Kosovë.Edhe opozita në Kosovë duhet ta ketë të qartë faktin se edhe ajo është përgjegjese sa i përket interesave shtetërore.Dhe duhet pasur vizionin politikë për daljen nga kjo krizë politike që e ka kapluar Kosovën.Nëse vazhdojnë që intatet personale dhe politike të partive politike shqiptare të vendosen para interesave shtetërore jam plotësisht i bindur se Kosova do të vazhdoj të përjetoj vështirësi të mëdha në shumë aspekte.Në këtë periudhë kohore njëvjeçare duhet të dalin në skenë Intelektualët Shqiptarë me formimin e një partije politike me bazë të fortë kombtare dhe e orjentuar në dergimin e Kosovës drejtë Bashkimit Evropian, duke afruar kuadro të shkolluar në Kosovë dhe jashtë Kosovës, por që kanë një vizion për ndërtimin e shtetit. Pas përfundimit të çështjeve me Serbinë 80 % të politikaneve të sotëm që janë nëpër parti politike shqiptare duhet ta lënë politikën. Ata duhet t’i bartin pasojat ligjore,penale dhe kombëtare për dëmin që i kanë shkaktuar Republikës së Kosovës në këto 19 vjet qeverisje duke ndërruar rolet të njëjtit aktor politikë.Kurse skena politike e Kosovës duhet të udhëhiqet nga të rinjët dhe të rejat shqiptare që e kanë aftësinë menaxhuese,që njohin gjuhë të huaja dhe shumë lehtë vijnë deri tek kontakte me qeveritë perendimore,dhe që interesin shtetërorë e vendosin para atij privat. Me një fjalë në Kosovë duhet bërë ndërrimi i mentalitetit qeverisës.Ku politikani shqiptarë duhet të dijë se ai është në shërbim të popullit e jo populli në shërbim të tij.

Java e Lamës, apo të vjelat e bereqetit të vjeshtës! Nga Hafiz Gagica

Është kjo një traditë e kamotshme e popullit shqiptar, por e organizuar institucionalisht për herë të parë nga Presidenti Rugova, dhe tani kjo festë veç është harrue në Kosovë, por e bartur në mërgatën tonë, atje ku një pjesë e shqiptarëve për dekada me radhë janë aktiv në shërbim të atdheut të tyre.

Në këtë frymë atdhetare nga “Shoqata gjermano-shqiptare” me seli në Freising afër Munihut, e cila e mban emrin e heroit të trefishtë “Bekim Berisha-Abeja” në krye me Xhemjal Hoxhën, aktivist i ditëve të para të themelimit të LDK-së në Bavari dhe shumë i afërt me Profesor Martin Camajn si dhe personalitete të asaj kohe. Ndonëse i ri në moshë, Xhemajli ka punue pa u ndalur në dobi të afirmimit dhe realizimit të aspiratës tonë për liri dhe pavarësi të Kosovës, dhe ai edhe sot përmes shoqatës po bënë punën më të mirë për ruajtjen dhe kultivimin e traditave shqiptare në Gjermani.

Ishte sivjet viti i katërt me radhë që Xhemajl Hoxha me bashkëpunëtorët e tij organizuan Javën dhe “Darkën e Lamës” në qytezën Moosburg afër Mynihut, dhe së fundi me dt. 03 Nëntor, ku bashkë me shumë aktivist dhe mysafirë nga vende të ndryshme si dhe nga Kosova, Don Lush Gjergji, morëm pjesë në këtë manifestim të bukur dhe shumë mbresëlënës. Veç bisedave të lira dhe fjalëve të rastit nga shumë pjesëmarrës, aty u këndue, u luajt loja e vjetër e kapuçave, vallëzuan fëmijët të cilët e zbukuruan këtë darkë me rrobat kombëtare si dhe me vallet e mrekullueshme.

Kënduan rapsodet, foli kryetari i shoqatës Xhemajli, ndërsa e moderoi shumë mirë Poeti Mentor Thaqi. Me fotoaparatin e tyre u kujdesen në mënyrë profesionale Rexhep Rifati, gazetar shumëvjeçar i Rilindjes, Reshat Murati, i cili po i afirmon aktivitetet e tilla me fotografi të bukura, si dhe me kamerën e tij të art u kujdes Halil Rrustemaj, njeriu i cili me punën dhe incizimet e tij brilante po afirmon në mënyrë të vazhdueshme kulturën shqiptare në Gjermani dhe gjithandej botës gjermanfolëse. Fola aty edhe unë për rolin e Shoqatës “Abeja” si dhe darkën e Lamës, në lokalin i cili ofronte hapësirë për punë dhe aktivitete kulturore e kombëtare, sepse nga të gjithë ne kërkohet më shumë punë dhe mobilizim për t’i ruajtur dhe afirmue traditat tona kulturore në Evropë dhe botë.

Në fund u shtrue darka në sofrën tradicionale me të gjitha llojet e ushqimeve shqiptare, dhe për këtë një meritë tepër të veçantë e kanë gratë shqiptare, të cilat edhe këtu në mërgim po e ruajnë me xhelozi traditën e ushqimeve tona, që dukshëm dallojnë nga ushqimet e popujve tjerë.

Për fund, ia vlen të theksohet se shoqatat shqiptare në mërgatë historikisht kanë luajtur një rol të veçantë në dobi të afirmimit të çështjes shqiptare në përgjithësi, dhe së fundi edhe në arritjen e lirisë dhe pavarësisë së Kosovës, në veçanti!

Mërgata jonë, siç dihet ka kontribue shumë për lirinë e Kosovës, për afirmimin e të drejtave të popullit shqiptar për të qenë shtet i pavarur, siç edhe ka ndihmue shumë edhe në rindërtimin e Kosovës e dalë nga lufta e rënd, siç po kontribuon edhe sot në shumë aspekte në zhvillimin e saj ekonomik dhe social.

Darka e Lamës në Moosburg është një shembull për të mirë që do të na shërbejë për avancimin e formës organizative dhe mobilizimit te të gjitha kapaciteteve tona në mërgatë për evente edhe më të mira në jetën dhe aktivitetet e bashkatdhetarëve tanë kudo në botë.

Edhe njëherë e përgëzojmë organizatorin e këtij tubimi të bukur, duke i dëshirue suksese të reja në forcimin e atdhetarizmit si dhe ruajtjen e kulturës shqiptare në mërgim

Bukëpërmbysurit – Nga Nue Oroshi

Buka për shqiptarët ka qenë dhe është një produkt i cili ka qenë njëri ndër produktet më të kërkuara për të mbijetuar gjatë shekujve. Madje në traditën tonë shqiptare kur të ka ardhur mysafiri dhe një pjesë e familjeve që nuk kanë pasur mundësi me prit si duhet mysafirin për shkak të gjendjës së vështirë ekonomike e ka përdorur gjithmonë atë shprehjen:” Bukë e Krypë e Zemër.” Por fatkeqësisht një pjesë e shqiptarëve nga defrimet e ndyra dhe vjamosja e trurit që ju është bërë dhe nga milionat e krijuara pa djersë dhe pa mund duke keqpërdorur pozitat shtetërore janë kthyer në bukëpërmbysurit më të mëdhenj që ka pasur populli shqiptar gjatë shekujve. Në të kaluarën nëse dikush, një i afërm apo kojshi të ka dhanë edhe një thes me miell e ke uruar dhe falënderuar me dhjetra herë.Kurse sot një pjesë e politikanëve tanë janë shëndrruar në bukëpermbysurit e shekullit. Kur Kosova ishte nën okupim ishte pikërisht kjo Evropë e cila ju bëri strehim, mjekim, rreth një milioni shqiptarësh. Ju bëri strehim ,mjekim e veshmbathje edhe shumë bukëpermbysurve të sotem në rrethana mjaftë të vështira, disave duke ju pranuar azilin politikë në bllok, disa e shfrytzuan pikërisht humanizmin Evropianë dhe vazhduan shkollime të ndryshme që ju mundësoj të avansohen në karrierën politike dhe profesionale.Por fatkeqësisht ata politikanë mbetën kunguj, e kungulli nuk noton gjithmonë mbi ujë ai fundoset dikur.E një mikë në kohën me të hershme e pat shkruar një poezi, se kungulli është kungull kudo në botë kungulli është kungull e jo patriotë. Një pjesë e politikanëve kunguj të Kosovës duke parë se genjeshtrat që i kanë proklamuar tashë e një dekad se do të bëjmë liberalizimin e vizave,madje duke hargjuar miljona euro të fondit të varfër të Kosovës, për defrime dhe shetitje të panevojshme pa angazhuarë asnjëherë një ekip profesionistësh që kanë ndikim dhe qasje në politikën perëndimorë por fatkeqësisht këta politikanë i dhanë hapësirë Serbisë që të avansohet në plasimin e genjeshtrave të saja shekullore në dëm të çështjes shqiptare.Këta bukëpermbysur në vend që ta gjejnë fajin të vetvetja që para syve të tyre lejuan shkatrrimit e palcës ashtnore kombëtare në Kosovë duke lejuar dhe dhënë hapësirë lloj-lloj mjekercapi e pantollshkurti për të vepruar sikur Kosova të ishte tokë pa zot ata drejtojnë shigjetat tek Evropa si Islamofobe dhe Albanofobe.Duke e akuzuar Evropën për fajët që si ka.
Të vetmin faj e ka Evropa që ju dha hapësirë shumë të madhe islamit politikë e veçanarisht në Gjermani që në të ardhmën do të këtë edhe ajo pasoja nga kjo tolerancë dhe ky humanizëm i tepruar.Këtu po e sjelli vetëm një pjesë të bisedës që e kisha me një bashkatdhetarë që jeton në Republikën e Schleswig Holsteinit dhe që shquhej kohë pas kohe në sharjen e gjermaneve dhe të Gjermanisë.Pikërisht kjo Gjermani në 22 vjet qendrimit të tij që si kishte bërë as 22 ditë punë i kishte dhënë mbi gjysmë milioni euro për familjen e tij ndërkohë kur i thashë more i mjerë po a i ke marrë ti nga vëllezërit e tu apo baba i yt këtë shumë të parave për këto vite ai atëherë heshti. Por shtrohet pyetja se pse politikanët tanë e kanë filluar luftën kundër Evropës për gabimet e tyre në shkatrrimin e shtetit të Kosovës, që fatkeqësisht e kanë futur edhe në pazar këtë shtet. Pa harruar se ishte pikërisht Amerika dhe kjo Evropë që investojë me miliarda Euro në shtetin e Kosovës, mjete që i dorzuan institucioenve të Kosovës që fatkeqësisht për shumë këto mjete nuk dihet se nga shkuan dhe si u shfrytzuan.Prandaj fillimi i luftës me Evropën i politikaneve kunguj të Kosovës, dhe jo me armiqtë tanë Serbinë, Rusinë dhe Turqinë që po punojnë bashkarisht për shkatrrimin e shtetit të Kosovës, tregon qartë se politikanët kunguj duhet të ikin nga politika e Kosovës. Duhet ta dinë qartë këta bukëpermbysur se nuk shkon gjithmonë kungulli mbi ujë dhe ata duhet të japin përgjegjësi penale, morale dhe shtetërore për të gjitha këto të keqija që ja bënë shtetit të ri të Kosovës.

SKEMA E PENSIONEVE ME PADREJTËSI LIGJORE, PA TRAJTIM TË BARABARTË PËR QYTETARËT, SHPËRBLIM I PAKËT – Nga Hilmi GASHI, Gjermani

               Për mendimin tim Skema aktuale e Pensioneve në Kosovën tonë i ka tre të meta kryesore, themeltare, problematike: ka padrejtësi ligjore, ka trajtim të pabarabartë për qytetarët e vet, ka shpërblim të pakët për të pensionuarit, edhe për ata që kanë punuar, luftuar e paguar kontribute.

               Përndryshe: Skema e Pensioneve në Kosovë, sipas meje, nuk i plotëson kushtet që të kategorizohet në formën e pensionit përderisa aktualisht në Kosovën tonë asnjë pensioner nuk është në gjendje të jetojë i pavarur financiarisht. Sot kemi të bëjmë me një të vërtetë të hidhur, të rëndë, të papranueshme, të pafalshme, sepse pensionerët me aq pension sa marrin dhe e gëzojnë ligjërisht e financiarisht nuk janë në gjendje t’i mbulojnë kërkesat e tyre të domosdoshme për jetesë afër normales, për të pasë një jetë normale në Kosovë.

               Në Kosovën tonë asnjë pensioner me aq pension që merr nga Shteti i Kosovës nuk e gëzon jetën e vet, nuk i gëzohet jetës së vet, pasi jetojnë me sakrifica veç sa për të hangër bukën e përditshme, pasi hanë bukë veç sa për të jetuar. Pra, jemi në një kohë të stërkeqe të pensioneve në Kosovë kur pensionerët nuk e jetojnë jetën me pensionet e tyre!

               Skema e Pensioneve në Kosovë, e thënë ndryshe, figurshëm e reale, i ka katër “V” për pensionerët e Kosovës tonë. “V”-ja e parë: pensionerë të (Varfër).  “V”-ja e dytë: pensioner të (Varur) financiarisht nga të tjerët, tek të tjerët, deri te lypja për ndihma për jetesën e përditshme. “V”-ja e tretë: pensionerë të (Veçuar) nga të tjerët e punësuar e deri nga shoqëria e të pensionuarëve si dhe nga shembujt e mirë të pensioneve në botën euro-atlantike, në vendet e BE e të NATO-s drejt të cilave po don për të shkuar shteti ynë i Kosovës. “V”-ja e katërt: kemi pensionerë të (Vjetër), të cilët sa më të vjetër të jenë në moshë aq më keq e përjetojnë realitetin e jetësës së përditshme  dhe integrimet e tyre morale e jetësore në shoqërinë e sotme.

               Shteti ynë i Kosovës për vitin 2017 ka paguar pensione për rreth 240 mijë qytetarë përfitues të tyre, në një shumë totale rreth 340 milionë euro, ndërkohë që buxheti i shtetit të Kosovës  i kishte vetëm 1.8 miliardë euro për vitin e kaluar kalendarik. Kjo do të thotë shumë për shumçka që nuk na vjen hiç mirë: edhe në vitin 2018, edhe më 2019, edhe më 2020 e në vazhdimësi kohe, shpenzimet totale për pensionet në Kosovë do të jenë në rritje, edhe më të larta, edhe më të mëdha, po prapëseprapë pensionet kanë me mbetë të ulta, pasi rritja e tyre do të jetë e pakët, do të jenë në shifra që nuk i ndjen ekonomia vetjake e familjare e pensionerit, nuk e gëzojnë asnjë pensionerë të Kosovës tonë.

               Në këto kushte, përballë këtyre problemeve, në këtë udhë pa perspektivë të mirë të pensioneve duhet patjetër një reformim i shpejtë dhe i drejtë i Skemës së Pensioneve në Kosovë duke mos e parë si një zgjidhje politike, po për të ndryshuar gjendjen, për të mos pasë padrejtësi ligjore e financiare, e cila kërkohet e duhet si një domosdoshmëri financiare e jetese për pensionerët e Kosovës, për Kosovën tonë.

Itali: Në pranga biznesmeni Gëzim Sallaku dhe 3 vëllezërit e tij – ja akuzat

Policia italiane ka vënë në pranga biznesmenin dhe sipërmarrësin shqiptar, Gëzim Sallaku së bashku me vëllezërit Taulant, Gazmir dhe Isuf Sallaku me akuzën e armëmbajtjes pa leje.

Pas kontrolleve në një garazh, autoritetet italiane gjetën dhe sekuestruan  në cilësinë e provës materiale edhe 3  pistoleta si dhe materiale të tjera të paligjshme. Gjetja dhe zbulimi i tyre ka ardhur pas një operacioni në provincën e Breshës, teksa janë vënë në pranga edhe 22 persona të tjerë, të cilët dyshohen të jenë përfshirë në trafikim droge, raporton “BalkanWeb”.

Gëzim Sallaku ka në pronësi  shoqërinë sportive “Darfu Calcio”, teksa në ushtrimin e këtij aktiviteti ai është akuzuar për pjesëmarrje në aktivitet kriminal, shmangie taksash, evazion fiskal si dhe falsifikim dokumentesh.  Pas dyshimeve të forta si i përfshirë në këtë aktivitet, Sallaku u arrestua menjëherë dhe autoritetet vendosën sekuestrimin e pasurisë.

Gjykata italiane vendosi të heqë masën e sekuestrimit të pasurive, pasi nuk kishte siguruar dot prova që të implikonin biznesmenin shqiptar në aktivitete e mësipërme.

Mbiemri Sallaku është bërë tashmë i njohur për policinë italiane. Ditë më parë, një tjetër i afërm i vëllezërve Sallaku u arrestua me një 1 kg kokainë të pastër,  ndërsa bashkë me të në pranga përfunduan edhe dy bashkëpunëtorë të tjerë.

E duam Evropën deklarativisht por s’e duam praktikisht – Nga Nue Oroshi

Politikanët shqiptarë në Shqipëri dhe në Kosovë me daklarata janë shumë proevropian madje nuk mundet tua kalon kush për proevropianizëm, por me veprim janë anti evropianët më të mëdhenjë.Sidomos kur kanë të bëjnë më ndonjë gazetë apo revistë Evropiane ata shkrihen duke deklaruar se ne jemi Evropian, kurse në momentin që takohen me ndonjë delegacion aziatik ta nxem me Erdoganin ata thonë ne jemi vëllezër. Për këtë veprim antievropian do të bëjë analizën e dy veprimeve politike njëri politikanë në Shqipëri me emrin Ilir Meta ndërsa tjetri në Kosovë me emrin Enver Hoxhaj. Për Ilir Meten dihet nga qarqet politike ndërkombëtare se është Presidenti më i kriminalizuem nga të gjithë presidentet e shtetëve të Evropës,ka një të kaluar tmerrësisht të papastër në raportë me krimet politike dhe ekonomike në Shqipëri.

Dhe nuk është rastësisht që ta kundërshton një kandidat të propozuar nga Gjermania për Ministër të punëve të brendshme të Shqipërisë. Refuzimi që i bëri gjeneral Sander Lleshit , Ilir Meta nuk është një refuzim i thjeshtë por në mbrendësi ka një veprim kriminal dhe banditesk, për faktin se ai e shkelë Kushtetutën e Republikës së Shqipërisë me këtë mosdekretim.Në këtë rast politika në Shqipëri duhet ti kërkon dorheqjen e presidentit, por ajo nuk ndodhë.Nuk ndodhë për faktin se edhe Edi Rama,Sali Berisha,Lulzim Basha dhe Ilir Meta janë marrur veshë që mos të jetë Gjeneral Sandër Lleshi -Ministër i mbrendshëm për faktin se gjatë rrugetimit të reformave që duhet të bëhen patjetër në Shqipëri nëse deshiron të jetë pjesë e Evropës ju dalin në fakt shumë te palara tri partive politike në Shqipëri që për 27 vjet janë duke qeverisur me Shqipërinë dhe kanë krijuar rrjetët e veta qoftë në aspektin e shtrirjes politike qoftë në aspektin e përfitimeve ekonomike.Me një fjalë ata ditën në Parlament bëhen copë e grimë me njeri- tjetrin ndërsa natën i ndajnë zonat e veprimit.

Për këtë dëshirojnë që t’iu shtyhet qëndrimi në pushtet edhe për një kohë sa është e mundur.Dhe nuk është e rastësishme që politikani që dikur kishte mustaqe të maqorrit dëshiron ta bjen Shqiperinë buzë vorrit.Ishte i pari ish Presidenti Bujari i Nishangjive, që e filloj propagandën kundër gjeneralit shqiptarë Sander Lleshi.Ndërkohë që rasti i dytë është me zavens kreministrin e Kosovës Enver Hoxhaj

.Enver Hoxhaj me deklaratat e tij po don t’i shpallë kundërshti Evropës me atë moton e Enver Hoxhës së parë se dy miljon jem që e ham bukën me 200 e kapim pushkën.Edhe pse ky Enveri i dytë e them lirisht se është me i zgjuar dhe me i shkolluar se ai Enveri i parë dhe nuk ka shpirt krimineli, ky Enveri i dytë tash është në hallë të madh.Është në hallë për faktin se dy shefat e tij shefii i partisë Kadria dhe shefii i Presidencës Hashimi te dyve ju ka hyrë frika në bark dhe i bëjnë shtypje Enverit si me i zgjuari në PDK- që është të jepë deklaratë dhe intervista për t’i prishur mardhëniet me Evropën nëse nuk lëshohen vizat. Shkaku që nuk lëshohen vizat janë pikërisht politikanët e Kosovës që e kanë sjellë në këtë gjendje Kosovën.

Dhe kjo bëhet nga shkaku i frikës që kanë shtetët e Evropës se më tu lëshuar vizat, rinija e Kosovës do të lëshojnë Kosovën.Për këtë politika Evropiane e ka zgjedhur një rrugë tjetër. Nuk dëshiron me ju dhanë poena politike politikës aktuale të Kosovës por dëshiron që të konfrontohet direkt me këta politikanë për ta quar shtetin e Kosovës përpara.Prandaj unë ju them popullit të Kosovës se Evropa nuk ka asgjë kundër popullit të Kosovës, por kundër politikanëve që ky popull i ka zgjedhur.Vetëm diktatorët politikë nuk e pranojnë asnjëherë largimin nga politika.

Politikanët me vlera perëndimore kur i shohin gabimet e tyre në politikë ata vetvetiu largohen për t’iu hapur rrugë ndryshimeve politke në vendin e tyre që ju shërbejnë me devotshmëri por që gjatë rrugëtimit politikë kanë bërë edhe gabime që politika në botën perëndimore nuk do t’iu falë. Është fatkeqësi që politikanët tanë shqiptarë, përkundër shumë veshtirësive, që ju sjellin popullit shqiptarë si në Shqipëri si në Kosovë ata asnjëherë nuk e shohin fundin politik të tyre.Por mundohen që të gjejnë edhe me tepër metoda që ta shkatërrojnë shtetin dhe vendin e tyre qoftë edhe duke e futur në pazar teritorin e shtetit të tij siç po vepron Hashim Thaqi në këmbim të mbetjës në pushtet.Prandaj nuk është rastësi se këta politikanë e duan Evropën vetëm deklarativisht se veprimet e tyre politike i kanë krejt dikund tjetër.Prandaj nuk kanë thënë kotë dijetarët nga e folura në të bërë është në mes një det i tërë.

Ndryshimi i mentalitetit qeverises dhe vrapi për të qeverisur me të njëjtin mentalitet janë në kundërthënie me njëra-tjetrën – Nga Nue Oroshi

Partitë politike në Republikën e Kosovës shpesheherë kur marrin turr për të arritur deri tek karrikat e Qeverisjes ato nuk zgjedhin mjete dhe metoda për të realizuar qëllimin.Shumica e partive politike në Kosovë të qenurit në Qeveri dhe në pushtet e kuptojnë vetëm sjelljen e mirëqenies materiale te udheheqesve të këtyre partive politike si dhe të rrethit,miqve, familjarëve e veprimtareve të tyre politikë.Duke mos e kuptuar fare rëndësinë e të qenurit në pushtet që sjellë përgjegjësi për politikanin për të përmisuar mirqenien e popullit qoftë në aspektin ekonomik të zhvillimit të arsimit, bujqësisë, turizimit, zhvillimit të vendit përmes projekteve të zhvillimit duke siguruar kushtet në sjelljen e investitorëve të huaj dhe serioz qe hapin vende te reja të punës.Fatkeqësisht partitë tona politike janë larg të qenurit parti që punojnë për të mirën dhe mirëqenien e popullit të Kosovës. Ato sillën rreth një rrethi viciozë ku qëllimi i tyre është ardhja në pushtet e jo ndryshimi i mentalitetit qeverisës.Mosndryshimi i mentalitetit qeverisës sjellë pasoja në qeverisje sepse nuk ka rëndesi fare nëse në krye të Kosovës, është Hashimi, Ramushi,Albini,Isa apo Kadria kur të gjithë i turrën pushtetit me një qëllim të caktuar, për ta shfrytzuar pushtetin për vete dhe për të vazhduar të njejtën këngë që këndohet tash e 18 vjet me radhë.Kështu që partitë tona politike asnjëherë gjatë konferencave për shtyp nuk dalin me një projekt të shkruar e të ndarë nëpër sektore të ndryshme se si do ta realizojnë qeverisjen e tyre në Kosovë dhe cilët do të jenë faktorët kyç që do të luajnë rolin e ecjës përpara, pasi të vijnë në pushtet, por tërë fuqinë dhe energjinë e hargjojnë duke luftuar me njëri-tjetrin për të ardhur në pushtet dhe në momentin që vijnë në pushtet brengën kryesore e kanë ndarjen e pushtetit dhe jo zhvillimin e shtetit.Duke e ndarë pushtetin ata mbesin peng i zhvillimit të shtetit për faktin se pushteti është i ndarë në shumë duar dhe ndërrimi i shpeshtë i ministrave dhe zv.ministrave bënë që atyre mos t’iu ipet mundësia që t’i zhvillojnë aftësitë e tyre në ministrinë që e qeverisin por duhet shikuar gjithmonë se mos rastësisht lideri i tyre ka disponim të keq dhe mundet me e shkarkuar sikur të ishte një mallë që shitet e blihet në pazar.

Si duhet bërë ndryshimi i mentalitetit qeverises

Në Kosovë duhet ndryshuar mentaliteti qeverises.Politikani në pushtet duhet të mbron interesin e shtetit dhe jo të partisë apo grupit politik nga ai vjen.Dhe vetëm në këtë mënyrë kur interesi i mbrojtjes së shtetit del para interesit të partisë apo grupit politikë ndryshimi qeverises mund të ndërrohet.Por shtrohet pyetja se a mundë të bëhët ky ndryshim qeverises me të njëjtit aktorë të lojës politike që tash e 18 vjet e kanë sjellë Kosovën në këtë gjendje është shumë e veshtirë të ndodhë një gjë e tillë. Është shumë e veshtirë të ndodhë se në Kosovë liderët tanë politikë kolltukun e shikojnë ta mbajnë gjatë tërë jetës dhe asnjëherë nuk mendojnë atë thënjen profetike të Kancelarës Gjermane dr.Angela Merkel, se nuk jam lindur ne karrikën e Kancelarës Gjermane dhe shumë herë kam menduar se një ditë do të largohem nga kjo karrikë për t’i hapur rrugë ndryshimeve të reja politike.Edhe nëse mbahen zgjedhje të reja në Kosovë dhe skena politike është e njejtë pa një projektë dhe koncept të shkruar se si duhet ndryshuar mentaliteti qeverises atëherë do të vazhdoj e njëjta këngë në politike veq me atë moton shkoj Hasani e erdh Hyseni, rrini popull se mirë jeni! Pasi që po shihet një ndarje në blloqe politike të partive aktuale në Kosovë, ku në njërën anë e kemi një bllok të ri politikë në mes të LDK-së dhe Vetvendosjes si dhe bllokun aktual politikë që janë në qeverisje plus Partinë Socialdemokrate që llogaritët që në zgjedhje të ardhshme do të jetë në krahun politikë të partive që e kanë pushtetin, edhe nëse mbahen shpejtë zgjedhjet nuk do të ketë zgjidhje. Nuk do të ketë zgjidhje për faktin se krijohet sërish një ambient i ndarë në dysh dhe që mund të zgjasë me muaj deri te themelimi i Qeverisë së re. E duhet gjindur ndonjë prostitutë politike siç është rasti me Behgjet Pacollin, që të ndertohet ndonjë qeveri e brishtë.Për të shpëtuar këtë ngërç politikë si dhe për të ndryshuar mentalitetin qeverises në Kosovë është mirë që në të ardhmën 110 intelektualë dhe intelektuale shqiptarë të Kosovës, që jetojnë në Kosovë dhe diasporë te dalin në zgjedhje me një projekt të përbashkët politikë për ndryshimin e mentalitetit qeverises në Kosovë. Ku do t’iu bëhet e qartë popullatës në Kosovë se ndryshimi vjenë vetëm kur ju ta kuptoni rëndësinë e një projekti të ri politikë që Shtetin e Kosovës e afron shumë më afër shteteve Evropiane.Nëse ky projekt i Intelektualëve dhe veprimtarëve të paknaqur politikë në Kosovë do të fiton 20 % të elektoratit të Kosovës jam thellësisht i bindur se ndryshimi i mentalitetit qeverises në Kosovë do të fillon të ndryshoj për faktin se ky subjekt politikë i vënë kushte bllokut politikë që dëshiron të qeverisë për mosriciklimin e politikanëve dhe ministrave të vjetër por në krye të shtetit dhe qeverisjes të dalin djemtë dhe vajzat tona më të mirë që kanë aftësinë politike,kanë vizionin se si ecë shteti përpara duke lënë inatet dhe prapambeturit politike që bazohen në koncepte të vjetra politike dhe që kanë një orjentim të vjetër politikë. Vetëm një elitë e re politike e shpëton Kosovën në ndryshimin e mentalitetit politikë dhe qeverises në Kosovë, për faktin se ne shqiptarët me shumë veshtirësi i pranojmë ndryshimet e reja politike dhe prapë ankohemi se pse gjerat nuk po ecin përpara.

Shoqata SHSHGJ “Bekim Berisha – ABEJA’’organizon për të katërtin vit rradhas “Darkën e Lamës”

Shoqata SHSHGJ “Bekim Berisha – ABEJA’’ në Gjermani organizon për të katërtin vit rradhas “Darkën e Lamës” sipas traditës të krijuar nga Presidenti Ibrahim Rugova që përveçse lider politik ishte edhe një figurë e letrave dhe kulturës me përmasa europiane.

Në ftesën e vendosur në rrjetin social shkruhet si më poshtë:


“Përzemërsisht ftoheni në kremtimin tonë-tuaj (të katërtin me radhë) ,,Darka e Lamës’’, organizuar nga SHSHGJ “Bekim Berisha – ABEJA’’.

Pjesëmarrja juaj e nderon dhe madhështon evenimentin tonë tradicional.


Në Sofrën Dardane keni rastin të shijoni llojllojshmëri ushqimesh nga tradita jonë dhe të përjetoni plot befasi të këndshme!”

http://photos1.blogger.com/blogger/3082/1714/1600/051023_darkaelames1.jpg

“Darkës së Lamës” e njohura edhe si “Darka e Fushës”, “Darka e bereqetit”, etj.

“Darka e Lamës” është festë tradicionale shqiptare, e cila zakonisht është mbajtur në fund të tetorit kur janë vjelë të mirat e punës verore. Quhet e Lamës, sepse “Lama” ka qenë vendi i rrafshët në fshatra malore, ku janë shirë të korrat, kryesisht të misrit. Ndërsa në fushë ka marrë emrin “Darka e Fushës”, pasi janë vjelë të mirat e saj, kryesisht të grurit.

Lama po ashtu ka qenë vend gravitues i solidaritetit dhe reciprocitetit mes fshatarëve shqiptarë, duke ndihmuar njëri- tjetrin me fuqi punëtore. Duke qenë se te shqiptarët sfera bukësore ka qenë pjesë e rëndësishme e hollimit etik, “dhënia e bukës” ka qenë aspekt esencial i marrëdhënieve sociale tradicionale.

Darka e Lamës apo Dita e Falenderimeve është festa jonë tradicionale, e moçme që prej kohëve të dardanëve ilirë, që ka bashkuar të gjithë njerëzit e Kosovës me njëri-tjetrin dhe me të ardhmen e tyre.

Duke ditur rëndësinë tradicionale që ka kjo festë, Ish Presidenti historik Dr.Ibrahim Rugova Festën e Ditës së Falënderimit – “Darkën e Lamës”  filloi ta zyrtarizojë dhe për çdo vit , më 24 tetor e organizonte si dhe e kishte cilësuar si një festë tradicionale popullore dhe familjare e Kosovës dhe në viset e tjera shqiptare.

Zakonisht në darkën tradicionale përgaditeshin shtalba të pjekur e kallamoqa të zier, hashure, fasule,  patate, kunguj të zier, petulla, mazë të zier, gatime me mbrumëra të ndryeshëm si; pogaçe, pite me rrathë, kërlana me rende, flia e vakarrime, çervish e përshesh me kos e tambël, pekmez dhe reqelna me rrush e me pemë të ndryshme, turshi, mishëra të ndryshëm; bibanë, qengja të pjekur…etj.

Po ashtu edhe pijet nuk kanë munguar në sofër, siq ishin: verë rrushi, kos të kulluar, lëng rasoji…etj.

Të gjitha këto ishin dhe janë specialitete nga tradita dardane nga toka jonë e bereqtshme, në të cilën nuk mungojnë edhe sallatat me speca, lakra, domate e kastravecave.

Zakonisht gjatë kësaj feste bëhen lutje dhe falenderime ndaj Zotit për të mirat që na i ka falur brenda një viti dhe i lutemi Atij që në vitin tjetër, në motin tjetër të na falë, të na dhurojë më shumë të mira.

 

Si i trajtoi krimineli Enver Hoxha pasardhësit e Ismail Qemal Bej Vlores dhe ku gjindet proceverbali i Pavarsisë së Shqiperisë – Nga Nue Oroshi

Gjysma e Pavarsisë së Shqiperisë e cila erdhi si këmbëngulje e atdhetarëve shqiptarë dhe përkrahjes që i bëri Mbretëria e Austro-Hungarisë në krye me Franz Jozefin e cila përkrahje ishte vendimtare që të formohet edhe kjo gjysmë e Shqiperisë duke u nisur nga fakti se Perendoria Osmane e cila ishte në shkatërrim e sipër i dorzonte serbeve dhe malazezeve qytetet Shqiptare siç ishte rasti i Shkodrës,Kosovës, Malsisë së Madhe dhe shumë vendbanimeve tjera shqiptare.Por ajo që deshiroj ta trajtoj sot në këtë shkrim do të jetë fakti se ku gjindet procesverbali i shpalljës së Pavarësisë së Shqipërisë dhe çfarë trajtimi ju bëri krimineli Enver Hoxha familjarëve të mbetur të Ismail Qemail Bey Vlorës. Djali i vogël i Ismail Qemail Bey Vlorës, Qamili u burgos dhe pas lëshimit nga burgu ai ishte i sëmurë rendë nga semundja e mushkërive dhe në vitin 1950 vdes në heshtje pa e ditur kush përpos familjarëve të ngushtë. Fati edhe më tragjik e ndjeki percjellësin me të afërt të Ismail Qemail Bey Vlorës, Qazim Bey Vlora. Qazimi gjatë gjithë kohës e kishte percjellur të atin, me një fjalë ishte sekretari i Ismail Qemail Bey Vlorës. Ai u helmua në Perugjia të Italisë së bashku me Ismail Qemail Bey Vlorën nga të derguarit e Esat Pashë Toptanit për shkakun kryesorë të ndalimit që të mos merrte pjesë në Traktatin e Versajës ku edhe mori fund definimi i kufijeve të rinj të Evropës dhe ky Traktat i filloj punimet më,28 Qershor 1919 duke i perfunduar më,21 janar 1920. Prej vitit 1920 e deri në vitin 1944 të gjitha Qeveritë shqiptare që kaluan në shenjë respekti për familjen e Ismail Qemail bey Vlores ja akorduan një pension për familjen dhe atë pension e kishte marrë Qazim Bey Vlora. Me të ardhur në pushtet komunistët e Rusisë në Shqipëri ata si moto e kishin shkatrrimin e familjeve tradicionale shqiptare dhe jo vetëm mashkujt por edhe grat e fëmijët e këtyre familjeve, për këtë janë dëshmitë e burgjeve dhe kampeve të Tepelenës dhe gjithandej Shqipërisë. Qazim Bey Vlora pas një polemike me kriminelin Enver Hoxha ai e leshoj Shqiperinë dhe u vendos në Strugë.Por me vete mbante gjithmonë një grumbull dokumentësh. Dhe pikërisht këto dokumente ishin mjaftë me vlerë për historinë e Pavarsisë së Shqipërisë.Qazim Bey Vlora vdiq në vitin 1953 në Strugë i rrethuar nga struganët atdhetarë. Ai u varrosë në varresat e këtij qyteti dhe dokumentët e tij u konfiskuan nga policia komuniste e asaj kohe. Shtrohet pyetja a ruhet dikund ky procesverbal i Pavarasisë së Shqipërisë apo është zhdukur si shumë dokumente të vlefshme të historisë sonë shqiptare.Është mirë të verifikohet fakti nga historianët shqiptarë në Maqedoni se çka në të vërtetë ka ndodhur me këto dokumente që i ka pasur me vete Qazim Bey Vlora. Mund të ketë ndodhur që para vdekjes t’iu ketë dhënë ndonjë miku të tij të afërm apo vërtet këto dokumente janë konfiskuar nga policia komuniste e asaj periudhe kohore.Gjetja e këtyre dokumentëve është mjaftë e rëndësishme për ditën e 28 nëntorit 1912 kur është shpallur Pavarsia e Shqipërisë. Dilemat që duhet të qartësohen ishte edhe fakti se a kishte perfëqësues pjesëmarrës në këtë kuvend nga Austro-Hungaria dhe Gjermania kur u shpallë Pavarësia e Shqiperisë më,28 nentor 1912 sepse dihet mirëfilli se diten kur është shpallë Pavërsia e Shqiperisë Flamurin Shqiptar që është shpallur Pavarsia e Shqipërisë nga shtepia e Ekrem Bey Vlorës e ka marrur shkrimtarja dhe studiuesja gjermane Mari Amelie von Godin dhe ju ka dhanë luftëtareve shqiptarë dhe pikërisht ky Flamur ka valuar në Vlorë më,28 Nëntor 1912.Këto janë edhe shumë fakte të tjera që flasin se Pavarsia e Shqipërisë kishte ardhur pikërisht nga mbeshtetja që i kishte dhënë Austro Hungaria dhe Gjermania shtetit të posaformuarë shqiptarë në kohën më të vështirë kur aleancatë serbo-malazeze-osmane ishin në muajin e mjaltit të tyre për shkatërrimin e kombit tonë shqiptarë.

Mos i hani paret e krajlit se shenjë të zezë po i leni djalit – Nga Nue Oroshi

(turk e shka janë bërë vëlla kundër Gjergj Kastriotit tonë të madh-Nue Oroshi)

Trojet shqiptare gjatë historisë së përgjakur shumë shekullore e perveç shumë atdhetarëve që u munduan ta bëjnë Shqipërinë dhe që i falën çdo gjë që patën nga pasuria ekonomike, si dhe pasuria mendore dhe fizike e me në fund dhanë edhe jetën , pati edhe shumë prej xuxarëve apo tradhtarëve që përfituan financiarisht në dëmë të popullit dhe shtetit shqiptarë.Në popull nuk është dalur rastësisht shprehja “Mos i hani paret e Krajlit se shenjë të zezë po i lëni djalit!” Kohë më parë nëpër mediumet e shkruara dhe elektronike është përhapur një lajm për financimin e Ministrisë së jashtme greke duke i paguar disa shpirtshitur shqiptarë që të luajnë lojën politike dhe mediatike të Greqisë në Shqipëri. Fatkeqësisht vargu ishte i gjatë i këtyre shpirtshiturve që u shitën tek krajli i Greqisë.Por kjo nuk është e tëra. Situata edhe më keq qëndron në Republikën e Kosovës ku aty janë përzi e po bëjnë kerdi shumë krajli.Edhe me trishtues është fakti se në mesin e këtyre xuxarëve që ishin shitur tek Greku, ishte edhe një Parti e ashtuqujatura Parti që mirret me mbrojtjën e të drejtave të Çamëve duke mos e pranuar këtë fakt me doli përpara Gjin Bua Shpata dhe Pjetër Losha, dy princerit Arbërorë të Principatës së Artës dhe më qortuan shumë rëndë se si është katandisur kështu Çameria, dhe papritmas mu kujtuanë disa vargje të një miku tim poet ku thoshte:”Varret Çameri Varret, duan jetë liri, uratën ,këngën edhe vajin thuaje shqip Çamëri.” Kanë harruar këta xuxarë-tradhëtar eshtrat e çamëve që u masakruan dhe u debuan nga trojet e tyre. Situatë aspak më e mirë nuk qëndron as në Republikën e Kosovës dhe tek shqiptarët e Maqedonisë, ku dikush po i hanë parët e krajlit të Serbisë, dikush po i hanë parët e sulltanit të Turqisë dhe dikush parët e Carit të Rusisë. E disa fatkeqësisht po hanë në të gjithë këta vegsha duke u bërë pjesë e shkatrrimitë të Kosovës dhe Maqedonisë shqiptare.Nuk është e rastësishme se në Kosovë kemi milonerë që u pasuruan aq shpejtë sa qelë e mbyllë sytë. Dihet mirfilli se në shtetet perëndimore duhet punuar shumë gjatë një firmë private për të ardhur deri tek kapitali i madh, madje ato edhe trashëgohen nga babai tek djali, dhe çdo njëri e jep nga një kontribut të madh që ta bën rritjen e firmës me këtë të ndërtohen edhe mirëqenien familjare dhe shoqërore, ku paralelisht pasurohet edhe shteti me tatimet që merr nga këto firma.Meqë jemi në vitin jubilarë të Gjergj Kastriotit tonë të madh këtu dëshiroj ta potencoj edhe një fakt .Janë miljona euro që Turqia dhe Serbia kanë futur në qarkullim duke u munduar që ta denigrojnë dhe ti hupin qëndresën heroike të Gjergj Kastriotit-Skënderbeut,e para nga inatet dhe mllefi që eshtrat e sulltaneve,jeniçerëve e pashallarëve të vrarë mbetën në Trojet Arberore dhe e dyta nga gjelozia dhe urrejtja patologjike kundër shqiptarëve, si dhe për faktin se nuk ka arritur asnjëherë ta ketë në mesin e tyre një hero të permasave Evropiane që njihet ndërkombëtarisht por vetëm ka pjellur mite dhe mitologji pa asnjë efekt konkret. Ku turk e shka janë bërë vëlla kundër Gjergj Kastriotit tonë të madh. Fatkeqësisht edhe këtu një pjesë bukur e mirë e shqiptarëve kanë ra pre duke marrë mjete të mëdha nga Turqia dhe Serbia për ta denigruar heroin më të madh shqiptarë të të gjitha kohërave Gjergj Kastriotin. E poeti do të shkruante: “Krujë o qytet i bekuar-Prite ,prite Skënderbeun po vjen si pëllumb i shkruar ta shpëtoj mëmëdheun!”E unë do të thoja:”Lezhë o qytet i bekuar, prite prite Kastriotin-se shumë shpejtë do të pretë edhe Prizreni-për ta lutur dhe falur shqip edhe Zotin.”