VOAL

VOAL

Please Wait ...
0%

Deklarata e fortë e gazetares: Dy banda me mbështetje politike kontrollojnë qytetin e Elbasanit (video)

By | September 22, 2017

Komentet

LIVE/Tension në protestë, policia gati ndërhyrjen me autobote uji (video)

Me nisjen e seancës së Kuvendit ka nisur edhe protesta e opozitës jashtë godinës së Parlamentit. Dëgjohen thirrje kundër qeverisë. Rreth orës 10:50 minuta protestuesit kanë tentuar të çajnë kordonin e policisë. Gazetari Klajdi Bodlli raporton për BalkanWeb se janë protestuesit e Unazës së Re po konfrontohen me policinë

Protestuesit mbajnë pankarta në duar dhe flamuj kombëtarë. Gazetarja Dorjana Bezat raportoi për “BalkanWeb” se situata nuk paraqitet e tensionuar, ndonëse ka nisur hedhja e shashkave tymueseve dhe bidonave të ujit në drejtim të policisë. Përplasje raportohet të ketë pasur në afërsi të Ministrisë së Brendshme, aty ku banorët e Unazës së Re u përplasën me policinë që kishte vendosur kordon, e nuk lejonte kalimin drejt Parlamentit.

Protestuesit me flamuj kombëtar thërrasin në korr: “Rama ik”
ORA 10:40- Në protestën e radhës të opozitës së vendit, përpara parlamentit të Shqipërisë janë mbledhur shumë protestues, të cilët kërkojnë në kor dorëheqjen e kryeministrit Rama. “Rama ik, Rama ik”, janë thirrjet e vazhdueshme të tyre. Protestuesit ndërkaq mbajnë flamuj kombëtar në duar, si dhe përdorin vuvuzela.

Kryemadhi e Berisha në protestë, mungon Basha
ORA 10:30- Ndërsa lideri i PD-së Lulzim Basha ndodhet në protestë dhe nuk merr pjesë në protestën e sotme të Partisë Demokratike, në shesh ka shkuar lideri historik i së djathtës, Sali Berisha.

Po ashtu mes protestuesve ndodhet edhe kryetarja e LSI-së, Monika Kryemadhi. Në protestë janë edhe eksponentë të tjerë të partisë demokratike.

Banorët e Unazës së Re përplasen me policinë
ORA 10:30- Banorët e Unazës së Re në kryeqytet janë përplasur me forcat e policisë në rrugën përpara godinës së Ministrisë së Brendshme, pasi forcat policore në këtë vend kishin krijuar kordon.

Banorët thanë se duan të kalojnë për të shkuar drejt Parlamentit ku zhvillohet protesta e opozitës. Por, forcat e policisë ishin vendosur në rrugën hyrëse të pedonales për të mos lejuar kalimin e protestuesve drejt godinës së Parlamentit.
Kjo shkaktoi një përplasje mes banorëve të Unazës së re dhe policisë. Me banorët e Unazës së Re është edhe ish-deputeti i PD Klevis Balliu.

Policia thirrje Gazmend Bardhit
ORA 10:28- Policia e Shtetit i është drejtuar me një thirrje organizatorit të protestës së Partisë Demokratike, Gazmend Bardhi. Policia bën thirrje për qetësi dhe për largimin e protestuesve që mbajnë maska. “I nderuar Zoti Bardhi, në mes të protestuesve ka persona që mbajnë maska. Si organizator i tubimit në bazë të ligjit për tubimet merrni masa për largimin e tyre nga tubimi.

Hidhen shashka e bidonë drejt policisë, shfaqet FNSH
ORA 10:22- Protestues të shumtë ndodhen para Kuvendit të Shqipërisë. Ata kanë hedhur shashka dhe bidonë në drejtim të forcave të policisë. Situata ka nisur të tensionohet, ndërsa pas kësaj janë shfaqur edhe Forcat e Ndërhyrjes së Shpejtë. Protestës iu bashkuan edhe banorët e Unazës së Re.

Mblidhen protestuesit e PD
ORA 10:00- Kur na ndajnë vetëm 15 minuta nga nisja e seancës së Kuvendit ka nisur grumbullimi i protestuesve opozitarë. Në këto momente ata kanë hapur një banderolë të madhe me mbishkrimin “Qeveri e krimit, qeveri e korrupsionit”.

Mblidhet Kuvendi, opozita proteston sërish
ORA 09:30- Mbledhja e Kuvendit këtë të enjte do të shoqërohet sërish me protesta opozitare. Seanca e Parlamentit prtet të nisë në orën 10.00, ku protet të betohen sërish disa deputetë të rinj që marrin mandatet e lëna nga opozita.

Por paralelisht me seancën opozita do të protestojë jashtë godinës së Kuvendit. Ndryshe nga protestat e mëparshme, që janë përqendruar tek hyrja kryesore e Parlamentit, opozita ka një plan tjetër për protestën e sotme. Plani i ri i opozitës ka për qëllim të paraqesë një Parlament që funksionon vetëm me forcën e blindave dhe dhunën policore kundër protestuesve.

Sipas hartës së siguruar nga “BalkanWeb”, e cila u është shpërndarë disa përfaqësuesve të PD, pikat e rrethimit janë secila prej rrugëve që lidhet me Parlamentin: hyrja kryesore, hyrja nga qendra tregtare Toptani, hyrja nga ish-selia e Partisë Demokratike, hyrja nga rruga tek Bashkia, hyrja nga Pedonalja dhe hyrja nga unaza, pranë PD.

Policia ka kaluar në gatishmëri dhe ka bllokuar disa rrugë që të çojnë tek kjo godinë.

Serbia kishte dënuar edhe presidentin e Francës me 20 vjet burg për krime lufte (video)

Një gjykatë në Beograd, më 21 shtator të vitit 2000, kishte gjetur fajtorë për krime lufte edhe liderët botërorë. Për secilin prej tyre, dha nga 20 vjet burgim për bombardimet e NATO-s kundër Jugosllavisë gjatë kohës së luftës në Kosovë, shkruan Gazeta Express.

Gjyqi, që u mbajt katër ditë, në përpjekje për të ringjallur ndjenjën anti-NATO në Jugosllavi, ishte fushatë para zgjedhore e presidentit të atëhershëm serb, Sllobodan Millosheviq.

Rreth 100 spektatorë dhe media janë lejuar të hyjnë në Gjykatën e Qarkut në Beograd (e enjte), derisa kryetari i trupit gjykues, Veroljub Raketic i lexonte akuzat dhe dënimet.

Avokatët e caktuar nga gjykata ishin të punësuar për të përfaqësuar të pandehurit, pasi ata nuk ishin të pranishëm në sallë, e që u dënuan në mungesë.

Derisa përmendeshin emrat e liderëve botërorë për dënim me burg, turma mbante emrat e tyre në pllakate, duke i ngritur ato në secilin emër të përmendur dhe duke duartrokitur.

Në mesin e të dënuarve ishin presidenti Bill Clinton, Sekretarja e Shtetit, Medeleine Albright, Sekretari i Mbrojtjes në SHBA, Willim Cohen, kancelari gjerman, Gergard Shrwder, kryeministri britanik Tony Blair, presidenti Zhak Shirak, ish-sekretari i përgjithshëm i NATO-s, Havier Solana, si dhe komandanti i NATO-s i cili ishte në pension, gjenerali Wesley Clark, shkruan Gazeta Express.

“William Cohen dënohet në mungesë me dënim maksimal prej 20 vjet burgim”, thoshte gjykatësi. E kështu bëri për secilin lider botëror të asaj kohe – të gjithë i dënoi me 20 vjet burgim.

Udhëheqësit botërorë u akuzuan për krime lufte, e që Gjykata i ndërlidhte me bombardimet 78-ditore të NATO-s në Serbi.

Gjykatësi, Veroljub Raketic, tha se të akuzuarit paraprakisht ishin të njoftuar, por ata zgjodhën ta injoronin gjykatën – i dënoi në mungesë. Ai gjithashtu i urdhëroi të pandehurit ta paguajnë koston e gjykimit.

Raketic, gjithashtu, shpalli fajtore NATO-n për vdekjen e 546 ushtarëve të ushtrisë jugosllave, duke përfshirë edhe 138 policë serbë dhe 504 civilë – 88 prej tyre fëmijë.

Në po atë kohë, Millosheviqi kishte bërë fushatë me slogane anti-NATO, duke thënë se do ta ringjallë shpresën e rindërtimit pas bombardimeve. Kjo “shpresë” që e dha Millosheviqi, më vonë u shndërrua në vota.

Prokuroria në Beograd kishte thënë se në momentin që palët shpallen fajtorë, ata do të arrestohen kurdo që shkojnë në Serbi.

Akuzat, të listuara në aktakuzën me 120 faqe, kishte të përfshirë edhe nxitjen e një lufte agresive dhe kryerjen e krimeve kundër popullatës civile, si dhe përdorimin e mjeteve të paligjshme të luftës, tentim-vrasje dhe shkelje e integritetit territorial të Jugosllavisë.

Gjatë gjykimit, u shfaqën edhe pamjet e bombardimeve të NATO-s në Serbi. Ky gjykim vlen të theksohet se përfundoi pa dëshmitarë për këto bombardime, e për këtë çështje gjykatësi tha se “e gjithë Jugosllavia e di. Salla e gjykatës nuk është aq e madhe sa t’i zë të gjithë dëshmitarët”.

Qeveria jugosllave kishte pretenduar se NATO-ja ka shkelur të drejtën ndërkombëtare kur urdhëroi bombardimet e civilëve – një akt që rezultoi me vdekje të shumta, lëndime trupore dhe shkatërrim të pronës.

“Turp-turp”, Lleshaj pritet me protesta në Durrës: Na ke helmuar (video)

DURRËS

Një incident ka ndodhur sot gjatë vizitës së Ministrit të Brendshëm Sandër Lleshaj në Durrës. Lleshaj i shoqëruar nga kreu i Policisë Ardi Veliu dhe kryebashkiaku i Durrësit Vangjush Dako ka mbërritur në Universitetin “Aleksandër Moisiu” ku është pritur me protesta nga studentët, të rinj të strukturave të Partisë Demokratike.

Në momentin që Lleshaj dhe Dako mbërritën në universitet u pritën me thirrjet “turp”, “turp”, “turp”. Dako ka hyrë brenda ndërsa ministri i Brendshëm është përballur me studentët.
Një nga të rinjtë e akuzon ministrin e se e ka helmuar me gaz lotsjellës.

Lleshaj: Çfarë do doje prej meje?
Studenti: Për çfarë keni ardhur këtu? Ju nuk ju takon me ardh në asnjë vend të Shqipërisë. Ju jeni qeveri ilegjitime. Vini këtu dhe e marrim vesh një orë më parë se po vjen ministri. Sikur është duke ardhur shërbimi sekret.
Lleshaj: Ju e caktoni ku hyj unë e ku nuk hyj unë.
Studenti: Nuk e caktojmë ne, ne duhet ta dimë.
Lleshaj: Kush jeni ju?
Studenti: Unë jam Ndrec Pjetraj qytetar i këtij vendi që ti më kë helmuar mua. Je ministri i Brendshëm, na ke helmuar me gaz.
Lleshaj: Nëse do të vish të komunikosh hajde komuniko mos fol kështu.
Studenti: Kemi komunikuar aty në shesh me lëndë kimike. Po sot çfarë do bëni, hë na thoni? Kush janë masat që do merrni? Do më arrestojnë këta shoqëruesit tuaj. Turp t’ju vijë!
Lleshaj: S’kam ardhur për këtë punë.

Debati nuk ka vijuar më gjatë por ministri është përcjellë brenda Universitetit me thirrjet “Turp, turp”.

“Ne nuk do të kemi ndarje me protestuesit. Turp, turp, turp!”, thirrën të rinjtë.

Emigranti: Kam ardhur nga Britania për protestë. Jo diktaturës

SHKODËR

Qindra qytetarë janë nisur nga Shkodra për të ardhur në Tiranë ku do të zhvillohet protesta e opozitës së bashkuar. Por përveç qytetarëve që jetojnë çdo ditë në vend, protestës i janë bashkuar edhe emigrantë që jetojnë jashtë shtetit.

Një prej tyre, Naim Hasani i ardhur nga Britania tha se të gjithë shqiptarët dhe qytetarët e ndershëm duhet të protestojnë kundër regjimit kriminal të Rilindjes dhe për të mbrojtur votën e lirë. Ai bëri thirrje që protesta të jetë paqësore për t’i treguar botës se shqiptarët janë një komb qytetar që nuk e do diktaturën.

“Ata që rrinë në Amerikë, Kanada, Australi kanë arsye shumë të forta për të protestuar sot kundër Rilindjes, kundër instalimit të regjimit kriminal të Rilindjes në Shqipëri. Populli, shpirti, demokracia, liria, barazia dhe drejtësia duhet të triumfojnë në Shqipëri. Shqipëria dhe shqiptarët të mos mbeten më delja e zezë e Evropës por të përparojnë, të ecin përpara me të drejta të plota si anëtarë të BE-së, përfshi të drejtën për të votuar si qytetarë të lirë. Unë kam ardhur nga Britania si kryetar i PD-së në Britani dhe bashkë me mua kanë ardhur edhe emigrantë të tjerë, të cilët kërkojnë që në Shqipëri të vendoset liria, në Shqipëri të vendoset e drejta e votës, shqiptarët të mos kenë nevojë të largohen dhe të emigrojnë përditë dhe ta lëshojnë Shqipërinë por të ndërtojnë Shqipërinë këtu bashkë si shqiptarë e qytetarë të lirë të Europës. Ftoj të gjithë shqiptarët kudo që janë, qytetarët e ndershëm t’i bashkohen protestës së sotme të opozitës, të PD-së dhe liderit të saj Lulzim Basha. Kjo është protesta për lirinë, është beteja për drejtësinë, është beteja për votën e lirë që i intereson çdo shqiptari kudo që është. Nisja nga Shkodra, simboli i demokracisë, tregon që shqiptarët janë të vendosur për t’i thënë jo ‘Rilindjes’, për t’i thënë jo regjimit që është instaluar në Shqipëri. Shpresojmë dhe besojmë që protesta të jetë ndër më demokratiket, më paqësoret dhe t’i tregojnë shqiptarët botës se ne jemi një komb qytetar, një komb që nuk do komunizmin, një komb që nuk do diktaturën, një komb që nuk do krimin dhe bandat. Fitore shqiptarëve!”, tha emigranti.

Kamionët serbë kontrabandojnë produkte në Kosovë (video)

Janë ngritur hipoteza të ndryshme për shtimin e kontrabandës, mirëpo deri tani janë kapur brenda Kosovës vetëm disa bartës të vegjël produktesh.

Reporteri.net ka siguruar një video  ku shihen mjete të mëdha transportuese teksa kontrabandojnë mallra nga Serbia për në Kosovë.

Në video shihen dy transportues, njëri me targa serbe dhe tjetri kosovare, teksa shkëmbejnë mallrat në fshatin Karaçevë, vend që lidh Kosovën me Serbinë.

Ismet Hashani, zëdhënës i Policisë së Kosovës në Gjilan, duke konfirmuar se ka pasur raste të kontrabandës, ka sugjeruar redaksinë që të kontaktohen zyrat qendrore të Policisë për informacione zyrtare.

Baki Kelani, i kontaktuar nga Reporteri.net, nuk ka dhënë detaje për pyetjen, mirëpo ka sugjeruar që për shifra të flitet me Doganën e Kosovës.

Ndërkohë, Adriatik Stavileci, zëdhënës i Doganave të Kosovës ka qenë i paqasshëm në telefon, duke u pamundësuar të merren statistika nëse është shtuar kontrabanda.

Sidoqoftë, videoja e realizuar natën e djeshme ilustron shumëçka, pasi burime të  nga vendi i ngjarjes, kanë konfirmuar bartjen e mallrave në afërsi të fshatit Breznicë.

Ndryshe, kryeministri Haradinaj ka thënë se Serbia po dëmtohet pasi mallrat nuk po futen në Kosovë, mirëpo duket se mallrat nuk po futen vetëm nga Dogana, duke rritur kështu informalitetin.

 

VIDEO- “Në të njëjtin burg me nënën time”, rrëfimi i Asim Gogës: Po të guxonim të flisnim njëri me tjetrin…

Kujto.al Arkiva Online e Viktimave të Komunizmit/ 

“Mua dhe nënën në burg, ishte biruca aty dhe nuk më linin për të parë nënën. Unë e shihja nënën, nëna më shikonte mua dhe nuk guxonim që të flisnim njëri me tjetrin. Kur kam dal nga burgu kam qenë aq i hutuar sa kam harruar edhe shtëpinë. Kisha punuar dhe kisha para me vete se i ruaja paratë”.

Asim Goga rrëfen kalvarin e persekutimeve, si ja vranë babain dhe si ra në burg me nënën e tij.

Dëshmia e plotë

Babai ishte shofer dhe e akuzuan se donte të nxirrte një femër në Jugosllavi. Në vitin 1956 babai bëri 5 vjet burg.

Për çfarë u akuzua babai?

U akuzua se kishte çuar një femër një Jugosllavi. Babai i thotë unë kam qenë shofer ajo pasagjere dhe unë nuk e di qëllimin e saj. Si përfundim e dënuan me 5 vjet burg dhe në 56  u lirua. As një vit nuk ndenji donin ta fusnin prap në burg, detyrohet babai të iki dhe ikën në Jugosllavi. Donte me më marr dhe mua në Jugosllavi por i thotë nëna mos ma merr, se isha dhe më i madhi nga fëmijët. Ikën babai në Jugosllavi dhe rri tre vjet, pas tre vjetësh vjen me na marr ne si familje. Vjen dhe rri tre ditë në Shkodër i fshehur, na përgatit të gjithëve dhe ne nisemi të ikim. 10 maj i 1959 nisemi ne të ikim, nëna me gjithë fëmijët. Ec e ec na erdhën disa ushtarë, “ndal”- thanë, na rrethuan, filluan të qëllonin. Babi kishte kaluar përpara bashkë me vëllain edhe i thoshte ik edhe ti se u pa kjo punë. Ne na kapin të gjithëve na lidhin, edhe vjen Ilmi Sahiti edhe i thotë atyre nëpër posta: “Vritini se ju vret se ka qenë trim”.   Vritini se ju vret, këto fjalë i ka thën Ilmi Sahiti nëpër posta, edhe si përfundim e vrasin babain. Më fusin mua në burg edhe nënën në burg, ata të tjerët ishin më të vegjël.  Ata i çuan diku në shtëpi të fëmijës a nuk e di se ku i çuan, tre vëllezër dhe një motër. Ndërsa mua dhe nënën në burg. Ishte biruca aty dhe nuk më linin për të parë nënën. Ishte një kapterr shumë i mirë dhe më thoshte shikoje nënën por mos i fol. Unë e shikoja nënën, nëna më shikonte mua dhe nuk guxonim të flisnim njëri me tjetrin. Në birucat e Shkodrës kam bërë 3 muaj e gjysëm hetuesi. Si përfundim në hetuesi nuk dija që e kanë vrarë babain unë, vetëm kur më thonë ta kanë vrarë babain. Unë i them sma merr mendja. Pse tha, po të dhimbset babai? Si s’po më dhimbset babai? Kur ma tregoj fotografinë e babit të vrarë, pastaj aty më linte në këmbë nuk më linte në karrike, më dridheshin këmbët se ditë natë nëpër biruca edhe më dolën lot. “Po qan ti për babain?”-, po si spo qaj unë për babain. Po babai jot mund të na vriste ushtarët ne. Babai nuk ka ardhur për të vrarë ushtarët po për të na marr neve. Filloj hetuesia u dënova 18 vjet.  Kur ma tregoj fotogafinë e babait. U lodha edhe më tha rri në këmbë, mu kputën gjunjtë edhe rashë në gjunjë, aty filloj hetuesia. Dolëm në gjyqë edhe unë edhe nëna, bashkë me nënën dorë për dore.Dolëm në gjyq me nënën edhe thotë dënohet me 18 vjet burg,   por për arsye që je nën 18 vjeç merr gjyqin e dënimit, më dënojnë me 9 vjet. Dy vjet mi uli kryetari më ngelën 7 vjet shkova në burg pastaj, na dërguan në burg edhe mua edhe nënën, një farë Ylmi Sehiti, past rahmet se për ne ka qenë njeri i mirë. Kanë qenë dy operativa sigurimi edhe më thërrasin mua ishin 8 veta në dhomë. Më thërret mua ky një alamet burri, thotë ti kë për tu bërë spiunë. Skeni turp ju që më thërrisni mua për këtë punë, për këtë punë keni filanin. Më gjuajti aq shumë në shpull sa më lëshuan sytë xixa edhe qava.  I thashë skeni turp që më merrni mua për këtë punë i thashë unë. Nënën e dënuan 12 vjet, mua 7 vjet. Aty në burgun e Shkodrës nuk më lënin të takoja nënën edhe i them unë Ylmi Sehitit që nuk më lëjnë të takojë nënën. Më më mësonte një prifti çfarë të flisja. “Me leje”- i them zoti general,” Po”- tha, “A më takon mua të takoj nënën në burg?”.. “po “-tha, djali i bishës, Kam dy muaj pa takuar nënën. Nëna aty unë këtu edhe nuk e takojë.  I thotë operativit ta takoj nënën. Unë prapë se takoj. As një jave më mëson prifti thuaj, me leje zotëri gjeneral ti ma dhe fjalën po për të takuar nënën, unë  nuk e kam takuar. I thashë çfarë si thashë ai u bë nervoz edhe shkapiti derën edhe i thotë ti Çani Kalo me kthy fjalën time, shpejt tha shko takoje. Ça bëjë unë prej gëzimit  kërcej për të përqafuar nënën.Më del ai kapterri  edhe më thotë: “nuk bën nuk ke takim special ti këtu”, “po nënën mo dua të takoj”, “ik”- thotë aty. Më futën midis hekurave edhe si përfundim i thotë Ylmi Sahitit . I them zotëri gjeneral shumë faleminderit që më le që të takoja nënën. Atëherë më kanë lënë çdo 15 ditë që të takoja nënën as fjalës së Ylmi Sahitit, se për ndryshe nuk më linin hiç. Shkova në kamp në Laç për herë të parë në kanal deri në gju. Mere me mend sa bënim çizme me shtesë se u fuste në baltë këmba edhe mbusheshe me ujë. Kampi ishte prej kashte suvatimin e kishin bërë me llaç, me baltë edhe birucat një muaj më llamarina vetëm 600 gram bukë thatë. Njëri një shok aty e kapi  një rikë, e kapi dhe e hëngri të gjallë. I hoqi puplat dhe e hëngri mishin e gjallë.Merre me mend 600 gram bukë thatë dhe këtë nuk e harroj tërë jetën. Jam liruar 5 dhjetor të vitit 1963. Kam bërë 4 vjet , 9 muaj e 15 ditë burg. Nëna një vit bëri dhe kurrë nuk e harroj fjalën e Ylmi Sehitit në burgun  e Shkodrës kur më tha, hajde këtu djali i bishës nënën po ta lirojmë. Ju faleminderit që po më lironi nënën mua ska gjë, ti tha do të bësh burg po jo shumë. Vdiq Ylmi Sahiti dhe mbeta dhe unë në burg. Mbarova burgun edhe erdha në shtëpi.

A të kujtohet momenti kur ke dalë nga burgu?

Kur kam dal nga burgu kam qenë aq i hutuar sa kam harruar edhe shtëpinë. Shoh një komshi edhe ai më njohu.

Nga cili burg u lirove?

Nga sonda kaustike të Vlorës.

Kush të priti kur dole?

Kush do më priste mua, ndodhi një shofer që më njihte i lagjes që më tha po ti sjell unë rrobat ty. Një shilte dhe një jorgan se ca kishe tjetër. Nuk e harroj kurrë në tren, në atë çantën e rrobave ishte shkruar Asim Goga dhe njëri më thotë: “hë more Asim a u lirove?” Në tren më njohi, “ku më njohe”- i thashë. “Pashë çantën në tren”- më tha.  Erdha në Shkodër isha si i hutuar zdija ça më thënë, kisha harruar shtëpinë. Ishte bërë një shkollë aty. Më kap njëri e më thot Asim po kisha punuar edhe i ruaja paratë se do kurseje se e dije që nëna shkret po lirohet prej burgu po ska ça me bo. Kur i prura nënës unë 6 mijë lekë më thotë, po ty të past nëna, i them i kam kursyer. Kisha kursyer paratë që ti sillja në shtëpi. Atherë filloj puna, filloj jeta.

Rama në Itali, Lubonja: Anomali shqiptare, Vespa bëri skandal (video)

Emisioni “Të paekspozuarit” i gazetarit Ylli Rakipi në News24, ka në fokus sonte vizitën e kryeministrit Edi Rama në Itali dhe shfaqjen e tij në mediat italiane.

Rakipi e ka nisur me një lidhje me skype nga Italia me analistin Fatos Lubonja, i cili ka komentuar daljen e kryeministrit në Rai Uno në emisionin e Bruno Vespës “Porta a Porta”.

Lubonja tha se vajtja e Ramës në Itali për propagandë është anomali shqiptare duke theksuar se nuk ka asnjë kryeministër në Ballkan apo më gjerë që të bëjnë të njëjtën gjë. Lubonja nuk kurseu as gazetarin italian Bruno Vespa, për të cilin tha se është ndër më të papëlqyerit në Itali.

“Është një anomali shqiptare. Nuk ka kryeministër në botë të shkojë dhe të bëjë propagandë të vendit të vet diku. Keni parë ju kryeministër të Ballkanit, Gjukanoviç apo të tjerët rreth e rrotull të shkojnë e të thonë shikoni sa mirë është atje. E para kjo. E dyta, në qoftë se është fjala për të krijuar një njohje të problemit shqiptar nga mediat italiane, praktikat janë që shkojnë të dërguarit dhe bëjnë kronika, intervistojnë njerëz, pyesni opozitën, të pavarur etj. Kurse këtu shkon kryeministri të rregullojë imazhin. E treta, që është e bezdisshme që ne shqiptarët akoma bëjmë politika t’u mbushim mendjen të huajve se kush është i miri apo i keqi. Akoma sillemi si protektorat dhe nuk ndërtojmë politikanë që kanë mbështetjen e vendit të tyre”, tha Lubonja.

Lubonja e konsideroi si skandal emisionin e Bruno Vespës me Ramën, pasi ai kishte marrë 3 persona në studio që mbështesnin Ramën.

“I fundit është skandali i gazetarit Bruno Vespa që edhe gazetarët më të këqij në Shqipëri mund të mburren. Mori kryeministrin këtej dhe mori tre njerëz që mbështesin kryeministrin. Nuk bën vaki. Më e shëmtuar ishte edhe qëndrimi i tyre. Edhe shërbëtorët më të këqinj të medias shqiptare, mund të mburrin pasi panë Bruno Vespan.

Sepse, kushdo të jetë më i keqi këtu, e merr një njeri, që mendon ndryshe. Akoma më e shëmtuar, ishte qëndrimi atyre, atij Tares, ose Pirgut, që tha se një gomë e djegur, duhen 200 koncerte. Se ai mendon se imazhi i Shqipërisë, janë koncertet e tij, por në fakt imazhi i Shqipërisë është droga. Po jemi prapë në kontekstin që fola është i legjimituar se ai është i majtë dhe gjithë imazhin e tij e  ka bërë me propagandë. Nuk po flas për Bruno Vespën se ai është një nga gazetarët më të papëlqyer në Itali. Kjo është pjesë e pragmatizmit tonë. Ne duhet të bëhemi shpëtimtar të vetvetes”- tha ndër të tjera Fatos Lubonja.

Aksident në Gjilan, një i vdekur dhe dhjetëra të plagosur (Video)

Një aksident i rëndë ka ndodhur gjatë ditës së sotme në Gjilan, ndërsa një person ka humbur jetën dhe dhjetëra të tjerë janë plagosur.

Mësohet se një kamion me shpejtësi është përplasur me disa makina si dhe njerëz që ndodheshin në trotuar. Dyshohet se shkak i aksidentit ka qenë një problem teknik në sistemin e frenimit të kamionit.

Nuk dihet numri i saktë i të plagosurve, por mësohet se shumë prej tyre po marrin trajtim mjekësor në spitalin e Gjilanit.

“Jemi në vend të ngjarjes. E konfirmojmë që ka qenë një aksident me pasoja fatale ku për fat të keq një person ka humbur jetën. Ka me dhjetëra e dhjetëra të lënduar, janë në spital të Gjilanit për momentin. Për momentin janë trajtim dhe spitali është mobilizuar dhe gjendja është e jashtëzakonshme. Aksidenti ka ndodhur për shkak të një automjeti transportues. Dyshohet se ka dështuar diçka teknikisht dhe ka humbur drejtimin mbi 300-400 metra duke u përplasur me automjete të ndryshme. Drejtuesi i kamionit nuk ka pësuar lëndime dhe për momentin është duke u mbajtur në stacionin policor”, ka thënë kryeprokurori i Prokurorisë Themelore të Gjilanit, Jetish Maloku.

VIDEO/ Momenti kur Rifat Jashari kthehet pas çlirimit në Kosovë

Me 29 qershor të vitit 1999 katër meshkujt e familjes Jashari, Rifat (Shaban) Jashari, Murat (Rifat) Jashari, Lulzim (Adem) Jashari dhe Bekim (Hamza) Jashari, të cilët jetonin në mërgim, u kthyen në Kosovë, dy javë pas çlirimit.

Ata vinin në Kosovë, por nuk i takuan të gjallë më të dashurit e tyre, të cilët kishin rënë dëshmorë për lirinë e Kosovës, të cilët deri në frymën e fundit luftuan me paramilitarët serbë me 5, 6 dhe 7 mars të vitit 1998.

Rifat Jashari, vëllai i Komandantit Legjendar Adem Jashari, nuk iu linte vend lotëve, por krenarisë dhe porosiste të gjallët që punohet në realizmin e aspiratave dhe që shqiptarët të ishin të bashkuar, shkruan Telegraf.

“Nëse doni me na i flladitë zemrat tona dhe me na i shëru varret tona duhet të jeni të bashkuar më shumë sot se kurrë”, ishte porosia që Rifat Jashari dha atëherë.

“Mos kini frikë”, Basha flet për uragan të pamposhtur popullor: Bëhuni gati për atë që po vjen…

Pas mbylljes së protestës së nisur sot rreth orës 10:00, Lulzim Basha nga selia e PD u ka bere thirrje shqiptareve te bashkohen me shume e me te forte ne ate qe ka cilesuar uraganin popullor te 16 marsit. 

“Sot në të katërtën protestë radhazi popullin i bashkuar ka përfunduar etapën e fundit të asgjësimit të kësaj qeverie të lidhur me krimit dhe nxjerrjen lakuriq para botës, por dita e sotme ka një rendësi që shkon përtej ftytyrës së shtetit që vjedh, ka meritën e ndezjes së shpresës dhe besimit të çdo shqiptari për të nesërmen që po vjen”.

“Sot e kemi çuar njëherë e mirë në shtëpi parlamentin e krimit, parlamentin ilegjitim dhe kemi hapur përfundimisht shtegun e vetëm mes të cilës do të kalojë e ardhmja e cdo shqiptari. Zgjidhja e vetme politike është largimi i shkaktarit kryesor, autorit dhe përfituesit, krye zullumqarit Edi Rama. Ikja e tij është fundi i pjesës së parë të kësaj beteje, e cila do të vazhdojë me shpresën dhe bashkimin në shqiptarët që kanë njohur në tre dekada.

Edhe ata që janë përpjekur ta mbrojnë e dinë të vërtetën që ju keni buçitur, Edi Rama ka mbaruar, regjimi i tij ka marrë fund.

Sado të përpiqet ta zgjasë agoninë, aq më shumë do ti shtohet makthi dhe fatura para popullit që do ta paguajë para drejtësisë, ndaj dua tu bëj një thirrje shqiptarëve të marrin pjesë në një tjetër akt vendimtar të hapjes së portave të Evropës të zgjedhjeve të parakohshme të lira e të ndershme pa Ramën dhe horrat e kriminelët e tij, Në një akt që do të na bashkojë trefish më shumë se me 16 shkurt. Më 16 mars në protestën vendimtare për ta përcjellë kufomën politike të sektit kriminal të Rilindjes për të çliruar vendit dhe për të shpëtuar të ardhmen tonë, zgjedhjet, ekonominë edhe PS”, tha Basha.

Kryedemokrati tha se “Ora e largimt te Rames po trojket mbrapsht: tik tak, tik tak, tik tak…”.

Ne fund, ai ka ftuar shqiptaret te bashkohen ne protesten e radhes: “Mos kini frikë, asgjë nuk do ta ndalë popullin nga vullneti për të marrë në dorë fatin e tij, ajo që po vjen është liria, sovraniteti, fundi i arrogancës, hajdutërisë, krimit të bërë njësh me qeverinë, ajo që po ndërtojmë bashkë është Shqipëria e shqiptarëve me dinjitet, mirëqenie dhe mundësi sot e sa të jetë jeta. Behuni gati për uraganin e pamposhtur popullor, që do të pastrojë horizontin dhe do tua kthejë vendin shqiptarëve të vërtetë”.

Ora 13:02

Mes thirrjeve të forta “Rama ik” me të cilat shpërthyen protestuesit e mbledhur para Kuvendit, kreu i PD-së, Lulzim Basha ka drejtuar protestuesit drejt KQZ-se per te bere hapin e radhe, per te formalizuar refuzimin e mandateve te vijuesve ne listat e kandididateve te opozites per deputete.

Teksa marshtonte drejt PD-se, ndjekur nga mijera protestues, Basha ka dekaruar per median se “Rama e ka frike popullin dhe ka te drejte qe e ka frike. Ai duhet t’i jape zgjidhje krizes, duke u larguar, pasi asnje dite nuk e mban dot peng popullin”.

Mberritja ne hyrje te godines se KQZ eshte shoqeruar me tensione, per shkak te kordonit te policise, per te cilin Basha ka thene se po tentohen provokime. Me pas Basha, Kryemadhi dhe kreu i PR-se, Mediu kane hyre ne ambientet e brendshme te KQZ-se.

“Sovrani e ka marrë vendimin, e ka kuptuar fare mirë, prej javësh ajo godinë nuk është godia e Kuvendit të Shqipërisë, por godia e kolerës së krimit dhe korrupsionit”- tha Basha.

Kreu i PD-se ka falenderuar te gjithe ata qe sot vendosin te djegin mandatete e tyre. “Nuk ka evrope me shqiperi si Kolumbu, nuk ka Evrope me qeverine e bere njesh me krimin, nuk ka integrim me korrupsionin ne nivele me te larta”- tha Basha.

“Moduro i Ballkanit nuk e hap dorën derën e Evropës, por ne do ta hapim derën e drejtësisë dhe burgut për të dhe hajdutët. Vetëm ndarja dhe balancimi i pushteteve, rënia në gjunjë ne qeverisë së ardhshme para dinjitetit të cdo shqiptari për ta mbrojtur, vetëm zgjedhjet e lira dhe të ndershme do ta hapin derën e Evropës, vetëm ne të bashkuar e të vendosur si kurrë më parë”, u shpreh kryedemokrati.

“Një qeveri që nuk ju dhunon, vjedh, dhe kur gabojnë shkojnë para drejtësisë, ku paratë shkojnë për të rritur rrogat e pensionet, paga dinjitoze e kushte të mira për rininë dhe çdo shqiptar, imagjinoni një qeveri që nuk e ka Evropën në majë të gojës, por që nuk i përzë shqiptarët me çmimet e përballueshme me dhunë, terror e arrogancë, por ju shërben , ju ofron shpresë, rrugë për të nesërmen, ju shërben me përulësi, Kjo sot  nuk është imagjinatë se ky bashkim i madh është ura që do ta bëjë këtë ëndërr nesër realitet për çdo shqiptar.

Nuk ka më banditë e trafikantë, horr e hajdut që të na ndalë në këtë rrugë, më 16 mars populli sovran edhe më shumë edhe më fort, edhe më i vendosur se kurrë më parë në këto tre dekada udhëtim do të marrë në dorë fatin e tij.

Ne do ti tregojmë botës mbarë se hajduti nuk është zot në shtëpinë tonë, nuk është as zot në shtëpinë e tij.

Vëllezër e motra, kthimi i kësaj godine në karantinë të krimit të rrethuar me tela me gjemba, është shenja e këputjes totale të sistem kriminal të Ramës dhe është trofeja e parë e qytetarëve të bashkuar”, deklaroi ai.

“Edhe sot si çdo ditë ia ka mbathur të shpërndajë gënjeshtrat e tij në ekranin e Italisë fqinje, do sqarojë italianët për atë që nuk e besojnë më shqiptarët, ose të paktën kështu thotë se burime mike thonë që ka shkuar të negociojë azilin politik”, u shpreh Basha.

Ne fund ka ftuar protestiesit ta ndjekin pas per hapin e radhes: “Fatin e ka e ka vulosur populli, regjimi i Ramës ka rënë dhe le të bashkohemi në rrugën tonë, të shpresës, besimin, e të nesërmes së lirë nga krimi dhe korrupsionit. Le te hedhim sot nje tjeter hap ne këtë rrugë, ju ftoj, prej fundit e prej fillimit në atë drejtim më ndiqni, për të vazhduar hapin tjetër për djegien e qindra mandateve për listat vijuese në KQZ”- tha Basha.

Një ditë para protestës, LSI nxjerr videon: Ja si të mbroheni nga gazi helmues i Ramës

Ndërkohë që Policia e Shtetit ka refuzuar t’i japë leje Partisë Demokratike për zhvillimin e protestës së paralajmëruar për nesër përpara Parlamentit dhe teksa opozita eshte e vendosur qe te protesoje, LSI ka nxjerre nje video ndihmese per protestuesit, si te mbrohen nga gazi lostjelles i policise. 

“Kjo video tregon mënyrën për tu mbrojtur ndaj lëndëve helmuese luftarake të Edi Ramës! Përgatitur nga të rinjtë e LSI, Gjithmonë gati 💪”- shkruan Floida Kerpaçi ne faqen e saj ne FB teksa ka postuar edhe kete video. 

Thaçi: Do ta ndryshoj Kushtetutën, Lugina i bashkohet Kosovës (video)

Presidenti i Kosovës, Hashim Thaçi, ka thënë se do të ketë korrigjim të kufirit me Serbinë dhe bashkëngjitje të Luginës së Preshevës me Kosovën. Ka thënë se ky është vizioni i tij dhe do të punojë për të ndryshuar Kushtetutën për ta bërë pjesë të Kosovës edhe Preshevën, Bujanocin e Medvegjën

“Korrigjimi i kufirit, po. Me një shtet të pavarur dhe sovran të Kosovës. Me përfshirjen e Preshevës, Bujanocit dhe Medvegjës me Kosovën. Do të punoj për të ndryshuar Kushtetutën. Ndryshimi i Kushtetutës nuk është fundi i botës”, ka thënë Thaçi nga Prizreni, shkruan Gazeta Express.

Shefi i Shtetit nuk është marrë me akuzat e Ramush Haradinajt se po e mashtron popullin kur po flet për ndryshim të kufijve.

Sidoqoftë, Thaçi ka thënë se me Serbinë s’do të ketë shkëmbim të territoreve dhe as asociacion të komunave serbe me kompetenca ekzekutive. Ka kundërshtuar edhe idenë për një Union Ballkanik.

“Ideja e shkëmbimit të territoreve është ide e keqe. Është pazar. Nuk do të lejoj të ndodh. Me asnjë çmim. Por, dua të potencoj gjithashtu, jo që do të shtrohet në tavolinë, por s’do të lejoj as që të diskutojë dikush për pavarësinë e Kosovës”, ka thënë ai.

Kreu i Kosovës ka thënë se kushdo që nuk respekton këshillat amerikane është në anën e kundërt të historisë.

“Respektimi i këshillave të SHBA’së thekson qartë drejtimin tonë të drejtë si vend e shoqëri. Anën e drejt të historisë. Çdo kryeneçësi tjetër është ana e gabuar e historisë”, ka shtuar ai.