VOAL

VOAL

Please Wait ...
0%

Avokati i Popullit nis hetimet për gazin lotsjellës dhe ushtrim dhune në protestën e 16 shkurtit

By | February 18, 2019

Komentet

Takim sekret Meta-Rama në Lalëz? Reagon zëdhënësi i Presidentit: Ja e vërteta

Në disa media është përfolur për një takim sekret mes Presidentit, Ilir Meta dhe Kryeministrit Edi Rama, të zhvilluar në Gjirin e Lalzit pak ditë më parë.

Lajmi ka ngjallur jo pak interes për shkak të marrëdhënieve te tensionuara mes Metës dhe Ramës, të cilët i kanë shpallur “luftë të hapur” njeri-tjetrit. Madje PS e ka shpallur presidentin si “armik të kushtetutës” dhe si të tillë ka nisur procedurën për shkarkimin e tij.

 

I pyetur nga “Panorama Online” lidhur me një takim të supozuar mes Presidentit Meta dhe kryeministrit Rama në Lalëz, zëdhënësi i Presidentit, Tedi Blushi u shpreh se: “Ky është një thashetheme plazhi!”.

Ftesat dhe takimet ‘sekrete”

Para ditës së votimeve, ftesat nuk kanë munguar nga Meta në adresë të Ramës. Ai e ka pritur Ramën në Presidencë për të diskutuar rreth mundësisë së shtyrjes së datës së zgjedhjeve, por sipas Presidentit, Rama ditën e takimit ka shkuar të lahet në një pishinë afër Presidencës dhe nuk shkoi në takim me kreun e shtetit.

Takim i fundit ‘sekret’ mes Metës dhe Ramës ka qenë në Pallatin e Brigadave, ku vetë kreu i shtetit ka rrëfyer rezultatet e këtij takimi.

“Kemi pasur një drekë sekrete, e fundit para 10 ditësh në Pallatin e Brigadave ku kemi biseduar dhe ai e di shumë mirë sa i shqetësuar jam unë për këtë situatë dhe tejkalimin e saj. I takonte atij të kërkonte datë tjetër për zgjedhjet. Prandaj Rama ka deklaruar se nuk ishte i surprizuar nga vendimi im. Në 24 maj dhe publikisht kam shprehur gatishmërinë time për ti shërbyer një zgjidhje pas dakordësimit të palëve për të shfuqizuar datën 30 qershor e për të gjetur zgjidhje për një datë tjetër. Kjo kërkesë e imja nuk ka funksionuar, dhe dy tre ditë para se të merrej ky vendim Rama ka qenë ne TV dhe ka bërë të qartë se nuk e vë në diskutim 30 qershorin.

S’kam bërë tentativë për të komunikuar me të ditë më ka nderuar duke vizituar Skraparin. E vërteta është se kam bërë përpjekje për të komunikuar me Rucin, por ka qenë duke udhëtuar drejt Tepelenës, kjo është historia pse Rama s’ka qenë i surprizuar, unë kam qenë me reagimin e tij. Megjithatë ka kohë të reflektojë”, tha Meta. /PANORAMA

“9 vite më parë Gjykata Ndërkombëtare i njohu Pavarësinë”- Meta: Kosova shtet i lirë e pavarur realitet i pakthyeshëm

Presidenti Ilir Meta ka kujtuar sot njohjen e pavarësisë së Kosovës, nëntë vite më parë, nga Gjykata Ndërkombëtare e Drejtësisë.

Në facebook, Meta shkruan se Kosova shtet i lirë dhe i pavarur është një realitet i pakthyeshëm, ndërsa shton se ka kontribuar për më shumë paqe e stabilitet në rajon.

 

Postimi i plotë:

Nëntë vite më parë, pretendimit serb mbi paligjshmërinë e shpalljes së pavarësisë së Kosovës, Gjykata Ndërkombëtare e Drejtësisë i dha fundin e merituar, duke njohur aktin e shpalljes së pavarësisë dhe sovranitetit të Kosovës në përputhje të plotë me të drejtën ndërkombëtare.

Ky vendim historik ishte njëkohësisht njohje dhe vlerësim ndaj sakrificave sublime të të gjithë atyre që nuk iu nënshtruan spastrimit etnik dhe nuk bënë asnjë kompromis me të drejtën e patjetërsueshme të qytetarëve të Kosovës, për të jetuar të lirë dhe në paqe si të gjithë evropianet e tjerë.

Ishte kënaqësi për mua ta përjetoja këtë moment historik si Ministër i Jashtëm, asokohe i një qeverie që bëri më të mirën për të forcuar pozitën ndërkombëtare të Kosovës.

Kosova si shtet i lirë dhe i pavarur është realitet i pakthyeshëm që ka kontribuar për më shumë paqe, siguri dhe stabilitet në rajonin tonë.

Dita: Rama dhe Meta janë takuar dy netë më parë në Gjirin e Lalzit

Kryeministri Edi Rama ka qenë dy netë më parë në Gjirin e Lalzit

Megjithëse është zgjedhur një orë e vonë për “vizitën”, prania e KM është kuptuar nga prania e shoferit dhe truprojës kryesore të Ramës, të cilët janë parë duke pritur në lokalin e kompleksit Lura 1 afër bregut.

Lura 1 është pjesa e bregut të Lalzit ku kanë vilat e famshme verore pak metra larg njëri-tjetrit familjet Meta dhe Berisha.

Kjo do ishte hera e dytë që Rama dhe Meta takohen jopublikisht gjatë kohës së krizës politike.

Sinjali për një takim mes tyre u dha nga një foto e Metës disa ditë më parë botuar nga vetë ai në rrjete sociale.

Aty Meta shfaqej me personin që ka ndërmjetësuar edhe darkën e famshme mes tij e Ramës në të njëjtin vend.

Përse duhet të takohen fshehtas Presidenti dhe Kryeministri, të cilët duken kaq të acaruar në publik, mbetet pyetje ende pa përgjigje.

Por ndërkohë në mbledhjen e fundit të Komisionit Parlamentar “për shkarkimin e Metës” pati një devijim “të pakuptueshëm”.

Të paktën për publikun.

Ndërkohë që deri në atë ditë u tha që Komisioni kishte një raport të detajuar ku provoheshin “shkeljet e Kushtetutës” nga Meta, papritur Komisioni kumtoi se do merret njëherë një “opinion nga Venecia” nëse ka shkelje.

Vera e nxehtë e rrymave dhe sherreve afrikane, nuk duket dhe aq e nxehtë në Lalzin e ngjalave.

Ftojmë kryeministrin ose presidentin ta përgënjeshtrojnë lajmin nëse është i pavërtetë.

Marrë nga Dita

Tensionohet situata te Unaza e Re, FNSH rrethon zonën (FOTOT)

Tensionohet situata te Unaza e Re, atje ku banorët protestojnë prej muajsh në mbrojtje të banesave të tyre.

Mësohet se banorët kanë ndezur zjarr e kanë grumbulluar gurë për shkak të prezencës së shtuar të policisë.

Sipas ish-deputetit të PD-së, Klevis Balliu në vendngjarje ndodhen edhe FNSH-të.

Po ashtu raportohet se në mbështetje të banorëve përveç Balliut janë edhe dy ish deputetët e LSI-së, Petrit Vasili e Endrit Braimllari.

STATUSI I KLEVIS BALLIUT
Siç e kam paralajmëruar Edi Rama kërkon viktima dhe sot ka sjellë FNSH dhe gjithë Policinë e Shtetit për të ndaluar heronjtë e Unazës së Re që të protestojnë, siç ja lejon Kushtetuta duke provokuar dhunën dhe bërë arrestime të paligjshme tek Unaza.
Gjithçka ndodh sot është faji i Edvin Kristaq Ramës.
I bëj thirrje komunitetit ndërkombëtar që ti bëjë thirrje qeverisë të tërhiqet për të parandaluar dhunën.
Unaza momentalisht është në shtet rrethim për të provokuar dhunë.

Kushtrim për Ramushin- Betim për Kosovën – Nga Azgan HAKLAJ President i Unionit Artistik te Kombit Shqiptar

Ramush Haradinaj është sot, Bibla-Kurani-Talmudi i shqiptarizmit.

Me ty Strateg i luftës, Arkitekt i paqes.

Ramush Haradinaj dha gjithçka për Atdheun.

Kushtrim për Ramushin- Betim për Kosovën.

“Më e shtrenjtë se jeta ime, se familja ime është Atdheu Im”, thoshte Aristoteli i lashtë.
“Ta themi të verteten troç dhe ta mbrojmë atë sikur të gjithë të jenë kundër saj” na ka porositur Ai.Askush me mirë se Kryeministri Ramush Haradinaj nuk i ka përvetësuar këto maksima të filozofit më me ndikim mbi njerëzimin.
“Dua të baj një vepër në sherbim të Atdheut dhe pastaj lë të vdes”, është postulati që na ka lanë shkrimtari Viktor Hygo.”Nderimi më i madh i njeriut në jetë janë plagët që ka marrë në luftë për çlirimin e Atdheut”, është sentenca që na ka lanë Napoleon Bonaparti. iRamush Haradinaj e ka tejkaluar këtë sentencë të Perandorit të Madh.
Familja emblematike Haradinaj i ka dhënë UÇK-së së lavdishme katër gjeneralë dhe kauzës së saj për çlirimin e Kosovës tre deshmorë.
I ka dhanë UÇK-së komandantin e luftës, arkitektin e paqes, vizionarin gjenial, simbolin e qendresës e sakrificës sublime, që ka sfiduar disa herë vdekjen, burrështetasin, pashaportën evropiane të Kosovës Ramush Haradinaj.
Strateg e luftëtar i pathyeshëm në beteja. l paepur e pa kompromis në kurriz të Kosovës në paqe.
Dalzotës dhe dy herë dorëzan vullnetarisht në Hagë, me një betejë të gjatë biblike e qendresë kristiane, vendosmëri e durim të farkëtuar në kudhrën e Profetit Muhamed, me qetësi budiste ia doli të ngadhnjejë dhe të çertifikojë luftën e drejtë të UÇK-së dhe kauzën e saj për çlirimin e Kosovës.
I ndaluar në mënyrë të padrejte në Slloveni, peng politik në Kolmar të Francës me akuza të rreme të një shteti të renë e perseri triumfoi sepse drejtësia e Francës së Liri-Barazi- Vellazërisë e shpalli të pafajshmëm.
Kryeministri Ramush Haradinaj kaloj një sagë të gjatë dhe përmes shumë kasandrash, kurthesh, intrigash, pabesishë e tradhëtishë bizantine por nuk u mposht.
Ai është politikani iluminist i pakompromentueshëm, i pashantazhueshëm, energjik dhe i vendosur, i cili kundërshtoj dhe ndaloi Zajednicën, Osecacionin, ( Republikën Serbska) Prilluzhën, Demarkacionin dhe sëfundmi në Samitin e Berlinit, ndonëse i vetëm shterroi planin djallëzor, endrrat serbiane për ndarjen e Kosovës, në këmbim të njohjes.
Kryeministri Haradinaj i vendosi taksën Serbisë dhe rriti kredencialet e shtetit të Kosovës në arenën ndërkombëtare duke adaptuar reciprocitetin e njohjen e ndërsjelltë e ruajtur sovranitetin.
Qendresa e Tij për të mos hequr taksën ndaj mallrave serbe vuni në levizje planin serb dhe aleatët e Serbisë e kuslingët shqiptar për të nënshtruar Familjen Haradinaj.
Haradinaj s’heq dorë nga ideali si dalëzotës i popullit e vendit të tij që ka derdhur lumenj gjaku në shekuj për liri e pavarësi e drejtësinë e munguar.
A shprehet solemnisht:
“Nuk e shes dinjitetin dhe të ardhmen e vendit tim”.
“Kërkoi institucionalizimin e dialogut pa kushte”.
Një komb pa simbole është si kimia pa Mendelejev.
Çdo komb ka simbolet e veta.
Hebrejtë kanë Moisiun,
Franca ka Karlin e Madh, Napoleonin e Degolin,
Gjermania Frederikun e Madh dhe Bismarkun, Anglia Rikard Zemërluanin, Italia Jul Qezarin, Geribaldin dhe Françesko Krispin, Turqia Ertrugrulin, Osmanin e Sulejmanin e Madhërishëm.
Amerika Xhorxh Uashingtonin, Xhafersonin, Franklinin, Ruzveltin, Afrika Nelson Mandelën.
Kombi Shqiptar ka Aleksandrin e Madh, Pirron e Epirit, Konstandinin e Madh, Gjergj Kastriotin.
Sot Kombi Shqiptar ka një figurë emblematike Ramush Haradinin.
Presidenti i Amerikës Xhon Kenedi thoshte “mos mendoni çfarë ban Amerika per ju por çfarë bani ju për Amerikën”.
Ramush Haradinaj bëri gjithçka për Kosovën, për çlirimin e pavarsinë e saj, konsolidimin e demokracisë e shtetin e së drejtës, integrimin e ruajtjen e integritetit të trojeve stërgjyshore.
E bëri Kosovën më ushtri e theu tabunë, shtriu autoritetin e shtetit në Mitrovicën e Veriut, duke mbrojtur thesarin e saj Trepçën nga lakmitarët, dhe kuislingët që donin ta shisnin për interesat e tyre utilitare.
Përsëri në vitin Jubilar të 20 vjetorit të çlirimit të Kosovës dha dorëheqje për të ruajtur imazhin e qeverisë e shtetit të Kosovës për tu përballur në Gjykatën Speciale pa pushtet, si qytetar i thjeshtë me shpifjet e radhës të fabrikuara nga laboratorët e Serbisë së Vuçiçit dhe argatëve të saj Thaçi e Rama dhe tutorëve të tyre Binomit Putin -Erdogan.
Unioni Artistik i Kombit Shqiptar ju ban thirrje shqiptarëve, patriotëve, nacionalistëve në të gjitha trojet etnike Iliro- dardano-arbërore.
Të gjithë në këmbë me Ramushin.
Ramush Haradinaj bëri gjithçka për Atdheun.
Tani është momenti çdo të bajnë shqiptarët për Ramushin.
Ramush Haradinaj do ia dalë edhe njëherë të triumfojë me apologjinë e UÇK-së e luftës së saj të drejtë.
Ai është Bibla- Kurani-Talmudi jonë.

Frika se qeveria e shemb natën, teatri ruhet natë e ditë

Burime nga administrata e Teatrit na njoftojnë se natën do të bëhet zbrazja e plotë e Teatrit Kombëtar. Kërkohet mobilizim i plotë qytetar. Të gjithë që munden, janë të ftuar të na bashkohen që të qëndrojmë sot natën për t’i bërë qeveritarët që veprojnë si gjithmonë hajdutçe natën që të stepen në qëllimin e tyre të mbrapshtë”. Ka qenë ky njoftimi që ka nxjerrë mbrëmjen e së enjtes, duke u gdhirë e premtja dhjetëra qytetarë në sheshin mes dy teatrove kombëtarë. Pas zbrazjes që nisi të enjten paradite, njoftime kontradiktore vinin se qeveria kish vendosur ta zbrazte natën, për të nisur më pas shembjen e tij ku ka planifikuar që të ndërtojë një trekatësh me PPP, duke shënuar edhe humbjen ose tjetërsimin e një trualli të konsiderueshëm përmes angazhimit të privatit. Me të marrë sinjalin, Aleanca për Mbrojtjen e teatrit ka angazhuar aktivistë e qytetarë në mbrojtje të godinës.



Njoftimi i shpërndarë në orën 23:00 të mbrëmjes ka mbledhur në pak minuta dhjetra veta para godinës kur protestohet prej 18 muajsh. Një orë më vonë, në rrjetet sociale u shpërndanë njoftime dhe foto ku shkruhej “Këtu jemi! Në mbrojtje të Teatrit, deri në fund!”. Për t’u solidarizuar me qëndrestarët e Teatrit, qytetarë të ndryshëm sollën ushqime dhe pije. Gjatë ditës së premte, artistët qëndrestarë që nuk u shitën, bënë me dije se do të qëndrojnë deri në fund. “Ministrja e Kulturës mohon që të ketë një dokument për zhvendosjen e materialeve të Teatrit Kombëtar. Teatrit Eksperimental i kanë kërkuar që të largohen. Kemi dëgjuar shumë në gjithë këto kohë, ne e dimë që nuk vijnë dot dhe e gjitha kjo bëhet për provokim. Ne do të jemi 24 orë në 24 aty, janë thjesht skuthlliqet e Lali Erit dhe Edi Ramës, i provuan të gjitha taktikat me ne dhe nuk ia dolën. Unë personalisht mezi pres që të përballemi, pasi ka ardhur koha që ne të matim forcën tonë. Teatri Kombëtar është kthyer në një betejë kombëtare, kjo është vija për të mbrojtur vendin”, u shpreh në media Neritan Liçaj. “Ndjeshmëria ndaj Teatrit është shumë e madhe, ndenjën me ne gjithë natën edhe qytetarë që nuk kishin qenë kurrë më parë. Problemi më i madh është se ne kemi bërë aleancë shumë të fortë me intelektualë dhe me grupe të tjera opozitare, do të ndizet një vullkan shumë i madh. Ne nuk do të bëjmë pushime dhe t’ia lëmë Teatrin ca halabakëve që duan që të pastrojnë paratë e drogës. Unë e kam thënë edhe më parë që Teatri do të jetë fundi i tyre”, tha aktori.

Bashkia Kamëz i vendos një rruge emrin “Ramush Haradinaj”

Jo vetëm “Bulevardi blu”, rruga “New York”, “Berlusconi”, “George Bush”, “Donald Trump”, “Manhatan”, “Sali Berisha”, “Berlin” etj, Bashkia Kamëz tashmë do të ketë një rrugë me emrin “Ramush Haradinaj”.



Ky është vendimi i marrë nga bashkia Kamëz së fundmi pasi Kryeministri i Kosovës Ramush Haradinaj dha dorëheqjen një ditë më parë për t’u vënë në dispozicion të Gjykatës së Hagës.

Në një reagim të shpërndarë për mediat Bashkia Kamëz vlerëson aktin e Haradinajt dhe deklaron se tregoi jo vetëm profilin e tij prej shtetari por njëherazi vendosi të sakrifikojë nga vetja për Kosovën dhe kombin shqiptar.

Deklarata e Bashkisë Kamëz

Ramush Haradinaj me doreheqjen e djeshme tregoi te qenit nje shtetar i vertet pasi qe eshte nje patriot dhe atdhetar kete e ka treguar cdo dite te jetes se tij. Haradinaj tregoi se sakrifikon nga vetja per lirine dhe pavaresine e Kosoves per gjithe shqiptarine.

Me doreheqjen prej nje burri te vertet shteti tregoi se nuk ka asgje per te fshehur dhe se sa here te kerkohet do te shkoj para drejtesise jo si kryeminister i Kosoves por si Ramush Haradinaj.

Haradinaj i është pergjigjur thirrjeve te drejtesise por dhe akteve te marra si kryeminister i Kosoves ne detyre. Bashkia Kamez ka nderin qe nje rruge te qytetit tone t’i vendosë emrin e tribunit te lirise dhe atdhetarise Ramush Haradinaj me vendim te Keshillit Bashkiak.

Kujtojme qe tashme Ramush Haradinaj eshte njeri prej nesh per thjeshtesine qe e karaktarizon por edhe se ai eshte Qytetar Nderi i Kamzez si dhe prej sot nje prej rrugeve mban emrin e tij. Jemi me ty Ramush, te bindur ne pafajesine tende dhe misionin tend per lirine e Kosoves dhe shqiptarise.

Askush nuk ka mundur te gjunjezoje sado qe ka tentuar. Ti Ramush ke ditur te ia dalesh me karakterin tend fisnik fhe pastertine e figures tende. Ti je nje shtetar i vertet ndaj qendro sic ke ditur te ia dalesh pabesive.jemi me ty.

Letër e Hapur Presidentit të SHBA-I nderuari Presidenti Trump!Ju lutem shumë,shqiptojeni për John Bolton togfjalëshin Tuaj magjik:You’re fired! Nga Elida Buçpapaj

I nderuar President i SHBA!

I nderuari Presidenti Trump!

Jeni institucioni më i lartë në Amerikën e vlerave të demokracisë, zgjedhur me votën e popullit Amerikan!

Jeni institucioni i çlirimit dhe lirisë në rang botëror!

Jeni institucion i shoqërisë të lirë dhe i lirive të individit!

Jeni institucion i drejtësisë njerëzore, që merr në mbrojtje lirinë dhe lufton barbaritë!

Jeni institucioni që shqiptarët, si asnjë komb në glob, Ju falen dhe janë të gatshëm të vihen nën komandën Tuaj!

Sikur Ramush Haradinaj, kryeministri i Kosovës, që ka deklaruar botërisht se është ushtari i Amerikës! Ramush Haradinaj posa dha dorëheqjen, sepse po e thërrasin për të tretën herë në Hagë, kur pas shtatë vjet hetimi, prej 2005 deri më 2012, Haga e ka nxjerrë të pafajshëm!

Shqiptarët janë ushtarë të Amerikës dhe Perëndimit, sepse SHBA me aleatët e saj e shpëtuan Kosovën nga Holokausti i fundit i shekullit XX!

Gjermania ka 75 vjet që me të drejtë iu kërkon ndjesë Hebrejve për krimet monstruoze kryer nga regjimi hitlerian, ndërsa Serbia e shekullit XXI, që në kohën e Milosheviçit e përgjaku ish-Jugosllavinë dhe e njollosi ndërgjegjen e Europës të Bashkuar me Srebrenicën e Vukovarin jo vetëm që nuk lyp ndjesë, por tani agresionin militar dhe barbar të 1998-1999 synon ta arrijë me diplomacinë e neveritëshme të Ivica Daçiç që arrin dhe i fut kthetrat deri tek lobet pranë administratës të SHBA dhe pranë zyrës të këshilltarit Tuaj të (anti)Sigurisë, John Bolton i cili njihet botërisht pro-ndarjes së Kosovës, i mënjanuar nga Presidentët Republikanë George Bush senior dhe George W.Bush!

Ministri i jashtëm i Serbisë Ivica Daçiq, përpara se të mbërrinte në Washington D.C deklaroi për të miliontën herë se puna e tij si shef i diplomacisë serbe konsiston të ndalë njohjen e Kosovës nga shtete të reja dhe bëjë gjithçka që shtetet që e kanë njohur Kosovën ta anullojnë njohjen e tyre, pra 180 gradë ndryshe nga sa vepron diplomacia e SHBA, e cila synon që Kosova të jetë pjesë e OKB-së!

Kjo është strategjia e Serbisë, shtetit që nuk pranon të integrohet në NATO dhe blen armatime nga një vend i NATO-s për t’i bërë luftë kujt? NATO-s ?! Se Kosova mbrohet nga NATO dhe baza Amerikane Bondsteel!

Në këtë situatë Shqiptarët e Kosovës nuk mund të puthin duart e një Serbie agresive që nxit një luftë të re, as nuk mund të jenë palë e një dialogu-karikaturë që bie ndesh me parimet bazë të dialogut, ku dy palët iu shërbejnë interesave reciproke në favor të të mirës të përbashkët serbo-shqiptare!

Kosova nuk mund të ulet në një tavolinë me një Serbi që sot ka vënë në përdorim gjithë arsenalin diplomatik për të zhbërë të gjithë atë që ka arritur në Kosovë SHBA me aleatët e saj!

Strategjia e Vuçiçit dhe Daçiçit bie ndesh me strategjinë e SHBA dhe Bashkimit Europian në Ballkan për stabilitet dhe paqe afatgjatë, bie ndesh me strategjinë e shteteve që kanë luftuar për ta çliruar Kosovën dhe për të njohur pavarësinë e saj! Shqiptarët janë paqësorë! Shqiptarët duan ta ndërtojnë paqen në shtëpinë e tyre pa shqetësuar askënd! Shikoni rolin që patën shqiptarët në Maqedoninë Veriore!

Ndërsa Ivica Daçiç ad absurdum vjen në Washington DC, në kuartierin e Presidentit të SHBA të lobojë që Amerika të anullojë vendimin e saj për njohjen e Kosovës!

Daçiçi vjen në SHBA dhe takohet me Këshilltarin tuaj të antiSigurisë, i cili nga pozitat e një zyrtari të lartë të administratës Tuaj harron thembësoren se të gjitha administratat e SHBA kanë qenë me një strategji të unifikuar, Republikanë e Demokratë. Bashkë me Aleatët e përhershëm në Perëndim, ku Amerika mori rolin drejtues u arrit një sukses të përbashkët, të ndalet një Shoah të ri në zemër të Europës dhe të shpëtohet ndërgjegjia e Europës nga një turp i ri, sikur ai që ngjau gjatë konfliktit Bosnje-Serbi, ku Europa mbajti një qëndrim pasiv, vëzhgues, injorues duke i lanë ata njerëz të mjerë, civilë, gra, fëmijë, burra e pleq pa mbrojtje nën kasaphanën e barbarive të karaxhiçëve, mlladiçëve dhe strategut të tyre Milosheviç!

 

I nderuar Presidenti Trump,

 

Shqiptarët nuk janë kundër Serbisë! Kundër Serbisë është administrata serbe që mban peng Ballkanin me  mitet e përgjakura të Milosheviçit, i cili po ta dinte fundin e tij, po t’i kishte marrë në konsideratë paralajmërimet e administratave Amerikane, do të kishte hequr dorë nga Kosova!

Në kohën e Milosheviçit, Kosovën dhe Serbinë e ndante muri i Perdes Së Hekurt, sot ky mur është rrëzuar, jo për të krijuar Shqipërinë e Madhe, por për të mbrojtur stabilitetin afatgjatë si arritje e SHBA dhe Perëndimit në ish-Jugosllavi dhe Ballkan!

Askush nuk e kërcënon Serbinë, Serbia po kërcënon gjithë rajonin duke u armatosur dhe kërkuar rindarjen e Kosovës!

A duhet të gjunjëzohet SHBA dhe BE ndaj kërcënimeve të një shteti ish agresor që mban qendrim të pandryshuar ndaj ish-viktimave të shtetit kriminal që i shpëtoi Amerika dhe NATO nga zhbërja ?!

Pritja që këshilltari Juaj i Sigurisë John Bolton i bëri ministrit të jashtëm të Serbisë Ivica Daciq i tronditi shqiptarët,

sepse z.Bolton nuk tha asnjë fjalë kundërshtuese ndaj deklaratave të përditëshme luftënxitëse që Daçiq bën ndaj asaj që SHBA dhe aleatët e saj konform vullnetit të popullit të Kosovës arritën në Kosovën 20 vjet më parë!

John Bolton edhe Ivica Daçiç janë në kundërshtim të hapur me gjithçka që për 30 vjet kanë kontribuar administratat e SHBA dhe BE deri sot në Kosovë!

Strategjia e SHBA dhe Perëndimit është të mos ketë ndryshime të kufijve!

John Bolton po del mbi Presidentin e SHBA, po del mbi strategjinë e Amerikës dhe Perëndimit për të vendosur paqen dhe stabilitetin në Ballkan!

Shqiptarët kudo që janë, nuk e konfondojnë kurrë John Boltonin me Presidentin e SHBA, as me Amerikën e vlerave të lirisë!

Shqiptarët nuk janë agresorë, nuk e kanë sulmuar kurrë asnjë vend në Ballkan, shqiptarët janë viktima të një konflikti gjakatar nga një makineri kriminale si ajo e Milosheviçit, ithtarët e të cilit sot në krye të Serbisë po kërkojnë që t’i rikthehen luftës e cila u ndal me përpjekjet madhështore të Perëndimit të kryesuar nga SHBA!

Serbia e Vuçiçit dhe Daçiçit, bashkë me njerëz të komprometuar shterrshëm përfundimisht si Hashim Thaçi dhe Edi Rama, po mbajnë peng të ardhmen e rinisë serbe dhe shqiptare!

 

I nderuar Presidenti Trump,

 

Jam një gazetare me eksperiencë të gjatë, që Ju ka ndjekur si fanse prej kur në kulmin e Luftës të Ftohtë në fund të viteve ’70 Ju thyet tabutë dhe në emër të lirisë e dashurisë sfiduat sistemin e antivlerave!

Dashuria për liri është universale dhe sot kur shumë popuj në botë vuajnë nën thundrat e sistemeve diktatoriale etja për liri frymëzohet nga mbrojtësit e saj që janë SHBA dhe Perëndimi!  SHBA i kanë dalë në krahë Europës gjithmonë, por kur SHBA janë vonuar i kanë sulmuar me të pabesë si në Pearl Harbour!

Po ashtu e kam ndjekur në rrugën e suksesit Tuaj si brezi i tretë i një emigranti me rrënjë nga Europa, që prej lirive që Ju ka ofruar Amerika keni arritur deri në karriken e Presidentit të SHBA!

Kjo është Amerika Juaj! E krijuar prej Baballarëve të Kombit deri tek Ju! Dhe kështu do të vazhdojë!

Sot si President i SHBA, Ju jeni vijues i rrugës të Etërve të këtij shteti të madh, jeni vijues i Republikanëve, jeni vijues i vullnetit të unifikuar R-D, dmth gjithë popullit Amerikan dhe administratave të SHBA për çfarë kanë bërë për Kosovën, ndërsa John Bolton është një njeri i gabuar në stafin tuaj, nga ata që Ju i largoni me togfjalëshin Tuaj të famshëm që ka hyrë tashmë në të gjithë fjalorët e gjuhëve të botës: “You’re fired!”

Ju lutem shumë Z.President shqiptojeni këtë togfjalësh magjik, që nënkupton shkarkimin, shprehur përmes kësaj metafore kaq ekspresive “you’re fired!”, që thotë: “jeni i djegur! Që të ndalni zjarrin që është duke i vënë rishtas Ballkanit Serbia e Ivica Daçiçit!

Me nderim dhe respekt
Elida Buçpapaj

Presidenti Ilir Meta: Meta: Krenar e i bindur për pafajësinë e tij. Nga sot duhet të flemë më pak e të shqetësohemi më shumë që Kosova…

Presidenti Ilir Meta ka reaguar pas dorëheqjes së Ramush Haradinaj nga posti i kryeministrit të Kosovës. Në facebook, Meta shkruan se ndihet krenar për këtë vendim duke shprehur bindje për pafajësinë e tij, ndërsa shton se “nuk ka pabesi që thyen burrinë  shtetit”.

Më tej Meta thotë se sot të gjithë duhet të flemë më pak dhe të shqetësohemi më shumë, sipas tij, që Kosova dhe rajoni ynë të jenë të pacenuar në paqen dhe sigurinë.

Postimi i plotë:

Krenar për Ramush Haradinajn dhe i bindur në pafajësinë e tij!

Nuk ka pabesi dhe presion që e thyen Burrin e Shtetit dhe Heroin e Kombit!

Nga sot të gjithë duhet të flemë më pak, të shqetësohemi më shumë dhe të bashkohemi më fort që Kosova dhe rajoni ynë të jenë të pacënuar në paqen dhe sigurinë tonë, si dhe në të ardhmen europiane

Sali Berisha:Jam me Ramushin ! Zografi bis & Miladini shqipfoles Baton Stanishiqi festojne sonte doreheqjen e Kryeministrit Ramush Haradinaj!

Pas dorëheqjes të kryeministrit të Kosovës ka reaguar edhe Sali Berisha në rrjetin social. Ja çfarë shkruan:

“Nje akt shtetar dinjitoz!

Miq, sot Kryeministri i Kosoves, Ramush Haradinaj dha doreheqjen pasi thirret per t’u intervistuar nga Gjykata Speciale e Hages.

Duke shprehur vleresimin tim per aktin e tij prej shtetari te vertet shtoj ketu se kjo eshte hera e dyte qe z. Ramush Haradinaj jep ne menyre dinjitoze doreheqjen si Kryeminister i Kosoves dhe hera e trete qe ai paraqitet para Gjykates se Hages ne pergjigje te thirrjes se drejtesise nderkombetare. Ne dy rastet e mepareshme ai eshte gjetur i pafajshem. Komandant trim qe luftoi me heroizem kunder pushtuesve dhe ndihmoi dhe shpetoi qindra familje shqiptare nga barabarite serbe gjate luftes, shtetar me integritet dhe kryminister efiçent e adhetar i flakte, Ramush Haradinaj kundershtoi me guxim te madh projektin e Serbise se Madhe te Vuçiç, Zografit Bis, Miladinit shqipfoles dhe Baton Stanishiqit per çka dhe fitoi admirimin, mbeshtetjen e madhe te qytetareve te Kosoves dhe mbare kombit shqiptar.

Me kete rast une shpreh nderimin tim te palekundur per vepren dhe aktin e tij burreror te kryeministrit te Kosoves dhe kryetarit te AAK Ramush Haradinajt dhe besimin e palekundur ne drejtesine nderkombetare, e cila e ka shpallur ate dy here te pafajshem.

Une gjithashtu iu bej thirrje forcave politike ne Kosove, qytetareve te saj dhe mbare kombit shqiptar te kundershtojne me vendosmeri te palekundur te gjitha perpjekjet, prapaskenat per ndarjen dhe coptimin e Kosoves te projektit te Serbise se Madhe te Vuçiç, argateve te tij shqipfoles, albanofobe, Zografit Bis, Miladinit shqipfoles Baton Stanishiqit qe festojne sonte doreheqjen e Kryeministrit Ramush Haradinaj dhe thirrjen e tij nga Gjykata e Hages pasi kishin tek ai nje dige te pakapercyeshme. sb”

Reagon Basha: Haradinaj vuri Atdheun mbi gjithçka

Kryedemokrati Lulzim Basha ka reaguar përmes një postimi në twitter pas dorëheqjes së Ramush Haradinajt nga posti i kryeministrit të Kosovës.

“Dorëheqja e kryeministrit Ramush Haradinaj është akti i një njeriu që ve Atdheun mbi gjithçka. Ramushi i ka shërbyer gjithmonë me vetëmohim Kosovës, në ditë të mira dhe në ditë të këqija. Ramush Haradinaj është Kosova – Kosova e lirë, Kosova e pavarur, Kosova europiane. Askush dhe asgjë nuk e përdhos dot luftën çlirimtare të Kosovës dhe sakrificën sublime të familjes Haradinaj në altarin e lirisë!” shkruan Basha në twitter.