VOAL

Please Wait ...
0%

Dushan Janjiç: Pritet takim i qeverive Serbi–Shqipëri-Kosovë

By | September 13, 2017

Komentet

Të shtëna me armë zjarri ndaj një patrulle kufitare në veri të Kosovës

Policia e Kosovës

Policia e Kosovës ka konfirmuar se mbrëmë, rreth orës 23:45, persona ende të panjohur kanë shtënë me armë zjarri në drejtim të patrullës policore kufitare në fshatin Banjë të komunës së Zubin Potokut.

Besim Hoti, zëvendësdrejtori i policisë rajonale për veriun e Mitrovicës i ka thënë Radios Evropa e Lirë se në momentin e të shtënave, në veturë kanë qenë dy policë kufitarë.

Ai ka konfirmuar po ashtu se nga këto të shtëna nuk kishte të lënduar, kurse automjeti është dëmtuar nga plumbat.

Hetimet, thuhet se janë duke vazhduar. Komuna e Zubin Potokut ndodhet në veri të Kosovës dhe banohet nga shumica serbe.

Rëndësia e fitores së Merkelit për shqiptarët, flet ambasadorja gjermane

Edhe për 4 vitet e ardhshme, Angela Merkel do të jetë sërish në krye të qeverisë gjermane. Por si përkthehet fitorja e saj, çfarë ndryshon në marrëdhënie me Shqipërinë e shqiptarët?

Sipas ambasadores gjermane në Tiranë, Suzane Schutz, fitorja e katërt rradhazi e “zonjës së hekurt”, do të thotë në parim një vijim i marrëdhënieve të mira Shqipëri-Gjermani dhe mbështjetjee plotë e integrimit të Ballkanit në BE.

“Sa i përket politikës së jashtme dhe asaj evropiane të Gjermanisë unë në të ardhmen nuk pres zhvendosje. Të gjitha partitë në Gjermani janë në të njëjtin zë, ato janë për anëtarësim të vendeve të Ballkanit në Evropë, sikurse edhe të Shqipërisë. AfD do të përfaqësojë një fraksion parlamentar të konsiderueshëm, por nuk mendoj se do ndikojë në politikat e qeverisë federale sa i përket Ballkanit Perëndimor dhe Shqipërisë.”-tha Schutz.

Këto zgjedhje kanë qenë mjaft delikate jo vetëm për faktin se CDU e Merkel ka marrë një rezultat më të vogël se ai i vitit 2013 (5% më pak), por edhe për deklaratën e Schultz, i cili u shpreh se nga sot e tutje, socialdemokratët do të jenë opozita e re e vendit, duke lënë kështu të kuptohet se një koalicion nuk do të jetë i mundshëm.

Fill pasi sondazhet e shpallën fituese, Merkel foli edhe për hyrjen në Budestag të partisë nacionaliste, duke e konsideruar një shqetësim të madh.

“CDU/CSU është partia më e madhe dhe do të formojë qeverinë. Fushata zgjedhore është drejtuar mjaft mirë. Do flasim me partnerët tanë për të bërë më të mirën. Është një shqetësim i madh për popullin gjerman emigracioni dhe siguria, për të cilat do diskutojmë gjatë ditëve dhe javëve ne vijim.Kemi përgjegjësi të shumta por do flasim me partnerët tanë për të bërë më të mirën e mundshme. Fushata zgedhore është drejtuar mjaft mirë”, shtoi ajo.

DW

Anketat paszgjedhore në Gjermani: Merkel siguron një mandat të katërt

Angela Merkel arriti fitore në zgjedhjet e së dielës për një mandat të katërt në zgjedhjet federale, një arritje historike. Por partia e saj Kristian Demokrate mundi të sigurojë një numër më të vogël votash nga sa parashikohej.

Ndërkohë, partia populiste e ekstremit të djathtë arriti të fitojë një numër më të madh votash nga sa parashikuan të gjitha anketat.

Sipas anketave paszgjedhore të publikuara menjëherë pas mbylljes së qendrave të votimeve në orën 6 pasdite sipas orës lokale, Partia Krisitian Demokrate e zonjës Merkel dhe partia e saj simotër bavareze, Unioni Social Demokrat, siguruan 32,5 për qind të votave.

Zonja Merkel bëhet kështu një prej tre kancelarëve gjermanë pas Luftës së Dytë Botërore që zgjidhet për një mandat të katërt.

Gjermani: Deutsche Welle jep Exit Pollet e para të rezultatit të zgjedhjeve

Dalin rezultatet e para të zgjedhjeve në Gjermani, ku partia e Angela Merkel ka fituar zgjedhjet por jo me rezultatin e pritur, raporton “dw”. Sipas Exit Polleve kryeson Angela Merkel me 32.5 % të votave, ndërsa vendin e dytë e mban Martin Schulz me 20 %. Po sipas këtyre rezultateve paraprake, deri tani në parlament futen 6 parti politike.

 

Exit Polle sipas “DW”:

CDU/CSU e Angela Merkel 32.5%,

SPD 20,

AfD 13.5,

FDP 10.5,

Partia e Gjelbër 9.5,

Partia e majtë 9.

Kancelarja Angela Merkel me këtë rezultat ka marrë një goditje, por pritet të fitojë një mandat të katërt. Merkel megjithate mbetet sipas te gjitha gjasave kancelare, por pozita e saj dobesohet.

Serbia ka angazhuar “armatë” diplomatësh kundër Kosovës në UNESCO

Serbia vazhdon të lobojë kundër Kosovës për anëtarësim në UNESCO, ata madje shprehen të bindur se Kosova nuk do të anëtarësohet as kësaj radhe.

Ministri i Jashtëm serb, Ivica Daçiq tha se pretendimi i Prishtinës se kishin votat e mjaftueshme për UNESCO, është një gënjeshtër e madhe.

“Në të gjitha takimet që presidenti dhe unë kemi pasur, është diskutuar edhe kjo temë”, tha Daçiq, i cili ndodhet në Nju Jork si pjesë e delegacionit serb, të udhëhequr nga Aleksandar Vuçiq, duke marrë pjesë në Asamblenë e Përgjithshme të OKB-së, shkruan Beta.

Sipas Beta, ministri tha se zëvendëskryeministri i Kosovës, Behgjet Pacolli, i cili e bëri kërkesën më herët gjatë ditës, dhe presidenti i Kosovës Hashim Thaçi, do të humbasin në UNESCO, ashtu siç bënë dy vjet më parë.

“Një numër i madh i miqve tanë jo vetëm që kanë një pozitë të pandryshuar në drejtim të kundërt (ofertës së Prishtinës), por shumë vende kanë ndryshuar pozicionin e tyre në një drejtim pozitiv për Serbinë, që kjo vlen për vendet që abstenuan (në vitin 2015) kundër pranimit të Kosovës në UNESCO”, tha Daçiq, transmeton Tribuna.

Ai shtoi se Prishtina, nëse dëshiron që UNESCO të vendosë për ofertën e saj këtë vit, duhet të paraqesë një kërkesë deri në mes të tetorit. Konferenca e Përgjithshme e UNESCO-s më pas do të mbahet në nëntor dhe tjetra në vitin 2019.

“Deri tani nuk ka pasur lëkundje se ato do të anëtarësohen, mendoj se ata kanë frikë të humbasin. Unë nuk u rekomandoj atyre të paraqesin kandidaturën e tyre”, përfundoi Daçiq.

Në një deklaratë për të përditshmen me qendër në Beograd, Blic, Ivica Daçiq tha se Kosova do të humbasë betejën çdo herë kur është fjala për t’u anëtarësuar në UNESCO.

“Ata humbën në konferencën në Paris (në 2015), ata do të humbasin tani dhe çdo herë”, tha Daçiq, duke komentuar deklaratën e Pacollit.

“Ata nuk kanë mjaft (vota) për UNESCO-në, Pacolli mendon se mund të zgjidhë gjithçka me para, por nuk është kështu, kemi fituar dy vjet më parë, edhe pse vendet më të forta i kanë mbështetur”, tha Dacic.

Ai kujtoi se rreth 30 diplomatë të Ministrisë së Jashtme kanë lobuar dhe shtoi se nuk ka asnjë shans që Prishtina të merr mjaft vota.

Hakerët rusë e pranojnë se janë duke ndërhyrë në zgjedhjet gjermane në kohë reale

Një haker rus, i lidhur ngushtë me një rrjet të programeve të Twitterit, ka thënë për Buzz Feed se ai dhe 30 persona të tjerë në Rusi janë duke promovuar mesazhe të favorshme për partinë e ekstremit të djathtë, Alternativa për Gjermaninë (AfD), sot gjatë zgjedhjeve në Gjermani.

Hakeri, i cili e ka identifikuar veten vetëm si Alexander, ka thënë për BuzzFeed se statuse në Twitter janë “dërguar falas (për përfitime reciproke)”. Por, ai nuk ka treguar se cilat janë përfitimet, dhe nuk e ka pranuar nëse dikush i ka kërkuar ta përkrahë AfD-në, transmeton Express.

“Nuk e jap këtë informatë”, ka thënë ai, në një intervistë të mbajtur përmes rrjetit social rus, VK.

Po ashtu, Alexander nuk ka komentuar nëse vetë AfD është në kontakt me të.

Ndërkohë, sipas shërbimit gjurmues të Twitterit të themeluar nga Laura Rosenberger, drejtoreshë e Aleancës për Sigurimin e Demokracisë në Uashington, rusët janë në mënyrë aktive duke e promovuar partinë e ekstremit të djathtë, AfD, në zgjedhjet nacionale.

Njerëzit e Vetingut japin alarmin: Na rrezikohen familjet

Anëtarët e organeve të Vetingut u tremben pasojave të vendimeve të tyre, për përjashtimin nga sistemi i drejtësisë të gjyqtarëve dhe prokurorëve, të cilët nuk justifikojnë dot me dokumentacion ligjor pasuritë që posedojnë, rezultojnë me lidhje të papërshtatshme me krimin apo janë të paaftë profesionalisht.

Anëtarët-Kuvendit:Shpërblim muaji sa 200% e pagës

Në projektvendimin e depozituar në Kuvend, për pagat dhe stafin ndihmës, anëtarët e Komisionit të Rivlerësimit, thonë se do të përballen me presione për shkak të punës së tyre, ndërsa japin alarmin se ata dhe familjet e tyre do të jenë në rrezik. Për këtë arsye, 12 anëtarët e katër Komisioneve të Rivlerësimit kërkojnë 200 për qind të pagës mujore shpërblim shtesë mujor për vështirësi.

Pra, nëse paga mujore bazë shkon deri në 2 mijë USD, anëtarët e Vetingut i kërkojnë Kuvendit që të marrin një pagesë mujore shtesë për shkak të vështirësive 200 për qind të 2 mijë USD. Ndërkaq, ligji i Vetingut parashikon mbrojte të posaçme të anëtarëve të Vetingut dhe familjeve të tyre nga çdo rrezik i mundshëm.

“Bazuar në nenin C të Aneksit të Kushtetutës të Republikës së Shqipërisë, Komisioni i Pavarur i Kualifikimit, përbëhet nga 12 komisionerë të zgjedhur nga Kuvendi, të cilët kanë një mandat 5-vjeçar, dhe statusin e gjyqtarit të Gjykatës së Lartë. Komisioni organizohet në 4 trupa gjykuese të përberë nga tre anëtarë.

Bazuar në statusin që ligji u ka dhënë komisionerëve, paga e tyre llogaritet në nivelin G3. Neni 29 i ligjit nr. 84/2016 përcakton edhe një pagesë mujore shtesë për shkak të vështirësive. Nisur nga dinjiteti që duhet të ketë anëtari i institucionit të rivlerësimit, të presionit me të cilin do të përballet, me vështirësitë reale që do të ndeshë në punën e tij të përditshme, me rrezikun që do të ketë përballë ai dhe familja e tij, nisur edhe nga fakti i transparencës së jetës së tij në publik, pasi ka hequr dorë nga fshehtësia e komunikimit dhe korrespondencës së tij, mbledhja e komisionerëve propozon që kjo pagesë për vështirësi të jetë në masën 200 % të pagës mujore”, thuhet në projektvendimin e anëtarëve të organeve të Vetingut, konkretisht të Komisionit të Rikualifikimit, i cili përbëhet nga katër komisione me nga tre anëtarë.

Ligji, pagesa për vështirësi
Ligji i Vetingut, në nenin 29 të tij, ka përcaktuar masën e pagesës mujore për vështirësi për anëtarët e organeve të Vetingut.

Ligji parashikon që anëtarët e institucioneve të rivlerësimit përfitojnë një pagesë mujore shtesë për shkak të vështirësisë. Po sipas ligjit, Komisioneri dhe Komisioneri Publik marrin pagë dhe përfitime të tjera financiare në përputhje me rregullat e përcaktuara në legjislacionin që rregullon statusin e gjyqtarëve ose prokurorëve.

Ligji për statusin parashikon që gjyqtari dhe prokurori e kanë pagën sa 106 % e pagës së drejtorit të drejtorisë së përgjithshme në Kryeministri. Ndërsa, gjyqtari i Kolegjit të Apelimit merr pagë dhe përfitime të tjera financiare në përputhje me rregullat e përcaktuara në ligjin “Për organizimin dhe funksionimin e Gjykatën Kushtetuese në Republikën e Shqipërisë”. Këshilltari ligjor dhe ekonomik përfiton përkatësisht 80 për qind të pagës mujore përkatëse të anëtarit të institucionit të rivlerësimit.

Ata përfitojnë një pagesë shtesë për shkak të vështirësisë, sipas rastit. Pas përfundimit të mandatit të institucioneve të rivlerësimit, këshilltari ligjor dhe ekonomik, me pëlqimin e tij/saj, ka të drejtë të emërohet në funksionin ose detyrën publike që kishte para zgjedhjes së tij/saj ose në një vend të përafërt në administratën publike.

Ja kur komisioneri rrezikon të shkarkohet nga detyra
1.Kur shoqërohet me persona që janë nën ndjekje penale ose janë subjekte të një procedimi penal.

2.Kur përfiton në mënyrë të padrejtë dhurata dhe favore për shkak të funksionit.

3.Kur bën sjellje, akte dhe veprime që krijojnë përfitime të padrejta ose dëme për palët pjesëmarrëse në gjykim.

4.Kur nuk njofton kryetarin apo organet kompetente, për ndërhyrje ose ushtrimin e formave të tjera të ndikimit të papërshtatshëm nga avokatët, funksionarët politikë, funksionarët publikë dhe subjekte të tjera.

5.Për çdo lloj ndikimi tjetër të papërshtatshëm në ushtrimin e detyrës të një anëtari tjetër.

6.Për mospërmbushje të pajustifikuar të funksionit të tij.

7.Për heqje dorë të kryerjes së atyre veprimeve që nuk bazohen në shkaqet e parashikuara në ligj.

8.Për shkelje të përsëritur të rregullave të solemnitetit dhe rregullave të sjelljes.

9.Për vonesë dhe zvarritje të përsëritur dhe të pajustifikuar të veprimeve procedurale gjatë ushtrimit të funksionit.

10.Për bërjen publike të mendimeve që ka dhënë vetë ose anëtarët e tjerë gjatë procesit që akoma nuk kanë marrë formën e një akti të bërë publik.

11.Për shkelje të detyrimit të konfidencialitetit dhe të mospërhapjes së informacionit.

12.Për bërjen e deklaratave publike dhe në media për çështjet, me përjashtim të komunikimeve të shtypit brenda kufijve të detyrës së tij.

13.Për parashtrim të shtrembëruar të fakteve në aktet e nxjerra.

14.Për përdorimin e mandatit të anëtarit për të realizuar përftime të pajustifikuara vetjake ose për të tjerët.

Struktura e Komisionit të Pavarur të Kualifikimit
Kryetari i Komisionit të Kualifikimit

-Kabineti
Këshilltar i Marrëdhënieve me Jashtë 1
Zëdhënës 1
Sekretare 1
-Komisionerë 11

-Njësia e Shërbimit Ligjor
Këshilltarë ligjorë 12
Këshilltarë ekonomikë 4

-Sekretari i Përgjithshëm
Sekretari i Përgjithshëm 1
Sekretar 1

Drejtoria e Përkthimeve
Drejtor 1
Përkthyes 3

Drejtoria ekonomike dhe Dokumentacionit, 31 punonjës
Drejtor 1

-Sektori i Financës dhe i Burimeve Njerëzore
Shef sektori 1
Specialist finance/buxhet 1
Specialist i burimeve njerëzore 1
Specialist i prokurimeve 1
Shofer i Kryetarit 1
Shofer i Komisionerëve 11
Shofer 1
Punonjës pastrimi 1
Magazinier 1
Teknik mirëmbajtjeje 1

-Sektori i Dokumentacionit
Shef sektori 1
Specialist arkiv/protokoll 1
Sekretare gjyqësore 4
Operator për zbardhjen e vendimeve 1
Specialist pritje me popullin 1
Specialist i botimeve/korrektor redaktor 1
Specialist IT 1

/shqiptarja.com/

Lexo më shumë në: http://www.gazetaexpress.com/lajme-nga-shqiperia/njerezit-e-vetingut-japin-alarmin-na-rrezikohen-familjet-438284/?utm_source=referral&utm_medium=web&utm_campaign=copyright

Gjermani: Kanë filluar votimet, Merkel synon mandatin e katërt

Pamje e fotografive të liderëve politikë, Angela Merkel dhe Martin Schulz, gjatë fushatës zgjedhore në Gjermani

Në Gjermani janë hapur vendvotimet për zgjedhjet parlamentare, në të cilat pritet që kancelarja aktuale, Angela Merkel, ta fitoj edhe mandatin e katërt historik.

Në këto zgjedhje, po ashtu, pritet që për të parën herë, një parti e krahut të djathtë ekstrem të ketë përfaqësim parlamentar prej përfundimit të Luftës së Dytë Botërore.

Afro 61.5 milionë njerëz kanë të drejtë vote në këto zgjedhje, në të cilat demokratët kristianë (CDU) të zonjës Merkel, sipas hulumtimeve të djeshme të opinionit, pritet të fitojnë ndërmjet 34 dhe 36%.

Partia e e Unionit Demokratik Kristian (CDU) mund të shpresojë për një fitore të ngushtë së bashlu me partinë probiznesore të demokratëve të lirë (FDP) ose me Partinë e të Gjelbërve.

Nga ana tjetër, Partia Socialdemokrate, e udhëhequr nga Martin Schulz, pritet të fitoj ndrmjet 21 dhe 22% të votave, që vlerësohet se është një rënie historike e mbështetjes për këtë parti.

Partia e krahut të djathtë ekstrem, Alternativa për Gjermaninë (AfD), pitet të fitoj ndërmjet 11 dhe 13% në zgjedhjet e sotme dhe mund të ndodhë që për të parën herë në 60 vitet e fundit, të ketë përfaqësues në parlamentin gjerman.

Prof. Kabo: vetëm 3 nga 11 e kaluan testin – Voal sjell Dossierin e plotë me gjithë intervistën të zbardhur dhe me video

Akademiku Përparim Kabo ka reaguar pas kronikës së publikuar nga ‘Channel One’, ku ai u drejtonte disa pyetje të përgjithshme kandidatëve për Këshillin e Lartë të Gjyqësorit dhe Këshillin e Lartë të Prokurorisë, por të cilët nuk ishin në gjendje të përgjigjeshin. Për shkak se kandidatët që do bëjnë vetting-un në Shqipëri nuk e kaluan provën e profesor Kabos, reagimet në media dhe rrjetet sociale ishin të shumta. Kabo ka reaguar dhe sqaron se qëllimi i tij ishte të shikonte nivelin kulturor të kandidatëve, ndërsa vlerëson si të shkëlqyer vetëm 3 nga 11 kandidatët.

 

Perparim Kabo

Perparim Kabo

“Të nderuar miq të njohur dhe të panjohur…qëllimi im ishte të shikoja nivelin kulturor të kandidatëve për Këshillin e Lartë të Gjyqësorit dhe Këshillin e Lartë të Prokurorisë. Ekspertiza e tyre profesionale ishte vlerësuar nga institucionet e arsimit të lartë. Në këto kushte unë provova thjesht atë që quhet kujtesë institucionale dhe kulturë e gjërë intelektuale. Nga 11 vetëm 3 për mua ishin të shkëlqyer. Tani që shohim se kë do zgjedhin deputetët, këta të tre apo restin…Unë fola sepse nuk e dua atdheun tim si edhe Ju miq, me heshtjen. Kultura e lart nuk të lejon të biesh në banalitet, kultura e munguar të përqafon me vesin dhe banalitetin ordiner. Ju faleminderit . Atdheu mbi gjithçka”, shprehet Kabo.

 

Përgjigjet e çuditshme. Këta janë njerëzit që do të zbatojnë Vettingun (VIDEO)

 

Këto ditë kandidatët për në Këshillin e Lartë të Prokurorisë dhe atë të Gjyqësorit, nga radhët e akademikëve, u “intervistuan” nga kolegët e tyre, përpara se emrat të dërgohen në Parlament për miratim.

Procesi i vlerësimit të njerëzve që do të kryejnë Vettingun ka nxjerrë në pah se personat që kanë marrë përsipër të jenë pjesë e institucioneve më të rëndësishme të drejtësisë, kanë mungesë të theksuar të njohurive të përgjegjshme për drejtësinë.

Kandidatët do të kanë në dorë gjithë emrat e drejtësisë për Vettingut dhe pyetjet ndaj tyre kanë qenë nga më të ndryshmet.

Juria ka mbetur e shokuar nga përgjigjet e pedagogëve të juridikut dhe magjistraturës, pasi iu ka drejtuar pyetje elementare, herë herë edhe “provokuese”.

Ajo që ra në sy është fakti se kandidatët nuk njohin prokurorë që kanë drejtuar institucionet shqiptare, si Alush Dragoshi, apo Maks Haxhia, pas pyetjeve të drejtuara nga Përparim Kabo. Kujtojmë se 5 kandidatët aplikuan të jenë anëtarë të trupës që do të hetojë mbi prokurorët dhe gjykatësit. Madje, disa prej tyre shprehen konfuzë edhe kur pyeten se çfarë libri kanë lexuar së fundmi. Për më tepër.

Disa nga pyetjet dhe përgjigjet më pikante:

Përparim Kabo: Pse më jep garanci se nuk do korruptohesh?

 Maks Çoku: Se e kam dhënë gjithë këto vjet. Prej 23 vjetësh kam qenë me integritet, i drejtë kur ka qenë për të qenë i tillë, guximtar, mbase dhe më ka kushtuar kur e kam mbajtur. Jam zënë kur është dashur për tu zënë. Jam shmangur shumë sepse ashtu më ka pëlqyer, por ama jam ky që jam.

 Përparim Kabo: Kur keni refuzuar për herë të fundit bakshish?

Erjon Muhamerraj: Para një jave.

 Përparim Kabo: Ngrihesh në mëngjes dhe sheh në inboxin e telefonit tënd, një mesazh nga një kriminel nga burgu që të kërcënon se do të rrëmbejë fëmijët nëse nuk do i japësh atë që ai të propozon. Si do silleshe?

Brunela Kullolli: Do ta fik telefonin dhe do qetësohem (qesh)

Përparim Kabo: Telefonin mund ta fikësh por si do sillesh atje ku do shkosh në mbledhje për të marrë vendimin?

Brunela Kullolli: Është një shprehje popullore që thotë Qeni që leh nuk ha.

Përparim Kabo: Lëre atë ti. Një nga faktorët që e ka dëmtuar sistemin e drejtësisë në Shqipëri dhe që do vazhdojë ta dëmtojë është krimi. Këtë mos e harro. Ju do përballeni edhe me presionin e krimit.

Përparim Kabo: Z. Panda cili është objekti më i shtrenjtë që keni blerë në jetën tuaj?

Ilir Panda: Një pendë ose penë. E kam blerë në një dyqan librari që e kam blerë në ShBA, bashkë me kallamarin e bojës sepse më kujtonte.

Përparim Kabo: Sa kushtonte penda me kallamarin?

Ilir Panda: 70 dollarë.

Përparim Kabo: 70 dollarë, ky është objekti më i shtrenjtë që keni blerë në jetën tuaj?

Ilir Panda: Po.

Përparim Kabo: Po vetura juaj sa kushton?

Ilir Panda: Nuk e kam një të tillë.

Përparim Kabo: Urdhëro? Nuk keni veturë? Ecni në këmbë?

Ilir Panda: Jo, më pëlqen shumë transporti publik.

Përparim Kabo: Ju keni banuar në rrugën ‘Brigada 8’. Sa e shitët apartamentin?

Ilir Panda: Ka qenë një operacion civil juridik me të cilin ne fakt nuk u mora aspak vetë.

Përparim Kabo: E njihni Alush Dragoshin?

Eriona Canaj: Edhe njëherë ju lutem se nuk ju dëgjova.

Përparim Kabo: E keni dëgjuar ndonjëherë emrin Alush Dragoshi?

Eriona Canaj: Për momentin nuk më kujtohet.

Përparim Kabo: Kleanthi Koçi?

Eriona Canaj: Po.

Përparim Kabo: Çfarë ishte ky? Kompozitor, piktor?

Eriona Canaj: Të parin nuk e mbaj mend sinqerisht.

Përparim Kabo: Dakort, ju kuptoj.

Arben Malaj: Unë prap jam shumë suportiv që zonja të nderuara të marrin përsipër një pozicion kaq të vështirë. Ne ekonomistët themi që gjithçka është ‘tregovë’. Ju doni të promovoheni dhe të merrni një përgjegjësi shumë të madhe. Nga ana tjetër doni totalisht privatësinë tuaj, jo vetëm si individ, por si familje.

Eneida Sema: Nuk mendoj se është problem. E kam pranuar që kur kam shfaqur vullnetin për të kandiduar.

Arben Malaj: Dëshira jonë është të mos dorëzoheni rrugës.

Ksenofon Krisafi: Para disa muajve, ndoshta para një viti dhanë një ngjarje në Universitetin e Shkodrës ku ju jeni pedagog apo jo? Ku një apo dy profesorë u akuzuan nga prokuroria për marifete me notat, me pare me ksi gjërash. Prokuroria i ndaloi, gjykata më duket i liroi. Tani me cilësinë e kandidatit për anëtar i KLP-së, si e gjykoni veprimin e prokurorisë, të nxituar apo objektiv, dhe si e gjykoni veprimin e gjykatës, të korruptuar apo objektiv?

Sander Beci: Unë gjykoj që lidhur me ndalimin, veprimin e prokurorisë e konsideroj të nxituar. Ndërkohë lidhur me hetimin e çdo rasti të lidhur me veprimtarinë e organeve të administratës, universiteteve dhe çdo organi tjetër që ushtron një funksion publik, natyrisht që prokuroria ka të drejtën të hetojë. Ndërkohë që gjykata ka përcaktuar pikërisht pozitën e secilit prej këtyre personave në raport me përgjegjësinë, me ligjin dhe në raport me të drejtat që gëzojnë në kuadër të qenies së tyre.

Reforma në drejtësi, vetting pothuajse janë kompromentuar tashmë në proces. Nuk dua ta besoj këtë. Mendon se do t’ia arrijmë ditës që do të kemi sistem drejtësie siç duhet të jetë?

Gent Ibrahimi: Po është padyshim. Unë jo shpresoj, por di që ne do të bëjmë ato cm e vogla të punës drejt atij objektivi për ta lënë stafetën pastaj në një mënyrë që të jetë e qartë kush ka bërë çfarë dhe me shpresën që do arrijmë në atë objektiv. Por që është vërtetë e vështirë.

Kosovë: Shpërngulje masive nga zonat kufitare me Serbinë (video)

Për shkak te zhvillimeve në dy dekadat e fundit në Kosovë, fshatra të tëra të banuara me shqiptarë përgjatë brezit kufitar me Serbinë janë depopulluar.

Në fshatrat shqiptare Hogosh dhe Poliçkë të Kamenicës përgjatë brezit kufitar Kosovë-Serbi, jeta në paqe filloi të zbehej që në fillim të viteve 90’të.

Në fshatin Poliçkë ikja masive e popullatës filloi tri-katër vjet pas luftës, për shkak të mungesës se infrastrukturës, investimeve dhe pasigurisë.

Zeqir Bunjaku shpjegon gjendjen në të cilën gjendet ky fshat tani.

E bukuritë e fshatit Hogosh shumë shpejt mund të mbesin shkret, kështu të paktën e cilësojnë banoret.

SHBA dërgojnë avionë bombardues shumë pranë Koresë së Veriut

Pentagoni thotë se një mision me bombardues të tipit B-1B janë nisur nga Guami, krahas me avionë luftarakë F-15 të nisur nga Okinava e Japonisë në hapësirën ajrore ndërkombëtare mbi oqean, në lindje të Koresë së Veriut.

Shtetet e Bashkuara thonë se misioni ka shkuar në pikën më veriore të Zonës së Çmilitarizuar, që ndan Gadishullin Korean. Sipas zyrtarëve, këtë shekull, asnjë avion luftarak, apo bombardues amerikan nuk ka fluturuar ndonjëherë në atë territor.

Zëdhënësi i Departamentit të Mbrojtjes Dana White tha në një deklaratë se misioni tregon për seriozitetin me të cilin e marrin Shtetet e Bashkuara “sjelljen e papërgjegjshme” të Koresë së Veriut.

B1-B bomber & F15

B1-B bomber & F15

Në deklaratë thuhet se fluturimi i avionëve luftarakë është një “demonstrim për vendosmërinë e Shteteve të Bashkuara dhe një mesazh i qartë” se Presidenti Donald Trump “ka opsione të shumta ushtarake për të përballuar me sukses çdo lloj këcënimi”.

Zëdhënësi White tha se “ne jemi të përgatitur për të përdorur të gjitha aftësitë ushtarake për të mbrojtur atdheun tonë, Shtetet e Bashkuara të Amerikës, si dhe aleatët tanë.”

Presidenti Donald Trump ka kërcënuar se “do ta shkatërrojë plotësisht” Korenë e Veriut, në se Shtetet e Bashkuara të detyroheshin të vetëmbroheshin, ose do të mbronte aleatët nga një sulm koreanoveriror.

Telegrami nga Shkodra pas shtypjes së qëndresës së Prek Calit dhe konferenca matanë kufirit

 

21687449_1452782038102960_5735619239274540438_n

Menjëherë pas shtypjes së qëndresës së Prek Calit, matanë kufirit, në trojet shqiptar nën zotërim jugosllav u zhvillua një konferencë. U zgjodh qyteti shqiptar i Tuzit. Shefqet Peçi raportoi më parë për shtypjen e qëndresës dhe të dhënat përkatëse dhe u nis në Tuz. Ky është telegrami i datës 28.2.1945 për takimin e Tuzit, në të cilin popullsia vendase e atjeshme që përbënte shumicë cilësohet minoritet.

Nga Kastriot Dervishi