VOAL

VOAL

Please Wait ...
0%

DEGA E LDK NË GJERMANI ANALIZON ZGJEDHJET DHE PROGRAMON VEPRIMTARITË E SAJ

By | November 19, 2019

Komentet

Presidenti Ibrahim Rugova ishte dhe mbeti misionari më bindës i të gjitha kohërave, si ideator i rrugëtimit drejt pavarësisë së Republikës së Kosovës – Nga Hysen Ibrahimi

 

Në vend të urimit,  për Ju, President i dashur, Ibrahim Rugova

 

Karakteristikë e veçantë e juaja qe, mënyra e të komunikuarit, mënyra e sjelljes me njerëz të niveleve të ndryshme, ku ne kemi hetuar se Ju keni ditur t’i motivoni të gjithë për të punuar dhe vepruar për pavarësinë e  Republikës së Kosovës e në mesin e tyre jemi edhe ne, mërgata shqiptare, që kurrë nuk deshe të na thoshe ”diasporë”. Nga kjo mënyrë e juaja e komunikimit, keni ditur çdoherë ta nxirrni arsyen bindëse mbi të kaluarën dhe vuajtjet e popullit Shqiptar dhe theksimin e arsyes për pavarësinë e Republikës së Kosovës, të cilën mënyrë e ke përdorur edhe me ne, mërgatën. Janë këto krahasime tuajat, i dashur President Rugova, që shtrihen në rrafshin kombëtar me kuptimësi tërësisht perëndimore dhe marrëdhënieve që keni krijuar me burrështetasit e vendeve më të zhvilluara të botës së qytetëruar.

Sot ekziston një mori i takimeve tuaja të evidentuara, të shkruara, të botuara e të përuruara , që shquhen për kah niveli intelektual, se si i keni artikuluar kërkesat e popullit, siç thamë më lart, keni ditur ta arsyetoni mëvetësinë e Dardanisë Antike, që gjendet në Gadishullin ILIRIK.

Marrëdhëniet tuaja, i dashur President Rugova, me shtetet më me ndikim në botë, sikurse me Shetet e Bashkuara të Amerikës, Anglinë, Gjermaninë, Francën, Italinë, që nuk ishin të rastësishme, e që ju i dinit shumë mirë se ndikimi më i fuqishëm ishte po ashtu Vatikani, ku të gjitha rrugët kalojnë përmes tij.
Si vizionar i Madh i fundshekullit XX dhe fillimshekullit XXI, që ishit dhe mbetët i dashur, President Rugova, u bindëm thellësisht se ju kishit prirje të thella, me bindje të fuqishme se, duke pasqyruar vlerat, kulturën dhe historiografinë e mirëfilltë të kombit Shqiptar, që doli si risi për botën perëndimore, disi e panjohur për shtetet me ndikim, dhanë një kuptim të ri me dimensione të reja në qarqet botërore, sepse bota nuk i kishte këto të dhëna.

Madje, si risi e kësaj politike të mençur, i dashur Presidentit Rugova, për të reflektuar me vlera kombëtare, e binde botën, i binde shqiptarët kudo që ishin, sikurse edhe ne mërgatën shqiptare, sa sot fitohet përshtypja te çdo shqiptar se Ju, President i dashur, mbetët si misionari më bindës i të gjitha kohërave, si ideator i rrugëtimit drejt pavarësisë së Republikës së Kosovës.
Ne jemi në rrugën tënde.

URIME DITËLINDJA I DASHUR PRESIDENT RUGOVA, PËRJETË DO TË TË JEMI MIRËNJOHËS .

Shqiptarët homazhe në Athinë, ndezin qirinj në kujtim të 51 viktimave nga tërmeti

Emigrantët shqiptarë në shenjë nderimi për 51 jetët e humbura nga tërmeti shkatërrues i 26 nëntorit, kanë kryer homazhe në qendër të Athinës. Siç raporton korrespondentja jonë në Greqi, Ira Londo, në sheshin para Bashkisë së Athinës, një grup shqiptarësh, por edhe qytetarë grekë, kanë ndezur qirinj për të kujtuar viktimat.

Në përkujtimore kanë qenë të pranishëm përfaqësues të partive politike greke, të Bashkisë së Athinës dhe qytetarë të thjeshtë si dhe përfaqësues të shumtë të komunitetit shqiptar. Pasi kanë vendosur një kurorë të madhe me lule qytetarët kanë krijuar numrin 51 me qirinj.

Ndërkohë, shqiptarët në Greqi janë solidarizuar me dhimbjen e bashkëkombësve të tyre, ndërsa janë angazhuar për mbledhjen e fondeve që do të shkojnë për të prekurit nga tërmeti.
(BalkanWeb)

Shqiptarët e Greqisë ndihmojnë viktimat e tërmetit (video)

Edhe shqiptarët e Greqisë po përpiqen të ndihmojnë njerëzit e dëmtuar nga tërmeti në Shqipëri. Në Patras, komuniteti i shqiptarëve po bashkëpunon me autoritetet vendore për dërgimin e ndihmave në Shqipëri.

Garfield – Nju Xhersi, përurohet Parku Nënë Tereza (video)

Në qytetin Garfield të shtetit Nju Xhersi u zhvillua ceremonia e inaugurimit të parkut Nenë Tereza si dhe u zbulua një shtatore e misionares katolike, aktivitete këto me rastin e 107 vjetorit të pavarësisë së Shqipërisë. Ceremonia ishte një organizim i Aleances Shqiptare të Nju Xhersit me mbështetjen e Bashkise se qytetit.

Familja Kutra me banim në Paris shpreh solidaritet me familjen e madhe të kombit shqiptar

Familja Kutra me banim në Paris shpreh solidaritet me familjen e madhe të kombit shqiptar, e cila është këto ditë e tronditur nga tërmeti i 26 nëntorit, që mori aq jetë njerëzish.

Duke iu uruar 28 Nëntorin, Ditën e Flamurit,  dëshirojmë që shqiptarët të jenë të bashkuar me trimëri, kurajo dhe unitet për të përballuar situatën e krijuar nga pasojat e tërmetit dhe çdo sfidë tjetër të kohës.

Ndjenja vëllazërore dhe ajo ndërkombëtare është frymëzuese dhe besimplotë për të ardhmen tonë!

Bukurie Kutra dhe Pandi Kutra

Paris

 

Jubileu i 15-të me kauzë humanitare i “Mbretëreshës Teuta” në Zagreb – Kroaci Ditët e Mbretëreshës Teuta: ” Ju nuk jeni vetëm”:

Me një event social-humanitar-kultural,në datë 18. Nëntor-2019,u mbajt në Muzeun e famshëm Mimara,- sheshi Rooseveltov, Zagreb-Kroaci, në një sallë prestigjioze, ku mbahen koncerte të artistëve botërorë.

Event ky,organizuar nga shoqata klubi i femrave shqipetare te Kroacise  dhe shoqates  ndërkombëtare “Mbretëresha Teuta” me kryetare Shenida Bilalli ,në bashkëpunim me shoqatën “Nismo Same” ,me kryetare Ivana Kalogjera,organizatë që mbështet luftën e grave që përballen me sëmundjen kundër kancerit.

Përpos festimeve e arritjeve që demonstrohen siç e do praktika  vjetore e një shoqate,nuk ndodh shpesh,që një jubile ti përkushtohet një kauze kaq të rëndësishme jetësore,kur Klubi  i femrave shqipetare  te Kroacisë  feston 28 vjetorin e krijimit dhe”Mbretëresha Teuta” , shoqatë  ndërkombetare që numëron 27 shtete, feston 15 vjetorin jubilar si shoqatë e rregjistruar zyrtare.

Me shumë dashamirësi,humanizëm e preokupim e realizoi këtë “Mbretëresha Teuta” në Zagreb,mbas një tjetër kauze që përshfaqi e mbështeti në Prishtinë,për 20 mije gra shqipëtare të dhunuara gjatë luftës në Kosovë.

Nën patronazhin e vetë Presidentes së Kroacisë Znj,Kolinda Grabar Kitarovic, Kryetarit të Bashkisë së qytetit të Zagrebit Milan Bandiq, Këshillit për pakica të qeverisë Kroate dhe barazi gjinore, përkrahjen e deputetes për minorancat në parlamentin kroat, të mediave të rëndësishme gjithashtu, ky event-jubile mori përmasa dhe jehonë në qarqet politike,sociale dhe të specialistëve profesionalë (onkologë,psikologë e terapistë).

Në  sallë me vepra arti shumëshekullore, filloi eventi dhe jehuan me solemnitet e dinjitet,Himni kombëtar i Kroacisë dhe Himni kombëtar i Shqipëtarëve,interpretuar nga Elona Mathieu-soprano e Ermira Lefort-piano

Në nderimin ndaj himneve,publiku në sallë nderonte zyrtarisht dy kombet dhe kulturat përkatëse,që do shpaloseshin me humanizëm e me art të një niveli aq cilësor gjatë mbrëmjes.

Më pas është shfaqur dokumentari -videoklip “Ku janë tanët ,më të afërmit” të autores Znj.Shenida Bilalli,i shpërblyer disa herë me çmime.

U pasurua ky program ,mes dëshmive të dhimbjes,luftës e shpresës kundër kancerit,në ndërthurje artistike me grupin e baletit të “Mbretëresha Teuta”  ILIRET, në tabllotë koreografike me mesazhe të forta,si,”Teuta në fron” “Teuta luftëtare” e tabllonë koreografike për “Nëna Terezë”,dhe po ashtu me ariet e famshme klasike të huaja,shqipëtare e kroate,nga anëtare të “Mbretëresha Teuta” ardhur nga shtete të ndryshme (Zvicër,Gjermani,Kroaci,Slloveni..) soliste e artiste të mirënjohura,që ju bashkuan me solidaritet kauzës.

Skenari,regjia dhe koreografia,realizuar nga Znj.Shenida Bilalli kishte ndërthurur aq bukur,baletin,artin lirik e literaturën dhe aktrimin,sepse në momente të vështira të kësaj lufte kundër kancerit,qëllimi ishte që të tregohej sa më shumë optimizëm dhe shpresë,siç janë vetë këto heroina.

Me personalitetet politikë kroate e shqipëtare,ishin të pranishëm mes publikut të shumtë,kryetari i nderit  të Unionit shqipëtar të Kroacisë Z.Simon Kuzhnini,drejtoresha e Teatrit Kombëtar të Zagrebit ,Misioni katolik shqipëtar,Shoqata “Mërgimtari”.

Znj.Ermina Lekaj përshëndeti jubileun humanitar-kulturor të 15 vjetorit të “Mbretëreshës Teuta” dhe Znj.Shenida Bilalli me stafin e saj dhe të pranishmit e shoqatës “Nismo Same”

Znj.Elona Mathieu,imazhi i eventit,me dëshminë e saj rreth fillimit e trajtimeve për sëmundjen,ju la hapësirë,mos shikohej vetëm si grua me këtë diagnozë ,por si artiste ,para së cilës është rruga e suksesit në art,dhe siç u shpreh vetë ajo “muzika po e ndihmon në këte betejë,që nuk ka kombësi ashtu si dhe arti”

Me dëshmitë e grave të tjera dhe  fragmentet e lexuara nga libri “Nuk jemi vetëm” u tregua forca e “Mbretëreshës Teuta” që me angazhimin në këtë kauzë, solidarizohet me këto gra.

Mesazhe të forcës,ndjeshmërisë pozitive,lirikës dhe humanizmit u ndërthurën me emocion nga tabllotë e baletit “Teuta luftëtare” dhe të “Nënë Tereza”, tek ariet mbresëlënëse klasike të huaja,si dhe ato kroate e shqipëtare,interpretuar nga soliste me emër që ju bashkangjiten kauzës, Elona Mathieu,Zvicër, Antonela Mallis,Kroaci, Ermira Lefort, Zvicër, Miriam Tola, Slloveni, Alida Hisku, Gjermani.

Fragmentet e recituara nga shumë e njohura Mia Begovic,Kroaci dhe poezia e Nënë Terezës “Jetoje jetën” interpretuar nga Kostandinka Velkovske ,Kroaci,me atmosferën e reflektimit e filozofisë për jetën,shtonin emocionin në rritje.

Të gjitha këto detaje artistike jepnin tjetër frymarrje arti e dëshire për jetën,mes fjalëve të mbajtura nga mjekë specialistë e dëshmive sa të veshtira e po aq mbresëlënëse si shëmbull,në këtë luftë për jetën.

Në Muzeun e famshëm MIMARA, jehoi shqip-kroatisht humanizmi,arti e solidariteti, rrethuar nga Ekspozita e Revistës shumëvjeçare ILIRIA (revistë dygjuhëshe që botohet përgjatë 15 viteve) e që ngjalli shumë interesim,

Momenti solem të “Ditëve  të Mbretëreshës  Teuta” me moton- “Ju nuk jeni vetem”  ishte gjithashtu vlerësimi me Medaljen e “Mbretëreshës Teuta” e cila ju nda zonjave më të sukseshme për vitin 2019.

Presidentes së Kroacisë Kolinda Grabar Kitarovic- për përkrahjen e pakicave dhe grave

Ermira Lefort-për kontribut të performancave artistike, dhe promovimin e artit shqipëtar.

Gorana Perc-për kurajon dhe 900 km që ka bërë në kembë  për kauzën e kancerit, mbasi u diagnostifikua me këtë sëmundje

Elona Mathieu-për luftën dhe solidaritetin me gratë që luftojnë kunder kancerit

Shoqëruar me trëndafila të kuq,dashurie e humanizmi dhe trëndafila rozë,ngjyra e kauzës,ishin vlerësime të rëndësishme këto,ku si çdo vit përzgjidhen zonja me kontribut e mbështetje kauzash.

Mbrëmja u mbyll me duartrokitje të shumta të të ftuarve dhe publikut,duartrokitje solidariteti për jetë që nuk duhet të ndërpriten,e që kundër kancerit ,arti i nivelit të lartë i dha tinguj të bukur forcës humane, në një event që do mbahet në vëmendje./Reportazh nga voal.ch

 

 

 

 

NËNDEGA E LDK-SË NË NRW ORGANIZOI “DARKËN E LAMËS” – Nga IDRIZ ZEQIRAJ

Nga e djathta: Asllan Asllanaj, Sebastian Nuiçi, Anton Kolaj, Jakup Gërguri,
Haki Rugova, Binak Gashi, Arban Abrashi, Abaz Imeri, Ilir Makolli me lahutë
     “Darka e Lamës”, viteve të fundit , po organizohet në shumë mjedise të Mërgatës. Pjesëmarrja është familjare. Salla festive është një Kosovë në miniaturë. Organizatori bënë historikun e shkurtër të “Darkës së Lamës”, që zë fill qysh në lashtësi. Shtrohet Darka ceremoniale, ku mbizotërojnë gatimet klasike të traditës, të përgaditura nga nuset e vyeshme. Gjithësesi, muzika, kënga, vallëzimi është masiv.
 
     Në organizimin e “Darkës së Lamës”, Kryesia e Degës së LDK-së në Gjerman, me kryetar Osman Ferizin, këtë vit, vuri një rregullë të ri, duke planifikuar, paraprakisht, Nëndegën organizuese, natyrisht, nën patronazhin e Degës. Dhe, ishte Kryesia e Nëndegës të LDK-së, në Nordheim Westfallen (NRW), në pajtim me komunitetin vendor shqiptar, që mori përsipër organizimin.
 
      Intonimi i Hymnit Dardan, ngriti në këmbë të pranishmit, në sallën e Retorantit të Binak Gashit, anëtar i Kryesisë të Nëndegës, në Titz të Vestfalisë Veriore. Jehu i këngës arbëreshe “O e bukura More”, ngjalli emocione malli e dhimbjeje, njëherësh, sepse të pranishmit, aty e gjejnë vetën, me fatin  e tyre kurbetçarë.
 
     Nënkryetari i Nëndegës nikoqire, Enver Musa, njëherësh edhe nënkryetar i Degës, bëri hapjen, duke përshëndetur mysafirët e ardhur nga Kosova, nënkryetarin e LDK-së, Haki Rugova, njëherit, kryetar i komunës të Istogut; sekretarin organizativ të LDK-së, Arban Abrashin; kryetarin e LDK-së në Gjermani, Osman Ferizin; kryetarin e Nëndegës të NRW, Jakup Gërgurin; Kryesinë e Degës të LDK-së; Shoqatat dhe Organizatat e ndryshme, që veprojnë në Gjermani, si dhe të gjithë të pranishmit në këtë mbremje festive të traditës.
 
       Nënkryetari Musa tha se “Darka e Lamës” na vjen si trashëgimi e lashtësisë ilire, të cilën e kishte shumë për zemër edhe Presidenti Rugova. Dhe, sa herë shënojmë këtë festë, në mendje na vie , shprehja, tashmë, proverbiale: “Rugova na mungon”.
Pamje nga salla e “Darkës së Lamës”
 
       Në mes duartrokitjesh, në skenë ngjitet nënkryetari i LDK-së, Haki Rugova, i cili i përshëndeti organizatorët dhe të pranishmit. “Kemi ardhur së bashku me sekretarin e LDK-së, Arban Abrashin, me ftesën e kryetarit të Degës Osman Ferizi. Sot kishim një takim pune të suksesshme, me Kryesinë e Degës të LDK-së. Ju falemnderit për ftesën Tuaj në “Darkën e Lamës” dhe pritjen kaq të ngrohtë dhe thellësisht vëllazërore. Ndjehemi të nderuar dhe fort të emocionuar, që kësaj mbremje festojmë së bashku me mërgimtarët tanë. Ju keni qenë dhe mbeteni të vlerësuar maksimalisht, për kontributin e dhënë dhe që vazhdoni ta jipni për Atdheun, në vite e dekada.
 
     “Darka e Lamës”, si trashëgimi e hershme, dikur ka qenë shumë masive në familjet shqiptare, në veçanti në Kosovë. “Darka e Lamës”, ka përmbyllur një vit pune, duke siguruar ushqimin familjar. Por, për disa dekada, ky rit domëthënës, u zvetnua, deri në harresë. Ishte Presidenti Rugova, shumë i përkushtuar për ruajtjen e traditave shqiptare, Ai që e ringjalli “Darkën Lamës”, duke i dhënë rëndësinë që i takon. Dhe, si një porosi-amanet e Dr. Rugovës, ky rit i lashtësisë ilire, po praktikohet gjithnjë e më shumë.
 
      Po shoh këtu kuadro themelues të LDK-së si Anton Kolaj, Idriz Zeqiraj dhe anëtarë tjerë themelues të LDK-ë në Mërgatë. Edhe një herë ju përshëndes përzemërsisht dhe uroj shëndet e mbarësi në familjet e juaja. Vazhdoni të punoni dhe të ruani traditat shqiptare, duke i përçuar edhe tek fëmijtë tuaj, të lindur, të rritur dhe të shkolluar në mërgim. Ju lumtë, për organizimin kaq të bukur, që keni bërë për “Darkën e Lamës” – tha, në mes tjerash, zotëri Haki Rugova”. 
Kuadrot Haki Rugova e Arban Abrashi me Sofije Dumnicën dhe 
Alush Bytyçin (i dyti nga e djathta)
      Kryetari i Nëndegës të LDK-së në Nordheim Westfallen, Jakup Gërguri, u dëshiroi mirëseardhje “zyrtarëve të lartë nga Kosova, Haki Rugovës, nënkryetar i LDK-së dhe Arban Abrashit, sekretar Organizativ i LDK-së dhe deputet i Kosovës; Kryesisë së Degës për Gjermani, me kryetar Osman Ferizin; Qazim Bajgoraliut, ish-kryetarit të Degës të LDK-së në Gjermani; Anton Kolajt, ish-nënkryetar i LDK-së; Sebastian Nuiçit, kryetar i Lidhjes Shqiptare në Botë, dega në Gjermani; Shoqatës “Familja Shqiptare” nga Koblenz-i, me kryetar Halil Çitakun dhe të gjithë të pranishmëve tjerë.
   
     E hapëm këtë mbremje festive me këngën “O E BUKURA MORE”, si emblemë e muzikës shqiptare për mërgimtarë. Është hera e tretë me radhë, që kjo këngë arbreshe, e cila i ka mbijetuar shekujt, prej 600 vjetësh, që hapë programin e “Darkës së Lamës”. Riaktualizimin e “Darkës së Lamës” e bëri Presidenti Rugova më 2002, për ta vazhduar edhe presidentët Fatmir Sejdiu e dhe Atifete Jahjaga, si një traditë e bartur nga koha e paraardhësve tanë, Dardanëve të Ilirisë, që daton nga shekulli i V-të para Kishtit.

·

     “Darka e Lamës”, zakonisht është mbajtur në fund të tetorit, kur janë vjelë të mirat e punës verore. Quhet e “Lamës”, sepse Lama  ka qenë vendi i rrafshët, ku është “fshirë”, shtypur kallinjtë e grurit, thekrës, elbit, për të vjelur kokrrat. Kashta e mbetur, është përdorur për bagëti. Lama po ashtu ka qenë vend gravitues i solidaritetit dhe reciprocitetit, në mes fshatarëve shqiptarë, duke ndihmuar njëri- tjetrin me fuqi punëtore. Duke qenë se te shqiptarët sfera bukësore, ka qenë pjesë e rëndësishme e jeteses, “dhënia e bukës” ka qenë aspekt esencial i marrëdhënieve sociale tradicionale. Ne, si Nëndegë, vazhdojmë ta festojmë “Darkën e Lamës” që shtatë vjetë radhazi”,- tha kryetari Jakup Gërguri, në referimin e tij.

     Kryetar Gërguri ftoi në skenë Veprimtarën e Nëndegës, Sofije Dumnica, veterane e arsimit dhe, së bashku, lexuan lutjen për “Darken e Lames”, të njëjtin tekst- lutje, që e bënte vet President Rugova në Kosovë. Teksti në fjalë është gjithnjë aktual, përmbajtësor dhe shumë domëthënës.

     Mysafirët Rugova e Abrashi nuk u lënë të qetë në pozicionin ulur. Herëpashere mërgimtarët kërkonin të pozonin me mysafirët e nderuar. Mësuesja Sofije Dumnica, veterane e arsimit dhe veprimtare e shquar e LDK-së; Anton Kolaj, bashkëpunëtor i afërt i Presidentit Rugova; veprimtari i hershëm i LDK-së, i Fondit të 3%-it, kryesues i Shoqatës “Nëna Tereze”, bashkëpunëtor i Vëllezërve Kuzhnini, Sebastian Nuiçi, pronari i Restorantit, ku mbahej “Darka e Lamës”, Binak Gashi dhe veprimtarë të tjerë, nga Republikat gjermane, u fotografuan me kuadrot e LDK-së, Haki Rugova dhe Arban Abrashi.

  R e t r o s p e k t i v ë

     Pinjollët e Familjes Institucion Rugova, nuk harrojnë donatorët fisnikë, të cilët e mbështetën materialisht Presidentin Rugova, në kohë zezone. Vitet `90-a. Dr. Rugova në nismë të konsolidimit të Lëvizjes kombëtare masive LDK-e. Xhepat bosh. Familja në skamje. Ishte Inxhinieri Smajl Hajdaraj, tani Hero i Kombit, që ndante bukën me Familjen Rugova. Një porosi për Smajl Hajdaraj, për të vëllanë Fazliun, në Gjermani: “Jeta e Presidentit në rrezik. Nevojitet një veturë e blinduar”. Kaq mjaftoi dhe Fazliu me shokë realizuan porosinë. Kjo ishte arsye shtesë, që përshpejtoi ekzekutimin e Heroit Smajl Hajdaraj, nga “komandantët” vrastarë. ” (Kësaj mbremje festive nikoqirët i kishin rezervuar vend Fazliut, pranë mysafirëve nga Kosova). 

     Rrëfen kuadri i hershëm i LDK-së, në Kosovë dhe Mërgatë, Qazim Bajgoraliu: “Ishte viti 1999, kur Familja Rugova, pas pengut të Kryefamiljarit, nga krimineli Millosheviç, u bashkua në Evropë. I them Alush Bytyçit, një bisnismen fillestar, në Gjermani: Presidenti ka nevojë të ngutshme për mbështetje financiare. Alushi u gjegj pa hamendje: “Po, 10.000 marka i kam të gatshme”. (Zotëri Rugova me Abrashin me ngrohtësi e mirënjohje, u përshëndetën me Alushin, duke bërë edhe fotografi, përgjatë “Darkës së Lamës”).

     Kësaj mbremjeje, për arsye shëndetësore, i mungonte poeti dhe piktori i talentuar, Dan Gashi, një donator fisnik i LDK-së dhe Presidentit Rugova. Mungonte edhe kryetari i parë i Degës të LDK-së në Gjermani, Hafiz Gagica, që bëri shumë për sigurimin e mjeteve, për akomodimin, sistemimin e Presidentit Rugova, me familjen e gjerë, përgjatë qendrimit në Evropë.

     Nëndega e LDK-së në Nordheim Westfallen, ka një mobilizim të shtuar, sidomos, pas Kuvendit Zgjedhor. Kryesia e vyeshme, e përgjegjshme dhe mjaft e përkushtuar, në përbërje: Jakup Gërguri-kryetar, Enver Musa-nënkryetar, Arben Gashi-sekretar, Ilir Makolli-arkatar, Enver Shala, Qazim Bajgoraliu, Asllan Asllanaj, Muharrem Xhafolli, Binak Gashi, Behxhet Krasniqi, Qazim Thaçi, Alush Bytyçi, Afrim Salihu – anëtarë, vepron në harmoni dhe respektim të hierarkisë drejtuese. Përgaditja e “Darkës së Lamës”, ishte dëshmi e një fryme pozitive. Organizatorët, që nga kryetari Jakup Gërguri, nënkryetari Enver Musa, sekretari Arben Gashi, arkatari Ilir Makolli, pronari i lokalit, Binak Gashi, me shokë, ishin në nivelin e duhur, në menaxhimin e mbremjes festive të “Darkës së Lamës”. Pa xhelozi, malësori i Marevcit, Ilir Makolli, shkëlqeu në pritje-përcjelljet e mysafirëve të shumtë.

     Ndonëse në cilësinë e kryetarit të Komisionit për Informim të Degës së LDK-së, në Gjermani, kësaj Kryesie simpatike i sugjëroj hapjen e Nëndegëve të reja të LDK-së, në qytetet e shumëta që ka Republika e Nordheim Westfallen, madje, me bollshmëri të mërgimtarëve tanë.

     Në mbremjen festive të” Darkës së Lamës”, të pranishmit i argëtuan, me muzikë të përzgjedhur, dueti Fatime e Adnan Ruhani. 

     U larguam nga kjo festë e ëmbël e traditës shqiptare, me plot mbresa, nga takimi përmallës e çmallës, njëherësh, me miq e shokë bashkëpunëtorë, prej tri dekadash radhazi, për ta rrugëtuar kthimin në Mynih, prej 700 km, duke arritur ditën e nesërme.

     Qofshi faqebardhë, motra dhe vëllezër, për pritjen admiruese dhe sofrën e begatë të traditës!

QKSH ”MIGJENI” NË PANAIRIN E 22 TË LIBRIT NË TIRANË NJË E ARRITUR E MADHE E POETËVE, SHKRIMTARËVE DHE PUBLICISTËVE NGA MËRGATA

Nga Sokol Demaku

 

Panairët janë eventet ë rralla të cilat zgjasin për disa ditë ku njerëzit ekspozojnë prodhimet e tyre.

Por Panairi i librit është një event kombëtar ku poet, shkrimtarë, publicistë mbarë kombëtar prezentojnë botimet e tyre më të reja brenda vitit por edhe më të hershme. Është koha e përmbledhjes së fryteve të punës së tyre para lexuesve dhe adhuruesve të librit.

Në Tirane nga data 13 nentor deri në 17 nëntor u mbajt Panairi i 22 i librit Tirana 2019 në të cilin si cdo vit edhe këtë ishin prezent Shtëpi botuese, shkrimtar, poet, publicisitë nga më ndryshëm nga të gjitha trojet shqiptare.

Këtë vit nuk pati prezencë të shtëpive botuese të huaja por të pranishëm ishin vetëm autorët shqiptarë dhe të trevave e dallim bëri Qendra Kulturore Shqiptare nga qyteti skandinavc Borås i Suedisë me pjesëmarrjen e saj me autor shqiptar nga suedia dhe nga vendet tjera Europiane ku mergata shqiptare ka berë zë.

Risi dhe dicka e vecantë këtë vit për ne ishte pjesëmarrja e QKSH ”Migjeni” nga qyetit Borås i Suedisë në pananirin e 22 të librit në qytetin e Tiranës.

Në stendën e QKSH ”Migjeni” nga dita e parë e hapjes së Panairit në date 13 nentor deri në ditën e mbylljes ishte dicka madhështore vizita e panderprerë e adhuruesve të librit dhe interesimi i tyre për këtë stend deri dje i panjhohur për lexuesit shqiptar nga kryeqyteti por edhe nga viste tjera të Shqipërsisë por edhe të Republikës së Kosovës dhe trojeve tjera shqiptare.

Që në ballë cdo vizitor do gjen logon e kësaj shoqate me renome kulturore në mërgatë e cila vite me radhë është e pranishme pothuajse në cdo pjesë të rruzulit tokësor atje ku frymon shqip me botime letrare. Një logo me foton e poetit të mjerimit Migjeni dhe mbishkrime në suedisht dhe shqip për emrin e Qendres Kulturore Shqiptare ”Migjeni” nga Borås i Suedisë.

Stenda ishte e e permbushur me botimet me te reja të autorëve anëtar të kesaj Qendre dhe me botime publicistike të anëtareëve të QKSH ”Migjeni”.

Intersim i madh i lexuesve ishte për botimet e fundit të kesaj Qendre dhe për përkthimet e botuara nga suedishtja në gjuhën shqipe si veprat e Vilhem Moberg, Ullmar Qvick, librit për fëmijë përkthyer nga seudishtja në shqip, por edhe për vepren orogjinale të autorëve shqiptar anëtar të QKSH ”Migjeni” dhe nga vende tjera Europiane ku ata jetojnë dhe veprojnë.

Edhe pse për herë të parë QKSH ”Migjeni” me angazhim dhe pune ka aririut që te hapë rrugë dhe viteve të ardhshme të jetë e prnaishme në këtë Panair me vepra të botuara nga ana e anetarëve të saj dhe të prezentoj në menyrë edhe më të denje letersinë shqipe e cial krihet në mërgatë dhe nga mërgata. Pastaj letersin suedeze të perkthyer në gjuhën shqipe e cila ka një vlerë reale dhe të madhe për ne.

Në stendë kishte botime të llojllojshme të këtyre autorëve nga ato për fëmijë deri te përkthiemt bashkekohore siq ceka me lart të Moberg, Kvick, Strinberg, Johan Thruman me librine  tij ”Om albanernas historia och språk” e përkthyer n¨åe shquip këto ditë nga përkthyesi me renome sot Hamit Gurguri e qne shqip thotë: ”Për historinë dhe gjuhën e shqiptarëve” botuar që ne vitin 1774 në Laipcig të Gjermanisë.

Kjo është një nismë e mbar e kësaj shoqate kulturore në mërgatë që do mbeshtetje dhe përkrahje që në në të ardhmen edhe poet e shkirmtar nga mërgata të jenë prezent dhe aktiv në Panairin e librit në Tiranë.

Kosova duhet ta ndryshojë ligjin zgjedhor – Nga Nue Oroshi

Po hyhet në muajin e dytë prej që u mbajten zgjedhjet në Kosovë, dhe si duket edhe do të vijnë Krishtlindjet dhe Viti i Ri dhe nuk do të themelohen institucionet e Kosovës,Parlamenti dhe Qeveria. Kjo po bëhet si duket nga kalkulimet politike që po bëhen në Kosovë. Është fatkeqësi një anarki e tillë e mosmundësisë së shpalljeve të rezultateve ku në vendet me demorkaci perëndimore i gjith ky proces do të zgjaste tre deri në shtatë ditë.

Është e kuptueshme se në vendet ku nuk funksionon demokracia ndërrimi i pushteteve nuk bëhet edhe me aq lehtësim e kur kihet parasysh fakti i humbjes së privilegjeve shteterore me se shumti iu dhemb politikaneve, humbja e priviligjeve financiare.Por deshën apo nuk deshën demokracia i përcakton rregullat dhe ato duhet të zbatohen pavarsisht deshirave që kanë partitë politike në Kosovë.

Por ajo që kësaj radhe dua ti them disa fjala është ligji zgjedhor në Kosovë.Ky ligj zgjedhor me lista partiake dhe pa zona elektorale ku ke të drejtën të votosh 5 kandidat mbrenda një liste por nuk ke të drejten ta votosh deputetin e zonës tënde elektorale është një shemti e cila duhet të ndryshohet.Por jo vetëm ky edhe numri prej 20 deputeteve të minoriteteve që shpeshherë bëhet mollë sherri dhe e vështirëson shumicën parlamentare në Kosovë duhet të hiqen.

Kosova e cila ka 120 deputet minimum duhet të ketë 60 zona elektorale ku 60 deputet të zgjidhen në mënyrë të drejtpërdrejtë kurse 60 te tjerë të hyjnë përmes listave partiake varësisht së sa përqindje ka fituar partia.Kjo do të lidhte deputetin fitues me zonën e vetë elektorale dhe asnjë trevë në tërë Kosovën nuk do të mbetej e pa përfaqësuar në Parlamentin e Kosovës.

Keshtu që deputeti i zonës pavarësisht se i cilës parti politike është aji do të jetë i obliguarë që të punojë për zonën e tij elektorale se në të kundërten pas katër vitësh ai nuk do ti fiton votat në atë zonë.Sa i përket çështjes së përfaqësimit të pakicave në Parlamentin e Kosovës duhet të hiqen 20 vende dhe partitë e pakicave në Kosovë duhet të konkurojnë si çdo parti politike shqiptare.

Të vetmin privilegj që duhet ta kenë pakicat duhet të ju mundësohet heqja e pragut zgjedhor prej 5% në këtë menyrë ta kenë mundësinë që krahas votave që do të fitojnë ato mund të jenë të përfaqësuar në Parlamentin e Kosovës.

Në këtë mënyrë do të kemi 8 deri në maksimum 10 deputet në Parlamentin e Kosovës të pakicave kurse 110 tjerë të jenë nga partitë politike shqiptare. Shembull të tillë kemi mjaftë në Evropë ku në Republikën e Schleswig Holsteinit në Gjermani ekziston pakica daneze e cila është gjithmonë me 2 apo 3 deputet në Parlamentin e Schleswig Holsteinit dhe është e liruar nga pragu zgjedhor prej 5 %.

Ndrrimi i ligjit zgjedhor do të sjell një stabilitet në Parlamentin e Kosovës ku partitë fituese do ta kenë shumicën dhe nuk do të jenë të lidhura për një apo dy deputet apo për ndonjë parti e cila me dy deputet i merr katër minisitri apo bashkimi i dhjetra partive për ta bërë Qeverinë.Është mirë që Parlamenti i ri i Kosovës në mesin e shumë punëve që e presin ta bëj edhe ndryshimin e ligjit zgjedhor ku të mundësohet që çdo votë ta këtë forcën e njejtë demokratike dhe se paku do t´iu mundësohet edhe votuesit që ta njohë deputetin e zonës së tij dhe që çdo trevë në Kosovë të këtë përfaqësuesit e tij në Parlamentin e Kosovës.

DEGA E LDK NË GJERMANI ANALIZON ZGJEDHJET DHE PROGRAMON VEPRIMTARITË E SAJ

Kuadrot e LDK-së Haki Rugova dhe Arban Abrashi 
    me Kryesinë e Degës të LDK-së në Gjermani

     Në Titz të Nordheim Westfallen Kryesia e Degës të LDK-së, në Gjermani, mbajti mbledhjen e radhës, me rendin e ditës:
 
     1) Analizë e procesit zgjedhor në Mërgatë; shkaqet dhe arsyet e një votimi të pakët; roli i Mërgatës në zhvillimet në Kosovë: riorganizimi dhe themelimi i Nëndegëve të reja; ide, propozime, kritika.
 
    2) Përgaditjet për mbajtjen e Akademisë Përkujtimore për Presidentin historik, Dr. Ibrahim Rugova, në pjesën e dytë të janarit 2020, nga Nëndega e Rheinland Pflalzit, nën patronazhin e Degës si dhe programimi i veprimtarive tjera, përgjatë vitit 2020.
 
     Me propozimin e anëtarit të Kryesisë të Degës, Fazli Hajdaraj, mbledhjes iu shtua edhe një çështje:
     3) Marrëdhëniet në Kryesinë e Degës, përkatësisht, kryetarit dhe nënkryetarit.
 
     4) Të ndryshme.
 
          Në fjalën e hapëse, kryetari i Degës të LDK-së, në Gjermnani, Osman Ferizi, përshëndeti anëtarët e Kryesisë të Degës si dhe mysafirët: nënkryetarin e LDK-së dhe kryetar i komunës të Istogut, Haki Rugovën dhe sekretarin Organizativ të LDK-së dhe deputet i Kosovës, Arban Abrashin, të ftuar nga Kryesia jonë.
 
     Kryetari Osman Ferizi bëri një ekspoze të punës pak mujore, në cilësinë e kryetarit të zgjedhur, në Kuvendin e 9-të Zgjedhor të Degës. Pastaj, fjalën ia dha nënkryetarit Haki Rugova, i cili përshëndeti të pranishmit dhe falenderoi për ftesën e bërë për atë dhe sekretarin Arban Abrashi. “Kam komunikuar me kryetarin Osman Ferizin. Raportet e punës e deri Proces-verbalet e dërguara nga ai dhe sekretari Agim Aliçkaj, janë një risi e bashkëpunimit korrekt të LDK-së në Mërgatë, me LDK-në në atdhe. Nisma e mbarë është dëshmi e vullnetit shtesë nga palët. 
 
     Kaluam një proces zgjedhor të suksesshëm. Pjesëmarrja në votim ishte deri 46 %, p.sh. në komunën e Istogut. Prania e votuesëve nga Mërgata e mirëseardhur. Por, jemi të pakënaqur me përmasën e votimit të pakët. I kuptojmë edhe pengesat, zhgënjimet nga shpërdorimet, që, tashmë, janë konstatuar përgjatë zgjedhjeve të shkuara lokale. Por, megjithatë, indiferenca në votim e anëtarësisë, nuk justifikohet. Nga ana jonë, pranojmë pamjaftueshmërinë e angazhimit tonë në Mërgatë. Por, premtojmë se do të jemi të pranishëm dhe do ta koordinojmë bashkëpunimin me mërgimtarët tanë. Unë jam i hapur, i gatshëm, për t`u përgjigjur në pyetjet tuaja, cilatdo qofshi ato”.
 
     Sekretari Organizativ i LDK-së, Arban Abrashi, përshëndeti kryetarin Ferizi dhe Kryesinë e Degës të LDK-së në Gjermani, duke vlerësuar, njëherësh, “kontributin dhe rolin shumëdimensional për Kosovën dhe LDK-në. Sekretari Abrashi foli për rrjedhat aktuale të partisë në Kosovë. Tashmë, nuk jemi vetëm dy parti konkurrente, për drejtimin e vendit, sepse janë themeluar edhe shumë parti të tjera. Andaj gara është bërë më e fortë dhe për ta përballuar konkurrencën, aktivitetet tona duhet të jenë të shtuara.
 
     Nëse angazhimi jonë ka qenë i mjaftueshëm apo jo, është diskutabile. Raportet e bashkëpunimit duhet t`i krijojmë qysh tani, sepse elektorati i Mërgatës ishte përcaktues, pse nuk kemi marrë primatin e krijimit të qeverisë. Me keqardhje, si na iku shansi i të qenit të parë? Duam të jemi në dijeni, paraprakisht, për organizimet tuaja, që edhe ne të jemi të pranishëm, sipas mundësive. Prezenca jonë duhet të jetë e planifikuar, si ta maksimalizojmë votën. Zgjedhjet ende nuk janë çertifikuar, për shkak të së drejtës të ankesave. Janë procedura standarde të ligjshme KQZ, PZAP, Gjykata Supreme, shkallët e ankesave.
 
     Projektet e mëdha: Interpoli, MSA-ja, Liberalizimi, ishin në tavolinë. Nuk kemi kryer Demarkacionin, prandaj jemi shkarkuar, larguar si qeveri. Koalicioni PAN, me kryeministrin fatal, me politikën skandaloze, jo vetëm nuk i realizoi projektet që ua la qeveria e Mustafës të gatshme, por, pothuajse, i hoqi nga agjenda e realizimit. Rrugëtimet e Haradinajt ishin të rrëmujshme, të kota, nuk e priste, nuk e përfillte askush në Evropë. 
 
     Për zgjedhjet e 6 tetorit, ka qenë një agjitim i orkestruar kundër LDK-së dhe elektorati ka rënë në kurthin e opionistëve të porositur, duke humbur shansin e fitores, pikërisht, në prag të zgjedhjeve. Tani duhet krijuar një frymë pozitive e shprese, për begatimin e LDK-së”. 
    Kryesia e Degës vazhdoi me programimin e koordinuar të veprimtarive, përgjatë vitit të ardhshëm, duke i shpërndarë, proporcionalisht, nëpër Nëndegët e saj, por, gjithnjë nën patronazhin e Degës:
     – Nëndega e LDK-së në Rheinland Pfalz, organizon Akademi Përkujtimore për Presidentin Rugova, në gjysmën e dytë të janarit, në Ludwigshafen.
     – Nëndega e LDK-së në Niedersachsen, do të organizon Akademi Përkujtimore për ideologun Prof. Dr. Fehmi Agani, më 2 shkurt 2020.
     – Nëndega e LDK-së në Hessen mban Akademi për Heroin Sali Çekaj, në prill 2020.
     – Shënimin e 30 vjetorit të themelimit të Degës të LDK-së në Gjermani, do të mbahet në Stuttgart, me organizim të Nëndegës të Baden Würtembergut.
       (LDK-së Qendër në Kosovë do t`i propozohet ndarje të – Mirënjohje -, për veprimtarët e shquar të LDK-së në Gjermani).
     – Akademi Përkujtimore do të mbahen edhe për Kolonelët Heronj: Ahmet Krasniqi e Tahir Zemaj, legjitimues të Luftës në Kosovë.
     – Organizime të kësaj natyre dhe shënimin e datimeve domëthënëse historike, do të bëhen edhe nga Nëndegët e LDK-së në Bavari, si: Nëndega e Starnbergut, Mynihut, Oberbajernit dhe gjetkë në hapësirën gjermane.
     – Dega e LDK-së në Gjermani do të nisë bashkëbisedimin me rininë dhe bizneset në Gjermani, me synim sjelljen e investimeve në Kosovë.
    – Kryesia e Degës mori angazhim për themelimin e Nëndegëve të reja, në mjediset ku ka grumbullim të mërgimtarëve tanë.
         
     Kryesia e Degës të LDK-së në Gjermani, duke përfituar nga prania në mbledhje e përfaqësuesëve të LDK-së, Haki Rugova dhe Arban Abrashi, doli me disa kërkesa:
 
     – Kryesia e Degës së LDK-së, shpërfaqë vullnetin e anëtarësisë në Gjermani, por, edhe në Mërgatë se dëshiron të përfaqësohet në strukturat vendimmarrëse të partisë në Kosovë, përkatësisht, në Këshillin e Përgjithshëm dhe në Kryesinë e Lidhjes Demokratike të Kosovës.
        – Shtimin e numrit të delegatëve në Qendër, të paktën në 5 sish.
       – Një bashkëpunim dhe koordinim të mirëfilltë ndërmjet Degës tonë dhe Qendrës në të ardhmen, përkundër marrëdhënieve të ngrira           8-vjeçare.
       – Pajisja me Libreza të anëtarësisë.
       – Krijimi i  mundësive për votimin e Mërgatës në vendet ku jetojnë aktualisht.
      – Kryesia Qendrore të kërkojë nga kryetari i parë Hafiz Gagica, dorëzimin e Arkivit të Degës të LDK-së në Gjermani.
            Çështja e tretë, që, paradoksalisht, mori shumë kohë, ishte:
     Marrëdhëniet në Kryesinë e Degës, përkatësisht, kryetarit dhe nënkryetarit. Kjo zë fill me shkëputjen e disa anëtarëve nga Nëndega e Mynihut, me qëllim të krijimit të një Nëndege të re, për të cilën nuk pajtohet kryetari, Isuf Qetaj, me arsyetimin se nuk lejohet paralelizma brenda qytetit të Mynihut!
 
     Kryetari i Degës, Osman Ferizi tha se “Kryesia jonë, në vizitën e bërë në zyrën e nënkryetarit Haki Rugova, koordinator për Mërgatën, e konsultuam edhe për krijimin e një Nëndege të re në Mynih. Zotëri Rugova e aprovoi, me porosinë – të zbatohet rregullorja zgjedhore. Si kryetar Dege bëra ftesë për monitorim të procesit zgjedhor nënkryetarëve të Degës: Tahir Buçolli dhe Blerim Hajdaraj. Blerimi erdhi, me vonesë, nga një akademi të organizuar nga Nëndega e Mynihut, me kryetar Isuf Qetaj. U konfliktua, me fjalë, me disa antarë të Nëndegës së re dhe lëshoi sallën e Kuvendit. 
     Reagimi im ka qenë se ky është një Kuvend i ligjshëm, për krijimin e një Nëndege të re. Blerim, mos spekulo, ky është një Kuvend i rregulltë. Jeni në cilësinë e monitoruesit të Kuvendit. Ne të kemi respektuar dhe ju respektojmë, se je edhe djali i Heroit Smajl Hajdaraj, duhet të jesh i matur.” Ndërkohë, disa nga salla janë shprehur më vrazhdë, me shprehjen “nëse nuk të pëlqen, shko nga ke ardhë”. Aludimi ishte shko të Isuf Qetaj me dyshimin e bazuar të nxitjes nga ai. Sepse Isufi ishte për pengimin e themelimit të një Nendege të dytë.
 
      Realisht, Blerimi nuk ishte fenomeni, nuk ishte as vetja e tij, në atë Kuvend. Fenomeni ishte dikush tjetër, jashtë sallës, jashtë Nëndegës, që thellon problemin dhe bëhet pengesë bashkëpunimi. Kjo rezulton nga një hetim i kompletuar, i bërë për këtë çështje. Nuk është çështja e marrëdhënive kryetar-nënkryetar, përkatësisht, Osmanit dhe Blerimit. Sepse marrëdhënia e tyre ka qenë e shkëlqyer dhe ashtu duhet të jetë edhe në të ardhmen. Dhe, po të vihej pika mbi -i-, ditën e takimit  me kuadrot e LDK-së, debati nuk do të zgjaste me orë. Blerimi ka pasur gjithëherë një edukatë dhe sjellje supreme. Veprimtar i matur dhe i zellshëm. Këtë e dëshmoi edhe përgjatë kryerjes së detyrës të kryetarit të Degës, së bashku me kolegët Abaz Imeri dhe Isa Shabani. Rrjedhimisht, e gjithë kjo mund të përmbyllet se ishte një fjalosje e rastit, aksidentale dhe duhet harruar si një ëndërr të keqe. Dhe, kjo duhet të bëhet edhe për hirë të ndjesisë së çiltër, që ka Kryesia dhe anëtarësia e Degës sonë, për nënkryetarin e saj, Blerim Hajdaraj.
 
     Kryetari i Nëndegës të Mynihut, Isuf Qetaj, shprehu shqetësimin se “20 anëtarë, përfshirë edhe anëtarë të Kryesisë të Nëndegës time, u larguan, duke krijuar Nëndegën e Bavarisë, (tani, të konvertuar në – Nëndegën e Oberbajernit – shënimi im). Nuk duhet lejuar krijimi i Nëndegëve tjera brenda territorit të Mynihut. Ne kemi krijuar Kolegjiumin e Nëndegëve Mynih-Starnberg. Paguajmë edhe anëtarësinë partiake. Kemi respektuar figurat në Qendër, jo kritikën.” 
 
     Dikush merakoset pse themeluesit e Nëndegës së re, përdorën emrin e Idriz Zeqiraj dhe iu referuan atij, gjatë Kuvendit Zgjedhor. Unë kisha rast morti dhe ndodhesha në Turqi. Pra, mungoja. Krejt normale. Njerëzit fisnikë, së pari, respektojnë hierarkinë në bazë, sepse unë isha kryetar i Nëndegës të Bavarisë, në organizimin klasik të LDK-së në Mërgatë. Përndryshe, anashkalimi i hierarkisë në bazë dhe respektimi i hierarkisë në Qendër, është hipokrizi. Veç kësaj, Idriz Zeqiraj ishte pjesë e takimit të Degës sonë, me nënkryetarin Haki Rugova dhe kryetarin Isa Mustafa, të cilët miratojnë riorganizimin e LDK-së, deri në hapjen e Nëndegëve të reja.
 
     Nënkryetari i LDK-së, Haki Rugova, duke u kyçur në këtë çështje, konstatoi se këtu ka mospajtime. Por, gjërat rregullohen me status dhe me marrëveshje ndërmjet palëve në kundërthënie. Të punojmë pa ndërskamësa. Mynheni është mentropol, qytet i madh, ka vend edhe për 10 (dhjetë) Nëndegë, pa e penguar asnjëra-tjetrën. LDK-ja si parim ka respektimin e hierarkisë drejtuese, kryesinë dhe kryetarin që keni zgjedhur vetë, madje, në mënyrën demokratike më admiruese. Nënshkrimi i procesit nga kryetari dhe nënklryetari i Degës, është legjitim dhe respetohet edhe nga LDK-ja Qendër. Anarkia është edhe më e keqe, se sa mungesa e demokracisë”.
 
     Sekretari Organizativ i LDK-së, Arban Abrashi, hyri natyrshëm në rrjedhën e debatit. Ai tha se, tashmë, edhe kundërshtarët tanë politikë janë detyruar ta pranojnë se vendit i vyen një LDK-e e fuqishme. Kjo vlen edhe për anëtarësinë, LDK-në e Mërgatës. Abrashi, për ta ulur tensionin dhe pafundësinë stërzgjatëse, për një çështje që mund të reduktohej në pak minuta, filloi rrëfime faktike, nga praktika e jetës së tij partiake, duke relaksuar, deri në të qeshura të zëshme, fytyrat e ngrysura të anëtarëve të Kryesisë së Degës të LDK-së në Gjermani. Por, rrëfimet e sekretarit Arban, ishin fort domëthënëse dhe ngushtësisht të ndërlidhura, me çështjen, tashmë, të bërë tërkuzë! U pajtuam, më në fund, ky është suksesi, – fundoi fjalën e tij, zotëri Abrashi.
 
     Nënkryetari Haki Rugova, njohës i mirë i Mërgatës shqiptare, ishte i prerë, madje, herë-herë, edhe i rreptë ndaj atyre, të cilët egoizmin e kishin të bollshëm. “Punoni e veproni me përgjegjësi, si strukturë e LDK-së në Mërgatë. Nuk ka kolegjium të Nëndegëve këtu, prandaj, mos shpikni terma të paqena. Mjaftohuni me ato që janë në status. E di që keni aftësinë intelektuale, burrërinë, nderin, respektin reciprok, për t`i tejkaluar mosmarrëveshjet dhe për t`u pajtuar e punuar së bashku. Jini të bindur se është themeluar një Nëndegë e ligjshme dhe ju porosisë të krijoni edhe shumë të tjera”, – përmbylli fjalën e tij zotëri Haki Rugova.
 
       Mledhjes i kontribuan, me praninë e tyre, edhe anëtarët e Kryesisë: Agim Aliçkaj, Fazli Hajdaraj, Isa Shabani, Abaz Imeri, Blerim Hajdaraj, Tahir Buçolli, Enver Musa, Bujar Lajçi, Xhevat Berisha, Jakup Gërguri, Rexhep Nikçi, Mustafë Luli, Musa Hamzaj, Milaim Gërvalla, Ibrahim Potoku, Berat Rexhaj.
 
     Në fund, Kryesia ngarkoi kryetarin e Nëndegës Oberbajernit, Rexhep Nikçin dhe kryetarin e Komisionit për Informim të Degës, Idriz Zeqiraj, për të biseduar me palët dhe tejkaluar mospajtimet.
 
     Kuadrot e LDK-së, Haki Rugova dhe Arban Abrashi, gjatë qëndrimit në Nëndegën e LDK-së në Gjermani, biseduan edhe për një serë çështjesh, që sot ka Kosova dhe LDK-ja, përfshirë edhe koalicionin e pritshëm.
 
           NË EMËR TË KRYESISË SË DEGËS
                       IDRIZ ZEQIRAJ
              KRYETAR I KOMISIONIT PËR INFORMIM

E bukur me je vjeshtë e artë Nga Aida Meti

Ti qe m’i zhvesh te gjitha pemet
si zhvishet nje trup gruaje

Zhurma e gjetheve
me ka ndezur ngjyrat e trendafilta
ne trup
Era jote perkedhel lekuren time ,
si perkedhel nena
birin e saj
Prej frymarjes tende
enden gjethe te thara
rrugeve te shpirtit

e bere copash nga
nga myshku i jetes

e ti perseri
me perkedhel
me heshtjet e tua te florinjta

Gjendem e thare
e vrarë,
si nje orkide delikate

Gjethet e tua m’i ben
gjemba,

qe te me rrjedhë gjak i helmuar
syte e mi m’i mbulon
me gjethet
e fundit te stines tende

E embla vjeshte

Ti mos m’i mer gjethet e shpirtit

Mos m’i merr mendimet, kujtimet
ti m’i helmosh ,
si mjalti qe helmon orkidet e jaseminet e mi .
Nga pafundesia shpirtit
e gjunjezuar para teje
Kerkoj paqe
nuk dua lufte me ty
nen lekuren time
Dua te me zbutesh me delikatesë
si lulja e çmuar e imja

Orkide

Me qirinjtë e tu o vjeshtë
flaka e ndezur e tyre

Te djeg lekuren time
Si nje lufte e fort
qe rrjedh ne venat e mia
Si nje lum i paster i kristaltë

Te pergjerohem deri ne infinit
si do nena birin e saj
o e èmbla vjeshte

Aida Meti

Intervista – Armand Hasanpapaj: Franca më dha gjithçka, ju tregoj si u bëra pjesë e garës në “Top Shef”

Egla Xhemali – Jo rrallëherë jemi njohur me shqiptarë që kanë shkëlqyer nëpër botë. Edhe rasti i Armand Hasanpapajt është i tillë. Që prej shtatë vitesh djaloshi 23 vjeçar, që ushtron profesionin e kuzhinierit në Francë është cilësuar si një nga më të mirët atje. Pjesëmarrës në konkurse, siç është dhe i fundit në “Top Shef”, që ka nisur para pak ditësh, e kanë bërë atë të përballet me sfida të mëdha, që natyrisht i kanë sjellë emocione dhe rritje profesionale. Kuzhinieri tregon për “Gazeta shqiptare”, mundësitë që i ka dhënë Franca, shpirtin e sprovuar tanimë me përfshirjen në gara si dhe dëshirën që ka për të hapur një restorant në Shqipëri në të ardhmen.

Armand, para se të flasim për ty si kuzhinier, na trego diçka për veten…
Përshëndetje! Unë jam Armand Hasanpapaj. Kam lindur në Tropojë. Jam 23 vjeç. Kam ardhur në Francë që kur isha 6 vjeç e gjysmë, shtatë.

Dimë që më kuzhinën je shumë i lidhur, po çfarë gatove sot?
Në kuzhinë sot për shefin gatova mish viçi, patëllxhan me një pure karrote me limon dhe pranë përgatita një byrek me domate dhe djathë feta.

Ka qenë i hershëm pasioni yt për gatimin?
Pasioni për gatimin ka ardhur që kur kam ardhur në Francë. Më parë kam qenë valltar. Në fakt, pasioni për kuzhinën në një farë mënyre është trashëguar nga mami. Ajo ka qenë pastiçerie dhe ka pasur pastiçerinë e saj në Tiranë.

Ti jeton në Francë, çfarë gatuan më shumë si francezët? Po gatime shqiptare bën?
Ngaqë jetoj në Francë, gatuaj vetëm ushqime franceze. Po gjithsesi, bëjmë këmbime me mamin. Ajo me kuzhinë shqiptare, ndërsa unë me atë franceze. Mendojmë t’i bashkojmë të dyja kuzhinat. Shpesh në festivale sidomos në ” Refugee food festival”, prej tre vitesh, tanimë dhe për konkurse jam munduar të jap disa nuanca të kuzhinës shqiptare, por vërtet që baza është kuzhina franceze.

Ti je pjesëmarrës në ‘Top Shef’ në Francë, ishte e lehtë të hyje aty? Si u bë përzgjedhja? Duhet të gatuaje diçka?
Këtë vit jam pjesëmarrës i këtij konkursi. Është shefi Philippe Etchebest me flamurin në qafë, një ndër më të mirët në Francë, është shefi Gordon Ramsaj më i shikuari në Angli. Në fakt, konkursi më përzgjodhi vetë, pasi kisha marrë pjesë në një tjetër konkurs në Paris me një pjatë mish pate quhet dhe nga aty më kontaktuan dhe më thanë: A ke dëshirë të marrësh pjesë në këtë emision? Ishte e vështirë, pasi duhet të prezantosh një pjatë që ti zgjedh dhe profesori, që është njëkohësisht dhe shefin i madh ta vlerëson deri në pesë yje.

 

Çfarë pret ti nga ky konkurs? Sa kohë do të zgjasë?
Ky konkurs ka nisur të hënën e kaluar, më datë 28 tetor 2019 dhe do të zgjasë deri në fillim të janarit. Gara është e fortë. Jemi 108 kandidatë.
Po nëse fiton çfarë do bësh më pas? E nëse ndodh e kundërta?
Nga ky konkurs pres që të dalë një imazh i mirë dhe Shqipërinë ta ngjis lart e më lart. Flas shumë për vendin tim. Kam gatuar specialitete që shefi ta njohë pak më shumë shtetin tonë. Nëse fitoj është diçka shumë e bukur, një ëndërr. Por, edhe nëse nuk fitoj rëndësi ka pjesëmarrja, eksperienca që fiton në këtë emision dhe shikimi, pasi programi del në televizionin “Gjashtë” të Francës dhe shihet nga tre milionë persona çdo natë dhe është diçka mjaft e bukur. Do të jetë kujtim i paharruar.

Cilat janë cilësitë që duhet të ketë një kuzhinier profesionist?
Mendoj që ndër cilëssitë që duhet të ketë një kuzhinier profesionist është së pari thjeshtësia. Besoj se më e vështira nuk është që t’ia arrish, por që të mbetesh ai që je. Nuk duhet të ndryshosh, duhet të mësosh dhe dëgjosh shumë. Një kuzhinier i mirë mëson çdo ditë dhe është i pasionuar pas asaj që bën. Ai e ushtron profesionin me dëshirë dhe e transmeton atë tek kuzhinierët e tjerë, tek ata që do të vijnë pas atij. Duhet të jetë i lumtur në kuzhinë, pasi fundja ajo është lumturia për të.

Recetat e ndryshme që gatuan janë nga fantazia jote apo i ke lexuar diku?
Shumica e recetave nga fantazia ime, por edhe të tjera bazuar tek shefat e tjerë. Duke ia nisur bazohemi diku, pastaj përfundojmë duke krijuar vet. Kam krijuar shumë të tilla siç ju thashë edhe më sipër, si franko-shqiptare, disa të tjerë si sheqer plus kripë, pjata shumë të çuditshme, por që mbajnë karakterin dhe shijen e çdo produkti pa e deformuar atë.

Në Shqipëri ke plane të kthehesh?
Në Shqipëri nuk kam ardhur që prej shtatë viteve dhe nuk mendoj që do të vij për momentin. Kam shumë projekte në Francë, kam shumë ngarkesë dhe mendoj që për momentin të bëj karrierë këtu e ndoshta pas shumë viteve mund të kthehem.

Pse nuk hap një restorant në Shqipëri, si vendlindja nuk ka apo jo?
Normal që si vendlindja nuk ka. Mundohem që në çdo intervistë, po dhe në televizion kam thënë jam nga Shqipëria dhe me shumë krenari madje. Dhe pse jam larg e kam në zemër vendin tim. Në të ardhmen besoj se mund të hap një restorant dhe kjo është një nga ëndrrat e mia. Në fakt, gjithçka e kam arritur në Francë dhe kjo e fundit më dha të gjitha mundësitë. Për momentin do të punoj shumë fort këtu, që të jem një nga shefat e parë shqiptarë që ia arritën në Francë. Dua që sadopak të bëj krenarë shqiptarët dhe natyrisht prindërit e mi, por edhe të tjerët që shohin fëmijët si po rriten jashtë shtetit me vuajtje, por që në fund po ia arrijë të jenë të suksesshëm. Kam shumë punë për t’ia arritur qëllimeve të mia.

Në fund lamë gjë pa thënë?
Në fund të kësaj interviste dua të bëj një falënderim për familjen, që kanë qenë përkrahësit e mi kryesor, që nga fillimi i këtij rrugëtimi deri sot.