A është i sinqertë presidenti Thaçi kur kërkoi zbardhjen e këtyre krimeve? A beson ai se mund të zbardhen këto krime, apo e di se gjurmët janë mbuluar e Prokuroria nuk ka fuqi për t’i zbardhur ato? Apo, po dëshiron që përgjegjësinë për këto krime t’ia faturojë njerëzve të tij, pikërisht në përvjetorin e themelimit të partisë që e drejtoi për 16 vjet?
Ai kishte marrë Scorpinin nga xhipi i zi i Azem Syles. Pak orë më vonë nga tyta e kësaj arme kishin dalë 6 plumba. Ne vend kishte mbetur i vrarë një njeri. Gruaja po ulërinte nga tmerri.
Kriminelët kishin ikur pa lënë gjurmë. Të shtrirë kishin lënë një trup pa jetë të mbytur në një pellg gjaku.
Gjak të një spiuni, siç e kishin cilësuar ata.
Një darkë festive do të shtrohej atë natë. Rreth tryezës do të uleshin vrasësit e një njeriun.
Ibush Kllokoqi “kishte merituar” gjashtë plumba të armës Scorpion, e cila i ishte dorëzuar Nazim Bllacës në veturën e zezë në të cilën ndodhej Azem Syla. Prandaj festohej atë natë vere të vitit 1999.
Ishin bërë një muaj që prej se lufta kishte përfunduar. Vendi udhëhiqej nga Hashim Thaçi, që drejtonte Qeverinë e Përkohshme të Kosovës.
Asnjë lëvizje nuk ishte bërë nga ajo qeveri për të parandaluar skuadrat e vrasjeve të krijuara nga njerëzit që keqpërdorin namin e UÇK-së.
Derisa Qeveria e Thaçit nuk i ndalonte, “skuadrat e vrasjeve”, kishin hartuar një listë njerëzish që duheshin vrarë. Numri i të ekzekutuarve kishte nisur të shtohej.
Një tjetër njëri po e priste fati i Ibush Kllokoqit. Edhe darkë mbase do të shtrohej për nderë të vrasjes së tij.
Banush Berbatovcit i kishte ardhur radha e vrasjes më nëntor 1999. Nata ishte e ftohtë në fshatin Varigovc rë Lipjanit. Në ora 22 e 30 dikush do të trokiste në derën e tij.
Do të ftohej për një udhëtim me Opel Omega. Plani ishte që Banushi mos të kthehej më i gjallë në shtëpi.
Do të dërgohej afër një mali për ekzekutim. Vrasësit do të bënin gati armët. Jeta e tij ishte në dorë të grupit kriminal të Nazim Bllacës.
Por, diçka do ta ndryshonte gjithë rrjedhën e ngjarjes. Banushi kishte nxjerr një letër nga xhepi i këmishës. Ishte një vërtetim i lëshuar nga një zëvendësministër në Qeverinë e Përkohshme që drejtohej prej Hashim Thaçit.
“Z. Banush Bërbatovci, nga Dobraja e Madhe, Komuna e Lipjanit është person i cili i ka ndihmuar UCK-së. Ky vërtetim i lëshohet si dëshmi se ky person nuk ka qenë i implikuar në gjërat për të cilat akuzohet”, thuhej në këtë vërtetim të lëshuar nga Ministria e Mbrojtjës në kuadër të Qeverisë së Përkohshme. Ministër ishte Azem Syla.
Vërtetimin e kishte lëshuar zëvendësministri, Fatmir Limaj.
“E Fatmir he car”, kishte thënë njëri prej vrasësve të Babushit.
Banushi u kishte shpëtuar plumbave falë këtij vërtetimi.
Njerëz tjerë që nuk e kishin pasur fatin të merrnin vërtetime nga Qeveria e drejtuar prej Hashim Thaçit, se nuk janë spiun, po vriteshin çdo ditë.
Grupi i vrasësve po shtrinte pushtetin e dhunës dhe frikës gjithandej. Kundërshtarët politikë dhe spiunët e pandehur si bashkëpunëtorë të regjimit të Millosheviqit ishin cak i këtyre sulmeve.
Këto krime po kryheshin nga njerëz që drejtoheshin prej Azëm Sylës – ministër i Hashim Thaçit.
Rrëfimin e Banush Berbatovcit e pata dëgjuar në dhjetor të vitit 2009 – vetëm pak ditë pas daljes publike të Nazm Bllacës. Bllacën i dënuar për një vrasje dhe i shpallur dëshmitar bashkëpunues për disa të tjera, pretendonte se ishte pjesë e Shërbimit Informativ të Kosovës. Ky shërbim që drejtohej nga kryetari aktual i Kuvendit, Kadri Veseli ishte nën kontrollin e PDK-së.
Një ditë pas botimit të rrëfimit të Banush Bërbatovcit, kisha takuar Fatmir Limajn në Kuvendin e Kosovës. Kishim shkuar bashkë me kolegun, Kastriot Jahaj.
Me vete kisha letrën e nënshkruar prej tij. Atë ditë ishte botuar në “Koha Ditiore”. Donim një koment rreth këtij rasti.
“Sa njerin e kam pshtu kshtu”, na thotë Limaj, teksa më shtërngonte krahun me gjithë fuqinë.
Një të nxirë në krahun e majtë kisha fituar nga Limaj, i cili në vitin 2010 ishte njeriu i dytë me fuqi e autoritet në PDK.
“Sa njerëz nuk i keni pshtu ju”, e pyes unë.
“Kaloni mirë!”, ma tha ai në stilin e ish-shefit të tij, Hashim Thaçi.
Shtatëmbëdhjetë vjet më vonë, njeriu që drejtonte një qeveri e cila lëshonte vërtetime se kush ishte spiun e kush jo, po kërkon zbardhjen e këtyre krimeve.
Thaçi, këtë e bëri në përvjetorin e themelimit të partisë së tij, PDK-së, por nga pozita e presidentit të vendit.
Pos zbardhjes së një serie masakrash të kryera nga forcat serbe, Thaçi kërkoi zbardhjen edhe të vrasjeve të pasluftës, pavarësisht motiveve të tyre.
Por, nuk mori kurrfarë përgjegjësie, ani se një pjesë e madhe e këtyre krimeve i vihet në barrë atij dhe njerëzve të tij më të afërm.
“Arma me të cilën u ekzekutua Ibush Kllokoqi” u mor nga vetura në të cilën ndodhej Azem Syla – thuhet në aktgjykimin e Gjykatës së Qarkut kundër Shaban Sylës, Bekim Sylës, Shpresim Ukës, Driton Hajdarit, e Sadik Abazit të dënuar më 54 vjet burgim.
Syla, ishte ministër në Qeverinë e Përkohshme dhe deputet i PDK-së, deri kah mesi i këtij viti kur dha dorëheqje pas hetimeve për krime ekonomike së bashku me vrasësit e Ibush Kllokoqit.
A është i sinqertë presidenti Thaçi kur kërkoi zbardhjen e këtyre krimeve?
A beson ai se mund të zbardhen këto krime, apo e di se gjurmët janë mbuluar e Prokuroria nuk ka fuqi për t’i zbardhur ato?
Apo, po dëshiron që përgjegjësinë për këto krime t’ia faturojë njerëzve të tij, pikërisht në përvjetorin e themelimit të partisë që e drejtoi për 16 vjet?
Për secilin krim që ka fakte apo zbardhet se prapa tij qëndrojnë bashkëpunëtorët e tij, Thaçi ka përgjegjësi.
Edhe penale madje. Sepse drejtonte një qeveri që lëshonte vërtetime se kush është spiun dhe nuk duhej të vritej.
Ky fakt, tregon se Qeveria e tij kishte autoritet të ndalte këto vrasje.
Këtë nuk e bëri. Ose e bëri fare pak, si në rastin e Banush Bërbatovcit, i cili sot është gjallë falë një vërtetimi të nënshkruar nga Fatmir Limaj. /Insajderi.com/
Agjencia për Parandalimin e Korrupsionit ka publikuar të dhënat e deklarimit të pasurisë nga zyrtarët publikë për vitin 2024.
Vjosa Osmani
Presidentja Vjosa Osmani ka deklaruar bashkë me bashkëshortin një banesë të blerë mbi 59 mijë euro, një garazh 6,000 euro, një shtëpi 170 mijë euro, tokë 35 mijë euro, dy banime në varg – njëra e përbashkët në vlerë 190 mijë euro dhe tjetra 510 mijë euro.
Ajo ka deklaruar po ashtu një veturë në vlerë 10 mijë euro në pronësi të bashkëshortit. Ndërsa, edhe dy kredi, një 40 mijë euro dhe tjetra 65 mijë euro.
Paga neto vjetore e saj është 33,070 euro, kurse e bashkëshortit 17,173 euro.
Glauk Konjufca
Kryetari i Kuvendit, Glauk Konjufca, ka deklaruar nëntë prona, tri prej të cilave të trashëguara (tokë), pesë të blera – tri banesa, një depo, një parking – e një shtëpi e ndërtuar. Megjithatë, vetëm tri nga këto i ka deklaruar në pronësi të veten. Gjashtë të tjerat të prindërve.
Konjufca e ka të deklaruar edhe një veturë në vlerë 3,000 euro në pronësi të bashkëshortes.
Po ashtu, ka të deklaruar mbi 61 mijë euro kredi.
Paga neto vjetore e tij është 27,555 euro.
Albin Kurti
Kryeministri Albin Kurti e ka deklaruar si pasuri të paluajtshme një banesë në pronësi të bashkëshortes, në vlerë prej 400,000 eurosh dhe të blerë me kredi.
Në bankë ka deklaruar para të gatshme rreth 1,500 euro nga paga dhe në llogarinë e bashkëshortes 2,500 euro.
Kryeministri i Kosovë s Albin Kurti do të vizitojë më 25 prill Berlinin.
Gazetari gjerman Michael Martens, ka thënë se kryeministri Albin Kurti do të jetë në një organizim të fondacionit Bertelsmann Stiftung në një ngjarje të Bundestagut.
Ai tha se temë diskutimi do të jetë anëtarësimi i Kosovës në Këshill të Europës.
“Kryeministri i Kosovës Albin Kurti po vjen në Berlin të enjten (25 prill) për të folur në fondacionin Bertelsmann Stiftung në një event në Bundestagun gjerman dhe bashkëbiseduesve të tjerë. Tema: Anëtarësimi i Kosovës në Këshillin e Evropës dhe rruga përpara. Prisni zhvillime”, ka shkruar ai.bw
Grupi i intelektualëve të Mitrovicës për herë të fundit u pa më 19 prill 1999 në Dreth të Zubin Potokut. Derisa po largoheshin për në Mal të Zi, nga forcat e ushtrisë jugosllave u ndaluan: Adem Ademi, Idriz Rreci, Demir Ahmeti, Fatmir Fazliu, Adem Beqiri, Sahit Berani, Hasan Dervari, Ali Haliti, Shaip Ujkani, Faton Ujkani, Mahit Ujkani, Nazim Ujkani, Shkelzen Ujkani, Tahir Meziu, Sali Meziu, Naser Meziu, Zymer Meziu, Selim Meziu, Shaqir Meziu, Samir Meziu, Bekim Meziu, Xhevdet Meziu, Xhemail Meziu. Pas vrasjes, në përpjekje të zhdukjes së gjurmëve të krimit, iu zhdukën trupat.
Bashkë me mohimin e krimeve gjenocidale, Serbia vazhdon t’ua mohojë familjeve të drejtën për të ditur të vërtetën për fatin dhe vendndodhjen e personave të zhdukur me dhunë gjatë luftës në Kosovë.
Në të njejtën ditë, më 19 prill 1999, forcat e armatosura të Serbisë kryen masakër në Hallaq të Vogël dhe Rufc të Ri të Lipjanit.
Në përvjetorin e zhdukjes, përkujtojmë grupin me 23 doktorë, profesorë e veprimtarë të çështjes kombëtare e të të drejtave të njeriut nga Mitrovica. I përkujtojmë sot 21 të vrarët në masakrën e 19 prillit në fshatrat e Lipjanit.
Nuk harrojmë asnjëherë sakrificën e madhe për lirinë e Kosovës.
Sekretari i Përgjithshëm i NATO-s, Jens Stoltenberg u bëri presion vendeve anëtare që t’i japin Ukrainës sistemet e mbrojtjes ajrore, duke thënë se ky është një investim për sigurinë tonë”.
Të premten, Stoltenberg u bëri presion vendeve anëtare që t’i japin Ukrainës më shumë sisteme raketore Patriot, ndërsa Presidenti Volodymyr Zelenskyy përsëriti kërkesat pothuajse të përditshme të Kievit për më shumë pajisje të mbrojtjes ajrore perëndimore.
“NATO ka hartuar aftësitë ekzistuese në të gjithë aleancën dhe ka sisteme që mund të vihen në dispozicion të Ukrainës”, u tha Stoltenberg gazetarëve pas një takimi në internet të ministrave të mbrojtjes nga aleanca 32-vendesh, në të cilën Zelenskyy mori pjesë nga distanca.
Forcat ajrore të Rusisë janë shumë më të fuqishme se ato të Ukrainës, por sistemet e sofistikuara të raketave të ofruara nga partnerët perëndimorë të Kievit janë një kërcënim i madh për aviacionin rus pasi forcat e Kremlinit ecin ngadalë përpara përgjatë vijës së frontit prej rreth 1000 kilometrash në luftë.
Kievi po kërkon të paktën shtatë bateri Patriot. Stoltenberg nuk pranoi të thoshte se cilat shtete të NATO-s kanë sisteme të mbrojtjes ajrore ose sa mund të jenë në dispozicion, duke thënë se ky është informacion i klasifikuar, por ai këmbënguli se ai pret që vendet të bëjnë së shpejti njoftime të reja për mbështetje, jo vetëm për Patriot-ët.
“Aleatët duhet të gërmojnë thellë në inventarët e tyre dhe të përshpejtojnë shpërndarjen e raketave, artilerisë dhe municioneve. Ukraina po përdor armët që ne i ofrojmë për të shkatërruar aftësitë luftarake ruse. Kjo na bën të gjithëve më të sigurt”, tha ai.
“Mbështetja për Ukrainën nuk është bamirësi. Është një investim në sigurinë tonë”, shtoi Stoltenberg.
Bateritë e raketave Patriot mund të zgjasin dy vjet për t’u bërë, kështu që vendet që i kanë ato mund të hezitojnë për arsye sigurie që të ekspozohen. Gjermania kishte gjithsej 12, por po furnizon me tre, Ukrainën. Polonia, e cila kufizohet me Ukrainën, ka vetëm dy dhe i duhen për mbrojtjen e saj.sn
Prishtinë – Ministri i Mbrojtjes, Ejup Maqedonci, ka folur për situatën e sigurisë në vend, për provokimet nga pala serbe kundrejt Kosovës, sidomos me ushtrimet ushtarake që po i kryejnë forcat serbe në afërsi të kufirit me Kosovën dhe me Malin e Zi.
Ai tha se ushtrimi fushor “Whirlwind 2024” është organizuar dhe planifikuar nga ushtria serbe, që, sipas tij, ka filluar më 8 prill dhe është shtrirë në 8 lokacione në Serbi, por, shtoi ai, qitjet reale me armatime janë zhvilluar në tri poligone: afër Nishit, Leskovcit dhe në Peshter, afër kufirit me Kosovën dhe me Malin e Zi, shkruan RTK.
“I gjithë ky armatim i përdorur dhe numri i madh i pjesëtarëve Serbia ka dërguar mesazh edhe te fqinjët, sidomos pas pak muajsh pas një sulmi të organizuar nga një grup i uniformuar i armatosur terrorist, i cili ka hyrë në Republikën e Kosovës nga territori i Serbisë, më 24 shtator”, deklaroi Maqedonci në “Lajmet e fundit”, në RTK.
Ai më tej shtoi se pas pak muajsh po organizohet një ushtrim madhor të ushtrisë serbe, ku janë përdorur të gjitha armët që i ka në dispozicion ushtria serbe, duke përfshirë sistemet raketore, por edhe dronët kamikazë.
Maqedonci tha se shqetësimi ka të bëjë me faktin se është përzgjedhur një lokacion jo larg kufirit me Kosovën, si dhe me Malin e Zi.
Ai shtoi më tej se ky ushtrim është bërë me sistem të armatimit që ka karakter sulmi dhe jo mbrojtjeje.
Maqedonci, mes tjerash, tha se ky ushtrim ushtarak ka të bëjë me demonstrimin e forcës ushtarake serbe, jo shumë larg Kosovës, Malit të Zi dhe të Bosnjës, duke dëshmuar se Serbia edhe më tutje po shfaq qasje hegjemoniste kundrejt fqinjëve.
Kryetari i Komunës së Preshevës, Shqiprim Arifi me anë të një postimi në rrjetet sociale, ka bërë me dije se Serbia e ka dënuar me 55 mijë dinarë, për shkak se vendosi flamurin shqiptar në ditën e Pavarësisë në selinë e partisë së tij, Alternativa për Ndryshim, dega Bujanoc.
Arifi shprehet se ky vendim është pjesë e kolazhit diskriminues dhe shkeljeve të drejtave sistematike individuale, kolektive të shqiptarëve të Luginës së Preshevës.
Ai shton se ndërsa Kosova është në fazën finale për themelimin e Asociacionit të komunave me shumicë serbe, shqiptarëve të Luginës së Preshevës i mohohen të drejtat elementare njerëzore siç është vendosja e flamurit kombëtar.
Postimi i plot:
Deri kur?
55.000 dinarë dënim për vendosjen e Flamurit Kombëtar Shqiptar 🇦🇱
Sot kam pranuar dënimin prej 55.000 dinarë nga Gjykata për Kundërvajtje në Vranjë lidhur me vendosjen e flamurit kombëtar në selinë e Alternativës për Ndryshim — dega Bujanoc, me rastin e festës së 28 nëntorit, ditës së Flamurit.
Gjykata në fjalë ka nxjerrur AKTVENDIM lidhur me vendosjen e flamurit kombëtar shqiptar në selinë e partisë tonë në Bujanoc, me ç’rast ky dënim përbëhet prej 5000 dinarëve ndaj mua si person përgjegjës në pozitën e kryetarit të partisë “Alternativa për Ndryshim”, ndërkaq 50.000 dinarë për subjektin politik që kam drejtuar deri në shkurt të këtij viti, kur është datuar edhe ky aktvendim.
Ky aktvendim është pjesë e kolazhit diskriminues dhe shkeljeve të drejtave sistematike individuale, kolektive të shqiptarëve në Luginën e Preshevës.
Derisa përgatitjet e Qeverisë së Republikës së Kosovës janë në fazën finale për themelimin e ashtuquajturës “Asociacioni i komunave me shumicë serbe — Zajednica” me kompetenca të plota ekzekutive, shqiptarëve në Luginën e Preshevës i mohohen të drejtat elementare njerëzore siç është vendosja flamurit kombëtar.
Hapat e regresit të drejtave e minoritetit shqiptar në Serbi kanë një funksion divergjence me të drejtat e minoriteve serbe në Republikën e Kosovës.
Sa më shumë të drejta për serbet në Kosovë aq më pak të drejta për shqiptarët në Serbi. Deri kur? Panorama
Fondi për të Drejtën Humanitare tha të premten se gjatë vitit 2023 janë ngritur gjithsej 15 aktakuza, një pjesë e të cilave në mungesë, kundër 68 pjesëtarëve të forcave serbe për krime kundër popullatës civile gjatë luftës në Kosovë.
Këto të dhëna janë pjesë e raportit “Fillimi i një faze të re në gjykimin e krimeve të luftës” i cili përshkruan ngecjet e sistemit të drejtësisë në trajtimin e krimeve të luftës, ndërsa thekson sfidat që pasojnë fillimin e proceseve të para të gjykimeve në mungesë, që u mundësuan me ndryshimet në Kodin e Procedurës Penale në Kosovë.
“Prej pesëmbëdhjetë aktakuzave të ngritura, tetë janë ngritur në mungesë kundër 61 pjesëtarëve të forcave serbe dhe shtatë aktakuza janë ngritur ndaj shtatë pjesëtarëve të forcave serbe të cilët janë arrestuar nga policia e Kosovës dhe ndodhen në paraburgim. Gjatë vitit 2023 kanë filluar ose në faza të ndryshme janë zhvilluar procedurat penale në 26 lëndë kundër 81 pjesëtarëve të forcave serbe dhe një pjesëtari të Ushtrisë Çlirimtare të Kosovës”, tha Amer Alija nga Fondi për të Drejtën Humanitare.
Albina Shabani Rama, kryetare e Gjykatës Themelore në Prishtinë, tha se gjykimi në mungesë paraqet kthesë në trajtimin e krimeve të luftës në Kosovë.
“Fakti që prej vitit të kaluar kanë filluar të ngriten aktakuzat në mungesë është një risi, është një përparësi për viktimat që do të trajtohen rastet që kanë pritur me vite të tëra. Për neve si gjykatë ka qenë një sfidë por me bashkëpunimin e madh që kemi pasur brenda sistemit por edhe me partnerët, ka filluar trajtimi dhe janë caktuar seancat e para për gjykim në mungesë dhe mendoj se shumë shpejt do t’i kemi edhe aktgjykimet e para në mungesë”, tha ajo.
Numri i ultë i prokurorëve e gjykatësve dhe mungesa e bashkëpunimit nga Serbia përmenden si dy nga sfidat më të mëdha në ndjekjen e krimeve të luftës.
I ngarkuari me punë në ambasadën e Zvicrës në Kosovë, Christoph Fuchs, tha se përballja me trashëgiminë e së kaluarës është thelbësore për të nderuar të drejtat e viktimave dhe për të shtruar rrugën e paqes afatgjate dhe pajtimit.
“Është e domosdoshme të kuptohet se të gjitha viktimat meritojnë drejtësi për krimet e kryera kundër tyre dhe familjeve të tyre. Çdo gjykim i suksesshëm jo vetëm që sjell të vërtetën në dritë por shërben edhe si shenjë që krimet e luftës nuk do të harrohen dhe autorët e tyre një ditë do të mbahen përgjegjës. Megjithatë, koha ka rëndësi sepse drejtësia e vonuar është drejtësi e munguar”, tha ai.
Pas përfundimit të luftës në Kosovë, përgjegjësinë për ndjekjen e krimeve të luftës e kishte fillimisht Misioni i Kombeve të Bashkuara, e më pas misioni i Bashkimit Evropian për sundimin e Ligjit. Diku nga fillimi i vitit 2016 Prokuroria e Posaçme e Kosovës nisi marrjen e lëndëve, për të marrë përgjegjësinë për të gjitha rastet në fund të vitit 2018.
Kosova doli nga lufta që mori fund me ndërhyrjen e NATO-s, me mbi 10 mijë të vrarë dhe mbi 5 mijë të zhdukur. 25 vjet pas, vetëm 74 persona janë dënuar nga gjykatat vendëse e ndërkombëtare për kryerjen e krimeve të luftës dhe veprimtarët humanitarë thonë se drejtësia për viktimat dhe familjarët e tyre, duket të jetë ende larg.
Kryeministri i Kosovës, Albin Kurti, ka folur rreth procesit të referndumit që pritet të mbahet të dielen e 21 prillit në komunat veriore.
Kurti tha se në zyre nuk mund të hyjnë bandat fashiste.
“Këta kryetarë mund të dalin nga zyrat, por jo me banda krimnale e fashiste që dhunojnë KFOR-in, gazetarët dhe policinë. Me zgjedhje hyhet në zyre. Nuk hyhet në zyre me bomba, granata dhe me armë të tjera që janë sulmuar personeli i sigurisë dhe gazetarët”, tha ai.
I pari i Qeverisë së Kosovës theksoi se në rast se 50+1 përqind e qytetarëve do të votojnë pro largimit të kryetarëve, ata nuk do të jenë më.
“Për çështjen e zgjedhjeve të cilat do të mbahen në katër komunat veriore të vendit, më 21 prill, pra të dielen e kësaj jave prin Komisioni Qendror i Zgjedhjeve, Qeveria e Kosovës është në shërbim të tyre. Nga ana jonë është vullneti që të mbahet ky votim dhe në komunat të cilat 50+1 përqind e qytetarëve do të votojnë për t’ua ndërprerë mandatin kryetarëve të komunave ne do të jemi garancion që kjo do të zbatohet në plotni dhe me shpejtësi. Dhe më pas le t’i kemi zgjedhjet ku do t’i ndërrojmë këta kryetarë të komunave”, tha ai.
Kryeministri këto deklarime i bëri në ceremoninë e nisjes së punimeve për ndërtimin e rrugës Kjevë-Dollc/ Klankosova.tv
Presidenti ukrainas, Volodymyr Zelensky, pritet të kërkojë për mbështetje shtesë ushtarake për fushatën mbrojtëse të shtetit të tij kundër Rusisë.
Këtë kërkesë ai është planifikuar që ta bëjë gjatë një takimi urgjent me ministrat e Mbrojtjes të shteteve të NATO-s me të cilët do të takohet më 19 prill.
Takimi i Këshillit NATO-Ukrainë, që do të organizohet përmes video-lidhjes, pritet të fokusohet veçanërisht në pyetjen nëse aleatët mund të furnizojnë Ukrainën me sisteme shtesë të mbrojtjes ajrore në një periudhë afatshkurtër.
Sipas Zelenskyt, Forcat e Armatosura të Ukrainës po ashtu kanë nevojë për armë shtesë, predha të artilerisë, makina ushtarake dhe dronë.
Ukraina aktualisht po shqetësohet nëse mund të mbajë vijën e frontit dhe të mbrojë infrastrukturën ekzistuese të energjisë, tha Zelensky.Rusia, që nisi pushtimin e paprovokuar të Ukrainës shkurtin e vitit 2022, javët e fundit ka rritur presionin ushtarak ndaj shtetit fqinj dhe përmes sulmeve ajrore ia ka shkatërruar pothuajse të gjitha termocentralet.
Sipas informacioneve që Zelensky prezantoi në fillim të prillit, shtetit të tij do t’i duhen 25 sisteme të mbrojtjes ajrore Patriot – të prodhimit amerikan – secili me nga gjashtë deri në tetë raketahedhës apo pajisje të ngjashme, në mënyrë që të mbrohet plotësisht hapësira ajrore ukrainase. Alternativë për këtë lloj sistemi ajror janë sistemet e tjera sikurse Iris-T, SAMP/T dhe NASAMS.
Qeveria gjermane veçse ka njoftuar gjatë fundjavës së shkuar se do t’i japë Ukrainës edhe një sistem Patriot. Por, edhe nga shtete të tjera pritet të bëhen zotime të tilla, përfshirë edhe Spanjën.
Sekretari i Përgjithshëm i NATO-s, Jens Stoltenberg, së fundi tha se në situatën aktuale, ai beson se është më e rëndësishme që të ndihmohet Ukraina sesa të përmbushen synimet e aleancës sa i përket sigurimit të armëve dhe municioneve./REL
Kryeministri i Kosovës, Albin Kurti ka thënë se mungesa e sanksioneve ndaj Serbisë e ka trimëruar atë duke bërë arrestime në masë ndaj qytetarëve kosovarë.
Kurti në konferencë për medie pas mbledhjes së qeverisë akuzoi Serbinë si shtet mafioz, derisa theksoi se kryemafiozi është presidenti Aleksandar Vuçiç.
Ndërkaq, ministri i Punëve të Brendshme, Xhelal Sveçla, tha se rreth 1500 qytetarë kosovarë dje janë ndaluar dhe malltretuar nga autoritetet serbe.
Sveçla tha se ky veprim i Serbisë përbënë kërcënim për sigurinë në rajon dhe është një precendtë i rrezikshëm.sn
Departamenti amerikan i Shtetit i ka bërë thirrje Serbisë të vetëpërmbahet nga veprimet e njëanshme dhe të pakoordinuara, dhe ka thënë se pret lirimin e menjëhershëm të zëvendësdrejtorit të Policisë së Kosovës, Dejan Jankoviq.
Në një përgjigje për Radion Evropa e Lirë, DASH u bëri thirrje autoriteteve serbe të veprojnë me transparencë dhe në përputhje të plotë me ligjin në lidhje me qytetarët kosovarë të ndaluar në Serbi dje.
“Ndalimet arbitrare apo padrejtësisht të gjata, posaçërisht nëse cak i tyre janë oficerët e Policisë së Kosovës, do të shihen si veprime përshkallëzuese që dëmtojnë paqen dhe stabilitetin”, tha një zëdhënës i Departamentit të Shtetit për Radion Evropa e Lirë më 18 prill.
Sipas autoriteteve kosovare, Serbia ndaloi mbi 1.400 kosovarë, teksa po kalonin transit nëpër Serbi.
Në mesin e të ndaluarve ishin edhe dhjetë zyrtarë policorë.
Autoritetet thanë se nëntë zyrtarë policorë janë liruar, ndërkaq ndaj Dejan Jankoviq, Serbia ka caktuar masën e paraburgimit prej 48 orësh nën akuzën për prishje të rendit kushtetues të Serbisë.
Sipas DASH, marrëveshja për lëvizjen e lirë mes Kosovës dhe Serbisë, e arritur më 2011 në dialogun e ndërmjetësuar nga BE-ja, “ofron parametra të qarta për hyrjen dhe daljen e qytetarëve kosovarë në dhe jashtë Serbisë”.
“Siç ka theksuar Bashkimi Evropian, vonesat si këto të fundit, përbëjnë shkelje të kësaj marrëveshjeje”, tha DASH.
Sipas marrëveshjes për lirinë e lëvizjes “qytetarët (me vendbanime të përhershme) të të dyja palëve duhet të kenë mundësi të udhëtojnë lirshëm brenda ose përmes territorit të njëra-tjetrës dhe në pikat kufitare të qarkullojnë vetëm me letërnjoftim”.
Departamenti i Shtetit tha se të gjitha palët duhet t’u shmangen veprimeve që mund ta rrezikojnë sigurinë dhe stabilitetin rajonal.
Më herët gjatë ditës thirrje për lirimin e Dejan Jankoviqit bënë edhe Jeffery Hovenier, ambasadori amerikan në Prishtinë, dhe Jorn Rohde, ambasadori gjerman në Prishtinë.
Kosova ka akuzuar Serbinë se me veprimet e fundit ka kryer shkelje të rëndë të të drejtave të njeriut dhe ka shkelur marrëveshjet e arritura në dialog, që ndërmjetësohet nga Bashkimi Evropian.
Edhe blloku evropian një ditë më parë tha se Serbia, me ndalimin e udhëtarëve dhe autobusëve nga Kosova, në kufijtë e saj me Hungarinë dhe Kroacinë, ka shkelur Marrëveshjen për lëvizjen e lirë.
Kosova ka thënë se ndalimi dhe “maltretimi” i shtetasve të Kosovës që po kalonin nëpër Serbi, u bë “në shenjë hakmarrjeje” pasi më 16 prill, Asambleja Parlamentare e Këshillit të Evropës mbështeti anëtarësimin e Kosovës në këtë organizatë.
Serbia ka thënë se do të punojë që Kosova të mos pranohet në këtë organizatë gjatë mbledhjes së Këshillit të ministrave të Jashtëm të Këshillit të Evropës më 16 maj.Radio Evropa e Lirë
Departamenti amerikan i Shtetit i ka bërë thirrje Serbisë të vetëpërmbahet nga veprimet e njëanshme dhe të pakoordinuara, dhe ka thënë se pret lirimin e menjëhershëm të zëvendësdrejtorit të Policisë së Kosovës, Dejan Jankoviq.
Në një përgjigje për Radion Evropa e Lirë, DASH u bëri thirrje autoriteteve serbe të veprojnë me transparencë dhe në përputhje të plotë me ligjin në lidhje me qytetarët kosovarë të ndaluar në Serbi dje.
“Ndalimet arbitrare apo padrejtësisht të gjata, posaçërisht nëse cak i tyre janë oficerët e Policisë së Kosovës, do të shihen si veprime përshkallëzuese që dëmtojnë paqen dhe stabilitetin”, tha një zëdhënës i Departamentit të Shtetit për Radion Evropa e Lirë më 18 prill.
Sipas autoriteteve kosovare, Serbia ndaloi mbi 1.400 kosovarë, teksa po kalonin transit nëpër Serbi.
Në mesin e të ndaluarve ishin edhe dhjetë zyrtarë policorë.
Autoritetet thanë se nëntë zyrtarë policorë janë liruar, ndërkaq ndaj Dejan Jankoviq, Serbia ka caktuar masën e paraburgimit prej 48 orësh nën akuzën për prishje të rendit kushtetues të Serbisë.
Sipas DASH, marrëveshja për lëvizjen e lirë mes Kosovës dhe Serbisë, e arritur më 2011 në dialogun e ndërmjetësuar nga BE-ja, “ofron parametra të qarta për hyrjen dhe daljen e qytetarëve kosovarë në dhe jashtë Serbisë”.
“Siç ka theksuar Bashkimi Evropian, vonesat si këto të fundit, përbëjnë shkelje të kësaj marrëveshjeje”, tha DASH.
Sipas marrëveshjes për lirinë e lëvizjes “qytetarët (me vendbanime të përhershme) të të dyja palëve duhet të kenë mundësi të udhëtojnë lirshëm brenda ose përmes territorit të njëra-tjetrës dhe në pikat kufitare të qarkullojnë vetëm me letërnjoftim”.
Departamenti i Shtetit tha se të gjitha palët duhet t’u shmangen veprimeve që mund ta rrezikojnë sigurinë dhe stabilitetin rajonal.
Më herët gjatë ditës thirrje për lirimin e Dejan Jankoviqit bënë edhe Jeffery Hovenier, ambasadori amerikan në Prishtinë, dhe Jorn Rohde, ambasadori gjerman në Prishtinë.
Kosova ka akuzuar Serbinë se me veprimet e fundit ka kryer shkelje të rëndë të të drejtave të njeriut dhe ka shkelur marrëveshjet e arritura në dialog, që ndërmjetësohet nga Bashkimi Evropian.
Edhe blloku evropian një ditë më parë tha se Serbia, me ndalimin e udhëtarëve dhe autobusëve nga Kosova, në kufijtë e saj me Hungarinë dhe Kroacinë, ka shkelur Marrëveshjen për lëvizjen e lirë.
Kosova ka thënë se ndalimi dhe “maltretimi” i shtetasve të Kosovës që po kalonin nëpër Serbi, u bë “në shenjë hakmarrjeje” pasi më 16 prill, Asambleja Parlamentare e Këshillit të Evropës mbështeti anëtarësimin e Kosovës në këtë organizatë.
Serbia ka thënë se do të punojë që Kosova të mos pranohet në këtë organizatë gjatë mbledhjes së Këshillit të ministrave të Jashtëm të Këshillit të Evropës më 16 maj.Radio Evropa e Lirë
Komentet