VOAL

VOAL

Please Wait ...
0%

Arti në zi, ndahet papritur nga jeta Muhamet Lika, një nga parodistët e famshëm të Vlorës

By | May 30, 2019

Komentet

Video/ Përgjimet e “Bild”, ç’po ndodh në Partinë Demokratike

TIRANË

Prokuroria e Tiranës ka vendosur shoqërimin e detyrueshëm të kryetarit të Partisë Demokratike, Lulzim Basha pasi ky i fundit nuk ka shkuar në prokurori siç ishte thirrur pak ditë më parë.

Pas këtij vendimi, qindra qytetarë kanë vërshuar drejt selisë blu. Gazetari i “BalkanWeb” Klajdi Bodlli  raporton se për shkak te situatës së rënduar politike po mbahet një mbledhje e jashtëzakonshme nga Kryesia e FRPD-së .

Burimet i thanë “BalkanWeb” se po diskutohet për protestën e radhës kombëtare të datës 21 qershor si dhe për përgjimet e publikuara nga gazeta më e madhe europiane” BILD.

Një pikë tjetër, e cila është në tryezë të mbledhjes së kryesisë së FRPD-së është edhe për thirrjen që Prokuroria i ka bërë kreut të Partisë Demokratike, Lulzim Basha.

Përgjimet e BILD/ Drejtori i Arsimit presion mësuesit: Votën e dua haptas, aq vota sa ke ti dua, mos kemi llafe. Murati: Të kanë sinjalizu gabim

Drejtori i Arsimit në Dibër, Drini Gjeci është përgjuar nga prokuroria, teksa i bën presion mësuesve për të votuar dhe deklaruar votën në zgjedhjet vendore të kësaj bashkie.

Drini Gjeçi flet me Lavdrim Muratin që sipas publikimit të BILD është mësues.

Ai i kërkon që të votohet haptas, dhe të mos ketë fjalë, ndërkohë që mësuesi e garanton për votën, ndërkohë që i thotë se e kanë sinjalizuar gabim.

Përgjimi 13:

Drini Gjeçi: Alo? Lavdrim Murati?

Lavdrim Murati: Po

Drini Gjeçi: Drejtori i Arsimit në telefon.

Lavdrim Murati: Urdhëro, si ja kalon?

Drini Gjeçi: A ke votu?

Lavdrim Murati: Jo, akoma.

Drini Gjeçi: Po pse mo Lavdrim nuk ke votu akoma?

Lavdrim Murati: Po s’kam votuar, të lirohet njëherë radha.

Drini Gjeçi: Ça radhe?

Lavdrim Murati: Radha…

Drini Gjeçi: Lavdrim mos të kemi llafe, votat i dua haptas. Mos të kemi llafe mo.

Lavdrim Murati: Ça flet o drejtor, s’bëhet llaf ajo punë.

Drini Gjeçi: Mos më bëj të pres. Aq vota sa ke, ti dua.

Lavdrim Murati: Më vjen keq!

Drini Gjeçi: Mos ma prish llafin.

Lavdrim Murati: Më vjen keq, ju kanë sinjalizu gabimisht

Drini Gjeçi: Nejse, unë këtë llaf po të them. Ti e di vetë.

Lavdrim Murati: Në rregull, në rregull.

PANORAMA

“Do të fejohet”- Mësuesi i tregon drejtorit Keshi për shumën e parave që kërkon ish-nxënësi i tij për katër vota në Dibër

Në përgjimet e publikuara nga Bild është edhe një bisedë midis drejtorit në Ministrinë e Brendshme, Arben Keshi dhe një mësuesi në zonën e Dibrës.

 

Keshi e pyet mësuesin për një person me emrin Altin, për të cilën mësuesi thotë se ka qenë ish-nxënës i tij dhe se kërkon para për katër vota për shkak se do të fejohet.

Përgjimi 4:

Arben Keshi: Hë mo!

Mësuesi: Dëgjo, kam një djalë këtu tek shtabi.

Arben Keshi: Nuk di gjë për këtë, ky Altini, i kujt është?

Mësuesi: Çfarë?

Arben Keshi: I kujt është Altini.

Mësuesi: I Isuf Qokut, një ish-nxënës i imi…

Arben Keshi: Ok, çfarë do ai?

Mësuesi: …. Ai ka një problem. Problemi i tij është kështu, ai do nja 20 000 lekë, ai thotë se kam katër vota. Do të fejohet këtej nga Tërnova. Nuk e di ça thotë, kam folur me Shemsiun, ai tha se Shemsiu ka një problem. Kam komunikuar me të pardje.

Arben Keshi: Po.

Mësuesi: Atij zotnisë, Kollashitit kam komunikuar me të rrugës sa u ndamë, i thashë Anës, i thashë në emrin tënd.

Arben Keshi: Në rregull, jo në emrin tim

Mësuesi: Në emrin tënd, në emrin tim, në emër të drejtorit të Arsimit ia thashë, ia thashë, ia komunikova.

Arben Keshi: Mirë

Mësuesi: Mbarova punë me të. Edhe Gëzim Hoxha që kishte probleme pak se ka qenë në Itali, në Amerikë dhe erdhi sot, sepse ai është kushëri me vjehrrën time Gëzim Hoxha. E ke parasysh, vjehrra ime është mbesë e Ismail Merlanit.

Arben Keshi: Po e kam parasysh.

Mësuesi: Nëna e Merlanit dhe nëna e Gëzimit janë kushërira të dyja pra.

Arben Keshi: Mirë, ok.

Mësuesi: Është e mbaruar ajo punë. Bujar Kurtazën e kam komuniku prapë sot dhe Vebi Muhametin. Kunata e Vebiut është mbesa e Rem Ramës.

Arben Keshi: Ata vëllezërit e Vebiut na çanë dërrasat duke u zënë, ky thotë akoma…

Mësuesi: Jo, jo ai nuk ka lidhje me ata fare, nuk është përzi. Në qoftë se ke informacionin më të vogël ma thuaj mu.

Arben Keshi: Jo, jo s’e kam pa.

Mësuesi: Në qoftë se ke gjënë më të vogël më thuaj. Ai ma ka thënë troç mu në zyrë. Ok?

Arben Keshi: Mirë, ok. Është në rregull.

Mësuesi: Unë t’i kam mbaruar të gjitha punët, pa përjashtim. I kam bërë të gjitha. Dhe atij zotnisë unë ia kam bërë të qartë pardje në sy të Bujar Spahiut. Troç ia kam thënë mu përpara lokalit të Begut.

Arben Keshi: Në rregull, ok. Mirë.

Mësuesi: Po qe se ashtu, pyete Neki Ukën, pyete dhe Din Jasharin.

Përgjimi/ “Nuk deklarove haptas votën bashkë me familjen, shko gjej punë tjetër”- Drini Gjeçi kërcënon drejtorin e shkollës

Në përgjimin e 12, nga 16 përgjimet e publikuara nga “Bild”, del Drejtori Rajonal i Arsimit, Drini Gjeçi, i cili zbaton urdhrat e dhëna nga deputeti Pjerin Ndreu. Ai del në bisedë me drejtorin e shkollës në Reç, Reshat Elezi.

Në ditën e zgjedhjeve, Drini Gjeçi urdhëron një drejtor shkolle për të hedhur votën e tij dhe të familjarëve të tij hapur, duke shprehur dyshime se ata mund të votojnë për PD. Ai e kërcënon atë se nëse ai dhe familja e tij nuk voton hapur, duhet të kërkojnë për një punë tjetër.

Përgjimi numër 12:

Drejtori i shkollës: Alo, mirmëngjes drejtor

Drini Gjeçi: Si kalove, ku je ti?

Drejtori i shkollës: Jam këtu, në radhë  te qendra votimi

Drini Gjeçi: i ke marrë të gjithë ata të familjes?

Drejtori i shkollës: Të shtëpisë? Jo jo, ata më vonë, do shkoj t’i marrë më vonë.

Drini Gjeçi: Në ça qendër voton ti?

Drejtori i Shkollës: Këtu në Zallreç

Drini Gjeçi: Zallreç? Dëgjo, se kam informacione jo të mira andej unë. Sot vota jote një dhe e familjes dy do deklarohet haptas. Nuk ke deklaruar votë haptas sot bashkë me familjen, shko dhe gjej punë tjetër.

Drejtori i shkollës: Drejtor, mos e vri mendjen për atë punë fare. Më dëgjon. Janë llafe njerëzit, mos e vri mendjen për atë punë fare.

Drini Gjeçi: Ore, do deklarohet haptas, haptas! Kur them haptas, haptas.

Drejtori i shkollës: Po mo e vrit mendjen fare. Pa merak, pa merak.

Drini Gjeçi: Bëje haptas me gjithë familjen.

Drejtori i shkollës: Pa merak, pa merak, pa merak. Në rregull

Përgjimet/ “Na këputën këta. Blloko autobusët”- Shefi i Komisariatit të Kamzës flet me drejtorin: Xhelali mendohet të marrë…

Edhe drejtori i Policisë së Kamzës, Sali Skura është i përfshirë në fushatën zgjedhore për bashkinë e Dibrës, gjatë zgjedhjeve të parakohshme atje tri vite më parë, pas shkarkimit të Shukri Xhelilit.

 

Në përgjimet e publikuara nga Bild, kryepolici i Kamzës informon gjerësisht drejtorin në Ministrinë e Brendshme, Arben Keshi, të cilin midis të tjerash i uron fitore.

Në përgjimin numër 8 të Bild, shefi i policisë së Kamzës e informon gjerësisht drejtorin mbi lëvizjet e Xhelalit, me sa duket kryebashkiaku i Kamzës, Xhelal Mziu dhe votat që ka ai në zonën e Lurës dhe Reçit.

Përgjimi numër 8:

Drejtori i Ministrisë së Brendshme, Arben Keshi flet me shefin e stacionit policor të Kamzës

Arben Keshi: Urdhëro!

Sali Skura, shefi i policisë së Kamzës: Sala në Kamzë jam. Sali Skura.

Arben Keshi: Hë mo, çkemi?

Sali Skura: Mirë. Si ia kalon? Si janë duke shku?

Arben Keshi: Mirë duken. Na këputën këto të Kamzës. Bllokohen autobusët e Kamzës.

Sali Skura: Po, pra po!

Arben Keshi: Bllokohen autobusët e Kamzës o shok.

Sali Skura: Po pra. Kemi nxjerrë postblloqe policie. Në orën 3 kanë në mend me u nis. Në orën 3 e gjysë.

Arben Keshi: A keni informacionet se sa bëhet llafi për t’u nisë?

Sali Skura: Nga ora 3 e gjysmë do të nisen. I kemi marrë do masa domethënë.

Arben Keshi: A janë shumë?

Sali Skura: Mendohet rreth 450, 500 veta.

Arben Keshi: I ka organizuar Xhelali?

Sali Skura: Xhelali i ka organizuar krejt bashkinë i ka çu te Turizmi i ri në Lurë. E kupton?

Arben Keshi: Kuptoj!

Sali Skura: Maqellara si duket?

Arben Keshi: Maqellara është mirë sepse s’ka njerëz nga Kamza në Maqellarë. Nga krahu i Xhelalit nuk kam asnjë unë.

Sali Skura: Lura është problem.

Arben Keshi: Lura, Reçi.

Sali Skura: Lura, Reçi gjithë ajo krahinë atje. Nga komisionerët ma merr mendja i keni futur në xhep?

Arben Keshi: Po! Po! Sigurisht!

Sali Skura: Po qyteti si duket?

Arben Keshi: Mirë duket! Po flas për Lurën dhe për Reçin, pjesën që vjen nga Xhelali.

Sali Skura: Po pra po! Melita (punonjëse e gjendjes civile) s’ka pas çfarë me bë me këto kodet (manipulimi i adresës së votuesve dhe kodi individual i votuesve që mund të identifikojë edhe votën).

Arben Keshi: Jo mo vlla jo. Nuk ka pasur çfarë të bëjë. Thjesht ata që kanë gjendjen civile, s’ke ca me bo.

Sali Skura: Sepse i kam ndjekur nga mbrapa sot që nga mëngjesi. Hajde të uroj fitore.

Arben Keshi: Për çfarë do të flasim? Bëhet fjalë për 450 vota. Do të thotë se ka ardhur me njerëzit e vet në Lurë ai?

Sali Skura: Njerëzit e vetë, e ke parasysh. Janë ca furgona.

Arben Keshi: Vetëm për këtë pjesë të informacionti, Lura apo edhe zona të tjera desha të di pak a shumë.

Sali Skura: Po, po. Vetëm nga krahu këtej, se mos shkojnë nga Mirdita.

Arben Keshi: Rrugës së parë që i binë andej.

Sali Skura: Po! Mirë, hajde suksese! Kalofsh mirë.

Arben Keshi: Rrofsh faleminderit

Në përgjimin numër 9, të publikuar nga “Bild”, del Zyrtari i Ministrisë së Brendshme, Arben Keshi, duke folur me shefin e komisariatit nr.5, Sali Skurën, për votimet në zonën e Dibrës.

Në këtë bisedë Skura pyet Keshin nëse gjërat po shkojnë mirë për PS-në, e ndër të tjera, Skura thotë se kanë bllokuar disa autobusë dhe se disa të tjerë i hodhën me miqësi.

Arben Keshi: Urdhëro?

Sali Skua: O Beni Sala jam

Arben Keshi: Hë mo ça bone?

Sali Skura: Çkemi si ja çove?

Arben Keshi: Mirë si ja çove

Sali Skura:  Hë si janë gjërat andej?

Arben Keshi: Ku di gjë, mirë duket po ke parasysh, thesi i mbyllur

Sali Skura: Po po. Si duket situata

Arben Keshi: Po mirë

Sali Skura: Jo po flas nga pjesëmarrja, si e shikon ti domethënë

Arben Keshi: aq sa kanë marrë vazhdimisht, ke parasysh nga 52%, jo më shumë

Sali Skura: Si shko Maqellara si përafrohet?

Arben Keshi: ku di unë. Mirë mirë na thonë të gjithë, po të shohim a e themi dot vetë ne mirë. Sepse është zonë e palexueshme kjo.

Sali Skura: po po e vërtetë

Keshi: A erdhën shumë mbrëmë këndej mo?

Sali Skura: Si?

Arben Keshi: a erdhën shumë autobusa mbrëmë?

Sali Skura: jo jo, nja 7 i bllokuan

Arben Keshi: I bllokuan ëë?

Sali Skura: Po po, të tjerat ia hodhëm kështu, me miqësi

Arben Keshi: Mirë pra

Sali Skura: Mirë, bëj kujdes vlla dhe fitore.

Përgjimi i ri/ “Jepi të paktën 30-40 mijë lek për votë”, biznesmeni flet me pjesëtarin e shtabit: M’duket janë tu abuzu me lekët

Biznesmeni Bekim Krashi është përgjuar nga prokuroria teksa flet me një qytetar lidhur me blerjen e votave.

Ai i kërkon të dijë se sa lekë do të ofrojë për disa persona që kanë 3 deri në 5 vota.

Por Bekim Krashi i bën të qartë që për u thotë të paguajnë 30 deri në 40 mijë lekë për një votë.

Përgjimi 15: Bekim Krashi me një person të paidentifikuar

Personi që do shesë votën: Alo

Bekim Krashi: Ça bëre?

Personi: O Bekim si je? A je mirë?

Bekim Krashi: Ça ke ba?

Personi: Si ja kalove?

Bekim Krashi: Hej

Personi: Tani doja të thoja pak për familjen e Halit Bashës

Bekim Krashi: Po

Personi: Ka tre vota

Bekim Krashi: Po

Personi: Por ai do diçka mo burrë. Si t’ja bëjmë ne?

Bekim Krashi: A ke komuniku me Naimin?

Personi: Po, jam konsultuar pak me të, por për Zotin nuk e di. Edhe për Fiqiri Bashën ka dy vota e i ka dhënë thjeshtë 50 mijë lekë.

Bekim Krashi: Sa?

Personi: 50 mijë lek. Kështu më tha Fiqiriu.

Bekim Krashi: Kush është Fiqiriu?

Personi: Nuk e di sa e vërtetë është. Nuk e di sa është në letra.

Bekim Krashi: Do të shikoj unë, se do mi japin një me një letrat ato.

Personi: Po tani si do ja bëjmë? Çfarë mund të bëjmë ndonjë gjë për to?

Bekim Krashi: Unë tani jam në Peshkopi. Do të vij nesër e t’i jap ndonjë gjë.

Personi: Sa mund t’i japim për shembull? Sa mund të japim për Halit Bashën për shembull?

Bekim Krashi: Sa kanë ata, 5?

Personi: 3 vota ka Haliti dhe Fiqiri Basha ka 2 vota.

Bekim Krashi: 5?

Personi: He?

Bekim Krashi: T’ju japim 40 mijë lek apo 50?

Personi: 50 mijë lek për dy vota?

Bekim Krashi: Jo mor. Të paktën 40 apo 30 mijë lek për votë. Sa ka ai, 3 vota?

Personi: 40 mijë lek për votë?

Bekim Krashi: 100 mijë lek i japim atij që ka 3 vota. A dëgjo?

Personi: 100 mijë lek. Po këtij që ka dy vota?

Bekim Krashi: Atij ti japim 60-70 mijë lekë.

Personi: 70 mijë lek. Naimi ka thënë 50 me siç thotë Fiqiriu. Domethënë ti jap edhe 20 të tjera plus.

Bekim Krashi: Ata ku kanë patur shumë. Nëse nuk i ka dhënë 20, le ti japin 20 më shumë.

Personi: Po shihe këtë o burrë, se m’duket se janë tu abuzu me punë lekësh o Bekim, aman o burrë i dheut.

Bekim Krashi: Dëgjo o zotëri, mos më thuaj asgjë në telefon se më çmende. Telefoni përgjohet.

Personi: He?

Bekim Krashi: Po lëri këto diskutime me mua në telefon.

Personi: Kuptoj, kuptoj. Shihe vetë tani.

Bekim Krashi: Faleminderi. Mirupafshim

Përgjimi/ Damian Gjiknuri: Kush u mor me pjesën e transportit të (parave)? Keni mbështetjen e shtetit, merrni…

Damian Gjiknuri, ish-ministri i Transportit dhe Energjetikes është përgjuar teksa flet ne telefon me Bekim Krashin, biznesmen, i cili është angazhuarën zgjedhjet e Dibrës me Partinë Socialiste.

Sipas përgjimit të BILD, Gjinuri i kërkon llogari biznesmenit se kush është angazhuar në një komunë të caktuar dhe që ka mbuluar pjesën e transportit të parave.

Sipas Gjiknurit ata janë mbështetet dhe nga shteti për të kryer këtë punë, ndaj i kërkon ati që të marrë listën dhe të kërkojë mbështetje.

 Përgjimi 14, Damian Gjiknur-Bekim Krashi

Bekim Krashi: Po, shef

Damian Gjiknuri: O Bekim, folëm i çik edhe më parë. Kush ka qenë pjesë te komuna ime për të mbuluar pjesën e transportit (parave). Se ju jeni edhe mbështetur nga shteti për atë punë.

Bekim Krashi: Ne, me thënë të drejtën, ne nuk jemi mbështet shumë për atë punë. Por njoh disa zona që i kanë lajmëruar.

Damian Gjiknuri: Po mirë, merr një listë dhe bëji gjërat dhe kërko mbështetje.

Bekim Krashi: Kush do ta menaxhojë. Tani sapo ti marr do të vij atje, pa merak.

Zgjedhja e Kryeprokurorit, KLP kërkon shtyrjen e afatit

Këshilli i Lartë i Prokurorisë ka kërkuar shtyrjen e afatit ligjor për verifikimin e plotësimit të kushteve nga kandidatet për postin e Prokurorit të Përgjithshëm.

KLP kërkoi shtyrjen e afatit pasi kandidati Olsi Çela nuk i është nënshtuar akoma vettingut.

Kreu i KLP , Gent Ibrahimi u shpeh se një shtyrje e tillë është e nevojshme në kushtet kur jo të gjithë kandidatët kanë kaluar në sitën e vettingut.

“Olsi Çela nuk iu është nënshtruar akoma vettingut. Sot jemi mbledhur për shtyrjen e afatit derisa Çela të kalojë procesin e vettingut. I kemi kërkuar KPK të përshpejtojë proceduarat”, shprehet Ibrahimi.

Ai gjithashtu bëri me dije se do pritet derisa të përfundojë vettingu për kandidatin Çela për vlerësimin e plotësimit të kritereve nga ana e kandidatëve, për të vijuar procesin.

Pas paraqitjes së katër kandidaturave për Prokuror të Përgjithshëm, Këshilli i Lartë i Prokurorisë nisi procedurat për përcaktimin e kritereve për secilin kandidat dhe se cili nga ata ka më shumë përparësi.

Pas hapjes së garës nga KLP për këtë post që ka një mandat 7-vjeçar kandiduan tre prokurorë dhe një avokat, të cilët brenda një afati 45 ditor, tre prej tyre do t’i kalojnë parlamentit në bazë të një renditjeje.

Përzgjedhja kryeprokurorit – Kryeprokurori zgjidhet me 3/5 me një mandat 7 vjeçar, pa të drejtë riemërimi.

Nëse Kuvendi nuk e zgjedh Prokurorin e Përgjithshëm brenda 30 ditëve, atëherë detyrën e merr kandidati i renditur i pari në listë.

KQZ i përgjigjet Metës: Ja numri i deputetëve në Kuvend

Komisioni Qendror i Zgjedhjeve i ka kthyer pergjigje Presidentit te vendit, Ilir Meta, i cili vetem pak dite me pare kerkoi zyrtarisht informacion lidhur me numrin aktual te deputetit ne Kuvendin e Shqiperise. 

 

Sipas pergjigjes se dhene nga KQZ, ne Kuvendin e Shqiperise ka 122 deputete ne total.

Ne letren e derguar per Presidencen, KQZ sqaron edhe numrin e deputeteve sipas qarqeve.

 

LETRA E METES

Presidenti kerkoi informacion per numrin e deputeteve, duke pasur parasysh qe parlamenti aktual nuk ka 140 deputetë, aq sa është përcaktimi i tij në Kushtetutë. Aktualisht, Parlamentit i mungojnë 18 deputetë pas shterimit të listave të opozitës për plotësimin e vendeve vakante. Neni 64 i Kushtetutës sanksionon në pikën 1 të tij se “Kuvendi përbëhet nga 140 deputetë, të zgjedhur me sistem proporcional me zona zgjedhore shumemërore”.

Kriza, Presidenti takim me ambasadorët e BE

Ne kulmin e tensioneve politike ne vend, teksa PS ka depozituar zyrtarisht ne Kuvend kerkesen per nisjen e procedurave per shkarkimin e presidentit, kur ky i fundit ka anuluar 30 qershorin, nderkohe qe kryeministri Rama nuk leviz nga kjo date, Ilir Meta ka zhvilluar një takim me ambasadorët e Bashkimit Europian, në Pallatin e Brigadave.

 

Burimet bëjnë me dije se takimi është zhvilluar për të diskutuar në lidhje me krizën që ka përfshirë prej muajsh, gjithë politikën shqiptare dhe rrezikun e konfliktit civil ku po e çon vendin kryeministri Rama.

 

Mësohet nga burime nga pallati i brigadave se Presidenti ne nje takim qe ka zgjatur rreth 2 ore, i ka sqaruar ambasadorët e BE për dekretin, për zgjidhjen e situatës si dhe përse shtyrja e zgjedhjeve mbeshtetet ne Kushtetute dhe tashme ka fuqi ligjore pasi eshte botuar ne Fletoren Zyrtare.

“Bashës i rrezikohet jeta”, Meta thërret drejtorin e SHISH dhe komandantin e Gardës

Presidenti i vendit, Ilir Meta ka thërritur në takim drejtorin e SHISH-it dhe komandantin e Gardës.

 

Lajmin e bëjnë me dije burime të “Panorama” që theksojnë se presidenti ka thërritur dy drejtuesit e institucioneve në një takim në zyrën e tij në Presidencë.

Lëvizja e kreut të shtetit vjen vetëm pak pas letrës që PD-ja, me firmë të sekretarit Gazmend Bardhi i ka nisur ministrit të Brendshëm, Sandër Lleshaj, pas një takimi informal që ky i fundit ka zhvilluar me truprojat e Bashës, duke i komunikuar faktin se kreut të opozitës i kërcënohet jeta.

Sipas burimeve, kreu i shtetit kerkon informacione lidhur me sigurine e kreut te opozites, Basha.

Zëri i Amerikës: Lobimi në SHBA, Basha nuk paraqitet në Prokurori

Në Shqipëri, kryetari i Partisë Demokratike Lulzim Basha nuk u paraqit sot në Prokurorinë e Tiranës ku ai ishte thirrur në cilësinë e të pandehurit për t’u njohur me akuzën lidhur me hetimin e nisur për pagesat e bëra për lobim në Shtetet e Bashkuara të Amerikës. Zoti Basha i është drejtuar me një letër Prokurorisë, ku shpjegon se arsyeja për të cilën ai nuk paraqitet është se shkresa e organit të akuzës është përpiluar sipas tij në shkelje të ligjit.

“Në lidhje me “Ftesën për Paraqitje” të datës 12 Qershor 2019, ju informoj se njoftimi juaj nuk përmbush detyrimin ligjor të Kodit të Procedurës Penale (KPP), neni 308, pika 3, i cili kërkon që ftesa për t’u paraqitur duhet të përmbajë “parashtrimin e përmbledhur të fakteve që rezultojnë nga hetimet e bëra deri në atë çast”. Ju nuk keni parashtruar asnjë fakt që ka dalë nga hetimet në njoftimin tuaj, duke mos plotësuar detyrimet tuaja ligjore”. Shkruan zoti Basha duke shtuar se “për këtë arsye, akti juaj i njoftimit është absolutisht i pavlefshëm, sikurse përcakton neni 128/ pika 1 shkronja c, i KPP-së që parashikon se “aktet janë absolutisht të pavlefshme kur nuk respektohen dispozitat që lidhen me thirrjen e të pandehurit, viktimës ose praninë e mbrojtësit kur ajo është e detyrueshme.”

Kryetari demokrat, thekson se “duke konfirmuar gatishmërinë time për të zbatuar ligjin, kërkoj nga prokuroria që të bëjë të njëjtën gjë. Në këto kushte, kërkoj plotësimin e ftesës për paraqitje, siç ju detyron ligji, duke rikonfirmuar gatishmërinë time për t’u paraqitur sipas njoftimit të ri të dërguar nga ana juaj në përputhje me ligjin”.

Në përgjigjen dërguar prokurorisë, zoti Basha akuzon sërish organin e akuzës se ka vepruar, sipas tij me një prapavijë politike. “Unë jam paraqitur në organin e prokurorisë mbi këtë çështje sa herë është kërkuar, në përputhje me ligjin. Këtë e kam bërë në respekt të plotë të ligjit, pavarësisht se në të gjitha rastet, thirrja e Kryetarit të Opozitës në prokurori mbi këtë çështje, është bërë gjithmonë pas paralajmërimit disa ditë përpara nga Qeveria dhe sa herë kjo e fundit ka qenë nën akuzë publike për skandale kriminale apo korruptive”, shkruan Kryetari I PD-së.

Edhe javën e shkuar, në reagimin e tij ndaj thurrjes nga ana e prokurorisë, zoti Basha bëri përgjëgjës direkt kryeministrin Rama që sipas tij “me metoda putiniane, ka vendosur të hapë hetime kundër meje, me akuza qesharake, të sajuara keq nga prokuroria e tij politike. Edi Rama ka një vit e gjysëm që mban si shpatë në dorë një hetim absurd, pa prova dhe pa asnjë fakt kundër Partisë Demokratike. Tani që është në dëshpërim për të larguar vëmendjen nga kriza politike dhe skandalet për bashkëpunimin me krimin për të vjedhur zgjedhjet, Edi Rama ka vendosur që të sajojë akuza absurde për të shpërqendruar publikun”. Sipas zotit Basha “Edi Rama ka menduar se do të më trembë mua apo do të stepë opozitën, por do ta kuptojë shpejt se unë as nuk trembem dhe as nuk tërhiqem!”.

Sipas hetimit, mësohet se ka rezultuar se “paratë janë paguar nga një kompani kompani offshore dhe se Partia demokratike nuk ka raportuar në mënyrë të rregullt, pranë Komisionit Qëndror të Zgjedhjeve, paratë e shpenzuara, duke ju shmangur kështu legjislacionit për parandalimin e pastrimit të parave”.

Çështja e pagesave për lobim të kryera nga ana e PD-së u hap në nëntorin e vitit 2017, kur firma lobuese amerikane ‘Muzin Capitol Partners’ plotësoi me informacione shtesë deklarimet e saj të detyruara me ligj për Departamentin e Drejtësisë. Sipas deklarimeve të kompanisë ‘Muzin’ ajo ka marrë tre pagesa, në një shumë prej 675 mijë dollarësh, për punën e saj në favor të Partisë Demokratike në vitin 2017: pagesa e parë mban datën 24 mars 2017 dhe është bërë nga firma ‘Biniatta Trade LP”, me një vlerë prej 150 mijë dollarësh, dy pagesat e tjera janë bërë nga Partia Demokratike, njëra më 27 mars, për 25 mijë dollarë, dhe tjetra më 9 qershor për 500 mijë dollarë. Nga këto deklarime të firmës Muzin, vetëm ajo prej 25 mijë dollarësh, është pranuar nga kryetari i PD-së, të jetë paguar nga Partia e tij.

Partia Demokratike nuk ka pranuar asnjëherë lidhjet me firmën ‘Biniatta Trade LP”, e cila rezulton e regjistruar në Edinburg të Skocisë dhe është në pronësi të një zinxhiri kompanish të regjistruara në Belizë – një shtet i Amerikës Qendrore, i njohur si parajsë fiskale e që fije të ndryshme e lidhin dhe me shtetas rus. PD ka deklaruar publikisht se “nuk ka thyer asnjë ligj, as shqiptar, as amerikan dhe të asnjë vendi tjetër. Partia Demokratike nuk ka patur e nuk ka asnjë lidhje direkte apo indirekte me individë apo kompani ruse”.

Lidhur me pagesën prej 500 mijë dollarësh që Muzin ka deklaruar se janë bërë nga PD, zoti Basha ka dhënë shpjegime kontradiktore. Në mars të vitit të shkuar ai ishte shprehur se nuk është bërë asnjë pagesë e tillë nga Partia Demokratike”. Ndërsa në nëntor të 2017 e kishte shpjeguar këtë shumë me pagesën e kryer falë një mbledhje fondesh nga një numër i madh shqiptaro amerikanësh, por që nuk kishte kaluar përmes partisë.

Nuk dihet se çfarë provash Prokuroria ka në dipozicion, dhe nëse ajo ka siguruar dokumenta të reja. Marsin e kaluar ajo shpjegoi se “ka një diferencë thelbësore mes deklarimeve të bëra zyrtare për shpenzimet e bëra nga PD dhe shpenzimeve reale të saj: PD ka deklaruar vetëm 25 mijë dollarë, por nuk ka bërë deklarime për shumën prej 650 mijë dollarësh. Në dokumentat e mbërritura nga SHBA-ja dhe Skocia dalin qartë pagesat e bëra dhe të padeklaruara, pra PD nuk ka bërë asnjë deklarim për këto pagesa në kundërshtim me ligjin” – theksohej në deklaratën e prokurorisë të pak muajve më parë. Sipas saj, nga provat e administruara në dosje rezultojnë të jenë kryer dy pagesa në shumën prej 650 mijë dollarësh për efekt lobimi në SHBA, të cilat PD nuk i ka deklaruar ligjërisht. “Njëra nga këto pagesa rezulton të jetë bërë nga një shoqëri e huaj dhe konkretisht Biniatta Trade” – deklaroi prokuroria e Tiranës në mars.