VOAL

VOAL

Please Wait ...
0%

Akademikët nga Presheva kanë deklaruar vazhdimisht: Ashtu si veriu i Kosovës edhe Presheva, Medvegja, Bujanoci janë Kosovë, janë Shqipëri

By | October 15, 2019

Komentet

A po lihet qëllimisht Medvegja jashtë listës së përbashkët për deputet? – Nga Muharrem Salihu

Zgjedhjet parlamentare në Serbi janë në prag. Forcat politike shqiptare, kryesisht në 3 komunat shqiptare në jug të Serbisë: Medvegja, Bujanoci dhe Presheva janë përballë një dileme të madhe, por edhe jetike njëkohësisht për të ardhmen e shqiptarëve në trojet e tyre autoktone: Të marrin pjesë apo të bojkotojnë zgjedhjet parlamentare?

Bojkoti i zgjedhjeve ju heq zyrtarisht shqiptarëve mundësinë që të jenë të përfshirë si minoritet në pushtetin legjislativ në Serbi, për pasojë nuk do të kenë një zë që të përcjellë shqetësimet e tyre. E kundërta, pjesëmarrja zyrtarizon njohjen de jure të situatës dhe të politikave serbe në dëm të shqiptarëve, pasi është njohur në këtë mënyrë numri i shqiptarëve që ka dashur qeveria serbe të prezantojë se ka në Serbi. Ndaj, pjesëmarrja në këto zgjedhje nëse realizohet pa një bashkërendim mes drejtuesve politikë shqiptarë, mund të klasifikohen si thikë me dy presa.

Medvegja

Drejtuesit politik shqiptarë në Preshevë dhe Bujanoc kanë obligim patriotik, moral dhe politik të punojnë dhe luftojnë të bashkuar për të mbrojtur kauzën e shqiptarëve në Serbi, kryesisht atyre në Medvegjë. Prezenca e shqiptarëve në zgjedhje duhet të kushtëzohet me kthimin e adresave që u janë pasivizuar të gjithë medvegjasve. Kjo gjë u kthen atyre dinjitetin dhe i bën të jenë të gjallë mes të gjallëve. Medvegja ka më shumë nevojë që kjo pjesë e popullatës që është persekutuar përmes pasivizimit të adresave të përfaqësohet në parlamentin e Serbisë, sesa medvegjasit që janë kursyer nga pasivizimi i adresave.

Ndihma ndaj popullatës medvegjase së shtypur, të çregjistruar dhe të fshirë nga regjistrat civilë është emergjencë kombëtare dhe forcat politike shqiptare në Serbi nuk duhet të heshtin. Lëshimi i territoreve shqiptare të Medvegjës në kohë paqe, por që nuk u realizua as me luftë, është baraz me shitje të territorit shqiptar dhe klasifikohet si tradhëti kombëtare. Në emër të medvegjasve të cënuar, ju bëj thirrje liderve shqiptarë në Serbi, që të bashkojnë forcat, të kthejnë sytë nga Medvegja që po lëngon dhe ta bëjnë çështje të kauzës së tyre. Historia nuk do ua fali. Ndaj lënia e medvegjasve pa përfaqësi në listën e përbashkët të forceve politike nga Presheva dhe Bujanoci nuk është e rastësishme. Nga ana tjetër qeveritë shqiptare po ndihen të pafuqishme përballë kësaj situate të rënduar në Medvegjë.

Salihu

Kjo kohë negociatash për rikthimin në tryezën e bisedimeve të Kosovës dhe Serbisë, është vendimtare edhe për të ardhmen e medvegjasve dhe të shqiptarëve në tërësi që jetojnë në Serbi. Përfshirja e partive poitike shqiptare pa kushte në zgjedhjet parlamentare në Serbi sjell të mira vetëm për Serbinë, në të paktën dy aspekte themelore: së pari, do të lehtësojë pozitën e Serbisë në bisedime, pasi prezenca e shqiptarëve në zgjedhje do të përkthehet si dakordësi me politikat serbe, ndaj nuk do të ketë një çështje të shqiptarëve të Serbisë për diskutim mes Kosovës dhe Serbisë; dhe së dyti, Serbia siç e ka nisur, ka gjasa të shpopullojë Medvegjën nga shqiptarët, duke u rrëmbyer në ditën me diell dhe në shekullin e XXI tokat autoktonëve, që nuk arriti t’ua marrë në 140 vite përpjekje e zbatim të politikave shoviniste e shfarrosëse që ka ndërmarr ndërvite kundër shqiptarëve.

Koha nuk pret më! Medvegja duhet mbrojtur dhe jo braktisur!’

* Muharrem Salihu-Themelues AFEDS- Këshilltare Komunal Medvegjë– kryetar dege APN

Rasti “veteranët”, mbetet i paqartë numri i përfituesve të pensionit

Arton Konushevci

Përfaqësuesit e Organizatës së Veteranëve të Luftës së Ushtrisë Çlirimtare të Kosovës, thonë se rreth dy mijë persona, kryesisht ata që kanë falsifikuar dokumentet për ta fituar statusin e veteranit të luftës, janë larguar nga lista e pëfituesve të pensionit. Por këto të dhëna nuk janë konfirmuar nga Ministria e Punës dhe Mirëqenies Sociale, e cila nuk ka informacione se dikush është larguar nga lista e pensionit të veteranit të luftës.

Hysni Gucati, kryetar i Organizatës së Veteranëve të Luftës së UÇK-së, thotë për Radion Evropa e Lirë se ka rënë dukshëm numri i personave që tash nuk marrin pensione. Nga shifra prej rreth dy mijë vetave, sa ai mendon se janë larguar nga lista, Gucati thotë se 400 prej tyre ishin nga Shqipëria.

“Rreth dy mijë (2.000) veta janë larguar nga pagat. Njëzet (20) veta janë persona që janë zënë me certifkata dhe vendime false (të rreme), ata veç janë duke e vuajtur dënimin dhe janë të regjioneve të ndryshme, të komunave të ndryshme. Kështu që kjo është reale. Muajin e kaluar 2, mijë veta nuk kanë marrë paga fare se janë të larguar nga listat”, tha Gucati.

Gucati, tha se në muajin dhjetor 2019, pensione kanë marrë më shumë se 37 mijë veteranë.

“Deri vonë, pensione kanë marrë mbi 39 mijë, tash ka ra numri në mbi 37, mijë. Do të thotë prokuroria është duke punuar. Ne e kemi përkrahur prokurorinë edhe më herët, do ta përkrahim edhe tash se për ne është mënyra më e mirë që ka filluar puna gradualisht, pa zhurmë, që po largohen nga listat e pensioneve ata që se meritojnë”, tha Gucati.

Në anën tjetër, në Ministrinë e Punës dhe të Mirëqenies Sociale thonë se pavarësisht hetimeve, ministria nuk është e informuar zyrtarisht nga askush lidhur me largimin nga lista të asnjë personi që ka marrë më herët pension.

Në këtë ministri, thonë se shifrat bazohen në Draftin e Listës së Familjeve të Dëshmorëve dhe Invalidëve të Luftës.

“Nga lista e përfituesve të pensionit të veteranit të luftës nuk është larguar asnjë shfrytëzues, si mashtrues, apo siç po quhen “veteran të rrejshëm”, pasi që në këtë departament nuk ka ardhur asnjë kërkesë zyrtare nga organet kompetente për ndërprerje të pensionit. Ligjërisht derisa ne nuk kemi asnjë shkresë të tillë zyrtare, nuk mund të largohet askush nga lista”, tha Ministria e Punës dhe Mirëqenies Sociale në një përgjigje me shkrim.

Sipas të dhënave nga kjo ministri, në muajin dhjetor të vitit 2019, në skemën e përfituesve të veteranëve të luftës kanë qenë 38,101 veteranë, kurse në janar të këtij viti në listën e pagese janë 38,156 përfitues të kësaj skeme, që nënkupton shtimin e numrit të përfituesve dhe jo pakësimin e tyre.

Ndërkohë, Hysni Gucati thotë për Radion Evropa e Lirë se nuk e din se si janë raportet e bashkëpunimi mes ministrisë apo qeverisë dhe mekanizmave të tjerë për për ketë çështje, por ai shprehet i bindur që më shumë se dy mijë persona janë larguar nga lista.

Gucati tha se as shoqata që ai përfaqëson, nuk ka arritur të sigurojë një listë finale të personave që marrin pension si veteran.

“Listat nuk na i kanë dhënë, i kam kërkuar disa herë. Kam kërkuar të di sa marrin paga edhe sa kanë hyrë gjatë këtij vit. Kështu që mua, zyra për këtë çështje, që është pranë kryeministrisë, nuk më ka dhënë asnjëherë përgjigje”, tha Gucati.

Prokuroria Speciale e Kosovës, nga provat e siguruara ka vërtetuar se nga pagesat e kundërligjshme për veteranët luftëtarë të ish-Ushtrisë Çlirimtare të Kosovës, buxheti i Republikës së Kosovës është dëmtuar në shumën prej mbi 68 milionë eurosh.

Kjo Prokurori ka njoftuar kohë më parë se “ka ngritur aktakuzë, të cilën e ka dërguar në Gjykatën Themelore në Prishtinë, kundër 12 të pandehurve, për lëndën e njohur në opinion si ‘veteranët’, në drejtim të veprës penale keqpërdorim i pozitës apo autoritetit zyrtar”.

Prokuroria e Shtetit ka thënë se numri i përfituesve të jashtëligjshëm nga kjo kategori, mund të jetë deri në 19 mijë veta.

Një numër kaq i madh i përmendur nga Prokuroria, kishte nxitur reagimin e Organizatës së Veteranëve të Luftës së UÇK-së, duke thënë se në këtë listë më numër kaq të madh të personave, kishte edhe emra të shumë ish-luftëtarëve që kanë luftuar nën emblemën e UÇK-së.

Kjo organizatë ka shprehur zhgënjimin lidhur me atë se si si prokuroria ka bërë gabime të tilla, duke kërkuar përmirësim të menjëhershëm të listave.

Hetimet po zhvillohen në rajone të ndryshme të Kosovës. Kështu vetëm në Prokurorinë Themelore në Prizren kanë thënë për Radion Evropa e Lirë së se janë duke u hetuar rreth 150 persona.

“Prokuroria Themelore në Prizren ju njofton se, sa i përket rasteve të manipulimeve me listat e veteranëve, në Prokurorinë Themelore në Prizren janë duke u hetuar rreth 150 persona. Prokuroria është akoma në fazën fillestare të grumbullimit të informacioneve dhe provave të nevojshme, dhe se për rastet në fjalë do të veprohet konform dispozitave ligjore”, thuhet në përgjigjen e prokurorisë.

Po në Prizren, Gjykata Themelore tha për Radion Evropa e Lirë se janë të informuar për 32 raste, por që ende nuk ka një vendimi gjykimi.

Përdorimi i detyruar i pajisjeve antisizmike duhet vendosur në Kodet e Projektimit Nga Tanush Çaushi

Një fjalë e një njeriu të madh thotë: Kur nisesh për udhëtim, përgatitu.

Në këtë mënyrë mendoj se është koha që të përgatitemi për fatkeqësitë natyrore dhe për tërmetin veçanërisht. Angazhime konkrete duhet të merren për këtë çështje dhe jo të mbetemi thjesht në kuadrin e fjalës “do to bëjmë”. Pas edhe opinioneve dhe rekomandimeve të profesorëve, specialistëve implementimi I kodeve të reja të projektimit duhet përshpejtuar. Zvarritja dhe burokracia për këtë çështje është shumë e dëmshme. Strategji konkrete të shoqëruar me një afat konkret për realizimin e implementimit të Normave Europiane të Projektimit Eurokodet) dhe Anekseve Kombëtare nuk duket në horizont. Në këtë çështje nuk ka vend për populizëm, por për veprim konkret dhe të shpejtë.

Përgatitja duhet të konsistojë në shumë aspekte, duke nisur që nga Fondet e Emergjencës, Modernizimi Emergjencat Civile e deri tek përgatitja e popullsisë në raste të fatkeqësive natyrore.

Por, ajo që mbetet si çështja më vitale dhe rrënja e zgjidhjes së problemit është faza e projektimit dhe ndërtimit të objekteve.

Të dashur lexues, ç’do zhvillim e ka një kosto. Problemi nuk është të ndalim zhvillimin, por ta kontrollojmë atë në mënyrë që të minimizojmë risqet e larta dhe eleminojmë risqet aq sa të mundemi.

– Po çfarë mund ti bëjmë ne fatkeqësive natyrore si tërmeti fjala vjen? – do pyeste dikush me të drejtë.

Shqipëria, si një vend sizmik me rrezikshmëri të lartë, duhet që të adaptojë edhe rregulla më të forta nga pikëpamja inxhinieriko-projektuese dhe zbatuese, por njëkohësisht edhe përdorimin e teknikave të reja dhe materialeve inovative, si përsa i përket projekteve të reja që do të zhvillohen ashtu edhe ato që do të riparohen. Krahas implementimit të Normave Europiane të Projektimit duhen përgatitur edhe Anekset që janë specifike për ç’do vend.

“ Unë mendoj se në këto norma të reja të projektimit duhet të sanksionohen edhe përdorimi I pajisjeve dhe materialeve inovative siç janë shuarësit e energjisë. Shuarësit e energjisë, si pajisje që montohen në ndërtesë mund të përdoren si për objektet e ndërtuara ashtu edhe objektet që do të ndërtohen”

Natyrisht që këto materiale dhe pajisje të reja kanë ndikim në koston direkte të ndërtimit, por po ta analizosh këtë kosto në raport me riskun dhe jetëgjatësinë e ndërtesës që është të paktën 100 vjet, kjo kosto është e papërfisllshme. Nga ana tjetër nëse përdorim këto materiale të reja mundet që të ulim edhe volumet e betonit dhe të hekurit, duke balancuar kështu koston shtesë.

Po shikoj së fundmi vetëm zgjidhje klasike, duke nisur nga këmishimi i kollonave dhe deri tek përforcimet tradicionale. Kjo lloj zgjidhje mendoj se nuk ofron një zgjidhje përfundimtare të problemit.

Nëse struktura nuk llogaritet dhe nga llogaritjet rezultati mos të dalë në perputhje me Kushtet Teknike të Projektimit më të përparuara siç janë Eurokodet, atëherë themi se nuk e kemi arritur objektivin.

Përveç zgjidhjeve tradicionale me hekur dhe beton, ka ardhur koha të përdorim edhe teknika të tjera:

Në vendin tonë,ndërtesat ekzistuese betonarme që përputhen me rregulloret dhe kodet relativisht të vjetra mund të kenë mungesë të rezistencës sizmike. Kjo është veçanërisht e vërtetë për ndërtesat publike, siç janë shkollat ose spitalet, të cilat kërkojnë një siguri të lartë për të siguruar një qëndrueshmëri gjatë dhe pas një ngjarje sizmike.

Duhet të nxitojmë shumë të dashur politikanë, vendimarrës dhe e dashur Ministre e Infrastruktures.

Duhet të përgatitemi për udhëtimet e reja që na presin dhe në këtë rast për Tërmetin.

Gjermania e heq Kosovën nga Lista e Shteteve për Verifikim të Sigurisë, Haradinaj e përshëndet vendimin

Kryeministri në detyrë, Ramush Haradinaj ka njoftuar se Gjermania ka marrë vendim që të hiqet Kosova nga lista e Shteteve për Verifikim e Sigurisë, raporton Gazeta Express.

Haradinaj ka shkruar në Facebook se që nga sot Gjermania dhe Kosova janë më afër se asnjëherë më parë.

“Vendimi që Qeveria e Republikës Federale të Gjermanisë nga 24 Janari i vitit 2020 ka hequr Republikën e Kosovës nga Lista e Shteteve për Verifikimin e Sigurisë të njohur ndryshe edhe si SÜG (Sicherheitsüberprüfungsgesetz) është një lajm i mrekullueshëm dhe i rëndësisë së veçantë për Kosovën, Gjermaninë dhe shtetasit e dy vendeve”, ka deklaruar ai.

Kryeministri në detyrë ka deklaruar se ky vendim hap një kapitull të ri të marrëdhënieve bilaterale mes Kosovës dhe Gjermanisë dhe thellon raportet tona ndërshtetërore.

“Faleminderit Qeverisë gjermane, organeve të sigurisë dhe Kancelares Merkel”, ka shkruar Haradinaj.

Ambasadorja Kim thekson mbështetjen e SHBA ndaj Shqipërisë

Në Shqipëri, ambasadorja e re amerikane Yuri Kim tha sot se Shtetet e Bashkuara e vlerësojnë Shqipërinë si një aleatet e partnere të vërtetë dhe se ato janë të përkushtuara të mbështesin të ardhmen e vendit. Ajo vuri theksin te zbatimi i Reformës në Drejtësi, lufta kundër krimit të organizuar dhe korrupsionit, çështje për të cilat shpjegoi se do të punojë me udhëheqësit shqiptarë.

Ambasadorja amerikane Yuri Kim i paraqiti sot letrat kredenciale presidentit shqiptar Ilir Meta. Pak orë më pas, ajo ju drejtua shqiptarëve me një mesazh ku vuri theksin te marrëdhëniet e veçanta mes Shteteve të Bashkuara dhe Shqipërisë. “Pak miq e kanë përqafuar Amerikën më me ngrohtësi, pak aleat kanë qenë më besnikë dhe pak partner kanë gatishmërinë dhe vullnetin për të bërë më shumë me SHBA-të se sa Shqipëria”, deklaroi ajo.

Ambasadorja amerikane i mëshoi përkushtimit të Shteteve të Bashkuara për të ndihmuar Shqipërinë. “Sot ne qëndrojmë me ju jo vetëm në mbështetje të lirisë dhe sovranitetit por dhe në mbështetje të të së ardhmes së Shqipërisë. E dimë se ka punë të vështira përpara, por dimë se dhe puna më e vështirë bëhet më e lehtë kur ke miq e aleat përkrah teje SHBA-të janë të përkushtuara ta ndihmojnë Shqipërinë të bëhet një aleate dhe më e fortë e më e aftë. SHBA-të janë të përkushtuara ta ndihmojnë Shqipërinë të forcojnë kandidaturën e saj për në BE. Ne do të vazhdojmë të mbështesim aspiratën e palëkundur të popullit shqiptar për liri, drejtësi dhe një sistem ku secili duhet të respektojë të njejtat rregulla”.

Ambasadorja amerikane vuri theksin gjithashtu te Reforma në Drejtësi dhe lufta ndaj krimit të organizuar dhe korrupsionit, “Pres me kënaqësi të punoj me udhëheqësit shqiptarë ndërsa ata ndërmarrin hapa të vështirë, por absolutisht të nevojshëm për të zbatuar Reformën në Drejtësi, për të ndjekur penalisht krimin e organizuar dhe për të larguar korrupsionin nga sistemi shqiptar.Jam besimplotë se teksa drejtësia dhe integriteti të hedhin rrënjë në Shqipëri, më shumë investitorë do tërhiqen drejt Shqipërisë, në mënyrë që të mund të krijojnë më shumë vende pune dhe mundësi si për amerikanët dhe për shqiptarët”.

Ambasadorja Kim kujtoi mbështetjen që Shtetet e Bashkuara dhanë për Shqipërinë që në fillim-shekullin e kaluar kur “presidenti Uillson ngriti zërin për Shqipërinë, kur askush nuk e bëri. Kur nuk lejoi fuqitë e mëdha të ndanin Shqipërinë në konferencën e Paqes në Paris”. Zonja Kim, nënvizoi se as komunizimi nuk mundi të ndante të dy popujt. “Ne qëndruam të lidhur dhe folëm me njëri tjetrin përmes Zërit të Amerikës, i cili jo vetëm transmetonte lajme por dhe shkëndija shprese. Këto shkëndija të shpresës ndezën shpejt të gjithë Shqipërinë dhe ne qëndruam me ju në vitin 1991 ndërsa u çliruat nga vargonjtë e diktaturës dhe të komunizmit”.

Për të forcuar dhe më tej mesazhin e mbështetjes ndaj Shqipërisë, ambasadorja zgjodhi të mbyllte fjalën e saj duke folur në shqip, kur tha se “Ne jemi ende me ju krah për krah”.

Emërohen zyrtarët që do të negociojnë linjën hekurudhore Prishtinë-Beograd

Ministri në largim i Infrastrukturës dhe Transportit në Qeverinë e Kosovës, Pal Lekaj ka autorizuar Xhemë Veselin, drejtor i Departamentit dhe Infrastrukturës tokësore dhe Ramë Çupevan, drejtor i Infrastrukturës rrugore që të udhëheqin negociatat për fillimin e linjës hekurudhore me Serbinë.

Grupet punuese nga Kosova dhe Serbia do të takohen të hënën në Berlin të Gjermanisë, për të diskutuar me të dërguarin e posaçëm të Shteteve të Bashkuara për dialogun Beograd-Prishtinë, Richard Grenell rreth vendosjes së linjës hekurudhore midis dy vendeve.

Në një bisedë për Radion Evropa e Lirë, Lekaj ka thënë se pala kosovare është e përgatitur për arritjen e një marrëveshjeje.

Përveç linjës hekurudhore, më 20 janar 2020, delegacionet nga Prishtina dhe Beogradi, me ndërmjetësimin e diplomatëve amerikanë, kanë nënshkruar një letër të interesit për hapjen e linjës ajrore në mes Prishtinës dhe Beogradit.

Kompania gjermane, “Lufthansa”, do të operojë në këtë linjë. rel

Publikohet një bisedë telefonike e Trumpit në lidhje me Ukrainën

Një audio incizim i publikuar i vitit 2018, ka nxjerrë në pah një bisedë të presidentit të Shteteve të Bashkuara, Donald Trump, i cili kishte pyetur donatorët mysafirë në një darkë se sa gjatë mendojnë që Ukraina mund t’i bëjë ballë agresionit rus.

“Sa kohë do të mund të qëndronin në luftë me Rusinë?” është dëgjuar Trump duke i pyetur ata, në incizimin e publikuar nga mediat amerikane më 25 janar.

Dikush tjetër dëgjohet duke thënë “Pa ndihmën tonë, jo shumë gjatë”

“Pa ne?” – kishte pyetur Trumpi.

Trump po ashtu pyet nëse Kievi ndihet i sigurtë në një konflikt të mundshëm me Rusinë, derisa dikush përgjigjet“ se ata do të ndiheshin të sigurtë vetëm nëse i mbështetni ju”.

“Jemi vetëm ne ata që gjithmonë duhet të mbështesim dikë”, tha Trump i cili vazhdoi me fajësimin e shteteve evropiane që nuk e bëjnë të njejtën gjë.

Ndërkohë, prokurorët nga Dhoma e Përfaqësuesve e SHBA-së po paraqesin argumentet e tyre hyrëse në procesin e gjykimit ndaj presidentit amerikan, Donald Trump, që po zhvillohet në Senat.

Trump akuzohet për një bisedë telefonike që ka zhvilluar me presidentin ukrainas, Volodomyr Zelenskiu më 25 korrik të vitit të kaluar, gjatë se cilës ai i ka kërkuar Kievit të hetojë rivalin e tij politik, ish-nënpresidentin amerikan, Joe Biden.

Biseda telefonike ka nxitur një informator qeveritar që të nisë ankesë, çka më pas ka shtyrë Dhomën e Përfaqësuesve të akuzojë presidentin për abuzim të pushtetit dhe pengim të punës së Kongresit.

Trump e ka cilësuar këtë proces “të rremë” dhe seancat si “gjueti shtrigash”. rel

Shqiptare mos ikni ripertrihuni ! Nga Merita Bekteshi Urbano

Viti 1990. Edhe nje koshere bletesh te perdorur po ta merrje nga Italia ne Shqiperi e shitje sepse sapo kish lind shpresa. Shpresa, kjo blete qe na pickoi te gjitheve me mrekulline e saj veteprodhuese..
E kur ka shprese, gjallnohet e perparon gjithçka .Shpresa asht lokomotive, sidomos ne vende me popullsi si tonat, ku shpirti manovron mendjen.

Kishte nje skice qe do zbatohej pas atij viti ,demokratizimi I vendit ,skice e cila u keqperdor nga drejtuesit e politikes Shqiptare.Ata nuk punuan kryesisht per te ardhmen e Atdheut,por te familjeve te tyre.Keshtu ne 30 vjet ata konsumuan thesarin e pashtershem ,shpresen.! Abuzuan kaq shume me shpresen e shqiptareve dhe cdo projekt ekonomik,social,politik,qe ata firmosen e bene pa pespektive. .Ndertuan nje shtet pa bazament .Te mendosh per te ardhmen e nje populli do te thote te jesh strateg ,te kesh bere jo vetem politike, por strategji ,qellime,arritje,realizime ,te gjitha keto ne dobi te mireqenjes kolektive,duke realizuar shpresen .Por nuk ndodhi keshtu tek ne.Shpresa u vra,politika kishte deshtuar.

Per t’i shpetuar ballafaqimit me deshtimin ,klasa politike shqiptare kerkoi partneret per alibi, u premtoi, i joshi me perralla historike te tipit misticist…..Pikerisht kjo fryu edhe problemet me ballancat njerezore. Shkaterrimi i akademise se shkencave me militante e aventuriere pezulloi zhvillimin historik te vendit ,.Pa te shkuar nuk ka te ardhme.,e kete komunistet e dinin mire ,prandaj dhe nuk hoqen asnjehere dore nga memoria historike ,tek ajo ishte pergjegjesia kapitale e tyre.Pa pergjegjesi ,ska demokraci.

Qeveritaret tane ,u treguan unike per nga egersia dhe vetbesimi i tyre politik….

30vjet asnje strategji per kthimin e shqiptareve ne Shqiperi e sidomos per ndalimin e emigrimit masiv..30 vjet asnje bazament per nje stabilitet financiar te qendrueshem e te bazuar ne ballancen ekonomike, produktive dhe komerciale.30 vjet asnje permiresim ne mardhenjet sociale ,vetem largim nga princimet humane,te bashkejeteses,te altruizmit, te harmonise ,dhe drejtesise mes njerezve…Institucionet shteterore edukuese te shnderruara ne laboratore ku eksperimentohej durimi njerezor…U thellua disarmonia sociale mes njeriut dhe natyres,mes njerezve me njeri tjetrin .

Pervec kesaj, lloj lloj misionaresh te huaj hyne ne kete vend te hapun si shoshe ,per qellime strategjike ,ekonomiko-politike e sociale te djallezuara ,pa asnje sfond perparimtar perkundrazi,me pretekstin e nje shoqerie te hapur ,krijuan nje vend jashtokesor ,ku pasuria te shumfishohej si te perrallat e Alibabes dhe 40hajduteve.. Kjo qe perralle nga e kaluara ,ku nje ushtri rendi ne gjith boten , per te gjete nje thesar ,e pasi e varrosi ne nje shpelle ,e mbylli ate me fjalen magjike ….Ate fjale qe as ata e as ne nuk ditem ta lexonim si duhet .Ajo fjale qe krijoi dhe lartesoi oksidentin ishte tradita ! Pikerisht aty qendron shpresa ,tek tradita.

Tradita eshte ripertritje.E pikerisht per kete u them shqiptareve kudo qe jane ,kudo qe shkojne ,e kurdo qe te kthehen ,ripertrihuni ! Vetem ripertritja shpirterore do i shpetoi shqiparet nga zhdukja dhe asimilimi !

La Stampa e Torinos (1914)- Hyrja triumfale e Esat Pashës në Durrës!

Burimi : gallica.bnf.fr / Bibliothèque nationale de France

Nga Aurenc Bebja*, Francë – 26 Janar 2020

 

L’Ouest-Eclair” ka botuar, të dielën e 11 tetorit 1914, në faqen n°4, shkrimin e “La Stampa-s” së Torinos në lidhje me hyrjen triumfale të Esat Pashë Toptanit në Durrës, të cilin, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar :

 

Esat Pasha në Durrës

 

Romë, 10 tetor.

 

Një rrëfim i hollësishëm i hyrjes triumfale të Esat Pashës në Durrës sapo është dërguar në “La Stampa-n” e Torinos, nga korrespodenti i kësaj gazete në Durrës.

 

Dy orë para skadimit të ultimatumit të tij, Esat Pasha dërgoi një çetë prej dhjetë mijë ushtarësh të armatosur për të pushtuar pikat strategjike të qytetit. Senati shqiptar menjëherë i dërgoi një grup deputetësh duke i njoftuar zgjedhjen e tij si president i qeverisë së përkohshme dhe komandant i përgjithshëm i ushtrisë; gjithashtu, po ky grup e siguroi atë për besimin e pakufizuar të kombit shqiptar.

 

Në mbrëmje, Esat Pasha përshkoi portat e qytetit dhe, në mes të brohoritjeve të të gjithëve, mori rrugën e tij drejt “Kouates” ku anëtarët e trupit diplomatik ishin duke pritur ta përshëndetnin.

 

Ai i tha Baronit Aliotti, konsullit italian : “Asnjëherë deri në ditën e vdekjes sime nuk do ta harroj se një oficer italian më shpëtoi nga vrasja, se anijet italiane më mbrojtën dhe se toka juaj e bukur italiane më ngushëlloi gjatë mërgimit tim.”

 

Pastaj, duke iu drejtuar konsullit austriak, Herr Krall, ai tha : “Zotëri, ngushëllimet e mia më të sinqerta në lidhje me luftën e tanishme. Unë vij nga kampi ushtarak serb në Nish, ku pashë atje njëzet mijë të burgosur austriakë. Jam i mërzitur që nuk gjej këtu paraardhësin tuaj, Baronin Lœwenthal, kam një llogari të vogël për të zgjidhur me të.”

 

Më në fund, ndërsa njerëzit ende brohorisnin natën, Esat Pasha hyri në pallatin mbretëror, theu drynin e dyerve me duart e tij dhe u vendos i qetë në dhomën e Princ Vidit.

Në mes të dramës së gjyqit të shkarkimit, mosmarrëveshja Kosovë-Serbi gëzon vëmendje të nivelit të lartë amerikan

Ndërsa Uashingtoni është i përqendruar tek tensionet me Iranin dhe gjyqin për shkarkimin e mundshëm të Presidentit Donald Trump, dy zyrtarë të lartë të administratës amerikane, kanë bërë përpjekje këtë javë në Evropë dhe Ballkanin Perëndimor, për përparim në drejtim të zgjidhjes së një çështjeje jo shumë të njohur për shumicën e amerikanëve.

Siç njofton kolegia, Keida Kostreci, vëmendja në nivele të larta të administratës ndaj mosmarrëveshjes mes Kosovës dhe Serbisë, i ka bërë disa analistë amerikanë të vrasin mendjen se ç’vend zë kjo çështje në politikën e jashtme amerikane, në qendër të së cilës kanë qenë krizat në Korenë e Veriut dhe Iranit dhe e cila ka në qendër sloganin “Amerika e Para.”

Vetë presidenti Trump i ka kushtuar personalisht interes kësaj çështjeje, duke shprehur vlerësimin e tij në Twitter një ditë para se të fillonte gjyqi për shkarkimin në Senat.

Në një postim në Twitter të hënën në mbrëmje, ai shkruante:

“Të gjithë thoshin se nuk bëhej dot. Por për herë të parë në një gjeneratë do të ketë fluturime të drejtpërdrejta midis Serbisë dhe Kosovës. Një tjetër fitore.”

Në fillim të javës, ndërsa senatorët amerikanë debatonin për rregullat e gjyqit për shkarkimin, Këshilltari i Sigurisë Kombëtare, Robert O’Brien takoi në Davos, presidentët e Serbisë dhe Kosovës.

Richard Grenell, ambasadori amerikan në Gjermani dhe i dërguari i posaçëm i Shtëpisë së Bardhë për bisedimet Kosovë-Serbi, vizitoi këtë javë Prishtinën dhe Beogradin, duke nxitur palët të rifillojnë dialogun për normalizimin e marrëdhënieve dhe të përqendrohen tek zhvillimi ekonomik.

Edhe i dërguari i posaçëm i Departamentit të Shtetit për Ballkanin Perëndimor, Matthew Palmer është angazhuar intensivisht në këtë përpjekje diplomatike.

Në takimet e kësaj jave, ambasadori Grenell bëri thirrje për kompromis.

“Tarifat duhet të hiqen. Tarifat janë të papranueshme, dhe e bëj të njëjtën kërkesë këtu, që fushata për tërheqjen e njohjeve të Kosovës duhet të ndalet. Prandaj mendoj se ajo çka do të bëjmë është të vazhdojmë të lëvizim në këtë drejtim të përqendrimit në ekonomi”, tha ambasadori Grenell të enjten, pas takimit me Presidentin serb Aleksandër Vuçiç në Beograd, duke i bërë jehone deklaratës së ngjashme një ditë më herët në Prishtinë.

Angazhim i nivelit të lartë

As Shtëpia e Bardhë, as Departamenti i Shtetit nuk iu përgjigjën kërkesave për koment, lidhur me motivet e këtij angazhimi të nivelit të lartë.

Analistët e kontaktuar nga Zëri i Amerikës, nuk shohin ndonjë përfitim të madh strategjik nga ana e Shteteve të Bashkuara, në këmbim të rolit që ata po luajnë.

Por ata shprehen se është koha që kjo çështje të zgjidhet dhe se ajo mjnd të jetë një fitore e lehtë e politikës së jashtme amerikane, krahasuar me sfidat e tjera ndërkombëtare.

“Sipas mendimit tim, administrata po përpiqet me të gjitha forcat për një sukses, diku në ndonjë pjesë të botës. Nuk ka ndonjë interest strategjik”, i tha Zërit të Amerikës, analisti Daniel Serwer i Univerisitetit Johns Hopkins.

Damon Wilson, zëvendës president i Këshillit të Atlantikut, dha një koment të ngjashëm për shërbimin serb të Zërit të Amerikës, duke përmendur mungesën e përparimit në disa prej prioriteteve të politikës së jashtme amerikane, si Irani dhe Koreja e Veriut.

“As në Ballkanin Perëndimor, nuk është e thjeshtë të arrish sukses, por atje ke të bësh me shtete demokratike që duan të jenë pjesë e Perëndimit dhe kanë një vizion të përbashkët për rajonin, si pjesë e Evropës. Kjo na jep një mundësi të mund të kontribuojmë dhe megjithëse mund të duket e vështirë, po ta krahasosh me Iranin, Korenë e Veriut dhe Venezuelën, është e thjeshtë”, tha ai.

James Hooper, ish-diplomat i Departamentit të Shtetit thotë se një sukses në Ballkan, do të ishte i dobishëm politikisht për Presidentin Trump në këtë kohë.

“Kështu ai mund të demonstrojë se gjyqi për shkarkimin, nuk e shpërqendron nga fokusi tek siguria kombëtare dhe tek çështjet ndërkombëtare”, i tha ai Zërit të Amerikës.

Ai shton se një sukses në politikën e jashtme mund ta ndihmojë zotin Trump në fushatëm për rizgjedhje.

Por zoti Wilson thotë se nuk duhet ekzagjeruar ndikimi i kësaj nisme tek zgjedhjet.

“Nuk mund të thuash se është një çështje që mund të sigurojë mbështetjen e votuesve të Ajovas”, tha ai duke iu referuar shtetit ku do të mbahen votimet e para për zgjedhjen e kandidatëve presidencialë në fillim të shkurtit.

Shanse për përparim

Pavarësisht nga motivet e administratës, zoti Hooper e sheh angazhimin amerikan si një mundësi për përparim në marrëdhëniet e vështira mes dy vendeve.

“Është një shans i prekshëm sepse Uashingtoni po i kushton vëmendje dhe Grenell është serioz dhe ka mjaft ndikim në Shtëpinë e Bardhë”, tha ai.

Zoti Wilson thotë se duke pasur parasysh zhvillimet në botë dhe në Shtetet e Bashkuara, ky angazhim është akoma më shumë për t’u shënuar, sepse dërgon sinjalin që…

“Ne do të angazhohemi, nuk do të lëmë zbrazëtirë në Ballkanin Perëndimor, kemi një rol për të luajtur dhe do ta luajmë atë”, thotë ai.

Prof. Alon Ben-Meir i Universitetit të Nju Jorkut, thotë se si Kosova edhe Serbia, duhet të përfitojnë nga ky shans.

“Janë fqinjë, duhet të marrin e japin me njëri-tjetrin. Duhet ta pranojnë se disa realitete në terren që ata nuk mund t’i ndryshojnë. Dhe kur të arrijnë në atë pikë, veçanërisht Serbia, mendoj se do të ketë përparim”, thotë ai.

Megjithatë, tani për tani nuk duket se ka sinjale që ky mesazh po dëgjohet. Serbia e hodhi menjëherë poshtë propozimin e zotit Grenell.

“Nuk e pranoj shenjën e barazimit mes tarifave dhe tërheqjen nga fushata e mosnjohjes. Ne kemi qëndrim tjetër për njohjen e Kosovës nga Amerika dhe Prishtina. Ata duan që pavarësia e saj të njihet e në nuk duam. Sa u përket tarifave, ato janë vënë pas asnjë arsye”, tha presidenti Vuçiç.

Kosova nuk ka shprehur një qëndrim të qartë dhe situata atje ndërlikohet nga mungesa e një marrëveshjeje për qeverinë. Qeveria e drejtuar nga kryeministri në ikje, Ramush Haradinaj, i vendosi tarifat në vitin 2018, pas fushatës aktive dhe të suksesshme të Serbisë, që Kosova të mos anëtarësohej në Interpol.

Meta thirrje Izraelit: Njihni Kosovën si shtet të pavarur

Presidenti Ilir Meta në një intervistë për ‘The Times of Israel’ në Jeruzalem ka thënë se Izraeli duhet të njohë pavarësinë e Kosovës.

Meta thotë se miqësia izraelito- shqiptare u shfaq gjatë tërmetit të 26 nëntorit po ashtu ka nxjerrë dhe një fakt interesant se mësuesen e tij të parë e kishte hebre.

Ishte gazetari amerikano-izraelit, Larry Luxner, editor i lajmeve në “Washington Diplomat”, ka intervistuar Presidentin e Republikës, Sh.T.Z Ilir Meta, për gazetën me te madhe izraelite “The Times of Israel”. Luxner shkruan rregullisht për “The Times of Israel” dhe “Washington Diplomat” dhe media të tjera ndërkombëtare.

Intervista e Metës

“Unë jam këtu sepse nuk duhet të harrojmë kurrë”, – tha Presidenti Meta, duke nisur intervistën tonë ekskluzive 45-minutëshe. “Mënyra më e mirë për ta bërë këtë është të tregojmë solidaritetin tonë me ata që vuajtën kaq shumë dhe humbën jetën gjatë Holokaustit.

Ne gjithashtu duam të nderojmë të mbijetuarit që dëshmuan këtë gjenocid, dhe t’i dërgojmë një mesazh të qartë kujtdo që promovon përjashtimin, urrejtjen dhe dhunën se antisemitizmi nuk ka vend në shoqëritë tona. Në këtë Forum unë përfaqësoja Shqipërinë, e cila ishte unike jo vetëm për mbrojtjen dhe shpëtimin e të gjithë hebrenjve të saj, por edhe për mbrojtjen e mijra hebrenjve të tjerë që erdhën në Shqipëri nga vende të ndryshme për të mos u shfarosur”.

Pohimi i guximshëm i Presidentit Meta mbështetet në fakte solide historike. Pothuajse të gjithë hebrenjtë e Shqipërisë mbijetuan nga pushtimi nazist gjerman falë myslimanëve dhe të krishterëve vendas, të cilët gjithashtu strehuan mijëra refugjatë hebrenj në shtëpitë e tyre, shpesh pa marrë parasysh sigurinë e jetës.

“Ishte detyrimi ynë për ta bërë këtë. Por ne shpresojmë që kjo lidhje e madhe midis kombeve tona do të rezultojë në një marrëdhënie më produktive për të ardhmen. Ne mund të mësojmë shumë nga Izraeli dhe gjithashtu të jemi partnerë shumë efektivë, veçanërisht në çështjet e sigurisë, sepse përballemi me kërcënime si terrorizmi dhe ekstremizmi i dhunshëm.”, – tha Presidenti Meta

Vizitë historike

Kjo është vizita e dytë e Presidentit Meta në Izrael; e para e tij ishte si Kryetari i Parlamentit të Shqipërisë, në vitin 2014. Këtë herë, ai jo vetëm që u takua me homologun e tij, Reuven Rivlin, por e ftoi në Shqipëri.

Nëse Rivlin do ta bëjë vizitën këtë vit, siç edhe pritet, ai do të bëjë histori si Presidenti i parë izraelit që viziton zyrtarisht Shqipërinë.

I ndjeri Shimon Peres udhëtoi për në Tiranë në 1994, tre vjet pasi të dy vendet vendosën marrëdhënie diplomatike, por si Kryeministër, jo si President. Në korrik 2018, zyrtarët në kryeqytetin shqiptar i kushtuan një memorial në kujtim të tij.

Presidenti Meta tha se duhet të bëhet një dallim i qartë midis politikave armiqësore anti-Izraelite të diktaturës tiranike të Enver Hoxhës dhe ndjenjave të njerëzve të zakonshëm ndaj hebrenjve.

“Megjithë retorikën e regjimit komunist kundër Izraelit gjatë asaj kohe, populli hebre në Shqipëri ishte shumë i respektuar dhe i integruar mirë në vendin tonë. Një nga mësuesit e mi më të mirë, Marlena Dojaka, ishte hebreje, dhe ne jemi akoma në kontakt. Hebrenjtë ishin ndër intelektualët më të mirë të Shqipërisë.”, – tha Presidenti Meta.

Kur komunistët u rrëzuan në fillim të viteve 1990, praktikisht të gjithë hebrenjtë emigruan në Izrael. Sot, ata dhe pasardhësit e tyre këtu numërojnë rreth 550 veta, tha drejtuesja e komunitetit Felicita Jakoel, e cila ishte midis një përfaqësuesve të bashkësisë izraelito-shqiptare për t’u takuar me Presidentin Meta para intervistës time. Organizuesi i atij takimi ishte Bardhyl Canaj, ambasadori i Shqipërisë në Izrael.

“Nëse ne tolerojmë antisemitizmin, ai mund t’i rrezikojë të gjithë, jo vetëm hebrenjtë. Gjatë Holokaustit, gjashtë milionë hebrenj u vranë. Por, të gjithë që i ‘braktisën’ hebrenjtë, në fund e kuptuan se kushdo mund të jetë viktimë e politikave të tilla”.

Përpjekjet për rikuperimin e tërmetit vazhdojnë

Meta tha se miqësia e Izraelit me Shqipërinë u shfaq më 26 nëntor 2019, kur republika Ballkanike u godit nga një tërmet 6.4 ballë që vrau 51 njerëz. IDF (ushtria izraelite) menjëherë dërgoi një ekip të specializuar për të nxjerrë të mbijetuarit dhe për të përcaktuar nëse banesat dhe ndërtesat nga ana strukturore ishin të sigurta pas tërmetit.

“Ka pasur dëme të mëdha, dhe për fat të keq patëm 51 jetë të humbura gjatë kësaj tragjedie,” tha Meta. “Por ne jemi të vendosur për t’u përballur me këtë krizë humanitare dhe kemi dhënë ndihmë për të gjithë njerëzit që vuajtën gjatë këtij tërmeti.”

Më 17 shkurt, donatorët ndërkombëtarë do të takohen në Bruksel, për të diskutuar një paketë ndihme masive për Shqipërinë, e cila pësoi një humbje ekonomike të vlerësuar prej 1 miliard eurosh. Presidenti tha “ne do të rregullojmë buxhetin tonë në përputhje me rrethanat”.

I pyetur se çfarë i bëri përshtypje më shumë për dy ditët e tij në Izrael, Meta u përgjigj shpejt: Shkolla “Lauder” e Qeverisë, Diplomacisë dhe Strategjisë – një departament i IDC Herzliya.

“Më thanë që disa dekada më parë, shkolla përbëhej nga vetëm disa ambiente të vjetra. Por falë vizionit të Izraelit për të promovuar arsimimin e standardeve më të larta, ai u shndërrua në një institucion udhëheqës – jo vetëm në Izrael, por ndërkombëtarisht,” tha ai. “Kjo është fuqia e transformimit që ka populli izraelit, dhe kjo është diçka që duhet të mësojmë si shqiptarë, si ta transformojmë vendin tonë në të ardhmen.”

KOSOVA

Një nga qëllimet e gjata të Shqipërisë është të anëtarësohet në Bashkimin Europian. Por kjo ëndërr ende nuk është realizuar.

Rruga për në Bruksel ka qenë e mbushur me pengesa, dhe e fundit erdhi në mes të tetorit 2019 kur Macron bllokoi në mënyrë të efektshme të Shqipërinë dhe Maqedoninë e Veriut nga fillimi i bisedimeve të anëtarësimit me arsyetimin se nuk kishin bërë sa duhet në lidhje me politikat ekonomike, respektimin e lirive dhe të drejtave të njeriut, antikorrupsionin dhe sundimin e ligjit.

“Ne jemi shumë të vendosur për t’u anëtarësuar në BE”, deklaroi Meta. “Është e vërtetë që Presidenti Macron ka kërkuar të rishikojë metodologjinë e zgjerimit të BE-së, dhe shpresojmë që kjo metodologji të rishqyrtohet shumë shpejt. Unë fola me të nëntorin e kaluar kur isha në Paris. Ne jemi në kontakt me BE-në dhe shpresojmë që së shpejti do t’i hapë rrugë vendimeve pozitive për Shqipërinë dhe Maqedoninë e Veriut.”

Para se të përfundoja intervistën tonë, unë e pyeta Presidentin Meta nëse Shqipëria po punon me qetësi prapa skenave për të nxitur vendosjen e lidhjeve diplomatike midis dy miqve të saj më të mirë: Kosovës dhe Izraelit.

“Kosova dhe Izraeli kanë një miqësi të madhe. Ne dëshirojmë dhe shpresojmë që Izraeli ta njohë pavarësinë e Kosovës sa më shpejt të jetë e mundur. Unë nuk mund të flas në emër të secilit vend, por ka simpati të madhe midis kosovarëve për hebrenjtë, dhe anasjelltas. Shpresoj se do të vijë koha. Deri atëherë, të gjitha mundësitë për bashkëpunim dhe zhvillim dypalësh duhet të shfrytëzohen”, – tha Presidenti Meta.

‘Në pritje të mrekullisë së 40’- Duke raportuar mes rrënojave, gazetarja turke nuk i mban lotët në raportim live

Tërmeti që goditi mbrëmjen e djeshme pjesën lindore të Turqisë ka prekur jo zemrat e këtij populli, por dhe mbarë opinionin publik. Teksa në qendër të vëmendjes janë lajmet në lidhje me operacionet e kërkim-shpëtimit në godinat e shembura, si dhe momentet plot shpresë kur nga rrënojat nxirren njerëz të gjallë, ata që padyshim e përjetojnë të gjitha emocionet njëherësh janë dhe gazetarët në terren.

I tillë është dhe rasti i gazetares së CNN turk, Fulya Oztürk, e cila teksa raportonte live nga një prej godinave të shembura nga tërmeti me magnitudë 6.8 të shkallës rihter, nuk ka mundur që t’i mbajë lotët. Gazetarja është prekur teksa forcat e kërkim-shpëtimit tentonin të nxirin personin e 40 të gjallë nga rrënojat në Elazig, vendi ky ishte dhe epiqendra e tërmetit.

Kjo ngjarje natyrshëm të kujton raportimet live të gazetarëve shqiptarë të cilët për ditë me radhë ishin në vendet që u goditën rëndë nga tërmeti i 26 nëntorit, ndërsa në lidhjet e tyre live nuk i mbanin dot as lotët.
(BalkanWeb)