VOAL

VOAL

Please Wait ...
0%

A e bëri fjalimin e Bashës me thirrje për ‘luftë’, Zheji tregon sekretin

By | February 27, 2017

Komentet

Shkrimtarja Natasha Lako i drejtohet publikisht z.Josif Papagjoni dhe jep alarm “akademik” !

Në rrjetin social shkrimtarja Natasha Lako jep alarmin rreth mungesës të kritereve në përgatitjen e Enciklopedisë të Artit që është në botim e sipër.
“Sikur e gjithe Enciklopedija te jete ndertuar nga keto kritere do te jete nje marrezi shqiptare”, alarmohet shkrimtarja.
Më poshtë po e sjellim të plotë statusin e saj :

 

“Rastesisht kam pare sot nje shenim ‘Enciklopedik’,

fragment i Enciklopedise se artit” qe do te dale se shpejti nga botimi,

ku flitej per krijimtarine e te ndjerit Muharrem Fejzo.

I them publikisht zotit Josif Papagjoni,

nje prej autoreve,

se do te jete nje botim jashte çdo kriteri enciklopedik.

Se pari nuk vihen ne enciklopedi shkrime personale

qe i perkasin kritikes dhe jo kritereve per nje enciklopedi.

Se dyti, nuk eshte gjuhe enciklopedike nje fraze e tille si “jane ujdisur”.

Dhe se treti. Nuk mund te vihen en bllok te njejtat shkrime te shkruara 40 a 50 vjet me pare,

vetem e vetem nga pertesa e sotme intelektuale.

Po e leshoj kete alarm se do te jete nje turp “akademik.”

Sikur e gjithe Enciklopedija te jete ndertuar nga keto kritere do te jete nje marrezi shqiptare.

“Kujt po i shërben Edi Rama?”, PD i përgjigjet kryeministrit: Mjaft e keqpërdore Kosovën!

TIRANË

Partia Demokratike deklaroi sot se kryeministri Edi Rama sot se është zhytur në batak, vetëm e vetëm për të larguar vëmendjen e njerëzve nga skandalet dhe vjedhjet e muajve të fundit dhe dështimi në përballjen me krizën e COVID-19.

Nënkryetari i PD-së Edi Paloka teksa publikoi një video me deklaratat për UÇK-në, Shtëpinë e verdhë dhe kreun e PD-së Lulzim Basha tha se gjithë skema e mashtrimi është rrëzuar tashmë. Paloka i kërkoi kryeministrit Rama të mos e keqpërdorë më Kosovën duke shtuar se ia “ka borxh Hashim Thaçit e Jakup Krasniqit gjithë ç’ka sajuar”, pasi “ditën që ata përballeshin me akuzat e Vuçicit, firmosi me të marrëveshje”.

DEKLARATË E PARTISË DEMOKRATIKE, NËNKRYETARI EDI PALOKA

Për Edi Ramën dhe të gjithë mercenarët e ti, më poshtë👇janë me zë dhe me figurë të gjitha përgjigjet që ti u fshihesh dhe nuk do t’i dëgjosh:

Që ti dhe Ministria e Jashtme Ruse jeni të vetmit që flisni akoma për Shtëpinë e Verdhë.

Që kasetën, dëshmitari yt ia kishte dhënë BBC në prani të Dash Pezës dhe jo Lulzim Bashës.

Që përkthyesi në Shtëpinë e Verdhë ishte Artan Grubi dhe jo Lulzim Basha.

Që Lulzim Basha, siç deklaroi dhe prokurori i EULEX-it nuk kishte qenë KURRË pjesë e asnjë hetimi ndaj UÇK-së.

Që, siç pohoi edhe miku yt Baton Haxhiu në Opinion, pretendimi se Lulzim Basha ka qenë i pranishëm në arrestimet e komandantëve të UÇK-së është gënjeshtër.

E gjithë skema jote e mashtrimit që ke ngritur deri më sot kundër Lulzim Bashës, u rrëzua.

Shiko në çfarë bataku e zhyte veten, vetëm e vetëm për të larguar vëmendjen e njerëzve nga skandalet dhe vjedhjet e muajve të fundit dhe dështimit në përballjen me krizën e COVID-19.

Mjaft e keqpërdore Kosovën! Sot ia ke borxh Hashim Thaçit e Jakup Krasniqit gjithë ç’ke sajuar. Ditën që ata përballeshin me akuzat e Vuçicit, në Hagë ti firmose me të marrëveshje.

Ia ke borxh Kosovës dhe shqiptarëve përgjigjjen, pse vetëm ti dhe Ministria e Jashtme e Federatës Ruse flisni akoma për Shtëpinë e Verdhë. Edi Rama, mjaft e dëmtove Kosovën, mjaft e bëre pis luftën e UÇK-së për të fshehur dështimet e tua.

Po vjen dita të japësh llogari për të gjitha dështimet dhe zullumet e tua në kurriz të shqiptarëve! bw

“Akt banditesk, shtetëror”, Kastriot Islami tjetër reagim pas shoqërimit në polici

Ish-deputeti dhe ishkryeparlamentari Kastriot Islami reagon sërish në lidhje me shoqërimin në polici një ditë më parë, teksa u kap pa maskë duke ecur në zonën e liqenit artificial në Tiranë.

Ai e konsideron shoqërimin si të porositur dhe të urdhëruar, ndërsa shton se është më i angazhuar dhe me i vendosur se më parë për të vazhduar betejën kundër së keqes.

Reagimi i plotë:

Veprim i urdhëruar, i porositur apo i parafabrikuar!
Përndryshe grabitje e personit publik dhe akt bandistesk! Jo thjesht kunder meje se une as trembem dhe as stepem madje motivohem me shume!
****

Jam plotësisht dakord! Madje do te shtoja edhe me shume nga çfarë shkruan miku im me poshte qe me siguri nuk eshte ne dijeni te plote te te gjithe ngjarjes se turpshme dhe barbare…!

Kete qe shkruan me poshte miku im e vërtetova dje katerciperisht, jo se nuk e dija apo nuk e mendoja… !
Po vendos ne faqen tim komentet e mikut tim, njeriut te arsimuar ne perendim, dhe qe ka sherbyer me dinjitet te larte, atdhedashuri e profesionalizem ne poste kyce te shtetit:

“Cfare paturpesie dhe gjysmë-banditizmi…!
Ndalimi, Izolimi dhe perdorimi i forces ne Komisariat policie kunder ish-Kryetarit te Kuvendit, ish-Ministrit te Jashtem te Shqiperise, profesorit te Surbona së Parisit dhe figurës politike dhe publike nder me te njohura ne Shqiperi – pa shkak, pa shkas e preteks qofte edhe formal, por, puro per provokim dhe intimidim te shenjestruar politik…!

Cfare turpi…!!!
Edhe shteterore – jo vetem policore…!!!”

Kaq… me shume do te shkruaj ne vijim…

P.S: Jam me i angazhuar dhe me i vendosur se me pare per te vazhduar betejen kunder se keqes… Kjo qe ka ndodhur jo vetem nuk me step apo ligeshton por me ka dhene me shume force e energji per te bere betejen me te keqen e madhe qe ka kapur per fyti vendin dhe shqiptaret! KAQ per kete rradhe!

OFL ‘shkrihet’ më 1 janar. Nëntë muaj aksione, por deri tani asnjë pasuri krimi nuk është konfiskuar

Prej 1 janarit të vitit që vjen (1,1,2021) s’do të dërgohet më asnjë formular në kuadër të Operacionit Forca e Ligjit.

Pritet që pas disa ditëve të vendoset ndërhyrja në ligj për të zgjatur vetëm afatin e proceseve në hetim dhe ato në gjykim deri në përfundim të tyre.

Nga ana tjetër për subjektet e OFL-së do të vendoset kushti për t’u përjashtuar nga tenderat publik dhe ofrimin e shërbimeve publike.

Prej shkurt 2020 deri tani ende asnjë proces gjyqësor nuk ka përfunduar me konfiskim të pasurisë për llogari të shtetit. Janë 192 kërkesa që ka trajtuar SPAK, nga të cilat OFL ka kërkuar 49 konfiskime por janë ende në proces.

Sipas ligjit pasuritë e sekuestruara do ktheheshin në kopshte, çerdhe, shkolla apo rajone policie.

Vendimi për mos dërgim formularësh është marrë nga drejtues të OFL-së, dhe pritet të zyrtarizohet edhe ligjërisht.

Lulzim Berishës i kthehen të gjitha asetet e sekuestruara, tani nën hetim janë autoritetet shtetërore

Nga Vladimir Karaj

Prokuroria e Durrësit vendosi heqjen e sekuestros ndaj kompanisë RAJAN 2007 me aksioner Lulzim Berishën –ndërsa po vazhdon hetimet ndaj autoriteteve që i dhanë dhe i revokuan licensat – pa njoftuar Doganën.

Prokuroria e Durrësit vendosi më 6 nëntor të heqë sekuestron dhe t’i kthejë Lulzim Berishës kompaninë “Rajan 2007” dhe asetet e sekuestruara, përfshi 1.2 milionë litra gazoil për anije –duke shfryrë si flluskë sapuni një operacion të OFL të trumbetuar në maj të këtij viti.

Operacioni i OFL-së u shpërnda edhe në faqen në Facebook të kryeministrit Edi Rama me titull “shpërbërje e një skeme kriminale në tregtimin e karburantit për peshkim”.

Por dokumentet gjyqësore tregojnë se çështja u ngrit mbi burokracitë e revokimit të një license për tregtim karburanti, e që sipas Prokurorisë, nuk ishte përdorur nga kompania “Rajan 2007” edhe para revokimit.

Vendimi i prokurorit Pali Deçolli për heqjen e sekuestros tregon se OFL ndërmori vetëm disa veprimeve gjysmake burokratike, të cilat nuk u ishin njoftuar autoriteteve që duhej të bënin ndalimin e veprimtarisë së kompanisë me aksioner Berishën në portin e Durrësit.

Në vendimin për heqjen e sekuestros mbi gazoilin e sekuestruar, prokurori Deçolli argumenton se Doganat nuk ishin njoftuar as për dhënien e licensës në vjeshtën e vitit 2019, dhe as për revokimin e saj.

Prokurori Deçolli i tha BIRN se nuk kishte pasur më arsye ligjore për zgjatje të sekuestros. Ai shtoi se hetimet për çështjen vijonin, të fokusuara tashmë në dyshimet lidhur me “shpërdorim detyre”, për moskomunikimin në kohë të vendimeve mbi dhënien apo heqjen e licensave tek autoritetet doganore.

Ministria e Energjitikës dhe Infrastrukturës, një komision i së cilës jep dhe revokon licensat, nuk iu përgjigj pyetjeve të BIRN deri në publikimin e këtij shkrimi.

Hetimi ngec te licensat

Lulzim Berisha u dënua fillimisht me burgim të përjetshëm për krijimin e organizatës së njohur si Banda e Durrësit, por dënimi i tij u reduktua me 25 vjet burg nga Gjykata e Lartë. Por ai kreu fizikisht 10 vjet e tetë muaj në burg dhe rifitoi lirinë në dhjetor 2016, pas një serie të diskutueshme vendimesh për falje dhe zbutje dënimi.

Në shkurt 2019, Berisha themeloi në bashkëpronësi me të motrën dhe një person të tretë kompaninë “Rajan 2007” me objekt tregtimin e hidrokarbureve.

Në vjeshtën e vitit 2019, kompania e Berishës u pajis me licensë nga një komision pranë  Ministrisë së Infrastrukturës dhe Energjetikës për tregtimin e gazoilit për anijet në rada dhe portin e Durrësit.

Licensa iu revokua në shkurt 2020 me kërkesë të Operacionit Forca e Ligjit –OFL, bazuar në Aktin Normativ të Qeverisë për “për masat parandaluese në kuadër të forcimit të luftës kundër krimit të organizuar”.

Disa muaj pas pezullimit të licensës, policia ndërhyri për të bllokuar gjithë veprimtarinë e kompanisë me dyshimin se ajo kishte punuar pa licensë.  Në 5 maj, policia njoftoi sekuestrimin e 1.2 milionë litrave gazoil, duke akuzuar kompaninë “për fshehje të ardhurash” dhe se kishte përdorur shantazh ndaj konkurrentëve’.

Në deklaratën e policisë për sekuestron thuhet se kompania kishte vijuar punë “duke përdorur shantazhin ndaj konkurrencës dhe duke tentuar të krijojë një monopol kërcënues për operatorët e industrisë së peshkimit.”

Por dyshimet për shantazh u zhdukën më pas nga dokumentet e Prokurorisë –ku çështja kufizohet vetëm te ushtrimi i aktivitetit me apo pa licensë.

Sipas vendimit për heqjen e sekuestros, kompania kishte pasur në këtë kohë licensa të tjera për tregtimin e gazoilit për anijet e peshkimit dhe kjo nuk e kishte penguar punën e saj.

Vendimet për sekuestro të policisë dhe prokurorisë u paditën nga kompania e Berishës në Gjykatën Administrative të Durrësit dhe u rrëzuan nga kjo e fundit në 26 tetor 2020, me arsyetimin se ato shkelnin një të drejtë të fituar.

Gjykata i ka gjetur të pabazuara pretendimet e policisë, Qendrës Kombëtare të Biznesit dhe Ministrisë së Infrastrukturës dhe Energjisë dhe ka pranuar arsyetimin e mbrojtësve të kompanisë se pavarësisht dënimit të mëparshëm të Berishës, në vendimmarrjen e autoriteteve nuk kishte prova se mbajtja e këtyre licesave prej kompanisë përbënte rrezik për rendin dhe sigurinë publike. 

 

——

Vladimir Karaj është gazetar i Rrjetit Ballkanik për Gazetari Investigative në Shqipëri, BIRN Albania. Titulli është i redaksisë

LVV në Shqipëri letër institucioneve dhe partive: Kuvendi të miratojë rezolutën për njohjen e dënimin e gjenocidit serb në Kosovë

Lëvizja Vetëvendosje në Shqipëri i ka dërguar një letër partive dhe institucioneve kryesore të vendit, nisur nga Presidenti Meta, kryeministri Rama, kryeparlamentarit Ruçi dhe krerëve të partive opozitare Bashës, Kryemadhit e Idrizit për të miratuar në Kuvend njohjen dhe dënimin e gjenocidit serb në Kosovë.

Siaps letrës, nisur dhe nga situata më e fundit në Kosovë kërkohet që dhe Kuvendi i Shqipërisë ta miratojë rezolutën.

Për LVV miratimi i kësaj rezolute në Kuvendin e Shqipërisë do të ishte hapi i domosdoshëm institucional drejt ndërkombëtarizimit të mëtejshëm të kësaj çështjeje

 

LETRA E LËVIZJES VETËVENDOSJE NË SHQIPËRI

Lëvizja VETËVENDOSJE! Qendra në Shqipëri u ka drejtuar sot një kërkesë zyrtare me shkrim institucioneve më të larta të shtetit shqiptar dhe partive politike – Presidentit të Republikës, Ilir Meta, Kryeministrit Edi Rama, Kryetarit të Kuvendit të Republikës, Gramoz Ruçi, dhe deputetëve të Kuvendit; kryetarit të Partisë Demokratike Lulzim Basha, kryetares së Lëvizjes Socialiste për Integrim Monika Kryemadhi, kryetarit të Partisë për Drejtësi, Integrim dhe Unitet Shpëtim Idrizi, Akademisë së Shkencave të Republikës së Shqipërisë dhe Avokates së Popullit Erinda Ballanca – që të mbështesin dhe miratojnë në Kuvendin e Republikës së Shqipërisë Rezolutën për njohjen dhe dënimin e gjenocidit të Serbisë në Kosovë. Në vijim mund gjeni tekstin e plotë dhe dokumentet shoqëruese të kësaj kërkese zyrtare:
Kërkesë për mbështetjen dhe miratimin e një Rezolute në Kuvendin e Republikës së Shqipërisë për njohjen dhe dënimin e gjenocidit të Serbisë
Presidentit të Republikës, Ilir Meta
Kryeministrit, Edi Rama
Kryetarit të Kuvendit të Republikës, Gramoz Ruçi, dhe deputetëve të Kuvendit
Kryetarit të Partisë Demokratike, Lulzim Basha
Kryetares së Lëvizjes Socialiste Socialiste për Integrim, Monika Kryemadhi
Kryetarit të Partisë për Drejtësi, Integrim dhe Unitet, Shpëtim Idrizi
Akademisë së Shkencave të Republikës së Shqipërisë
Avokates së Popullit, Erinda Ballanca

Të nderuar përfaqësues të institucioneve dhe partive politike në Republikën e Shqipërisë,
Prej vitesh jemi dëshmitarë të tentativës për përmbysjen e të vërtetës historike lidhur me kombin shqiptar, luftën e lavdishme të UÇK-së dhe shtetin e Kosovës. Drejt së ardhmes shkohet duke nxjerr mësime prej së kaluarës, dhe secili komb e ka për detyrë t’i tregojë botës dhe vetes plagët e shkaktuara prej politikave shfarosëse, veçanërisht kur kemi të bëjmë me krime kundër njerëzimit, si gjenocidi i Serbisë. Rezoluta në Kuvendin e Republikës së Shqipërisë për njohjen dhe dënimin e këtij gjenocidi, megjithëse e vonuar, është një domosdoshmëri tashmë që përpjekjet për ta përmbysur të vërtetën e kombit tonë janë intensifikuar. Mbulimi i të vërtetave dhe plagëve të së shkuarës, jo vetëm që kompromenton mundësinë e ndërtimit të marrëdhënieve të drejta në të ardhmen, por edhe rrezikon arritjet e derisotshme pas shumë sakrificash.
Përmes kësaj kërkese, Ju drejtohemi duke i bërë thirrje jo vetëm ndërgjegjes tuaj, por edhe bazuar mbi detyrimet dhe përgjegjësitë Tuaja, të cilat rrjedhin prej Preambulës së Kushtetutës së Republikës së Shqipërisë si dhe Nenit 8, paragrafi 1 i Kushtetutës, ku shkruhet se “Republika e Shqipërisë mbron të drejtat kombëtare të popullit shqiptar që jeton jashtë kufijve të saj.”
Më 16 maj 2019, në prag të 20 vjetorit të luftës së Kosovës, Kuvendi i Republikës së Kosovës miratoi “Rezolutën për gjenocidin serb të kryer në Kosovë” (teksti i plotë i Rezolutës i është bashkëngjitur kësaj kërkese). Ndër të tjera, teksti i Rezolutës thekson se “Gjatë luftës së Kosovës, forcat e Serbisë dhe Malit të Zi, por më shumë të Serbisë, dëbuan mbi një milionë shqiptarë, vranë mbi 12 mijë persona, civilë të pambrojtur nga të gjitha etnitë, por shumica shqiptarë. U vranë mbi 1300 fëmijë, u dhunuan mbi 20 mijë vajza dhe gra dhe u bënë mbi 100 masakra… Janë gjetur varreza masive në Serbi. Shteti serb vazhdon të fshehë të vërtetën edhe për mbi 1600 persona të zhdukur. U shkatërruan mbi 100 mijë objekte banimi, ndërtesa shkollore, objekte fetare e kulturore, shkolla, xhami dhe kisha katolike”. Ndër të tjera, Rezoluta i referohet edhe Kartës së OKB-së, Konventës së Gjenevës, Konventës së Parandalimit dhe Dënimit të Krimit të Gjenocidit, raporteve dhe rezolutave të Këshillit të Evropës dhe organizatave të tjera ndërkombëtare, me synimin për të njohur zyrtarisht e për të dënuar gjenocidin e Serbisë – një krim kundër shqiptarëve dhe njerëzimit.
Rezoluta e Kuvendit të Republikës së Kosovës i hap rrugën krijimit të një gjykate për të hetuar e dënuar gjenocidin e Serbisë në Kosovë, si dhe për ta ngritur këtë çështje në të gjitha organizatat ndërkombëtare dhe ndërqeveritare. Republika e Shqipërisë ka detyrimin moral, historik, politik, kombëtar dhe kushtetues që ta mbështesë Rezolutën e miratuar nga Kuvendi i Kosovës, përmes miratimit të një rezolute në Kuvendin e Republikës së Shqipërisë, që i referohet dhe përdor si bazë tekstin e Rezolutës së Kuvendit të Kosovës. Miratimi i kësaj rezolute në Kuvendin e Shqipërisë do të ishte hapi i domosdoshëm institucional drejt ndërkombëtarizimit të mëtejshëm të kësaj çështjeje, duke ditur se Kosova nuk është ende anëtare me të drejta të plota në shumë prej organizatave ndërkombëtare dhe ndërqeveritare ku tashmë është anëtarësuar Shqipëria.
Lëvizja VETËVENDOSJE! Qendra në Shqipëri e ka shtruar kërkesën për miratimin e kësaj rezolute në Kuvendin e Republikës së Shqipërisë edhe më herët. Në datën 15 janar 2020, në një konferencë për medie, para kryeministrisë në Tiranë, kemi kërkuar publikisht miratimin e së njëjtës rezolutë, dhe këtë kërkesë tonën e kemi përsëritur në deklarata të vazhdueshme publike. Ju drejtohemi edhe përmes kësaj kërkese zyrtare, marrë parasysh situatën e krijuar me aktakuzat e Dhomave të Specializuara – “Gjykatës Speciale” –, sulmin propagandistik që po vjen nga Rusia dhe Serbia kundër UÇK-së, shtetit të Kosovës, dhe shqiptarëve në përgjithësi, pasi nevoja për miratimin e kësaj rezolute është sot edhe më urgjente. Shprehim gatishmërinë për të vendosur në dispozicion të gjitha kapacitetet tona në hartimin e kësaj Rezolute, duke sjell në vëmendje edhe faktin se anëtari i Bordit të organizatës sonë, z. Sami Kurteshi, ish-deputet dhe ish-Avokat i Popullit në Kosovë, ka qenë edhe njëri prej hartuesëve kryesorë të Rezolutës së miratuar në Kuvendin e Republikës së Kosovë, në vitin 2019.
Jemi besimplotë se veprimi Juaj i shpejtë për mbështetjen dhe miratimin e kësaj rezolute në Kuvendin e Shqipërisë, do të mirëpritej jo vetëm në Shqipëri, Kosovë dhe mbarë kombin shqiptar, por edhe nga aleatët ndërkombëtarë që dhanë kontributin e tyre jetik dhe të gjithanshëm për çlirimin e Kosovës dhe ndaljen e gjenocidit të Serbisë. Data 15 janar 2021 duhet të na gjejë të bashkuar, duke shpallur e shënuar zyrtarisht në Shqipëri, ashtu si në Kosovë, “Ditën e përkujtimit të gjenocidit ndaj shqiptarëve në Kosovë”. Shpresojmë në bashkëpunimin tuaj, për ta mbështetur publikisht dhe institucionalisht këtë iniciativë.
Me respekt,
Enis Sulstarova
Kryetar i Bordit
Boiken Abazi
Drejtor Ekzekutiv
Tiranë, 12 nëntor 2020
Lëvizja VETËVENDOSJE!
Qendra në Shqipëri

DREJTËSIA E MOHUAR Nga Muçi Xhepa

Ndërsa Holokausti vazhdon të pushtojë mendjen dhe imagjinatën e shkrimtarëve dhe regjisorëve të kinematografisë në mbarë botën e qytetëruar, Gulagu, shumë herë më i tmerrshëm se i pari, ka mbetur në hije dhe pothuaj i pa treguar fare. A duhet thyer kjo heshtje? A është pjekur koha për një diskutim dhe ekspozim të gjerë të asaj çfarë ndodhi dhe përse duhet bërë kjo? Me të drejtë ngrihen zëra që akuzojnë Perëndimin se po kultivon një kulturë memoriale vetëm për Holokaustin, duke mbyllur sytë përpara asaj që ndodhi në Gulag, ferrin komunist.
Arsyeja e kësaj asimetrie mendoj se gjendet në realitetin historik. Të mbijetuarit e gjenocidit komunist ende nuk kanë krijuar një memorie kolektive në Perëndim. Ata ende nuk kanë hedhur dritë aq sa duhet mbi historinë e dhimbshme, por heroike të tyre. Kur drejtësia nuk vihet në vend, kujtesa është ajo që e luan atë rol.
Tiranë, 1975. Te hyrja e gjimnazit “Petro Nini Luarasi”, dy kostumgrinj e futën në mes. Fytyrat pa gjak i thanë se kishin diçka për të sqaruar me të në drejtori. Në zyrë e priste sekretarja e Partisë, Vasilika, dhe dy shokët e tij, spiunët. I komunikuan përjashtimin nga shkolla për agjitacion e propagandë kundër pushtetit popullor.
– Heshtja është vetëvrasje, – kishte thënë Klement Islami. – Një ditë do të ndihemi fajtorë nëse sot mbyllim sytë përpara së keqes… kush nuk e do antinjerëzoren duhet ta luftojë atë!
Menjëherë pas komunikimit të përjashtimit, dy hetuesit e mbërthyen fort për krahësh dhe e tërhoqën jashtë.
– Vështrova dritaren e katit të dytë dhe mata me sy distancën që më ndante nga ajo. Doja të hidhesha me kokë e t’i jepja fund jetës para se të bija në duart e tyre, por hienat e nuhatën dhe më mbërthyen me forcë nga krahët, – më tregonte Klementi.
– Është ende herët; do të kalosh në zdrukthin tonë njëherë, – i thanë dhe e tërhoqën zvarrë.
Në oborr e priste Gazi-69. Po atë ditë, nënën, babanë, motrat dhe gjyshen i internuan forcërisht në njërin nga kampet e vdekjes në jug të vendit, në Çermë të Lushnjës.
Brenda dyerve të hekurta të hetuesisë speciale në Tiranë, mbi trupin e tij të njomë, terroristët komunistë ushtruan torturat më makabre. Ia dogjën mishin me cigare. I vunë korrentin elektrik në veshë dhe organet gjenitale. Për ditë të tëra ia shtrënguan duart me hekura mbrapa në maksimum dhe e lanë të prangosur derisa t’i binte të fikët. I kërkuan të bashkëpunonte me ta. Klementi nuk pranoi kurrë. Ai qe gatuar me frymën e gjakun e një familjeje antikomuniste. Babai i tij, një nga të paktët intelektualë që kishte mbaruar studimet e larta në Itali për edukim fizik, ishte një antikomunist i betuar, ndërsa xhaxhai pat vdekur në burg si kundërshtar i regjimit komunist. Në qelinë pranë, në të njëjtën kohë, torturuan edhe Viktor Martinin, një tjetër të burgosur politik.
Në burg e lanë të izoluar për një muaj të tërë brenda një qelie betoni, pa dritare e në errësirë të plotë. Edhe kur e futën në qelinë e përbashkët, i çuan një oficer të kuq, i cili ulërinte:
– Mos i jepni bukë armikut të Partisë! Lëreni të ngordhë! Nuk e meriton kujdesin e saj! Rroftë Partia!
Ai, oficeri komunist, besnik i partisë, ishte aty, sepse kishte vjedhur repartin ku kishte shërbyer.
Në qershor të vitit 1984 u takova me Klementin pranë bustit të Kristoforidhit në Elbasan. Vuajtjet në kampin e internimit, në Çermë të Lushnjës, i kishin vjedhur rininë. Flokët e verdha, kaçurrela, i ishin zgjatur dhe djegur nga dielli në arë. Më pyeti për familjen dhe më përsëriti këshillën:
– Mos i beso lehtë askujt, që të mos e pësosh si unë. Tortura psikologjike që përdorin antinjerëzit synon të humbësh besimin te njeriu më i afërt. Për të dënuar, ata përdorin mikun, shokun, familjen, të dashurën, njeriun më të shtrenjtë, të cilët njerëzisht i beson dhe i do.
Ishte kohë dreke. E ftova të hamë. Rrugës na kaloi pranë drejtori i spitalit psikiatrik të Elbasanit. Në këtë spital, Klementin e torturuan për disa kohë në pavijonin e veçantë, ku mbanin të izoluar disidentët politikë.
Klementi filloi të dridhej i tëri nga revolta. U ulëm në njërën nga tryezat e fundit të lokalit.
– Muçi, – më tha, – jam i bindur se një ditë do t’i shohim antinjerëzit të japin llogari përpara drejtësisë. Ai është njëri prej tyre, lejoi të më bëjnë apses në këmbë.
Spitali psikiatrik njihej mirë nga banorët e qytetit për misionin e fshehtë që kryente. Me qindra ishin të dënuarit politikë, të cilët silleshin forcërisht aty dhe nuk dilnin më.
“Apses” quhej prej të burgosurve politikë tortura e shkaktuar nga injektimi i rrëshirës së pishës në pjesë të ndryshme të trupit, zakonisht në këmbë. Ajo krijonte infeksion masiv dhe shpesh i burgosuri përfundonte me prerje të këmbës.
Prapa spitalit ndodhej kolonia. Aty mbaheshin të rrethuar me tela me gjemba disidentë të degraduar mendërisht e fizikisht prej medikamenteve të dhëna me forcë nga mjekë dhe infermierë të zgjedhur prej Sigurimit.
Pasi u qetësua disi, Klementi filloi të analizojë ditët në robëri, “pushtimin e njeriut nga antinjeriu”, siç e quante ai pushtimin komunist. Tregoi për tmerret në internim, punën e rëndë të krahut, jetën e vështirë dhe plot vuajtje, kontrollet dhe hetimet pafund.
– Nazizmi, – më tha, – kampet e internimit i krijoi të shfarosë racat e padëshirueshme për të. Komunizmi, kampet e shfarosjes i ka kthyer në shtyllën kurrizore të industrializimit të vendit, në themelin e sistemit të punës prej skllavi, që hap kanale, than këneta e ndërton fabrika.
Pastaj përshkroi bisedat e gjata politike kokë më kokë me motrat, Isabelën dhe Zamirën. Ndërsa fliste më bëri shenjë me dorë të shikoja në anën tjetër të rrugës, ku banonin disa nga të afërmit e tij.
– Edhe ata, si antinjerëzit, na kanë mohuar familjarisht.
Për pak qëndruam pa folur. Klementi e theu heshtjen.
– Ngrihemi! Dua ta takoj patjetër, nuk dihet se kur mund të shihemi.
Shkuam pranë pallatit nr.41. Atje banonte mikesha e tij. Pritëm të ulur në trotuar. Pas pak ajo erdhi dhe në praninë time iu lut të mos e takonte më. E kishin kërcënuar ta pushonin nga puna prej lidhjes me të.
Klementi nuk foli, por në sy iu shfaq dhimbje.
Ora po afronte gjashtë; atij i duhej të kapte trenin për në Lushnje.
– Ikim, – tha.
Përshkuam në heshtje rrugën për te stacioni. Ishte hera e fundit që u pamë.
Uashington, 1994. Në njërën nga sallat e Kongresit Amerikan takova Zamirën, motrën e vogël të Klementit, e cila tashmë, në botën e lirë, punon bashkë me Isabelën për Zërin e Amerikës. Pasi u përshëndetëm dhe Elez Biberaj, që ishte me të, u largua, biseda kaloi te Klementi. Zamira tregoi momentet e fundit me të:
– Pritëm të errësohej, pastaj u futëm në ujë. Klementi kërkoi të shkojmë përpara, ndërsa vetë na ndoqi nga pas. Notuam tërë natën, duke i dhënë kurajë njëri-tjetrit. Edhe pak! Forca! Ja, fare pranë është liria. Herë pas here, drita e prozhektorit të rojeve kufitare binte mbi ne. Duke u gdhirë, u ndjemë të lodhur. Mua filloi të më marrë gjumi. Isabela rezistoi më shumë. Një jaht turistësh italianë e pa atë. Bashkë me Isabelën, erdhën e më gjetën mua. Kërkuam për Klementin…
Lotët nuk e lanë të vazhdojë më tej. Me kokën e këputur poshtë u ul në dyshemenë e mermertë, ndërsa unë, i prekur thellë në zemër, kujtova fjalët e tij: “Muçi, jam i bindur se një ditë do t’i shohim antinjerëzit të dalin përpara drejtësisë…!”.
Atë mëngjes vere të vitit 1984, pasi u nda me lot dhimbjeje me prindërit e tij të dashur, Klementi, së bashku me motrat, Isabelën dhe Zamirën, u nisën drejt Sarandës. Duke shfrytëzuar lejen e zakonshme si pretekst për të kaluar pushimet në qytetin bregdetar, ata u vendosën në hotelin e qytetit. Të nesërmen në mbrëmje, të pajisur me kamerdare, fshehur pas një shkëmbi, Klementi dhe motrat u futën në det e filluan të notojnë drejt lirisë, drejt perëndimit. Pas shumë orësh notimi të lodhshëm, tamam atëherë kur menduan se arritën lirinë, Klementi vuri re se patrulla kufitare kishte filluar të patrullojë anën ku ndodheshin ata. Pa i rënë në sy motrave, i nxiti të notojnë më shpejt përpara, ndërsa vetë qëndroi prapa.
Që të shpëtonte motrat, ndryshoi drejtim; filloi të notonte drejt jugut. Ndërsa largohej prej motrave të dashura, Klementit i afrohej gjithnjë e më pranë motobarka e kriminelëve të kuq. Më kot u zhyt disa herë për t’u fshehur. Kriminelët ishin afruar aq pranë, sa edhe e kishin zbuluar.
E thirrën të dorëzohej. E goditën me kiçin e motobarkës. Klementi nuk u dha. I zhytur thellë në det, ai notonte drejt lirisë.
E kërkuan në thellësitë e honeve. E lidhën me litar dhe e tërhoqën si hiena brenda ujërave të burgut komunist. Ashtu të lidhur, e shëtitën rreth e rrotull gjirit të Sarandës për të terrorizuar njerëzinë. Por trimi edhe i vrarë rrezatonte liri, dashuri e heroizëm.
(Ky tregim është pjesë e librit “Në sirtar, tregime” të autorit Muç Xhepa.)

Kryepeshkopi Anastas Janullatos pozitiv me Covid-19, transferohet me urgjencë në një klinikë të specializuar në Athinë

Kryepeshkopi i Tiranës, Durësit dhe gjithë shqipërisë, hirësia e tij Anastas është prekur nga virusi Covid 19. Mësohet se kryepeshkopi Anastas pas disa shqetësimeve, iu nënshtrua testeve përkatëse në një qendër mjekësore në Tiranë, të cilat treguan se ai ishte infektuar me koronavirus.

Mjekët në Tiranë e vlerësuan të domosdoshëm transferimin dhe shtrimin në spital në një klinikë të specializuar në Greqi, duke pasur parasysh moshën e tij të shtyrë dhe disa probleme kronike shëndetësore.

Sipas medias greke, hierarku në moshën 91 vjecare, ka simptoma të lehta të coronavirusit. Megjithatë me urdhër të kryeministrit grek Mitsotakis, kryepeshkopi u dërgua me urgjencë me një avion ushtarak sanitar C130 në një klinikë në Athinë, për trajtim të posacëm.

Deri më tani nuk dihet se si është gjendja e Janullatos, drejtues i Kishës Ortodokse Autoqefale si dhe çfarë shenjash ka pasur ai.

(BalkanWeb)

Pakti i ujërave detare me Greqinë- Në Kuvend projekt-ligji që shpall zonën e Sarandës dhe gjithë bregut të jugut deri në gjirin e Korfuzit si “Gjire historike”

Është protokolluar në Kuvend drafti i ligjit që shpall ujërat që lagin zonën e Sarandës dhe bregut si “historike” dhe që ndikon fort në paktin e ujërave me Greqinë.

Drafti është paraqitur nga deputeti i opozitës parlamentare Kostaq Papa, i cili e paraqiti një muaj më pas, por më pas e tërhiqi për ta ripunuar.

Sipas draftit, theksohet se ky ligj ka “për qëllim shpalljen e ujërave të detit të Gjirit të Sarandës, Butrintit, Ksamilit, Himarës, Borshit, Qeparoit dhe Palasës, Ujëra të Detit të ‘Gjireve Historike’ të Republikës së Shqipërisë dhe përfshirjes së tyre në Ujëra të Brendshëm”.

Ky përkufizim e vendos edhe pjesën e Gjirit të Korfuzit, si një pjesë që nuk lejohet që të bëhet pakt që cenon këtë pjesë, shkruan gazeta Shqip.

Në nenin 1 të draftit theksohet se “Ujërat e Brendshme të Republikës së Shqipërisë, janë ujërat e detit në drejtim të tokës, nga vija bazë nga ku fillon të matet gjerësia e Ujërave Territorial të Republikës së Shqipërisë, sipas nenit të 8 të Konventës së Detit të vitit 1982, ratifikuar nga Republika e Shqipërisë në vitin 2003.

Drafti do të nisë menjëherë të diskutohet në komisione e më pas të dërgohet në seancë. Miratimi i këtij projekti shikohet nga Kostaq Papa si i rëndësishëm pasi “blindon” nga ana ligjore pjesën detare që pritet të jetë pjesë e negociatave me Greqinë.

Athina dhe Tirana kanë vendosur që ta zgjidhin këtë çështje në Gjykatën e Hagës ç’ka shkaktuar mjaft diskutime në politikën shqiptare.

Shtyhet takimi i ministrave të Jashtëm, 5 shtete të BE kundër hapjes së negociatave për Shqipërinë

Shtyhet takimi i ministrave të Jashtëm dhe Çështjeve Evropiane i parashikuar të mbahej në 10 nëntor, për shqyrtimin e kuadrit negociues për Shqipërinë dhe Maqedoninë e Veriut për në 17 nëntor.

Në një lidhje live për ABC News, gazetarja Erisa Zyka është shprehur se hapja zyrtare e negociatave për Shqipërinë bëhet e pamundur, pasi 5 shtete anëtare të BE-së argumentojnë se Shqipëria nuk i ka përmbushur parakushtet për mbajtjen e konferencës së parë ndërqeveritare.

Sipas Zykës, Holanda, Danimarka, Gjermania, Spanja dhe Franca, konsiderojnë si kusht reformën elektorale, e cila nuk është përmbushur. Po ashtu, dhënia e një vlerësimi pozitiv është e kufizuar nga mosplotësimin e dy parakushteve lidhur me mosfunksionimin e Gjykatës Kushtetuese dhe Ligjin për Median.

Këto shtete, sipas gazetares, konsiderojnë se kanë një vlerësim më realist se Komisioni Europian për reformat kyçe në Shqipëri dhe, se për mbajtjen e konferencës e parë ndërqeveritare duhet të plotësohen të gjitha parakushtet.

Pikat që kërkojnë më tej të zbatohen 5 shtetet në fjalë:

-Respektimi i opinionit të Komisionit të Venecias për ndryshimet kushtetuese në Kodin Zgjedhor.

-Garantimi i transparencës së financimit të partive politike, për të cilën ka vetëm një udhërrëfyes, por jo një plan zbatimi.

-Gjermania, Franca, Danimarka, Holanda dhe Spanja janë dakord me Komisionin Evropian, se kushti për funksionimin e Gjykatës Kushtetuese nuk është përmbushur. Por ato bëjnë dallimin për Gjykatën e Lartë, duke cilësuar se Gjykata e lartë me 3 nga 19 gjyqtarë nuk mund të konsiderohet si funksionale.

-Edhe pse mirëpritet ngritja e SPAK, vihet theksi tek mungesa e një gjurme provash për hetime, ndjekjeve penale dhe dënime të zyrtarëve të lartë.

-Vlerësohet se për BKH nuk ka asnjë tjetër emërim përveç drejtorit dhe se është e rëndësishme që të zhvillohen rekrutimet e mëtejme, në mënyrë që kjo strukturë të jetë plotësisht funksionale.

-Mbështetet vlerësimin i Komisionit Evropian lidhur me ligjin për median ndërsa kërkohet përparimi në fushën e lirisë së shprehjes nëpërmjet ndjekjes së rekomandimeve të Komisionit të Venecias.

-Kërkohet vijimi i zbatimit të planit të veprimit për adresimin e rekomandimeve të Task Forcës së Veprimit Financiar dhe bashkëpunimin me autoritetet përkatëse të vendeve anëtare.

-Vihet në pah po ashtu se numri i përgjithshëm i kërkesave të azilit, edhe pse është ulur mbetet i lartë dhe nevojiten përpjekje të vazhdueshme nga autoritetet shqiptare.

Romeo Gurakuqi: Falenderoj demokratët shkodranë se kam qënë më pak i kontestuari -Tagret e Komisionit të Përzgjedhjeve nuk kanë fuqi mbi votën !

Interviste plote e Romeo Gurakuqit per Gazeten Panorama me daten 25 tetor 2020

PYETJE: Si e gjykoni vendimin e Komisionit te Perzgjedhjes se deputeteve te PD?
ROMEO GURAKUQI: Duke qene se procedura e zhvilluar bazohet ne statutin e PD dhe udhezimet e kryetarit, kam verifikuar me kujdes aktet e ndermarra nga Komisioni dhe i kam ballafaquar me rregullat.
Dua te deklaroj se unë njoh vetem vendimin e kryetarit të PD- se dhe te Kryesise ne lidhje me proceduren e rikandidimit. Vendimarrja e fundit e komisionereve, ne qofte se ka ndodhur, me rezulton se eshte realizuar ne shkelje te plote te tagreve te dhena atyre nga udhezimet respektive. Kesisoj eshte nul. Ato kane marre nje vendim kur tagri u kishte perfunduar. Vleresimi perfundimtar i komisionereve mbyllet ne momentin kur kandidatet dergohen ne dege. Neni 25 i Udhëzimit e ka të përcaktuar qartë se faza e vlerësimit të kandidatëve është faza e dytë dhe jo faza e tretë; “Komisioni i Vlerësimit bën vlerësimin përfundimtar të kandidatëve sipas metodologjisë së përcaktuar paraprakisht. Në përfundim të procesit të vlerësimit hartohen listat e kandidatëve të mundshëm, që do të përfshihen në provesin e konsultimit nga anëtarësia në secilen Degë”. Thënë në gjuhën shqipe: vendimarrja vlerësuese për kandidatët mbyllej këtu.

Me datë, 30 shtator 2020, në degën e PD Shkodër u zhvillua faza e tretë, ajo e konsultimit, e parashikuar nga Udhëzimi, në përfundim të së cilës, unë, kam rezultuar me vota më me pak kundër të anëtarësisë (ma pak se 3%), nga të gjithë kandidatët potencialë, që do të kalonin për shqyrtim në fazen e katërt (lexo nenin 18) në Kryesinë e PDSH.

Ne procedim të Udhëzimit nr. 60, në tagret mbetëse të Komisionit të Vlerësimit përfshihej zbatimi i detyruar i nenit 31., gjegjësisht, çertifikimi i listës finale të dalë nga konsultimi i anëtarësisë, d.m.th. rankimi mbi bazën e votës dhe dhënia e vlerësimit për kandidatët që kishin marr kontestime mbi 20% të votës së anëtarësisë. I gjithë ky procedim formal, do të duhej të realizohej mbi bazën e leximit të proces-verbaleve zgjedhore dorëzuar nga Komisionit, duke bashkëngjitur më pas vlerësimin e përgjithshëm të kandidatëve realizuar fazën e dytë, që konsiderohej i protokolluar në Protokollin e Selisë Qendrore të PDSH në Tiranë.
Çuditërisht, në vend të çertifikimit të rezultateve dhe marrjes së vendimit për kandidatët që nuk ishin aprovuar nga anëtarësia, Komisioni ndërhyn në faze të trete, ndërkohë që tagret ndërhyrëse u kishin përfunduar në fazë të dytë dhe Raporti për secilin kandidat duhej të ishte i protokolluar dhe i pandryshueshëm. Në vend të kesaj, anëtarët e Komisionit krijojnë një listë përjashtuese, “kandidatësh të shtyrë”!!!???

E përsëris: e drejta e komisionereve per te shqyrtuar kandidatet ka perfunduar diten qe emrat i kane shkuar anetaresise per konsultim ne Shkoder, me date, 30 shtator 2020.
Vendimarrja e fundit e anëtarëve komisionereve ështe realizuar në shkelje të plotë te tagreve të dhëna atyre nga Udhëzimi nr. 60. Ato kane marrë nje vendim kur tagri u kishte perfunduar. Vlerësimi përfundimtar i komisionerëve mbyllet në momentin kur kandidatët dërgohen në degë (neni 25). E drejta e komisionerëve për të shqyrtuar kandidatët ka përfunduar ditën që emrat i kanë shkuar anetarësisë për konsultim në Shkodër, me datë, 30 shtator 2020. Pika 32 e udhëzimit e përcakton krejt qartë këtë: “Kryesia e Partise përzgjedh kandidatet zyrtare te PD ne zgjedhje nga Lista e Kandidateve te konfirmuar nga anetaresia”.

Mirepo Komisioneret tane gabimisht i jane referuar nenit 31, duke bërë të paditurin, mbasi ajo pikë qartazi përdoret nga komisioni vetëm për ata kandidatë, të cilët janë konfirmuar fillimisht, por janë skualifikuar nga kontestimi i anetarësisë.

Mbi te gjitha, pretendimi se është bërë vlerësim bazuar në kritere, siç kam dëgjuar nga disa ligjerime të pa-autorizueme nga PD nga disa anëtarë të komisionit në media, rezulton i pavertetë, i paprotokolluar dhe shumë fyes në deklarimin diferencues Sipas deklarimeve të besueshme, komisionerët kanë realizuar vetëm votim të fshehtë mbi emra, pa pasur parasysh çertifikatat e pastërtisë së figurës, të pasurisë, CV – te, rezultatet e arritura në procesin e konsultimit në bazë, punën shumëvjeçare të deputetëve në Aulen parlamentare dhe në terren, në fazën e trete, ndërkohë që neni 25 e saktëson atë shumë qartë detyren e tyre.

Targetimi i deputeteve te Shkodres eshte i paragjykuar kulturalisht dhe i paramenduar, sipas opinionit tim personal. Arsyet e kesaj nderhyrjeje te targetuar jam duke i shqyrtuar me shume kujdes, per te kuptuar nderhyresin extra institucional.

Njohja e udhezimit dhe shkeljeve procedurale me imponon qe une te njoh tanime vetem vendimin qe i përket kryetarit të PD- se. Do ta respektoj 100% ate vendim kur te vije, duke qendruar ne linjen themelore te PD- se dhe anetaresise, qe ka vuajtur persekutimin e regjimit te Edi Rames, ka qene e angazhuar ne betejen per voten e lire, nuk ka qendruar ne poltronet e korrupsionit te kastes qe tallet me popullin ne ikje te frikshme nga skamja dhe pasiguria prej vitesh. Po ashtu me lejoni t’ju them se do te bej gjithshka ne fuqine time konsultative si deputet i zgjedhur, qe Shkodra te kete perfaqesine e vet me te mire, sikurse e kerkojne mijera shkodrane ketu dhe neper bote.

PYETJE: Pra ju njihni vetëm vendimin e kryetarit të PD dhe institucioneve zyrtare të PD?
ROMEO GURAKUQI: Une njoh vetëm vendimin e kryetarit të PD, Lulzim Basha, dhe kryesise qe do te bazohet ne rankimin e realizuar nga votimi i bazes. Për mua ka rëndësi që kam qenë më i përkrahuri nga anëtarësia e PD në Shkodër dhe jam shumë i surprizuar dhe falënderues ndaj demokratëve shkodrane. Do vazhdoj të je, ne kryesimin e puneve ne Qarkun e Shkodres. Njelloj do te jem ne aksionin e PD edhe sikur une te mos jem kandidat per deputet per shkak te vendimarrjes sime, ose te drejtimit racional te Kryesise se PD.

Ka pasur nje keqinterpretim mbi tagret e komisionit. Duhet te sqaroj se ato tagre kane qene vetem konsultative dhe asnjehere vendimarrese. Ato tagre kane perfunduar per kete komision tanesisht me daten 10 tetor 2020. Unë kam marrë votëbesimin e antarësisë për të qenë në drejtues i grupit të deputetëve demokrat në Shkodrës me 30 shtator 2020. Asnjë lloj gjykimi nuk mund te realizoje komisioni kinse për staturën intelektuale, qytetare dhe per integritetin duke u nisur nga mendja e vet, pa prova zyrtare dhe pa autorizim te specializuar. Per te gjykuar mbi integritetin me se pari duhen marre certfikatat nga autoritetet dhe per kete ka nje radhe nga ku nis puna. Une jam certifikuar nga autoritetet shteterore per pastertine e figures ne muajin shtator 2017 para marrjes se mandatit te deputetit me kerkesen time dhe ky eshte nje fakt i njohur publikisht. Pyetja eshte: a munden te pa certifikuarit te shqyrtojne pastertine e figures te te certifikuarve?!

Pyetja më e detajuar është: sa ishin kompatibel për të qenë pjesë e strukturës verifikuese dhe shqyrtuese konform me kërkesat e Udhëzimit për Pastërtinë e Figurës, të gjitha ato anëtarë të Komisionit që janë te thirrur nga ligja për marrë çertifikatën respektive para autoriteteve zyrtare (Autoritetit për Informim) ?

Une sugjeroj qe dikush duhet te me kerkoje falje per fyerjet aluduese publike te bera, me dashje ose prej mungeses se maturise. Po ashtu kerkoj qe vendimi i ndermarre ne kundershtim me Udhezimin e kryetarit te anullohet, brenda kesaj jave, perndryshe do t’i drejtohem Komisionit te Apelimit per ta gjykuar.

PYETJE: Jeni takuar të premten me kryetarin e PD
ROMEO GURAKUQI: Po jam takuar. Kam raporte miqesore dhe institucionale me kryetarin e PD. Jam ende deputet per PD dhe elektoratin e djathte, deri në zgjedhjet e ardhshme dhe e kam edhe këtë akses ne cdo moment qe me nevojitet per te realizuar detyrat perfaqesuese, organizative dhe konsultuese deri me date, 25 prill 2021

Leter e hapur zonjes Vasilika Hysi…! Nga Përparim Kabo

E nderuar zonja Hysi, prindi Vasilik, profesoresha e respektuar, aktivistja e shquar e shoqerise civile, qytetaria korrekte, nena e perkushtuar, mike e mire dhe dialoguese, nen/kryetaria e Kuvendit te Shqiperise.
Po u drejtohem juve me kete leter te hapur. Sot eshte 1 nentor 2020. Vjeshta po del ngadale e ngadale dhe dimri po vjene. Gjendja ne vend eshte e renduar nga pandemia dhe ekonomia eshte e kapur ne nje situat aspak te mire. Njerezit ne Tirane, ne Durres, ne Shkoder, Korce, Pogradec, Elbasan, Vlore, Sarande apo gjetiu, kane dale te veshur si per te diele, nuk mungojne ikonat uronjese ne rrjetet sociale, apo drekat e bollshme dhe levizjet me makinat luksoze.
Pikerisht ne kete dite jane disa gra si Ju, jane disa nena si ju, jane disa qytetare me te drejtat e njeriut po si ju, jane ca bashkeshorte po aq te perkushtuara si edhe ju zonja Hysi, qe prej disa ditesh jane te ngujuara ne nje greve urie.
E nderuar zonja Vasilika Hysi ju kerkoj qe me personalitetin qe keni me kurajon civile dhe me devotshmerine tuaj organike, ti jepni fund kesaj situata.
Njerez qe kerkojne pagat e prapambetura? Cfare gjeje te paligjeshme ka ne kete mes?! Njerez qe kane fituar gjyqin me punedhenesin dhe ai su jep pagat. Une ju pyes juve ne kete raste si profesore e jurisprudences.
Ku duhet ta gjeje te drejten ky qytetar? Nese edhe vendimi i gjyaktes nuk zbatohet? Ju zonja Hysi dhe ju te gjitha grate deputete, ministre, ish deputete, apo ish ministre, punonjese te administrates se larte publike, ju zonja te pispillosura me modernitet te shoqerise civile qe u majmet me fonde dhe me to blete vila, vetura dhe udhetime ekzotike…a ka mundesi nje minute, nje te vetme te ndaloni ritualin tuaj dhe te pyesni veten.
Cfare do behet me grate e ngujuara.
A nuk kane te drejte ato te jetojne?
Po si? Pa paga , pa ushqime, pa drite elektrike dhe uje pa veshje dhe higjene? Te gjithe keta sherbimi paguhen dhe qe ti paguhesh duhen parate, dhe qe ti jesh i paisur me to duhet qe per punen qe ke bere te jesh i paguar.
Nuk mund te vijohet me me indiferentizmin e zotit Gramoz Ruci, sjellje qe nuk e prisja prej tij. I drejtohem me emer sepse ja njoh dinjitetin, por si deputet ne ate qarke dhe si kryetar i Kuvendit ai duhet te kishte ndikuar per zgjidhjen e ceshtjes.
Nuk besoj me ne lojen pa rregulla te zotit Edi Rama i cili ne fillim tha:… se keni me mua e keni me privatin e me tej nga faqia e tij on -line u tha grave ballshiote,… dilni nga greva dhe ejani te bisedojme.
I kujtoj zonjes Rama si grua dhe si nene, por dhe si aktiviste e shoqerise civile, te zbatoje edhe ne kete rast ate qe ka thene nje here, kur foli per pronen e saj…Jane pare gjaku !
Zonja Linda Rama dhe ato gra pare gjaku i kane. Ndaj te gjithe bashke ju socialistet shqiptare; nese jeni ne pushtet per te administruar sovranitetet e deleguara mbroni qytetarin, te drejtat e njeriut, te drejten e pare, ate te jetes.
Jane ne rrezik jo vetem jetet e atyre grave por edhe te familjeve te tyre.
A mendoni per femijet e tyre, si zgjohen, si flene, si ushqehen, si vishen, si shkollohen, si enderrojne?
Nese nuk e mendoni kete gje ju ka zene syte hedonizmi juaj qe duket ne menyren si jetoni dhe si e shijoni luksin tuaj.
E nderuar Zonja Hysi…nese do te hysh ne histori bej nje gjest…
Shkoi Kryeministrit ne zyre ose thire ne zyre, ose neser ne seancen Plenare ne Kuvend; dilni ne foltore para deputeteve dhe popullit dhe kerkoji… Zotit Edi Rama, zgjidh ceshtjen e naftetareve, jepu buken e gojes te drejten legjitime, ndryshe ja ku eshte mandati im, ky parlament dhe kjo shumice skane lidhje me idealet mia qe i solla nga shoqeria civile si nje aktiviste e nderuar dhe shume e respektuar.
Zonja Hysi , populli eshte gjunjezuar me varferi, eshte neperkembur me varferi, eshte shperfillur me varferi sa kohe qe pasurine kombetare ua dhate privatit, pronen publike e mori privati dhe pronen private te individit e mori informali qe u legalizua nga ju ne nje jerm populist…
Po ju shkruaj hapur si kolege ne jeten univesitare…
Une fola dhe shpetova shpirtin tim si edhe shkruanin latinet…
Eshte rradha juaj qe te tregoni se jeni nga ana e popullit dhe jo nga ana e heshtjes…
Me respekt dhe besim
1 nentor 2020 Perparim kabo

Send this to a friend