VOAL

VOAL

Please Wait ...
0%

DOLI NGA SHTYPI LIBRI ”MONUMENT DASHURISE SE PERFLAKUR” I AUTORES HYRE TEJECI MURATI

By | June 14, 2018

Komentet

TOKA DARDANE PO E PRET KRAH HAPUR KOLONELIN E PAVARËSISË SË SAJ, AHMET KRASNIQIN – Nga HILMI GASHI, Gjermani

 Kolonel Ahmet Krasniqi, ish-Ministri i parë i Mbrojtjes së Republikës së Kosovës, nipi i Aziz Zhilivodës të Kosovës, më datë 21 shtator 2018, po kthehet për t’u prehë i qetë e përjetsisht në tokën dardane të Kosovës, të cilën e deshi aq shumë e gjithmonë me veprat e veprimtarinë e tij të gjithanshme e të pandalur duke dhënë dhe jetën e vet për lirinë e pavarësinë e saj, për bashkim kombëtar panshqiptar.

Koloneli ynë i shquar, koloneli i shtetit të pavarur e sovran të Kosvës, po kthehet në vendlindjen e tij dardane në moshën 70 vjeçare, po kthehet 20 vjet pas vrasjes së tij në Tiranë, me atentat të pabesë e gjakatar, nga dora e zgjatur e Serbisë, një krim ende i pazbardhur e pa ndëshkim ndaj autorëve kriminalë antikombëtar.

Koloneli Ahmet Krasniqi ishte strateg i madh i luftës dhe një trim i rrallë, vizionar i kohës, njeri i fjalës dhe i pushkës, i lapsit dhe i luftës, i lindur dhe i pregaditur nga familja e të madhit prijtar e luftëtar i lirisë e bashkimit kombëtar shqiptar, Aziz Zhilivoda i Kosovës e Shqipërisë Etnike.

Kolonel Ahmet Krasniqi, ky strateg e martir i madh i lirisë, pavarësisë së Kosovës e bashkimit kombëtar shqiptar, po vjen më 21 shtator 2018 në vendlindjen e tij, në Kosovën dardane, me titullin e lartë “Hero i Kosovës” (nga Presidenca e Kosovës, 2008) dhe me dekoratën “Gjergj Kastrioti – Skënderbeu”, e dyta dekoratë më e lartë në Shqipëri (nga Presidenca e Shqipërisë, 2015).

Unë ndihem krenar që e kam njohur, i nderuar që isha bashkëluftëtar e vartës i tij në kohën e Luftës së Kosovës, i mbetem mirënjohës përjetë emrit e veprave të tij kombëtare shqiptare, pasi me burra të tillë kombëtar të shquar i erdhi liria e pavarësia Kosovës dhe na vjen bashkimi kombëtar shqiptar.

Toka dardane po e pret me krahë të hapur, për t’u prehë i qetë e përjetsisht në gjirin e saj, kolonelin tonë kombëtar Ahmet Krasniqi, luftëtar, ushtarak e ministër i Mbrojtjes, martir hero; një nga figurat e shquara ushtarake të historisë shqiptare, të lirisë e pavarësisë të Kosovës, të bashkimit kombëtar shqiptar.

 

______________________

Në fotot:  kolonel Ahmet KRASNIQI dhe Hilmi GASHI në Gjermani

Tri herë deputet në Suedi, shqiptari: Kujt ja dedikoj suksesin

Adnan Dibrani është shqiptari që ka fituar mandatin e tretë si deputet në Parlamentin e Suedisë. Në një prononcim për Klan Kosova, shqiptari është shprehur se ndjehet mirë për këtë sukses.

Duke qenë shqiptari i vetëm që ka fituar ulëse në kuvendin suedez, ai ka theksuar se meritë për këtë sukses janë bashkatdhetarët të cilët jetojnë në Suedi, pasi i kanë dhënë përkrahje në garën elektorale.

“Partinë dhe shqiptarët i kam pasur në krah, prandaj ka ardhur suksesi. Është shumë ndjenjë e mirë, veçanërisht pasi kjo është hera e tretë që zgjidhem si deputet. Ka pas edhe shqiptarë të tjerë në garën zgjedhore, por që tash pas zyrtarizimit të rezultateve kanë mbetur në nivele të tjera, nëpër komuna. Kam pasur edhe partinë si përkrahëse pasi në fushatë kam hyrë me përkrahjen e partisë dhe normal kur e ke partinë e fortë vjen suksesi”- ka thënë shqiptari.

Dibrani ka thënë se ka marrë rreth 6% të votave të partisë, ndërsa ka përmendur se të gjithë ata që kanë vota mbi 5% nga totali sa ka partia, e kanë të sigurt ulësen në parlament.
Është Partia Socialdemokrate të cilës ai i përket ka dalë fituese e zgjedhjeve me mbi 28% të votave, duke lënë pas bllokun e djathtë dhe tashmë i ka mbetur që të formojë qeverinë. Sipas Dibranit, të hënën ose të martën do të konstituohet kuvendi ku dhe do të zgjidhet kryetari i ri.

Deputeti shqiptar ka thënë se edhe në mandatin e tretë si deputet do t’i vërë në pah interesat dhe problemet e shqiptarëve që jetojnë atje.

“Tërë kohën i ngre problemet me të cilat përballen shqiptarët, por edhe të tjerët. Unë vazhdimisht jam në kontakt si me Ambasadën e Shqipërisë, ashtu edhe me të Kosovës dhe do të vazhdojë ta bëj këtë”- ka thënë ai.

Ai ka shtuar se pas katër vjetësh nëse shkon puna për së mbari do të garojë edhe për mandatin e katërt të deputetit. Dibrani ka treguar se ishte 7 vjeç kur është shpërngulur nga Mitrovica bashkë me familjen në vitin 1992 për në Suedi./Klan Kosova.

Viti i Gjergj Kastriotit- Skënderbeut dhe ideja e Shoqatës “Trojet e Arbrit “për ngritjen e dy monumenteve në Prizren – Nga Nue Oroshi

Ky vit është viti i Gjergj Kastriotit- Skënderbeut. Pasi që jemi në shtator, muajin e nëntë të këtij viti deri me tani nuk është treguar ndonjë aktivitet konkretë i cili do të qonte përpara figurën e madhe të kryeheroit tonë kombëtarë Gjergj Kastriotit – Skënderbeut.Nga akademitë dhe sesionet shkencore të mbajtura më i kompletuari ka qenë ai që ka organizuar më,28 Korrik 2018 Shoqata e Intelektualëve Shqiptarë” Trojet e Arbrit “me rreth shtatëdhjetë studiues dhe më një pjesëmarrje nga të gjitha trojet etnike shqiptare dhe diaspora e madhe atdhetare në Evropë dhe Amerikë. Edhe pse ky vit është shpallur vit i Gjergj Kastriotit nga dy Qeveritë shqiptare në Shqipëri dhe Kosovë dorën në zemër pak është duke u parë aktiviteti i këtij viti të Skënderbeut.Janë mbajtur akademi dhe sesione shterpe në të gjitha trojet etnike shqiptare dhe në diasporën e madhe atdhetare. Madje aty këtu në diasporë kemi pasur si ligjerues disa historianë që fare nuk mirren me figurën e Skënderbeut dhe epokën e tij duke i nënvlerësuar Historianët Medeivistë që me kompetencë shkencore mund të flasin për figurën e Skënderbeut. Por ajo që më dhembë është fakti se sa do të kompletohen këto akademi dhe sesione shkencore me botimin e librave për Skënderbeun mbetët një pikëpyetje shumë e madhe.Vërtetë është e dhimshme kur përkrahen në mënyrë institucionale shoqata dhe organizata jo serioze madje edhe ndonjë Institucion e në fund nuk del asgjë konkrete pra, nuk botohet asnjë libër. Këto akademi shkencore i ngjajnë organizimeve pa konceptë që mbahen sa për t’i arsyetuar aty këtu mjetët e shumta që kanë ndarë dy Qeveritë shqiptare. Aty ku më dhembë më se shumti është fakti se sa libra shkencorë do të botohën në këtë vit jubilarë për Gjergj Kastriotin – Skënderbeun.Në bazë të akademive dhe sesioneve shkencore të mbajtura deri më tani del se minimum duhet të botohen njëzet libra të reja gjatë këtij viti të Skënderbeut. Por meqense shumica e organizimeve janë mbajtur me 2-3 ligjerues apo 5-6 ato paksa më serioze dihet qartë mirfilli se shumë pak në këtë vit do të kemi botime për Gjergj Kastriotin – Skënderbeun dhe periudhën e artë historike shqiptare. Por gjithmonë aty ku mbretëron errësira ka ngapak edhe dritë e cila edhe pse fillon si shkëndi e vogël ajo përhapet dhe bënë dritë në të gjitha trojet shqiptare . Ajo që nuk do të lenë në errësirë vitin e Skënderbeut është Shoqata e Intelektualëve Shqiptarë “Trojet e Arbrit “e cila është duke përgatitur një libër Enciklopedikë me rreth 800 – 900 faqe dhe me rreth shtatëdhjetë autorë nga shumë institucione shkencore nga të gjitha viset shqiptare dhe diaspora e madhe atdhetare. Por kjo shoqatë nuk e ka lënë me kaq vitin e madh të Skënderbeut. Ajo ka dalur me dy ide konkrete. E para që në Shatërvan në qytetin e Prizrenit të vendosët monumenti i Gjergj Kastriotit – Skënderbeut dhe idea e dytë është që në Kalanë e Prizrenit të ndërtohët Muzeu Kombëtarë me emrin Gjergj Kastrioti- Skënderbeu. Kjo bëhet edhe për faktin se Prizreni njihet nga historiografia shqiptare si qytet ku ishte qendër e zotërimeve të Kastrioteve, si dhe për faktin e dytë se pikërisht në Kalanë e Prizrenit gjatë rikthimit në vendlindje Gjergj Kastrioti dhe kalorësit e tij kishin qëndruar disa ditë në Kalanë e Prizrenit pastaj kishin marrë rrugën për në Dibër e për tu kthyer përfundimisht në Krujë. Shoqata “Trojet e Arbrit “së shpejti do ta fillon aksionin përgatitor për grumbullimin e mjeteve për realizimin e këtyre dy projekteve kombëtare për faktin se Prizreni si një qytet historik dhe që lidhë tri kryeqytetet shqiptare : Tiranën,Shkupin dhe Prishtinën e meriton një nderë të tillë.Uroj që viti i Gjergj Kastriotit -Skënderbeut të mos jetë vetëm vit kalues sa për sy e faqe por institucionet shkencore shqiptare ta ndjekin rrugën e Shoqatës “Trojet e Arbrit” dhe të dalin me botimet e tyre shkencore që se paku krahas Trojeve të Arbrit të kemi minimum edhe dy vepra të mira shkencore për Gjergj Kastriotin-Skënderbeun një në Tiranë e një në Prishtinë, e sa i përket organizimeve që janë mbajtur gjithandej Trojeve Shqiptare ato organizime tash veq janë harruar edhe nga organizatorët e tyre e le më të mëndojnë se duhet botuar veprat me peshë shkencore që do ta ndriçojnë figurën e madhe të Gjergj Kastriotit- Skënderbeut .Se si do të duket përfundimisht Monumenti i Gjergj Kastriotit – Skënderbeut dhe Muzeu me emrin Gjergj Kastrioti -Skënderbeu në Prizren kjo do të planifikohet nga grupi i eksperteve të lëmive të ndryshme si historianë, arkitektë, skulptorë që janë pjesë e një këshilli të gjërë për kryerjen e këtyre dy ideve konkrete të Shoqatës “Trojet e Arbrit”.

Kosova një shtet pa kufi, ku çdo bir shkine mundet me hy – Opinion nga NUE OROSHI

Sot në Kosovë është një heshtje mortore. Është heshtje mortore sepse Kosovën po e viziton ish krahu i djathtë i Sheshelit dhe ish ministri i Millosheviqit me emrin Vuçiq. Ky pasardhës i Sheshelit e Millosheviqit është duke u njohur me tokën që mendon se përmes Hashim Thaqit do ta pervetson dhe do t’ia kalon Serbisë.Ai sot eci shlirë dhe si duket edhe Presidenca, Qeveria dhe Parlamenti i Kosovës por edhe kryetarët e partive politike janë strukur foteleve të nxehta e hoteleve të Prishtinës duke mos iu ndier zëri. Është e tmerrshme kjo që po ndodhë në Kosovë. Ky qetnikë i konvertuar në demokratë sa për sy e faqe me këtë vizitë që i bëri Kosovës pa kërkuar falje për masakrat e Serbisë në Kosovë, pa i kthyer të zhdukurit shqiptarë që u vranë ,u djegen dhe u gjuajtën gropave të fushave serbe, ai vjen si triumfues në Kosovë falë mosdijës dhe tradhëtisë së politikanëve shqiptarë në Kosovë. Ata kur është puna të luftojnë me njëri – tjetrin ja nxjerrin sytë njëri -tjetrit ndërsa kur është puna për ta kritikuar dhe ndaluar Vuqiqin dhe zyrtarë tjerë serbë që hyjnë e dalin në Kosovë pa asnjë frikë, bëhen sikur pulat e strukura në kotecë kur bjen një brymë apo borë e madhe dhe ato janë të mërdhira nga të ftoftit. Të njëjtën heshtje e bën edhe kryetarët e të gjitha partive politike por edhe populli në Kosovë që se paku nuk e bëri edhe protestën më të vogël për qëllimet e këtij pasardhësi të Sheshelit dhe Millosheviqit, që lëvizë shlirë nëpër tokat e Kosovës sikurse ta kishte me tapi.Sot në Prishtinë si shenjë kundërshtimi për ardhjen e Vuqiqit në Kosovë ka qenë dashtë të organizohet një protestë e madhe tek sheshi i Gjergj Kastriotit në shenjë solidarizimi për të vrarët,të zhdukurit dhe të masakruarit shqiptarë, që shumicës as që i dihen se ku i kanë eshtrat.Deri sa ky bir shkine lëvizë sikurse triumfues në Kosovë nënloket shqiptare tash e njëzet vjet me radhë bëjnë vetëm pak gjumë se mendjën, shpirtin dhe zemrën e kanë tek djemtë e tyre të zhdukur dhe vuajnë për faktin se nuk kanë mundësi që fëmijëve të tyre që i rritën me plotë mundime nuk munden t’iu ndezin një qiri tek varri sepse nuk kanë varre.Harresa është shenjë e cila kthehët bumerangë.Kosova sot është mbetur një shtet pa kufi, ku çdo bir shkine mundet me hy.

DEGA E LDK-NË GJERMANI DHE SHOQATA “SALI ÇEKAJ” NDEROJNË DËSHMORËT – Fotoreportazh nga IDRIZ ZEQIRAJ

Foto: Mark Krasniqi, Ismet Beqiri, Haki Rugova, Gazmend Muhaxheri
 
     Në kuadrin e aktiviteteve verore, Kryesia e Degës të LDK-së në Gjermani, pjesëtarë të Shoqatës Kulturore – Humanitare “Sali Çekaj”, në Bavari, anëtarët e Këshillit dhe të Nënkëshillave, për financimin e Parkut Memorial, këto ditë bënë homazhe ke shtatorja e Sali Çekaj, në Deçan; në kompleksin e varrezave të dëshmorëve në Koshare. Vizituan edhe Parkun Memorial “Dr. Ibrahim Rugova”, në Malaj të Rugovës.
 
     Kishin ardhur shkrimtari Sabit Rrustemi nga Gjilani, veprimtarët e Mërgatës Xhafer Leci e Ajet Mehmeti; nga Shtimja Azem Xhema me vëllanë Ahmetin me shokë; nga Prizreni Mehdi Laçaj dhe Hajzer Gashi; veprimtarët Tahir Buqolli, Xhevdet Muriqi, Bujar Lajçi, Afrim Mulaj, Naim Haxhiaj, ish-ushtari i Kosharës Isuf Çetaj, anëtarët e Nënkëshillit për Gjermani, Evropë dhe Amerikë, Osman Ferizi, Albanez Muriqi, Idriz Zeqiraj.
 
     Objektivi ynë, i treti me radhë, ishte vizita tek Parku Memorial, në ndërtim e sipër, në Malaj të Rugovës. Atje na pritën malësorët kreshnikë dhe fisnikë të Rugovës: Kryeplaku i fshatit Malaj, Demë Ali Lajçi; kryesuesi i Këshillit Organizativ Qendror, për ndërtimin e Parkut Memorial, Sali Jahë Lajçi; Cen Lajçi, pjesë e trungut familjar të Presidentit Rugova dhe dhurues i lokacionit për ngritjen e këtij Parku; Fadil Lajçi, kryetari i LDK-së për Rugovë, Blerim Rexhbogaj; veprimtarët e shquar: Ismet Hoxha – Shala dhe Dinë Gashi; Shpëtim Hajdaraj, djali i heroit Smajl Hajdaraj, veprimtari i hershëm i Mërgatës, Fazli Kelmendi; plaku Ymer Metë Lajçi dhe të tjerë. 
 
     Në mbarim të vizitave, kuadrot e LDK-së, veprimtarë të Mërgatës në Gjermani, Bujar Lajçi dhe Brahim Rexhaj, për të gjithë të pranishmit, shtruan një drekë, në Restorant “Hani”, në Rugovë.
Nderim Komandantit dhe Komisarit Sali Çekaj
     
     Parku Memorial “Dr. Ibrahim Rugova”
                   – Retrospektivë –
 
     Ideja e ngritjes të kësaj vepre memoriale, historike, daton pesë vite më parë. Janë vendorët e fshatit Malaj, ata që ideuan të parët Memorialin në fjalë. Bujshëm u hodh gurë-themeli, me pjesëmarrjen e Familjes Rugova; miku i madh i Presidentit, akademik Mark Krasniqi, i shoqëruar nga miku i tij i mirë, gazetari dhe krijuesi Bajrush Morina; sekretari i LDK-së, Ismet Beqiri; kryetari i komunës të Istogut, Haki Rugova; kryetari i komunës të Pejës, Gazmend Muhaxheri, deputeti Naser Rugova, si dhe personalitete tjera dhe qytetarë nga Rugova, Dukagjini dhe vende tjera.
 
 Por, premtimet për financim dështuan.
 
     Ndërtimi i Memorialit u aktivizua, sërishmi, në pranverën e sivjeme. Këshilli Organizativ Qendror, i parë, edhe pse bëri ndoca ndryshime, bërthamën e ruajti: Sali Jahë Lajçi – kryesues, Demë Ali Lajçi, Cen Lajçi, Fadil Lajçi, Mustafë Lajçi, Bashkim Lajçi, Sali Ramë Lajçi.
 
     Këshilli, së pari, u vu në kontakt me Shoqatën Kulturore – Humanitare “Sali Çekaj” në Zvicër, përkatësisht, kryetarin e saj, Saim Tahiraj. Gadishmëria ishte fisnike. Fillimisht, Shoqata ndau nga Fondi i saj 2.000 franga. Pastaj, Nëndega e LDK-së në Vilisau dha 1.000 franga, nga paratë e anëtarësisë. 
 
      U themelua Nënkëshilli për Zvicër, me bërthamë kuadro të Shoqatës: Lush Mulaj, Saim Tahiraj, Qamil Çekaj. Më radhë, u aktivizua Nënkëshilli në Sofingen, klubi “Dardania” dhe në Nëndegë të tjera të LDK-së. Mërgimtarët vullnetmirë, brenda muajit maj, tubuan 70.890 franga dhe 2.770 euro. Ndërkohë, u krijua Nënkëshilli, për menaxhimin e mjeteve financiare, të mbledhura në Zvicër dhe bartja e tyre në Kosovë: Ismet Hoxha – Shala, Bekë Osmanaj, Rasim Gashi.
Nderim për dëshmorët heroikë të Kosharës zëmadhe
 
     Shoqatat simotra, në Zvicër dhe Gjermani, me emrin e përbashkët, “Sali Çekaj”, me kryetar, përkatësisht, Saim Tahiraj dhe Osman Ferizi, që të dy bashkëluftëtarë të heroit Sali Çekaj, koordinojnë, së bashku, shumë nga aktivitetet në Mërgatë, pavarësisht që u përkasin dy shteteve. 
 
     Andaj, Shoqata jonë, pra, “Sali Çekaj”, në Gjermani, me qendër në Bavari, konsultoi Kryesinë dhe anëtarësinë, e cila, miratoi dhe vendosi nismën e aksionit, për sigurimin e mjeteve financiare, për ndërtimin e Parkut Memorial, “Dr. Ibrahim Rugova”, në fshatin Malaj të Rugovës. Pastaj, e zgjëroi aksionin në Degën e LDK-së në Gjermani, në shtetet e Evropës, ku mungonin – Nënkëshillat –  si dhe në Amerikë, nëpërmjet Shoqatës “Rugova”, duke kontaktuar drejtuesit e saj: Avdi Dakaj, Lan Lajçi, Rexhë Muriqi, Haki Nikçi. 
 
     Nënkëshilli bazë, për tubimin e financave në Gjermani: Osman Ferizi, Albanez Muriqi, Idriz Zeqiraj, të ndihmuar nga veprimtarët: Fazli Hajdaraj, Asllan Lajçi, Isuf Qetaj, Azem Kelmendi, Tahir Buçolli, Agim Aliçkaj, Feriz Lulaj, Bekim Muriqi dhe të tjerë.  
 
     Organizatorët dhe mbështetësit financiarë, për ndërtimin e Parkut Memorial “Dr. Ibrahim Rugova”, shprehin mirënjohjen e dlirë për përkrahjen e madhe morale dhe më shumë, të kryetarit të Komunës së Pejës, Gazmend Muhaxheri.
 
    Një mirënjohje e çiltër vlen edhe për arkitektin e talentuar dhe përkushtimin e madh për realizimin e projektit, Blerim Bajraktari; skulptorin mjeshtëror Muriqi; ndëtuesit e Kullës së gurtë, Vëllezërit Demiri, nga Açareva e heroit Ismet Rrahmanit, Drenicë, si dhe të gjithë mjeshtrit tjerë, të angazhuar në ndërtimin e Parkut Memorial, në fshatin Malaj.
 
     Mërgata gjithëshqiptare, një mirënjohje të veçantë, përcjell për mediumin e mirënjohur Radio-Fontana dhe drejtorin e saj të talentuar, Zeqir Mehmetaj, si pjesë të kontributit cilësor informativ, përgjatë gjithë aksionit, për sigurimin e mjeteve, për ndërtimin e Parkut Memorial “Dr. Ibrahim Rugova”.
Kulla e Ibrahim Rugovës në fshatin e origjinës – Malaj 
 
 
 Takim pune i Këshillit Qendror dhe  Nënkëshillave të Mërgatës
 
     Në qytetin e Pejës, bënë një takim pune: Këshilli Organizativ Qendror, i kryesuar nga Sali Jahë Lajçi me bashkëpunëtorë; Nënkëshilli nga Zvicra, i përfaqësuar nga Ismet Hoxha – Shala, Dinë Gashi si dhe koordinatori menaxhues i financave Zvicër – Kosovë, Bekë Osmanaj; Nënkëshilli për Gjermani, Evropë dhe Amerikë, i kryesuar nga Osman Ferizi, Albanez Muriqi, Idriz Zeqiraj, si dhe disa veprimtarë tjerë. 
 
     Grupet punuese raportuan për të hyrat, shpenzimet dhe gjithçka tjetër, që ka të bëjë me ngritjen e Parkut Memorial “Dr. Ibrahim Rugova”. Gjithashtu, u konsultuan për përgaditjen e përurimit të Parkut Memorial, teknikën e nevojshme dhe formalitetet tjera. E gjithë përgaditja bëhet mbi baza vullnetare.
 
     Parku Memorial “Dr. Ibrahim Rugova” përurohet ditën e premte, më datë 07 shtator 2018, në ora 12.oo, pikërisht, në 28 vjetorin e Shpalljes të Kushtetutës, e njohur si Kushtetuta e Kaçanikut.
 
     Realisht, punimet kryesore të Parkut Memorial, kanë përfunduar. Por, me dëshirën e madhe, që përurimi të bëhet në një datë të shënuar, siç është, Lindja e Kushtetutës, në një kohë zezonë për Kosovën e pushtuar, me zjarr e hekur, siç është 07 shtatori 1990, disa punime anësore, do të vazhdojnë në ditët, javët, muajt në vijim. 
 
     Rruga ngjitëse, prej 2.5 km, për në fshatin Malaj, është hapur e zgjëruar, në përgaditje e sipër për shtrim. Por, përshkak të kohës së shkurtër, nuk ka arritur të asfaltohet. Megjithatë, është në gjendje të mirë dhe kalohet me të gjitha llojet veturave, makinave.
 
     Duke qenë në cilësinë e zëdhënësit të Nënkëshillave për Mërgatën dhe, tani, edhe për Këshillin Organizativ Qendror, Rugovën dhe Kosovën, ju uroj – Mirëseardhje – në fshatin e origjinës të Presidentit Historik, Dr. Ibrahim Rugovës, në Malaj të Rugovës!

DY BILBILAT E DIASPORËS – Nga Hilmi GASHI, Gjermani

 

Dhuna deri në genocid dhe reprezaljet deri në spastrim etnik të kryera nga Serbia ndaj shqiptarëve etnikë e të pafajshëm të Kosovës, i detyruan shumë prej tyre, me qindra e deri në mijëra, ndër motmote, që për siguri fizike e ekonomike të jetës së tyre, me e marrë rrugën e gjatë e të vështirë të mërgimit në shtete perëndimore të Europës. Në mesin e të përndjekurëve, të të larguarëve, nga politikat kundërshqiptare të regjimit neo-kolonizatorë, shoven e i përgjakshëm i Millosheviçit kishte dhe shqiptarë me përgaditje superiore, të shquar në lëmi të ndryshme të jetës e veprimtarisë në Kosovën tonë.

 Në mesin e shteteve europiane, ku më së shumti shqiptarët kërkuan shpëtim e gjallnim jete e ardhmërie, është Gjermania- një nga shtetet më të fuqishme të botës së sotme, e cila me zemërgjerësinë e saj humane të madhe e të rrallë ka pranuar një numër të madh shqiptarësh nga të gjitha trevat shqiptare të Ish-Jugosllavisë AVNOI-ste.

Në Gjermani, shqiptarët e ardhur, mërgimtarët e saj, duke mos harruar se në çfarë gjendjeje i kanë lënë familjet e farefisin e tyre në vendlindje, filluan të angazhohen për themelimin, gjallërimin e forcimin e aktiviteteve të shumta e të vazhdueshme kulturoro-politike përmes së cilave do të ndihmonin familjet e tyre në Kosovë, do i informonin vendasit me gjendjen aktuale e realitetin që popullata shqiptare po përjeton në Kosovë e në viset e tjera shqiptare. Veprimtari të tilla, ndër më kryesoret, ishin e mbeten manifestimet e ndryshme për festat tona kombëtare shqiptare, festivalet, përkujtimet për figura historike e martirë të kombit shqiptar, përurime të librave, etj.

Për organizimin e përvjetorëve e festave tona kombëtare shqiptarët mërgimtarë në Gjermani nuk e paten dhe as nuk e kanë të vështirë për t’i festuar ato, sepse në mesin e shqiptarëve në Gjermani kishin dhe e kanë solistin e instrumentistin e tyre me gishtërinjtë e tij brilant, Besim Krasniqin, me prejardhje nga qyteti historik i Kosovës, nga Prizreni. Ai ka marrë për mbiemër të ri vendlindjen e tij, Prizrenin, pasi e thërrasin ndryshe dhe “Besi Prizreni”. Dhe, ai, që mban emrin e vendlindjes së tij duhet të ketë disa të veçanta, të jetë i veçantë dhe mban peshë të madhe në jetën e veprimtarinë e tij.

Kohë më herët, pas mbajtjes së Festave të Nëntorit në Gjermani na paraqitet djaloshi nga bjeshkët e Shalës së Bajgores të Kosovës, Naim Smakolli, me zërin e ëmbël si bilbili. Naimi  ka rreth një çerek shekulli në Gjermani, një kohë e madhe për të krijuar emrin e tij të mirë. Në Gjermani, me e thënë ndryshe, i kemi “dy Naima”: njëri është poeti ynë kombëtar Naim Frashëri “Naimi-poet’ dhe tjetri, këngtari i mirënjohur Naim Smakolli, “Naimi–këngtar i Mërgatës”, “këngtar i Diasporës”.

Gishtat brilant të Besim Krasniqit dhe zërin e ëmbël të Naim Smakollit i bëri bashkë te dy për të mos u ndarë  ndërveti sa të jenë gjallë, sepse ata i bashkon gjaku atdhetar i shqiptarit, kënga e bukur shqipe, jeta e mërgimit, idealet e misioni i tyre për artin e kombin e vet shqiptar.

Solisti Besi (Besim Krasniqi) dhe këngëtari i mirënjohur “Nimi” (Naim Smakolli) janë pjesmarrës të shumë koncerteve humanitare të mbajtura në Gjermani dhe në Austri, Zvicër, në Shtete të Beneluksit e ato Skandinave. Këta dy artistë janë pjesë elitë në manifestime kulturore të shqiptarëve, si dhe në dasma e në gëzime të veçanta të shqiptarëve mërgimtarë.

Këta të dy janë artsitë të dashur për publikun e mërgatës shqiptare në Gjermani e në disa shtete të tjera të Europës, pasi me mirësjelljen e tyre qytetare si shqiptaro-gjermanë, me kulturën e traditat e tyre tradicionale shqiptare, me talentin e tyre si artistë, ofrojnë e i bëjnë për vete çdo njeri që është afër tyre.

Dashuria e afria me Diasporën Shqiptare, prania në veprimtari të Diasporës Shqiptare ua ka dhënë atyre me plot të drejtë emrin e merituar: “Dy bilbilat e Diasporës”.

Gishtat brilant të Besim Krasniqit dhe zëri i ëmbël i Naim Smakollit, meloditë e këngët e tyre, Mërgatës Shqiptare ia heqin mallin për vendlindjen e tyre dhe për aq kohë sa të jesh pranë tyre të frymëzojnë, të çmallin, të largojnë mërzinë që e kaplon çdo shqiptar në Diasporës në Gjermani e shtete perëndimore të Europës.

Hilmi GASHI

Gjermani

MËRGATA VLERËSON DHE NDERON ATDHETARËT – Fotoreportazh nga IDRIZ ZEQIRAJ


Kuadri i LDK-së, Fetah Rudi, nderohet me Mirënjohje

     Në përvjetorin e 28-të të themelimit të Degës të LDK-së në Beneluks, Kryesia e saj, në konsultim me anëtarësinë, vendosi të nderojë me – Mirënjohje – disa dëshmorë, komandantë të luftës, veprimtarë të devotshëm të LDK-së dhe kuadro të saj.

     Kryetari i Degës të LDK-së në Beneluks, Bahtir Kastrati, sekretari Xhavit Belaj, anëtari i Kryesisë, Xhevdet Tafilaj, të shoqëruar nga deputeti i Parlamentit të Kosovës, Anton Quni, koordinatori për Degët e LDK-së në Mërgatë, Sali Morina, nënkryetarët e komunave në Istog e Klinë, përkatësisht, Lulzim Blakaj e Besim Hoti, kryetari i Komisionit Shtetëror për të pagjeturit e luftës, Prenkë Gjetaj, ish-deputeti dhe luftëtari i orëve të para, Fadil Geci, veprimtari Ibrahim Ahmeti, kryetari i LDK-së në Bavarinë gjermane, Idriz Zeqiraj dhe i kudondodhuri, drejtori dhe moderatori i Radio-Fontanës, Zeqir Mehmetaj, dorëzuan – Mirënjohjet – për kuadrin e LDK-së, bashkëpunëtorin e Presidentit Ibrahim Rugova, heroin e gjallë – Fetah Rudin; për ish-komandantin e UÇK-së, kryetarin aktual të Degës të LDK-së dhe kryetarin e Asamblesë të Komunës së Klinës, Fadil Gashin; për komandantin-dëshmor Ismet Rrahmanin; për ish-komandantin e UÇK-së dhe ish-deputetin Fadil Geci.

     

     Ekipi i LDK-së nismoi me vizitën në shtëpinë e kuadrit dhe të veprimtarit të devotshëm të LDK-së, Fetah Rudi, i atentatuari politik, për rrjedhojë, i mbetur, përjetësisht, në karrikën invalidore. Takimi me heroin e gjallë Rudi, ishte shumë emocionues. Në oborrin e shtëpisë na pritën: kryetari i Degës së LDK-së në Malishevë, Fehmi Kafexholli, ish-luftëtari Emrush Gashi, kushëriri Xhaviti, vëllai Shaipi, me djalin Admirin, shoqërues të përhershëm të veprimtarit aktiv, Fetah Rudi, djali Petriti, gazetar dhe redaktor i zëshëm i kombëtarës “Bota sot”, vajza gjimnaziste – Gentiana.

     Kuadri, bashkëpunëtori besnik i Dr. Rugovës, Fetah Rudi, gjithëherë stoik, modest, i dashur, i sinqertë dhe trim. Prania e tij në jetë, dëshmi faktike e krimit politik të “komandantëve” vrastarë. “Ardhja juaj në shtëpinë tonë flet shumë. Përcjell aktivitetin, kontributin e Mërgatës shqiptare, e cila ka qenë dhe mbetet maxhja e Kosovës. Në emër të familjes time ju falenderoj ju, kryetar Kastrati, Kryesinë Tuaj, për – Mirënjohjen – e çmuar, të ndarë për mua. E vlerësoj si një letër me vlerë të veçantë”, – tha, fort i emocionuar, njeriu i mirë, Fetah Rudi.

     Miku i tij i idealit, Fadil Geci tha se “LDK-ja dhe Kosova frymëzohen nga qendresa e Fatah Rudit. Zoti e ruajti për të rrëfyer për brezat”.

    U larguam nga Familja atdhetare e fisnike Rudi, duke marrë një pjesë të dhimbjes, por, edhe të krenarisë së ligjshme.

     Veprimtari unik, Fetah Rudi, u bashkua me ekipin e LDK-së, në aktivitetet në Klinë, Açarevë, Llaushë e deri në Istog. 


Kryetari i Degës të LDK-së, Fadil Gashi, nderohet me Mirënjohje

     Në vijim, agjenda jonë ishte Klina, përkatësisht, selia e Degës së LDK-së së këtueshme. Kryesia, e prirë nga Fadil Gashi, ish-komandant i luftës, për të cilin Dega e LDK-së në Beneluks kishte ndarë – Mirënjohje-, na priti me përzemërsi: nënkryetari i komunës, Besim Hoti, një djalë xhentil, energjik dhe premtues; Mirjeta Kalludra, deputetja dinjitoze dhe bukuroshe e Parlamentit të Kosovës; kryetari i Komisionit Shtetëror për të pagjeturit e luftës, Prenkë Gjetaj, njëherësh, miku im i rinisë, me të cilin u takuam, sërishmi, pas plot  50 vitesh; malësorja vuthjane, Vezire Kukaj-Elshani, kryetare e Forumit të Gruas; Adnan Bekaj, kryetar i Forumit të Rinisë; Arben Limani, drejtor i Arsimit; anëtarët e Kryesisë Naim Berisha, Agustin Selmani, Prend Zefi dhe të tjerë. Një kolektiv, një Kryesi aktive dhe simpatike, që jep shpresë për suksese.

     Deputeti i Parlamentit të Kosovës, Anton Quni, përshëndeti Kryesinë e Degës së LDK-së në Klinë, në emër të kryetarit Isa Mustafa: “Në Klinë vij me dëshirë, sepse kolegu im Fadil Gashi është punëtor i mirë, besnik i programit të LDK-së dhe frymës rugoviane”.

Bahtir Kastrati i dorëzon Mirënjohjen Nënës Cymë të Ismet Rrahmanit

     Açareva, nga viti në vit, po bëhet më shumë e njohur. “Açareva e Ismet Rrahmanit”, – po e quajnë vizitorët e shumtë, të cilët vizitojnë edhe – Kullën-muze të Ismet Rrahmanit. Duke qenë mësues i mirë, Ismeti u bë edhe drejtor i mirë i Shkollës të Açarevës, e cila, tashmë, krenarisht, e mbanë emrin e tij. Njohës i mirë i artit luftarak, Ismeti la ditarin shkollor dhe rroku pushkën për liri.

Por, jetën e tij e shuan dy plumba, nga një gjuajtje fort e dyshimtë. Të një mendjeje janë edhe njohësit e fushës ushtarake. 

     Vëllezërit Ramushi, Halili, Destani, nënë-Cyma, presin dhe përcjellin bashkëluftëtarët e vëllait dhe të djalit të tyre dëshmor. Ismet Rrahmani, Haki Imeri, Bahtir Kastrati, ishin trinomi i veprimtarëve të kësaj ane. Ilustrimet numerike fotografike flasin, mjaftueshëm, për veprimtarinë e begatë të Ismetit. Andaj, Mërgata e ka përzgjedhur për ta nderuar me -Mirënjohje – pas amëshimit. “Kemi ardhur për të nderuar veprën e Ismet Rrahmanit, familjen e tij fisnike. Lavdi jetës dhe veprës së tij”,- shprehet anëtarii Kryesisë të LDK-së, njëherësh, edhe Koordinator për Degët e LDK-së në Mergatë, Sali Morina.

     Nënë – Cyma e Ismet Rrahmanit, edhe pse me barrën e 8 (tetë) dekadave, mbahet e fortë. “Tash po e shoh në fotografi Ismetin”,- thotë ajo. Dhe, provon të mbajë lotët. 


Në Kullën e Bajraktarit në Llaushë, i jipet Mirënjohje Fadil Gecit

     Destinacioni i fundit i ekipit të LDK-së ishte Shtëpia e Bajraktarit të Llaushës, Drenicë, e cila identifikohet me Familjen Geci. Në luftën e fundit të Kosovës, kjo Familje ripërtërinë traditën dhe lavdinë e dekadave dhe shekujve më parë. Shtatë (7) Vëllezërit Geci, ndër pushkët e para të Drenicës, me drejtëpeshimin e duhur, institucionalisht të orientuar, ishin dhe mbetën zë i veçantë, në mbrojtjen e vlerave të luftës dhe të ideve të Presidentit Historik, Dr. Ibrahim Rugova.

     Tek Shtëpia-Kështjellë e Bajraktarit të Llaushës, na pritën Vëllezërit Geci me kushëri-vëllazëri dhe të tjerë. Oda karakteristike, me hapësirë enorme, e cila veçon nga odat e zakonshme, që në pamjen e parë, shpalosë historinë e brezave të kësaj Familjeje, sa historike, aq edhe fisnike.

     Ish-deputeti Fadil Geci i përshëndeti dhe u uroi mirëseardhje mysafirëve të respektuar, për nderimin me Mirënjohje të bërë atij dhe, natyrshëm, Familjes Geci. Mysafirët vlerësuan lart Vëllezërit Geci, angazhimin e tyre në luftë dhe pas luftës, mbrojtjen e afërt fizike të Presidentit Rugova. Mysafirët folën me radhë, sipas hierarkisë, ashtu siç e kërkon kodi zakonor i Kullës së Bajraktarit. 

     U shpalosën edhe kujtime nga epoka lavdiplote e Presidentit Rugova. Ishin, pikërisht, dy komandantët institucional, Fadil Gashi dhe Fadil Geci, që i bënë roje trupit të pa jetë të Presidentit të amëshuar, përgjatë natës. Dhe, këtu nuk kemi të bëjmë, thjeshtë, me një rastësi, por, me një përzgjedhje e besueshmëri të kuadrit të përkushtuar dhe përjetësisht me frymë rugoviane.

     Ekipi i LDK-së nga Mërgata dhe Kosova, veprimtarinë ditore e përmbylli me shkëmbim mendimesh, në një tryezë, në Kompleksin Hotelier e Turistik “Trofta”, në Istog. 

     Dega e LDK-së në Beneluks dhe Familja Geci, shtruan një drekë për të pranishmit.

Doli në qarkullim libri “THIRRJE NGA SHPIRTI” i autorit Florim Zeqa

VOAL – Këto ditë doli nga shtypi libri “THIRRJE NGA SHPIRTI” i autorit Florim Zeqa, i cili është vazhdimësi e librit të parë publicistik “NJOHJA E VONUAR”, botuar në “Lena Graphic” në fund të tetorit të vitit të kaluar. Ky libër është përmbledhje e shkrimeve të botuara nga data 11.02.2014 deri më 11.05.2015në gazetën “BOTA PRESS” dhe portalet; Kosova info, VOAL-Zeri i shqiptarëve, Gazeta ora, Shqiptari i Italisë, International post, Toskana press, Standardi.eu, Revista Drini, ALBwebTV, Zemra Shqiptare, Rugova press, Akllapi.net dhe Tetova sot.
“THIRRJE NGA SHPIRTI”, përveçse një dëshmitar i një periudhe kohore, është thirrje e sinqertë drejtuar shpirtërave të robëruar për t’u liruar nga uzurpatorët e lirisë, puthadorët dhe lakmitarët e pushtetit.

“A-MOL”-i, storie suksesi dhe e përfaqësimit dinjitoz të Kosovës në arenën ndërkombëtare – Fotoreportazh nga Florim Zeqa

Në qytetin e vogël Bled (Slloveni), por me bukuri të rralla, me një liqen i cili e ka në mes ishullin panoramik shumë tërheqës për vizitorë. Pikërsiht në këtë vend magjepës nga data 17-22 Korrik 2018 u organizua festivali ndërkombëtar për fëmijë “Blejski zlati mikrofon” apo “Bled Golden Mikrophone”.
Në mesin shumë vendeve të botës, për herë të parë ka marrë pjesë edhe Festivali i Këngës për Fëmijë “A-MOL” nga Ferizaj (Republika e Kosovës).

Në edicionin e 5-të të Festivalit Internacional “Bled Golden Microphone” në Bled, Kosovën e përfaqësuan gjasht vajza.
Edhe pse ishte një konkurencë e fortë prej 120 garueseve, vajzat nga Kosova arritën t’i fitojnë dy çmime prestigjioze. Anisa Shabani e rrëmbeu çmimin e dytë të festivalit, ndërsa Erta Qerimi u shpërblye me çmimin “Përformanca më e mirë”.

Vlenë për të theksuar se dy çmimet e vajzave nga Kosova janë rezultat i punës së palodhshme të Drejtoreshës së Festivalit “A-MOL”, Znj. Anduena Tahiri, e cila me vullnet e përkushtim të madh, me forca vetanake pa ndihmën e askujt ka arritur deri tek sukseset e mëdha dhe mbresëlënëse për një vazhdimësi të gjatë e të sukseshme në karrierën e saj.

Për vetëm dy vjet nga themelimi i Festivalit të Këngës për Fëmijë “A-MOL” në Ferizaj me 2016, ka arritur të organizoj 2 festivale. Me prezantimin e parë në arenën ndërkombëtare, Anduena i arriti dy çmime ndërkombëtare, të cilat i hapen rrugë të mëdha drejt sukseseve të reja.

Pas suksesit të arritur në Festivalin Internacional “Bled Golden Microphone” në Bled, “A-MOL” , Anduena ka marrë ftesa për pjesëmarrje edhe në shumë festivale të tjera si; në Festivalin Internaciaonal “Tra la la” në Ohër (Maqedoni), ku do të jenë pjesëmarrëse 33 shtete të botës, pastaj ftesa për të përfaqësuar Kosovën me talent të rinjë edhe në Rumani, Qeki, Maltë, Bulgari e Itali, etj.
Për më tepër se kaq, në festivalin e Ohrit, Drejtoresha e “A-MOL”-it, znj. Anduena Tahiri ka marrë ftesën për të qënë pjesë e jurisë profesionale të festivalit.

Pas sukseseve të fundit, Festivali “A-mol”-i e ka marrë formën e një festivali të nivelit të lartë të përmasave ndërkombëtarë, ku falë “A-MOL”-it fëmijët, të rinjët dhe të rejat e talentuara nga Kosova e kanë mundësinë e arritjes së sukseseve edhe në arenën ndërkombëtare.

Për arritjen e sukseseve të larta në nivel ndërkombëtarë, përveq vullnetit, punës dhe përkushtimit të madh, nevojiten edhe mjete financiare. Përderisa Festivali Internacional “Bled Golden Microphone” në Bled, ka qënë i organizuar dhe mbështetur nga Ministria e Kulturës së shtetit slloven, Festivali “A-mol”, nuk e ka pasur privilegjin e mbështetjes as nga komuna e Ferizajit dhe as nga Ministria e Kulturës e Republikës së Kosovës.

Siq duket kësaj radhe, më me fat ka qënë Erta Qerimi, e cila ishte ndihmuar nga Kryetari i Komunës së Vitisë, z. Sokol Haliti. Ajo e emocionuar pas marrjes së çmimit, ishte shprehur kështu; “E dashur Kosovë, sot unë vajza jote në mesin e shumë shteteve në festivalin internacional „Bled Golden Microphone „ arrita që të marr çmimin „ Performanca më e mirë“,…”Faleminderit Kryetarit të Komunës time z. Sokol Haliti , profesor Hekuran Bllaca dhe profesoreshes time Anduena Tahiri e cila nuk u lodh asnjëherë, e cila natë e ditë më qëndroi pranë, duke më mësuar se si të interpretoj live, dhe falë saj, unë arrita deri këtu dhe jam falenderuese gjatë gjithë jetës time” .
Ky falenderim i Ertës, është dëshmi, se sa me vlerë shumë dimensionale është ndihma nga institucionet e shtetit për talentët rinjë.

Nga biseda me Drejtoreshën e “A-MOL”-it, mësuam për sukseset në “Bled Golden Mikrophone”, planet në të ardhmen dhe vështirësitë me të cilat përballet Festivali “A-MOL”.
“Ne e përfaqësuam vendin tonë në mënyrën më të mirë të mundshme, është kënaqësi që ia dolëm edhe të triumfojmë në një konkurencë të fortë. Vajzat ia zbardhën fytyrën Kosovës. E lehtë është të marrësh pjesë, por të korrësh suksese është e punë e vështirë.
Në punojmë pa fjalë, sepse kemi vullnetin, guximin, përgatitjet, nxënësit e talentuar e mbi të gjitha profesionalizmin, andaj dhe suksesi i nxënëseve është i merituar”, përfundon Profesoresha Anduena Tahiraj.

Vlenë për të theksuar se, në mbështetje të vajzave nga Kosova në Festivalin “Bled Golden Mikrophone” në Slloveni, krahas pjesëmarrjes së shumë bashkatedhetarëve në këtë festival, të pranishëm ishin; Heset Ahmeti (Kryetar i Shoqatës “ILIRIA” në Kopër-Slloveni) dhe Shpresa Kameraj (Kryetare e “FONDACIONI DUKAGJINI-AUSTRI”).
Përveq trofeve të fituara, vajzat nga Kosova, Erta Qerimi dhe Anisa Shabani, i moren edhe ftesat për të përfaqësuar Kosovën në Festivalin e Muzikës për Fëmijë në Rumani.
Uroj që ky shkrim të shërbejë për sensibilizimin e MKRS-së në Qeverinë e Kosovës dhe DKRS-Ferizaj, që të mos u mungoj ndihma vajzave dhe Festivalit “A-MOL” në aktivitetet e radhës në arenën ndërkombëtare, e në veqanti për në Maltën e largët, ku përveq pjesëmarrjes së vajzave, Drejtoresha e Festivalit “A-MOL” është caktuar të jetë anëtare e Jurisë së Festivalit “Singer Stage”.

LETËR E HAPUR DREJTUAR STRUKTURAVE VENDIMMARRËSE TË LDK-së

 

            DREJTUAR STRUKTURAVE VENDIMMARRËSE:

            KRYESISË DHE KËSHILLIT TË PËRGJITHSHËM TË LDK-SË;

            DEPUTETËVE TË LDK-SË;

            KUADROVE NË KOMUNA, PËRFSHI EDHE KËSHILLTARËT KOMUNALË E TJERË:

     Prej disa muajve vazhdon aksioni për sigurimin e parave, për ndërtimin e Parkut Memorial “Dr. Ibrahim Rugova”, në fshatin e origjinës, Malaj të Rugovës. Memoriali është projektuar nga inxhinier – arkitekt Blerim Bajraktari. Për realizimin e këtij projekti, është krijuar Këshilli Iniciativ, i kryesuar nga Sali (Jahë) Lajçi si dhe nënkëshillat, në Mërgatë. Aksioni nismoi me Shoqatën “Sali çekaj”, në Zvicër, e pasuar nga Shoqata simotër “Sali Çekaj”, në Bavari – Gjermani dhe Dega e LDK-së në Gjermani, për të vazhduar me Degët tjera dhe Shoqata e klube të tjera.

     Përgjatë aksionit po ndeshim me pyetjen legjitime të donatorëve vullnetarë: “Pse heshtin strukturat vendimmarrëse të LDK-së: Kryesia, Këshilli i Përgjithshëm, deputetët, drejtuesit komunalë, me kuadrot dhe këshilltarët komunalë të zgjedhur?! Sepse, të përmendurit janë përfituesit e parë nga LDK-ja, rrjedhimisht, nga kryetari Rugova.

     Kontributi, për Memorialin në fjalë, ka karakter individual dhe vullnetar. 

     Këshilli Iniciator, por, edhe nënkëshillat, për ndërtimin e Parkut Memorial “Dr. Ibrahim Rugova”, kanë pasur ofërta nga parti politike, (jo LDK-ja), dhe individë-firma, për ta realizuar komplet veprën në fjalë. Por, ne, i kemi refuzuar ofërtuesit, duke i falenderuar për gadishmërinë e shprehur. Thjesht, kemi parapëlqyer kontributet individuale të donatorëve vullnetmirë.

      Respekti, dashuria për themeltarin e shtetësisë të Kosovës, Presidentin e Përjetshëm, Dr. Ibrahim Rugova, nuk është eterike, duke e shprehur vetëm me fjalë. Por, ky respekt dhe kjo dashuri duhet të lëndëzohet, në rastin konkret, me kontributin individual për aksionin, tashmë, të bërë publik.

     Aksioni ende vazhdon. Kompletimi, begatimi i Memorialit, me objektet shtesë, është në vartësi të donatorëve.

     Urojmë të mos zhgënjehemi nga strukturat, kuadrot dhe bartësit tjerë të funksioneve të LDK-së!

              Përshëndetje nga:

               SAIM TAHIRAJ, kryetar I SHOQATËS  “SALI ÇEKAJ”, NË ZVICËR;

              OSMAN FERIZI, kryetar I SHOQATËS “SALI ÇEKAJ”, NË BAVARI, GJEMANI; 

              ALBANEZ MURIQI, veprimtar i AUTORIZUAR NGA KËSHILLI QENDROR PËR AKSi0NIN; 

              IDRIZ ZEQIRAJ, kryetar I KOMISIONIT PËR INFORMIM I DEGËS TË LDK-SË, NË GJERMANI.

Ligji i ri për mërgatën në procedurë e hap rrugën për investime nga jashtë – Nga HYSEN IBRAHIMI

Prishtine, 20 korrik 2018,
Ministria e Diasporës dhe Investimeve Strategjike e Kosovës do të mbështesë mërgatën me të gjitha mundësitë që ka. Me ligjin e ri që është në procedurë të hartimit dhe miratimit, parashihen lehtësira, sidomos për investitorët nga mërgata dhe jo vetëm. Zëvendësministri Arian Daci, gjatë një takimi që ka pasur me një delegacion të Shoqatës së Shkrimtarëve dhe Artistëve Shqiptarë “Papa Klementi XI Albani” nga Suedia, ai u përqendruar tek lehtësirat që janë krijuar për investitorët që nga janari i këtij viti. Ai ka theksuar se Kosova ka nevojë për mërgatën, por edhe për investitorë të tjerë. “Qeveria e Kosovës dhe ministria e diasporës ka ndërmarrë disa vendime që kanë të bëjnë me lehtësira për investitorët. Çdo ditë ka palë të interesuara, të cilat dëshirojnë të informohen rreth investimeve. Jemi duke u munduar që përvojën e mërgatës sonë, e cila është shkolluar dhe ka punuar jashtë, ta kthejmë në Kosovë, ta kthejmë dijen dhe kapitalin e saj. Kosova ka nevojë për mërgatën tonë, o sot o kurrë”, tha zëvendësministri Daci.
Ndërkaq, anëtarë të SHSHASH “Papa Klemneti XI Albani”, u interesuan për mënyrën e funksionimit të ministrisë së mërgatës dhe përkrahjes konkrete që ajo ofron për subjektet në mërgatë.


Kryetari Hysen Ibrahimi, pasi tregoi punën dhe formatin e shoqatës që drejton, tha se është i nevojshëm një komunikim më i mirë dhe më i rregullt me ministrinë e mërgatës me qëllim të funksionimit dhe prezantimit më të mirë të trashëgimisë dhe vlerave kulturore në mërgatë, por edhe në veprat që botojnë. “Kultura është ambasadori më përfaqësues i një kombi kudo që shkojmë. Duke prezantuar kulturën identifikojmë vetvetën dhe bëjmë dallimin nga të tjerët, me një traditë dhe kulturë të pasur që kemi”, tha z. Ibrahimi në takimin me zëvendësministrin Daci.
Ai theksoi nevojën për një bashkëpunim dhe mbështetje konkrete, në mënyrë që t’i planifikojnë punët dhe t’i shtyjnë ato përpara. “Këtë vit e kemi botuar vëllimin numër 9-të të Thesarit Kombëtar të Mërgatës Shqiptare. Kemi dy ngjarje që do t’i shënojmë këtë vit: 140 vjetorin e Lidhjes së Prizrenit në Prizren dhe 550 vjetorin e vdekjës së Skënderbeut në Lezhë. Përmbajtjet e këtyre manifestimeve i shkruajmë, i botojmë, do t’i përkthejmë edhe në gjuhën suedeze, që të shohë populli mik suedez se populli shqiptar paska ngjarje të rëndësishme historike, siç është Lidhja Shqiptare e Prizrenit”, arsyetoi Hysen Ibrahimi. Ai tha se mërgimtarët kudo që jetojnë, edhe ata në Suedi, frymëzim të punës dhe veprimit i kanë pasur rilindasit dhe Lidhjen Shqiptare të Prizrenit.
Mone Juniku, anëtare e kryesisë së SHSHASH tha se shoqata dhe anëtarët e saj punojnë me forca të veta, në përpjekje për të nxjerrë në dritë punën dhe veprimtarinë e mërgimtarëve. “Kjo punë është shumë e vështirë, por fal vullnetit të të gjithëve, ne nuk kursejmë asgjë, po arrijmë t’ia dalim disi”, tha Juniku. Ajo kërkoi nga zëvendësministri përkrahje konkrete të institucioneve të Kosovës për SHSHASH “Papa Klementi XI Albani” në Suedi, duke thënë se, pavarësisht sa është punuar e botuar deri tani, kjo shoqatë iu ka mbetur borxh shumë mërgimtarëve veprimtarë, sepse deri tani ka qenë e pamundur të përfshihen të gjithë ata që meritojnë, për shkak të mungesës së fondeve.
Ndërkaq, Rrahman Rrahmani, anëtar tjetër i kryesisë së SHSHASH, kërkoi të dijë nëse ministria është në gjendje të ndihmojë projektet e shoqatës, duke theksuar rëndësinë dhe përmbajtjen e librit “Thesar Kombëtar i Mërgatës Shqiptare” në 9 vëllime të tij. Ai tha se ky libër është shpërndarë në 272 Biblioteka në gjithë Suedinë.
Zëvendësministri i drejtësisë Arian Daci, tha se buxheti i ministrisë është vetëm 2 milionë euro, por do të ndihmojë secilin projekt të rëndësishëm të mërgimtarëve shqiptarë, tha ai. Me këtë rast, ai bëri të ditur edhe përgatitjet që janë bërë për shënimin e “Ditëve të Diasporës”, të cilat përfshijnë aktivitete të ndryshme. “Ka me qenë një organizim më i madh këtë herë. Ka me pas aktivitete në gjithë komunat. Ndër aktivitete kanë me qenë kampet verore për fëmijë dhe një shkollë verore për fëmijët që shprehin dëshirë me ndjek ndonjë kurs aty”, tha Daci.
Ai bëri të ditur edhe planin e dy qeverive, të Kosovës dhe të Shqipërisë, më saktë dy ministrive përkatëse, që të hapin Qendra të përbashkëta të kulturës në mërgatë. Qendra të tilla do të investoheshin nga të dy qeveritë me një pjesëmarrje të barabartë. Qëllimi është që të unifikohet mërgata shqiptare ku do që jeton në vende të tjera. Tashmë ka nisur unifikimi i librave dhe literaturës për nxënësit shqiptarë në mërgatë. Ndërsa mësimi plotësues është i nevojshëm të zgjerohet në disa vende, tha Daci. Ai përmendi Zvicrren si shqetësim, ku tha se mësuesit paguhen për mësimin plotësues në gjuhën shqipe, por nxënësit shqiptarë nuk shkojnë në ato mësime. Ndërkohë, u zotua se ministria e diasporës do t’ia plotësojë kushtet mërgatës, sa i përket mësimdhënies apo mësimnxënies.
Sa iu përket hapjes së Qendrave të kulturës në vendet ku jetojnë shqiptarë, zëvendësministri Arian Daci u shpreh skeptik, nëse ato kryejnë misionin për të cilin hapen. Ndërkaq, kryetari i SHSHASH “Papa Klementi XI Albani”, Hysen Ibrahimi tha se duhet pasur kujdes për mënyrën e zgjedhjës së drejtuesve të atyre qendrave. Ai propozoi që bartësit e Qendrave të kulturës në mërgim, të zgjedhen përmes votës së fshehtë nga vetë përfaqësuesit e shoqatave që do të përbënin një Kuvend zgjedhor.
Në fund të takimit, Arian Daci bëri të ditur se në strategjinë e re të ministrisë “2019 – 2024”, do të sigurohet një hapësirë programore 24 orëshe në RTK, e cila do t’i kushtohet vetëm punës dhe veprimtarisë së mërgatës. “Këto janë përpjekje të vogla, në krahasim më atë që meritojnë mërgimtarët tanë”, tha Arian Daci.

NË BAVARI U FESTUA ÇLIRIMI I KOSOVËS – Fotoreportazh nga IDRIZ ZEQIRAJ

Grupi artistik i fëmijëve në vallëzim
 
 
     Lidhja Demokratike e Kosovës në Bavari, e kryesuar nga Idriz Zeqiraj, në bashkëpunim me Shoqatën “Rilindja”, në Mynih, me kryetar Bekim Gërvalla; Shoqatën “Sali Çekaj”, në Pfaffenhofen, me kryetar Osman Ferizi; Shoqatën “Abeja”, në Moosburg, me kryetar Xhemajl Hoxha, organizuan festën e Çlirimit të Kosovës.
 
     Intonimi i Flamurit Kombëtar dhe atij Dardan, nismoi manifestimin. Me heshtjen klasike, u nderuan dëshmorët dhe viktimat e luftës. Me kët rast u kujtua, me heshtje e nderim, edhe mjeshtri i madh i sportit, Fadil Vokrri, i cili, ditë më parë, u shua fizikisht.
 
     Shkollarja Fjolla Haziri, nga Shoqata “Sali Çekaj”, moderoi, mjeshtërisht, programin festiv. Ajo uroi mirëseardhjen të pranishmëve dhe ftoi në skenë veprimtarin veteran të çështjes kombëtare, njëherësh, edhe sekretar i LDK-së në Bavari, Mehmet Kokaj. Ai foli për etapat historike, në të cilat ka kaluar populli shqiptar, për ta gëzuar çlirimin në qershorin e vitit 1999.
 
     Në emër të organizatorëve, mysafirët dhe të pranishmit i përshëndeti kryetari i Nëndegës të LDK-së në Landau an der Isar, Tefik Jaha. Në mes tyre familjet e dëshmorëve, invalidët e luftës, luftëtarët e lirisë, veprimtarët veteranë të Mërgatës, të ardhur nga Landët tjera, si Mejdi Laçaj, Ajet Mehmeti, Mehmet Kokaj, Ahmet Kolgecaj, Xhevdet Muriqin, luftëtarin e Isuf Çetaj, si dhe të gjithë të pranishmit e tjerë.
 
     Zotëri Jaha vlerësoi lart kontributin që mërgimtarët kanë dhënë për mbijetesën e Kosovës, para, gjatë dhe pasluftës. Ai bëri thirrje se, pavarësisht dobësive aktuale, në administrimin ekonomik dhe politik të Kosovës, duhet të kemi besim se anomalitë aktuale do të tejkalohen, për ta vënë në binarët e duhur ekonominë dhe shtetin ligjor në Kosovë.
 
     Për rrjedhat historike të shqiptarëve, deri në çlirimin e Kosovës, referoi nënkryetari i Nëndegës të LDK-së në Mynih, njëherësh, edhe nënkryetar i Shoqatës Kulturore Bëmirëse “Sali Çekaj”, në Bavari, Blerim Cakiqi, titulluar: 
Nënkryetari i Shoqatës “Sali Çekaj”, Blerim Cakiqi
 
        Dita e çlirimit, kryefestë e Kosovës
 

     Gjurmët e historisë sonë të shkruar, datojnë qysh në lashtësi, me mbretërimin e paraardhësve tanë ilir, Teutës dhe Agronit. 

     Lavdia shënohet në Mesjetë, me kryeheroin Gjerj Kastrioti – Skënderbu, i cili i bashkoi principatat shqiptare dhe ngriti Flamurin Kombëtar, në Krujen krenare.

     Jehona e kësaj lavdie të bujëshme, do të dëgjohej edhe tej Shqipërisë tonë, deri në Evropën bashkëkohore. Me shuarjen fizike të Skënderbeut, Shqipëria u ripushtua nga forcat e errëta të Perandorisë Osmane.

    Revoltat, protestat e shqiptarëve, në shekullin 18-të dhe gjysmën e parë të shekullit 19-të, kishin më shumë  karakter ekonomik se sa politik.

    I pari organizim kombëtar politik, me tendencë përshkallëzimi dhe të zgjimit të ndjenjës atdhetare gjithëshqiptare, ishte Lidhja Shqiptare e Prizrenit, në qershorin e vitit 1878, në Prizren.

     Triumfoi e mira dhe më 28 Nëntor 1912, në Vlorë organizohet Kuvendi Kombëtar, i prirë nga Plaku i urtë Ismail Qemali, i cili ngriti Flamurin Kombëtar dhe shpalli Shqipërinë e pamvarur dhe sovrane. 

    Lufta e Parë Botërore dhe ato Ballkanike rrënuan të gjithë atë që ngriti në Vlorë Ismail Qemaili me shokë. 

 

     Kongresi i Lushnjës, më 1920, ringjalli, sërishmi, shpresat gjithëshqiptare.

    Lufta e Dytë Botërore, bashkim-vëllazërimi me popujt jugosllavë, Konferenca e Bujanit, në Malësinë e Gjakovës, ishin një mashtrim i madh për shqiptarët e Kosovës

    Demonstratat studentore në vjeshtën e vitit 1968, kërkesat e vendosura të intelektualëve të Kosovës, sollën disa suksese: ku realizuan përdorimin e Flamurit Kombëtar, hapjen e Universutetit të Prishtinës, autonominë lokale të Kosovës, të ligjësuar me amandamentet kushtetuese të vitit 1974.

     Vitet e `80-a, pas shuarjes së Titos, nacionalizmi serb, duke përfituar nga demonstrimet studentore të viti 1981, filloi revanshin kundër-shqiptar.

     Më 1989 suprimoi edhe autonominë e fituar më 1974. Pakënaqësia gjithëpopullore, kaloi në revoltë të hapur. Minatorët u ngujuan në zgafellë; studentë dhe nxënës, të mbështetur nga populli, mbushëm bulevardët dhe rrugët e Kosovës.

    Ndërkohë, intelektuali i kompletuar, Dr. Ibrahim Rugova, themeloi partinë e parë pluraliste në Ballkan, Lidhjen Demokratike të Kosovës.

 

     Me radhë, krijoi Institucionet paralele të Kosovës, resorët vitalë për informim e mbrojtje, arsim, shëndetësi, financa dhe të tjerë.

    Me nismën e LDK-së, Kuvendi i Kosovës shpalli Deklaratën e Pavarësisë, më 2 korrik 1990;

    Më 7 shtator proklamohet Kushtetuta, në Kuvendin e mbajtur në Kaçanik; një vit më vonë organizohet Referendumi, për ta zgjedhur Prsidentin e Kosovës. 

    Për një dekadë përndjekje represive të shqiptarëve, nga pushtuesit serbo-sllav.

    Sulmi provokues, i treti me radhë, solli masakrën mbi familjen Jashari, pas Qirezit e Likoshanit.

Kështu që Lufta nuk kishte alternativë tjeter.

    Bërthama ushtarake e krijuar më 1991, nga Dr. Ibrahim Rugova, emëruar Forcat e Armatosura të Republikës të Kosovës, u mobilizua me oficerë të larguar nga Armata Jugosllave.

    Edhe Lëvizja për Republikën e Kosovës kishte punuar në këtë drejtim. Por, puçi në Kryesinë e Lëvizjes, përmbysi të gjitha planet.

Megjithatë, individë dhe grupe luftëtarësh, u futën në Kosovë. 

      Ndërkohë, djemtë e Kosovës, të stërvitur ushtarakisht në Shqipëri, sipas një marrëveshje në mes të presidentëve të Shqipërisë dhe të Kosovës, përkatësisht, Ramiz Alisë dhe Ibrahim Rugovës, u vunë në krye të çetave: Sali Çekaj në Dukagjin, Hamëz e Adem Jashari në Drenicë, Zahir Pajaziti në Llap e Gollap, Ahmet Hoxha në Anamoravë e Karadak.

 

   Lufta në Koshare, e organizuar nga oficerët e karrierës, realizoi thyerjen e kufirit ndërshqiptar, ku Heronjtë Sali Çekaj dhe Agim Ramadani, me shokë, thyen mitin serb.

    Sot e 19 vjet më parë, kudo në Kosovë, u rindez edhe një herë flakadani i shpresës për jetën e lirinë, pas përballimit me sukses të një kërcënimi brutal e barabar serb, që synonte shfarosjen e kulturës e qytetarisë shqiptare.

     Ushtria Çlirimtare e Kosovës, bashkë me popullin tonë martir e të papërkulur, me 12 qershor të vitit 1999, stolisën shtegun e përgjakur të historisë sonë, me ngjyrën e ndezur të triumfit.

    Pra, ishte Pakti-NATO, i prirë nga SHBA -, me aleatë e saj, i cili realizoi dëbimin e ushtrisë fashiste Serbo-Sllave, njëherësh, edhe çlirimin e Kosovës.

    Ne nuk e harrojmë asnjëherë ndihmën dhe kontributin e vendeve mike, me në krye SHBA-në, dhënë në arritjen e lirisë dhe shtetësisë sonë.

Përjetësisht mirënjohës luftëtarëve dëshmorë dhe atyre të mbijetuar; përkujtim të përjetshëm për të gjitha viktimat e luftës si dhe falenderim e mirënjohje, brez pas brezi të shqiptarëve, për Aleancën Ushtarake NATO-n, çliruese faktike të Kosovës.

 

    Lavdi të gjithë të rënëve për liri!

    Gëzuar për jetë e mot Dita e Çlirimit të Kosovës!”

    Moderatorja e talentuar, Fjolla Haziri, e shpallë të përfunduar pjesën e parë të programit dhe, në pjesën e dytë, fton grupin artistik të fëmijëve të Shoqatës “Sali Çekaj”, në Pfaffenhofen, nën drejtimin përgaditor të dy anëtarëve të Kryesisë të Shoqatës në fjalë, Rafet Muli dhe Shemsi Haziri, shfaqi një program tër përzgjedhur artistik.

Këngëtarja e zëshme shkodrane, Vida Kunora

     Këngëtarja e mirënjohur shkodrane, Vida Kunora, e shoqëruar nga sentisti Bekim Çaka, përformoi shkëlqyeshëm, me këngët e përzgjedhura patriotike, duke sjellur zëshëm melosin popullor, në sallën festive, në nderim të shënimit të Ditës së Çlirimit. Mërgimtarët festuan hareshëm dhe dinjitetshëm, për orë të tëra.