VOAL

Please Wait ...
0%

“Dosja e re në prokurori” – Habilajt, në 4 vite xhiruan rreth 300 milionë euro

By | October 22, 2017
1 Comments
  • author avatar
    HOOK 4 weeks ago Reply

    Nga Edi Rama: “Shqiperia qe duam” paraqet: HASHASH! Asistent regjizor Ilir Meten! Skenari: Sali Berisha & Lulzim Basha! Truku Skenik: M. Kryemadhi! Me aktorèt e njohur Balili, Habilaj .

    Ne vazhdim do te ndiqni: Nga Sali Berisha ,Ilir Meta, Lulzim Basha: Lazarat, 21 Janari, Gradeci, Rruga e Kombit, CEZ, Remzi Hoxha, Piramida, 18 Maj 2017, 22 Korrik 2017 !

Komentet

Tahiri zbriti pas mesnate në Rinas, ja çfarë tha kur u pyet për udhëtimin

Ish-ministri i Brendshëm, Saimir Tahiri eshte kthyer ne Shqiperi, pas mesnatës së të dielës. Avioni me të cilin ai në Tiranë nga Viena u ul në Rinas pas mesnatës dhe automjeti i deputetit e priste atë përpara terminalit VIP.

Megjithëse deputet, që si i tillë mund të përdorë terminalin VIP, Saimir Tahirin preferoi të dalë nga terminali i zakonshëm i udhëtarëve.

Ish-ministri nën hetim nuk dha asnjë shpjegim për udhëtimin e tij dy ditor jashtë vendit. Po ashtu ai nuk bëri asnje koment mbi dosjen Sota, biznesmeni 25-vjeçar, në automjetin e të cilit u gjetën mbi 860 mijë euro dhe patenta të familjes Tahiri.

“Zoti Tahiri mirmbrëma, cili ishte qëllimi i vizitës suaj……….?”

“Cca bëhet kështu…..Jepini fund kësaj estrade….është komplet pa sens, pa sens”, tha Tahiri.

“Keni një koment mbi dosjen Sota….?”(Tahiri largohet)

Saimir Tahiri doli nga Shqipëria të premten në orën 15:00 dhe mbërriti në Vjenë rreth orës 16:40. Pas gati një orë pritje në tranzitin e Vjenës, deputeti Tahiri u nis po atë ditë në orën 17.30 drejt Hamburgut në Gjermani, ku avioni u ul rreth orës 19.05.

Disa burime sugjeruan se vizita të premten mund të kishte karakter familjar dhe zoti Tahiri ndodhej në Gjermani pranë një të afërmi të tij të operuar. Por, të paktën sipas të dhënave të biletës që disponon Top Channel, ky familjar i deputetit Tahiri kishte rezervuar një udhëtim vajtje-ardhje drejt Mynihut në fund tetori-fillim nëntori.

Burimet për Top Channel konfirmojnë se në këtë udhëtim të premten e 17 nëntorit drejt Gjermanisë, deputeti Tahiri jo vetëm ka pasur për destinacion Hamburgun dhe jo Mynihun ku u operua familjari i tij, por ka qenë i shoqëruar nga një ish-vartës në Ministrinë e Brendshme.

Saimir Tahiri mori rrugën e kthimit nga e njëjta linjë, duke u nisur të dielën nga Hamburgu rreth orës 17.30 dhe me mbërritje në Vjenë rreth orës 19.05. Pas gati katër orë pritje në tranzit, deputeti Tahiri mbërriti në Tiranë pas mesnatës, kur kishte hyrë e hëna.

Dalja e Saimir Tahirit nga Shqipëria, ndërkohë që Parlamenti kishte autorizuar bllokimin e lëvizjes së tij, hedh pikëpyetje mbi arsyet e Prokurorisë së Krimeve të Rënda që nuk kërkoi në gjykatë bllokimin e pasaportës. Gjatë dëgjesës në Këshillin e Rregullores, Mandateve dhe Imuniteteve, prokurorët e Krimeve të Rënda u shprehën se i druheshin daljes jashtë shteti të Saimir Tahirit dhe prishjes së provave.

Por më pas në gjykatë prokurorët nuk kërkuan bllokimin e pasaportës, duke e lënë deputetin të lirë të lëvizë sipas dëshirës.

Saimir Tahiri shtyn kthimin nga Gjermania, zbulohet vendimi i Kuvendit

Ish-ministri i Brendshëm, Saimir Tahiri, e ka shtyrë me një ditë kthimin e tij nga Gjermania. Familjarë të tij thanë dje për gazetën “Panorama” se ai do të kthehet nesër(sot), ditën e diel.

Dy ditë më parë, deputeti Tahiri kishte pohuar për “Panoramën” se kishte udhëtuar drejt Gjermanisë përmes aeroportit të Rinasit për arsye familjare dhe se do të kthehej të shtunën (dje) në mbrëmje.

Avokati i ish-ministrit, i cili është person nën hetim nga Prokuroria e Krimeve të Rënda, u shpreh se nuk ishte në dijeni të këtij udhëtimi. Por, nga ana tjetër, shtoi se lëvizjet e tij brenda dhe jashtë Shqipërisë nuk përbëjnë asnjë detyrim për ta vënë në dijeni Prokurorinë, pasi ai është një njeri i lirë.

për më tepër, Gjykata nuk ka vendosur asnjë masë shtrënguese ndaj tij, bllokim pasaporte apo pengim për t’u larguar jashtë vendit. I vetmi vendim gjykate ishte kontrolli i banesës së tij në kuadër të hetimit për çështjen “Habilaj”, vendim që u ekzekutua nga Prokuroria.

VENDIMI

Prokuroria e Krimeve të Rënda nuk ia kufizoi lëvizjen jashtë shtetit ish-ministrit të Brendshëm, edhe pse këtë e kishte si një nga pikat e kërkesës së saj drejtuar Parlamentit. Shumica parlamentare, në vendimin e saj e ka pranuar këtë kërkesë të Prokurorisë, me përjashtim të dhënies së autorizimit për arrestimin e Tahirit. Vendimi i Kuvendit i miratuar me votat e Partisë Socialiste, i firmosur nga kryetari i tij, Gramoz Ruçi i jep të drejtë Prokurorisë edhe për moslejimin e Tahirit të dalë jashtë shtetit.

vendim tahiri

“Vendosi pranimin e kërkesës së Prokurorisë pranë Gjykatës së Shkallës së Parë për Krime të Rënda, Tiranë për: Dhënien e autorizimit për kontrollin personal dhe të banesës për deputetin e Kuvendit të Republikës së Shqipërisë Saimir Tahiri. Dhënien e autorizimit për ndalimin e daljes jashtë shtetit, detyrimin për t’u paraqitur në Policinë Gjyqësore, ndalimin dhe detyrimin për të qëndruar në një vend të caktuar, si masë shtrënguese të heqjes së lirisë në kuptim të shkronjave “a”, “b” dhe “c”, të nenit 232, të Kodit të Procedurës Penale”, thuhet në vendimin e Kuvendit.

Udhëtimi jashtë Shqipërisë i ish-ministrit të Brendshëm Saimir Tahiri vjen pas një heshtjeje të gjatë publike e mungesës së dy ditëve më parë në Parlament, ku emri i tij u risoll në vëmendje gjatë diskutimeve.

Burime nga organi i akuzës thanë se për prokurorët e çështjes, ka qenë shumë e nevojshme marrja e autorizimit për “arrest ne burg”, pasi rrezikoheshin provat. Sipas prokurorisë, duke qenë i lirë, Tahiri ka mundësi të ndikojë për provat dhe dëshmitarët.

Fotot – Kush është koka e prostitucionit në Shkodër, me zinxhirë floriri dhe femra në krevat

Rinard Tota, 50 vjeç, i dënuar disa herë është arrestuar sot nga policia e Shkodrës gjatë operacionit “Balerinat” me akuzën për shfrytëzim prostitucioni. Ai akuzohet si organizator i këtij aktiviteti ilegal në një lokal-motel në pronësi të tij në qytetin e Shkodrës. Po kush është Rinard Tota?

Ai është i martuar dhe baba i dy fëmijëve. 50-vjeçari ka ndërruar disa herë emrat. Nga Frederik në Rinard, nga Tata në Tota me qëllim për t’i shpëtuar policisë.

 

 

auto_pro1511038029 auto_tota1511038027

Kush është koka e krimit, i dënuar disa herë?

Policia e Shkodrës ka finalizuar ditën e sotme një operacion, në fund të të cilit janë arrestuar 7 persona. Të arrestuarit akuzohet se kanë krijuar një rrjet prostitucioni që funksiononte në Shkodër. Mes të arrestuarve është edhe Rinard Tota, i cili ishte koka e këtij grupi.

Te-tata-shkoder

Për policinë ky emër nuk është i panjohur pasi ka qenë i arrestuar dhe dënuar për vepra të ndryshme penale.

ARRESTIMI

Ambienti tre katësh në pronësi të shtetasit Rinard Tota, ku realizohej veprimtaria kriminale është sekuestruar nga policia në kuadër të operacionit kombëtar “Forca e ligjit” që ka të bëjë me sekuestrimin e aseteve të ardhura nga aktiviteti kriminal.

tota 2

Pikërisht tek ky ambient, forcat e policisë kanë mësyrë sot, duke i rrethuar Rinard Totën dhe Kastriot Musën dhe më pas arrestuar si organizatorë të prostitucionit.

Ahmetaj – ambasadorëve: Në 4 vjet s’keni sjellë asnjë investitor

Ministri i Financave dhe Ekonomisë, Arben Ahmetaj, u kërkoi ambasadorëve tanë nëpër botë që të kërkojnë investitorë strategjikë, të cilët do të zëvendësojnë të ardhurat që sjellin sot dy të tillë që operojnë në vendin tonë.

Ministri i Ekonomisë dhe Financës, Arben Ahmetaj tha se është i rëndësishëm kalimi në një fazë të re të diplomacisë ekonomike, e cila lidhet me promovimin e Shqipërisë për përfitimin e sa më shumë investitorëve të huaj.

Sipas tij, statistikat tregojnë se investimet e huaja kanë kapur vlerën e 1.1 miliardë eurove. Gjatë fjalës së tij në konferencën vjetore të ambasadorëve, Ahmetaj tha se Shqipëria do të ketë 200 milionë euro minus nëse nuk do të ketë investime të huaja për të zëvendësuar investimet e TAP dhe atë të kaskadës së Devollit.

“Është TAP-i dhe Devolli që kanë ndikuar në rritjen e numrit në 1.1 miliardë. Sfida është që kur këto investime të mëdha kanë fazën e tyre të mbarimit të investimit dhe të kalimit, më pas, në operim, me çfarë do të zëvendësohen. Dhe kini parasysh se, nëse nuk do të bëjmë asgjë në gjetjen e investitorëve, qoftë të vegjël e qoftë strategjikë, atëherë në vitet 2019-2020- 2021, do të kemi një Gap prej 200 milionë dollarë nëse këto investime nuk zëvendësohen me të reja.”

Ministri i Financave nuk ka kursyer kritika për ambasadorët pasi sipas tij, ata nuk kanë mundur të sjellin asnjë investim të huaj në Shqipëri në katër vitet që shkuan.

“Unë nuk kam marrë asnjë telefonatë nga ju, si grup, për të më provokuar të pres një investitor të mundshëm në zonat ekonomike. Fatkeqësisht, asnjë nga ju nuk më ka bezdisur. Fokusohuni për investitorë të rëndësishëm në fushën e turizmit tani që me paketën e re fiskale, ne heqim taksat për hotelet dhe resortet me 5 yje. Gjithashtu, kërkohen investitorë të mëdhenj për zonën ekonomike të Spitallës, ku do të ketë lehtësira fiskale”, është shprehur ministri i Financave dhe Ekonomisë.

Ndahet nga jeta: XHEVAHIRE GASHI, “FLUTURA” E VALLEVE TË MALËSISË SË GJAKOVËS (TROPOJË)… Nga Prof. Murat Gecaj publicist e studiues

Në Internet lexuam këtë lajm: “Me hidhërim të thellë ju njoftojmë, se u nda përgjithnjë nga jeta, pas një sëmundjeje të gjatë, nëna jonë Xhevahire Gashi-Vidrica.Varrimi bëhet në Tufinë, ditën e dielë, ora 13:00.Adresa e familjes është: “Rruga “5 Maji”, pallati në formë U-je, Tiranë. Nga: Familja Vidrica”.
Me këtë rast, ju dërgojmë ngushëllimet tona dhe marrim pjesë në hidherimin e madh të pjesëtarëve të familjeve Vidrica e Gashi, si dhe artdashësve të Malësisë se Gjakoves (Tropojë), për ndarjen nga jeta të “fluturës” brilante të valleve popullore të asaj krahine, Xhevahire Elez Gashi-Vidrica!
Ajo ishte pjesëmarrëse dhe laureate e disa festivaleveve folklorike, kombëtare e ndërkombëëtare…Jemi të sigurtë që emri i saj do të mbetet i paharruar dhe do të kujtohet gjatë, nga të gjithë ata, që e njohën dhe brezat pasardhës.
Në shenjë nderimi e kujtimi, për jetën dhe përkushtimi e saj, më poshtë po ribotojmë një shkrim modest.
Tiranë, 18 nëntor 2017

x x x
“Kur shkruan për një person të caktuar, së pari, nëpër mend kalon vitet e shkuara. Pra, përpiqesh të kujtosh njohjet e lidhjet e mëparshme me të. Kam dashur të shkruaj disa herë për një nga talentet më të spikatur të valles popullore tradicionale të Malësisë së Gjakovës (Tropojë). Është fjala për “fluturën” ose valltaren brilante e, ndoshta, të papërsëritshme të asaj treve, Xhevahire Gashin. Por nuk e di, se si jam “ngatërruar” në këtë gjë dhe vetëm tani po i shkruaj këto pak radhë. Jam i nxitur edhe nga fakti se ajo, kohët e fundit, ka qenë e shtruar në një spital të kryeqytetit Tiranë dhe tani vazhdon të jetë ca e pamundur nga shëndeti, në shtëpi. Me këtë, dua të shpreh nderim e respekt për talentin, përkushtimin dhe interpretimet e saj, nëpër skenat shqiptare dhe jashtë tyre.

Në vitin arsimor 1957-1958, pas mbarimit të gjimnazit në Tiranë, m’u dha rasti të jem mësues në shkollën 7-vjeçare të fshatit Tropojë. Aty kisha koleg edhe shokun e shkollës 7-vjeçare të Kolgecajt (sot qyteti “B.Curri”), Fahri Doçin, sot “Mësues i Popullit”, më vonë kunat i Xhevahires. Ndërsa drejtor kishim normalistin e Elbasanit, Elez Gashin, gjithashtu tani “Mësues i Popullit”. Ky na tregonte se kishte 5 vajza dhe se i kishte rritur me vështirësi, pasi bashkëshortja e tij ishte ndarë nga jeta në moshë të re. Njëra nga ato ishte Xhevahirja, e cila më vonë do të bëhej e njihej një ndër valltaret më virtuoze të Malësisë së Gjakovës (Tropojë) ose do të mbetej përherë “xhevahire”, në interpreptimin e tyre.

Vitet rodhën e përsëri u takova me Elezin, në vitet 1966-1973, kur shkova familjarisht, nga Tirana, në qytetin “B.Curri”. Në atë kohë, pesë vjet isha kryeinspektor i kulturës së rrethit, ndërsa ai mësues në shkollën 8-vjeçare të qytetit “Bajram Curri”. Siç dihet, atëherë tregohej kujdes i veçantë për lëvizjen amatore kulturore-artistike. Në shkallë rrethi, kishim ngritur një ansambël të këngëve e valleve popullore, me emrin e bukur “Valbona”. Ai jepte koncerte, herë pas here, për banorët e qytetit e rrethit dhe e përfaqësonte krahinën tonë në veprimtaritë në shkallë kombëtare. Kuptohet, se në këtë ansambël kishim mbledhur talentet më të spikatur, si për këngët dhe vallet popullore. Kujtoj tani me nderim këngëtarët: Isuf Halili, Riza Zymeri, Zef Avdia, Murat Alia, Pjetër e Ndoc Imeraj dhe valltarët Hazir Rrustemi, Skënder Haklaj e Deli Metaliaj, rapsodin Sokol Arifi, instrumentistët Ali Mula, Malush Shabani e Sokol Zmajli dhe mjaft të tjerë. Ndërsa nga vajzat, ishin bërë të njohura valltaret e shkathta Bubë Mici e Hajrie Haklaj, vogëlushet e “Valles së gështenjave” e të tjera.

Por ajo, që i jepte jetë e gjallëri të veçantë valleve karakteristike tropojane, ishte pikërisht Xhevahire Elez Gashi. Kishte dalë në skenë që në vitin 1955, kur ishte 8 a 9-vjeçare, nxënëse e shkollës 7-vjeçare dhe nuk iu nda asnjëherë. Duke parë talentin e saj, dy vjet më vonë, ajo ishte dërguar pjesëtare në Ansamblin e Këngëve dhe Valleve Popullore, në Moskë, për ta përfaqësuar Shqipërinë në një festival ndërkombëtar, ku u nderua me çmim të parë. Por edhe në vitet pasardhëse, ajo nuk iu nda skenës edhe kur u martua me bashkëfshatarin tim, Gani Vidrica dhe lindi e rriti 6 fëmijë: Kozetën e Anën, Bardhylin, Fatmirin, Albanin e Taulantin. Bile, dy nga djemtë e saj, Bardhyli e Fatmiri arritën të bëhen valltarë të talentuar, në udhën e nënës së tyre Xhevahire, aq të njohur për interpretimin e valles popullore tropojane.

Në vitet pasadhëse, nuk kishte shfaqje folklorike në bazë rrethi, ku ajo të mos ishte ndër më të dalluarat dhe më të pëlqyerat në skenë. Kjo vinte se Xhevahirja binte në sy për lëvizjet e saj të shkathta e të sakta. Ruante besnikërisht traditën burimore të atyre valleve, që i kishin kërcyer historikisht, vajzat e gratë e asaj treve. Tani, pas kaq vitesh, më kujtohet dhe një shfaqje e ansamblit “Valbona”, në qershor 1970, para popullit të qytetit e fshatrave të rrethit të Tropojës. Kur Xhevahirja doli në skenë dhe vallëzoi si “flutur”, sheshi i stadiumit të qytetit shpërtheu në duartrokitje të fuqishme. Po kështu, u prit ajo ngrohtësisht edhe në sa e sa shfaqje të tjera, në Festivalet Folklorike të Gjirokastrës dhe deri në Festivalin Ndërkombëtar, në Ohër të Maqedonisë. Në të gjitha këto veprimtari, ajo është shpallur “Laurate e Festivalit”.
Nuk jam specialist i valleve e i këngëve popullore të vendlindjes sime, Malësi e Gjakovës (Tropojë). Por kam venë re me kënaqësi se hapat e valleve popullore të asaj krahine, luajtur nga Xhavahire Gashi, kanë shërbyer edhe për koreografët e Ansamblit Shtetëror të Këngëve e Valleve Popullore të Shqipërisë. Kështu, mund të them dhe për “kopjimin”, që ata u kanë bërë hapave të valltarit të jashtëzakonshëm të asaj krahine, Hazir Rustemi. Koreografi i njohur, Ramazan Bogdani është shprehur, kur Xhevahirja mori pjesë në Festivalin Folklorik Kombëtar, në Librazhd (2002): “Duhet përgëzuar Ansambli i Këngëve e Valleve Popullore, që i mori këto “bulëza” dhe i bëri perla të Shqipërisë e me përhapje edhe më të gjerë. Kam pasur fatin e madh, që punoj prej kohësh me të dhe Xhevahirja nuk është vetëm një valltare, por edhe një bartëse e folklorit të Malësisë së Gjakovës, përsa i përket zakoneve dhe riteve të dasmës e posaçërisht për veshjet popullore, të cilat i ka pasur dhe i ka në shpirt”. Po, është e vërtet se ajo, si qëndistare e talentuar, ka përgatitur sa e sa veshje të bukura popullore të krahinës, sidomos për gratë e vajzat, me të cilat pastaj ato edhe kanë marrë pjesë në veprimtaritë e ndryshme kulturore-artistike.

Megjithëse mosha e gjendja shëndetësore nuk ia lejon të dalë më në skenë, tani Xhevahirja sjell ndërmend udhën e përshkuar nëpër skenat lokale, kombëtare e ndërkombëtare. Dhe, natyrshëm, ka nostalgji, por dhe krenari të ligjëshme për vitet e shkuara, kur nuk u kursye as u lodh ndonjëherë, duke e kërcyer me pasion vallen popullore të krahinës së vetë. Talentin e saj të rrallë ajo e shfaqi, së pari, para malësorëve të vendlindjes, por dhe në skena të tjera shqiptare, ku u ndoq me dëshirë dhe u duartrokit nxehtësisht.
Në mbyllje të këtyre radhëve, i urojmë nga zemra valltares “flutur”ose “xhevahire” të Malësisë së Gjakovës(Tropojë), Xhevahire Gashi: Shëndet të plotë, jetëgjatësi e lumturi familjare!”

(Nga libri, me autor Murat Gecaj, “Për ju, krijuese”, Tiranë, 2015, faqe 222-224)

Gjendet një trup i pajetë në brigjet e Puglias, mediat italiane: Dyshohet se është e avokatit Muço

Një trup i pajetë është gjetur para disa ditësh në brigjet italiane, dhe mediat në Itali shkruajnë se mund të jetë e avokatit të zhdukur Besnik Muço. Ky i fundit u zhduk që më datën 2 nëntor të këtij viti, teksa u nis me tragetin e linjës Durrës-Bari, për të shkuar te familja e tij.

Prokurori i Maceratës kërkoi testin e ADN-së për kufomën e gjetur në det më 6 nëntor në Castro, në provincën e Leçes. Hipoteza është se mund të jetë nga Besnik Muço.

Për rreth pesëmbëdhjetë vjet avokati kishte jetuar në Macerata, ku gruaja e tij dhe dy fëmijë. Gruaja e tij kishte raportuar zhdukjen e Muços për karabinierët e Maceratës. Trupi i gjetur në bregun e Pulias më 6 nëntor ende nuk është identifikuar: nuk ka persona të zhdukur në zonë.

U largua nga Shqipëria, flet Tahiri: ja pse jam në Gjermani

ETLEVA DELIA

Zbulohet arsyeja pse ish-ministri i Brendshëm, Saimir Tahiri u largua pasditen e djeshme nga Shqipëria në drejtim të Gjermanisë.

 

“Panorma” shkruan se ai ka udhëtuar nga Aeroporti i Rinasit, ku dhe pritet të kthehet sot. Largimin në drejtim të Gjermanisë, Saimir Tahiri e konfirmoi vetë mbrëmë dhe për gazetën “Panorama”.

Ndërsa burime pranë familjes së tij, thanë se shkak i këtij udhëtimi kanë qenë çështje personale dhe ai kthehet sot. Nga ana tjetër, burime pranë Partisë Socialiste shtuan se shkak i këtij udhëtimi të Tahirit është një problem shëndetësor i babait të tij, Bashkim Tahiri.

Ai do t’i nënshtrohet një ndërhyrjeje kirurgjikale dhe për këtë arsye, prezenca e të birit atje ka qenë e domosdoshme. Ndërsa avokati i ish-ministrit, i cili është person nën hetim nga Prokuroria e Krimeve të Rënda, u shpreh se nuk ishte në dijeni të këtij udhëtimi.

Por nga ana tjetër, shtoi se lëvizjet e tij brenda dhe jashtë Shqipërisë nuk përbëjnë asnjë detyrim për ta vënë në dijeni Prokurorinë, pasi ai është një njeri i lirë. Për më tepër, Gjykata nuk ka vendosur asnjë masë shtrënguese ndaj tij, bllokim pasaporte apo pengim për t’u larguar jashtë vendit.

I vetmi vendim Gjykate ishte kontrolli i banesës së tij në kuadër të hetimit për çështjen “Habilaj”, vendim që u ekzekutua nga Prokuroria.

ÇESHTJA “HABILAJ”

Udhëtimi jashtë Shqipërisë i ish-ministrit të Brendshëm Saimir Tahiri, vjen pas një heshtjeje të gjatë publike e mungesës së dy ditëve më parë në Parlament, ku emri tij u risoll në vëmendje gjatë diskutimeve.

Dalja e tij e fundit publike ishte në lidhje me sqarimin e pozicionit të tij në çështjen “Habilaj” ku ai mohoi akuzat e ngritura ndaj tij. Por përveç hetimeve të nisura në lidhje me grupin kriminal “Habilaj”, emri i tij doli sërish në skenë kur Policia e Elbasanit arrestoi biznesmenin Orest Sota, të cilit iu gjetën në automjet 863 mijë euro dhe patentat e Saimir Tahirit.

Por në lidhje me këtë çështje, deputeti nuk doli asnjëherë të sqarojë publikisht pozicionin e tij, arsyen pse patentat e tij u gjetën në makinën e Sotës, ashtu siç kishte bërë në çështjen e më- parshme, atë të dosjes “Habilaj”.

“Për prokurorët e çështjes, ishte shumë e nevojshme marrja e autorizimit për masën ‘arrest në burg’ ndaj Tahirit, pasi rrezikoheshin provat. Për sa kohë kjo kërkesë u rrëzua, çdo masë tjetër ishte e pakuptimtë (përfshirë edhe bllokimin e pasaportës). Ai, njëlloj, duke qenë i lirë, ka mundësi të ndikojë për provat dhe dëshmitarët”, thanë dje burime nga Prokuroria e Krimeve të Rënda.

Milo: Ju rrëfej presionin e ambasadorëve kur donim të burgosnim Berishën

Paskal Milo ka bere nje deklarate te forte sot ne emisionin Te Paekspozuarit te Ylli Rakipit. Si ish minister i Jashtem Milo ka deklaruar se ka pasur disa raste kur ambasadoret e akredituar ne Tirane kane bere presione te atilla “aq sa jemi kërcënuar me ndërprerjen e ndihmave dhe mbështetjes”.

“Kemi pasur raste qe jemi ndodhur nën presionin për kërkesa që ata kanë paraqitur te ne, për të mposhtur edhe ndonjë rezistencë që mund të bëhej nga ne, nisur nga mbrojtja sic ne e mendonim.

 Ka patur debate të shumta të ndryshme dhe po ju them që në shtator të vitit 1998 pas ngjarjeve të 14 shtatorit qeveria shqiptare dhe drejtësia shqiptare vendosi ti heqë imunitetin Sali Berishës, kreut të PD. Ne në atë kohë jemi ndodhur para një presioni të jashtëzakonshem nga ambasadorët kryesorë për të mos ia hequr imunitetin Sali Berishës dhe aq më tepër për të mos e futur në burg, aq sa jemi kërcënuar me ndërprerjen e ndihmave dhe mbështetjes. Më tepër kanë këmbëngulur dy ambasadorë të kohës, të vendeve anëtare të BE, italian dhe ai gjerman. Ambasadori amerikan nuk ishte në vijën e parë të presioneve sic ishin ambasadorët e vendeve anëtare të BE”.

Kasëm Trebeshina na përbuz edhe pas vdekjes – Nga Fatos LUBONJA

Kasëm Trebeshina i përket asaj kategorie intelektualësh- të pakët fatkeqësisht në botën shqiptare,- që, kur kuptoi natyrën e regjimit për të cilin kishte luftuar, u tërhoq dhe iu kundërvu atij. I kishte të gjitha mundësitë të bënte atë që bëri shumica: të konformohej duke u vënë në shërbim të atij regjimi. Por një cilësi e karakterit dhe pasioni për letërsinë e vërtetë nuk e la ta bënte këtë zgjedhje. Ndoqi zërin e ndërgjegjes së tij, vazhdoi të shikojë yjet edhe pse i detyruar të jetojë në batak, me pasojat që dihen: burgun e gjatë dhe izolimin nga shoqëria.Si i tillë, pas viteve ’90, ai do të duhej të kishte qenë ndër njerëzit e respektuar më së shumti, sepse, siç e thashë, këta janë të rrallë- dhe për të tillë njerëz ka aq shumë nevojë çdo shoqëri, por më së shumti shoqëria shqiptare. Por kjo nuk ndodhi pasi kultura jonë mbizotëruese solli edhe një herë në pushtet ata njerëz që nuk kishin bërë zgjedhjen e Kasëmit në kohën e diktaturës, por zgjedhjen e vënies në shërbim për përfitime dhe karrierë. Figura e tij shqetësonte shumë ndërgjegje të asaj elite; ishte një pasqyrë që konvenonte më mirë të thyhej. Ja pse Kasëmi u izolua dhe u vetizolua, edhe njëherë, duke vazhduar të ndjekë zërin e ndërgjegjes së tij e të shikojë yjet, larg nga bataku. Mund të kritikohet se përse nuk luftoi? Ndoshta. Por edhe me tërheqjen e tij nga shëmtimi i ri që po ndërtojmë, flet shumë për ata që duan të shikojnë e të dëgjojnë.

Kujtimi i tij duhet të ruhet si model, nëse duam të sfidojmë atë kulturë mbizotëruese tek ne, që na bën të respektojmë mujsharin dhe jo të diturin, hileqarin dhe jo të ndershmin, servilin dhe jo krenarin, gënjeshtarin dhe jo të sinqertin. Po qe se ia arrijmë, atëhere ky kujtim do të rritet me kohën. Po qe se vazhdojmë të mbetemi në batak, Kasëmi do të vazhdojë të na përbuzë nga lartësia e yjeve ku e ngriti vendosmëria për të mos e shkitur shikimin prej tyre.

Klosi: Vlerat turistike të Alpeve Shqiptare janë unike në rajon

Ministri i Turizmit dhe Mjedisit i Shqipërisë, gjatë prezantimit të “Konkursit të ideve të biznesit në Alpet Shqiptare”, theksoi se vlerat turistike të Alpeve Shqiptare janë unike në rajon

TIRANË – Është prezantuar sot në Tiranë “Konkursi i ideve të biznesit në Alpet Shqiptare”, nismë kjo që do të vlerësojë 10 idetë më të mira për zbatim të start-ups në Alpet Shqiptare.

Ministri i Turizmit dhe Mjedisit i Shqipërisë, Blendi Klosi, i pranishëm në këtë aktivitet theksoi se vlerat turistike të Alpeve Shqiptare janë unike në rajon dhe shumë shpejt do të shndërrohen në destinacion turistik.

“Shpreh bindjen se bukuria e alpeve tona, vlerat turistike që këto alpe mbajnë janë unike në rajon dhe besoj që në vazhdën e promovimit turistik që Shqipëria do të mund të realizojë, padyshim alpet do të shndërrohen shumë shpejt në destinacionin më unikal turistik që Shqipëria mund të ofrojë. Një numër i konsiderueshëm projektesh dhe idesh, mundësi zhvillimi të bizneseve të vogla familjare në zonat e alpeve, janë mbledhur sot të gjithë së bashku dhe padyshim do të ishte më mirë që ky konkurs të zhvillohej në zonën e alpeve, dhe të kemi mundësi të diskutojmë se çfarë realisht mund të bëhet për të promovuar turizmin familjar të zonave kaq të bukura”, theksoi Klosi.

Duke folur për zhvillimin e Alpeve Shqiptare, ai u shpreh se shumë shpejt Këshilli Kombëtar i Territorit do të diskutojë dhe miratojë masterplanin e zhvillimit të zonës së alpeve. “Në Këshillin Kombëtar të Territorit në javën e ardhshme në Shkodër do të diskutojmë dhe miratojmë projektin dhe masterplanit e zhvillimit të zonës së alpeve, bazuar 100 për qind në idetë që alpet do të duhet të zhvillohen në atë bukurinë e tyre të madhe natyrore, në paprekshmërinë e vlerave dhe burimeve të mahnitshme natyrore që alpet kanë. Thethi edhe Valbona janë shndërruar në destinacione turistike, të cilat dëshmojnë se ka më shumë kërkesa sesa kapacitete aty ka”, deklaroi Klosi.

Në këtë aktivitet u prezantuan 23 ide biznesi dhe një mini panair me produktet lokale të këtyre zonave. Planet e biznesit lidhen me çështjet e zhvillimit të turizmit si: përmirësimi i kushteve dhe shërbimit në bujtina, diversifikimi i ofertës turistike, shfrytëzimi i qëndrueshëm i burimeve natyrore, agro përpunimi si dhe tradita e produkteve artizanale. Në këtë konkurs dhjetë çmime jepen për idetë më të mira të zhvilluara dhe të prezantuara.

Kryebashkiaku më i kamur në Shqipëri? Pasuria e tij kap shifrën e 5.5 milionë eurove

Pasuritë e tij të paluajtshme kanë një vlerë mbi 5.5 milionë euro.

Kryetari socialist i Bashkisë së Pukës, Gjon Gjonaj, rezulton një ndër kryebashkiakët më të pasur në Shqipëri. Pasuria e tij nuk ka lidhje me funksionin publik, por buron nga veprimtari të mëparshme në fushën e biznesit. Në deklaratën fillestare të pasurisë, duke iu referuar të dhënave të përditësuara nga Open Data, kryetari i Bashkisë së Pukës, Gjon Gjonaj, deklaron se është pronar i gjysmës së Hotel-Turizmit të Pukës me vlerë 1 650 000 euro si dhe pronar me 50 % i një magazine frigorifer, me sipërfaqe 10 mijë m2, në Kurbin të Laçit, me vlerë 1 450 000 euro.

Gjon Gjonaj është gjithashtu pronar me 34 % i një impiant për nxjerrje mermeri në fshati Kolosjan të Kukësit, me vlerë 1 800 000 euro. Kreu i Bashkisë së Pukës është gjithashtu pronar i dy apartamenteve në Tiranë, me sipërfaqe 150 m2, më vlerë 90 mijë euro si dhe i një shtëpie banimi me sipërfaqe 148 m2, me vlerë 88 mijë euro.

Ai ka në pronësi gjithashtu dy apartamente me sipërfaqe 158 m2, me vlerë 86 mijë euro, garazh me sipërfaqe 45 m2, me vlerë 11 250 euro, shtëpi me sipërfaqe 146 m2, në fshatin Luf të Pukës, më vlerë 3 000 000 lekë, shtëpie dykatëshe me sipërfaqe 197.5 m2, toke arë me sipërfaqe 3096 m2, plus lokal me sipërfaqe 112 m2, plus magazinë dhe servis me sipërfaqe 90 m2, në Xhafzotaj, Durrës, me vlerë 300 mijë euro.

Kreu i Bashkisë së Pukës është gjithashtu pronar i një tokë bujqësore me sipërfaqe 3000 m2, në fshatin Luf të Pukës, me vlerë 1 500 000 lekë, pronar i një shtëpie banimi me sipërfaqe 100 m2, në fshatin Luf të Pukë, me vlerë 1 000 000 lekë, pronar i një toke arë me sipërfaqe 16 044 m2 në Barbullojë të Lezhë, më vlerë 64 176 000 lekë si dhe i një toke arë me sipërfaqe 6500 m2, në fshatin Luf të Pukës, me vlerë 1 200 000 lekë.

Eduart Kapri

Kryetari i Bashkisë së Pogradecit, Eduart Kapri, përfaqësues i Partisë Demokratike, ka në pronësi 37 bodrume në Shëngjin të Lezhës. 37 bodrumet kanë një sipërfaqe 555 metra katrorë. Po në Shëngjin të Lezhës, Eduart Kapri ka në pronësi tre njësi ndërtimore me sipërfaqe 1909.42 m2. Gjithashtu, kryetari i Bashkisë së Pogradecit ka në pronësi në Shëngjin edhe 45 apartamente, me sipërfaqe totale 3054.96 m2. Kapri ka në pronësi edhe një apartament me sipërfaqe 168.53 m2, në Pogradec, me vlerë 7 881 895 lekë.

Kryebashkiaku i Klosit Basir Çupa

Përfaqësuesi i Partisë Demokratike në krye të Bashkisë së Klosit, Basir Çupa, në deklaratën fillestare të pasurisë deklaron 21 pasuri të paluajtshme, ku përfshihen prona, magazina dhe apartamente. Basir Çupa deklaron apartament me sipërfaqe 90.8 m2 në Klos, vlera 3 178 000 lekë, apartament 58 m2, 4 292 000 lekë, banese private në Tiranë, truall 283.5 m2 dhe ndërtesë 117.8 m2, vlera 2 500 000 lekë, magazine në Mat, trualli dhe ndërtesë 87.5 m2, magazine në Mat, 338 m2, truall me sipërfaqe 580 m2, ndërtesë 79.9 m2 dhe magazinë etj. Kryebashkiaku i Klosit deklaron gjithashtu prona në fshatin Fshat të Klosit me sipërfaqe 720 m2, 2348 m2, 450 m2, 1530 m2, 1150 m2, 1200 m2, 450 m2, 3450 m2, 1850 m2, 3375 m2, 1540 dhe 2200 m2. Ndërkaq, kryetari i Bashkisë Himarë, Jorgo Goro, duke iu referuar deklaratës fillestare të pasurisë, rezulton me gjashtë pasuri të paluajtshme.

Pasuria e disa drejtuesve të njësive vendore

Gjon Gjonaj, kryetari i Bashkisë së Kukësit, pasuria 2016

Paga si kryetar i Bashkisë Pukë, 745 680 lekë.

Anëtar i Këshillit të Qarkut Shkodër, 35 700 lekë.

Pasuria fillestare

Pronar i një shtëpie banimi me sipërfaqe 146 m2 në fshatin Luf njësia Qerret Pukë, vlera 3 000 000 lekë.

Pronar i një tokë bujqësore me sipërfaqe 3000 m2, në fshatin Luf njësia Qerret Pukë , vlera 1 500 000 lekë.

Pronar i një shtëpie banimi me sipërfaqe 100 m2, në fshatin Luf njësia Qerret Pukë, vlera 1 000 000 lekë.

Pronar i një tokë arë me sipërfaqe 6500 m2, në fshatin Luf njësia Qerret Pukë , vlera 1 200 000 lekë.

Pronar i një toke arë me sipërfaqe 16 044 m2 në Barbullojë, Lezhë, vlera 64 176 000 lekë.

Pronar i një shtëpie dykatëshe me sipërfaqe 197.5 m2, toke arë me sipërfaqe 3096 m2, plus lokal me sipërfaqe 112 m2, plus magazine+servis me sipërfaqe 90 m2, në Xhafzotaj, Durrës, vlera e pronës 300 000 euro.

Pronar i një shtëpie banimi me sipërfaqe 148 m2, vlera 88 800 euro.

Pronar i 2 apartamenteve me sipërfaqe 158 m2, vlera 86 900 euro.

Pronar i një garazhi me sipërfaqe 45 m2, vlera 11 250 euro.

Pronar i 2 apartamenteve me sipërfaqe 150 m2 në Tiranë, vlera 90 000 euro.

Pronar me 50 % i një magazine frigorifer me sipërfaqe 10 000 m2, vendndodhja Laç Kurbin vlera 1 450 000 euro.

Pronar me 34 % i një impiant karriere për nxjerrje mermeri fshati Kolosjan Kukës, vlera 1 800 000 euro.

Pronar me 50 % i Hotel-Turizmi, Pukë, vlera 1 650 000 euro.

Gjendja cash, 1 400 000 lekë.

Eduart Kapri, kryetar i Bashkisë së Pogradecit, pasuria 2016

Paga si kryetar i Bashkisë Pogradec, 1 098 003 lekë.

Të ardhura si Anëtar i Këshillit të Qarkut Korçë, 20 350 lekë

Bashkëshortja, Jerina Kapri, të ardhura nga paga pranë Tirana Bank, 856 934 lekë.

Gjendje llogari bankare më 31 dhjetor, 22 774 lekë, pakësuar me 1 650 lekë.

Gjendje llogari bankare më 31 dhjetor, 0 lekë, pakësuar me 3 302 lekë.

Gjendje llogari bankare më 31 dhjetor, 20 170 lekë, pakësuar me 10 353 lekë.

Gjendje kartë krediti më 31 dhjetor, -2 570 euro, pakësuar me 2 551 euro.

Gjendje llogari bankare më 31 dhjetor, 0 lekë, pakësuar me 16 684 lekë.

Bashkëshortja, Znj. Jerina Kapri, gjendje llogari bankare më 31 dhjetor, -177 883 lekë, pakësuar me 179 670 lekë.

Bashkëshortja, Znj. Jerina Kapri, gjendje llogari bankare më 31 dhjetor, 63 lekë, pakësuar me 633 lekë.

Bashkëshortja, Znj. Jerina Kapri, gjendje kartë krediti më 31 dhjetor, -119 399 lekë, pakësuar me 119 399 lekë.

Bashkëshortja, Znj. Jerina Kapri, gjendje llogari bankare më 31 dhjetor, 0 lekë, pakësuar me 759 lekë.

Bashkëshortja, shlyer në vitin 2016 -75 319 lekë për kredi konsumatore marrë më 17.06.2016 me principal 700 000 lekë, afat shlyerje 5 vjet dhe këst mujor 12 553 lekë. Detyrimi i mbetur më 31 dhjetor është 634 669 lekë.

Bashkëshortja, shlyer total detyrimi i mbetur prej -46 380 lekë për kredi konsumatore marrë më 19.06.2013 me principal 208 000 lekë, afat shyerje 3 vjet dhe këst mujor 7 730 lekë.

Pasuria fillestare

Pronar i një apartamenti me sipërfaqe 168.53 m2 në Pogradec, vlera 7 881 895 lekë.

Pronar i 37 bodrumeve me sipërfaqe 555 m2 në Shëngjin, Lezhë.

Pronar i 3 njësive me sipërfaqe 1909.42 m2 në Shëngjin, Lezhë.

Pronar i 45 apartamenteve me sipërfaqe totale 3054.96 m2 në Shëngjin, Lezhë.

Likuiditete (Depozita, Cash, Llogari rrjedhëse, Debi-Kredi, Karta krediti/debiti)

Llogari bankare në një bankë të nivelit të dytë, 24 803 lekë.

Llogari bankare në një bankë të nivelit të dytë, 324 095 lekë.

Gjendja cash, 1 400 000 lekë.

Basir Çupa, kryetari i Bashkisë Klos, pasuria 2016

paga si kryetar i Bashkisë Klos, 845 760 lekë.

Të ardhura si Anëtar i Këshillit të Qarkut, 81 396 lekë.

Bashkëshortja, Znj. Rajmonda Çupa, të ardhura nga paga, 965 807 lekë.

Djali Geraldo, të ardhura nga ushtrim aktiviteti privat, 934 900 lekë.

Nxjerrë veturë tip Benz jashtë përdorimi më 18.01.2016.

Bashkëshortët, gjendje depozitë bankare më 31 dhjetor, 826 731 lekë, shtuar me 26 731 lekë.

Bashkëshortët, gjendje depozitë bankare më 31 dhjetor, 911 001 lekë, shtuar me 27 232 lekë.

Gjendje depozitë bankare më 31 dhjetor, 31 574 lekë, pakësuar me 80 446 lekë.

Gjendje depozitë bankare më 31 dhjetor, 96 604 lekë, pakësuar me 20 113 lekë.

Gjendje llogari bankare më 31 dhjetor, 10 524 lekë.

Gjendje llogari bankare më 31 dhjetor, 46 620 lekë.

Bashkëshortja, gjendje llogari bankare më 31 dhjetor, 734 219 lekë, shtuar me 387 965 lekë.

Bashkëshortja, gjendje depozitë bankare më 31 dhjetor, 545 958 lekë, shtuar me 9 585 lekë.

Blerë më 25.05.2016 veturë tip Benz, vit prodhimi 2001, -200 000 lekë.

Shlyer në vitin 2016 -192 000 lekë për kredi bankare marrë më 07.05.2012 për rikonstruksion apartament banimi me principal 2 000 000 lekë, afat shlyerje 15 vjet dhe këst mujor 16 909 lekë. Detyrimi i mbetur më 31 dhjetor është 1 466 765 lekë.

Pasuria fillestare

Pronar me 50 % i një apartament me sipërfaqe 90.8 m2 në Klos, vlera 3 178 000 lekë.

Pronar me 50 % i një apartament me sipërfaqe 58 m2, vlera 4 292 000 lekë.

Pronar i një banese private në Tiranë, truall 283.5 m2 dhe ndërtesë 117.8 m2, vlera 2 500 000 lekë.

Pronar i një toke arë me sipërfaqe 720 m2 në fshatin Fshat Klos, Mat, vlera 110 000 lekë, blerë në 2013.

Pronar i një toke arë me sipërfaqe 2348 m2 në fshatin Fshat Klos, Mat, vlera 359 000 lekë, blerë në 2013.

Pronar i një toke arë me sipërfaqe 450 m2 në fshatin Fshat Klos, Mat, vlera 68 850 lekë, blerë në 2013.

Pronar i një toke arë me sipërfaqe 1530 m2, në fshatin Fshat Klos, Mat, vlera 237 000 lekë, blerë në 2013.

Pronar i një toke arë me sipërfaqe 1150 m2 në fshatin Fshat Klos, Mat, përfituar sipas ligjit nr. 7501.

Pronar i një toke arë me sipërfaqe 1200 m2 në fshatin Fshat Klos, Mat, përfituar sipas ligjit nr. 7501.

Pronar i një toke arë me sipërfaqe 450 m2 në fshatin Fshat Klos, Mat, përfituar sipas ligjit nr. 7501.

Pronar i një toke arë me sipërfaqe 3450 m2 në fshatin Fshat Klos, Mat, përfituar sipas ligjit nr. 7501.

Pronar i një toke arë me sipërfaqe 1850 m2 në fshatin Fshat Klos, Mat, përfituar sipas ligjit nr. 7501.

Pronar i një toke arë me sipërfaqe 3375 m2 në fshatin Fshat Klos, Mat, përfituar sipas ligjit nr. 7501.

Pronar i një toke arë me sipërfaqe 1540 m2 në fshatin Fshat Klos, Mat, përfituar sipas ligjit nr. 7501.

Pronar i një toke arë me sipërfaqe 2200 m2 në fshatin Fshat Klos, Mat, përfituar sipas ligjit nr. 7501.

Pronar i një magazine në Mat, privatizuar në vitin 1993.

Pronar i një trualli+ndërtesë 87.5 m2, privatizuar në vitin 1993.

Pronar i një magazine në Mat, sipërfaqe 338 m2, privatizuar në vitin 1993.

Pronar i një trualli me sipërfaqe 580 më, ndërtese me sipërfaqe 79.9 m2 dhe magazinë, privatizuar nga Ministria e Ekonomisë.

Bashkëshortja, pronare me 50 % e një apartament me sipërfaqe 90.8 m2 në Klos, vlera 3 178 000 lekë.

Bashkëshortja, pronare me 50 % e një apartament me sipërfaqe 58 m2 në Klos, vlera 4 292 000 lekë.

Të ardhura nga shitja e 3375 m2 tokë, 200 000 lekë.

Të ardhura nga shitja e 450 m2 tokë, 20 000 lekë.

Të ardhura nga shitja e 1150 m2 tokë, 50 000 lekë.

Të ardhura nga shitja e 1260 m2 tokë, 50 000 lekë.

Të ardhura nga shitja e 3450 m2 tokë, 250 000 lekë.

Të ardhura nga shitja e 2700 m2 tokë, 100 000 lekë.

Të ardhura nga shitja e 1850 m2 tokë, 80 000 lekë.

Të ardhura nga shitja e 1200 m2 tokë, 50 000 lekë.

Luiza Mandi, kryetare e Bashkisë Libohovë, pasuria 2016

Paga si kryetar i Bashkisë Libohovë, 738 952 lekë, dieta 148 400 lekë.

Vajza, Elektra, të ardhura nga paga si mjeke në Qendrën Shëndetësore Libohovë, 373 793 lekë.

Pasuria fillestare

Pronare me 50 % e një apartament me sipërfaqe 71.6 m2 në Libohovë, vlera 18 520 lekë.

Pronare me 50 % e një kati shtesë me sipërfaqe 40 m2.

Pronare me 50 % e një trualli me sip. 300 m2 dhe një vile 3-katëshe mbi këtë truall, në Shkozë, Tiranë, vlera 3 000 000 lekë.

Bashkëshorti, pronar i një apartamenti me sipërfaqe 88.16 m2 në Tiranë, vlera 2 821 120 lekë.

Bashkëshorti, pronar me 25 % i një trualli me sipërfaqe 1257 m2 në Peshkëpi e Poshtme, Gjirokastër.

Bashkëshorti, pronar me 25 % i një trualli me sipërfaqe 1050 m2 në Peshkëpi e Poshtme, Gjirokastër.

Depozitë bankare në një bankë të nivelit të dytë, 909 952 lekë.

Depozitë bankare në një bankë të nivelit të dytë, 200 007 lekë.

Gjendja cash, 1 200 000 lekë.

Bashkëshorti, depozitë bankare në një bankë të nivelit të dytë, 3 000 euro.

Automjete

Bashkëshorti, pronar i një makine “Golf 2”, vlera 150 000 lekë.

Bashkëshorti, pronar me 50 % i një makine “Golf 5”, vlera 500 000 lekë.

Djali, pronar me 50 % i një makine “Golf 5”, vlera 500 000 lekë.

Jorgo Goro, kryetar i Bashkisë Himarë, pasuria për 2016

Paga si kryetar i Bashkisë Himarë, 892 920 lekë.

Të ardhura nga interesa bankare, 7 euro.

Bashkëjetuesja Znj. Irena Mato, të ardhura nga paga, 400 000 lekë.

Të ardhura nga shitje veture, 1 000 000 lekë.

Gjendje llogari bankare, shtuar me 400 000 lekë.

Gjendje llogari page më 31 dhjetor, 119 942 lekë.

Gjendje llogari bankare, pakësuar me 2 050 euro.

Transferuar 50% e llogarisë bankare prej 6 928 dollar tek llogari bankare e bashkëjetueses Znj. Irena Mato.

Bashkëjetuesja Znj. Irena Mato, gjendje llogari bankare, 6 928 dollar.

Bashkëjetuesja Znj. Irena Mato, gjendje llogari pagës, 180 000 lekë.

Pasuria fillestare

Bashkëpronar me 50% i një shtëpie banimi me sipërfaqe 120 m2 dhe truall me sipërfaqe 760 m2, e trashëguar.

Bashkëpronar me 33% i një toke ullishte me sip. 1 150 m2 dhe i një toke are me sipërfaqe 7 550 m2, në Gorrenje, përfituar me ligjin nr. 7 501.

Bashkëshortja zonja Irena Mato pronare me 100% e një dyqani me sipërfaqe 134.6 m2, blerë në vitin 2008, në vlerën 108 000 euro.

Bashkëshortja zonja Irena Mato pronare me 100% e një dyqani me sipërfaqe 73.22 m2, blerë në vitin 2008, në vlerën 58 256 euro.

Bashkëshortja zonja Irena Mato pronare me 100% e një apartamenti me sipërfaqe 55.8 m2, blerë në vitin 2008, në vlerën 30 000 euro.

Bashkëshortja zonja Irena Mato pronare me 100% e një apartamenti me sipërfaqe 101.95 m2, blerë në vitin 2008, në vlerën 56 652 euro.

Tonin Marinaj, kryetar i Bashkisë Malësi e Madhe, pasuria për vitin 2016

Paga si kryetar i Bashkisë Malësi e Madhe, 1 126 620 lekë.

Të ardhura si Anëtar i Këshillit të Qarkut Shkodër, 9 350 lekë.

Bashkëshortja, Lindita Marinaj, të ardhura nga kultivimi i sherebelës, 200 000 lekë.

Bashkëshortja, Lindita Marinaj, të ardhura nga paga pranë Broker sh.a, 292 600 lekë.

Dhuruar 100% e kuotave te subjektit Marinaj-M shpk në Koplik, Malësi e Madhe, vlera 25 820 602 lekë.

Pasuria fillestare

Pronar me 50 % i një trualli me sipërfaqe 250 m2, i 6 apartamenteve me sipërfaqe 194 m2, 152 ,2, 171 m2, 171 m2, 171 m2, 138.3 m2 dhe i një verande 32.7 m2, vlera 118 040 000 lekë.

Pronar me 50 % i një apartament me sipërfaqe 89.8 m2 në Tiranë, vlera 19 370 000 lekë.

Pronar me 50 % i një trualli me sipërfaqe 47.1 m2 + ndërtese 3-katëshe, vlera 16 980 000 lekë.

Pronar i një trualli me sipërfaqe 300 m2.

Bashkëshortja, pronare e subjektit Marinaj-M shpk në Koplik, Malësi e Madhe, vlera 25 820 602 lekë.

Llogari bankare në një bankë të nivelit të dytë, 114 298 lekë.

Gjendja cash, 1 400 000 lekë, pjesa takuese 20 %.

Bashkëshortja, llogari bankare në një bankë të nivelit të dytë, 237 380 lekë.

Bashkëshortja, llogari bankare 24.46 euro.

Bashkëshortja, llogari bankare 277 720 lekë.

Pronar me 50 % i një autoveture “Renault”, vlera 1 309 000 lekë.

Rajmonda Balilaj, kryetare e Bashkisë Patos, pasuria viti 2016

Paga si kryetar e Bashkisë Patos, 850 512 lekë.

Të ardhura nga interesa bankare 0.42 dollar, për depozitë në vlerën 503 dollarë.

Të ardhura nga interesa bankare 10.67 dollar, për depozitë në vlerën 1 792 dollarë.

Të ardhura nga toka bujqësore, prodhimtaria “Lajthi”, 750 000 lekë.

Bashkëshorti, Mersin Balilaj, të ardhura nga paga si punonjës i kompanisë Albpetrol sha, 803 580 lekë.

Bashkëshorti, të ardhura nga aktiviteti privat, 211 529 lekë.

Vajza, Fioralba, të ardhura nga paga si Specialiste në Bashkinë Fier, 232 570 lekë.

Vajza, Fioralba, të ardhura nga interesa llogari kursimi 94 lekë.

Pasuria fillestare

Pronar me 100% i një shtëpie banimi dhe truall me sip. 490 m2 në Patos, blerë nga privatizimi banesave më 31.08.1994, në vlerën 112 928 lekë.

Pronar me 100% i një ambient biznesi me sip. 20 m2, blerë më 27.06.1995, në vlerën 200 000 lekë.

Pronar me 100% i një toke bujqësore me sip. 16 000 m2, përfituar me ligjin nr. 7501.

Likuiditete (Depozita, Cash, Llogari rrjedhëse, Debi-Kredi, Karta krediti/debiti) Depozitë bankare në vlerën 1 390 dollar, hapur më 03.10.2006 në bankë të nivelit të dytë.

Pronar me 100% i një veture tip Opel, blerë më 14.05.2004, në vlerën 4 600 euro./Shqiptarja.com

Lexo më shumë në: http://www.gazetaexpress.com/lajme-nga-shqiperia/kryebashkiaku-me-i-kamu-ne-shqiperi-461225/?utm_source=referral&utm_medium=web&utm_campaign=copyright

Posti i ambasadorit në NATO, ja kujt i zë vendin Visho Ajazi

Visho Ajazi Lika, ish-kreu i Shërbimit Informativ Kombëtar, propozohet nga kryeministri Rama për postin e ambasadorit të Shqipërisë në NATO.

Tashmë pritet që kreu i shtetit të firmosë propozimin e kryeministrit, përparav se Visho Ajazi Lika, ish-kryetar i SHISH-it, i dorëhequr nga kjo detyrë më 30 tetor, të marrë detyrën e re.

20150924_demi_rdax_275x371

Visho Ajazi Lika do të mund të zërë kështu vendin e ish deputeti demokrat Leonard Demi i cili mban postin e ambasadorit në NATO që prej viti 2013

Demi u propozua në atë kohë nga kryeministri i sapo zgjedhur Edi Rama. Më pas  Bujar Nishani, presidenti i Shqipërisë ka dekretuar emërimin e tij.Më herët ish-deputeti demokrat kishte mbajtur edhe detyrën e kryetarit të Komisionit të Sigurisë në Parlament.